الشهادات فقه حنفي الصف الثالث الإعدادي أ حذيفة عيد الجزء الأول

السلام عليكم ورحمه الله وبركاته اهلا بيكم حبايبي ابطال الصف الثالث الاعدادي الازهري انا حزي وده درس جديد من دروس ماده الفقه الحنفي درس النهارده ان شاء الله بعنوان كتاب الشهادات الشهادات يعني ايه الشهادات الشهادات باختصار اللي هو حد طلبك تشهد في حاجه واحد بيسلف حد فلوس مثلا فخاف ما يدفعلوش الفلوس دي فجابك تشهد عشان لو الثاني جه مثلا ما رضاش يديه فلوسه انت تشهد ان خد منه فلوس او انت شفت حد بيسرق حاجه مثلا او شفت حد بيقتل حد او شفت حد بيقذف حد بيشتمه يعني بتهمه بالزنا دي الشهاده انك هتشهد هتقول رايك اللي انت شفته في القصه دي طيب اول حاجه عندي تعريف الشهادات وركنها ما الشهادات لغه وشرعا وما ركنها الشهادات جمع شهاده جمع ايه جمع شهاده كلمه شهادات يعني جمع شهاده شهادت واحد شهاد وواحد شهاد وواحد شهاد دي شهادات طيب الشهاده دي لغه يعني ايه الشهاده لغه خبر قاطع خبر قاطع يعني ايه خبر قاطع خلاص الموضوع اتقفل يعني واحد شهد واحد جه قال انا شفت فلان بيسرق خلاص كده الموضوع ما خلصاه هيتحكم هيترتب على كلامك ده وعلى شتك دي حكم بقى هنحكم على الصادق ده بحاجه بقى تمام يبقى الشهاده خبر ايه خبر قاطع ما تجيش تقول اصل انا مش عارف انا بتهي لي شفته وبيسال لا ما بيتهي لك في خبر قاطع هنا جاي تشهد يبقى الشهاده ديت خلاص انتهى الكلام بعدها ده ما حدش يجي يقول كلاماني بعد ايه؟ بعد الشهاده طيب الشهاده شرعا يعني ايه؟ الشهاده شرعا هي اخبار وصدق لاثبات حق في مجلس القاضي بلفظ اشهد ثاني اخبار صدق لاثبات حق في مجلس القاضي بلفظ اشهد يعني ايه الكلام الكبير ده؟ قلنا اخبار صدق صدق يعني ايه؟ يعني اخبار شخص صادق واحد صادق معروف عدالته ومعروف صدقه ومعروف امانته يجي يشهد هو ده الصدق ما يجيش واحد صايع من الشارع يشهد على حاجه معينه لا ما يمكن هو حد مديه فلوس مثلا واحد بلطجي او واحد مش كويس حد اداه فلوس وقال له تعال اشهد معايا فلازم اخبار صدق حد كويس حد صادق حد امين هو اللي يجي ايه يقول الكلام ده ويشهد بشري ليه هيشهد قلنا لاثبات حق هنثبت حق انت جاي دلوقتي بتقول فلان ده قذفني ف لو القاضي حكم عليه بحد القذف هيتجلت طيب عشان اتجلد لازم شهود فانت تجيب حد يشهد اهو عشان نسبه حقك او فلان ده انا اديته فلوس ومش عايز يرجعها لي فلازم حد يشهد معاه يبقى ليه لاثبات حق فين هنشهد في الشارع يعني واحنا قاعدين مع بعض كده واحد يشهد على واحد ان هو عمل حاجه معانا قال لي لا ده في مجلس القاضي الشارع بتكون في مجلس مين في مجلس القاضي ليه لان القاضي هو اللي هيحكم بالحق هو اللي هيرجع لك حقك فانت انت لو شاهدت في مكان غير مجلس القاضي الشهاده مالهاش لازمه بلفظ اشهد يعني قول كلمه اشهد اشهد ان كذا يعني يجي واحد مثلا جايين طالبين له الشهاده يقول لك اشهد ان فلان خد من فلان فلوس او اشهد ان انا شفت فلان بيقذب فلان او اشهد ان شفت كذا لازم اقول لفظ اشهد ما يقولش لفظ تاني يقول اشهد بكذا تمام طيب ايه ركن الشهاده الشهاده لها ركن لازم تتحقق بيه ايه هو ركن الشهاده هو لفظ اشهد كلمه اشهد دي ده اساس الشهاده اي لابد للشاهد عند اداء الشهاده ان يقول اشهد بكذا لازم الشاهد يقول اشهد ان انا شفت كذا طيب ايه شروط صحه الشهاده دلوقتي عندنا حاجه حصلت وحد جاي يشهد على الحاجه دي ايه شروط صحتها هل اي حد كده هيجي يشهد اي حد معدي من الشارع كده هنقول له تعال اشهد اي عيل صغير اي مجنون اي واحد متهم غير يعني ا عقله يروح مثلا ويجي نجيبه يشهد قال لي لا ده في شروط لصحه صحه الشهاده ما شروط صحه الشهاده من شروط صحه الشهاده رقم واحد ان يكون الشاهد عاقلا بالغا فلا تقبل الشهاده الصبي ولا المجنون لازم يكون واحد عاقل كده كبير عاقل كده دماغه كويسه ويكون بالغ ما نجيبش عاد صغير نقول له تعال اشهد ما يمكن ماش فاهم الحاجه اللي حصلت دي او يمكن حد ضحك عليه مدي له فلوس مثلا وقال له تعال اشهد مثلا ولا تقبل شهاده المجنون لان المجنون مالوش عقل ممكن حد يحفظه كلمتين فجاه قال لهم في ساعتها وخلاص لو جيت تساله بعد از ساعه فيهم نسيهم اصلا ما هو مش عارف انت بتكلمه في ايه فلازم يكون الشاهد بالغ عاقل لان هتترتب على الشهاده دي حاجات يعني ممكن يشهد في القذف فيتجلد بني ادم مظلوم ممكن يشهد في السرقه تتقطع ايد بني ادم مظلوم فلازم تتحقق الشروط الشرط الثاني الضبط يعني ايه الضغط الضبط ده معناه حسن السماع والفهم والحفظ الى وقت اداء الشهاده يكون واحد بيسمع كويس بيعرف يضبط شهادته هو سمع ما يكونش سامعه في مشكله بتقول له كده يقول لك ايه ما بيسمعش كويس ف سمع حاجه فتهيا له لا لازم يكون بيسمع كويس عشان يشهد باللي سمعه ما يكونش سامعه ضعيف ويكون بيفهم ما يشوفش واحد مثلا حضن واحده مثلا فيقول لك ده انا شفته بيذني بيها لا ما هو في فرق فلازم يكون بيفهم وبيسمع كويس علشان يقدر يحدد الشها هذا ما يشوفش واحد بيشتري من حد حاجه وبيديه فلوس تمنها مثلا انت بتشتري من محل حاجه فبتديه فلوس عشان تاخد بتضاعه فيجي يشهد يقول ده انا شفته فلان ده بيدي لفلان ده فلوس سلف لا لازم يكون فاهم يبقى السماع حسن السماع والفهم والحفظ الى وقت اداء الشهاده يكون بيفتكر ما بينساش بسرعه ما يكونش مثلا شاف حد بيدي لحد فلوس ا كان بيستلف منه 1000 جنيه مثلا فتجيبه له الشهاده يقول لك اه انا شفته بيسلفه 5000 جنيه او شفت بقى بينسى الانسان دي في داهيه فلازم يكون عنده ضبط اللي هو واحد كده رزين كده بيسمع كويس بيفهم كويس بيعرف ما بينساش بسرعه يفضل فاكر لحد وقت طلبه ليه ايه للشهاده طيب في ا شهود على حاجه وفي حد بيتهم حد بحاجه واتحققت الشروط في الشهود اداء الشهاده بقى ايه اللي هيترتب عليه ما الذي يترتب على اداء الشهاده وما حكم ادائها وحكم كتمانها وما الدليل وما كيفيه الاداء قلنا بيترتب على اداء الشهاده حاجات يعني انت جيت شاهدت على حد دلوقت احنا القاضي دلوقتي واحد رايح له اثنين رايحين واحد بيتنام الثاني بيقول له فلان ده خد مني فلوس ومش راضي ايه يرجعها لي عندك شهود قال لي اه والله عندي شهود جبنا الشهود لقينا الشهود شهود عدول ناس كويسين متوفره فيهم شروط صحه الشهاده وكل حاجه 100 م شاهد الشهود باللي شافوه ايه اللي هيترتب على الشهاده بقى القاضي هيعمل يعمل ايه في الوقت ده بيترتب وجوب الحكم على القاضي بموجبها اي بما توجبه وتثبته اذا استوفت شروطها يعني القاضي وجب عليه ان هو يحكم باللي شافه وباللي سمعه الشهود قالوا شفنا فلان بياخد من فلان فلوس خلاص كده القاضي عنده ادله وعنده شهود فيجب على القاضي انه يحكم بالشروط وبشهاده الشهود اللي اتحقت قدامه طيب اداء الشهاده ايه حكمها ايه حكم اداء اداء الشهاده وحيه حكم كتمانها؟ حكم اداء الشهاده فرض على من علمها فرض يعني انت شفت حد بيسرق فلوس حد وواجب عليك انك تروح تشهد تروح تبلغ عنه ماينفعش تسكت شفت حد بيقذف حد تشهد شفت حد وهو بيسترف في الحد فلوس وصاحب الشهاده وصاحب الفلوس طلبك للشهاده لازم تشهد فرض عين عليك ما ينفعش تكتم الحق حرام عليك طيب ايه حكم كتمانها حكم كتمانها حرام ليه لانك قد ضيع حقوق الناس في واحد دلوقتي طلب بك انت اخر فرصه له انت الوحيد اللي شاد على حقه هترجع له حقه فانت ما ينفعش تكتم الحق ده طيب ايه الدليل على الكلام ده قال لي الدليل قوله تعالى ولا تكتموا الشهاده ومن يكتمها فانه اثم من قلبه ربنا بيقول لك ما تكتمش الشهاده اوعى اوعى حد يجي يطلب شهادتك تبقى انت شفت وتقول انا ما شفتش او لا يا عم انا ماليش دعوه انا ادخل نفسي في مشاكل لا السكت عن الحق شيطان اخرص طبعا هنا بيقول لي بقى هذا اذا طال طلبهم المدعي بها يعني لازم المدعي اللي هو صاحب الحق هو اللي يطلبك للشهاده ما تروحش بنفسك تشهد طيب ايه العله لانها حقه الشهاده دي حق مين اللي من حقه يطلب شهود صاحب الحق طب صاحب الحق ما طلبش شهادتك خلاص ما تشهدش طيب ايه كيفيه ادائها يعني الشهاده دي تؤدى ازاي بقى او امتى اشهد مني لنفسي وامتى استنى ان صاحب الحق يطلب ما هو في حاجات مش هتستنى صاحب الحق انه يطلب في حاجات لازم تشهد من غير ما حد يطلب منك. طيب كيفيه ادائها؟ قال لي كيفيه ادائها عندنا ثلاث صور. رقم واحد اذا كانت في حق من حقوق الله حق من حقوق ربنا سبحانه وتعالى ايه الحكم بقى في الوقت ده؟ يجب على الشاهد الادلاء بها بلا طلب ما ينفعش تستنى حد يطلب منك انت منك لنفسك تروح تشهد زي ايه مثلا؟ قال لي كمن علم ان رجلا طلق زوجته ثلاثا ثم هو يعاشرهم عشره الازواج واحد شاف واحد طلق مراته ثلاث طلقات خلاص ما بقتش حلال ما بقتش مراته وفي نفس الوقت عرف ان بيعاشرهم عشره الازواج ده زنا ده حق من حقوق الله اهو ماينفعش تسكت عليه ففي الوقت ده يعمل ايه بقى في الوقت ده وجب عليه الذهاب الى مجلس القضاء ليشهد عليه بطلاقه ثلاثا لازم يروح لنفسه بنفسه لوحده من غير ما حد يقول له يقول للقاضي شفته فلان الفلاني طلع مراته ثلاث طلقات ما بقتش مراته وفي نفس الوقت شفته واخدها وداخل البيت وبيتقفل عليهم باب واحد وبيعشرهم عاشه الازواج لازم تسد بقى ايه من غير ما حد يطلب منك طيب الصوره الثانيه الصوره الصوره الثانيه اذا كانت في حق من حقوق الادمي حق من حقوق البشر بقى بينهم وبين بعض ايه الحكم في الوقت ده؟ في الوقت ده ففيه صورت في صورتين لو حق من حقوق البشر بينه وبين بعض مش حقوق ربنا بقى يبقى في صورتين الصوره الاولى اذا كان المدعي اللي هو صاحب الحق يعلم بالشهاده ثم طالب الشاهد بها ووجب اداؤها يعني صاحب الحق عارف ان انت ممكن تشهد عارف ان هو هو بيسلف فلان فلوس انت كنت واقف وشفته ف عشان يرجع حقه طرف شهادتك او عارف انه لما كان واقف في الشارع وفلان ده بيقذفه بيقذفه بامه بيقول له يا ابن الزاني او يا ابن الزانيه انت كنت واقف وحضرت فطلب شهادتك في الوقت ده واجيب عليك اداء الشهاده غصب عنك كتمانها حرام طب ايه العله اشمعنى قال لي لانها حق لها يعني حق لمين للمدعي اللي هو هيطلبك للشهاده هو اللي من حقه يطلبك فيتوقف اداؤها على طلبه كما في س الحقوق يعني زي ما اي حق من الحقوق لازم صاحب الحق ده هو اللي يطلب فبرده الشهاده هنا لازم صاحبها هو اللي يشهد انت ما تروحش منك لنفسك كده للقاضي تقول لي القاضي انا شفته فلان بيقظب فلان لا ربنا سطره والموضوع عدى خلاص كبر دماغك سيبه مش شغلك لكن لان ده حق من حقوق العباده انما حقوق ربنا ما ينفعش تسكت فيها تمام ففي الوقت ده لازم ايه واجب عليك اداء الشهاده طالما انت انطلبت للشهاده ماينفعش تسكت بقى خلاص الصوره الثانيه اذا لم يكن صاحب الحق يعلم بها صاحب الحق ما يعرفش ان انت ان انت ممكن تشهد ما يعرفش ان لما كان بيتقذف كان في واحد واقف شايف او ما يعرفش ان لما هو كان بيدي فلان ده فلوس كان في حد واقف شايف هو ما يعرفش وخاف الشاهد فوات الحق وضياعه انت عارف انه ما يعرفش وهو ما طلبش منك الشهاده وانت خاف لو ما شاهدتش الحق يضيع الفلوس ده هتضيع كده فلوس اتسرقت قدامك اتاخدت قدامك وانت لو سكت الفلوس هتضيع ايه الحكم في الوقت ده؟ في الوقت ده لزمه ان يشهد بلا طلب طالما انت خاف ان الحق يضيع لازم تروح تشهد من غير ما حد يطلب منك عشان الحقوق ما تضيعش طيب تثوره عندي بقى في كيفيه اداء الشهاده اذا كانت الشهاده في الحدود حدود لو الحدود بقى حد من حدود الله بقى نعمل ايه في الشهاده تشهد ولا ما تشهدش قاللي الشهاده في الحدود بتختلف تختلف هتختلف ازاي بقى؟ قال لي في الوقت ده فان الشاهد مخير فيها بين الستر والاظهار يا اما يسكت يا اما يروح ايه يفضحهم ويشهد عند القاضي وهذا من سماحه الشريعه الاسلاميه يعني من سماحه الشريعه الاسلاميه ان ايه سيب لك براح في الموضوع يا تشهد يا تسكت والستر افضل طبعا انك تستر عليهم افضل ما تروحش تفضحهم يمكن تديه فرصه يتوب اصل انت هتشهد على واحد زنا مثلا هتشهد عليه اللي هيحصل له هيقام عليهحد لو هو محصن هيقتل هيموت هيرجم لحد لحد ما يموت طب ما ممكن لو انت كبرت دماغك وسبته ممكن يتوب يبقى الستر افضل طب ايه الدليل على الكلام ده قال لي لقول النبي صلى الله عليه وسلم للذي شهد عنده لو سترته بثوبك لكان خيرا لك واحد شاهد على واحد بالزنا فالنبي صلى الله عليه وسلم قال له انت لو سترت واسكت كان افضل لك عند ربنا سبحانه وتعالى وقال النبي صلى الله عليه وسلم من ستر مسلما من ستره الله في الدنيا والاخره تمام طيب ا الشهاده مثلا يعني برده من باب الستر هنا قال لي مثلا في السرقات حين يشهد يقول اخذ المال ولا يقول سرق ما بتيجي تشهد في السرقه خايف ان هو يعني انت شفته وما حدش شافه وانت بس اللي شفته