كتابة مقال إقناعي شرح مبسط تعبير كتابي الصف الخامس الابتدائي الترم الثاني المنهج الجديد 2025

السلام عليكم يا سنه خامسه عاملين ايه؟ معاكم المعلمه رضوى السيد والنهارده ان شاء الله هنشرح مع بعض التعبير الكتابي السادس والاخير للترم الثاني وتعبيرنا النهارده بعنوان كتابه مقال اقناعي طبعا ده تعبير مش جديد علينا خدناه الترم الاول برده نفس الكلام هنقوله ثاني قبل ما نشوف تعريف المقال الاقناعي تعالوا نشوف الوالدين دول بيتعاركوا مع بعض واحد فيهم مصمم ان السفر له فوائد والثاني بيقول له لا يا عم ده ما فيهوش فوائد ده انا ببعد عن اهلي ده مش حلو ده له اضرار بالعكس يعني راح قال له لا اسمعني الاول انا هقنعك هدي لك اسباب بادله وهقنعك وهخليك انت بنفسك تقول ان السفر له ايه له فوائد عديده طيب تعالوا نشوفوا الاول يعني ايه مقال اقناعي بيقول لي ده عباره عن مقال شويه كلام كده يعني بكتبه بكتبه عشان له معين انا عايز اوصله للقارئ عايزه ان انا اقنع القارئ اللي هيقرا المقال بتاعي قد ايه الموضوع اللي انا بتكلم عنه ده مهم جدا وانت لازم تتحلى بيه وتتمسك بيه يبقى انا هكلمك عن موضوع بشجعك ان انت تتمسك بيه سواء بقى صفه طيبه خلق حسن اا فعل معين لازم تفعله زي السفر مثلا خلاص بس بشرط ان انا ما اقولكش ان الحاجه دي كويسه واسيبك او الحاجه دي مضره واسيبك مثلا بتكلم عن التدخين مش هقول لك على ان التدخين ده مضر وهسيبك لا ده انا هذكر لك اسباب مع ادله عشان اقنعك بالعقل وبالمنطق خلاص زي ايه مثلا الحاجات اللي ممكن اقنعك بيها ممكن اقنعك بصفات طيبه زي التعاون والمشاركه صفه التفاؤل ما تبقاش متشائم ا ممكن اقنعك بقى بفعل شيء معين زي السفر ان انت مثلا تلتزم بالاجراءات الاحترازيه في حاله انتشار الاوبئه اقنعك انك تاكل طعام صحي يبقى انا يا اما اقنعك بفعل معين او اقنعك بصفه طيبه تتحلى بيها حاجه من حاجتين او ممكن اقنعك بضرر حاجه اقنعك باضرار التدخين عشان تقلع عنه فكده اقنع وكده اقناع خلاص المهم ان انا في الاخر عايزه مصلحتك عشان كده بقنعك ممكن اقنعك تمارس رياضه اقنعك تقرا القراءه بتوسع مدارك العقل وبتخليك انسان مثقف الناس كلها تقول عليك لما تقعد معاك ان انت انسان مثقف وعندك معلومات كتيره ممكن اقنعك بالصلاه خلاص كده اي حاجه كويسه لمصلحتك تمام؟ ما اعودنا في اي موضوع تعبير عشان نكتبه صح لازم نلتزم بالعناصر والمكونات بتاعه الموضوع بتاعي هم خمسه سهلين جدا عنوان مقدمه خاتمه وفي النص بين المقدمه والخاتمه الاسباب والادله بالشكل ده خلاص حفظناهم عنوان مقدمه اسباب ادله خاتمه خمسه طيب العنوان مش محتاجين نتكلم فيه لازم يكون صغير قصير يعني مش طويل ومناسب للموضوع اللي هتكلم عنه طيب المقدمه مش محتاجه برده ا هتقول مقدمه من دماغك تناسب الموضوع اللي هتتكلم عنه طب يا ميس انا بتلخبط وبحتار في المقدمه ممكن تقولي لي تنصحيني اكتب ايه في المقدمه هقول لك ممكن تعمل لي زي تعريف بسيط كده للصفه الطيبه اللي انت عايز اللي قدامك يتحلى بيها او للشيء الطيب اللي انا عايزه اقنع اللي قدامي ان هو يتمسك بيه وليكن مثلا انا عايزه اكلمك عن فوائد السفر فانا هعمل تعريف بسيط للسفر