شوفوا عملت ايه من اللمبه المحروقه اعادة تدوير

مش هتصدقوا بقى ان كل ده يطلع من اللمبه المحروقه اللي كلنا بنرميها بخطوات بسيطه هنعمل الديكور التحفه ده سالتوني عليها كتير جدا فيلا اوريكم نعملها ازاي اول حاجه محتاجين بنسه كده عشان نعرف نطلع الجزء الاسود ده احنا محتاجين ننضفها كلها عموما ففي الاول بستخدم البنسه كده وافضل اخبط بيها لحد ما الجزء ده يتكسر بعد كده بيجي دور المفك بنفضل نخبط بيه كده جوه اللمبه عشان نكسر الازاز اللي بيبقى من جوه ده وبالراحه كده ونخلي بالنا جدا في الخطوات دي عشان ما نتعور وبعد ما تنضف بالشكل ده نبدا ندخل جواها كده ورده او اي زرع تحبوه وبعدين نمل ميه وممكن كمان تحطوا جليسرين لو عايزين تتقل ميه وضروري كمان نحط معلقه او اثنين خل واخر خطوه بقى بنحط جليتر او اي اشكال زي كده وعلى فكره ممكن نحط نقطه بسيطه قوي من الوان الطعام عشان نغير لون الميه فبرا واحتكم بقى بعد كده هنحتاج غطا ازازه وبملابس معع وبعدين نقفل بيه الجزء ده من اللمبه نتاكد ان ما فيش اي تسريب للميه كده جهزنا اللمبه وده مبدئيا شكلها تحفه وقمر وكل حاجه بعد كده هنحضر خليط الجبس هنحتاج كوبايه ميه عليهم كوبايه ونص من الجبس بنحط الميه الاول وبعدين نحط عليها الجبس بالتدريج ونسيبه دقيقتين كده قبل ما نقلبه عشان يرطب واحسن حاجه تقلبوا بيها المضرب اليدوي ده بعد كده هنحتاج ازازه ونحط عليها قمع او نص ازازه زي ما انا عملت كده ونصب فيها الخليط اللي احنا عملناه ننفخ بالونه شويه صغيرين قوي زي ما انتم شايفين كده ونلفها كده شويه عشان الهوا ما يخرجش منها واحنا بندخلها في القزازه بعد كده هننزل كل الخليط من القزازه للبلونه نربطها كويس جدا نبدا نقلبها بقى بسرعه في كل الاتجاهات لان الجبس بينشف بسرعه جدا فخلوا بالكم بقى بنوزع الخليط في البالونه كلها نسيبها تنشف شويه كده ساعتين ثلاثه طبعا كده ما بتبقاش نشفت تماما انا هنا استعجلت عليها شويه فزي ما انتم شايفين كده يعني ضغطت عليها شويه صغيرين من غير قصدي يعني بس هي كانت بتتلكك قررت اكمل وقلت عادي بسيطه هحط لها شويه جبس وتبقى تمام نستخدم بقى اي غطا صغير كده ناخد مقاس الدايره كده باي حاجه حاده انا استخدمت مبرد وبرده هنبدا نشيل الزياده كده بنفس الاداه الحاده مش مستحملين نلمسها انهارت زي ما انتم شايفين كده بعد كده بقى عملت خليط ثاني وللاسف ما كفانيش وده حطني في مشكله اكثر مش مشكله قوي يعني بس حاولوا يكون الخليط بزياده تتصبب شكلها الطف ومش محتاجه تعديل كتير المهم حطيت اللمبه كده واستنيت عليها لما سبتت شويه وزودت بقى كل الفاضي ده وسويتها بايدي على قد ما اقدر عشان ما احتاج الصنفره ونسيبها بقى تنشف براحتها وتاخد وقتها وحطوها في الشمس عشان تنشف اسرع بعد كده دهنتها بالوان اكريليك سبتها تنشف وشلت الزياده كده بالكتر ويفضل بقى طبعا في الاخر كده نديها طبقه حمايه بالورنيش المائي عشان نحافظ عليها بس انا ما كانش عندي وقت فما عملتش الخطوه دي شوفوا بقى شكلها طلع تحفه ازاي وكانها جاهزه بجد حلو قوي من الطف الحاجات اللي ممكن تعملوها خدت وقت شويه بس تستحق التجربه وبس كده ما تنسوش تكتبو لي رايكم في الكومنتس