الاماكن التراثية في بلدنا الصف الرابع الابتدائي دراسات اجتماعية المنهج الجديد 2026

السلام عليكم حبايبي طلاب الصف الرابع الابتدائي يا رب تكونوا بخير معاكم مستر كريم والنهارده ان شاء الله حبايبي هنخش على درس جديد عندنا وهو درس الاماكن التراثيه في بلدنا من اسم الدرس كده حبايبي الدرس ده بيتكلم على اهم الاماكن واهم المواقع تراثيه يعني تاريخيه هي اهم الاماكن التاريخيه اللي موجوده في بلدنا مصر هنبدا ناخد كده اماكن مهمه ونبدا نبص عليها الاول لازم تعرف ان مصر بتضم سبعه مواقع تراث عالمي يعني في عندنا في مصر سبع اماكن بتصنف ان هي من التراث العالمي يعني اماكن تاريخيه عالميه العالم كله معترف بيها والعالم كله بيجي يزورها يبقى احنا عندنا في مصر كم مكان تراث عالمي هتقول ليه سبعه سبعه دول اماكن تاريخيه تعالوا بقى نبص عليهم كده ونبدا باول مكان عندنا من السبعه وهو وادي الحيتان ايه يا مستر وادي الحيتان ده ليه اسمه الحيتان اولا اسمه الحيتان حبايبي لان هو بيضم هياكل عظميه للحيتان زي الصوره اللي قدامكم كده شايفين ده هيكل عظم اهو في عظم اهو هيكل عظمي لحر يعني المكان ده زمان كان في حيتان هقول لك اه المكان ده زمان جدا من حوالي 40 مليون سنه يعني حتى قبل ما الانسان يبقى موجود على الارض زمان جدا كان في المكان ده في ميه والمكان ده كان فيه حيتان ولما الميه في المكان ده قلت بدات الحيتان تموت وبدا يظهر عندنا الهياكل العظميه بتاعتها فاحنا عندنا المكان ده في هياكل عظميه لحيتان كانت عايشه في المكان ده من 40 مليون سنه طب المكان ده موجود فين؟ موجود في محافظه الفيوم يبقى لما اجي اسالك وادي الحيطان ده موجود فين؟ تقول في محافظه الفيوم. طب ليه اسمه وادي الحيتان؟ لانه في هياكل عظميه للحيتان من 40 مليون سنه وخلي بالكم ده بيعتبر الموقع الوحيد في مصر ضمن قائمه التراث العالمي. الموقع الطبيعي طبيعي يعني عشان مكان بقى كان في ميه وحيتان وهكذا موقع طبيعي وحيد ربنا هو اللي خلقه كده في التراث العالمي. ادي يا باشا اول مكان من الاماكن التراثيه المهمه اللي هو وادي الحتان. المكان التاني عندنا اسمه جبانه منف طال بيقوللي ده مستر جبانه جبنه يعني سندوتشات وكده اقوللك لا حبيبي كلمه جبانه يعني مقبره جبانه معناها مقبره يبقى جبانه منف يعني المقبره اللي موجوده في منطقه اسمها منف طب يا مستر جبانه منف او مقبره منف دي موجوده دلوقتي فين؟ موجوده دلوقتي في قريه اسمها ميترهنا دي موجوده في محافظه الجيزه يبقى زمان كان اسمها منف المنطقه كان اسمها اسمها من في دلوقتي اسمها قريه ميت رهينه في محافظه الجيزه وخلي بالك ان الجبانه بتاعه منفي ده حبايبي بتضم مقابر يعني ايه مقابر يعني اهرامات ايه ده يا مستر هو الهرم ده مقبره اقول لك اه طبعا عارفين الاهرامات المثلثه دي دي اصلا مقبره وبيبقى مدفون فيها الملك يبقى هي بتضم اهرامات اهرامات الجيزه الثلاث اهرامات بتوع الجيزه وكمان هرم سقاره اللي هو الهرم المدرج ده اللي بيتكون من درجات هرم سقاره وكمان فيها اثار مصريه قديمه يعني اثار فرعونيه يبقى جبانه منف موجوده في قريه ميت رهينه فيها اهرامات الجيزه وفيها هرم سقاره وفيها كمان اثار مصريه قديمه وقلت لكم حبايبي كلمه جبانه معناها مقبره ثالث مكان عندنا بقى ومكان حلو جدا وانا عن نفسي بحبه جدا اسمه مدينه طيبه ايه مدينه طيبه دي هقول لك مدينه طيبه دي اللي هي محافظه الاقصر يعني محافظه الاقصر دلوقتي كان