موضوع التعبير كيف تحصل على الدرجة النهائية في التعبير

لما مصر دخلت كاس العالم سنه 90 وسنه 2017 اللي هي السنه دي فلما سالنا تفتكر مصر ممكن تحصل على المركز الاول كان ردهم ياه بس احنا ناخد بس مركز ثاني او ثالث احنا مش طمعين ده نفس احساس الطالب بالظبط وهو داخل الامتحان العربي بنقول له يلا يا بطل شد حيلك بقى عشان تجيب الدرجه النهائيه يقول لك اقفل ياه يا مستر بس انا انقص درجه ولا درجه ونص ده التعبير لوحده بنقص فيه بالدرجه والدرجتين لدرجه ان القاعده العامه بقت عند كل المصريين ان ما حدش بيقفل في التعبير فمضمون الفيديو بتاعنا النهارده ازاي تخلي المصحح لو هينقصك ينقصك نص درجه بس علشان كده كوبايه النسكافيه بتاعتك جنبك كراستك وقلمك في ايدك سجل كل كلمه هقولها لك واتفرج على الفيديو عبال ما انا اروح اشرب كوبايه النسكافيه وارجع لك تاني بسطتها لك ازاي يا سيدي تخلي الراجل الكبره اللي هيصحح لك الامتحان تخليه يديلك الدرجه النهائيه في التعبير او على الاقل ينقصك نص درجه بس اول حاجه قبل ما تكتب الموضوع التعبير لازم تكتب افكار للموضوع او عناصر للموضوع هتقول لي على فكره انا ولا بعرف اطلع افكار ولا فاهم يعني ايه عناصر هقول لك المفروض ان وظيفه الافكار او تحديدها ان هي بترتب لك موضوع التعبير بترتب لك انت عايز تقول ايه وبعد اما تخلص النقطه دي بتروح للنقطه الثانيه وهكذا لكن لو انت ما بتعرفش تطلع افكار انا ممكن اقول لك شويه عناصر او افكار ينفعوا معاك لمعظم المواضيع اللي ممكن تجي اول فكره هتحتاجها في معظم المواضيع اهميه الموضوع الموجود قدامك ده لو هو موضوع مفيد لكن لو هو موضوع دار زي مثلا عن البخل او عن الكسل او عن الاسراف او عن التلوث يبقى هتقول ايه اضرار الموضوع ده يبقى دي الفكره الاولى الفكره الثانيه اللي هتنفع معاك في معظم المواضيع واجبنا نحو الموضوع واجبنا نحو الصحه واجبنا نحو وطننا واجبنا نحو التلوث واجبنا نحو نهر النيل واجبنا نحو قناه السويس اي موضوع سواء هو حلو او وحش ينفع تقول معاه وهجيبنا نحو الموضوع ده ايه ثالث فكره تنفع معاك في معظم المواضيع حث الاسلام على الموضوع ده لو الموضوع ده كويس بتقول عليه حث الاسلام على يعني لو جالك مثلا على النظافه على النظام على التعاون على الصحه كل ده بتقول معاه حث الاسلام على لكن مثلا لو جاب لك موضوع سيء زي مثلا التلوث الارهاب الانانيه الكبر الاسراف تقوم قايل حذر الاسلام من الموضوع ده الفكره الرابعه والاخيره اللي تنفع معاك لمعظم المواضيع اثر الموضوع ده على الفرد والمجتمع كل حاجه حلوه ليها اثر على الفرد والمجتمع وكل حاجه وحشه ليها اثر برض على الفرد والمجتمع فالاربع افكار دول هينفعوا معاك في معظم هتقول لي يا مستر ما ممكن يجيلي موضوع ما ينفعش معاه الافكار دي هقول لك الافكار دي انا حاطتها بس للناس اللي مش عارفه تطلع افكار لكن لو انت بتعرف تطلع افكار ممكن ما تستخدمش الافكار دي خالص واكتب انت افكارك كلها من دماغك او ممكن تستعين بفكره او فكرتين من دول وانت تزود الافكار الباقيه من دماغك المواضيع فقبل ما تكتب موضوع التعبير تقوم كاتب الاربع افكار بتوعك دول يبقى خلصنا كده اول حاجه اللي هي كتابه العناصر هتقول لي بس انا لو كتبت الاربع افكار دول بس في التعبير مش هعرف اكتب كتير وانت عارف ان هم طالبين مننا عدد سطور معينه هقول لك يا