ما الذي حدث في ليلة رأس السنة عام 2003 القصة المحرمة دوليا

يوم 31/12 من عام 2003 وضمن رحله سياحيه اوروبيه باص الرحله وقف على نقطه تفتيش حكوميه رسميه من بين الركاب كان في مواطن لبناني الماني هذا المواطن بيشتغل ببيع السيارات المستعمله الزلمه طلع بهي الرحله على اساس انه رايح يغير جو وهم على الحاجز وبعد 10 دقائق تقريبا حاجز التفتيش الحكومي نادى على اسمه طلبوا منه ينزل من الباص بلحظه طريقه المعامله تغيرت والكلام كله تغير تم تقييده وغطوا راسه بكيس وبلشوا ضرب فيه كل هذا الكلام كان قدام الركاب والصادم بالموضوع انه الحاجز حكومي ونقطه التفتيش رسميه اللي كانوا عم بيعملوا هيك لا كانوا عصابه ولا كانوا مرتزقه المفاجاه مش هون المفاجاه انه بعد خمس ايام فقط تم رفع الحجاب عن عينين هذا البني ادم والمفاجاه الحقيقيه كانت لما عرف انه تم نقله لافغانستان ليكون هذا البني ادم بطل قصه اليوم اللي كل تفاصيلها غريبه للي عم ششوفوني لاول مره انا ابو الصادق وبحكي عن كل شيء غريب وغامض على كوكب الارض كالعاده قبل ما نبلش بدي منك ما تصدق كل شيء عم بصير حواليك الحرب ما انتهت قالوا انه الحرب صار فيها هدنه لكن لا شفنا هدنه ولا شفنا شيء المهم انه حرب المقاطعه ما فيها هدنه مشان هيك بعدنا مقاطعين ومكملين ولا تخلي هذا الفيديو حتى لو عجبك ينسيك انه ما النصر الا صبر ساعه اليوم رح احكي لكم قصه كلها تعذيب وكلها امور غريبه شو التهمه ومين المجرم ومين الجهه اللي عم تعتقل وتحاسب كل التفاصيل اللي رح نحكيها اليوم مجنونه ومش منطقيه اكثر شيء رح يفاجاك هو السبب السبب لما بتعرفوا رح تقول كلمه واحده فقط مستحيل مستحيل تكون ه القصه حقيقيه لكن للاسف باكد لك انه هذا اللي صار بالفعل يمكن بلحظه نشر هذا الفيديو انكون دخلنا بالسنه الجديده او على اعتاب دخولها اتمنى من الله تعالى انه تكون سنه خير عليكم جميعا واتمنى انه يتحقق فيها جميع احلامكم والاهم انه نظلنا ثابتين وصامدين وما نخلي الحياه تغيرنا اسال الله تعالى ان يجعلني واياكم من عباده المخلصين للي طلع لهم هذا الفيديو بالصدفه وما كانوا يعرفونا فاحنا عائله مكونه من 5,ليون500000 بني ادم بنحب نعرف كل التفاصيل عن مواضيع غريبه جدا ونتعلم منها اشتركوا معنا بالقناه وفعلوا جرس الاشعارات والجميع يدعم هذا الفيديو باللايك لانه زي ما بنقول دائما كل القصص وان تشابهت مش زي لما احكي لك اياها البدايه لازم تعرف انه بطل القصه شخص نوعا ما طبيعي ما كان هارب من اي حدا ولا كان متخبي بني ادم عادي زينه لدرجه انك لو شفته بالشارع ما بتلتفت له لثانيه عمره 41 سنه عايش بمدينه المانيه هادئه شغلته يبيع سيارات مستعمله حياته كانت ماشيه بشكل روتيني وما فيها اي شيء غريب شغل بيت عيله ما في اي شيء غريب ليش عم بحكي لك هي التفاصيل كلها عشان تعرف انه بني ادم طبيعي وما في عليه اي تهمه المهم ركز لانه الاحداث الان بلشت قبل السفر بايام صار في خلاف بينه وبين مرته سبب الخلاف الفواتير والايجار وضغط الحياه ما كان في شيء غير طبيعي ولا شيء بيقول انه هذا الخلاف رح يكون اخر خلاف بحياته الطبيعيه اكيد انه هي المواضيع ما بتكون سبب بالاشياء اللي رح احكي لك اياها المهم هذا البني ادم احتاج انه يبعد شوي وياخذ نفس بعيد عن نكد النسوان قال لك بطلع باخذ لي اجازه خمس ايام او اكثر او اقل اشترى تذكره رخيصه وتوجه لمقدونيا رحله خفيفه ونظيفه كل اللي اخذه معه شنطه واحده فقط كان فيها لبستين فقط وجواز سفره الالماني وحط بجيبته 563 يورو المهم هذا البني ادم من صورته على جواز السفر اكيد بتقدر تلاحظ انه ملامحه عربيه بني ادم مولود بلبنان وعايش بالمانيا من نص الثمانينات بيصلي الجمعه بالمسجد القريب من بيته اب وزوج وبياع سيارات ما في شيء مش طبيعي