الكتابة كتابة نص معلوماتي الصف السادس الابتدائي – لغة عربية – المنهج الجديد 2026

بسم الله الرحمن الرحيم السلام عليكم ورحمه الله وبركاته ابطال الصف السادس الابتدائي اهلا بكم في درس جديد من دروس اللغه العربيه على قناه احفايه سيبويه معاكم مستر سعيد قطب والنهارده باذن الله هنشرح درس من دروس التعبير الكتابي درس كتابه نص معلوماتي في البدايه كده تفتكر لو حد سالك ازاي تكتب عن موضوع معين بطريقه منظمه ومفهومه يعني مثلا حد طلب مني منك ان انت تكتب عن الانترنت او مثلا تكتب عن الفضاء او حتى تكتب عن الحيوانات هتبدا منين وتكتب ازاي في درس النهارده باذن الله هنتعلم سوا ازاي نكتب نص معلوماتي بس مش اي كتابه احنا هنجمع المعلومات زي المحققين وهنرتب افكارنا زي المخططين وهنكتب باسلوب واضح ومميز يخلي اي حد يفهم ويستمتع بقراءه كلامنا تابع معايا خطوه بخطوه لان الدرس ده مهم جدا وهيساعدك مش بس في المدرسه ده كمان في اي بحث او مشروع هتعمله في حياتك تابع معايا الدرس وباذن الله هتطلع مستفيد وما عندكش اي مشاكل خالص في التعبير الكتابي في البدايه احنا عايزين نعرف يعني ايه نص معلوماتي انا افهم الاول معنى الكلام علشان اقدر اكتب واعبر بكل سهوله النص المعلوماتي بيكون نص بيعرض حقائق ومعلومات عن موضوع معين من خلال مصادر يمكن توثيقها زي الكتب والمواقع الالكترونيه والمجلات والجرائد يعني ايه معنى الكلام ده؟ يعني مثلا احنا عايزين نتكلم عن الوقت واهميه الوقت فبالتالي ده موضوع معين اهو عايزين نجمع عنه بقى حقائق ومعلومات طيب هنجيب الحقائق والمعلومات دي منين؟ هنجيبها مثلا من الكتب من المواقع الالكترونيه من المجلات من الجرائد احصائيات معينه يبقى احنا عمالين نجمع معلومات من كذا مكان علشان نصل لموضوع معين اللي هو ايه؟ اهميه الوقت يبقى هو ده النص المعلوماتي نص بيعرض حقائق ومعلومات عن موضوع معين من خلال مصادر يمكن توثيقها بنجيب الكلام ده منين؟ من الكتب من المواقع الالكترونيه من المجلات من الجرائد طيب انا دلوقتي عايز اكتب نص معل معلوماتي دايما في التعبير الكتابي في حاجه مهمه جدا لازم نلتزم بيها طلبه كتير منكم بيشتكوا يقول لك انا ما بقدرش اكتب عدد الكلمات اللي بتكون مطلوبه مني في الامتحان ده بيطلب مني 50 كلمه ده بيطلب مني 100 كلمه ما بقدرش اجمع له عدد الكلمات المطلوبه لو انا بلتزم بعناصر كتابه الموضوع والخطوات هلاقي الموضوع سهل جدا ما انت عندك في عناصر وخطوات لازما تمشي عليها ما دام انت بتلتزم بعناصر وخطوات كتابه الموضوع هتلاقي الموضوع معاك سهل ومبسط. طيب انا عايز اكتب نص معلوماتي ايه هي الخطوات والعناصر اللي انا امشي عليها؟ رقم واحد انت عندك المقدمه. طب المقدمه دي عباره عن ايه؟ المقدمه دي بتتكلم عن اهميه الموضوع وهنوضح كل حاجه دلوقتي وهنجيب النموذج ونشرح عليه. يبقى خليك فاكر ان اول عنصر معانا المقدمه ودي بتتكلم عن اهميه الموضوع طيب تاني عنصر معانا تاني عنصر معانا الموضوع ذات نفسه الموضوع ان احنا بنعرض الحقائق والمعلومات المتعلقه بالموضوع بجيب بقى الحقائق والمعلومات اللي انا جمعتها الخاصه بالموضوع بتاعي اخر حاجه بقى الخاتمه اللي هو تلخيص اللي انا كتبته بلخص كل حاجه انا كتبتها يبقى تاني اني لو انا عايز اكتب نص معلوماتي في خطوات انا همشي عليها وناس نلتزم بالترتيب ده خد بالك اول حاجه هبتدي بيها المقدمه هبتدي كده اتكلم كلام بسيط عن الموضوع بتاعي وعن اهميته بعد كده الموضوع هبتدي بقى اعرض الحقائق