الجهاز الهيكلي في الإنسان

بسم الله الرحمن الرحيم نتكلم النهارده ان شاء الله يا جماعه عن الجهاز الهيكلي في الانسان او الدعامه في الانسان بشكل عام فازاي يا جماعه ما كنا بنقول على النبات ان النبات ده كائن بيعيش على اليابسه ولانه بيعيش على اليابسه لازم بتواجهوا مشاكل زي مشكله الجاذبيه فلازم يعمل حاجه اسمها دعامه علشان يحمي نفسه من ان هو يسقط طبعا وان هو يعمل عمليه البناء الضوئي بشكل كويس ويعمل عمليات الحيويه التانيه زي التكاثر بشكل كويس فكان لابد ان هو يكون دعاء فاكيد كذلك الانسان الانسان ارقى الحيوانات والانسان مش بس موجود على اليابسه ده هو كمان بيتحرك ولازم يبحث عن غذاء والماء ولازم يعمل الحركات دي كلها فاكيد لابد عنده برضو من دعامه قويه الدعامه دي في الانسان او في معظم الحيوانات الفقاريه ولكننا طبعا نركز على الانسان فهنقول ان الدعامه في الانسان متمثله في الجهاز الهيكلي ولما بنقول كلمه الجهاز الهيكلي بعض الناس بتتخيل خطا ان احنا بنتكلم على الهيكل العظمي ولكن لا كلمه الجهاز الهيكلي لا تساوي كلمه الهيكل العظمي زي ما احنا هنشوف كلمه الجهاز الهيكلي بتشمل حاجات كتير تانيه مع العظم فزي ما هي بتشمل اله العظمي هي بتشمل برضو حاجات زي الغضاريف والمفاصل والاربطه والاوتار وهنعرف فكره عامه سريعه جدا عن كل حاجه من دول لحد ما نيجي ناخدها بالتفصيل فاول حاجه عندنا هي الهيكل العظمي طبعا العظم اقوى نسيج ضام موجود في الجسم فهو ده اللي بيمثل الدعامه الاساسيه اللي شايله الجسم كله عليها تاني حاجه هنتكلم عليها طبعا هي الغضاريف ونعرف انواعها وفوائدها المختلفه تالت حاجه هنتكلم على المفاصل ونعرف برده انواعها وفوائدها ولكن بشكل عام دلوقتي نقدر نقول ان كلمه مفصل عشان لما نذكرها بعد كده نبقى عارفين يعني كلمه مفصل هي اي اتصال بين عظمتين او اكثر فالمكان اللي موجود هنا بين العضمتين دول كده اللي عنده العظام بتتصل ببعض هو ده كده كلمه المفصل كلمه الغضاريف اشمل من الغضاريف اللي موجوده عند المفصل هنا ولكن احنا هنا في الجهاز الهيكلي بنهتم بالنوع ده من الغضاريف اللي موجود عند المفاصل فالجزء ده من الغضاريف بيبقى موجود على اطراف العظام الطويله دي كده علشان يمنع الاحتكاك بتاعها والتاكل بتاعها فوظيفته مهمه جدا طبعا عندنا في الجهاز الهيكلي هنعرف انواعه والتفاصيل بتاعته بعد كده بعد كده هنتكلم عن الاربطه والاوتار ونقدر من دلوقتي ان احنا نفرق بينهم بسهوله كده زي ما هنشوف دلوقتي لما الاقي يا جماعه حاجه امسكه العضله ها العضله اهي ودي عضمه ودي عضمه لما نلاقي حاجه ممسكه العضله ممسكاها بالعضمه بالمنظر ده بسمي ده كده الوتر فلو لاحظنا الوتر اللي هو هنا كده المنطقه دي كده اهي هنلاحظ ان هي ممسكه العضله الموجوده في منطقه الفخد دي هنا بالعضمه اللي هي الصغيره هنا اللي موجوده اسمها الردفه او اللي احنا بنقول عليها الصابونه