المشكله انه في لحظه من اللحظات هي التفاصيل البسيطه ما راح ترحمه ابدا المهم على الساعه 3 و10 الفجر وصل على حدود ماقدونيا نقطه تفتيش طبيعيه وعاديه والوضع كان جدا طبيعي وما في شيء غريب العسكري اللي على الحدود كان قاعد قدام الكمبيوتر عم بشيك على الاسماء وجوازات السفر كتب اسم هذا البني ادم على الجهاز عنده لاول مره وبشكل غريب وما كان معروف من قبل النظام طلع صوت انذار غريب ولون احمر العسكري هذا كان سامع عن ه الاشاره كان بيعرف انه في حالات بيظهر فيها هيك اشاره لكن كان هي اول مره بشوفها بعد خدمه مدتها سنتين المهم من هي اللحظه بلشت سلسله الاحداث الغير متوقعه ما حدا سال مين ولا حدا قال لهم ليش ولا حدا اهتم اذا كانوا متاكدين او لا خلاص الكمبيوتر اعطى الاشاره اللي من النوادر انها تظهر بلحظه نزلوه من الباص بداوا في ضرب معامله جدا سيئه وهو كل اللي كان يعمله كان يسال سؤال واحد يا جماعه شو في ليش هيك عم تعملوا وما حدا كان يرد عليه الان في سؤال صغير بتتوقع المشكله اللي صارت بينه وبين مرته لها علاقه بالموضوع؟ بالله عليكم اكتبوا لي بالتعليقات لنشوف شو تحليلكم للقصه المهم سحبوه لجوا قعدوه على كرسي بغرفه تحقيق صغيره بدون شباك كان في لمبه واحده فوق راسه ضوها ابيض مزعج بشكل غريب كانه هي الغرفه مجهزه لهذا المشهد ثلاث ساعات متواصله نفس الاسئله وكل شوي يشيلوا الغطا عن راسه وعيونه ويضربوه بعدها يكملوا معه التحقيق بنفس الطريقه الغريب انه الاسئله كانت اصلا غريبه وين كنت بسنت كذا وليش سافرت مين اللي دفع لك لتيجي لهون هو كان يحكي انجليزي مكسر ببعض الاحيان كان يجاوب بالالماني على قد ما هو كان خايف ومتوتر كان يجاوب وكان يحكي الحقيقه لكن ولا كلمه قالها انكتبت ولا ملاحظه انحفظت ظل على هذا النحو لحد الساعه 6 :30 صباحا وقتها خلص كل شيء طبعا ما تفكر انه خلص كل شيء يعني التحقيق انتهى والزلمه طلع لا يا حبيبي خلصت الحياه العاديه ربطوه صوروه هو عريان وفي على جسمه كدمات حطوه بفان ما له لوحات وكمل بطريق ما بيعرفه ولا بحياته مشى فيه نقلوا له فندق قديم على اطراف المدينه الفندق كان شكله جدا غريب ثلاث طوابق من الاسمنت المسلح والشباب بيك المصفحه الفندق من جوا بيفتقر لاساسيات الرفاهيه والفخامه حطوه بغرفه رقمها 13 الغريب انه الغرفه هي ما كانت غرفه عاديه بابها كان حديد ثقيل وفيها شباك واحد مصفح ما بينفتح بحسب كلام هذا البني ادم الغرفه هي كانت معزوله صوتيا او الطابق اللي هو كان فيه ما كان فيه اي حدا الهدوء اللي كان هو قاعد فيه كان مش طبيعي الغرفه ما كان فيها تليفون ولا اي وسيله اتصال الحراسه كانت بتتبدل كل ثمان ساعات صحيح وجوههم مختلفه لكن نفس الصمت ونفس النظرات ونفس طريقه المعامله يا جماعه مين انتم والبني ادم هذا شو عامل لحتى عم تعملوا معه هيك صدقوني رح تنذهلوا لما رح تعرفوا كملوا معي المهم السجانين او الخدم لانهم كانوا ضمن فندق لا كانوا لا شرطه ولا قوات امنيه كانوا عباره عن موظفين عاديين لكن ما كانوا يحكوا معه ابدا ابدا ولا كلمه حتى اشارات ايديهم غير مفهومه كل اللي كان يفهمه منهم افتح سكر وقف اقعد الوجبات كانت عباره عن خبز وجبنه مرتين باليوم اما الحمام فمره واحده باليوم وبتتم العمليه تحت مراقبه صارمه طبعا لا جابوا له محامي ولا اتصال ولا حتى جمله واحده تشرح له ليش هو هناك باليوم الثالث الجو تغير والوجوه تبدلت الصمت اللي عودوه دو عليه راح كل اربع ساعات صار معه تحقيق اللي كان بيشرف على التحقيق ثلاث محققين بيحكوا انجليزي لكن لهجتهم غريبه المفاجاه هون انهم كانوا عارفين كل تفاصيل حياته قالوا له انت كنت تشتغل بشركه سيارات كبيره بين عام 1985 وعام 1993 مرتك اسمها عائشه وتزوجته بعام ال 96 اولادك السته اسمائهم كلهم