الفرق بين الكتلة الحجم والكثافة أنيميشن

سلام عليكم طبعا كلنا عارفين ان اي حاجه حوالينا تعتبر مواد وعلشان نعبر عن الماده دي بنستخدم كميات فيزيائيه زي الكتله والحجم والكثافه انا عارف انا عارف ان انت بتتلخبط بينهم ولكن بعد الفيديو ده ان شاء الله اوعدك ان انت مش هتنساهم تاني لاننا مش هنقول لك شرح اكاديمي او هنقول لك التعريفات وخلاص لا احنا هنقول كل حاجه بالانيميشن وبامثله علشان تثبت اكتر زي طبعا ما متعود مننا اتاكد انك هتشوف الفيديو للاخر علشان توصل لك الاستفاده الكامله وما تنساش تعمل اشتراك في القناه علشان توصل لك كل فيديوهاتنا اللي جايه خلونا نبدا على طول بمثال عملي واول حاجه هنتكلم عليها هي الحجم تخيل انك عندك اناء ازاز طوله متر وعرضه متر وارتفاعه كمان متر لو عايزين نحسب حجمه هيكون متر في متر في متر اللي هو متر مكعب واخد بالك ان احنا قلنا متر مكعب بالزبط هو ده التمييز الحجم هو بيشغل حيز في الفراغ هو عباره عن مساحه مسطحه لها ارتفاع يعني مثلا الاناء ده هو عباره عن ايه عباره عن مساحه مسطحه اللي هو المربع متر في متر طيب ده تمييزه ايه ايوه بالظبط هو متر مربع طيب هل هو دلوقتي ليه حيز في الفراغ لا طبعا هو مجرد خطوط وهميه بتعبر عن شكل المربع بس طب ايه رايك لو خلينا الارتفاع علشان يشغل حيز من الفراغ حلو لو جينا عملنا له ارتفاع مقداره واحد متر وضربنا مساحه المربع في الارتفاع ده اللي هو متر مربع في متر كمان هيدينا متر مكعب وهو ده الحجم طبعا تقدر تطبق ده على كل حاجه اي حجم فهو بيشغل حيز من الفراغ دلوقتي هنتكلم عن الكتله انا عارف انك عارف اني عارف انك عارفها ولكن دي هتساعد كتير قوي ان احنا نفهم معنى الكثافه لسه عندنا الاناء الفاضي ده صح ايه رايك لو مليناها ميه على الاخر يلا نعرف كتله الاناء ده فلنعتبر ان الاناء فاضي كتلته 40 كلغ لو جينا نعرف كتله الاناء بالميه اللي فيه تحت الظروف المثاليه هيطلع 1040 كيلو جرام كده نقدر نحسب كتله الميه بكل سهوله هتكون 1040 ناقص اربعين اللي هي كتله الاناء هتساوي الف كيلو جرام كده عرفنا ان كتله واحد متر مكعب من الميه هو الف كيلو جرام وحلو برضو ان انت عارف ان الكتله اصلا بتتقاس بالكيلو جرام فخلينا دلوقتي نعرف عن الكثافه بس قبل ما نبدا في الكثافه انا عارف ان انت عايز تعرف الفرق بين الكتله وبين الوزن وده ان شاء الله هيكون في الفيديو اللي بعد ده على طول وكمان ممكن تدور في القناه ممكن نكون عملنا الفيديو ده او ممكن تلاقيه في الاي هنا او هنا مش عارف الحقيقه ولكن عامه دور في القناه وهتلاقيه ان شاء الله بتسمع انت في نشره الاخبار يقول لك ان القاهره فيها كثافه سكانيه عاليه قوي هل سالت نفسك يعني ايه الكلام ده هبسطها لك لو انت في اوضه لوحدك زي انا دلوقتي كده هل زيها زي ما هيكون معك خمسه او يكون معك عشرين عشره عشره طب لو اعتبرنا ان الغرفه دي عشرين متر مربع ها خلي بالك مربع مش مكعب انا بتكلم على مساحه وفي عشرين شخص في الاوضه يبقى كل شخص له كم متر مربع هتعمل ايه اكيد هتقسم عدد الاشخاص على مساحه الغرفه خلي بالك ان انت هنا قسمت هيطلع لكل شخص واحد متر مربع يعني في الكثافه بنقسم بس طبعا حاجه اسمها كثافه سكانيه ومش موضوعنا انا بس بفهمك مفهوم الكلمه مفهوم كلمه الكثافه يعني خلونا دلوقتي نرجع لمثال الاناء والميه احنا دلوقتي عارفين حجم الاناء ده واحد متر مكعب وعارفين كتله الميه اللي جواه هي الف كيلو جرام دلوقتي عايزين