يعني بتاعه الركبه كده فنقوم مسميين ده ايه وتر طب لما يبقى في رباط تاني شبهه او تركيبه مشابه له ان هو برضو نسيج ضام له في قوي مكثف بلاقي هنا ان هي ممسكه بقى بين مين بين العضمه اللي هي اللي موجوده هنا دي وبين العضمه اللي موجوده هنا دي ونبص نلاقي الرباط ده موجود هنا اهو فهسمي ده كده ايه رباط يبقى كلمه وتر بتمسك ايه في ايه بتمسك العضله بتمسكها في اي عضمه اما كلمه رباط زي ما هنعرف التفاصيل بعد كده طبعا ممسكه العضمه بعضمه تانيه وكل الحاجات دي بتبقى موجوده عند المفاصل دايما يبقى احنا كده خدنا فكره عامه عن الخمس مكونات المكونين للجهاز الهيكلي ورقم خمسه على فكره هيتكرر بالنسبه لنا كتير النهارده زي ما هنشوف طيب نبدا كلامنا على اول عنصر فيهم وهو الهيكل العظمي اللي هو العظام المختلفه اللي موجوده في الجسم ونقول اول حاجه هي ايه وظائف الهيكل العظمي اللي موجود في الجسم ايه وظائف العظم عامه لما نيجي نتكلم على وظائف العظم يا جماعه هنلاقي ان اول وظيفه عندنا هي دعم الجسم طبعا بلا شك يعني حاجه بديهيه جدا ان العظام اقوى نسي موجود في الجسم وطبعا بما ان هو اقوى نسيج موجود في الجسم فيبقى هو الدعامه الرئيسيه والاساسيه اللي موجوده في الجسم فلو جينا مثلا على العظام اللي موجوده في الطرف السفلي ده وعظام الحوض هنلاقي ان هي سميكه وقويه جدا ليه لان هي شايله للجسم كله عليها لو جينا مثلا الفقرات اللي موجوده تحت كده في العمود الفقري هلاقي ان هي ضخمه جدا وكبيره والعظام بتاعتها مكثفه بالمنظر ده ليه لان هي شايله كل الحمل ده عليه فالعظم هو اللي بيشيل الجسم هو اللي بيحمل الجسم وهو اللي بيشيل كمان الاعضاء المختلفه اللي موجوده في الجسم فهنا مثلا هنلاقي ان العظام اللي موجوده هنا في منطقه البطن ومنطقه الحوض هنلاقي اللي شايلها هي العظام دي هنلاقي ان الجسم كله ده اللي شايله طبعا مين هي العظام اللي موجوده تحت دي ولذلك طبعا زي ما احنا بنقول العظام هي دعم الجسم بل هي الدعم الاساسي للجسم المتمثل في العظام وكل ما يبقى الحمل اللي موجود على العضم اكبر هنلاقي ان العضمه اضخم بالمنظر ده كده وده كلام منطقي كده طيب العظام طبعا بلا شك ان هي بتساعد في الحركه فالحركه اللي بيعملها اساسا زي ما احنا هنعرف بعد كده هي العضلات هي اللي بتعمل الحركه هي اللي بتاسس الحركه عن طريق الانقباض والانبساط هل الحركه دي تقدر تتم من غير ما يبقى عندنا عظام لا الحركه دي عشان تتم ويبقى لها معنى لازم تتم على مفصل وزي ما احنا قلنا المفصل ده هو اصلا المكان اللي موصل بين عظمتين فالحركه علشان تتم طبعا لازم تتم بوجود العضلات والعضلات دي ما تعرفش تشتغل غير وهي ماسكه في العظام زي ما احنا شايفين كده فكل العضلات بتبقى ماسكه معديه المفصل ولما تتحرك تنقبض او تنبسط تتحرك المفصل زي مثلا المنظر ده كده حاول تخلي العضلات اللي موجوده عندك في المنطقه دي كده