كيف تراجعين الرياضيات مع طفلك في عطلة الشتاء⁉ سنة أولى ابتدائي

السلام عليكم امهات شكم ان شاء الله كامل تكونوا بخير وانتوما تشوفوا في هذا الفيديو نرحب بكل وحده دخلت عندي ودارتلي اشتراك ودارت لي هذاك اللايك نقوللكم بارك الله فيكم ربي يفرحكم بنجاح ولادكم ان شاء الله تعالى يا رب العالمين اذا كنت ام وحابه طفلك يراجع الرياضيات في عطله الشتاء بدون ملل ويتعلم الحساب الترتيب والمقارنه بطريقه سهله وبسيطه في هذا فيديو موجه لك انت كام حضري القلم والدفتر وخلي طفلك يخدم معايا خطوه بخطوه الحاجه الاولى اللي حبيت نقولها لكم للمشتركات الجدد بيان سوغ ما تنساوش ديروا كراس الام في المنزل راهو مهم جدا جدا وتبعي معايا كامل التمارين اللي نديرهم يوميا نحاول قدر المستطاع هذ العطله باذن الله ندير لكم تمارين كسا سوا في العربيه ولا في اللغه المهم نطوروا من التلاميذ تاوعنا ما يجي يجي الفصل الثاني نكونوا فهمنا البرنامج تاع الفصل اللي راهو جاي باذن الله واش درت لكم هنايا خياتي هنا نبداو بالحساب نقولوا للطفل يعني نعدوا بهدوء وما نستعجلوش الام تفهم وليدها ما تزربش ما عودتكم دائما مثال عندنا امثله هنا احسب ما يلي درت لكم 4 ناقص اثنان نفهموه بطريقه الاصابع خياتي صبحتي راني منقيه الزيتون حاشاكم ما تضحكوش عل والله غير غسلتهم ونقيتهم وكيف كيف المهم تبعوا انتما الورقه فقط 4 ناقص اثنان نقولوا له ينحي زوج اصابع شحال قعدوا لي ولا نعلموا الطفل نتاعنا في ورقه هكذا اربعه يدير هكا خطوط نقصوا اثنان قولله يشطب اثنان شحال قعدوا زوج هذه هي الام تفهم الولد تاعها هكذا بهذه الطريقه يعني طريقه ممتعه وتترسخ في الذهن تاع الطفل نروحوا للتمرين الاخر عدد اخر 6 ناقص 5 ناقص 5 1 2 3 4 5 نحوهم شحال قعد واحد نكتبوا العدد هنايا 7 ناقص 2 كيف بالاصابع سبعه نقصوا لها زوج نحولها شحال تقعد هكذا امهات يفهموا ولادهم ونكمل درت لكم 4 زائد 3 5 زائد وهنا خياتي نفهمكم حاجه كي ديروا هنايا الاعداد كوني ذكيه ديري للطفل تاعك العدد اللي راهو ناقص فيه خليه يكتبوا وباسكو بزاف تلاميذ يعني نقول لكم امهات حت ما تتقلقوش كي الطفل يقلب الرقم عادي جدا يلحقوني اسئله بزاف وليدي يقلب الارقام عادي جدا نورمال عوديه يكتب هذاك العدد و كدير له تمارين زعما يقلب الخمسه انت ديري لله 6ه ناقص واحد وشوفيه كيفاش يكتبها هنايا من بعد خليه يغلط نورمال كي يكمل كيفاش يقولوا صحيله وهنا كنصيحه خياتي في التمرين الاول نخلي الطفل يحسب بصوت مسموع يعني سمعي الطفل تاعك كيفاش راه يحسب عوديه يهضر هذا راح ينحيل الخجل في القسم راح يساعدهانيك يعني حتى تفهمي وليدك كيفاش راه يخمم قلت لك يساعده يفهم اكثر نروحوا للتمرين الثاني خياتي واش جبت لكم هنا نعلموا الطفل يشوف العدد الناقص درت لكم مثال 9 زائد شحال باش تولي لي 12 هنا خياتي ندير نقولوا للطفل تاعنا يكتب تسعه هكذا تسعه عندنا تسعه يا اخي قولوا له مور التسعه ش يجي 