عارفينهم هون الزرمه دخل بدوامه مش طبيعيه انتم كيف عارفين كل هي التفاصيل بطل يهمه اذا هو كان مذنب ولا لا لكن هل من المعقول انا كنت كل ه السنوات مراقب اصبروا وراح تعرفوا المهم بالتحقيق صاروا يحطوا قدامه صور ورجوه صوره جوازه وجنبها صوره مشوشه لزلمه ثاني قالوا له بكل هدوء رح نرجعك على البلد اللي انت كنت فيه وطبعا انتم فكرين انهم رح يرجعوه على المانيا لكن للا للاسف مش هذا اللي صار المهم هو بالبدايه اطمن وقال لك الموضوع رح يعدي على خير ما كان عارف انه القصه بعدها ما بلشت يوم 12/1 عام 2004 تم توقيع ورقه لنقله لبلد ثاني الا انه ظل محتجز بدون ما يشوف اي حدا ولا حدا يتواصل معه لمده 23 يوم تخيلوا 23 يوم مراقب بالكاميرات الابواب بتنفتح بشكل الي بيطلع للحمام وبرجع الاكل بدخل على الغرفه من شباك صغير باسفل الباب بدون ما يشوف مين اللي حط له الوجبه باليوم ال 23 دخلوا عليه حراس لابسين بدلات سود اشكالهم وطريقتهم بالتعامل غير المحققين وغير الخدم اللي كانوا حاجزينه بعد 23 يوم من الوحده فجاه ظهروا مجموعه اشخاص غريبين هذول الجماعه اعطوه جواز سفره ومحفظته والفلوس اللي كانت معه زي ما هي حتى خاتم زواجه رجعوا له اياها قالوا له جمله واحده حضر حالك رح ترجع على البيت من بعدها ضربوه ابرتين بعضله رجله الاماميه الزلمه نام وبطل يعرف شو اللي عم بصير من بعدها الحراس حطوه بفان وطلعوا فيه بشوارع ماكدونيا على الساعه 2ين بالليل وصلوه للمطار من بعدها حطوه بطياره شحن كبيره صحوه داخل الطياره وقالوا له مبروك خلال ساعات رح تكون بالبيت لكن قبل هيك في شيء لازم نعمله معك لانه هي التعليمات اللي وصلتنا بلحظه دخل سبع رجال وبلشوا فيه ضرب شلحوه كامل اواعيه وواحد منهم قال له جمله كانت جدا غريبه قال له هي عقوبه الشخص اللي بيصلي بالمسجد كل يوم من بعدها ضربوه ابر تخدير جديده وزي ما انت متوقع الزلمه نام وبطل يعرف شو اللي صار بعدين ممكن تشوف انه هي الاحداث سريعه مش مترابطه ومش مفهومه هذا طبيعي لكن كتذكير بسيط هذا البني ادم لبناني الماني تقاتل مع مرته وطلع باجازه مدتها خمس ايام وصل على حدود مقدونيا وبعد تفتيش رسمي ونظامي تم اعتقاله انضرب قدام الناس ومن بعدها نقلوه لفندق حجزوه بالفندق 23 يوم واكتشف انه كان مراقب طول عمره اعطوه كل تفاصيل حياته ومعلوماته الشخصيه قالوا له رح نرجعك على البيت خدروه نقلوه للمطار الطياره صحوه ضربوه مره ثانيه وكل هذا ليش؟ لانه هيك اجت التعليمات بعد ما ضربوه قالوا له هي عقوبه اللي بصلي بالمسجد كل يوم ليش كل هي الاحداث عم بتصير معه ما كان بيعرف ولا كان متوقع الشيء اللي رح يصير معه ولا كان متخيل مين هي الجهه اللي عم تعمل معه كل هذا والاهم ليش عم بيعملوا كل هذا المشكله انه عاده لما بيتم نقل شخص لبلده بياخذوه بطياره نقل ركاب ليش هذا البني ادم اخذوه بطياره شحن وليش مرمي على الارض ومربط مش على اساس انه الموضوع انتهى الطياره ظلت بالمطار ثمان ساعات تقريبا على الساعه 12 الظهر الطياره طلعت وبعد ثمان ساعات وبالتحديد على الساعه 8 و46 مساء وصل لبلد جديد وهو بالطياره واحد جديد صحه حكى معه بالعربي وقال له الان صرت ملكنا ورح نعمل فيك اللي بدنا اياها وتاكد ما حدا رح يعرف عنك اي شيء بعد ما قال له هي الجمله رجع الكيس على راسه وتركه مربوط بعد ساعه اجوا اشخاص عم حكوا بالانجليزي شالوه بهي الحاله ونقلوه لمكان جديد وهو بالطريق لمح من تحت الكيس شيء ابيض اكتشف انه موجود ضمن جبال مغطيه بالثلج وهون توصل للنتيجه التاليه قال لك بني ادم حكى معي بلغه عربيه وانا موجود بمنطقه فيها ثلج فاحتمال اني اكون ون رجعت على لبنان المهم نزلوه وجروه ورموه بمكان مسكر وقفلوا عليه باب حديد ضخم هو عرف حجم الباب وسماكته من صوت تسكير الباب