تنقبض او ان انت بتجمد الباي بتاعتك كده هتلاقي ان دايما لازم العظام هي اللي بتتحرك علشان العضله فكده العظم بيلعب دور مهم جدا في دعم الجسم وان احنا اصلا لو ركزنا بشكل جسمنا كده هنلاقي ان شكل جسمنا واخد شكل الهيكل العظمي بتاعنا فهو بيلعب دور مهم جدا في دعم الجسم وكمان بيلعب دور مهم جدا في الحركه بتاعه الجسم زي ما احنا شفنا والحركه طبعا حاجه مهمه وضروريه جدا لحياه الانسان سواء للبحث عن الماكل او المشرب او اتمام عمليه حيويه مختلفه زي التكاثر والتنفس وكل الحاجات المختلفه دي بتبقى الحركه برده اساسيه فيها زي ما هناخد بعد كده كلامنا عن الحركه طيب هل بس كده هل دعم وحركه وخلاص لا ده انت وظيفه كمان مهمه جدا وضروريه جدا لحياه الانسان وهي انتاج خلايا الدم طبعا لا يخفى علينا دور خلايا الدم البيضاء في المناعه زي ما هنعرف بعد كده ودور الكرات الدم الحمراء في نقل الاكسجين وثاني اكسيد الكربون ودي حاجه ضروريه جدا للحياه بتاعتنا وكمان دور الصفائح الدمويه في عمليه تجلط الدم وان احنا ما نفقدش الدم كتير لما يحصل جرح او كده تخيلوا بقى ان اللي بينتج خلايا الدم دي هي الخلايا اللي موجوده داخل اماكن معينه في العظام اللي هي خلايا نخاع العظام الاحمر وده هنعرف برضو تفاصيلها بعد كده ولكن شيء برضو يعني ممكن ما نبقاش متخيلين ومتخيلين العظم ده حاجه مصمته كده وخلاص ولكن لا ده العظم في خلايا كتير منها الخلايا اللي بتنتج خلايا الدم المختلفه سواء البيضاء او الحمراء او الصفائح الدمويه مش بس كده ده كمان زي ما احنا عارفين طبعا الهيكل العظمي بيلعب دور مهم جدا واساسي برده في عمليه حمايه الاعضاء المهمه لا يخفى علينا ان المخ موجود داخل الصندوق العظمي ده اللي اسمه الجمجمه وان الحبل الشوكي برده الممتد في الظهر ده موجود داخل العمود الفقري اللي هو كله برضو عباره عن عضم كده محيطه به علشان تحميه لان الحاجات دي اساسيه وضروريه جدا طبعا للحياه ولا يخفى علينا برضو ان منطقه الصدر موجوده داخل القفص الصدري لمحيط بها بالمنظر ده كده علشان تحمي القلب وتحمي طبعا الرئه وطبعا هنا في جزء من الرقه مقصوص علشان ايه نبين القلب بوضوح يعني ومش بس كده كمان يعني كمان العضم بيلعب دور مهم في تخزين المعادن والدهون المختلفه زي معادن زي مثلا الكالسيوم زي الفوسفات وتخزين الدهون زي ما احنا هنعرف بعد كده في حاجه اسمها في حاجه اسمها طبعا نخاع العظام الاصفر بقى المره دي مش الاحمر يبقى انا كان عندي هنا انتاج خلايا الدم كان بيتم في حاجه اسمها نخاع العظام الاحمر اما تخزين الدهون هنا فهو موجود في حاجه اسمها نخاع العظام الاصفر زي ما هنشوف بعد كده في التركيب بتاع العظم زي ما احنا شفنا الهيكل العظمي بيلعب ادوار مش دور واحد مهمين جدا لحياه الانسان منها طبعا دعم الجسم فتخيل العظام مش موجوده في جسمك هتبقى جسمك كده عباره عن خلطبيطه كده بقى والدهون والحاجات