10 وهنا شحال طلبوا منا يساوي 12 خلاص قلناها 9 10 11 12 شحال نزيدوا نزيدوا ثلاثه نكتبوها هنايا الام هكذا تعلم الطفل تاعها تسعه زائد 3 يساوي 12 نروحوا لتمرين اخر 7 زائد شحال باش توليلي 13 نقولله يا اخي سبعه قلناها خلاص سبعه نروحوا نحسبوا اللي مور السبعه حتى نلحقوا ل 13 نحبسوا 7 8 9 10 11 12 13 شحال لقينا يا امهات نلقاو 6 7 6 يساوي تساوي 13 هكذا نكمل كامل التمارين هذوما العدد هنا تسعه شحال نزيدول لها باش تولي 20 علميه يا لو كان بورقه شوفي لو كان بخشيبه تسعه قوليله دير خشييبات علميه يا لو كان بالقرايسات هكذا في الام كي تعلم وليدها في الدار اقسم بالله غير في واسمه في القسم غير كل حاجه تسهل له ونعطيكم نصيحه العطله هذه بلاك تريحوا يا امهات يعني ريحوا بيان سوغ بصح ما تنساوش الذكر التكرار والمداومه والاستمراريه نضل نقولها لكم تبعوا لانه برنامج راكو على بالكم ماهوش ساهل بصح احنايا راح نسيو نسهلوها على الامهات في هذ العطله ان شاء الله تبعوني وراح تلقاوا نتيجه باذن الله هنا خياتي وش جبت لكم في التمرين الثالث نشطب القريسات الزائده في كل بطاقه نقولوا للطفل نعد القريصات وحده بوحده نعد يعني نحسب القريصات وحده بوحده داخل هذا واسمو الاطار نحسب 1 2 3 4 5 6 7 8 9 10 11 12 13 14 15 16 هنا شش كتبونا كتبونا 12 يلا نعاودوا نحسبوا يا امهات 1 2 3 4 5 6 7 8 9 10 11 12 شحال قعدوا اربعه نشطب على الاربعه اللي قعدوا هكذا هذه هي نزيدوا نحسبوا لاكولون اللي موراها الخانه اللي موراها وهنا كتبونا ثمانيه نحسبوا عدد اللي لقيناه زائد نشطبوه 1 2 3 4 5 6 7 8يه معنتها تسعه هذا نشطبوه هكذا هنا عطاونا عدد 10 ونحسبوا هنا شحال عطاونا اللي يجي فوق العشره نسبريميوه ولا نحيوه واحد 2 3 4 5 6 7 8 9 10 اذا هذوما نسبريميوهم هكذا هذه هي هنا في هذا التمرين الطفل يفهم العدد وما يحفظش برك يعني الام هنايا تعاون وليدها كيفاش يشطب على العدد اللي زايد داخل الخانه تمرين ساهل وبدليل الارقام كما حبيتي وديري ما يقولوا الاعداد اللي حبيتيهم هنا امهات شش جبت لكم في التمرين الرابع رتب الاعداد من الاكبر الى الاصغر نشرحوا الاكبر يعني العدد اللي فيه قريصات اكثر مثال عندنا هنايا 11 15 على بالنا باللي هنايا نبداو بالاتجاه نبداو من اليسار لليمين عطاونا قالوا لنا من الاكبر للاصغر معنتها العدد الكبير هو اللي نكتبوه هنا وهكذا 11 15 5 13 هنايا امهات هنا هذا الشريط العددي يعاونكم بالبزاف باغ اكزومبل هنايا شش عطاونا عطاونا العدد 11 وين راه 11 ها هو الاول موراها واش يجي 15 هنا ما نديروش هو الاول نديرو هكذا 15 العدد خمسه نحوسوا عليه خمسه والعدد 13 هكذا هنا نعلموا الطفل نتاعنا ك يكونوا الاعداد من الكبير للصغير يكتب لي الاعداد اللي راهم في الشريط العددي من اليمين الى اليسار وين راه العدد الاول اللي درنا النقطه في من اليمين درنا للعدد 15 يعني هنا العدد الكبير هو 15 نزيدوا