كان صوت جدا عالي ومهول بعد ساعه دخلوا عليه عده اشخاص شالوا الغطاء عن راسه ومشوه لبرا الغرفه برا المبنى كان مبين الخراب كان من الواضح انه ضمن مصنع قديم نزلوه تحت الارض ثلاث طوابق من بعدها دخلوه على غرفه محفوره بالتراب بهي الغرفه كان مستحيل يعرف الليل من النهار تركوه بدون ما حدا يحكي معه مده 25 يوم ليش ما كان يعرف ولا كان يشوف حدا يجاوبه عن هذا السؤال كل يوم حدا يدخ له الاكل وقنينه مي من تحت الباب 25 يوم وهو على نفس الحال وعلى فكره من اهم واخطر واقوى طرق التعذيب انه المعتقل ما يعرف هو ليش هون كل ما زاد الغموض افضل يعني المعتقل ما بصير يعرف مين الجهه اللي اعتقلته ولا التهمه وما يعرف مين هم اللي خاطفينه عصابه ولا جهه رسميه ه الخطوات كلها كانت مدروسه وعلى فكره هي الطريقه تم اختراعها بيوغسلافيا على ايام الاتحاد السوفيتي طريقه تعذيب ممنهجه كل خطوه فيها محسوبه ومدروسه عشان السجين ينسحق نفسيا بشكل كامل الاضاءه الخفيفه بروده المكان عشان يضل دائما خايف فقدان الاحساس بالوقت والزمن شكل الزنزانه الهدوء القاتل تقييد السجين من رجله بحلقه مثبته بالارض هذا القيد ما بثر على حركه السجين لكن بخليه يقتنع باللا وعي انه مقيد هي الطريقه اللي ممكن انت تشوفها عاديه الهدف منها انه يفقد شعور الحريه بشكل كامل بالذات انهم خلوه على هذا الحال مده 25 يوم يعني الحريه بالنسبه له صارت شيء خيالي مش موجود بعالمه ضيف على كل هذا الكلام الانعزال التام عن المجتمع الضياع ومراجعه الذات بشكل دائم كل ه الاشياء مدروسه ليش؟ عشان يوصلوا البني ادم لمرحله تنهار كل دفاعاته النفسيه عشان لما يصير معه تحقيق ما يقاوم ابدا بالعكس يعترف بتهم هو مش عاملها مشان ما يكون عنده اي هدف الا انه يطلع من العذاب اللي هو فيه حتى لو كان حكمه اعدام المهم بعد 25 يوم دخلوا عليه المحققين التحقيق استمر مده 12 ساعه متواصله التحقيق كان بعده لغات عربي وانجليزي والماني الاسئله سريعه طريقه الكلام جدا خشنه حتى الاسئله ما كانت منطقيه ابدا وين تدربت مين بعثك شو هدفك تخيل اربع ساعات كامله التحقيق باللغه العربيه الثلاث اسئله هدول فقط هم اللي انسالوا فيه من بعدها بلش التحقيق بالالماني اول سؤال كان ليش سافرت على جبال اباد بافغانستان بعام 2000؟ الزلمه تفاجا جدا من السؤال قال له ما انا بحياتي ما رحت على افغانستان انا ما بعرف وين موقعها على الخريطه المحقق قال له كذاب اعطاه فواتير وشهادات ناس تعاملوا معاه بهذاك الوقت بافغانستان تخيل الادله على قد ما كانت واضحه ومثبته هو نفسه اقتنع انه كان فعلا بافغانستان بعام 2000 المهم التحقيق باللغه الانجليزيه استمر ثلاث ساعات كله برضه كان عن افغانستان بعد ما طلعوا دخلوا عليه اثنين المان قالوا له نحن مش رح نحقق معك انا الان رح اضربك بجنزير وانت رح تعد الضربات اول ما تضيع العد رح نرجع نعد من اول وجديد رح اضربك 27 ضربه دير بالك تخربط يا اخوان شو في ليش هيك عم بصير مع هذا البني ادم بدنا حدا يفهمنا هذا البني ادم بصيدنايا ولا وين بالمناسبه اللي ما حضر فيديو صيدنايا يروح يحضره فيديو جدا عظيم رح يخليك تعرف شغلات كمان شبيهه من هذا النوع المهم تخيلوا ثلاث ساعات وهم عم بيضربوه ولا مره كمل العد لل 27 من شده الالم كان يخربط ويرجعوا يعيدوا من اول وجديد في شيء مش طبيعي كان عم صير لو انهم ماسكين الجاسوس الي كوهين ما بيعملوا معه هيك تخيلوا انه من شده الالم قال لهم انا كنت بافغانستان مستعد اوقع على اي تهمه بدكم اياها اي شيء بدكم اياه بعمله لكن خلص بكفي تضربوني جواب المحقق كان انا ما لي علاقه بشو عم حققوا معك انا عم بضربك فقط وانا وانت بنعد لل 27 متخيلين حجم التعذيب متخيلين قدش كان الموضوع مدروس ومرعب المهم هون انتهى التعذيب