دي من غير العظام هتبقى طبعا شكلك شكل الرخويات كده يعني تخيل ان الحركه بتاعه جسمك ما بتتمش او ان العضلات مش لاقيه حاجه تشتغل عليها زي ما احنا قلنا العضلات عشان تشتغل لازم تشتغل ضد حاجه والحاجه القويه اللي موجوده عندنا دي اللي هي العضم فلو هي مش موجوده يبقى انت مش هتعرف تتحرك تخيل لو انت جسمك ما بيعرفش ما بتعرفش تتحرك اي حاجه فيه تخيل لو انت عندك مشكله في انتاج خلايا الدم المختلفه لو عندك مشكله في انتاج خلايا الدم البيضاء هيبقى اقل ميكروب ولا اقل فيروس ولا اي حاجه هيبهدلك وممكن يموتك لو ما عندكش مثلا الصفائح الدمويه مش هيبقى عندك تجلط في الدم وبالتالي اي جرحه هتفقد كميه دم كبيره جدا لو ما عندكش كرات الدم الحمراء يبقى انت مش عارف توصل اكسجين للخلايا اصلا يبقى انت كده الخلايا كلها هتموت ومش هتعرف تتخلص من ثاني اكسيد الكربون اللي موجود في الخلايا تخيل لو انت الاعضاء الحيويه والمهمه جدا اللي عندك دي مش محميه كويس بالعظم يبقى اي خبطه هنا على المخ مثلا يبقى طبعا هتبقى بفوره يعني هتبقى من مصيبه كبيره جدا اي مشكله او اي خبطه على الضهر هنا هتبقى مشكله صعبه جدا تخيل ان القلب والرئه معرضين للاخطار من بره كده بسهوله او ان انت عندك مشكله في تخزين الكالسيوم والفوسفات وتحديدا الكالسيوم مهم جدا في عمليات مختلفه في الجسم الهيكل العظمي لازم ندي له حقه ان هو عنده كل الوظائف وظائف مختلفه ومتنوعه عن بعض جدا فده يدينا اهميه كبيره جدا عن الهيكل العظمي قبل بقى ما نبدا تفاصيل العظام المختلف عايزين نعرف الاول ايه هي انواع العظام اللي موجوده في الجسم ثانيا هناخد تركيب مبسط خالص كده عن العظام طبعا لان الحاجات دي مش علينا مقرره في المنهج بشكل مباشر ولكن دايما هنلاقي ان في اماكن مختلفه من المنهج هي مقرره بشكل غير مباشر يعني حاجه مثلا زي خلايا الدم البيضاء دي هنلاقي ان هي عندنا في المنهج فاحنا دلوقتي نعرف فكره عنها مش هنعرفها بالتفصيل لان هي هتيجي لنا بعد كده حاجه زي تخزين المعادن والكالسيوم ما حدش يقول دلوقتي هي مش علينا لا هي هتجيلنا والله بعد كده بالتفصيل في الهرمونات فالحاجات دي مش ضروري ان احنا نحفظها حفظ دلوقتي ولكن مهم طبعا ان احنا ناخد فكره عنها طيب نيجي بعد كده ليه حاجه اسمها تصنيف العظام تصنيف العظام حاجه طبعا مش علينا في المنهج ولكن عايزين ناخد فكره عامه كده سريعه تصنيف العظام في تصنيف كده بيقسموه في الكتب بتاعه التشريح لخمس انواع مختلفه في عظام طويله وفي عظام قصيره وفي عظام غير منتظمه ومسطحه وسمسمانيه وعلى فكره المعلومات دي للاطلاع فقط هكتبها لك طيب يعني ايه كلمه عظام طويله كلمه عظام طويله يعني الطول بتاعها اكبر من العرض تمام يعني مش شرط تبقى العظمه نفسها كبيره جدا او صغيره جدا لا ده هي مجرد ما الطول بتاعها اكبر من العرض هيبقى كده هسميها عظام طويله وهبين لكم ازاي دلوقتي طبعا