زمان اسمه اسمها مدينه طيبه وعلى فكره مدينه طيبه دي كانت عاصمه مصر القديمه كانت هي عاصمه مصر زمان من ايام الفراعنه مش احنا دلوقتي عاصمه مصر القاهره دي محافظه عاصمه مصر القاهره زمان بقى ايام الفراعنه كانت عاصمه مصر هي الاقصر وكان ساعتها اسمها مدينه طيبه وعلى فكره مدينه طيبه فيها اثار وفيها تماثيل فرعونيه كتيره زي الصوره اللي قدامكم دي يا سنه رابعه فيها معابد زي معبد القرنك وفيها كمان معبد الدير البحري وفيها منطقه اثريه تاريخيه اسمها وادي الملوك يبقى لما اجي اسالك مدينه طيبه دي فيها ايه؟ تقول لي فيها ثلاث حاجات معبد القرنك ومعبد الدير البحري وكمان وادي الملوك نخش حبيبي على المنطقه الرابعه عندنا وهي اثار النوبه اثار النوبه منطقه النوبه دي اللي هي موجوده في جنوب مصر اللي هي دلوقتي محافظه اسوان يبقى زمان كان اسمها نوباه وعلى فكره دلوقتي في ناس بيقول على النوبه النوبه دي اللي هي محافظه اسوان اللي هي منطقه في جنوب مصر طب منطقه النوبه دي فيها اثار ايه؟ قال لك ده فيها اثار من مختلف العصور التاريخيه يعني ايه يعني فيها اثار فرعونيه وفيها كمان اثار ا مسيحيه قبطيه وفيها كمان اثار اسلاميه يبقى كده هي فيها عصر تاريخي واحد ولا فيها عصور تاريخيه مختلفه؟ تقول لي فيها عصور تاريخيه مختلفه يعني انت لو رحت منطقه النوبه هتلاقي مناطق اثريه فرعونيه ومناطق اسلاميه ومناطق مسيحيه عشان كده بقول لك ان هي بتضم اثار من مختلف العصور التاريخيه يعني من مختلف فترات التاريخ في مصر فيها اثار متنوعه يعني ده معنى كلمه العصور التاريخيه يعني فيها اثار متنوعه طيب ايه الحاجات اللي موجوده في منطقه النوبه عد معايا بقى يا حبيبي اول حاجه موجوده في اثار النوبه مع بدي ابو سمبل اللي هو في الصوره اللي قدامك ده معبدي ابو سمبل ايه كمان معبد اسمه معبد فيله موجود هناك في النوبه ايه كمان عندنا دير الانبا سمعان دير الانبا سمعان دير حاجه زي الكنيسه الصغيره كده اسمه دير الانبا سمعان ايه كمان والمقبره الاسلاميه يبقى انت لو ركزت فيها معبد ابو سمبل ومعبد فيلا دول من الحضاره المصريه اللي هي الفرعونيه فيها دير الانبا سمعان اللي هو الحضاره او الاثار المسيحيه اللي هي القبطيه فيها كمان المقبره الاسلاميه دي حضاره اسلاميه عشان كده قلنا ان هي فيها اثار من مختلف العصور التاريخيه خامس منطقه حبايبي وهي منطقه ابومينا دي منطقه اسمها منطقه ابومينا المنطقه دي موجوده في جنوب غرب مدينه الاسكندريه يبقى لما اجي اسالك فين منطقه ابومينا دي اروح لها ازاي هتقول لي يا مستر روح جنوب غرب مدينه اسكندريه يعني هي موجوده تحت مدينه اسكندريه جنب مدينه اسكندريه وخلي بالك ان منطقه ابو مينا دي سنه رابعه تعتبر مزيج بين الحضارات القديمه يعني فيها كذا حضاره في نفس الوقت بتفكرني بمنطقه النوبه فيها كذا حضاره حضاره اسلاميه ومسيحيه وفرعونيه نفس الكلام منطقه ابومينا فيها كذا حضاره وكذا ا يعني كذا منطقه من الحضارات القديمه طب ايه اهم الحاجات اللي موجوده في منطقه ابومينا ركز بقى معايا من اهم الاثار اللي موجوده في منطقه ابو مينا اولا بقايا الكنائس والاديره والمنازل بص كده بص على المنظر ده تحس ان كان في هنا حاجه كانت مبنيه بس اتهدت ومتبقي منها الاثار بقايا يعني بص هنا الصور الصور هنا مش كامل وقع منه حته هنا الصور وقع منه حته هنا الصور وقع منه حته فهنا بيقول لك ان منطقه ابو مينا دي فيها البقايا بقايا يعني الحاجات