سفن مسكونة بالجن قصة 30 عامًا في البحر بودكاست بترولي

سمعوا فوق في غرفه القياده انتم حيين؟ ايوه احنا حيين وقاعدين هنا لحد انتم ما تيجوا تفتحوا لنا الباب يلا مع السلامه لا اكل لا مويه لا شرب لا شيء يعني احنا رايحين نسحب الانكر حق السفينه ونرجع يعني مساله ساعه بكثير مثلا قعدنا يوم ونص اوه اول رحله طلعت فيها متدرب انا كنت متزوج زوجتي حامل شهر ونص رجعت البيت ومبسوط وفرحان وده جابوا لي طفل صغير حطوه في عبي مين هذا قالوا هذه بنتك بكيت لان لو طفت ماكينه واحده مع الجو اللي احنا كنا فيه السفينه دي تقلب جو عاصف بطريقه بشعه اعصار قال لك السفينه هذه من يوم ما اتبنت اول رحله طلعت فيها اخذت الجثث الموتى من حرب فيتنام وودتهم الى امريكا من بعدها السفينه هذه ما شافت خير ايش طلع السفينه مسكونه وهذه اكره كلمه تعلمناها واكره كلمه نحب نسمعها في مجالنا البحري باخلاص والغلطه بجون يعني الغلطه انت كده اخذت ريجكت واترفدت من عملك وبلاك ليست وما تلاقي وظيفه مدى الحياه اوه فالريسك فيها عالي جدا حصل احد زملائك اخذ بلاك ليست في كثير السلام عليكم انا احمد عطار وهذا بودكاست بترولي من اذاعه مختلق استعرض معكم قصص وافكار تساعدك على تصميم الحياه مهنيه تستحقها ضيفنا في هذه الحلقه هو القبطان سعيد العوفي كلمنا في هذه الحلقه عن رحله من دراسته البحريه في الاكاديميه العربيه والتحديات اللي خاذ فيها في البحار من اعصارات ومواقف نج الموت باعجوبه اشتركوا في القناه وخلونا نسمع قصه مهنيه جديده بس متى اكثر لحظه خفت فيها في البحر؟ والله كثير في حريق ولا في عصار ولا في في انت اكثر حاجه خفت لا الخوف كثير يعني الشعر الابيض هذا نصه فجعات طيب خلينا ناخذها واحده واحده كدهذا ا احكي لك قصه يوم ما كنت انا كديت متدرب يعني لسه كنا مبحرين وكنا في الفلبين كنت شغال على سفينه ثلاجه السفينه الثلاجه هذه مخصصه لنقل المواد الغذائيه لحوم اسماك او ا كنا جايبين موز او كنا شغالين خط الفلبين الخليج موز من الفلبين الى الخليج ف جاء الشيف انجنير كبير المهندسين طلب من الكابتن انه هو يطفي السفينه تماما لانه عنده الكربون في الاسلاك اللي طالعه من محطه الكهرباء اللي تغذي السفينه عاليه والاسلاك حاره فبينظف الكربون هذا تمام ومحتاج انه هو يسوي احنا نسميها بلاك اوت لمده ست ساعات الكابتن قال له ما اقدر انا البضاعه جاهزه عندي على الرصيف لان الموز لازم ينزل السوق في خلال 21 يوم من قطفه من الشجر فانا ما اقدر ما عارف مين كذا كذا ففي سفينه على الرصيف هذه السفينه تبع الشركه ولسه بتحمل فقال له اديني مجال ان انا انظف الكربون هذا قال له لا ما اقدر لانك لو طفيت احنا بنبرد العنابر حق البضاعه قبل ما نبدا الشحن عشان لما نستقبل البضاعه نستقبلها بدرجه حراره معينه عشان لا تبدا الفاكهه تصفر المهم ايوه لا ايوه لا في النهايه طبعا الكابتن قرار كابتن ما في خلاف يعني اخذنا البضاعه وبدينا بحارنا على الخليج وصلنا الى خريج البنيغال اللي هو بي اوف بنجول هذه منطقه كم المده بين فلبين الى تقريبا 14 يوم اوه اي 14 يوم عدينا سنجابور ستريت اللي هي قناه سنجافور ودخلنا على بيوف بنجول هذه منطقه كانك في محيط يعني منطقه واسعه فجاه قاعدين كنت انا شغال مع الضابط الثالث لان انت متدرب بتشتغل مع كل الورادي وديك الفتره انا كنت شغال مع الضابط الثالث من 8 ل 12 الصباح ومن 8 ل 12 بالليل فجاه كان نظام السفينه هذه مبنيه قديمه فما كان فيها حساسات للحريق كان عندنا عباره عن شباك ومواصير من كل عنبر في ثلاث اربع مواصير المواصير هذه طالعه لين غرفه القياده او البريدج وكل واحد من المواصير هذه عليه مروحه تشفط لك هواء من العنبر الين ما تجيب لك الهواء هذا فيغرفه القياده فانت تعتمد على الرؤيه والشم لو في حريقه في اي مكان سفينه قديمه فانا شام ريحه حريق لا انا ادخن ولا زميلي اللي مععاي يدخن واحنا في وسط البحر ولا بنحرق لما مؤاخذه في الكلمه مخلفات فمن فين جت الحريقه هذه؟ اجي اطالع في القزازه اشوف واحده من الفرا يعني المراوح هذه تفر تفر تفر وقلت له ترى في حريقه قال لي مستحيل قلت له بقول لك في حريقه انت من انت شامم قاللي ايوه شامم بس ماني شايف شيء يعني وهو يطالع وانا اطالع وهو يطالع وانا اطالع شويه كده يتصلوا علينا في غرفه الماكينات يقوللك الكنترول روم تبع غرفه الماكينات احترقت ويلا اضرب جرس الانذار خففنا سرعه السفينه وقفنا السفينه حاولنا نكافح الحريقه لان حريقه كهرباء للاسف الشديد كنا كم جنسيه كنا كثير سبعه ثمانيه تسنسيات كم شخص ا كنا 30 ا تشوف التدريب الحقيقي في هذه اللحظات الكابتن كان انجليزي شيف انجنير كان انجليزي طلع الكابتن على طول ايش في قلنا له جانا خبر كذا كذا في حالات الطوارئ لنا ستيشن او محطه كل واحد يلا يروح على ايش المكان المفروض ان هو مسؤول عنه جريت انا جري زميلي جري الناس كلها اتجمعنا مش عارف مين اجي اطالع طبعا في ناس سابت الحريقه وسابت الدنيا وراحت تلملم ملابسها وشناطها من الغرف وهذا ممنوع انت في حاله طوارئ انت ما تتحرك من الستيشن تبعك هذه الا لما يجيك اوردر رسمي لانه كل واحد فينا في حاله الطوارئ مسؤول عن شيء معين الين ما تنتهي حاله الطوارئ هذه ابتدى الكابتن يتكلم على الشيف انجينير ايش عندك ما عندك انا عندي كذا اوكي كيف حنخش الانجن روم مين حيدخل مين حيطفي مين كذا ايش نوع الطفايه اللي حتستخدمها ايش كذا طبعا هذا كله كلام انا بشرح رحك هو في اقل من 10 دقائق المهم بدا لانه في غرفه الماكينات فالمهندسين هم افضل وسيله للدخول لانه هم اللي عارفين المكان هذا وعايشين فيه طول اليوم نزلوا المهندسين ابتدوا يكافحوا الحريقه هذه السفينه فيها خشب كثير ابتدى الحريقه تنتقل الى الخشب من الخشب ابتدت تخش على العنابر حقه البضاعه ده السفينه انطفت الجن المولد دات الكهرباء خلاص ما تحملت وساحه ال خلينا نقول باللغه العاميه السويتشات الاساسيه والسكينه حق الكهرباء الرئيسيه حق السفينه ساحت لان هي عباره عن فضه ونحاس يعني مواد معدنيه وساحتيه والسفينه خلاص طفت فصرنا معتمدين على ان احنا نكافح من غير اي مصدر للطاقه طبعا عندنا مولد احتياطي وهذا يكون خارج غرفه الماكينات لكن المهندسين شغالين بيطفوا الحريقه فنادى علينا الكابتن مين يعرف يشغله فواحد من الزملاء القدام قال انا اعرف اشغله قال له هيروح شغله فعبل ما راح شغله واشتغل معاه واخذ هوا منه و وعالج انت الفتره هذه كم مره استشهدت ولا لا انا مش استشهدت انا واقف كده بشوف فيلم وانا ماني مصدوم انا كنت مصدوم ام الشاهد طويل العمر راح شغل الامرجنسي جنريتور هذا ابتدينا نشغل الطرنبه حق الحريقه الاحتيا الاضافيه ابتدينا بس ما نقدر ندخل مويه لانه المويه في السفينه تعتبر علينا كارثه لان هذا الحريق حريق كهربائي فلازم نحاول ان احنا نطفيه من غير ما ندخ له اي مصدر مويه لان هذه غرفه او الكنترول روم هذا الرئيسي اللي ما يمكن تدخل عليه قطره مويه لانك لو دخلت مويه انت عدمت السفينه خلاص ما تشتغل طفينا طفينا طفينا طفينا غل كيف كانوا بيطفوها باسطوانه بالطفايات سيو2 ثاني اكسيد الكربون خلصت كل الاسطوانات