الفيزياء الصف التاسع 2011 الشغل والقدرة الجزء الأول أ محمود ابراش

السلام عليكم ورحمه الله وبركاته بسم الله نبدا حصتنا بسم الله نبدا الوحده الاخيره من ماده الفيزياء يا طلاب الصف التاسع مجددا معلم الفيزياء محمود براش التقي بكم جميعا وشاكرا لكم على علاماتكم التي ابهرتموني فيها بالشهر الثاني والله العظيم جدا مبسوط من علاماتكم ومن تعليقاتكم وتعليقاتكم هي اللي دفعتني نكمل واعمل لكم شو ما بدكم سواء على بطاقه الماده او على اليوتيوب. طلابي وطالباتي وصلت معكم الى الوحده الاخيره من ماده الفيزياء. اليوم رح نبدا وحدتنا الوحده الاخيره من ماده الفيزياء وتحديدا درس الشغل والقدره. هذه الوحده الوحده الاخيره تتكون من درسين فقط وانا شخصيا بستمتع بكل جزء بهذ الوحده لانها وحده بنشوفها كثير في حياتنا. العمليه فبدي همتكم نار وبدي عزيمتكم شيء فخم جدا وحصه اليوم فيها مفاجات وفيها فخامه وفيها الصندوق اللي حكيت لكم احذروا لي شو اللي جوا الصندوق اليوم جايب لكم الصندوق وبدي اعطيكم مساعده على اللي جوا الصندوق فتعالوا خلي دوستك قدامك خلي قلمك قدامك واذا مش عندك الدوسيه هي رقم تلفوني على التيشيرت تواصل معي على الواتساب ببعث لك الدوسيه طيب فنبدا بدرسنا ونفتح على دوسيه الماده الموجوده عندكم كليتكم طيب اسم عنوان هذا الدرس ايش؟ اسمه الشغل والقدره اه بي استاذ يعني هذا الدرس مقسوم لقسمين قسم بنسميه الشغل والقسم الثاني شو هو القدره فدرسنا رح نحكي عن شغلتين عن الشغل ورح نحكي عن شو عن القدره بيجيني طالب بيحكي لي استاذ شو هي قدره هذا طالب جوعان شايفها اسم طبخه يا جماعه القدره القدره وليس القدره طيب يا استاذ اسم عنوان الدرس الشغل الشغل يعني استاذ هذا الشغل اللي نحن بنعمله بحياتنا يعني النجار بيطلع بمارس مهنه النجاره بقص الخشب الحداد بروح بيحم الحديد المعلم بروح بدرس الطلاب هذا كله شغل هل هذا اللي بدنا ندرسه اليوم بالفيزياء اه انا بحكي صدقوني هذا كله له علاقه بالفيزياء تعالوا احكي لكم وافرجيكم كيف بدي ابلش الدرس بمثال فخم اخليك واخليك تفهمي الموضوع بطريقه سهله الان يا جماعه الخير بدي اجيب تلفوني هي تلفوني الان هذا التلفون ساكن هي لنفرض انه موضوع هيك ساكن وجيت قلت لك او قلت لك كيف بدي احرك هذا التلفون اكيد اذا هو ساكن مش رح يتحرك من تلقاء نفسه ايوه فعشان احرك هذا التلفون الهاتف لازم ابذل عليه قوه ايوه فبدي اجي ادفعه بقوه بنسميها اف ايوا فاول شيء عزيزي عزيزتي الطالبه الشغل بده يظهر فيه شيء اسمه اف يعني القوه ووحدتها نيوتن طيب انا ليش باثر عليه بقوه حتى احر ك ازاحه او مسافه هي الازاحه بسميها ايش؟ بسميها دي فالدي هي رمز الازاحه ووحدتها متر حلو جدا اذا استاذي يعني انا لما ابذل قوه عشان احركها ازاحه اسمها دي هذا هو الشغل والشغل هو رمزه دبليو من الورك اذا دبليو الشغل طيب يا استاذ الشغل شو وحدته؟ حرف ال هذا اللي هو جول حرف في الجيب اللي هو ايش؟ جول اذا ما هو قانون الشغل؟ الشغل دبليو شو يساوي اف ضرب دي بس طيب ملاحظه سريعه جدا طلابي وطالباتي يعني عشان يكون في عندي شغل معين لازم يكون عندي شغلتين اثنتين شو هم قوه ومسافه او ازاحه بنسميها القوه والازاحه لازم بدرسنا يكونوا مع بعض بدرسنا اليوم بالصف التاسع مش عم نتعمق في الشغل فبس بدي منكم تعرفوا انه بدرسنا فرضا هي عندي صندوق معين اذا حركته بقوه لليمين لازم يروح ازاحه لليمين لازم يكونوا بنفس الاتجاه حلو جدا فهون بنحكي انه الجسم يبذل شغلا طيب هذه الملاحظات اللي حكيت عنها عن ايش بنعبر عن الشغل دبليو وطبعا اف هي القوه ودي هي الازاحه حلو هذا القانون زي اسمك خلص سريع الشغل دبليو يساوي اف دي اف دي اف دي خلص اللي بيدرس مع الاستاذ محمود براش صدقني بيحفظ الدرس بعد الفيديو تعال خلينا نكمل يلا الان الشغل يا جماعه كميه قياسيه يعني ما لها وحده خلص بحكي الشغل 500 فرضا فرضا 500 جول وبسكت ما له اتجاه هيه يقوس وحده الجول ماشي مش تيجي تقرا لي اياها جول ماشي بعرف عرفكم لا يا حبيبي هذه ايش؟ هذه جول ورمزها جي طيب الان يا جماعه الخير في عندي حالتين اطلعوا حالتين لا تبذل فيهما القوه في الجسم شغل يعني في عندي حالتين بيكون الشغل فيهم زيرو ايوه يا استاذ شو اللي بتحكيه انت شو هم الحالتين اللي بيكون الشغل فيهم صفر اول شيء لما يكون الجسم ساكن يعني ما عم يتحرك ايوه فالازاحه تساوي صفر كيف يا استاذ فرجيني ما هو مش قانون الشغل هو اف دي تمام يا استاذ اذا هذه دي كانت صفر يعني هي الشغل بيساوي اف ودي صفر طيب ما هو اف ضرب صفر قديش صفر ايوه فحيطلع شو معي الشغل صفر اذا اول حاله بيطلع عنا الشغل صفر متى عندما يكون الجسم ساكن ازاحته قديش صفر طيب الحال الحاله الثانيه يا استاذ لما يتحرك الجسم باتجاه عمودي على القوه كيف يعني هذا الزلمه عشان يرفع الشنطه هو رفعها بقوه لوين الى اعلى هيه الاف لفوق بس كيف عم يتحرك عم يتحرك لليمين اذا كانت القوه عامله زاويه 90 مع الازاحه زي ما نحن شايفين هي الزاويه 90 هذا الشغل تبعه شو بحكي له 0 اذا حالتين قد تسال عنهم في الامتحانات متى يكون الشغل صفر؟ واحد اذا كانت الازاحه صفر يعني ساكن الجسم ما عم يتحرك والحاله الثانيه اذا كانت القوه معامده لمين؟ للازاحه رائع جدا رائع جدا يا استاذ طيب يا استاذ في مجال تعطيني سؤال حل انا مدرستي بس بركزوا على الحل ما بركزوا على الحكي تعال يا زلم والله كل شيء حاسب حسابه حاطط لك كل امثله الكتاب وحاطط لك كل اسئله خارجيه بتلزمك حتى تفلل ولا ليش الطلاب عندي فللوا الشهر الاول والشهر الثاني لانه كل شيء عندي زياده واذا انت من الطلاب اللي يمكن ما توفقت بالشهر الاول او الثاني عادي هي الحياه بدها شويه محاولات اول 200 سنه صعبات بعدين بصير الموضوع سهل تعالوا معي الان تؤثر فتاه بقوه افقيه مقدارها 60 نيوتن ايوه عزيزي الطالب هذه هي اف هي القوه فتدفع على سطح افقي مسافه فت اذا معطيني الازاحه اللي هي رمزها ايش كان؟ دي حلو 5 متر احسب الشغل يلا الشغل قانونه فش غيره اف دي رائع الشغل بساوي اف القوه قديش القوه 60 يا عيني عليك قديش انت فهمان في دي الازاحه قديش خمسه يا عيني عليك الان 60 ب 5 ما بدها اله حاسبه بتيجي بتحكي الصفر بتنزله و6 ضرب 5 30 اذا طلع 300 ولا تنسى وحده الشغل بينقصوا منك في الامتحان نص علامه على الوحده ف 300 جول رهيب يا استاذ رهيب جدا يا استاذ استاذ في مجال مثال ثاني يكون في تريك تعال افرجيك التريكات والحركات اذا جابوا لك تريك تعال معي وصلي على نبيك اللهم صل على سيدنا محمد يرفع احمد صندوقا وزنه 40 نيوتن يا جماعه ايش الشيء اللي وحدته نيوتن؟ القوه الوزن ما هي قوه فاذا السؤال معطيني قوه 40 نيوتن الى ارتفاع احمد عماله برفع الصندوق لارتفاع قدش 1.5 نص متر هذا نسميه دي الازاحه بس هي ازاحه لفوق خلينا نتخيل الموضوع خلينا نتخيل الموضوع هي الصندوق ماشي وزنه 40 نيوتن يعني عشان نقدر نرفع هذا الصندوق لازم ناثر بقوه لفوق قدش مقدارها 40 نيوتن اللي هي بمقدار وزنه والازاحه كمان لفوق ما هو رفعه لوين لفوق حلو هي دي قدش مقدار دي يا جماعه الخير واحد نص متر طيب يا استاذ بسرعه ثابته حلو ثم مشى مسافه 2 متر ب اه بقول لك بس رفع هذا الصندوق لفوق راح مشى لليمين ماشي ازاحه قدش مقدارها 2 م يعني هو اول شيء رفع الصندوق 1.5 نص متر بعديها بس رفعه صار يمشي ايش؟ افقي تمام الان حلو فما الشغل الذي يبذل احمد على الصندوق في اثناء واحد اثناء رفعه الى اعلى الان الشغل بيساوي زي ما انتم عارفين اف دي طيب يا استاذي الان القوه هو سالني هو للاعلى قدش القوه 40 حلو دي قدش الازاحه للاعلى لانه سالني للاعلى باخذ الازاحه تبعت الاعلى 1.5 رهيب يا استاذ الان 40 ضرب 1.5 فيها قديش؟ فيها 60 جول رهيب طيب يا استاذ هذا سهل هلا طيب المشي افقيا يا استاذ بقول لك طيب ما هو الشغل شو بيساوي اف دي اه طالب مستعجل بروح بيحكي يلا القوه 40 ضرب دي هلا باخذ دي ان الافقي اثنين بقول لك غلط لاني قبل شوي اعطيتك حاله فيها تركايه بسيطه قلت لك لما تكون القوه هي انا عندي الصندوق هيك عندي قوه لفوق مقدارها 40 وهالمره سالني افقي اه لما يمشي افقي هيك دي الزاويه بين اف ودي بهي الحاله قديش الزاويه 90 ويا عيني عليك لما تكون الزاويه بين الاف والدي 90 علىسريع الشغل شو بيكون زيرو لا تغلب حالك فهيك ممكن يلعبوا لكم في الاسئله هذا التريك الموجود في الدرس اذا عندما تكون القوه بين الاف والدي 90 يكون الشغل قدش؟ صفر طبعا ليش بصفوف قادمه رح نحكي عن هذه التفاصيل طيب يا استاذ في كمان امثله تعال في تمارين مش محلوله بالكتاب يعني تعالوا لي شوفوا لي هذول الاسئله هذول مش موجودات امثله بالكتاب بس وين موجودات لو نفتح الدرس بيكونوا موجودات على شكل تمارين هيهم بدي افرجيكم اياهم عشان تعرفوا اني مش حارمكم من شيء شايفين هذول التمارين مش محلولات في الكتاب انا حاطتهم في الدوسيه عشان نحلهم بدنا نهكر الكتاب بكل تفاصيله طيب زي ما انتم متعودين احسب الازاحه شو بده اياني احسب بهذا الفرع ما هذا الشيء طيب بده اياني احسب الازاحه الازاحه يعني دي دي معوقه كتبتها بس يلا التي يقطعها جسم عندما تاثر فيه قوه 6 نيوتن اذا معطيني الاف فتحرك باتجاهها فتبذل شغلا 300 جول هالمره مره السؤال اعطاني الجواب اعطاني الشغل اه الشغل شو رمزه؟ دبليو طيب يا استاذ هو بده شو الازاحه دي بقول لك بتيجي بتكتب قانون الشغل اكيد مش رح اكتب قانون ثاني يعني من الفضاء بدي اكتب قانون الشغل وانتجيب قوانين يعني من الشغل الان بتيجي مكان الدبليو الشغل شو بتحط 300 حلو الان اف قديش مقدار اف هيها سته حلو ودي دي مجهوله خليها باللون الاحمر لانها مجهوله الان باجي بقسم الطرفين على ايش يا استاذي؟ على سته على سته حلو اذا طلعت معنا دي تساوي 300 على س يا جماعه بنزل هذا اول صفر المسكين و30 على 6 فيها قديش خمسه اذا طلعت الازاحه 50 م ديروا بالكم وحدتها ايش متر بس هيك ممكن يلعب لي بالاسئله طيب تعالوا خلينا نشوف كمان مثال طيب الان احسب السؤال بيحكي لي احسب مقدار القوه اه بده اف هالمره مقدار القوه التي تؤثر في جسم عندما يتحرك باتجاهها مسافه 2 م شو الشيء اللي وحدته متر هي الازاحه حلو وتبذل عليه شغلا 800 جول شو الشيء اللي وحدته جول الشغل اذا معطيني السؤال الشغل ومعطيني الازاحه وبده مين؟ بده اف اي قانون بدي اجي استخدم برضه قانون الشغل فباجي بحكي قانون الشغل دبليو تساوي اف دي طيب استاذي الان الشغل الشغل دبليو قديش معطيني اياه 800 رهيب تساوي اف القوه مجهوله بده اياها ودي الازاحه اثنين طيب الان بروح بقسم الطرفين على قدش على اثنين وهذه على اثنين بتروح دي مع دي وبتنزل الاف شو تساوي 800 على 2 400 وشو القوه عزيزي الطالب نيوتن رهيب جدا طيب بدي اشوف دعواتكم لنيوتن يا جماعه بالتعليقات بما انه بتعرفوا تفاحه شو قصتها و دائما بشوفكم بتنازلوا على الفيسبوك على جروباتي على الفيسبوك او على الواتساب ما شاء الله عليكم نازلين في نيوتن مش مخليين له مع انه شب محترم نيوتن المهم متذكرين لما قلت لكم عن الصندوق كانت سله صح الصندوق انا حاطط فيه شيء واتفقنا تكتبوا لي بالتعليقات شو الشيء اللي جوا السله او اللي جوا الصندوق اليوم جايب لكم الصندوق اللي انا حاطط فيه الشغله ماشي هذه في الشغله جوا الصندوق وبلشتوا بالحصص الماضيه تكتبوا لي شيء كاتب لي فيه 50 دينار شيء كاتب لي في جواه قطعه ذهب شيء قطعه فضه شيء بطاقه شيء تعليقات غريبه عجيبه وممكن يكون الجواب شيء غريب عجيب وبرجع بسالكم نفس السؤال شو اللي جوا هذا الصندوق سامعين في شيء جوا الصندوق لازم تحذروه في التعليقات ومسموح لكل طالب او طالبه فيكم يعلق بدل خمس تعليقات مسموح هالمره ع تعليقات يعني مسموح لك يلي بتحضر او بتحضري تتوقع شو اللي جوا الصندوق مسموح لك تعلق على كل فيديو 10 تعليقات والجواب الصحيح رح اعمل سحب وممكن يكون اكثر من طالب جواب صحيح رح اعمل سحب ورح يربح جائزه قيمه ان شاء الله مع اخر حصه بالفصل فبلشوا يلا على اليوتيوب طبعا التعليقات على اليوتيوب على نفس الايش على نفس الحصه طبعا لازم تكون عامل اشتراك لقناتي الاستاذ محمود براش