باليوم الثاني شغلوا موسيقى صاخبه وغريبه الاغنيه نفسها كانت بتنعاد طول الوقت الاغنيه كلها صراخ وموسيقى صاخبه زي اغاني المثل يوم كامل والاغنيه هي شغاله من بعدها صار كل ساعتين يوقفوا الاغاني ربع ساعه مشان يناموا هي الاستراتيجيه وهي الطريقه بتوقف الجزء المسؤول عن الكذب بشكل كامل بدماغ الانسان البني ادم قد ما كان عنده ابداع او تخيل اجوبته رح تصير مباشره بدون ما يكون فيها اي لف ودوران السبب انه مخه بيتضرر وبيصير في مشكله المهم بشهر اثنين يعني بشباط دخل عليه وجه جديد على التحقيق هذا البني ادم كان جدا لطيف ورحيم معه لدرجه انه كان كل ما يشوفه كان يبكي ويركض يبوس ايديه ورجليه كان جدا لطيف معه هي الحركه كمان مدروسه هذا البني ادم مش لطيف لكن هذا كان ياخذ منه كل شيء صوت هادي وحركاته المدروسه بيحكي الماني بطلاقه عشان يحسسه بالقرب منه والتالف معه كان يحكي معه كانه شخص بيعرفه من زمان حكى له عن طفولته بالكويت وقال له اسم امه وابوه حكى له عن المدرسه اللي درس فيها ظل يجي لعنده عنده لمده اسبوع كامل احاديث ودردشه ووجبات اكل مع بعض والامور اخر رواق الكل كان عمذبه الا هذا البني ادم باخر يوم دخل لعنده قال له نحن بنعرف انه انت مش البني ادم اللي نحن بدنا اياه للاسف وجودك هون سبب لنا مشكله لهيك تضل معنا فتره اطول لحد ما نوصل لاتفاق قال له تعاون معي عشان نحل الموضوع وعده انه رح يحاول يحل الموضوع وقال له اصبر علي شوي لانه الاجراءات بتحتاج شويه وقت طب انتوا مين؟ قال له ما بقدر احكي لك طب شو القصه؟ قال له بعدين رح تعرف لكن وعدني كل شيء صار معك تخليه سر رح نوقعك على اوراق ووثائق تضمن سريه الاشياء اللي صارت بينا من بعدها اكيد رح نطلعك الزلمه قال له مستعد اعمل اللي بدك اياه المهم طلعني من هون هذا الكلام صار يوم 20/2 من بعدها الزلمه اختفى اختفى مده ست اسابيع كامله لا كلمه ولا خبر ولا اي شيء تغير صرنا بشهر ثلاثه يعني باذار والموضوع تحول لخيال البني ادم صار عباره عن جلد وعظم فقط اسنانه بلشت توقع شعره كان عم بيكت مش من المرض لكن من الدمار اللي وصل له خاصه بعد ما نقلوه لزنزانه ثانيه كان يسمع فيها اصوات صرخات من زنازين ثانيه كان يسمع لغات ما بيعرفها المهم بزنزانه جنب زنزانته كان في واحد ثاني ما كان يشوفه لكن كان يسمع صوت خبط كان يسمع صوت خبط راس عم ضرب بالاسمنت مره مرتين 10 الخبط مستمر لساعات بعدين فجاه الصوت يوقف ثاني يوم اكتشف انه هذا البني ادم انهى حياته بهي الطريقه الجماعه تخلصوا من الجثه بكل رواج انا عم بوصف لك كل ه التفاصيل عشان احكي لك كل شيء لانه انت ما رح تتخيل شو هي الخاتمه ولا راح تصدق ليش صار مع هذا البني ادم هيك ولا رح تصدق مين اللي عم بيعمل كل ه الامور المشكله انه المكان اللي كان فيه هذا البني ادم الموت فيه مش حدث كبير الموت اجراء طبيعي وعادي ببعض الاحيان بيكون وسيله هروب ونجاه البني ادم هذا كان مؤمن ورفض بشكل تام انه يعمل هيك قال لك انا رح اصبر لاشوف شو نهايه الموضوع يوم 11/3 قرر انه يوقف عن الاكل كان هدفه انه ينهي المعاناه اللي هو عم بيمر فيها قال انا بضل هيك لحد ما اموت من الجوع بالفعل ظل على هذا الحال لمده ست ايام باليوم السابع حسوا انه ما عم ياكل فتحوا الباب وفاتوا عليه اربع اشخاص بلباس طبي مسكوه وربطوه دخلوا انبوب من منخاره لمادته الالم كان اقسى من الضرب سيخ نار نازل من الحلق للمعده المفاجاه كانت انهم عم خخلوه ياكل غصب عنه صاروا يحقنوه سيرومات مغذيه ظلوا على هذا الحال كل يوم يدخلوا عليه بنفس الطريقه مده 37 يوم كل يوم يدخلوا عليه ثلاث مرات يوم 104 دخل عليه نفس الشخص اللي كانوا يسموه الزعيم لما شافه قال لك اج الفرج الموضوع انتهى والاجراءات انتهت صوته هادي وكان جدا محترم قال