ليه دموعك محبوسة رغم الوجع السر النفسي الخطير وراء الجمود العاطفي افيدونا

عايز تعيط بس مش قادر مش قادر تخرج ولا دمعه جواك وجع كبير كان في طوبه على صدرك ضغط بيزيد كل يوم بس ما فيش مخرج دماغك شغال 24 ساعه والمشاعر بتغلي جواك بس العيون جافه ولا دمعه بتحاول تفتكر اخر مره عيطت فيها ما تفتكرش بتسال نفسك هو انا اتبدلت كده امتى ولا انا كده طبيعي الاحساس ده ممكن يكون مالوف لناس كتير حوالينا خصوصا اللي شايفين هموم ومكتمين جواهم بقى لهم سنين اللي بيتكسفوا ويعيطوا او اللي تربوا انه البكاء ده ضعف بس الحقيقه ان اللي مش قادر يعيط رغم انه موجوع هو شخص بيصارع معركه داخليه شرسه معركه بين اللي حاسس بيه وبين اللي مش قادر انه يعبر عنه في الفيديو ده مش بس هنفهم الظاهره دي احنا كمان هنكشف جذرها النفسي والعصبي وبالتالي اعمل لايك للفيديو ده وابعته لحد بتحبه وحاسس انه جاف زياده عن اللزوم وفي اخر الحلقه هنعمل اختبار نفسي بسيط هيوريك انت فين دلوقتي وقد ايه محتاج انك تساعد نفسك؟ في الفيديو هنتكلم عن واحده من اكث الحاجات المؤلمه اللي ناس كثير بتعاني منها في صمت عدم القدره على البكاء رغم وجود وجع حقيقي جواك الظاهره دي مش مجرد حاله نفسيه عابره لا دي ممكن تكون عرض لمشكله اعمق من كده بكثير في مشاعرك في علاقتك بنفسك وكمان في توازنك العصبي هنتكلم عن ليه بعض الناس بيوصلوا للحاله دي ان دموعهم تجف وازاي الاكتئاب او القلق والتجارب القديمه بياثروا على قدرتنا على البكاء وايه اللي بيحصل في الدماغ والجهاز العصبي بيخليك تتجمد بدل ما تعيط وهل البكاء فعل اختياري ولا مرتبط بتوازن كيميائي ونفسي في الجسم كمان هنتكلم عن العوامل البيئيه والتربويه وحتى الثقافيه اللي بتكون جوانا شعور بالخجل او الخوف من البكاء والاهم من ده كله ازاي نقدر نرجع الاتصال بمشاعرنا ونتعلم ازاي نبكي لما نحتاج كل ده طبعا زي ما احنا متعودين دين مدعوم باحدث الدراسات النفسيه والعصبيه اللي اتكلمت عن الجمود العاطفي والتبلد الوجداني وتاثير كمان مضادات الاكتئاب على الاستجابه العاطفيه حلقه يعني غنيه بالمعلومات بس كمان غنيه بالامل لانه في الاخر اكيد هنلاقي حل خلينا نعرف الاول ليه البكاء مهم وايه الفوائد النفسيه والجسمانيه اللي هتعود علينا واللي ما حدش يمكن بيحكي عنها كتير ناس كتير بتشوف البكاء انه ضعف او علامه انك مش ماسك نفسك لكن الحقيقه العلميه بتقول العكس تماما البكاء فعل طبيعي وجزء اساسي من اليات التوازن النفسي والجسدي عند الانسان فنفسيا مثلا البكاء بيساعد على تفريغ المشاعر المكبوته زي الحزن والغضب او حتى الاحباط الدراسات بتاكد انه الناس اللي بتسمح لنفسها بالبكاء بتتعافى بشكل اسرع من الضغوط النفسيه كمان البكاء بيخلي الاخرين يتعاطفوا معاك وده بيدي احساس بالدعم والانتماء وبيساعد في تحسين العلاقات وعلى المستوى الجسماني لما بتعيط جسمك بيفرز هرمونات زي الاندروفين والاوكسيتوسين ودي مواد طبيعيه