حتى تدخل على السحب فشو اللي جوا الصندوق عندكم الموضوع يا عيني على الحماس يا عيني على الحماس يا استاذ شو هالحصه هي فيها صناديق وفيها كنوز اه طيب استاذي العزيز استاذي العزيز الان في عندي موضوع اسمه القدره عندي موضوع شو اسمه القدره ايه موضوع القدره سهل جدا نحن خلصنا الجزء الاول من الدرس اسمه الشغل نيجي للقدره مش القدره يلي جوعان يلي بتحضر القدره القدره رمزها بي شو رمزها بي اذا لما اشوف بي يعني القدره كيف بحسب القدره بجيب الشغل اللي هو دبليو اسمه الشغل اللي هو خلصناه الشغل يا جماعه الخير شو قانونه كان اف دي خليه ببالكم اخذناه هلا على الزمن تي ايش هي الزمن يعني اول شيء بحسب الشغل بعديها بقسمه على الزمن وبالتالي احصل على مين؟ على القدره طيب يا استاذي الان هذه القدره شو وحدتها؟ وحدتها وات وات برمزلها بالرمز دبليو او بكتبها عادي وات كامله زي هيك مش غلط دبليو اي دبل تي ما في مشكله والشغل زي ما بتعرفوا رمزها جول والزمن سكند حلو جدا يا استاذ يعني يا استاذ بس اقسم قسم الشغل على الزمن بحصل على القدره تمام التمام امورك تمام التمام طيب الان الان نيجي لمثال الكتاب ونشوف كيف القدره بنطبق عليها صراحه هذا المثال غايه في الاهميه كثير مهم جدا جدا قد ما احكي لكم مهم من هون لبكره اي ما بتتخيلوا الان في عندي رافعه اه يا استاذي رافعه اطلعوا لي على هذه الرافعه هيها حط لكم اياها ورسم لكم اياه بالشكل استاذ كبر لنا الرافعه والله ما نحن شايفين ما هو الصوره بتخرب بس تعالوا اكبر لكم اياها شوي اتوقع هيك امورها لا رح نزبطها بس هذه هي الرافعه بس بدي افرجيكم شو هي الرافعه الرافعه هي كثير بتشوفوها بالشوارع وانتم ماشيين بهالسياره بتشوفوها يا استاذ لايش بيستخدموها هي الرافعه انا بدي افهم فيزياء مش بس بدي افهم كيف احل بدي افهم كيف شو هي الفيزياء في الحياه يا زلمه والله غير اقول لك هذه الرافعه يا جماعه الخير لو تشوفوا الطرف هذا اللي على اليسار هون اللي على يميني على يسارك اتوقع هون بيحملوا فيها طوب او اسمنت او حديد كتلته كبيره جدا ففي بعض الالات يعني البسيطه لا تستطيع رفع هذا الحمل الكبير جدا فنستخدم هذه الرافعه التي تستطيع رفع الاوزان الكبيره جدا لرفع الاسان طيب وانا مالي يا استاذ اه هي ماده انا بدي اعلمك كيف تحسب قدره هذه الرافعه قدره هذه الرافعه طيب رائع جدا يا استاذ الان بدنا نيجي على السؤال ونقراه السؤال المحترم هذا السؤال المحترم شو بقول لي بول لي استخدمنا رافعتين وحده اسمها الف وواحده اسمها باء طيب يا استاذي الف بدي الونها باللون هذا الازرق ولا هو مش عارف النهدي ونيجي لباء واعطيها اللون الاحمر طيب استخدمناهم لرفع جسم كتلته 120 غم يا استاذ شو يعني يا استاذ هيك يعني شو بستفيد من كتلته هي الكتله برمزها ام هسا بنحكي طيب لايش بدنا نستخدم الرافعه حتى نرفع الكتله ها لارتفاع اها ايش اللي وحدته متر الازاحه يا عيني عليك اللي مركز طيب والزمن اللازم لرفع الجسم باستخدام الرافعه الاولى 30 سكند يعني لما استخدمنا الرافعه الف رفعت لي هذا الكتله بزمن مقداره 30 ثانيه طيب بدنا نعطيه زي الف اللي هو اللون النهدي هيه هذا الزمن هذا التايم تبع الرافعه مين؟ اللي هي الف هي التايم تبع الف حلو وكمان قال لي انه الزمن تبع الرافعه الثانيه تسعه سكند هي بدي اسميه تايم اللي هو بء حلو الرافعه الثانيه اذا علمت ان تسارع السقوط الحر اللي هو جي هذا بنسميه جي هسا بقول لكم شو هذا بدنا نحسب قدره كل رافعه يا عيني هذا السؤال مليء بالتفاصيل بدنا نحسب ايش القدره طيب الطالب اول شيء شاف القدره بس بدنا نحسب لالف ولباء صح ولا لا صح الان بدي قدره ا هون بدي احسب القدره تبعت ا قانون القدره خليني بس امسح اضبط مكانها لانها بيلزمني هي المساحه قدره الف يا جماعه الخير ايش قانون القدره الشغل على الزمن حلو هي لمين بدي احسبها لالف طيب وكمان بدي احسب القدره تبعت مين هو قايل لي لكل رافعه بدي كمان احسب القدره تبعت بء حلو اللي هي برضه الشغل على الزمن القانون ما عم يتغير نفسه قانون القدره طيب الان عشان تحسب قدره الرافعه الف انت شو محتاج عزيزي او عزيزه الطالبه محتاج تعرف الشغل اه مش معطيك اياه بس الزمن معطيك اياه سواء للرافعه الف او للرافعه باء فاول مهمه بدك تعملها او تعمليها عشان تحسب القدره بدي اعرف الشغل حلو فبتذكر يا جماعه الخير بتذكر اني قبل شوي شرحت لك شو هو الشغل اللي هو اف دي طيب الشغل بيساوي طيب باجي على القوه السؤال ما اعطاني قوه اصلا اها بس قلت لكم معلومه واذا نسيت تعال افكرك القوه لما بدي ارفع جسم لفوق بتكون نفسها وزنه شو بتكون نفسها وزنه طيب يا استاذ السؤال اعطاني كتله الجسم باجي على جنب بحكي لك حتى تحسب قوته شو بتيجي بتضرب بتضرب الكتله اللي هي 120 مش عاجبني يا جماعه الخط هذا مايل مايل ما تعودنا على الميلان الان القوه يا جماعه الخير شو باجي بعمل بضرب كتلته بقديش بالسؤال معطيني تسارع الجاذبيه 10 حلو فبضرب 120 ب 10 بتطلع القوه قديش 1200 نيوتن فهذا هو اول شيء بدي احسبه بالسؤال اطلع القوه كيف بطلع القوه بضرب الكتله ضرب ضرب 10 هيها هالكتله ب 10 فهذه هي القوه حلو يا استاذ يعني يا استاذ يلا القوه صارت عندي 1200 طيب يا استاذ الازاحه دي اعطاك اياها السؤال 15 حلو يا استاذ يعني يا استاذ دبليو تساوي 1200 ب 15 اضربوهم على جنب انا علىسريع بدي اضربهم واطلع جوابهم رح يطلع معنا 1200 ب 15 طلع معنا 18000 جول هي 18000 جول حلو يا استاذ فانت يا استاذ حسبت لي هي والتايم معنا اياه يلا هسا باجي بحسب القدره تبعت الف وتساوي قديش الشغل تبع الف هيه حسبناه 18000 على يا استاذ الزمن اي زمن باخذ ما انا بحسب لالف فوين الزمن تبع الف ه قديش 30 حلو جدا الان بكل بساطه هذا الصفر بروح مع هذا الصفر فبصفي عندكم قدش 1800/3 18/3 فيها سته وعندي صفرين بينزلوا وحكينا شو وحده القدره لا تنسوا وات وات طيب اذا هيك حسبنا قدره الرافعه الف قديش طلعت 600 واتوا نحسب قدره الرافعه ب يلا ولا اسهل منها ب يلا قدره ب تساوي الشغل حسبته خلص هو نفسه هذا للفرعين الشغل ليش طيب يا استاذ نفسه لانه القوه نفسها انا بالاخر بدي ارفع نفس الوزن هذا طيب الان الشغل نفسه اللي هو 18000 حلو يا استاذ على الزمن الزمن تبع بء هيه اعطاني اياه صح تسعه حلو يا استاذ بنزل يا استاذ 18 على 9 بتحكي لي 2 فرضا وبتنزل الثلاث اصفار اذا طلع 2000 وات يعني السؤال شو كان بده؟ بده احسب قدره كل رافعه حسبتهم يعني يا جماعه الخير مين احسن استخدم هذه ولا هذه؟ لا والله بستخدم الرافعه اللي قدرتها اعلى بستخدم اي رافعه اللي هي ذا رهيب جدا رهيب جدا جدا طيب اي اسئله يا جماعه اي اسئله اكتبوا لي اياها بالتعليقات اي اسئله اكتبوا لي اياها وين بالتعليقات طيب امورنا تمام التمام استاذ في مجال تحل لنا كمان سؤال على الرافعه والله حاسب حسابي حاسب حسابي تعالوا نشوف هذا السؤال هذا برضه تمرين في الكتاب طيب يا استاذ وين هذا التمرين في الكتاب دور لنا عليه تعال افرجيك اياه بتفتح كتابك هي السؤال اللي حليناه بتيجي بتشوف هذا التمرين هيه اللي تحت المثال هذا التمرين اللي هساه ايش بدي احله يلا الان اطلع شو بيقول لك ترفع رافعه جسما وزنه 600 نيوتن هي السؤال معطيني القوه بنيوتن جاهزه الى ارتفاع 5 م هي الازاحه فيستغرق ذلك 1 مت اه الزمن يا جماعه مش مقبول يكون في الدقائق لازم احوله لثواني طيب يا استاذ الدقيقه الواحده كم ثانيه فيها؟ فيها 60 فبحط هون الزمن 60 سكند طيب شو بده فما قدره الرافعه باجي على السريع بحكي يا استاذ ما هي القدره تساوي الشغل على الزمن الشغل مش جاهز بروح بحسبه على جنب يلا الشغل بيساوي اف في دي حلو الشغل بيساوي القوه معطيني اياها 600 في دي قديش خمسه حلو ويساوي صفرين بينزلوا وخ وست ب 5 قديش 30 اذا الشغل قديش طلع؟ 3000 جول طيب هلا بقدر احسب القدره باجي بحكي القدره حسبت الشغل طلع معي 3000 طيب وعلى الزمن قديش الزمن عندي 60 حلو بتروح هذه مع هي فبصفي عندكم 300 على 60 ولا اسهل منها يا جماعه الخير احسبوها على جنب هي ما بدهاش حسبه ولكن للتاكيد بتطلع الجواب 50 اذا القدره 50 ايش وات طلعت قدرتنا 50 وات فهذه كل الاسئله الموجوده على الروافع وعلى القدره امورنا تمام التمام استاذي استاذي هي رقم تلفوني اطلب مني الدوسيه رح يرد عليك الرد الالي ويعطيك روابط الجروبات شو ما بدك هذا هو الجزء الاول من حصه اليوم ولا تنسوا اشوف تعليقاتكم يا جماعه تعليقاتكم شو اللي جوا الصندوق مسموح لك قديش حكينا انا ناسي والله يا ثمانيه يا 10 تعليقات انا بقول لك مسموح لك 10 تعليقات على كل فيديو يلا عشان نشوف مين بده يربح معنا مجهز لكم لسا الحصص الجاي اشياء فخامه جدا هيك انتهى الجزء الاول من درس الشغل والقدره شو يا استاذ بدنا نعمل بالجزء الثاني بدي اكمل لسه ظل علي جزء من الدرس جزء بسيط اسمه الطاقه الحركيه وبدي احل لكم اسئله الدرس كامله ان شاء الله فكان معكم معلم الفيزياء محمود براش من منصه دراستك بشوفكم ان شاء الله الحصه الجاي وطمنوني عنكم والسلام عليكم ورحمه الله وبركاته. الله