أنواع الحدود السياسية الجزء الأول جغرافيا تالتة ثانوى

السلام عليكم ورحمه الله وبركاته اهلا بكم طالبه الثالثه ثانوي ادبي في كل مكان معاكم مستر محمد فتحي وتعالوا بقى نتكلم عن الدرس الثاني في الوحده الثانيه جغرافيا بعنوان انواع الحدود السياسيه اتكلمنا الحلقتين اللي فاتوا عن الحدود السياسيه طب هل ليهم بقى انواع؟ اه الحدود ليها انواع ايه هي بقى ده بقى موضوع حلقتنا ويلا بينا بقى نبدا ونقول بسم نقول بقى بسم الله وتعالوا نبدا الحلقه بتاعتنا ونعرف ايه هي انواع الحدود السياسيه الحدود السياسيه لها نوعين رئيسيين النوع الاول حدود طبيعيه والنوع الثاني حدود مش طبيعيه بقى البشر هم اللي بيعملوها فبنقول عليها بشريه تعالوا نبدا باولا الحدود الطبيعيه ونعرف ايه هي الحدود السياسيه التي يتم رسمها على اساس ظاهرات طبيعيه واضحه لو هنعمل الحدود على اساس ظاهرات طبيعيه ربنا سبحانه وتعالى هو اللي خالقها يبقى اسمها كده ايه؟ حدود طبيعيه زي ايه بقى؟ زي الجبال الانهار البحار البحيرات الممرات الملاحيه اللي هي المضايق وكمان الخلجان كل الحاجات دي لو هتعمل الحدود السياسيه ماشيه على اساسها يبقى اسمها حدود طبيعيه وبتعتبر الحدود الطبيعيه من اقوى الحدود التي تفصل بين الدول المتجاوره ويصعب اختراقها صعب قوي اللي انت تعدي منها طبعا مش كلها يعني في حدود طبيعيه سهل تعدي منها هقول لك عليها كمان شويه وبتختلف درجه الفصل بين الجانبين تبعا لخصائص الظاهرات الطبيعيه الممتده على الحدود يعني مثلا لو الظاهره اللي بتفصل بين الدولتين عريضه كبيره قوي كده زي الجبال فاكيد طبعا درجه الفصل هتكون كبيره انما لو الظاهره الطبيعيه عرضها صغير زي لو جبل صغير كده فدرجه الفصل بين الدولتين هتكون قليله وتعد الحدود الجبليه اكثر منعه مقارنه بالمستنقعات اكثر حدود طبيعيه جميله وحلوه هي الحدود الجبليه ليه اكثر منعه يعني ايه اكثر منعه يعني صعب حد يعديها يعني انت عشان تجيب جيش ويعدي الجبل الجبل صعب الجيش يطلع فوق الجبل وينزل الناحيه الثانيه الموضوع صعب جدا ان جيش كامل يطلع فوق الجبل وينزل الناحيه الثانيه موضوع متعب ومرهق ده انت بتطلع السلم بتنهج ما بالك بقى بتقول عايز اطلع جبل الموضوع صعب جدا وكمان بقى الجيش معاه دبابات ومدرعات ومدافع هننقل الحاجات دي فوق الجبل ازاي صعب جدا جدا فطبعا الجبال احسن حدود طبيعيه مقارنه بالمستنقعات اللي هي البرك زي ما انت شايف كده سهله قوي اي حد يمشي في البركه يعدي رجليه بس هتتبل ويعدي انما الجبل صعب جدا تعالوا بقى نبدا نتكلم عن انواع الحدود الطبيعيه ونبدا باول نوع وهو رقم واحد الحدود الجبليه ايه بقى مميزاتها الحاجات الحلوه اللي فيها تصلح الجبال لان تكون حدودا فاصله بين الدول لانها ايه الجبال تنفع نعملها حدود تفصل بين الدول لانها ايه بقى ظاهره دائمه ومرئيه وعريضه ووعره وقليله السكان ده جميل قوي الكلام ده الجبال ظاهره دائمه موجوده على طول مش هتتغير وكمان مرئيه مش هنختلف عليها وعريضه فكده هتحقق عامل الفصل بين الدول وكمان وعره وعره يعني عامله كده يعني صعب اي حد يمشي عليها بسهوله وكمان قليله السكان دي حاجه زي الفل قوي لان كل ما الحدود تكون قليله السكان جميل قوي كده مش هيحصل مشاكل طب وايه كمان يقتصر عبور ها على ممرات معينه يعني في طرق كده في الجبال هي دي بس اللي هيعدي منها الناس فسهل قوي الموضوع نقفل الممرات دي ونراقبها ما حدش هيعدي منها وبكده نحمي الدوله يعني الموضوع بيكون عامل كده اهو جبل بعد كده ممر جبل ثاني فلو حد عايز يعدي من الحدود الجبليه يعدي من الممر ده فاحنا نعمل ايه نقفل الممر ده ونراقبه خلاص كده الموضوع انتهى طب وايه كمان تعتبر الجبال بمثابه خطوط دفاعيه تستغلها الدول في اقامه التحصينات عليها للدفاع عن نفسها ضد اي غزو خارجي. الجبال عامله زي الحيطه بتحمي الدوله فبنعتبرها خطوط دفاعيه وبتستغلها الدول في اقامه التحصينات عليها. تعمل بها ابراج مراقبه وشويه عساكر تحطهم فوق بحيث اي حد جاي يهجم على الدوله يضربوه من فوق ويخلصوا عليه. وطبعا اللي بيكون موجود فوق اعلى الجبل في الابراج اللي فوق دي طبعا موقفه احلى من الناس اللي موجوده تحت. اللي فوق هو اللي بيكسب. عشان كده في اي معركه تلاقي الدول بتحاول تسيطر على المناطق المرتفعه. طب تعال بقى نتكلم عن شكلها. ايه شكل الحدود السياسيه اللي بتكون ماشيه مع الجبال؟ بتعتبر مجرد خطوط تمر في المناطق الجبليه وبيختلف شكلها بين الدول فقد تكون ايوه شكلها عامل ازاي بقى؟ قد تكون ممتده مع خط تقسيم المياه على طول امتداد القمم الجبليه وهذه افضل حدود سياسيه في المناطق الجبليه. لا ركز معايا بقى. بيقوللك ممكن يكون شكلها ممتده مع خط تقسيم المياه يعني ايه الكلام ده يعني الجبل يكون عامل كده اهو فلما نيجي نرسم حدود سياسيه هتمشي مع ايه خط تقسيم المياه ايه خط تقسيم المياه ده يعني نقسم الجبل نصين كده وبيقول لنا هذه افضل حدود سياسيه في المناطق الجبليه ليه لان الجبل كده مقسوم نصين الدوله دي عندها جزء والدوله دي عندها جزء يعني كده بيحمي البلدين حاجه زي الفل قوي طب والنوع الثاني ممتده عند اقدام الجبال بين الدول ودي اسوا حدود جبليه ليه بقى؟ لان الجبل بيكون عامل كده اهو نيجي نرسم الحدود السياسيه عند اقدام الجبال فتمشي كده معنى الكلام ده ايه؟ ان الجبل بالكامل داخل دوله دوله واحده بس والدوله الثانيه مش واخده منه حاجه غلط يبقى كده الجبل بيوفر حمايه لمين؟ الدوله دي اللي موجود فيها بالكامل والدوله الدوله الثانيه مش بيوفر لها اي حمايه. طب تعالوا بقى ناخد امثله على دول عامله الحدود السياسيه بتاعتها مع امتداد خط تقسيم المياه. يلا بينا. اول مثال الحدود بين شيلي والارجنتين على طول امتداد جبال الانديز. دوله شيلي اهي دوله طوليه لو انت فاكر بتمتد طوليا من الشمال الى الجنوب كده. تمام؟ جنبيها دوله ثانيه اسمها الارجنتين. في جبل بيفصل ما بينهم اسمه جبال الانديز اهو فهم يعملوا ايه بقى؟ عملوا الحدود بتاعتهم مع خط تقسيم المياه مع امتداد قمم جبال الانديز اهو ماشيه كده كده تمام طب نروح بقى لمثال تاني بيقول لنا الحدود بين فرنسا واسبانيا على طول امتداد جبال البرانس برده مع خط تقسيم المياه نروح للخريطه بتاعتنا دوله اسبانيا اهي ودوله فرنسا اهي بينهم جبال بتفصل ما بينهم فقالوا خلاص نعمل الحدود ماشيه مع امتداد القمم الجبليه لجبال البرانس اهو كده برده مع خط تقسيم المياه جميل قوي الكلام كده وبيوفر حمايه للدولتين سواء فرنسا او اسبانيا خلي بالك في دوله موجوده فوق قمم الجبال دوله صغيره كده اسمها اندورا دوله حبيثه تمام الكلام تمام وجميل قوي تعالوا بقى ناخد سؤال نحبس بيه ونكمل كلامنا يتمثل وجه الاختلاف بين حدود فرنسا مع اسبانيا وحدود شيلي مع الارجنتين في ايه؟ ايه وجه الاختلاف بين الحدود الجبليه بتاعه فرنسا مع اسبانيا جبال البرونس وحدود شيلي مع الارجنتين عند جبال الانديز ايه وجه الاختلاف نطلع فوقاني كده هم بيختلفوا في ايه كده ركز بص كده جبال الانديز الحدود بتاعتها بتمتد طوليا من الشمال شمال الى الجنوب تمام طب تعالى بص كده الناحيه الثانيه جبال البرانس الحدود بين فرنسا واسبانيا بتمتد ايه عرضا من الشرق الى الغرب ده الاختلاف اهو انما اي حاجه ثانيه لا مش مختلفين فيها يبقى بيختلفوا في ايه الامتداد الجغرافي ب احتوائها على موارد لا طبعا اي جبال فيها موارد غلط ج منعتها وقوتها لا طبعا غلط اي اجبار بتعمل منعه وقوه للدوله د شرعيتها القانونيه طبعا غلط لان اي حدود سياسيه بتكون قانونيه وشرعيه لان ليها ايه معاهده بس كده خلصنا الكلام عن الحدود الجبليه سهله وجميله جدا تعالوا نكمل كلام عن انواع الحدود الطبيعيه ورقم اثنين الحدود النهريه اكيد طبعا اللي هي هتتماشى مع ايه نهر ايه بقى مميزاتها الحاجات اللي حلوه فيها رقم واحد وضوحها في الطبيعه ظاهره واضحه اهي ومش هنختلف عليها طب وايه كمان اثنين تمثل خطا دفاعيا ومانعا مائيا بتمثل خط دفاعي الدوله تستخدمه عشان تحمي نفسها وكمان مانع مائي بيمنع اي جيوش انها تخش تهجم عليك لازم الاول تعدي النهر اكيد طبعا انت مش هتبقى نايم هتشوفهم هتضربهم فبتحمي نفسك بس طبعا الجبال احسن طب ايه بقى عيوبها وحشه في ايه؟ اول حاجه وجود الجزر في مجرى النهر مما يعوق تحديد الحد السياسي وهم بيعملوا الحدود السياسيه داخل النهر مثلا اهو نهر اهو في جزيره تلاقيها في النص كده اهو جزيره لما يجي يعملوا بقى الحدود السياسيه وهتمشي كده تيجي عند الجزيره اختلفوا بقى انت تاخد الجزيره ولا انا اخدها وتقوم بقى الخناقات والمشكلات ويقعدوا بقى رايحين جايين في اتفاقيات ومعاهدات ومش هنخلص دي كده اول مشكله طب وايه تاني؟ رقم اثنين تغير مجاري الانهار بشكل مستمر المجرى بتاع النهر بيتغير بشكل مستمر يعني مش ثابت يعني النهر مش ماشي زي ما انت شايف كده ممكن في فتره من الفترات يغير المجرى بتاعه وتلاقيه يمشي كده بدل ما كان بيمتد بالطول بالمنظر ده لا ممكن تلاقيه يلف ويمشي كده طب وايه السبب ليه بيعمل كده حيث ان ضفاف الانهار غير ثابته مش ثابته ليه بقى ايه السبب بسبب الفيضان والنحت والارساب الميه بتاعه النهر عماله تنحت في الضفاف الضفه اللي هو الجزء ده والجزء ده فالميه بتاعه الفيضان بقوتها عماله تكسر في الضفاف يمين وشمال تكسر تكسر فتلاقي مع الوقت المجرى بتاع النهر وسع او ممكن يغير مساره واتجاهه فدي طبعا مشكله هنقط كل شويه نغير الحدود يعني مثلا تعال نمسح بس الجزء ده كده وده يعني مثلا مجرى النهر لو عامل كده مع قطر بقى النحت والارساب هتلاقيه مع الوقت وسع بدل ما كان كده لا يوسع يبقى كده وده يتمسح تمام فكل شويه ضفاف الانهار غير ثابته بسبب ايه النحت والارساب والفيضانات اللي بتخلي قوه الميه شديده فبتقعد تكسر في ضفاف الانهار. طب تعال بقى ناخد مثال على حدود سياسيه نهريه حصل فيها المشكله دي. مثال في نهر اسمه الريو جراند. النهر ده ماله بقى؟ تسير معه الحدود السياسيه بين دوله الولايات المتحده الامريكيه ودوله المكسيك. ولكن حصل ايه بقى؟ غير مجراه كان ماشي في سكه غير السكه بتاعته خالص. فتحولت منطقه بنكو من تبعيه الولايات المتحده الامريكيه الى تبعيه المكسيك. ازاي يعني الكلام ده؟ تعال نشوف على الخريطه اللي قدامنا دي. تمام. نهر الريو جراند زمان كان ماشي كده كده كده اهو. تمام. فهم بقى قالوا نعمل الحدود بتاعتنا مع نهر ايه؟ الريو جراند. الجزء اللي في الشمال ده يكون تبع دوله الولايات المتحده الامريكيه والجزء اللي تحت ده يكون تبع دوله ايه؟ المكسيك. ولكن حصل ايه بقى؟ سنه 1898 حصل ايه؟ مجرى نهر الريو جراند اتغير وبقى يمشي طوالي زي ما انت شايف كده فالمكسيك قالت للولايات المتحده الامريكيه احنا متفقين ايه في المعاهده بتاعه الحدود ان الحدود بتاعتنا تكون ماشيه مع نهر الريو جراند وكده منطقه بانكو بقت تبع مين؟ دوله المكسيك وما بقتش تبع الولايات المتحده الامريكيه يعني الناس اللي في منطقه بنكو بعد ما نهر الريو جراند غير مجراه بدل ما كانت جنسيتهم امريكيه بقت جنسيتهم ايه؟ مكسيكيه ودي مشكله جامده جدا في الحدود النهريه وهو تغير مجاري الانهار بشكل مستمر بسبب الفيضان والنحت والارساب طب تعالوا بقى نتكلم عن اشكال الحدود النهريه اول شكل بتسير مع خط المنتصف او الوسط يعني النهر لو عامل كده هنعمل الحدود ايه؟ في الوسط كده في منتصف النهر بحيث الدوله اللي هنا تاخد نص النهر والدوله اللي هنا تاخد نص النهر ادينا مثال نهر الريو جراند اللي لسه متكلمين عنه اللي بيفصل بين دوله الولايات المتحده الامريكيه ودوله المكسيك زي ما انت شايف النهر اهو فعاملين الحدود ماشيه مع منتصف النهر او مع خط الوسط بحيث دوله الولايات المتحده تاخد نص النهر والمكسيك تاخد نص النهر جميل قوي الكلام كده ثاني شكل من الحدود النهريه وهي ايه؟ تتفق مع خط العمق الملاحي يعني ايه خط العمق الملاحي؟ يعني النهر لو عامل كده اهو فلما يجيوا يعملوا الحدود السياسيه بيعملوها ايه؟ مع اعمق نقطه هي دي فيعملوا الحدود كده طب خد مثال تاني لو النهر عامل كده هنعمل الحدود السياسيه ازاي؟ مع اعمق نقطه هنا اهو فتمشي كده فانت هتقول لي ايه ده؟ في دوله واخده جزء كبير من النهر والدوله الثانيه واخده جزء صغير هقول لك مش مشكله هم متفقين يعملوها فين اعمق نقطه في مجرى النهر والكلام ده بيتعمل فين مع الدول الحبيثه ليه بقى الدول الحبيثه السكه بتاعتها عشان توصل للدول الثانيه انها تمشي في النهر فعشان المراكب بتاعتها تعرف تمشي في النهر لازم تمشي فين في اعماق نقطه ليه بقى لان السفينه لما تيجي تمشي بتبقى عامله كده تمام الجزء اللي تحت ده كده من السفينه اللي هو الجزء ده كده مش هيعرف يمشي في النهر الا في اعمق نقطه تمام فبتحاول الدوله الحبيثه تعمل الحدود بتاعتها عند خط العمق الملاحي للنهر عشان السفن بتاعتها تعرف تمشي في النهر تمام ادينا مثال الحد بين فرنسا والمانيا على طول مجرى نهر الراين نروح بقى للخريطه اللي قدامنا دي دوله المانيا يا اهي ودوله فرنسا اهي في نهر بيفصل ما بينهم اسمه الراين ماشي كده اهو فعند الحته دي كده عملوا الحدود بتاعتهم مع خط العمق الملاحي بتاع مجرى نهر الراين هتقول لي طب وليه عاملينه كده دوله المانيا ساحليه عندها ساحل اهو ودوله فرنسا ساحليه عندها ساحل الناحيه دي كده وساحل من الجنوب على البحر المتوسط ليه هقول لك لان في دول حبيثه كتير قوي في اوروبا بص تحت كده سويسرا سويسرا دوله حبيثه عشان توصل للبحر لازم تمشي مع خط العمق الملاحي بتاع نهر الرعين طب بص دوله هنا كده اسمها صغيره قوي اسمها ليختنشتاين ليختنشتاين دوله حبيثه عشان توصل للبحر لازم تمشي في نهر الراين فعشان كده هي وسويسرا اختاروا ان الحدود النهريه مع نهر الراين تكون ماشيه مع ايه؟ خط العمق الملاحي كده وبعد كده بيكملوا في النهر بقى ويمشوا يمشوا يمشوا يمشوا يوصلوا لبحر الشمال تمام الكلام تمام وزي الفل تعالى ناخد اخر شكل في الحدود النهريه وهو رقم لاثه تسير مع احدى ضفتي النهر ازاي يعني هيكون عامل كده النهر اهو المجرى بتاعه هنعمل الحدود ازاي تسير مع احدى ضفتي النهر يعني الحدود تكون ماشيه كده ومعنى كده ان النهر بالكامل هيكون داخل دوله واحده بس والدوله الثانيه مش واخده حاجه يعني مين اللي استفاد؟ الدوله اللي عندها النهر بالكامل الدوله الثانيه ما استفادتش اي حاجه من النهر ليه؟ لان الحدود ماشيه مع ايه؟ احدى ضفتي النهر طبعا دي اسوا انواع حدود نهريه دوله واحده بس اللي بتستفيد الثانيه لا عشان كده بيقول لك حيث يجري النهر بكامله داخل دوله دون الاخرى وتكون احدى ضفتيه داخل الدوله الاخرى ادينا مثال بقى دول عملت الكلام ده خط الحدود بين دوله بولندا وكلا من دولتي اوكرانيا وبيلا روسيا على طول نهر اسمه ايه بوج احد فروع نهر الفيستولا نروح للخريطه اللي قدامنا دي دوله بولندا اهي عندها نهر اسمه بوج اهو فعملت الحدود بتاعتها مع بيلا روسيا واوكرانيا مع احدى ضفتي نهر بوج وبكده بقى نهر بوج بالكامل داخل دوله بولندا انما دوله بلروسيا ما اخدتش منه حاجه ودوله اوكرانيا ما اخدتش منه حاجه يعني كده مين اللي استفاد؟ دوله بولندا هي اللي استفادت بس بلاروسيا لا واوكرانيا لا تمام كده طيب انا عايز بس اقول لك على ملاحظه بسيطه خالص كده يا ريت تكتبها اطلع فوق شويه كده كنا بنتكلم على عيوب الحدود النهريه انها ايه وجود جزر في مجرى النهر وتغير مجاري الانهار بشكل مستمر المشكله دي بتحصل في الدول اللي بيكون بيفصل بينها انهار لكن لو النهر ممتد من دوله بيدخل في دوله ثانيه زي مثلا نهر النيل نهر النيل مش بيفصل بين الدول يعني بيمتد من دوله السودان يخش عندنا هنا في مصر فكده مش بيفصل بين الدول ده بيطلع من دوله يخش في دوله تانيه فده ما فيهوش اي مشاكل لا توجد د به مشاكل ليه ما فيهوش مشاكل لانه مش بيفصل بين الدول ده بيمتد من دوله يدخل حدود دوله ثانيه فخلي بالك من النقطه دي مهمه قوي فبكده نهر النيل مش بيعمل اي مشاكل في الحدود نهائي لا في وجود جزر في مجرى النهر ولا بيغير مجراه بشكل مستمر مش هيفرق معانا في اي حاجه هو كده كده ماشي في السودان وبيطلع يخش في مصر تمام كده نكون خلصنا كلام عن الحدود النهريه تعالوا بقى نتكلم على ثالث نوع من الحدود الطبيعيه وهي رقم لاثه الحدود البحيريه يعني هتكون ماشيه مع بحيره عشان كده بنقول عليها ايه بحيريه طب ايه بقى شكل الحدود السياسيه اللي بتتبع البحيرات رقم واحد قد تتفق مع الخط الاوسط للبحيرات يعني البحيره تكون عامله كده فاحنا هنعمل الحدود ماشيه في الخط الاوسط يعني نقسمها نصين تبقى عامله كده فالدوله اللي هنا تاخد نص البحيره والدوله اللي هنا تاخد نص البحيره كده الاثنين هيستفادوا من الحدود دي ومن البحيره ادينا مثال الحد بين دوله كندا ودوله الولايات المتحده الامريكيه في البحيرات العظمى اللي كنا واخدينها قبل كده زمان قلب اقتصادي عشان فيها موارد كتير جدا بس ركز في حاجه نطلع فوق شويه كده اهو الخريطه اللي قدامنا دي دوله كندا اهي ودوله الولايات المتحده اللي تحت باللون الاخضر بينهم بحيرات اسمها البحيرات العظمى البحيرات العظمى خمس بحيرات ولكن اربعه بس اللي على الحدود بين دوله كندا ودوله الولايات المتحده الامريكيه فقالوا خلاص نقسم البحيرات دي بالنص انت تاخد نصخد نص نستفيد احنا الاثنين فتلاقي الحدود ماشيه بين كندا والولايات المتحده كده اهو اهو اسمى بحيره سوبيريور بعد كده تمتد في بحيره هورن بعد كده تمشي تقسم بحيره ايري بعد كده تمشي تقسم بحيره انتاريو وتكمل الحدود لحد ما توصل للاخر يبقى كده قسمه اربع بحيرات بس نقولهم ثاني من ناحيه ايدك اليمين بحيره انتاريو بعد كده بحيره ايري بعد كده بحيره هورن بعد كده بحيره سوبيريور اكيد انت هتسال وتقول هم ليه ما عملوش حدود في بحيره متشيجن ليه؟ لان بحيره متشيجن تقع بالكامل داخل اراضي دوله الولايات المتحده الامريكيه. فطالما هي مش على الحدود هنقسمها ليه؟ ما بعيده عن الحدود احنا بنقسم بس اللي على الحدود ايه هما؟ قولهم تاني كده بحيره انتاريو بحيره ايري بحيره هورن بحيره سوبيريور دول مقسومين بالنص بين كندا والولايات المتحده الامريكيه انما بحيره متشيجن مش مقسومه يعني اللي بيستفيد منها بالكامل دوله واحده بس هي الولايات المتحده الامريكيه ده اول شكل كده من اشكال الحدود البحيريه في شكل تاني اهو قد تسير وفقا لاتفاقيات محدده نعمل اتفاقيه ونقسم بقى حسب الاتفاقيه ما تقوليش بقى نقسم بالنص وده بيكون تقسيم تقدر تقول كده غير عادل ليه بقى ما فيش هنا بالنص ادينا مثال بحيره فيكتوريا في افريقيا تقسم الى عده اقسام مالها غير متساويه غير متساويه يعني ايه؟ تقسيم غير عادل تعال نشوف نروح للخريطه هنا اهو بحيره فيكتوريا اهي بحيره فيكتوريا بيشترك فيها ثلاث دول كينيا اوغندا تنزانيا تمام عملوا اتفاقيه هم الثلاثه هيقسموا الحدود بينهم في بحيره فيكتوريا بس بشكل غير متساوي ازاي تعال نشوف هتمشي كده اهو تمام وهنعمل حته كده اكت دوله اخدت جزء من بحيره فيكتوريا هي دوله تنزانيا بص واخده جزء قد ايه انما بقى اقل دوله اخدت حته صغيره من بحيره فيكتوريا هي دوله كينيا واخده جزء قد ايه بص خالص غلبانه كينيا دي ضحكوا عليها في الاتفاقيه على فكره بقى في حته بره الدرس خالص كده هي مش في الدرس بتاع الحدود تمام هو بيتكلم على اشكال الدوله فبيجيب لك بحيره فيكتوريا زي ما انت شايفها كده ويقول لك تخيل كده لو بحيره فيكتوريا اتحولت لايه دوله فهيبقى شكلها ايه؟ هيبقى شكلها منتظم او مندمج ماله ذو بروز عشان في جزء بارز اهو داخل دوله كينيا تمام الكلام هقف معاك لحد هنا تعالوا بقى ناخد شويه اسئله نحبس بيهم ونخلص الحلقه بتاعتنا وبعد كده الحلقه اللي جايه نكمل بقي الدرس من اول الحدود البحريه لان دي بقى قصه كبيره كده فعاوزه حلقه لوحديها يلا بينا تتسم الحدود السياسيه بانها مناطق فصل ووصل فصل العباره السابقه يصعب تحقيقها بشكل كامل اذا كانت الحدود ايه؟ بيقول لك الحدود السياسيه مناطق فصل عشان بتفصل بين الدول وكمان هي مناطق وصل بتوصل بين الدول يعني ممكن نعدي منها نخش دوله ثانيه ولكن بيقول لك يصعب تحقيقها بشكل كامل يعني الكلام ده مش موجود قوي يعني في الحدود اذا كانت ايه اكيد طبعا الحدود اللي بتفصل بين الدول عامله زي الحيطه هي ايه الحدود الجبليه بتفصل تماما من والكلام ده كنا واخدينه اصلا قبل كده عن الجبال في الدرس بتاع المقومات الطبيعيه للدوله الجبال بتفصل فصل تام وكامل انما الحدود البحيريه هي بتفصل وبتوصل في نفس الوقت تركب مركبه تخش الناحيه الثانيه الحدود النهريه نفس القصه البحريه نفس القصه انما اللي بيفصل فصل تام هي الجبليه طب ناخد سؤال كمان اقوى انواع الحدود السياسيه للدوله الالمانيه توجد في الجهه ايه؟ طيب احنا بنتكلم دلوقتي على دوله المانيا اقوى حدود بتفصل عندها اللي موجوده فين؟ لو انت فاكر بقى الخريطه بتاعه دوله المانيا تعال نروح لها تاني اهو اهو دوله المانيا اهي اقوى حدود عندها بتفصل هي ايه؟ طبعا هتبص ناحيه الشمال كده حدود بحريه طبعا دي مش حلوه يعني مش بتحمي قوي لدرجه ان الدول اللي كانت العواصم بتاعتها ساحليه بتحاول تنقلها لجوه ليه؟ لان الحدود البحريه مش بتحمي تمام فشيل خالص موضوع الشمال ده من دماغك طيب اقوى انواع حدود موجوده فين؟ بص كده تنزل جنوبا ليه بقى هنا في نهر حدود طبيعيه جميل وبينها وبين النمسه شويه جبال هنا كده فالموضوع زي الفل معاها قوي ناحيه الجنوب جبال ونهر الجبال بتفصل فصل تام وبتعمل حمايه للدوله مناطق استراتيجيه في الدفاع والمراقبه والنهر برده ايه مانعا مائيا صعب ان حد يعديه ويجي لك يعني هياخد وقت عشان يعدي وصعب ان انت تنقل الجيش بالكامل من النهر الموضوع هياخد وقت شويه يعني فالدوله الثانيه هتشوفك هتضربك وانت بتعدي النهر فنروح بقى للاختيارات يلا بينا اهو يبقى اقوى انواع الحدود السياسيه للدوله الالمانيه توجد في الجهه ايه الشماليه لا طبعا غلط ده بحريه ب الجنوبيه ليه فيها جبال ونهر ج الغربيه لا ده حدود عاديه خالص بريه اللي هي عامله كده دي فاراضي فاضيه خالص فدي مش بتحمي قوي د الشرقيه نفس القصه غلط ناخد سؤال كمان اكثر الدول استفاده من شكل الحدود السياسيه في نهر الراين نهر الراين الحدود هناك ماشيه مع ايه خط العمق الملاحي ليه عشان في دول هناك دول حبيثه تمام زي مين ليختنشتاين وكمان دوله سويسرا في اكتر دول هتستفاد من الحدود السياسيه اللي ماشيه في نهر الراين مع خط العمق الملاحي هم الاثنين اللي بقول لك عليهم دول فتعال نروح للاختيارات ندور عليهم ا فرنسا لا المانيا لا الاثنين دول بحريه مش هتفرق معاهم النهر قوي يعني ب سويسرا اه ليختنشتاين ايوه الاثنين دول حبيثه فعشان كده ماسكين قوي في نهر الراين ولازم الحدود تكون ماشيه مع ايه؟ خط العمق الملاحي انما ج بلجيكا وهولندا لا طبعا مش هيفرق معاهم دول دول بحريه د المانيا والنمسه لا طبعا النمسا بعيده خالص عن نهر الراين ناخد سؤال كمان السويد والنرويج دولتان تتميزان بالشكل الشريطي الطولي وتسير معظم الحدود بينهما مع سلاسل جبال اسكانديناوا الحد الجبلي الذي يتطابق مع العباره السابقه يمتد بين دولتي ايه؟ مفتاح الحل بتاع السؤال ده كله انه بيقول لك السويد والنرويج دولتان تتميزان بالشكل ايه؟ الشريطي الطولي بالطول يعني جايه من الشمال للجنوب كده الحدود بينهم ماشيه مع جبال اسمها اسكنديناوا من الشمال للجنوب الكلام ده شبه جبال ايه اللي بتمتد بشكل طولي الهند والصين لا غلط الارجنتين وشيلي مع حدود جبال الانديز ماشيه بشكل ايه؟ طولي شبه الكلام ده كده يعني شبه جبال اسكنديناوا انما اسبانيا وفرنسا لا مش بشكل طولي ده عرضي دال سوريا وتركيا على فكره تركيا اخدناها من الدول اللي هي شريطيه بس بشكل عرضي فطبعا مش هيكون فيها طولي خالص غلط ناخد سؤال كمان نطلع فوق شويه كده سته تاثرت الحدود السياسيه بعوامل التعريه بين ايه اول ما يقول لك عوامل تعريه تعرف ان هو بيتكلم على حدود نهريه انهو نهر بقى انت اخدته حصل في عوامل تعريه وغير مجراه نهر اسمه ايه الريو جراند اللي هو بين مين ومين المكسيك والولايات المتحده الامريكيه فنروح بقى للاختيارات وندور عليهم هم الاثنين اوغندا وكينيا لا