في المقدمه واعرفك قد ايه هو مهم اقول لك مثلا السفر هو انتقال من مكان لمكان اخر سواء داخل او خارج بلدك وسواء في الحالتين هو له فوائد عديده عليك ايه ان تستفاد من هذه الفوائد او مثلا صفه التفاؤل دي صفه طيبه ا يسعى الجميع ان يتحلوا بها لما لها من فوائد واثار طيبه على الفرد والمجتمع كلام من ده هي دي المقدمه طيب ا بالنسبه للاسباب الاسباب برده مش هقول لك حاجه معينه انت اللي كل حاجه طيبه هتقنعني بيها ليها 100000 سبب انت فكر في اي حاجه عايز تقنعني بيها هتلاقي لها ايه ليها سبب واثنين وثلاثه واكتر كمان وطبعا اقل حاجه ممكن تكتبها لي ثلاث اسباب لو عايز تقول الرابع الخامس انت حر بس اقل حاجه ثلاثه وبتتكتب بشكل عامل ازاي ان انا اقول اولا نقطتين فوق بعض واقوم قايله السبب وعلى طول وراه اقوم ذاكره الدليل بتاعه يعني مش مثلا تقوم قايل لي الثلاث اسباب ورا بعض فك لما تخلص الاسباب تخش على الادله لا انت بتقول لي اولا وتقول السبب الاول بعد كده تقوم قايل الدليل بتاعه ثانيا السبب الثاني الدليل بتاعه ثالثا السبب الثالث والدليل بتاعه بالشكل ده فطبعا الاسباب دي ليك انت حر اقنعني بطريقتك شوف انت الموضوع اللي انت عايز تتكلم عنه ده وليكن السفر ليه ايه اسباب ان انت شايفه ان هو مفيد بيعمل ايه السفر ده يعني ايه فوائده من الاخر طيب الادله بقى عايزه اتكلم فيها ليه لان الادله عندي نوعين ادله عقليه وادله نقليه مش محتاجين نحفظها ادله عقليه يعني جايبينها من عقلنا يعني جايبينها من ذكائنا فطبعا كده هقول ابتدي بالكلمه دي فنجد ان الاشخاص بس على طول لكن لما اكون عايزه اخلي الدليل ده نقلي يعني منقول من دراسات وابحاث العلماء قبل كده عملوها فمش انا اللي تعبانه في الدليل ده الدليل ده انا نقلته من علماء هم اللي دوروا على الدليل فاسمه دليل نقلي انا نقلت ته منهم مش انا اللي مدوره عليه بذكائي وعقلي خلاص فهقول بقى في ايه لو انا عايزه اخلي الدليل نقلي هقوم قايله الثلاث ايه كلمات دول اشارت الدراسات ان او اثبتت الدراسات ان يبقى لما تحب تخلي الكلام اللي هتقوله عقلي دليل عقلي هتقول فنجد ان الاشخاص عايز تخليه دليل نقلي منقول هتقول اشارت الدراسات ان طب يا ميس برده اشارت الدراسات الى ان ايه او الاشخاص دول مالهم برده هتقول لي دليل مناسب للسبب يعني مثلا انت بتقول لي ان الناس اللي بتسافر هم اكثر سعاده انا هو ده السبب اللي بقنعك بيه انك تحب السفر فهنا الدليل هقوم قايله لك فنجد ان الاشخاص الذين يسافرون كثيرا هم اكثر سعاده في حياتهم كده انا خليتها ايه عقلي عشان قلت كلمه نجد عايز تخلي نفس الدليل ده نقلي منقول من العلماء هتقوم قايل لي كده على طول تشيل كلمه نجد وتحط لي اثبتت الدراسات ان الاشخاص الذين يسافرون كثيرا هم اكثر ايه سعاده في حياتهم فنفس الكلام تمام كده اما الخاتمه برده نفس اللي قلتهلك في المقدمه قول اللي انت عايزه كلام كده تختم بيه كلامك حسب برده موضوع اللي انت بتتكلم عنه طيب الخاتمه ميس لو انا حابب اثبتها ينفع احط حاجه ثابته تنفع لكل موضوعات المقال الاقناعي اه ممكن تاخد دي تقولي مثلا عليك بالاهتمام بهذا الامر فصله منقوطه ايه بقى ليه يعني