سيدي لو انت عايز تزود من عندك افكار ثاني زود ما فيش مشكله لكن هقول لك على طريقه جميله ممكن تخليك تكتب ثمان سطور او 10 سطور زياده ان انت لما يجي لك موضوع اتكلم عن الموضوع وعكسه يعني جاب لك عن الصحه اتكلم عن الصحه وبعد ما تخلص الاربع افكار دول عن الصحه ابتدي اتكلم عن المرض من اول وجديد لما يجيب لك موضوع تعبير عن التعاون اكتب عن التعاون وفي نفس الوقت بعد ما تخلص اتكلم عن الانانيه وخطر الانانيه ولما يقول لك اتكلم عن قناه السويس اتكلم عن قناه السويس وعن اقتصاد مصر وعن مصر فحاول لما يطلب منك موضوع تتكلم عن كل المواضيع اللي ليه علاقه بيه يعني لو جاب لك موضوع عن الرياضه يبقى انت كده هتتكلم عن الرياضه وهتتكلم عن الصحه وهتتكلم عن المرض وهتتكلم عن الكسل فالحاجات دي كفيله ان هي تخليك تكتب عدد سطور اكت بكتير ثاني حاجه ابعد خالص عن المقدمات المحفوظه زي بقى مما لا شك فيه ان هذا الموضوع من اكثر المواضيع التي تمنيت ان اكتب فيها يا ولا بطل كتب يا ولا بقى الموضوع ده من اكث المواضيع اللي انت اتمنيت ان انت تكتب فيها اه يا اخي منك فالمقدمات اللي بالنوع ده نص الطلبه المصريين بيكتبوها فالمطلوب من حضرتك ان انت تالف مقدمه كده عباره عن سطر او سطر ونص من دماغك وما تقوليش ما بعرفش اللي يخليك تقدر تالف او صفحتين عن الموضوع يخليك تقدر تالف مقدمه عن الموضوع ثالث حاجه اللي انت تقسم الموضوع بتاعك لفقرات شفت الافكار اللي انت كتبتها قبل ما تكتب موضوع التعبير هتقول لي اه هقول لك جميل انا بقى هكتب موضوع التعبير بتاعي بنفس التقسيمه بتاعه الافكار دي اول فكره عندي كانت ايه هتقول لي كانت اهميه الموضوع تقريبا هقول لك ايوه يبقى انا هفضل اتكلم عن اهميه الموضوع لحد اما اخلص اهميه الموضوع ده وبعد لما اخلص اقوم حاطط نقطه وابدا من اول السطر في الفكره رقم اثنين اللي هي حاسه الاسلام على الموضوع ده وافضل اتكلم بقى اجيب له قصص بقى انا عارفها اسلاميه اجيب له حديث عن النبي صلى الله عليه وسلم اجيب له ايه افضل اتكلم في الفكره دي لحد اما اخلصها وبعد كده اقوم حاطط نقطه واروح للفكره الثالثه المهم ان الموضوع بتاعك يبقى متقسم لفقرات علشان يبان ان هو شكله جميل ومنظم ولو انت في الامتحان ما عرفتش تقسم الموضوع بتاعك لافكار كل اربع سطور ونص حط نقطه وابدا من اول السطر علشان يبان موضوع التعبير بتاعك بالنسبه للمصحح ان هو منسق ومتقسم لفقرات هتقول لي يا مستر يعني هو المصحح صحح بيقرا التعبير علشان افضل انا اتعب في نفسي واقسم الموضوع لفقرات هقول لك على فكره هو بيقرا موضوع التعبير وحتى لو نفترض ان هو ما بيقراهوش المنظر العام بيخليه ياخد انطباع عن الموضوع اللي قدامه ده ان هو موضوع كويس وان اللي كاتبه ده انسان منظم ولو انا سالتك انت قدامك دلوقتي موضوعين تعبير تفتكر مين فيهم افضل من الثاني اكيد هتختار اللي على اليمين رغم ان الموضوعين واحد والكلمات اللي مكتوبه هنا هي الكلمات اللي مكتوبه مكتوبه هنا لكن تنسيق الموضوع اللي مكتوب على اليمين افضل بكتير من تنسيق الموضوع اللي مكتوب على الشمال كل ده علشان اللي على اليمين ده مقسم الموضوع بتاعه لفقرات اما اخينا اللي على الشمال ده ما تقدرش تحدد له فين بدايه الفكره وفين نهايه الفكره فين بدايه الكلام وفين نهايه الكلام كل الكلام داخل في بعضه يبقى ثالث حاجه تقسيم الموضوع