بتهدي الاعصاب وبتخفف الالم سواء النفسي او الجسدي كمان البكاء بيقلل من هرمونات التوتر زي الكورتيزول وبيساعد في خفض ضغط الدم وكمان تنظيم ضربات القلب في كمان نوع من الدموع بيسمى الدموع العاطفيه ودي مختلفه عن دموع البصل او الدموع الناتجه عن تهيج العين مثلا دموع المشاعر بتحتوي على مواد كيميائيه سامه بس الجسم بيطردها اثناء التوتر فبتكون البكاء وسيله طبيعيه لتطهير الجسم من السموم دي يعني ببساطه لما بتعيط انت مش بتنهار انت بتتوازن واللي بيكبت دموعه بيكبت معاها السموم النفسيه اللي بتتراكم جواه وبتاثر على مزاجه وجسمه وصحته على المدى البعيد طيب ايه اللي بيخلينا نوصل للحاله دي الناس اللي مش بتعرف تعيط رغم الحزن مش ناس ضعيفه دول غالبا بيمروا بحاله نفسيه عميقه ومعقده اول حاجه لازم نفهمها ان الاكتئاب مش دايما بيخلي الناس تعيط بالعكس في انواع من الاكتئاب زي الاكتئاب السوداوي بيخلي الشخص بيحس بفراغ تام ولا فرح ولا حزن ولا دموع كانه انفصل عن نفسه ده مش بسبب الحاله النفسيه لكن كمان بسبب تغيرات حقيقيه بتحصل في الدماغ في المقابل القلق والتوتر المستمر ممكن يعملوا العكس تماما يخلوك متحفز طول الوقت خايف تبين ضعفك والنتيجه جهازك العصبي بيدخل في حاله تجمد يعني ولا بتواجه ولا بتهرب بس بتقف وكل المشاعر بتتحبس جواك ده غير طبعا انه في ناس بيبقوا متعلمين من صغرهم انه البكاء ده خطر او غير مقبول فالمخ بيبني جدار حمايه حوالين المشاعر دي وكل ما بيجي الاحساس بالحزن العقل الباطن بيكتمه تلقائيا يعني الشخص مش مشاعره ماتت ولكن مخه قرر انه يمنعه من الاحساس بيها علشان ينجو وده بالضبط اللي بيسموه في علم النفس التبلد العاطفي او الجمود الوجداني. كمان كتير من اللي مش قادرين يعيطوا وهم كبار كان عندهم طفوله صعبه او بيئه ما كانتش بتسمح ليهم انهم يعبروا عن نفسهم. مثلا الطفل اللي كان لما يجي يعيط كانوا بيزعقوا له او يضربوه ده بيتعلم يخبي دموعه مع الوقت كل مره بيبكي فيها جهازه العصبي بيفتكر الالم المرتبط بالبكاء فبيمنعه بشكل تلقائي. كمان الرسائل اللي بنسمعها واحنا صغيرين بتبني عندنا معتقدات سلبيه زي طبعا اشهرهم الراجل ما بيعيطش البكاء ده ضعف ما تبقاش دراما كوين كلها بتخلي الواحد يكبر وهو حاسس ان البكاء ده جريمه والنتيجه لما بيكبر ويحزن بدل ما بيعيط بيتجمد وبيلبس قناع البرود في كمان ناس تعرضوا لصدمات عنيفه في حياتهم سواء في الطفوله او بعد كده والمخ كطريقه للحمايه فصلهم عن مشاعرهم الناس دي ممكن تبان عليهم القوه هو لكن جواهم في عاصفه مكبوته طيب ايه اللي بيحصل في دماغك البكاء بيبدا من لحظه الاحساس بالحزن وبيمر بمراحل معقده جدا داخل الدماغ والجهاز العصبي اللوزه الدماغيه بتحفز المشاعر القويه وبتبعت اشارات للقشره الاماميه واللي بدورها بتوصل لمركز البكاء في الدماغ المتوسط المركز ده بيبدا يفعل عضلات الوجه الغدد الدمعيه وتغيرات التن التنفس والصوت اللي دايما