عندي مثال هنا اللي هي عضمه العضد وما ركزش في الاسماء دلوقتي لان كل حاجه هتيجي لنا دي عضمه اسمها الكعبره دي عضمه اسمها دي كلها تعتبر امثله للعظام الطويله وبرضو في الطرف السفلي او في رجلك امثله لعظام الطويله عندي هنا عضمه الفخ وعندي هنا العضمه الخارجيه دي اللي اسمها الشاضيه وعندي طبعا الكبيره تحت دي اللي اسمها القصبه يبقى دي كده مجرد امثله للعظام الطويله لما نيجي بقى نتكلم عن العظام القصيره فيقول لك ان العظام القصيره دي بيبقى شكلها مكعبيه شويه مكعبيه شكل كده شويه وطولها بيبقى زي عرضها زي ارتفاعها يعني ده بيبقى خصائص المكعب يعني مش شرط يا جماعه بالضبط احنا ما بنمسكش مسطره ونقيس احنا بنقول على المنظر يعني فركزلي هنا كده ما تقوليش العظام دي لان العظام دي طويله زي ما شفت دلوقتي ركزلي مع العظام اللي هي دي العظام اللي اسمها رزق القدم هنا العظام دي ودي ودي اهو عشان اللي انا عامله عشان تشوفها كويس اهو العظام دي كده العظام دي كده دي اللي تعتبر عظام قصيره الله امال العظام اللي هنا دي تعتبر ايه والعظام اللي هنا دي والعظام اللي هنا دي كلها زي ما انت شايف الطول بتاعها اكبر من العرض بتاعها بكتير فدي كده كلها تعتبر عظام طويله لذلك هي تعتبر النظام الطويله وليست هنا من العظام القصيره لما نيجي بقى على الايد هنا هتلاقي هنا برده طبعا دي كده تعتبر عظام طويله ودي طويله كل العظام دي تعتبر عظام طويله زي ما احنا شايفين طولها اكبر بكثير ودي برده عظام طويله اما بقى العظام القصيره اللي هنا اهي هي اللي بيبقى شكلها ما تقوليش ده ده مش شبه المكعب انا بقول لك المكعب ده مجرد بس مقياس ان احنا بنقول يعني العرض ما بيبقاش او الطول ما بيبقاش اكبر من العرض بكتير زي ما احنا شايفين كده فدي كده اللي تعتبر هنا طبعا العظام القصيره بعد كده هبص هلاقي في انواع من العظام او اشكال من العظام لا هي تنتمي لده وده وفيها اشكال كده ونتوءات غريبه بالمنظر ده فدي كده بنسميها عظام غير منتظم زي طبعا اللي موجود عندي دي واللي علينا بالتفصيل الممل بعد كده اسمها الفقره ودي عظمه موجوده في الجمجمه اسمها العظمه الوتيديه او عظمه الوتد موجوده في عظام الوجه في الجمجمه بعد كده في تقسيمه مهمه ودي مهمه عندنا في المنهج اسمها عظام مسطحه ومن اسمها لما نيجي نمسك العظام دي هنلاقي ان هي رقيقه شويه زي عظام مين زي عظام هنا عظام الجمجمه عظمه هنا اسمها لوح الكتف هناخدها بالتفصيل وعظمه اسمها عظمه القصر كل العظام دي عظام مسطحه وهنعرف بعد كده ايه يعني اللي مميز في العظام المسطحه دي بعد كده عندي في نوع من العظام اسمها عظام سمسمانيه احنا بنسميها كده لان انا لو افترضت ان هنا كده في عضله لو افترض ان في هنا عضله اهي وطبعا اللي طالع من العضله ماسكها في العضمه اسمها ايه طبعا انتم عارفين دلوقتي اسمها الوتر الوتر ده المفروض ان هو جاي ماسك في العضمه كده لا