نشوفوا شش جا موراه على من درنا النقطه درنا الرقم 13 كتبوا العدد 13 موراها واش جا 13 نروحوا هكذايا قلت لكم من اليمين لليسار شوفوا بعد موراها ش درنا النقطه على 11 موراها جات 11 هكذا واخيرا رقم خمسه هكذا يعني كي نرتبوا الاعداد التاليه من الاكبر الى الاصغر نروحوا في الشريط العددي من اليمين الى اليسار نروحوا هكذايا وهذا الشريط العددي يعاونكم بالبزاف يعني من بعد تستغناو عليه الطفل كي يتعود اخلاص نروحوا امهات للتمرين الخامس رتب الاعداد التاليه تصاعديا هنا راح ندير عمليه عكسيه الفوق قلنا في الشريط العددي من اليمين الى اليسار كي نكونوا من الاكبر الى الاصغر وفي الاعداد التاليه تصاعديا يعني نعلموه باللي راح نطلعوا الدرج تصاعدي معنتها الدرج معنتها تكونتحت من بعد تطلع معنتها من الصغير للكبير في الشريط العددي نروحوا نعينوا واسمهم الاعداد واش عطاونا 10 حوسوا على العشره هاهو من بعدها ش عطاونا تسعه هكذا هاهي تسعه تسعه بعدها اربعه بعدها اثنان ونروحوا دروك عمليه عكسيه من قبيل قلنا من اليمين الى اليسار من الصغير للكبير نروحوا من اليسار الى اليمين نروحوا نشوفوا الاعداد بدينا بالاثنان نكتبوها موراها ش قلنا مور الاثنان اربعه هاهي مور الاربعه واش درنا تسعه هاهي يعني بدلوا الالوان فوقها كي ندير شريط عددي زعما من الاكبر الى الاصغر ديروا لون ازرق ولا احمر ورقم اخر بدلوا الالوان باش يعرفوا ولادكم فقط موراها واش قلنا حنا العدد 10 قلت لكم الشريط هذا العددي ممتاز في يعني في الايام الاولى من بعد الطفل يتعود ويولي يعرف وحده وهنا خياتي حتى ما تقدر حتى والطفل يعني ما تعودش على الشريط العددي تقدري يعني بالاصابع فقط يعني يعرف وحده نروحوا لتمرين اخر امهات هنا اكمل العدد الذي يسبق والعدد الذي يلي نقولوا العدد الذي يسبق والعدد الذي يلي العدد الذي يسبق يعني قبله والعدد الذي يلي يعني بعده هنا واش درت لكم ارقام اربعه نقولوا قبل الربعه واش يجي يجاوبك مور الربعه واش يجي هنايا الخمسه قبل ما نقولوا خمسه قبلها واش يجي بعدها واش يجي السبعه قبل ما نقولوا سبعه واش يجي مور السبعه واش نقولوا وهي رايحه وهنايا فهميه يا ام يا امهات عفوا قوليله قبل الخمسه هو اربعه بعد الخمسه هو السته نعاودوا بزاف امثله باش يترسخ الفهم للطفل هنا امهات جبت لكم في التمرين السابع الاحظ وارتب الاعداد من الاصغر الى الاكبر نخلي الطفل يلاحظ مليح هنا درت لكم باغ اكزومبل مثال هنا باش نقارنوا من الاصغر الى الاكبر درت لكم خانه فيها واحد سته ثلاثه ودرت لكم هنايا هذا المربع مقسم الى ثلاثه هنا راح يرتب لي الطفل من الصغير للكبير هو يعني نظريا يشوف نورمالمون يجاوب والا مااررفش يروح للشريط العددي ولا بالاصابع يعني عنده خيارين شوفي بالنظر كاين اطفال اذكياء غير يشوفوا يجاوبوا كاين الشريط العددي يعاون وكاين بالاصابع هنايا بالشريط العددي نروحوا لرقم واحد هنانا نكتبوه هنا ولا نديرلهه هك