بنربطها بالبكاء لكن كل ده ما بيشتغلش لو الجهاز العصبي في حاله طوارئ يعني لو انت متوتر جدا او حاسس بخطر المخ بيدي اوامر بايقاف كل الحاجات دي اللي مش ضروريه للبقاء ومنها طبعا البكاء في الحاله دي الجهاز السمبثاوي بيشتغل والجار سمبثاوي المسؤول عن الاسترخاء والبكاء بيتوقف كمان بعض الادويه بتلعب دور مهم جدا زي مضادات الاكتئاب اللي بتشتغل على رفع السيريتونين بس ممكن تتسبب في تبلد عاطفي في دراسات قالت ان حوالي 46% من الناس اللي بياخدوا ما يسمى بالاس اس ار ايز حاسوا انه مشاعرهم قلت وانهم ما بقوش يعيطوا حتى لما يحزنوا يعني البكاء مش دايما بايدينا احيانا كمان الدماغ بيمنعه بشكل كيميائي خلينا نتكلم عن الجمود العاطفي الجمود العاطفي او الخدر الوجداني هو حاله الناس فيها بتفقد القدره على الشعور سواء بالايجاب او بالسلب يعني مش بس ممكن ما تحسش بالحزن لكن كمان ما تحسش بالفرح بتعيش على وضع الاوف لاين الكلام ده حقيقه مش خيال ده موثق في دراسات كتير عن الاكتئاب الشديد اضطرابات ما بعد الصدمه واعراض جانبيه لادويه نفسيه كتير الناس دي ممكن تقول لك انا عارف ان الموقف ده حزين بس انا مش حاسس بحاجه او بشوف الناس بتعيط قدامي وانا كاني بتفرج على فيلم مش مفهوم وفي اسوا الحالات بيحسوا كانهم اتحولوا لروبوتات ولا بيتاثروا ولا بيقدروا يتواصلوا عاطفيا الجم الجمود ده بيبقى احيانا وسيله لحمايه النفس من الانهيار لكن على المدى الطويل بيمنع الانسان من التفاعل الطبيعي مع اللي حواليه ومن التخلص من التوتر لانه البكاء علميا بيساعد على اخراج الاندروفين والاوكسيتوسين اللي هي الهرمونات اللي بتهدي الجسم والمخ اللي مش بيعيط بيكتم توتره جواه ومع الوقت ده ممكن يسبب امراض كتير جدا طيب نعمل ايه اولا اعرف السبب الجذري راجع تاريخك النفسي هل حصلت مثلا صدمه في الطفوله هل دايما بتكتم مشاعرك هل بتاخد ادويه نفسيه اسال الدكتور بتاعك لو في اي اثار جانبيه ليها علاقه بالبكاء وابدا جلسات مع معالج نفسي يساعدك تستكشف اللي جواك كمان التعبير الكتابي اليومي خصص وقت يوميا انك تكتب فيه مشاعرك حتى لو مش بتعيط اكتب كانك بتكلم شخص قريب منك سيب الورق يستقبل المك فرحتك احباطك ومع وقت هتلاحظ انك بقيت اقرب لنفسك كمان انك تخلق بيئه عاطفيه امنه جرب تبكي في مكان انت تكون حاسس فيه بالامان ممكن تبدا تسمع مثلا حاجه مؤثره الهدف مش البكاء في حد ذاته لكن انك تسمح لنفسك انك تحس وتستقبل الاحساس كمان اللي بيساعد قوي تمارين التنفس والتامل مارس تمارين زي التنفس العميق والبطيء اللي هي اربع ثواني شهيق وثمان ثواني زفير ده بيهدي دي الجهاز العصبي وبيفعل العصب المبهم المسؤول عن الراحه والدموع كمان درب نفسك على التعاطف مع الذات بدل ما تهاجم نفسك دايما انك تقول لنفسك انا جامد وما فيش حاجه بتحركني جرب تقول انا عديت بحاجات خلتني اتبلد بس اقدر ارجع احس اني كمان العلاج المعرفي السلوكي السي بي تي معالج السي بي