تبص تلاقي العضمه دي هنا كده ايه داخله جوه الوتر ده يعني ايه داخله جوه الوتر يعني عضمه صغيره كده لو انت لاحظت كده ومسكتها هتلاقي ان هي بتتحرك معك يعني هي مش ماسكه قوي في العضم اللي وراها ولكن هي موجوده جوه الوتر نفسه يعني هي موجوده هنا كده جوه الوتر ده وده بيدي الوتر ده قوه لان زي ما احنا شايفين بعض العضلات بتبقى قويه جدا وبتعمل شد قوي جدا على الوتر ده لذلك طبعا العظام الصغيره اللي موجوده في بعض الاماكن من الجسم دي بتبقى بتساعد شويه في الاوتار دي ان هي تقاوم الضغط اللي عليها او الشد يعني السحب اللي عليها طيب ما يهمناش خالص الكلام ده احنا بس دي فكره عامه كده بشوقكم يعني الموضوع العظام قلنا ان احنا عندنا تصنيف العظام بنقسمها الى خمسه طويله طولها اكبر من عرضها قصيره ما بيبقاش في فرق بين الطور والعرض كتير غير منتظمه زي ما احنا شايفين شكلها غريب كده والمسطحه بتبقى يعني طبقتها رقيقه شويه والسمسمانيه زي الردفه اللي موجوده هنا في الركبه طيب تعالوا نشوف كده نقدر نطبق بسرعه كده على الكلام اللي احنا قلناه ولا لا طبعا عندي هنا عظمه القص ايه رايك في العظمه دي طبعا هي هنا المنظر جاي امامي شويه ولكن لو جيناها على الجنب هنلاقي ان هي عظمه مسطحه يعني رفيعه كده شويه طيب العظمه اللي قدامنا دي اللي هي الفقره ايه رايك ايه نوعها اكيد هتبقى غير منتظمه لا هي طويله ولا هي صغيره طب ايه رايك في العضمه دي بقى اللي هي عضمه الفخد دي اكيد طبعا عضمه طويله واضح جدا طيب ايه رايك بقى في العظام اللي موجوده هنا دي اكيد دي طبعا عظام قصيره لان زي ما احنا شايفين شبه المكعب كده والعضمه اللي موجوده دي هنا مع ان الوتر مش موجود هنا ولكن هي عظام سمسماني وطبعا العظم الصغير اللي عندي دي هي مثال للعظام السمسمانيه اللي بتبقى موجوده داخل وتر عشان تساعده على قوه السحب دي تمام طبعا بقول تاني وبكرر المعلومات دي مش مهمه اعرفها من الودن دي ونطلعها من الودن دي على طول طيب نيجي بعد كده لحاجه اسمها تركيب العظام ودي حاجه برضو مش مهمه بشكل مباشر بالنسبه لنا ولكن هتعرفوا في المنهج واحنا ماشيين ان الحاجات اللي انا بقولها دلوقتي دي مهمه جدا زي ما هنعرف بعد كده طيب لما نيجي نتكلم بقى على تركيب العظام او نيجي نعرف كده التركيب بتاع العظام بيتكون من هنا عامه بنعرف على مستويين المستوى الاول هو المستوى التشريحي وده اللي انا بشوفه بالعين المجرده ده اللي انا بشوفه بعيني ده اللي انا لو مسكت العظمه كده هشوفه او لو فتحتها هشوفه والنتيجه طبعا انا ما بشوفش الانسجه بعيني انا بشوف الانسجه طبعا تحت الميكروسكوب تمام تعالى اول حاجه ناخد فكره سريعه جدا كده عن العضمه تشريحيه لو جيت مسكت عضمه طويله كده بالمنظر ده دي طبعا تحديدا انعدام الطويله يعني هلاقي ان هنا زي ما احنا عارفين في طبقه موجوده على المفصل عشان تحمل عظم ده اسمها غضروف وركزوا بقى