له واخيرا اتخذ قرار بحقك بهي اللحظه اول شيء خطر على باله انه الاعدام لانه كان من الواضح انه المكان هذا هيك النهايه بتكون فيه لكن الزلمه قال له ممكن نرجعك اذا تعاونت معنا التعاون كان شرط بسيط سكوت كامل ولا كلمه ولا ذكر لاي مكان ولا حكي لاي جهه ولا دعوه ولا مطالبه ولا تعمل اي حركه من ه الحركات حطوا قدامه اوراق رسميه ثمان صفحات رسميه باللغه الانجليزيه هو ما بيعرف يقرا لكن الزعيم قال له وقع ويمكن تشوف المانيا مره ثانيه وبالفعل وقع لكن لفت نظره اللوجو اللي كان براس صحه اللوجو هذا كان جدا مشهور وهذا اللي صدمه معقول هم اللي ورا الموضوع المهم الزلمه وقع مش لانه مقتنع لانه ما كان عنده خيار ثاني من بعدها بلشت مرحله غريبه ما بتخيلها عقل الوضع جوا الزنزانه اختلف 180 درجه وكانه عموه للحياه من اول وجديد نقلوه على غرفه فيها شباك وفيها تخت وحمام واكل حقيقي علاج فيتامينات تلفز تلفزيون عشان يشوف اخبار صابون قصوا له شعره بدلوا له اواعيه يعني اللي عملوه معه ما كان شفاء كان ترميم بالفعل جسمه تحسن الجلد رجع لونه طبيعي يوم 28/5 عام 2004 فتحوا باب الزنزانه لاخر مره ما كان في صراخ وما كان في عنف وما كان في كلبشات لكن للاسف الرحله ما انتهت كل اللي صار انه تغير اتجاهها بالفعل طلعوه من السجن وكانت هي اول مره من شهور بشم هواء طبيعي وبيشوف السمع بشكل مباشر مش بس هيك شاف سيارات وسمع صوت عالم طبيعيين ركبوه بطياره صغيره بدون ما حدا يحكي معه اي حرف وطاروا فيه ونزلوه ببلد جديد هذا الشيء صار يوم 29/5 من عام 2004 وتحديدا على الساعه 35 دقيقه صباحا نزل بمطار ما بيعرفه ببلد ما كان على باله قالوا له رح ننزل هون شوي عشان نكمل اجراءات الاخلاء طب انا وين قالوا له رح تعرف كمان شوي نقلوا له دائره رسميه قالوا له شوف انه ننقلك فورا لالمانيا صعب اداره الجوازات رح تستغرب من المكان اللي انت كنت فيه سالهم ليش انا وين كنت قالوا له بافغانستان قال لهم عفوا افغانستان قالوا له اه قال لهم واحنا وين الان قالوا له بالبانيا رح اتوقع على شويه اشياء وكانه قضيت رحله سياحيه هون من بعدها رح ترجع على البيت بالبر بشكل طبيعي بالفعل سجلات اختام تفاصيل كثيره درس له شو لازم يقول وشو لازم يحكي على اساس انه هو كان برحله سياحيه فقط اما سبب اختيار البانيا فلانه بلد ما بيسال ولا بسجل بغض النظر عن كل شيء لهيك نقلوه هناك من بعدها ركبوه بالسياره ساقوا فيه ثلاث ساعات شمالا طرق فاضيه جبال عاليه وقرى صغيره من بعدها وقفوا على جنب طريق ترابي قريب من قريه اسمها كالت لا بيوت ولا حركه من العدم ظهر الزعيم كمان مره الشخص اللي على اساس انه كثير بحبه مد ايده سلم عليه واعطاه 14,000 يورو ورجع له جوازه الالماني واعطاه فوقهم تيشيرت ابيض مكتوب عليه ميونخ 2003 قال له جمله واحده فقط البس هذا تيشيرت وامشي بهي الطريق دغري لا تلف ولا تطلع وراك فقط امشي نزل من السياره والسياره مشيت هذا الشيء صار على الساعه 8 و77 دقيقه صباحا ظل يمشي مده ثلاث ساعات فجاه ظهر باص من العدم كان في ركاب طبيعيين صف الباص قدامه وفعلا كان جواته ركاب ومن بعدها الباص نقلوا على حدود البانيا اللي بالباص قال له روح لعند العناصر الموجودين اللي عند الحدود وهم بيكملوا شغل معك راح لعندهم وعلى غير المتو تووقع الزلمه انفجر بالبكاء وحكى للعناصر قصته زلمه الماني حامل جوازه ومعه 14,000 يورو وقاعد بيحكي انه انخطف وانحبس وانرمى على الطريق مشان هيك وقفوه عشان يتواصلوا مع السفاره الالمانيه جواب السفاره نعم هذا البني ادم مبلغ عن اختفائه قالوا لهم ما في اي تفسير وين كان ولا كيف وصل لهون يوم 29/5 عام 2004 ركب طياره وتوجه لفرانكفورت 93 راكب كانوا على ه الرحله المهم لما الطيار اعلن الهبوط الزلمه صار