نعرف كثافه الميه بالضبط كده هتعمل نفس الحاجه يعني هتقسم كتله الميه على الحجم بتاعها الف كيلو جرام على واحد متر مكعب هيدي لنا 1,000 كيلو على المتر المكعب كده دلوقتي واضح جدا ان الكثافه بتساوي الكتله على الحجم وطبيعي جدا تقدر تستنتج التمييز الكتله تمييزها كيلو جرام والحجم تمييزه متر مكعب يبقى الكثافه تمييزها كيلو جرام على المتر المكعب او بمعنى اخر تقدر تقيسها بالشكل ده تقول ان كثافه الماده دي كذا كيلو جرام على المتر المكعب او كثافه الماده دي كذا الف كيلو جرام على المتر مكعب طيب لو جبنا زئبق وملينا الاناء ده به ايوه هي الماده اللي انت ما تعرفهاش هي دي اصلا سائل ولا صلب هتكون عارف ان كثافتها 13600 كيلو جرام على المتر مكعب تخيل اصلا الزئبق ده سائل يعتبر كثافته اعلى من كثافه الحديد ما علينا لو جيت مليت الاناء ده بس هنعتبر ان الاناء ساعتها بقى نص متر مكعب يعني حجمه بقى نص متر مكعب بس هتحسبها ازاي سهله بما ان الكثافه بتساوي الكتله على الحجم اذا الكتله اللي هي بالكيلو جرام هتساوي الكثافه اللي هي بالكيلو جرام على متر مكعب في الحجم اللي هو بالمتر المكعب المتر المكعب هيروح مع المتر المكعب وهيتبقى الكيلو جرام خلي بالك انا بوضحلك بالطريقه دي علشان ما تحفظش كل حاجه تقدر تستنتجها يبقى الحجم اللي هو نص متر مكعب في الكثافه اللي هي 13,600 كيلو جرام على المتر المكعب هيدي لنا 6800 كيلو جرام اخيرا محتاجك تعرف ان الكثافه دي هي حاجه مميزه للماده يعني ايه يعني الكثافه للماده الواحده مش بتتغير تحت الظروف العاديه نهائيا بتتغير في حالات مختلفه ممكن نتكلم عليها بعد كده ولكن اللي عايزك تعرفه ان كثافه الماده ثابته اهو انت مثلا شفت ان كثافه الميه هي الف كيلو جرام للمتر المكعب ولكن لو جبت الميه وحطتها في اناء الحجم بتاعه متر مكعب فهيكون كتله الاناء ده هي 1000 كيلو جرام ولكن لو جبت الميه وحطيتها في اناء حجمه نص متر مكعب فكتلتها هتكون 500 ولكن في الاول وفي الاخر كثافتها هي الف كيلو جرام على المتر المكعب وهو ده معنى ان الكثافه صفه مميزه للماده طيب هل كده فهمنا خلاص طيب دلوقتي يلا نشوف التعريفات الاكاديميه للتلات مصطلحات ايوه اللي احنا ما بنعرفش نحفظها دي ولكن بعد ما فهمناها اولا الحجم هو مقدار الحيز الذي يشغله الجسم من الفراغ المحيط به ويقاس بوحده المتر المكعب طبيعي جدا لان احنا في المثال بتاعنا قلنا ان الاناء له ارتفاع فبالتالي بيشغل حيز من الفراغ موجود في مكان معين وهنقيسه بالمتر المكعب لانه ناتج ضرب ثلاث اطوال او مساحه في ارتفاع يبقى طبيعي ان الاس بتاعه يكون تلاته او تكعيب يبقى متر مكعب ثانيا الكتله هي مقدار الماده الموجوده في الجسم وكلما احتوى الجسم على ماده اكبر كلما زادت كتلته وتقدر بالكيلو جرام اظن طبعا دي مش محتاجه سهله خالص ثالثا الكثافه هي الصفات المميزه للاجسام وهي كتله وحده الحجوم من الماده وتقاس بالكيلو جرام لكل متر مكعب قلنا ان الماده الواحده كثافتها ثابته لذلك تعتبر صفه مميزه للماده وتقدر تقيسها بالكيلو جرام لكل متر مكعب لان هي ناتج قسمتهم ناتج قسمه الكتله على الحجم شفت بقى انك كنت مكبر الموضوع وطلع سهل قوي ما تنساش بقى تبعت الفيديو ده حد بيتلخبط زيك شكرا انك وصلت لحد هنا ما تنساش تعمل اشتراك في القناه علشان توصل لك كل الفيديوهات اللي جايه وتعمل لايك لان ده بيساعد في دعم المحتوى ده شكرا لك واشوفك الفيديو الجاي ان شاء الله سلام عليكم