معي في الحته دي قوي لو جيت على العظمه من فوق كده هلاقي ان انا عندي فيه زي ما انتم شايفين كده في العضم موجود من هنا مخرم شويه كده لقوا العلماء لقوا المنظر ده كده شبه ايه شبه الاسفنجه فسموا العظم ده كده عظم اسفنجي ليه العضم الاسفنجي ده مهم بالنسبه لنا لان العضم ده هو اللي موجود فيه نخاع العظام الاحمر زي ما انتم شايفين انا رسمته كده يعني رسمه بسيطه جدا اه فاكرين بقى كلمه نخاع العظام الاحمر ده انا قلتها من شويه اه قلت ان هي دي اللي بتكون خلايا الدم يعني انا لو جيت على العظمه طويله زي دي كده هيبقى الجزء ده فيها هو اللي بيكون الخلايا بتاعه الدم اما الجزء اللي في النص ده ما فيهوش عظم اسفنجي فمش هيكون طيب ايه رايكم بقى في العظم اللي على الجنب هنا ده طبعا العظم ده مختلف العظم ده بيسمى عظم مكثف اهو نسميه عظم مكثف غير مين غير طبعا الاسفنجي ده ما بيبقاش فيه فراغات كده فيبقى انا عندي في عظم اسفنجي وعظم مكثف ومهم ان احنا نعرف الفرق بين الاثنين دول طيب طبعا بلا شك اللي قدام نا ده هو شريان مغذي وهنعرف دلوقتي هو مغذي الايه هتعرف دلوقتي ان العظم ده اصلا مليان خلايا يعني مش زي ما انت متخيل كده ان العظم ده حاجه مصمته كده وصل صلبه وخلاص ومش حاجه حيه لا العظم حي ومليان خلايا زي ما هنعرف بعد شويه طيب ايه بقى الحاجه اللي موجوده بالاصفر جوه دي طبعا واضح جدا اللي احنا قلنا عليها من شويه اللي هو نخاع العظام الاصفر وده طبعا مش بيكون خلايا ولكن هو بيبقى عباره عن دهون شفتم التركيب بسيط خالص بتاع العظم اهو عايزكم بس تفرقه هنا بين العظم المكثف والعظم الاسفنجي اللي فيه نخاع العظام الاحمر وما تهمناش قوي على فكره كلمه اسف او كلمه مكثف ولكن تهمنا كلمه نخاع العظام الاحمر وهنا نخاع العظام الاصفر لو مسكت بقى اي عضمه مسطحه بالمنظر ده هلاقي ان هي من جوه مليانه نخاع عظام احمر اللي هو طبعا العظم الاسفنجي يعني انا هنا هلاقي عظم اسفنج لان هو عضم اسفنجي هيبقى مليان من جوه ايه اكيد طبعا النخاع عظام احمر فدائما كده قاعده هنعرفها لما نيجي نتكلم عن المناعه ان العظام المسطحه دايما بيبقى فيها من جوه عظم اسفنج كتير وبالتالي هي فيها نخاع عظام احمر كتير جدا وهتيجي هنا طبعا الطبقه اللي فوق من العظمي دي طبعا هي طبقه العظم المكثف وزي ما قلنا كذا اللي تحت دي طبقه عظم اسفنجي اتفقنا يا جماعه دي فكره عامه كده وبسيطه خالص عن تركيب العظمه تشريحيا يعني وعايزين نفرق بس من كلمه تخاع العظام الاحمر وكلمه نخاع العظام الاصفر اللي هو عباره عن دهون عاديه جدا اما بقى نسيجيا وهنا الكلام الجديد بقى ان احنا ممكن يبقى بعضنا متخيل العظام دي ان هي حاجه صلبه ومصمته وخلاص ما فيهاش خلاه لا العظام غنيه جدا بالدم وغنيه بالعناصر المختلفه وغنيه بالخلايا كمان المختلفه زي ما هنشوف دلوقتي ففي خلايا مثلا مش انا قلت لكم قبل كده ان العظم ده عباره عن