أعبر كتابيا حقائق علمية الصف الخامس مع المعلمة عائشة الخطيب

اهلا وسهلا فيكم احلى طلاب طلاب الصف الخامس اليوم راح ناخذ درس اعبر كتابيا اعبر كتابيا درسنا اليوم كثير بسيط وكثير سهل بيحكي عن حقيقه علميه نحن بالمرات بالدروس الماضيه كنا ناخذ مهارات بستخدمها بقلب موضوع التعبير اليوم راح نحكي عن حقيقه علميه شو يعني حقيقه علميه يا انسه يعني شغله مضبوطه وصايره بالواقع وانا ما فيني اعطي رايي فيها يعني انا مثلا كاتبين هون تتمدد المعادن بالحراره ها حقيقه ولا واقع ولا خيال ولا راي ولا شو هي حقيقه انا ما فيني اقول والله مو عاجبني انه المعادن تتمدد بالحراره عجبني ولا ما عجبني مهم بالنهايه هي حقيقه بيجي واحد بقول لي يا السماء صافيه بقوله لا والله انا ماني شايف تصافي انا شايف السماء مغيمه هون فيني اعطي رايي اما به بهي الجمله تتمدد المعادن بالحراره انا ما فيني اعطي رايي اذا اول وحده الكاتب ما بيقدر يعطي رايه بالحقيقه العلميه تمام شو يعني ما بيقدر يعطي رايه يعني هو بينقل الحقيقه العلميه كما هي بدون ما يقول انا موافق او ماني موافق هي الحاله بسميها حيا حياديه يعني انا ما بعطي رايي لا بالايجاب ولا بالسلب لا بالموافقه ولا بالرفض هي اسمها حياديه الكاتب ينقل المعلومه كما هي تمام اذا طيب نحن هلا راح نشوف الجمله الثانيه الذهب لا يصدى هي حقيقه علميه انه الذهب ما بصدي فيني اعطي رايي لا اذا اذا انا هون انقل المعلومه بحياديه تمام الكاتب لا يبدي رايه بينقل المعلومه كما هي طيب يا ترى هي المعلومه دقيقه ولا غير دقيقه اذا هي دقيقه غير انه المعلومه دقيقه وثابته شو يعني ثابته يعني لا يمكن تتغير مع الزمان مو اليوم بقول لك الذهب لا يصدا بكره بقول لك والله يمكن يصدي الذهب لا اذا هذه المعلومه دقيقه وثابته تمام طيب الانسان هو الكائن الحي الوحيد الذي يستطيع النوم على ظهره على ظهره الان لاحظ كمان لما انا بكتب حقيقه علميه اختار الفاظ واضحه الفاظ دقيقه ما بيجي بيكتب لك الفاظ غامضه بده حدا يجي يشرح لك اياها يعني انت لما بتقرا تتمدد المعادن بالحراره لحالك رح تفهمها م هال المفردات الصعبه وهالجمال المكركبه اللي ما بنقدر نفهمها اذا الالفاظ دقيقه وواضحه طيب غير هيك بيجي بيقول لك الانسان هو الكائن الوحيد يعني اعطانا هون ايحاء انه ما في حدا غير الانسان بيقدر ينام على ظهره فبال الحقيقه العلميه انا فيني استخدم ارقام فيني استخدم بيانات بيانات تعرفوا تتذكروا البيان التمثيل الخطي يعني مثله يعني بيشبهوا انه نحن مثلا عندي خريطه سوريا وطوله مثلا او مساحه سوريا هالقد هي اكبر من مساحه مثلا لبنان هون في عندي بيانات انا لما برسم خط بياني لمساحات الدول بحط مساحه سوريا مساحه لبنان مساحه الاردن بهذا الخط البيان ببين معي مين اكبر مساحه مين اصغر مساحه هيك اذا المصدر الجمله الاخيره المصدر اسم غير مرتبط بالزمن اسم غير مرتبط بزمن اذا هي حقيقه واضحه مفرداتها اللي استخدمناها الالفاظ او الكلمات دقيقه بتتميز هي الجمله ب الثبات والدقه يعني انا ها الجمله ثابته دائما دائما دائما وين ما رحت ووين ما اجيت