وعايز تشهد مش عايز الفلوس تروح وبرده مش عايز تاذيه ويقطعوا له ايده فبتقول انا اشهد ان انا شفته فلان بياخد الفلوس ما بتقولش سرقها يمكن واخدها عشان يحافظ عليها واخدها يعينها واخدها لقاها ما بتقولش سرق ليه صونا ليد السارك عن القطع فيكون بهذا القول كانت جمع بين الستر والاظهار يعني انت بكلمه اشهد ان هو خد فلوس وما قلت السرقت ديت كده انت رجعت الفلوس لصاحبها ومنعت الثاني ان هو ايه يطاطع ايده يط تطع ايده اظهرت الجريمه وسترته ما فضحتوش وماتهمتوش بالسرقه طيب ايه مراتب الشهادات هل الشهادات كلها زي بعضها ما مراتب الشهادات وما الذي يشترط في الشهود؟ الشهاده عندنا على اربع مراتب في اربع درجات الشهاده ايه هما؟ المرتبه الاولى الشهاده في الزنا حد شاف حد بيذني تمام بيعتبر فيها اربعه من الرجال لازم اربع شهود من الرجال اربعه رجاله يجوا يشهدوا ان احنا شفنا فلان بيذني وبيتسالوا شفتوه بيعمل ايه الزين ده حقيقته عامل ازاي ما هو مش اي حد شاف واحد داخل مع واحده مثلا بيت واقف له عليهم الباب كده بيزن لا ده بيسالهم القاضي عن كل التفاصيل ايه اللي شفته بالظبط لازم يتحقق ان هم يشوفوا الزنا عشان لان هيترتب عليه ده هيترتب عليه حاجات كبيره لو محصن هيتقتل فحياه بني ادم بتروح فلازم القاضي يتحقق طيب ايه الدليل على الكلام ده قال لي الدليل لقول الله تعالى واللاتي ياتين الفاحشه من نسائكم فاستشهدوا عليهن اربعه منكم ربنا قال اهو تجيب اربع شهود بعد كده يقام عليهم الحد المرتبه ثانيه الشهاده ببقيه الحدود والقصاص زي ايه مثلا قلنا زي القذف والقذف ده بتقبل فيه شهاده رجلين مش اربعه بقى زي فوق اثنين رجاله بس طب الدليل على الكلام ده الدليل قوله تعالى واستشهدوا شهيدين من رجالكم جيبوا اثنين شهود طب شهاده النساء في الحدود ايه وضعها قال لي لا تقبل فيها شهاده النساء شهاده النساء في الحدود ديت كل سنه وانت طيب ما لا تقبل فيها لان المراه لما تعرف ان ده هنقتله هنجوم لحد ما يموت المراه ضعيفه هتقول لك لا ما ينفعش يموت ومش عارف ايه فهتتردد في شهادتها فما ينفعش المرتبه الثالثه ما سوى ذلك من الحقوق يعني لا زنه ولا حدود ولا قصاص ولا قص اي حاجه ثانيه بقى من الحقوق زي مثلا النكاح والطلاق والزواج ومش عارف ايه الحاجات دي قال لي في الوقت ده سواء كان المشهود به مالا او غير مال مثل النكاح او الطلاق فج قبل فيه شهاده رجلي او رجل وامراتين اي حاجه ثانيه حصلت بقى واحد بياخد من واحد فلوس واحد بيشتم واحد في الشارع واحد بيضرب واحد مش عارف ايه حاجه غير الحدود والقصاص والزنا والكلام ده تقبل في شهاده النساء رجل رجل رجلين او رجل وامراتين عادي المرتبه الرابعه الشهاده على ما لا يطلع عليه الرجال حاجه الرجال ما بيطلعوش عليها ما ينفعش يشوفوها ايه الحكم فيها في الشده النساء في الوقت ده تقبل فيها شهاده النساء ولو امراه واحده طيب زي ايه مثلا الحاجات التي لا يطلع عليها الرجال مثل مثلا الولاده البكاره العيوب التي بالنساء في موضعيه الرجال حاجات معينه كده خاصه بالنساء ففي الوقت ده تقبل فيها شهاده النساء عادي خالص ما فيش اي ايه اي مشكله