غلط الصين والهند غلط مصر والسودان لا نهر النيل في مصر والسودان ما فيهوش مشاكل خالص لانه مش بيفصل بين الاثنين د الولايات المتحده الامريكيه والمكسيك دول اللي عندهم نهر ايه الريو جراند اللي غير مجراه بسبب عوامل التعريه ناخد سؤال كمان ارتبطت الحدود الطبيعيه بظاهرات مرتبطه باليابس كما هو الحال بين دولتي ايه واحده كده عايزك تفهم ظاهرات مرتبطه باليابس اليابس بتاع الكره الارضيه بيتعرض لايه ظاهرات حركات ارضيه زلازل وبراكين فبتعمل ايه؟ جبال فاكث انواع حدود مرتبطه بالظاهرات بتاعه اليابس هي ايه؟ الجبال فتروح بقى للاختيارات تختار دول عامله الحدود بتاعتها مع الجبال تنزانيا واوغندا لا المكسيك والولايات المتحده الامريكيه لا دول عاملين الحدود بتاعتهم مع نهر الريو جراند مش جبال فرنسا واسبانيا ايوه صح عاملين الحدود بتاعتهم مع جبال ايه برانس دال فرنسا والمانيا لا غلط دول عاملين الحدود بتاعتهم مع نهر الراين ناخد زوايل كمان تتوقع ان تكون اقل انواع الحدود الجبليه قوه للدوله هي التي تسير مع ايه افتكر كده لو الجبل عامل كده وقلنا نعمل الحدود مع اقدام الجبال فالجبل بالكامل داخل دوله واحده هي اللي هتستفيد منه والثانيه لا يبقى اوحش او اسوا انواع حدود جبليه اللي بتصير ايه ا مع خط تقسيم المياه لا طبعا ده احسن نوع ب قمم الجبال لا غلط على فكره قمم الجبال هي هي دي تقسيم المياه ج اقدام الجبال اسوا انواع حدود جبليه اللي بتمشي مع اقدام الجبال كده دال المنحدرات الجبليه لا طبعا غلط على فكره هي ناخد سؤال كمان اكثر انواع الحدود السياسيه النهريه ثباتا هو الذي يتفق مع ايه بص بقى لو عندنا نهر عامل كده هنعمل الحدود السياسيه مع خط العمق الملاحي كده تمام فلو النهر بقى عمل ايه نحت في الضفاف بتاعته برده كده الحدود ماشيه مع ايه خط العمق الملاحي ما فيش حاجه تتغير خالص يعني لو الحدود وسعت بقت كده وكده ما فيش مشكله برده الحدود ماشيه مع خط العمق الملاحي فنروح للاختيارات ونختار خط العمق الملاحي ا خط تقسيم المياه لا غلط خط العمق الملاحي مش بيتغير خالص مهما يحصل نحت وارساب مش بيتغير ج احدى ضفتي النهر لا طبعا بيتغير د خط المنتصف برده بيتغير نطلع فوق شويه ده اخر سؤال معانا اقل الدول استفاده من بحيره فيكتوريا تقع بالكامل في نصف الكره الارضيه ايه نرجع ثاني كده نروح لبحيره فيكتوريا انا عايزك تطلع من الحلقه دي فاهم كويس قوي بحيره فيكتوريا اهي اقل دوله هتستفيد منها هي دوله كينيا كينيا تقع بالكامل في نص الكره الارضيه ايه اللي ماشي كده ده اللي هو اسمه ايه شرقي نروح بقى للسؤال بتاعنا ونختار الشرقي انما الغربي لا غلط الشمالي لا غلط الجنوبي لا غلط لو انت بقى فهمت اللي فات ده كله وكنت مركز معاه من اول الحلقه لحد دلوقتي فتعال بقى عشان تحل سؤال الحلقه اللي بيقول بيقول عند استخدام النهر كحد فاصل بين دولتين فمن المحتمل يحصل ايه؟ ركز واحده واحده كده هناخد النهر حد يفصل بين دولتين يعني حد سياسي هيفصل بين دولتين فمن المحتمل تحصل حاجه كده ايه هي انعدام المشكلات السياسيه ولا اختفاء الاجراءات الجمركيه ولا حدوث تغيير في خط الحدود ولا ثبات الحد السياسي فكر بقى شويه كده ومستني اجاباتكم في التعليقات وبس كده اكون خلصت اللي عند اي سؤال او استفسار اكتبه في كومنت وارد عليك ان شاء الله وانتظروني الحلقه اللي جايه باذن الله وكان معكم مستر محمد فتحي والسلام عليكم ورحمه الله وبركاته