يصرخ ويبكي ويترجى المضيفه انهم ما ينزلوا خاف انه يرجع على الارض ويصير معاه زي ما صار معه من قبل المفاجاه الحلوه كانت انه لما نزل بمطار فرانكفورت الاجراءات اخذت معه اربع دقائق فقط الموظف ساله سؤال واحد سيد المزري وين كنت من شهر كانون الثاني تخيل الموظف الالماني الكمبيوتر قدام قدامه كان فاضي لا خروج من المانيا ولا دخول لاي بلد كانه ما سافر ولا اختفى كانه ما صار معاه ولا شيء الزلمه رد عليه وقال له كنت بافغانستان الموظف ساله سياحه ولا شغل فالزلمه انهار بالبوكا وقال له زياره لعند اصدقاء المهم صار شويه تفاصيل بسيطه لكن من بعدها انختم الجواز وانفتح الباب والزلمه رجع مواطن عادي طلع برحله بالقطار مدتها ثلاث ساعات و14 دقيقه ورجع على بيته المهم الزلمه وصل لبيته دق الباب ما حدا فتح له طلع مفتاحه ودخل على البيت وتفاجا انه بيته فاضي البيت فاضي تماما حتى الفرش مختفي بالاخر شاف ورقه كانت عباره عن رساله من مرته مكتوب فيها انتظرت لكن ما قدرت استنى اكثر بيقول هذا البني ادم انه هي الجمله كانت اصعب علي من كل الايام اللي قضيتها بالاحتجاز اقرب الناس الي اللي هم عائلتي مشوا نسيوا انه انا كنت موجود السبب السبب اللي رح احكي لك عنه بعدين رح يخليك تفهم حجم الكارثه اللي عاشها هذا البني ادم بعد بحث طويل اكتشف انه مرته واولاده رجعوا على لبنان من ست اسابيع السبب انه مالك الشقه طردهم من البيت الايجار ما اندفع من خمس شهور اما شغله فانفصل منه بعد ثلاث اسابيع غياب لما حاول يحصل حقوقه قانونيا الشرطه قالت له غالبا المختفي بيكون رايح بارادته لذلك تم فصلك وطرد عائلتك لانك تركتهم وهاجرت يعني هي الظاهره مش جديده بالمجتمع الغربي السؤال اللي كان يتكرر دائما ليش اختفيت ما كان يكون عنده اي جواب لانه ممنوع يحكي حرف عن الشيء اللي صار معه المهم الزلمه شهر كامل ظل ينام بالحديقه دفع ضرايب وغرامات بقيمه 23,000 يورو حتى ال 14000 يورو اللي اعطوه اياهم بعد ما طلعوه ما كفوه من بعدها عن طريق جمعيه خيريه قدر يتواصل مع مرته بلبنان خالد المزري قدر يحكي مع مرته قالت له وين كنت؟ قال لها ما بقدر احكي لك لما ترجعي بشرح لك رجاء ارجعي مرته قالت له بفكر وسكرت الخط بوجهه مع كل ه العبثيه والاشياء المطقيه وهو مش قادر يقول للناس شو صار معه او مين هي الجهه اللي كانت وراء كل ه الاحداث المهم بعد اسبوعين التقوا بمطار فرانكفورت مرته لما شافته ما عرفته كان متغير بشكل رهيب حتى اولاده ما سلموا عليه لانهم خافوا من شكله سالوه وين كنت قال لهم انه المشكله ما بقدر اقول لكم لكن حلف لهم انه كل شيء صار خارج عن ارادته بعد فتره حكى قصته لمرته على اساس انها تضلها سر بينهم وهون بلشت القصه تنكشف وظهرت للعلم بالصحافه اغرب واخطر قصه اختفاء قصري انعرفت بالقرن ال 21 يوم 31/5 عام 2005 بدون علم خالد المزري مرته سربت للصحافه كل شيء صار مع زوجها. التقرير حكى عن ظاهره الاختفاء القصري وعن شبكه اختطاف ضخمه. الفقره 14 من التقرير حكت عن مواطن الماني اسمه اكس انخطف بالغلط وانتقل على بلد بعيد وانحبس بعدين رجع. ما ذكروا اسمه وحموا المصدر لكن التفاصيل كانت كافيه. التقرير هذا خرب الدنيا. كل الوكالات الصحفيه طالبت بفتح تحقيق بالموضوع تخيل خالد المزري عين محامي عشان يضل اسمه مجهول في حال انعرف رح يتبهدل الا انه خلص الموضوع تحول لقضيه راي عام وصار لازم تنكشف بالفعل القصه انكشفت بالكامل الشرطه الاتحاديه الالمانيه تواصلت مع خالد انفتح تحقيق سري معه قالوا له انت مش راح تحكي عشان تنتقم انت بدك تحكي عشان ما تتكرر ها الظاهره مع حدا غيرك بالاتحاد الاوروبي فقط في اكثر من 450 حاله اختفاء لاشخاص عرب مجنسين باواخر عام 2005 طلع وثائقي كشف تفاصيل كل ه القصه المخابرات الامريكيه