نسيج ضم طيب اهم الخليه اصلا بتبقى موجوده في نسيج الضم اسمها ايه اسمها طبعا خليه مولده مش هنقول بقى هنا الالياف هنقول للعظم ليه لان احنا بنتكلم عن العظم احنا خلاص بقى ما بنتكلمش عن الموضوع بشكل عام طيب الخليه المولده العظم دي هي اللي هتكون ايه اقول لك اه هي دي اللي بتفرز المعادن المختلفه تاخدها من الدم وتحطها في العضم هي دي يا معلم بتفرز الالياف فاكرين الياف الكولاجين مع العظمه يا جماعه اللي مخليه اللي بيساعد في طلبته كده برضو هو مين هو بتبقى كده خيوط كده من الكولاجين كتير جدا كثيف كده وبيبدا يترسب عليها الاملاح زي الكالسيوم والحاجات دي فتعمل لنا منظر العضم اللي احنا شايفينه ده ما يهمناش قوي التفاصيل دي ولكن انا عايز بس ابين لك ان العظم غني جدا بالخلايا طيب الخليه دي بقى لما تبدا تفرز حواليها كده الخليه دي لما تبدا تفرز حواليها كده الياف وتبدا تفرز المعادن والحاجات دي بتلاقي ان هي اتحشرت في النص يعني هي عماله تفرس حوالي كده لحد ما تحشر في النص لما تحشر في النص قوم جاي رايحه متحوله للخليه دي الخليه دي دي اسمها خليه عظميه ما خلاص هي دلوقتي موجوده جوه العضم فاسمها خليه عظميه والخليه العظميه دي هتلعب دور عندنا لما نتكلم على الهرمونات ان شاء الله فهناجلها شويه بعد كده عندي طبعا العظم لازم يجدد نفسه فعنده حاجه اسمها خلايا جذعيه وعارفين طبعا ان كلمه خلايا جدعيه دي لما خدناها في النسيج الضم اللي هي المسئوله عن تجديد النسيج لان الخلايا التانيه دي ما بتبقاش عندها القدره على الانقسام وتكوين خلايا تانيه فالخلايا الجذعيه دي ضروريه جدا للعظم وعندنا بقى خلايا هنا برضو مهمه جدا في موضوع الهرمونات اسمها خلايا هضمه للعظم يبقى دي كده مولده العظم او بانيه العظم برضو ممكن تلاقيها في اسم كتاب كده ودي هضمه للعظم او او ممكن تلاقي اسمها برضو ناقده للعظم يعني بتهد العظم ده تمام وهنعرف الدور بتاع كل الحاجات دي بعد كده ان شاء الله يبقى كده يا جماعه احنا خدنا فكره كمان عن تركيب العظام بصفه سريعه جدا مش عايز اي حد يركز في التفاصيل دي كلها وبكتب لكم هنا اهو برضو اؤكد عليكم ان الكلام ده للاطلاع فقط ولكن انا عارف ان في ناس كتيره منكم مهتمه بالمجالات دي ومهتمه بمعرفه اكثر وفي ناس بتسالني على زيادات في المعلومات دي فانا بقول لكم الكلام ده بس للاطلاع فقط وللتشويق عشان لما نيجي بعد كده نقول يا جماعه العظمه دي تعتبر من العظام الطويله العظمه دي تعتبر مثلا من العظمه المسطحه نبقى احنا عارفين الفروق بينهم طيب كده احنا اتكلمنا على تركيب العظام وتكلمنا على وظائف الجهاز الهيكلي واتكلمنا على انواع العظام المختلفه هنبدا على طول المره الجايه من تقسيمه الهيكل العظمي الى هيكل محوري وهيكل طرفي وده هي التفاصيل المهمه جدا اللي هتبقى بالنسبه لنا في المنهج هنبدا على طول ان شاء الله الفيديو الجاي من الهيكل المحوري