المصدر غير مرتبط بزمن كمان يا ترى في في شي جمله من الجمل اللي قراتهم في شي وده فيهم فيها خيال استعملت خيالي في شي وده فيهم عطيت فيها رايي لا اذا دائما لما بكتب الحقيقه العلميه بكتبها بعيدا عن الخيال واي كلمه بتمد للخيال بصله ما بستخدمها بقلب الحقيقه العلميه لانه الحقيقه اسمها حقيقه اما الخيال شغله انا عم اتخيلها ممكن تكون صح ممكن تكون خطا اما الحقيقه العلميه تتميز بالدقه والثبات و وواضحه واكيده تمام طيب لاحظ الان عم يقولوا لنا هون اختر الاجابه الصحيحه المعلومات السابقه هل هي راي ام حقائق اراء ام حقائق طبعا هي حقائق كيف جاءت الالفاظ دقيقه ولا تحمل اكثر من معنى يعني انا لما بقرا تتمدد المعادن بالحراره الى معنى واحد ولا فيني اقول والله يمكن ما تتمدد يمكن حراره يعني مره تمددها مره لا لا اذا تكون دقيقه هل استعمل الخيال ام الواقع هو استعمل الواقع اذا الخيا الكاتب استعمل الواقع ما حكى شيء بالخيال ابدا من هدول بنتعلم ما يلي هون بيجينا سؤال مهم بماذا تتميز الحقائق العلميه هذا السؤال الجواب واحد تتميز بالدقه والثبات شرحنا شو معناها اثنين البعد عن الخيال والفاظه ابدا الحقيقه العلميه ما بتقرب من الخيال بعيده تماما عن الخيال اختيار الالفاظ الدقيقه الفاظي بتكون واضحه دقيقه يعني بتكون كثير كثير دقيقه ما بكون انه ممكن الواحد يجي ياخذ يفهم الجمله بمعنى اخر استعمال الارقام والبيانات العلميه هي مثلا بيجي عليها مثال انه فيني اقول مثلا لغ مساحه سوريا مثلا كذا كذا بالارقام تمام يصل يصل عمر الانسان الى 82 سنه تقريبا مثلا يصل طول احمد مثلا طول احمد سنم هون عطيت ارقام وعطيت بيانات علميه تمام حياديه الكاتب اذ لا يعرض الكاتب رايه قلنا انه انا هون ما بصير اعطي رايي انا بنقل المعلومه مثل ما هي اذا هدول الخمس شغلات هن اللي بتتميز فيهم الحقائق العلميه بيجي عننا تعريف الاسلوب العلمي ما هو تعريف الاسلوب العلمي في الكتابه شو يعني اسلوب علمي يا انسه هو نفسهم هدول الحقائب شو بتتميز الحقائق العلميه قال هو الاسلوب يعني هو طريقه كتابه اسلوب يعني طريقه الكتابه الذي نعبر فيه عن الحقائق العلميه اذا انا لما بكون عمبر عم اكتب جمل فيها حقائق علميه اسمه اسلوب علمي انا عم اكتب اسلوب علمي كيف بتعرفني عم اكتب باسلوب علمي بتلاقي الجمل تبعيتي فيها حقائق علميه طيب ووصفها بدقه وتفصيل ما انه انه هي بتتميز بالدقه والثبات اذا انا بوصفها بدقه وتفصيل بعيدا عن الخيال شايفين التعريف هو نفسه هدول الخيارات بعيدا عن الخيال او ابداء المشاعر والراي الشخصي ابداء المشاعر والراي الشخصي هدول حياديه الكاتب اذا التعريف يا طلاب ههم نفسهم هذول الخمسه بس كاتبينه هيك بطريقه مانى تعداد طريقه نثريه راح ارجع عيد الاسلوب العلمي هو الاسلوب الذي نعبر فيه عن الحقائق العلميه ووصفها بدقه وتفصيل بعيدا عن الخيال او ابداء المشاعر والراي الشخصي طيب بشو بيتميز الاسلوب العلمي يتميز الاسلوب العلمي او من خصائص الاسلوب العلمي مناقشه الموضوعات العلميه ووضوح الافكار وتسلسلها اذا انا بناقش موضوع علمي بتكون افكاري واضحه