تي هيشتغل معاك على المعتقدات السلبيه زي البكاء مثلا انه ضعف وهيساعدك تعيد برمجه طريقه تفكيرك ومشاعرك عن التعبير العاطفي كمان العلاج من الصدمات لو في تجارب قديمه ماثره عليك لازم تتشاف تتفهم وتتفرغ العلاج الجدلي بيساعد في تحرير الذكريات المكبوته كمان في ما يسمى بالعلاج بالفن او الحركه احيانا الكلمات مش بتكون كافيه جرب انك ترسم اي حاجه تطلع اللي جواك بشكل غير تقليدي كمان اعاده بناء الروابط الاجتماعيه حدث علاقاتك ا مع الناس اللي حواليك احكي مع حد بتحبه تواصل مع ناس بتسمعك من غير ما تحكم عليك الكلام نفسه ممكن يكون مفتاح لدمعتك كمان مهم انك تتبع مشاعرك باليوميات سجل كل يوم ثلاث مشاعر حسيت بيها حتى لو مشاعر بسيطه ومع الوقت هتلاقي الخريطه العاطفيه بتاعتك بدات تظهر وعلشان تختبر نفسك انت فين من ده كله الجزء التالي ده هو مرايه صريحه لنفسك ومن اهم اللحظات في رحلتك لفهم المشاعر بتاعتك مش مجرد اسئله ده تمرين للمصارحه والملاحظه خليك صادق مع نفسك وانت بتجاوبه اسال نفسك امتى اخر مره عيطت فيها وهل تفتكر السبب اسال نفسك لما بتحزن ايه اول رد فعل عندك هل بتتكلم هل بتكتم هل بتحاول تشغل نفسك ولا بتحس بتخدر او بالخدر يعني جسمك بيتخض اسال نفسك هل بتخاف من البكاء بتحس انك لو عيطت مثلا ممكن تنكسر او تنهار هل بتحس احيانا انك منفصل عن نفسك كانك بتتفرج على مشاعرك من بره ومش عارف تلمسها بشكل حقيقي كمان اسال نفسك هل في مواقف المفروض تثير تعاطفك او حزنك بس بتلاقي نفسك بارد تجاه المواقف دي اكتب اجاباتك عن الاسئله دي مش لازم تشاركها مع اي حد المهم انك تشوفها قدامك طيب ايه فايده التمرين ده التمرين ده بيكشف لك فين الانفصال العاطفي اللي موجود جواك كمان بيساعدك تفهم اليات الدفاع النفسيه اللي دماغك بيستخدمها ضد الحزن كمان بيوضح لك لو عندك كبت او صدمه ماثره على تعبيرك عن نفسك والمهم انه بيخليك تاخد خطوه عمليه تجاه انك تفهم نفسك وتبدا التغيير ناس كتير قالوا ان مجرد اجاباتهم على الاسئله دي خلتهم يبكوا لاول مره من شهور لان المشاعر ساعات مش بتكون محتاجه اكث من اعتراف بوجودها علشان تبدا تتحرك جرب دلوقتي كل يوم لمده اسبوع انك تكتب اجابه جديده لسؤال من الاسئله دي وهتشوف ازاي مع الوقت مشاعرك هتبدا تتكشف قدامك واحده واحده كانك بتفتح باب كان مقفول من زمان خلي في بالك ان دموعك مش ضعف دي لغه الروح البكاء مش ضعف ابدا البكاء لغه وصوت ورساله من جواك بتقول انا محتاج ارتاح محتاج افرغ محتاج اعيش مشاعري الدموع مش انهيار الدموع احيانا بتبقى بدايه الشفاء البدايه الحقيقيه انك ترجع تلمس نفسك من جوه وتبطل تهرب من الاحساس لو حسيت ان كلامي ده لمس حاجه جواك ما تسيبهاش تعدي احفظ الفيديو ده عندك وابعته لحد بتحبه وقول لنفسك انا لي حق اني اعيط ولي حق اني ارتاح كنت معاكم احمد عبدم ودي كانت حلقه من افيدونا اشوفكم على خير ان شاء الله دايما الحلقات الجايه شكرا لكم السلام عليكم