ليه اهتم بالامر ده علشان حياتي تبقى افضل فانت حر تحط خاتمه من مناسبه لموضوعك مثلا لو انت هتتكلم عن السفر هنقول نجد ان السفر ا ليس مجرد ترفيه وطرف واستمتاع ولكنه له فوائد متنوعه ومتعدده علشان كده لازم نهتم بالسفر كلام من ده فانت يا اما تقول خاتمه من عندك او تثبت لي الخاتمه اللي كتبتها لك دي في كل موضوعات المقال الاقناعي تعالوا نشوفوا مع بعض النموذج التطبيقي ده بيقول لي اكتب مقالا اقناعيا عن السفر وفوائده مع مراعاه العناصر زي ما اتفقنا في اي موضوع قبل ما ابدا فيه كتابته لازم اعمل هامش على جنب كده واكتب العناصر اللي انا حافظها عن الموضوع بتاعي عشان لازم التزم بكل العناصر واعمل علامه صح على العنصر اللي انا كتبته عشان ما انساش حاجه لان المصحح بيدور على العناصر كامله جوه موضوعك بيدور على علامات الترقيم بيدور على ان يكون ما عندكش اخطاء ايه املائيه بس هو ممكن ما يقراش اصلا الموضوع بتاعك ما عندوش وقت هو بيدور على الثلاث حاجات دي. اا تعالوا نراجعه سريعا على علامات الترقيم الاول قبل ما نبدا في قراءه الموضوع مع بعض. علامه الترقيم زي ما اتفقنا بحط فاصله ما بين كل جمله والثانيه ليهم علاقه ببعض. بحط نقطه لما اكون خلصت كلامي عن الكلام اللي له علاقه ببعض. وهبدا بقى ايه في كلام جديد. احط ممكن فاصله كمان ما بين الانواع زي هنا بحث عن رزق فاصله استكشاف اماكن فاصله التجاره دي انواع يامه فبنحط ايه فاصله وبحط كمان فاصله منقوطه لما تكون الجمله الثانيه سبب او نتيجه للجمله اللي قبلها هتحط الحاجات دي في فهمك كده للكلام اللي انت كاتبه وخلي بالكم اهم علامه ترقيم في الموضوع ده ان وانا بقول الاسباب انا بقولها بشكل عامل ازاي اولا السبب الاول ووراه الدليل ثانيا السبب الثاني وورا الدليل ثالثا للسبب الثالث ورا دليل فانت وانت بتقول اولا ثانيا ثالثا للثلاث اسباب بتوعك حتى لو عملت رابعا سبب رابع يعني هتحط لي ايه نقطتين فوق بعض بعد كلمه اولا ثانيا ثالثا تمام كده تعالوا بقى نبدا في قراءه الموضوع مع بعض هنا بيقول لي في المقدمه بعد ما كتبنا طبعا العنوان اهميه السفر يعد السفر من اقدم الانشطه اللي مارسها الانسان وقد تنوعت اهداف السفر او اسبابه بين البحث عن الرزق استكشاف الاماكن تجاره مسافر عشان اتاجر او ممكن الترفيه وكمان مع تطور وسائل النقل اصبح السفر اكثر سهوله وده ادى الى ايه نتيجه ايه بقى ده ادى لنتيجه وهي مما زاد اقبال الناس على السفر طيب هنخش بقى على اول سبب اولا نقطتين فوق بعض السبب الاول عشان اقنعك ان السفر مفيد انك عندما تسافر فانت بذلك تكتسب معارف وثقافات جديده ممكن كمان لغه جديده لم تكن تعرفها هنا بقى لازم نقول ورا السبب على طول الدليل وراه على طول فده الدليل بقى اهو فنجد ان الاشخاص الذين يسافرون كثيرا اكثر تميزا بين الناس وادراكا واكثر ادراكا للمعارف والثقافات المتنوعه فانت هنا في الدليل يا اما هتقوله لي عقلي بالشكل ده اللي هو نجد ان الاشخاص دخلت على طول في الكلام يبقى انا جايبه الدليل ده من عقلي لكن لو حطيت نفس الكلام هو بس شلت كلمه نجد وحطيت مكانها الثلاث كلمات دول اشارت الدراسات ان او اثبتت الدراسات ان