وبتكون مرتبه بتسلسل واضح يعني مثلا انا لما بدي اجي احكي عن مثلا تبخر الماء فهذا موضوع علمي فانا بجي بقول تاتي اشعه الشمس مثلا على سطح المياه البحر بتيجي تسخن مياه البحر بتوصل لدرجه التبخر بتبلش تتبخر المياه شوي شوي فاذا انا حكيت عن موضوع علمي افكاري واضحه في عننا شمس ترفع درجه حراره الماء عندما تصل الى درجه التبخر فان المياه تبدا بالتبخر تدريجيا وكانت الافكار مسلسله يعني ما بجي بقول انا طلعت الشمس ام تبخرت المي لا بدها تطلع الشمس ترتفع درجه حراره المياه تصل الى الدرجه المطلوبه بعدين بتتبخر المياه ف عرفنا شو معنى الاسلوب العلمي اذا الاسلوب العلمي شو بيفرق عن الحقائق العلميه الاسلوب العلمي انا بكون عم اكتب موضوع عن شيء معين علمي بدها تكون افكاري واضحه وانا عم اكتبها ومتسلسله اما الحقائق العلميه هي عباره عن جمل مثل هدول جمل وراء بعضها البعض بتكون عم تحكي حقيقه علميه وفيها هدول الصفات دقيقه ثابته بعيده عن الخيال الفاظي دقيقه استعمل ارقام وبيانات ولا اعرض رايي الشخصي لانه في عننا حياديه للكاتب تمام الان اتدرب اذا هذول للحفظ قبل ما نوصل عند اتدرب هذول للحفظ اعاون زملائي على كتابه بعض الحقائق العلميه التي مرت معنا في سنوات الدراسه السابقه تذكروا مثلا شو مرق معي حقيقه علميه بالسنين الماضيه مثلا مراق معنا رح نكتب اول جمله مثلا ان الفعل الماضي الفعل الماضي يدل على حدث حصل ايما في الزمن الماضي هون لاحظ بها الجمله انا استوفيت كل الشروط اولا الدقه والثبات اعطيت جمل دقيقه وثابته ما ممكن تتغير بعد شوي بعيده عن الخيال ما فيها خيال الفاظي دقيقه واضحه هون قول ما في ما في ارقام وبيانات حياديه الكاتب ما اعطيت راي ما قلت لكم والله انا بس ما عجبني هالحكي لا ما بعطي راي مثلا جمله ثانيه خلينا نكتب مثلا القمر يدور حول الارض مثلا مره واحده كل 24 ساعه مثلا كل يوم ددور مره واحده هون في عندي ارقام وبيانات استخدمناها اذا هيك بيكون نكتب حقائق علميه ممكن نكتب مثلا يتالف النبات من جذر وساق واوراق وازهار ممكن نكتب مثلا المغناطيس يجذب الاجسام الحديديه اي معلومه علميه حقيقه علميه فيني اكتبها قلب الحقائق العلميه اذا هذا الدرس شو بستفيد منه يا انسه هذا الدرس تستفيد منه لما بيجيك موضوع عن حقيقه علميه بدك تعرف كيف تكتبه ما لازم تكتب فيه خيال ما لازم تعطي رايك لازم تكون الارقام والبيانات صحيحه لازم تكون دقيق بكتابه ال الكلمات والمعلومه العلميه تكون دقيقه وواضحه تمام هيك بكون خلص درس اليوم هو درس سهل وسلس بس عليك انك تفهم شو معناه حقيقه علميه شو معناه اسلوب علمي في الكتابه اسلوب علمي في الكتابه انا لما بدي اكتب جمله فيها حقيقه علميه كيف لازم تكون لازم اوصفها بدقه ما يكون فيها خيال ما ابدي لا مشاعر ولا راي شخصي افكاري واضحه ومتسلسله بتمنى لكم الفائده والمتعه ونطروني بدروس جاي ان شاء الله اذا حابين تحضروا كل الدروس والمنهاج كامل تشتركوا بقناه التليغرام اشتراك شهري لماده اللغه العربيه ول ماده الرياضيات او لوحده فيهم اذا بتحبوا التفاصيل بتشوفوها بخانه الوصف الى اللقاء