لفقرات النقطه الرابعه اللي لازم حضرتك تاخد بالك منها كويس جدا جدا جدا اللي انت تبعد عن الاخطاء الاملائيه والنحويه قدر المستطاع يعني ما تكتبش كلمه في التعبير الا لما تكون متاكد مليون في الم ان الكلمه دي صح طب افرد في كلمه انت شاكك فيها وحاسس ان هي غلط بدلها بكلمه ثانيه يعني انت مثلا عايز تقول جمله المكان ممتلئ نورا وانت حاسس ان انت مش هتعرف تكتب كلمه يمتلئ صح خلاص بدلها باي كلمه ثانيه قول مثلا المكان يشع نورا مكان فيه نور المهم ان انت تبعد عن الخطا الاملائي قدر المستطاع علشان دي بتتحاسب عليها كويس جدا من الاخطاء الاملائيه اللي معظم الطلبه بيقعوا فيها ان هم ما بيعرفوش يفرقوا ما بين الف الوصل وهمزه القطع وده انت بتتحاسب عليه في التعبير طب ازاي تفرق ما بينهم؟ هقولها لك كده في عجاله لما يجي لك كلمه فعل او كلمه مصدر وانت مش عارف الكلمات دي هل هي همزه قطع ولا الف وصل كل اللي مطلوب منك ان انت تجيب منها الفعل المضارع مبدوء بياء يعني مثلا كلمه اهتمام انا مش عارف فيها همزه ولا لا هات الفعل المضارع منها في ياء يهتم هتبص على الياء اللي في الفعل المضارع لو الياء مفتوحه يبقى دي الف وصل ما فيهاش همزه لو الياء مضمومه يبقى دي همزه قطع هتقول لي لا اديني كده مثال تاني هقوللك مثلا زي كلمه اعطى هات منها الفعل المضارع في ياء هتقوللي يعطي هقوللك جميل الياء هنا مضمومه ولا مفتوحه هتقوللي مضمومه هقوللك يبقى دي همزه قطع يبقى تقول اعطى بالهمزه وتبعد بقى عن الخطا النحوي يعني حضرتك وانت بتكتب جمع المذكر السالم والمثنى خلي بالك منهم قوي يعني ما ينفعش تقول قال المصريين انت عارف ان المصريين هنا فاعل وجمع المذكر السالم يرفع بالواو فلازم تقول قال المصريون طيب في كلمه جمع مذكر سالم او مثنى انت عايز تكتبهم ومش عارف اعرابهم ايه ما تحطهمش هات مكانهم جمع تكسير بدل ما تقول قال المصريون قول قال شعب مصر وريح دماغك يعني لو انت عايز تقول يحب الله الصادقين وانت مش عارف الصادقين دي كده صح ولا المفروض تبقى الصادقون شيلها خالص وهات مكانها مفرد قول يحب الله الصادق او شيلها خالص وهات مكانها يحب الله اصحاب الصدق المهم لو انت عايز تجيب جمع مذكر سالم او مثنى وانت مش عارف اعرابه ابعد عنه خالص يبقى النقطه الرابعهاني هي البعد عن الاخطاء الاملائيه والنحويه النقطه الخامسه علامات الترقيم علامات الترقيم دي بتفكرني الكوبايات اللي موجوده جوه النيش عارفها انت دي اللي احنا بنشرب فيها كل سنه ولا سنتين مره لما ربنا بيكرمنا ويجي لنا ضيوف بعض الناس بقى بيتعامل مع علامات الترقيم دي على اساس ان هي حاجه اثريه اللي احنا مثلا نحط فاصله كل سنتين ثلاثه نحط فاصله منقوطه كل خمس سبع سنين نحط علامه اعتراضيه مره في القرن حضرتك موضوع التعبير لازم يبقى كله مليان علامات ترقيم هتقول لي ما هي المشكله اللي انا ما بعرفش اكتب علامات ترقيم هقول لك بص يا سيدي الموضوع بسيط جدا جدا علامات الترقيم دي اللي هي ايه؟ اللي هي الفاصله والفاصله المنقوطه وعلامه الاستفهام وعلامه التعجب والعلامه الاعتراضيه والنقطه والنقطتين اللي فوق بعض كل حاجه من دول ليهم استخدام وحضرتك لازم تستخدم كل دول في موضوع التعبير الفاصله دي يا سيدي بستخدمها علشان افصل بين الجملتين يعني بعد لما اقول جمله وتخلص وهقول جمله جديده احط ما بينهم فاصله يعني مثلا لو انا عايز اقول قلب المؤمن طاهر فاصله ولا يعرف الحقد الجمله الاولى خلصت وانا عايز ابدا جمله جديده هقوم حاطط فاصله واكتب لا يعرف الحقد يعني كل لما تخلص جمله وتيجي تكتب جمله جديده في نفس الفكره تقوم حاطط فاصله وتكتب الجمله الجديده والفاصله برض بستخدمها لحاجه ثانيه بين اقسام الشيء الواحد يعني ايه يعني انا مثلا لما اجي اعرف لك اركان الصلاه فاقول لك اركان الصلاه نقطتين تكبيره الاحرام فاصله القيام فاصله الركوع فاصله السجود وجود وهكذا يبقى الفاصله بستخدمها بين الجمله والجمله او بين اقسام الشيء الواحد نيجي بقى للفصله المنقوطه تقول لي ايوه الفاصله المنقوطه دي بقى الوحيده اللي انا ما بعرفش اعمل فيها ايه الفاصله المنقوطه دي يا سيدي يعني انا بقول لك ان الجمله اللي بعد الفاصله المنقوطه اجابه للجمله اللي قبليها هتقول لي نعم هقول لك زي لما اقول لك اذاكر دروسي حتى انجح حتى انجح دي مش اجابه للجمله اللي قبليها اللي هي ليه انا بذاكر اصلا انا بذاكر ليه حتى انجح يبقى قبل حتى اقوم حاطط فاصله منقوطه او زي لما اقول لك احافظ على صلاتي لان الله امر بذلك مش جمله لان الله امر بذلك اجابه للجمله الاولى اللي هي ليه انا بحافظ على صلاتي الاجابه لان الله امر بذلك يبقى احط قبل كلمه لان فاصله منقوطه ده استخدام يا سيدي الفاصله المنقوطه ولو انت برده لسه في قلبك شك ومش عارف تستخدمها انا هقول لك شويه حاجات الفاصله المنقوطه دايما بتيجي قبليهم كلمه لان لازم الفاصله المنقوطه تيجي قبليها كلمه لكي قبليها بيجي فاصله منقوطه كلمه حتى غالبا بيجي قبليها فاصله منقوطه المفعول لاجله بيجي قبليه دايما فاصله منقوطه زي لما اقول لك اتصدق رغبه في دخول الجنه قبل كلمه رغبه لان رغبه مفعول لاجلي احط قبليها فاصله منقوطه وعلامه الاستفهام لما بقول سؤال وعلامه التعجب لما بقول بقول صيغه تعجب زي ما اجمل السماء ما اروع البحر العلامه الاعتراضيه اللي هم الشرطتين دول لما اجي اقول حاجه مثلا زي صلى الله عليه وسلم رضي الله عنه النقطتين اللي فوق بعض دول لما اقول قال فلان اقوم حاطط نقطتين فوق بعض قال الرسول صلى الله عليه وسلم قوم حاطط نقطتين فوق بعض والنقطه دي بحطها في نهايه الفقره اللي احنا قلنا عليها لما اخلص الفقره بتاعتي اللي هي بتبقى عباره عن قد ايه عباره عن ثلاث سطور ثلاث سطور ونص، اربع سطور ونص او حاطط نقطه النقطه رقم سته والاخيره عندي هي الاستشهاد لازم موضوع التعبير يبقى فيه استشهاد يعني ايه استشهاد يعني ايه او حديث او بيت شعري او حكمه او قول مقصور او قصه اي حاجه من دول يبقى اسمهم استشهاد والافضل برده ان انت تنوع وتكتب استشهادات كتير تكتب ايه لو انت حافظ ايه تكتب حديث تكتب بيت شعري تكتب قول مقصور قول قول مقصور يعني قول قديم مثلا لصحابي لواحد من السلف او انك تكتب حكمه كل ده مهم وبعد اما تكتب موضوع التعبير طبعا بخط كويس ومنظم الف كده اي خاتمه من عندك تختم بيها موضوع التعبير وان شاء الله لو انت كتبت بالطريقه دي ان شاء الله هتاخد درجه كويسه جدا في التعبير واوعى تنسى تسجل النقاط السته اللي احنا قلناهم دي وتحفظهم كويس جدا انا كده خلصت الدرس بتاعي اتمنى لو الفيديو عجبك ما تنساش تعمل له شير علشان الناس كلها تستفيد ما تنساش تشترك في القناه علشان تجيلك كل فيديوهاتنا الجديده والسلام عليكم ورحمه الله وبركاته.