الشجاعة الدرس السابع الوحدة الاولى الصف الخامس الابتدائي تربية دينية تيرم تاني 2026

السلام عليكم طلاب الصف الخامس اهلا بكم في فيديو جديد على قناه متعه التعلم ومعانا النهارده اخر درس في الوحده الاولى من دروس ماده التربيه الدينيه وهو درس الشجاعه لو فاكرين يا ابطال لما حكينا عن قصه غزوه مؤتى والصحابي خالد بن الوليد كان اهم حاجه بنتكلم فيها شجاعه المسلمين في مواجهه الاعداء وعلى الرغم ان عددهم قليل وكانوا بجههم وكذلك صفه الشجاعه اللي تميز بها خالد بن الوليد فده هيكون يكون موضوع درسنا النهارده بيقول لي تامل ذكرت ساره والدها في اثناء الجلسه العائليه بقوله في اللقاء السابق عن خالد بن الوليد يبقى هي ساره فكرت باباها في الجلسه العائليه لما كان بيحكي لنا في الحصه اللي فاتت عن خالد بن الوليد ان النبي صلى الله عليه وسلم لقبه بسيف الله المسلول طبعا بسبب شجعته وبدات تسال باباها هو ايه مفهوم الشجاعه في الاسلام يا ابي الشجاعه يا ابطال من مكارم الاخلاق يبقى دي من الاخلاق الجميله الكويسه جدا وهي صفه حميده متوسطه ما بين الجبن اللي هو الشخص الجبان والتهور التهور اللي هو الشخص المتسرع يبقى هي صفه في النص ما بين الجبن والتهور وتعني الثبات في قول الحق يبقى ايه معنى الشجاعه ان انا اكون ثابت طالما انا متاكد ان انا على حق والجراه في مواجهه الظلم ماخافش ان انا اقول للشخص اللي قدامي انت غلط او انت كده ظالم او غير عادل وهي التي تحقق العداله وتحمي الضعفاء قال الله تعالى في سوره الاحزاب الذين يبلغون رسالات الله ويخشونه ولا يخشون احدا الا الله وكفى بالله حسيبا ربنا سبحانه بيتكلم في الايه دي عن الرسل والانبياء اللي بيبلغوا كلام ربنا وبينقلوه للبشر زي ما هو بالظبط من غير ما يغيروا فيه اي حرف وعندهم امانه في نقل الرساله وعندهم شجاعه في مواجهه الكفار وتكذيبهم على الرغم من الايذاء والسخريه والادعاءات الباطله والافتراءات وكل الحاجات الوحشه اللي كان الكفار بيواجهوا بيها الرسل والانبياء الا انهم كان دايما عندهم شجاعه انهم يواجهوهم ويكلموهم ويدعوهم كمان لعباده الله لانهم متاكدين انهم على حق فالمواجهه والثبات في المواجهه هي دي صفه الشجاعه وكذلك النبي صلى الله عليه وسلم قال لابي ذر الغفاري رضي الله عنه قل الحق ولو كان مرا يعني اتكلم وقول الحق قول الصدق قول القول الحقيقي الثابت حتى وان كان مر يعني حتى وان كان صعب قالت ساره متعجبه كنت اظن ان الشجاعه تظهر في الحرب والقتال فقط انا كنت فاكره ان الشجاعه دي بتبقى في المعارك والحروف فقط لا لكن الاب رد عليها وهو مبتسم صحيح الدفاع عن الوطن في الحرب ده شكل او نوع من اشكال الشجاعه لكن الشجاعه لا تقتصر على ذلك فقط يعني الشجاعه مش مرتبطه بالحروب بس ليها مظاهر ثانيه زي ايه بيقول لي رقم واحد الصدق في القول والفعل فيقول الانسان الحق حتى ان كان في غير مصلحته يعني الانسان دايما صادق حتى وان كان الصدق ده مثلا في غير مصلح مصلحته او هيتسبب في عقابه زي مثلا يكون اخطا في حاجه معينه كسر كوبايه وهيروح يعترف لمامته ويقول لها انا كسرتها مثلا غصبا عني يا مامي ما كنتش قاصد ان انا اكسر الكوبايه دي فممكن مثلا ان هي تسامحه ممكن ان هي تعاقبه فحتى وان كان الموقف في غير مصلحته لكن هو عنده شجاعه في انه يقول الصدق وكذلك يفعل الصدق رقم اثنين الدفاع عن الضعفاء والم المظلومين بان يقف الانسان مع من لا يملك القوه لنصره نفسه يعني ان هو بيدافع عن المستضعفين اللي مش قادرين يحموا نفسهم دي برده صفه من صفات الشجاعه رقم ثلاثه الاعتراف بالخطا وتحمل المسؤوليه بيقول لي لا يهرب الشجاع من نتائج افعاله بل يتحملها بشجاعه يعني انا لو غلطان انا بعترف بخطئي وبحاول كمان ان انا اصلحه واتحمل العواقب او النتائج بتاعه الخطا ده رقم اربعه الصبر على الشدائد والمحن ان يظل الانسان قويا ومتماسكا امام المصاعب زي ما احنا عارفين يا ابطال ان الحياه دايما بيكون فيها صعوبه او شدائد او ابتلاءات ا فلازم الانسان يكون قوي في مواجهتها مش كل ما تقابلنا مشكله ننكسر ونضعف ونفقد الامل ونستسلم لا لازم ان انا اواجه المشكله دي واحاول ان انا احلها مره واثنين وثلاثه لغايه لما انجح رقم خمسه التضحيه من اجل الاخرين او من اجل القيم كان يضحي الانسان بماله من اجل الخير يبقى الانسان بيضحي من اجل الخير باي حاجه بفلوسه بقوته بوقته بممتلكاته طالما في مصلحه عامه للانسان او للمجتمع او للغير طالما المصلحه دي فيها خير فالانسان بيكون عنده قابليه او استطاع ان هو يضحي حتى بامواله اخر حاجه قول لما هو خطا او لما حرمه الله حتى لو فعله الجميع فالشجاع لا يسير الخطا يعني مثلا على سبيل المثال يا ابطال لما يجي حد ويقول لي خد الاجابه دي هتساعدك في الامتحان طيب ما ده كده اسمه غش هل ينفع اقول له تمام ماشي هاتها اما انقلها في الورقه بتاعتي لا انا اللي هقول له لا حتى لو هو كبير في السن حتى لو هو مدرس حتى لو هو زميلي في الفصل طالما انا عارف ومتاكد ان الحاجه دي غلط الشجاعه ان انا اقول له لا انا مش موافق ان انا اغش انا مش موافق ان انا اكذب انا مش موافق ان انا اخد حاجه مش بتاعتي يبقى طالما انا واثق وعارف ان الحاجه دي غلط او ان ربنا حرمها فانا بقول لا مهما كانت العواقب ومهما كان الشخص اللي قدامي صفه الشجاعه من الصفات الجميله اللي لازم كلنا صبيان وبنات نتصف ونتحلى بها يا ابطال وبكده كده نكون خلصنا محتوى درسنا النهارده ومعاه خلصت الوحده الاولى اترككم في رعايه الله وحفظه واشوفكم في فيديو جديد ولو لسه ما اشتركتوش في القناه ما تنسوش تشتركوا وتفعلوا زر الجرس عشان يوصل لكم كل جديد