والمعلومات المتعلقه بالموضوع مثلا ما انا جمعت معلومات من الجرائد ومن الانترنت ومن الكتب ومن هنا ومن هنا فانا بعرض بقى الحقائق والمعلومات المتعلقه بالموضوع ديت في النهايه بلخص اللي انا كتبته ودي الخاتمه يبقى احنا كده عندنا ثلاث عناصر اساسيه في كتابه النص المعلوماتي لما تيجي تكتب نص معلوماتي بقى لازما تاخد بالك من حاجه مهمه جدا ايه هي اول حاجه لما تيجي تجمع المعلومات بتبحث في الكتب او الانترنت عن معلومات مرتبطه بموضوعك ولازم تتاكد من صحتها ما انت مش هتجيب لي معلومات وتحطها مثلا في النص بتاعك وتكون معلومات معلومات مغلوطه او معلومات غلط او مش صحيحه يبقى انت بتبحث في الكتب والانترنت عن معلومات مرتبطه بموضوعك ولازم تتاكد ان المعلومات دي صحيحه 100% ثاني حاجه ترتيب الفكر بترسم مخطط كده او قائمه علشان تنظم فكرك ثالث حاجه كتابه مصادر المعلومات المعلومات اللي انت قلتها لنا دي او اللي انت كتبتها في النص جبتها منين لازما تذكر المعلومات التي كتبتها في النص الكتب المواقع الالكترونيه المجلات الجرائد يبقى لازم تذكر مصادر المعلومات انت جبت المعلومات دي منين كمان استخدم ادوات الربط علشان تجعل او تخلي الرساله بتاعتك مترابطه زي مثلا كلمات لانه لذلك اذا يبقى لما تيجي تكتب نص معلوماتي لازما تهتم بالحاجات دي شفت بقى احنا دلوقتي اتكلمنا عن ايه اتكلمنا عن العناصر وبعد بعدين اتكلمنا على نصائح مهمه لازما نمشي عليها لما نيجي نكتب النص المعلوماتي تعالوا نطبق مع بعض بقى ونجيب نص معلوماتي كده ونطبق عليه مع بعض في حاجه احنا نسيناها بعد كتابه النص بقى حاول تعمل مراجعه علشان تراجع الاخطاء الاملائيه لو عندك اخطاء املائيه تاكد كمان من وضوح الفكر وترتيبها بشكل منطقي وسهل الفهم يبقى ده بالنسبه للنصائح المهمه جدا لما نيجي نكتب نص معلوماتي دلوقتي بعد ما عرفنا ايه هو النص المعلوماتي وايه العناصر والخطوات اللي انا امشي عليها والنصائح المهمه اللي انا لازما التزم بيها علشان الموضوع بتاعي يكون سليم وما فيش فيه اي اخطاء تعالوا مع بعض نطبق ونشوف ازاي هنلتزم بالعناصر والخطوات والنصائح المهمه اللي احنا قلنا عليها احنا قلنا اول حاجه في الموضوع بتاعنا او في كتابه النص المعلوم معلوماتي بتكون المقدمه المقدمه اللي هي ايه بتتناول اهميه الموضوع الموضوع بتاعنا عن الوقت تعالوا نشوف هنكتب ونقول ايه اولا في المقدمه بنقول للوقت اهميه كبيره في حياه كل انسان فاي فعل نفعله يحتاج الى وقت او زمن فاذا فقد الانسان الوقت فلن يستطيع انجاز اي شيء يبقى زي ما قلنا في المقدمه احنا بنتكلم عن اهميه الموضوع فهنا في المقدمه بيكلمني عن ايه؟ عن اهميه الوقت في حياه كل انسان وان اي فعل بنفعله اكيد محتاج وقت او زمن لو الانسان فقد الوقت دوت يبقى مش هيقدر ينجز اي شيء يبقى احنا في المقدمه اتكلمنا عن اهميه الموضوع بتاعنااني حاجه الموضوع احنا قلنا بنعمل فيه ايه بنعرض الحقائق والمعلومات المتعلقه بالموضوع نشوف كده احصائيه ذكرت ان 28% من الناس لا يديرون اوقات اعمالهم بشكل جيد وهو ما يؤدي الى قله الانتاج وبالتالي حدوث خسائر ماديه كبيره ولكي ندير اوقتنا بشكل جيد علينا ان نتبع مجموعه من الخطوات وهي تحديد اهدافنا بوضوح وكتابتها في قائمه ثم ترتيب الاولويات ثم تخصيص وقت معين لانجاز كل هدف يبقى لاحظ هنا كده جايب جيب لي فعلا حقائق ومعلومات بيقول لي ان في احصائيه بتقول ان 28% من الناس ما بيستغلوش اوقات اعمالهم بشكل جيد وده بيؤدي لقيله الانتاج وبالتالي بتحصل خسائر ماديه وعلشان ندير اوقاتنا بشكل جيد لازما نتبع مجموعه من الاهداف او مجموعه من الخطوات ايه هي تحديد اهدافنا بوضوح نكتبها في قائمه وبعدين نرتب الاولويات وبعدين نخصص وقت معين لانجاز كل حاجه لاحظ كده احنا ماشيين بالترتيب اهو وفي تسلسل مظبوط المقدمه الاول وبعدين الموضوع وفي النهايه هتكون الايه؟ الخاتمه طب الخاتمه عباره عن ايه؟ عباره عن تلخيص بقى للكلام ده كله ادي الخاتمه معانا نشوف هنقول ايه وبناء على اهميه الوقت ونتائج الاحصاءات السابقه علينا ان ننتبه وندير اوقاتنا بحكمه لنحقق النجاح في كل امور حياتنا هناك يبقى هنا فعلا تلخيص للموضوع كله جمله بسيطه كده بلخص الكلام كله بتاعي اللي بتتكلم على اهميه الوقت ان احنا لازما ندير اوقاتنا بحكمه علشان نقدر نحقق النجاح في كل امور حياتنا تعالوا كده بقى نشوف كده تحليل للموضوع اختر الاجابه الصحيحه ورد تلخيص المقدمه تلخي ورد تلخيص الموضوع فين تلخيص الموضوع كان فين؟ هل كان في المقدمه ولا الموضوع ولا الخاتمه؟ لا التلخيص احنا قلنا بيبقى فين؟ بيبقى في الخاتمه السؤال الثاني معانا وردت خطوات اداره الوقت فين؟ في المقدمه ولا الموضوع ولا الخاتمه؟ اداره الوقت جت فين؟ بص كده جت فين؟ جت لك في الموضوع السؤال اللي بعد كده وبناء على اهميه الوقت الى اخر الجمله تمث مثل هذه الفقره عنصر الايه المقدمه ولا الموضوع ولا الخاتمه لا ديت كانت الخاتمه دلوقتي معانا نص معلوماتي عايزين نقراه بشكل كويس وبعدين نحلله مع بعض نقرا مع بعض النص القراءه من اهم وسائل تطوير الذات فالانسان يضيف الى عمره اعمارا بالقراءه فكلما قرا الانسان كثرت معارفه وزادت ثقافته واصبح اكثر قدره على مواجهه التحديات والتغلب على المشكلات في بيان اصدره الجهاز المركزي للتعبئه العامه والاحصاء في عام 2024 ذكر الجهاز ان عدد المكتبات في جمهوريه مصر العربيه في عام 2022 وصل الى 1409 مكتبات منها 343 مكتبه عامه وهي المكتبات التي يمكن ان يستفيدوا منها الجميع وهو عدد كبير جدا يدل على ان مكانه مصر الثقافيه اما عن محافظتي محافظه المنف اما عن محافظه محافظه المنوفيه فانها تضم 22 مكتبه عامه تقدم خدماتها لعامه القراء وللاطفال وذلك وفق ما هو منشور في البوابه الالكترونيه لمحافظه المنوفيه وفي ضوء هذه الارقام والاحصاءات فانه يجب علينا ان نستغل هذا العدد الكبير من المكتبات ونقرا كثيرا لكي نزداد علما وثقافه عايزين نحلل النص المعلوماتي اولا المقدمه فين المقدمه هنا في الموضوع طبعا المقدمه عندي موجوده فوق اهيت اللي هي القراءه من اهم وسائل تطوير الذات فالانسان يضيف الى عمره اعمارا بالقراءه فكلما قرا الانسان كثرت معرفه وزادت ثقافته واصبح اصبح اكثر قدره على مواجهه التحديات والتغلب على المشكلات الموضوع بتاعنا فين بقى من اول في بيان اصدره الجهاز المركزي للتعبئه العامه والاحصاء يبقى ده بالنسبه للموضوع بتاعنا اللي هو بيقدم معلومات وحقائق طب بالنسبه للخاتمه بقى اللي هو تلخيص الكلام ده كله التلخيص عندي وفي ضوء هذه الارقام والاحصاءات فانه يجب علينا ان نستغل هذا العدد الكبير من المكتبات ونقرا كثيرا لكي نزداد علما وثقافه يبقى انا عندي دي الخاتمه اللي بتلخص لي الموضوع بتاعي وبكده نكون انتهينا من شرح الدرس اتمنى لكم كل التوفيق والنجاح يا ريت لو عجبكم الفيديو ما تنسوش تضغطوا لايك وتعملوا شير لاصدقائكم عشان الكل يستفاد وسيبوا رايكم في التعليقات شكرا لكم على استماعكم والسلام عليكم ورحمه الله وبركاته.