هي اللي خطفت خالد السبب اسرار دوله التقرير شرح كل التفاصيل مدعين عامين فتحوا الملفات اتبعوا رحلات وفواتير فنادق ارقام طيارات وهواتف وبالاخر وصلوا لاسماء 13 بني ادم باسماء مستعاره القصه طلعت تشابه اسماء نعم تشابهها اسماء فرقه خاصه من المخابرات الامريكيه كانت مسؤوله عن التحقيق باحداث 11 سبتمبر على مدار خمس سنوات اعتقلوا عشرات الاشخاص حرس الحدود في ماقدونيا لما كتبوا اسم خالد طلع في تشابه اسماء بينه وبين واحد ثاني الشخص الثاني مش مجرم كان مشتبه فيه بتورطه باحداث 11 سبتمبر لذلك لذلك تم اعتقال خالد فورا وضربه وتعذيبه حتى قبل ما يتم تسليمه للمخابرات الامريكيه ليش؟ لانه هيك التعليمات من بعدها بتسلمونا اياه المخابرات الامريكيه احتجزوه بفندق بمقدونيا كان من المقرر توريط خالد بعشرات التهم من بعدها تم نقله لجهاز تحقيق سري بافغانستان الادله والوثائق اثبتت انه من اول لحظه كانوا عارفين انه بريء لكن كان بدهم واحد يشيل التهمه الاشياء اللي تعرض لها خالد كان الهدف منها مس هويته بحسب المصادر والاخصائيين النفسيين التعذيب اللي تعرض له خالد كان وسيله لمحي شخصيته القديمه واضافه شخصيه جديده يعني خالد رح يوصل لمرحله يقتنع 100% انه هو مجرم وانه هو فعلا عمل احداث 11 سبتمبر عشان لما يحطوه على جهاز كشف كذب يكون فعلا ما بيكذب يحكي كيف خطط وكيف دبر للعمليه ياكد لجهاز كشف الكذب انه هو صادق التقرير اكد انه عشرات الناس اللي تم اعتقالهم وطلعوا مجرمين تم محاكمتهم واعترفوا صراحه انهم مجرمين هذول كانوا ماسحين هويتهم ما كان لهم علاقه ليش بيعملوا هيك مشان يطووا هذا الملف مشان يبينوا للعامه انه خلص المجرمين ظهروا يوم 13/12 عام 2012 المحكمه الاوروبيه اصدرت حكم وقالت فيه وبالاجماع اللي صار كان تعذيب وانتهاك صارخ طالبت بتعويض مالي لخالد لكن مش من امريكا لانه امريكا ما بتقدر تطلب منها هيك شيء وما بتقدر توقف بوجهها باي ملف التعويض انطلب من البلد اللي سلم خالد ماقدونيا تم دفع 350,000 دولار كتعويض لخالد مع تكاليف العلاج النفسي والتعويض المالي عن كل شيء صار معه طبعا زي كل مره الاداره الامريكيه استغربت من الموضوع قالوا ال 13 بني ادم هذول اللي عملوا التحقيق استغلوا نفوذهم ومناصبهم واحنا ما بنعرف عنهم شيء احنا وقفناهم عن الشغل ونقلناهم للتحقيق المشكله انه خالد طلع لكن تبين انه في مئات الاشخاص اللي اختفوا تهمتهم الوحيده انهم عرب وعلى فكره الشخص اللي كان في تشابه اسماء بينه وبين خالد كان اسمه عبد الله مش عارف اي لغه بالكوكب اسم عبد الله وخالد بينكتبوا بنفس الشكل باخر مقابله طلع فيها خالد كانت بعام 2015 قال جمله كانت بالفعل جدا مؤثره قال هم ما اخذوا خمس شهور من عمري الحقيقه هم اخذوا حياتي كلها انا لحد الان بعدني بالزنزانه لانه كل يوم بشوفها بمنامي وصارت جزء مني وهي الجمله كانت اخر جمله حكاها خالد بمقابله تلفزيونيه على فكره انا كنت ناوي من بدايه الفيديو اني اترك التهمه سر وما احكي لكم اياها الا باخر الفيديو لانه فعلا احيانا مش مهم شو هي التهمه لانه بدي اياك تعرف انه من زمان اسمك واصلك ولهجتك كافيه لتخليك متهم اذا انمسكت بهي الطريقه بيوم من الايام ما حدا رح يسالك اذا انت بريء او لا رح يسالوك قدش بتقدر تتحمل هي كانت قصتنا لليوم بتمنى تكون ما عجبتكم اذا كنتم مهتمين بالقصص الغريبه اللي بتشبه هذا الفيديو بنصحك تشوف فيديو سجن سايد نايا واللي بحكي لك فيه عن منظومه التعذيب اللي ما نعرف زيها بالبشريه وسؤالي الان لاخواننا بسوريا لما سمعتوا عن ها القصه حسيتوا بشيء غريب اكتبوا لي بالتعليقات احكوا لنا يا ترى ها الظاهره كانت معروفه ومنتشره عندكم على ايام الساقط بشار رح نشوف كل تعليقاتكم انا ابو الصادق سلام وبشوفكم بفيديو জ