يبقى انت كده حولت نفس كلام من دليل عقلي لدليل نقلي خلاص كده فبتختلف بالصيغه مش اكتر طيب السبب الثاني ثانيا السفر يمنحك الشعور بالسعاده فهو وسيله فعال للهروب من ضغوط الحياه هنا بقى الدراسات اللي هي ايه دليل نقلي نقلته من الدراسات وقد اثبتت الدراسات ان الاشخاص الذين يسافرون دائما يكونون اكثر سعاده في حياتهم هتقول لي يا ميس هو انا برده اجيب الاثبات ده منين الاثبات هو هيجي لك كده في مخك لوحدك يعني حسب الكلام اللي انت قايله انت قايل هنا ان السفر بيديك سعاده فطبيعه الدراسات هتثبت ايه ان الاشخاص اللي بيسافروا كتير هم عندهم ايه سعاده اكتر هم اكثر ناس عندهم تفاؤل وسعاده فتحس كده ان السبب بيجي لك ايه بناء على يعني الدليل بتجيبه بناء على السبب اللي انت حاطته ليهم علاقه ببعض فمش هتفكر كتير بس زي ما قلت لك لو حطيت لي كلمه نجد يبقى انت كده خليت لي الدليل من عقلي لكن لو حطيت لي ايه الثلاث كلمات دول اشارت الدراسات قالنا يبقى انت كده خليت الدليل نقلي نقلته من الدراسات اللي اتعملت قبل كده السبب الثالث ثالثا من فوائد السفر ايضا انه يساعد على تطوير الذات اه تنميه شخصيتك كده تحس ان انت كبرت ليه بقى بيخليك تعتمد على نفسك تتعامل مع مواقف جديده تتصرف انت مع نفسك اهو ده الدليل فالمسافر فنجد ان الاشخاص الذين يسافرون كثيرا او اثبتت الدراسات ان الاشخاص الذين يسافرون كثيرا هم اكثر اعتمادا على النفس تعاملون مع مواقف جديده غير مالوفه فصله منقوطه ايه نتيجه كل ده بيعزز ويقوي ثقته بنفسه وكمان بيكسبه مهارات في التواصل وحل المشكلات اتخاذ قرارات وخلاص بقى بقى كون شخصيته فبيقدر يحل مشاكله بنفسه ويتخذ قرارات ايه من نفسه كده خلاص قلنا السبب الثالث ومعاه الدليل بتاعه طب في الختامه بقى اللي هي في الختامه هنقول ايه في النهايه يمكن القول ان السفر مش مجرد طرف ولا وسيله للترفيه لا ده له فوايد عديده جديده لذا نتيجه بقى اهو عليك الاهتمام بالسفر عشان تكون حياتك ايه افضل كده احنا خلاص خلصنا الموضوع بتاعنا تعالوا بقى ايه نشاور على كل عنصر ونتاكد ان احنا ذكرنا كل العناصر في الموضوع ادي العنوان ادي المقدمه سبب اول ودليل سبب ثاني ودليل سبب ثالث ودليل وطبعا ايه ادي الخاتمه اخر حاجه عايزه اقولها زي ما بنقول في كل موضوع تعبير ان موضوع التعبير بيجي لي الثلاث اشكال اكتب موضوع كامل زي ما كتبته دلوقتي او اني احلل العناصر يعني يديني في الامتحان موضوع مكتوب ويقول لي طلعي لي انت السبب الاول والدليل بتاعه طلعي لي مثلا العنوان طلعي لي الخاتمه المقدمه وهكذا وده مش بيجي كتير لان انت كبير دلوقتي في سنه خامسه مش صغير يعني او اا يجي لي بشكل ثالث اللي هو الاستعانه بهذه المعلومات يعني يديني كم معلومه يديني مثلا سبب واحد دليل واحد او مثلا سببين ويقول لي انت كمل يديني مثلا مقدمه يديني عنوان وانا بقى ايه استفاد من الحاجات اللي هو اطيهاني واكمل واكتب موضوع كامل بس اوعى تنسى ان مدام اطالك معلومات لازم تتقال تزود عليها عادي لكن المعلومات اللي اطاها لك لازم تتكتب في موضوعك تمام يا رب اكون فدتكم ما تنسوش اللايك والاشتراك والسلام عليكم ورحمه الله وبركاته ‏tu