اللي اتبقت طبعا مع الزمن في مباني بتتهد فهنا كان في اثار ولكن اتهدت للاسف ففيها البقايا بتاعه الكنائس والاديره والمنازل اللي مبنيه هنا حول قبر القديس ماريمينا يبقى احنا عندنا في رجل مسيحي مهم جدا في الديانه المسيحيه اسمه القديس ماريمينا القديس ماريمينا ليه قبر بتاعه في المنطقه دي ففي كنائس واديره اتبنت حوالين القبر بتاعه ولكن للاسف في منها جزء موجود وجزء منها اتهد عشان كده بقول لك ان البقايا الجزء اللي اتبقى من الكنائس والاديرهه اللي حوالين قبر القديس مريمينا موجوده في منطقه ابو مينا خلاص يا شباب المنطقه الاته بقى ومنطقه مهمه جدا وهو دير سانت كاترين دير سانت كاترين ده موجود في مدينه كاترين في مدينه في مصر اسمها مدينه كاترين في محافظه جنوب سيناء يعني موجوده في سينا في محافظه جنوب سيناء لو انا رحت محافظه جنوب سيناء في مدينه اسمها مدينه كاترين فيها دير دير قلنا يعني ايه دير يعني كنيسه صغيره كنيسه صغيره ده معنى كلمه دير في هناك دير كنيسه صغيره اسمها دير سانت كاترين وعلى فكره ده بيعتبر من اقدم الاديره في العالم ايه ده يا مستر ادير سانت كاتين ده من اقدم الكنائس والاديره في العالم اقول لك اه وعلى فكره مهمه جدا المنطقه دي منطقه كاترين مهمه جدا للديانات السماويه الثلاثه ليه؟ لان منطقه منطقه كاترين دي فيها اثار اسلاميه وفيها اثار مسيحيه وفيها كمان اثار يهوديه ايه ده متخيل فيها ثلاثه يبقى انا لو راجل مسلم انا منطقه كاترين دي مهمه بالنسبه لي طب انا لو مسيحي برده مهمه بالنسبه لي طب انا لو يهودي برده مهمه بالنسبه لي عشان كده عشان كده بقول لكم ان منطقه كاترين مهمه للديانات السماويه الايه الثلاث يعني مهمه للمسيحيه والاسلام واليهوديه سابع منطقه بقى حبايبي ومنطقه مهمه جدا وهي محافظه القاهره القاهره التاريخيه العاصمه بتاعت بتنا يا باشا ودي صوره من عاصمه مصر اللي هي محافظه القاهره بص الجمال وبص المساجد وبص الحاجات الجميله اللي اتبنت خلي بالك ان محافظه القاهره التاريخيه بتضم المدن والعواصم الاسلاميه القديمه كل العواصم اللي كانت لمصر ايام الدوله بقى يعني كل العواصم الاسلاميه لمصر بتضم يعني موجوده في القاهره زي منطقه الفسطاط ومدينه العسكر ومنطقه القطائع يبقى مدينه الفسطاط والعسكر والقطائع الثلاثه دلوقتي الثلاثه موجودين في محافظه القاهره طيب ايه اللي بيميز محافظه القاهره ان فيها اثار اسلاميه فيها اثار اسلاميه مهمه زي ايه مثلا الاثار الاسلاميه زي مقياس النيل مقياس النيل ده كان عملوه المسلمين زمان عشان يقيسوا بيه منسوب نهر النيل يعرفوا بقى ميه نهر النيل يعني منسوبها او كميتها واصله لحد قد ايه كمان في مسجد عمرو بن العاص اللي بنات سيدنا عمرو بن العاص كمان فيها جامع احمد بن طولون يبقى فيها اثار اسلاميه ولا لا؟ فيها قلنا مقياس النيل ومسجد عمرو بن العاص وجامع احمد بن طولون كمان فيها اثار قبطيه فيها اثار مسيحيه قبطيه زي الكنيسه المعلقه يبقى كده لو انت ركزت هتلاقي ان محافظه القاهره فيها اربع اماكن تاريخيه مهمه مقياس النيل مسجد عمرو بن العاص مسجد احمد بن طولون وكمان الكنيسه المعلقه كده حبيبي احنا خلصنا السبع مناطق اللي موجودين في قائمه التراث العالمي السؤال بقى هل المواقع دي مهمه؟ يعني ان انا يبقى عندي في مصر سبع مواقع تراثيه سبع مواقع تاريخيه هل الموضوع ده مهم؟ هقول لك مهم جدا حبايبي على فكره المواقع التاريخيه دي سنه رابعه ليها ثلاث اهميات اوليه انها بتساعدنا على دراسه وفهم التاريخ بتخليني افهم التاريخ واعرف بقى مين اللي كان مين الناس اللي كانوا عايشين في مصر زمان وايه هي اعمالهم وايه هي الحاجات اللي عملوها بتساعدني ان انا افهم التاريخ كمان بتوفر لي فرص عمل للشباب في مجال السياحه لان كل دي اماكن تاريخيه واماكن سياحيه بيجي السياح يزوروها فالسايح اللي جاي يزور المنطقه محتاج مثلا ياكل محتاج يقعد في فندق محتاج يقعد يدخل مطعم فكل ده بيوفر فرص عمل للشباب كمان بتزود الدخل القومي لان السياح اللي بيجوا يزوروا المناطق دي بيدفعوا تذكره عشان يخشوا يتفرجوا على الاماكن دي فهم بيدفعوا فلوس يبقى هم كده بيزودوا الدخل القومي يبقى كده احنا عندنا المناطق الاثريه دي مهمه في ثلاث حاجات قلنا بتساعدني ان انا افهم التاريخ بتوفر لي فرص عمل وكمان بتزود الدخل القومي وعشان كده حبايبي مصر بتهتم جدا بمواقع التراث العالمي مصر بتحاول تهتم بالاماكن التاريخيه اللي عندها وبتحاول تطورها ومن ضمن الحاجات اللي مصر عملتها هي تطوير طريق الكباش طريق الكباش ده موجود في محافظه الاقصر زي الصوره اللي قدامكم كده والطريق ده اتطور واتحسن سنه 2021 يبقى كده مصر بتهتم ولا مش بتهتم؟ بتهتم جدا بالاماكن الاثريه زي تطوير طريق الكباش اللي موجود في محافظه الاقصر برده مصر من الحاجات اللي عملتها عشان تهتم بالاماكن التاريخيه مشروع الصوت والضوء مشروع الصوت والضوء ده اتعمل في منطقه اهرامات الجيزه زي الصوره اللي قدامك لو انت اخدت بالك هتلاقي كده ملونين بقوله مش ملونين مش الوان دي لكن حاطين عليه ضوء باللون الاحمر وحاطين على الهرم ضوء باللون الاصفر وحاطين على الحيطه دي ضوء باللون الازرق يبقى كده بيحاولوا يعملوا ايه؟ بيحاولوا يعملوا زي احتفالات او زي عروض بتتعمل بالليل فيها بقى صوت وفيها ضوء وفيها ناس بتتكلم ده عشان يحكوا تاريخ المنطقه وعلى فكره الكلام ده بيحصل بكذا لغه يعني انت لو رحت الاهرامات ممكن تلاقي حفله كده في الوان وفي عندنا ضوء وفي كده ناس بتتكلم كده بيشرحوا لك التاريخ المصري القديم وعلى فكره المشروع ده بيتنفذ في كذا منطقه اثريه تثانيه يعني هو عشان اتعمل ونجح في اهرامات الجيزه والسياح بقوا يروحوا يتفرجوا على الاحتفال ده بدات مصر تعمله في كذا منطقه تانيه اخر حاجه حبيبي بقى تخلي بالك وهي منظمه اليونسكو احنا قلنا ان مصر فيها سبع مناطق ضمن قائمه التراث العالمي مين اللي بيحط المناطق دي؟ عايز اقول لك اللي بيحط المناطق دي منظمه اسمها منظمه اليونسكو دي منظمه عالميه هدفها ان هي تحمي مواقع التراث العالمي وتحافظ على الحضاره وتحافظ على الثقافه يعني اليونسكو دي منظمه تبع الامم المتحده بتهتم بالتربيه والتعليم والعلوم والثقافه والتاريخ برض خلي بالك ان قائمه التراث العالمي اللي هي اليونسكو بتضم كمان غير السبع مناطق دول بتضم مواقع مؤقته 34 موقع زي منهم واحد سيوه بمحافظه مارسا مطروح يعني ايه مؤقته يعني الاماكن دي بنتوقع او هم بيفكروا ان هم يحطوها ضمن قائمه مواقع التراث العالمي يحطوها مع السبعه اللي عندنا بس كده سنه رابعه نكون خلصنا الدرس بتاعنا اتكلمنا على الاماكن التاريخيه اللي في مصر واتفرجنا عليها وبصينا على كل منطقه وعرفنا معلومات عنها في نهايه الفيديو حبايبي لو عجبكم الفيديو اعملوا لايك للفيديو واعملوا اشتراك في القناه ولو عندكم اي سؤال اسالوني وانا هجاوبكم وعينيا ليكم اشوفكم على خير والسلام عليكم