السته والثلاثه هكذا من بعد واش ندير من الاصغر من الاصغر الى الاكبر قلت لكم من اليسار الى اليمين وراه العدد اللي بدينا به وشطبنا عليه هو رقم واحد نكتبوه هنايا بعدها قلنا ثلاثه من بعد الستهذا قالوا لنا من الاكبر الى الاصغر قلت لكم من اليسار الى اليمين نكمل كامل الاعداد هذوما وخلوا الطفل تاعكم يجاوب ويعني يرتبهم بهدوء وبلا ضغط يعني ما تصحيلوش من البدايه كاين امهات غير يغلط وليدها في الاول تبدا كيفاش ومنا وفهمتك وكذا خليه يعني يجاوبك بكل اريحيه بعدها جاوبيه وبالعقل عليه وهنا امهات جبت لكم مساله صغيره وبسيطه على بالي بلي الامهات راح يقولوا لي كيفاش ودرتي لنا مساله ومنا نقول لكم ما تلقوش خياتي وحاجه ما تخلعكم يعني تبعوا فقط وفهموا اطفالكم وكل حاجه راح تجيهم ساهله هنا واش درت لكم مساله صغيره وضع امين سته قريصات في علبه فارغه ثم وضعت خديجه اربعه قريصات هنا قالوا لنا باللي ست قريصات هكذا ندير حيز شحال قالوا لنا عند امين سته قريصات نعلموا الطفل يرسم اثنين ثلاثه 4 5 6 وشحال زادت دارت خديجه دارت اربع قريسات نزيدوا نرسموا اربع قريسات تاع خديجه كم قرايصه توجد في العلبه هي قالوا علبه وان درت حيز ماوش عليه انتما ديروا علبه هنا نعلموا الطفل يحسب 1 2 3 4 5 6 تاع امين نزيدوا نكمل الاعداد نكمل الربعه اللي قلناهم تاع خديجه 6 7 8 9 10 هنا شش نكتبوا شحال نا يعني عطاونا سته هكذا زائد اربعه شحال لقينا هنايا يقدر الطفل يحسب بالاصابع سته نزيدولها اربعه يجاوب يساوي 10 و ولا عمليه تاع الحيز هذا ولا خشيبات يقدر يدير هكذا واحد 2 3 4 خ 6 يزيد لها اربعه قريصات نتاع خديجه ولا خشيبات هنا شحال يساوي 6 زائد 4 يساوي 10 هايا وهنا يعني يكون الطفل تاعك فهم ديجا فهمتيه مساله في الدار قلت لكم يعني حتى بسله تاع برتقال ولا قارص فوق الطاوله تاع المطبخ وانت علمتي وليدك مساله والله صدقوني كل حاجه يعني تسهل غير بامورات تاع منزل فقط تاع مطبخ فرشيطات المغارف قطع تاع السكر الاقلام فهميه يعني في هذه الوضعيه يعني شوفوا مساله سهله يعني كاين امهات يتخلعوا تقول لك كيفاش يعني مساله وسنه اولى ومازال صغير نقول لك ساهل ماهل عودي الطفل تاعك يسمع منك هذ الوضعيات في الدار صدقيني راح يولي من المتفوقين باذن الله تعالى وهكذا يا امهات نكونوا راجعنا اهم تمارين الرياضيات لعطله الشتاء بسهوله وبدون صراخ ولا عياط وبدون ضغط على الطفل خصوصا اذا عجبك الفيديو ما تنسايش الاعجاب والاشتراك وتبارطاجو لي قناتي وقولو لي في التعليقات واش حابه ولا واش راكم حابين نشرحوا في الفيديو الجاي باذن الله تعالى ما تنساونيش باللايك والاشتراك وبارطاجو لي قناتي الله يفرحكم بنجاح ولادكم ان شاء الله ونفرح معكم باذن الله تعالى ما تنساوش دير لي التمارين هذوما وديروا كراس الام اللي مازال مادارتش كراس تاع الام نقوللكم دمتم في رعايه الله وحفظه والسلام عليكم ورحمه الله تعالى وبركاته الى اللقاء