ثاني اكسيد الكربون اللي عندنا من كتر كبرى الحريقه قرر الكابتن انه هو يضرب ثاني اكسيد الكربون عندنا محطه بغاز ثاني اكسيد الكربون على السفينه مصممه ان هي تاخذ قسم كامل تطفيه اطلعوا الناس من الغرفه من غرفه الماكينات كل الهوايات تتقفل كل مصادر التنفس والهواء يدخل او كذا يطلعوا اكل طلعوا شرب طلعوا مويه طلعوا مش عارف مين لان غرفه الماكينات تحت السكن فلازم نقفل المنطقه دي ما حد يقدر يخش السكن هذا مره والحديد تحتنا يغلي والبويه بتفور المهم فتحنا الاسطوانه الاولى ما سوت شيء فتحنا الاسطوانه الثانيه ما سوت شيء فتحنا الاسطوانه الثالثه طبعا انا اكلمك على اسطوانات حجم تريلا فتحنا الاسطوانه الثالثه ابتدت الحراره تبدا ايش تنزل حتقول لي كيف عرفت ان الحراره تبدا تنزل ما عندي مقياس ولا عندي كاميرا نعتمد على قياس درجه حراره الحديد اللي احنا واقفين عليه كابتن قال خلاص يلا المضخات تشتغل الان نعمل تبريد خارجي على جميع بدن السفينه عشان نقلل الحراره اللي موجوده في الحديد عشان نكسر حاجه اسمها مثلث الحريق وتبريد تبريد تبريد تبريد الين ما جا الليل واحنا طبعا السفينه عباره عن حديده في البحر وابتدى التيار ياخذنا في حتت غريبه ابتدينا نشغل ما تقدروا توجهوا السفينه ما في ما في لان انت عندك واحده ماكينه وواحد رفاس في السفينه وواحده دفه في السفينه كل هذه خارجه عن التغطيه ما تقدر تشغلها لان تشغيلها من غرفه الماكينات الرئيسيهكنديك على المحيط في المحيط احنا في المحيط اوريدي قعدنا اول يوم بيتنا على السطح تمام طبعا في حاله الطوارئ اللي زي هذه انت اول 24 ساعه ما تطلب مويه وما تطلب لو ما اخذ دوره مياه ولا تطلب اكل عشان توفر في استهلاك ال الاكل المتوفر لك الكابتن راح نادي علينا روحوا جيبوا الاكل والمويه اللي موجود في قوارب الانقاذ وجهزوا قوارب الانقاذ لاخلاء السفينه جهزناها وقربنا الاكل والشرب اللي موجود على قوارب الانقاذ عشان لو حبينا مثلا وجعنا او استهلكنا خلاص احنا جاهزين لترك السفينه لكن انت ما تترك السفينه الا اخر لحظه وصاحب القرار في تترك السفينه هو القبطان فقط لا غير لازم يقول ابندنشيب وهذه اكره كلمه تعلمناها واكث واكره كلمه نحب نسمعها في مجالنا البحري تعيد الكلمه اباندن شيب ايه اخلاء سفينه اخلاء سفينه المهم بياتنا ديك الليله كل شويه يقوم مسكين يعس الحديد طبعا احنا نعسه بالقفا مش بالايد لانه سبحان الله انت لما تمسك حاجه حاره ب بوجه ايدك بايدك بتروح لا شعوريا لكن لما بيقفل يد بتبعد صنا نعسس نعسس وهو طول الليل مسكين يشوف الحرارهكلم تكلم مع الشيف انجنير مع الضابط الاول انت وقتها ما اعطيتوا خبر للجهات معينه كل شيء مقطوع يعني سفينه قديمه البطاريات المفروض اللي احنا نعتمد عليها في وسائل الاتصال يعني ما حد عنده خبر انه سفير ما احد عنده خبر شيء لانه اقول لك حتى لان احنا عندنا لكل لكل نظام في باك اب ولكن عشان قدمه السفينه والشركه اللي كانت تدير المراكب هذه بخيله في الصرف على السفن البطاريات اللي احنا المفروض نعتمد عليها لمده 36 ساعه في حاله زي هذه من انقطاع الكهرباء ما رضت تشتغل فحتى اجهزه الفي اتش اف العاديه اللي السفينتين تنادي على بعضها في اي حاله عاديه ما اشتغلت الكهرباء اللي ما بين المولد الاحتياطي هذا حق الطوارئ الين غرفه القياده ما وصلت الكهرباء عندنا لانه كله عن طريق الكنترول روم ولما تسيح السويتشات الدنيا تلخبطت معه ثاني يوم نفس الحكايه تبريد تبريد تبريد تبريد ثالث يوم ابتدى الديزل اللي موجود الاحتياطي في الخزان حق الجنريتر هذا يقل ا والمضخه شغاله صباحا مساء وتبريد واحنا ورادي على التبريد رابع يوم ربنا اكرمنا الحراره ابتدت تقل او تختفي طيب كيف حنخش؟ قال لك حنخش بطريقه 1 2 3 4 ابتدينا نفتح الابواب ابتدينا نهوي لان هذا طبعا غاز ثاني اكسيد الكربون غاز سامنا نهوي في اضاءه لا ما في اضاءه في الليل فتحنا عشان انت في الليل بتشوف نور لو في حريق لو في شيء بتشوفه سهل لكن في النهار صعب انك تشوفه افكينا في الليل الامور تمام ابتدينا نهوي ثاني يوم الصباح ابتدينا ننزل ا اول ما الواحد يحس نفسه مخنوق ولا شيء يطلع لانه ما كان عندنا اجهزه لكشف الغازات نزلنا شفنا ما في حريق ما في شيء ابتدوا المهندسين يصلحوا اللي يقدروا يصلحوه وشغلوا السفينه وكملنا رحلتنا بسلام الى اول مينا ل تفريغ البضاعه هذه طبعا هم اربع مواني المفروض ندخلها ما دخلنا الا مينا واحده ونزلنا البضاعه كلها فيها وطبعا جابوا لنا قطعه الغيار وابتدينا نتصل مع الشركه الام وايش تبغى مصاريف ايش تبغى تكلفه ايش تبغى اصلاحات ايش تبغى ورش وصلحوها واشتغلت السفينه مره ثانيه ورجعوا ورجعتباع يعني تالف لا ما هي لها قصه ثانيه السفينه هذه انا اشتغلت عليها اكثر من رحله السفينه هذه نفسها ولا نفس النوع نفسها اه ايش القصه الثانيه اللي حصلت لك القصه الثانيه اللي حصلت معاي طبعا خلصت تدريبي ورجعت الكليه وبعد ما تخرجت كلمت الشركه قالوا تعال واشتغلت عليها كاوفيسر الان ف برضه نفس الشيء راجعين من الفلبين معانا الكارجو حقتنا الموز ومش عارف مين معديين على الساحل السريلانكي وطالعين على الخليج يوم الاحد عاده في السفن احنا نسميه باربكيو داي تجمع شواء سواء دجاج ولحوم ومش عارف مين ده كيوم تغيير عن اليوم الروتين العادي يعني بالذات لما تقوم في البحر فقاعدين نشوي والناس مبسوطه ومش عارف مين كان معنا كبير مهندسين وكهربائي من سريلانكا فقالوا الجو غريب ف بضحك مع كهربائي قلت له ايش تقصد غريب لانه كهربائي ده كان رجل ظريف جدا في الورديه حق الليل من 8 ل 12 كان يقعد معايا كده ابو ساعه نقعد نتكلم مع بعض ونضحك ومش عارف ليه فجان اني قال لي يا مستر ثيرد اوفيسر الجو هذا غريب قلت له ليش؟ قال لي مو وقت امطار عندنا السيزون هذا ما هو سيزون امطار قال له كيف؟ قال لي ما ادري طبعا احنا ندرس ارصاد جويه بطريقه مخيفه لانك انت لازم تعرف التقلبات الجويه وتستغلها انت كربان سفينه في ان انت توفر في الرحله حقتك او ان انت تتفادى اعصار او او ف على الساعه 9:00 كده طلع لي الكابتن مين جاك ايش عندك مش عارف مين كذا قلت له ترى انا في كلمه لفتت انتباهي كان عندي الكهربائي قبل شويه بيقول لي الموسم هذا ما هو موسم امطار ضرب عنده الارم هو على طول قال لي استلمت النشره الجويه احنا عندنا جهاز كل ست ساعات على التوقيت العالمي نستلم خريطه الجو وعندنا جهاز ثاني اسمه النافتكس هذا نستقبل منه تحذيرات ملاحيه خرائط الجو او نشره الارصاد الجويه من البر قلت له ايوه قبل شويه انا استلمت الخريطه هذه والمفروض دحين النافتكس هذا يطبع النشره الجويه طلينا في حركه الرياح والاعاصير في المنطقه هذه عاديه جدا ما فيها شيء وما ذكر فيها المطر اللي احنا شفناها او السحابه هذه لان الخريطه هذه يقول لك لو في اعصار حيمشي كيف وسرعته كم واتجاهه ايش ومتى حيغير خط سيره وكيف كان حالته قبل من يوم ما يتولد ما كان في الخريطه الا اجواء عاديه يعني اعتياديه قال لي طيب خلي بالك بلغ الورديه اللي بعدك انه الساعه الفلانيه لو جاتهم النشره ولق قاها ما هي مضبوطه يصحيني قال اوكي في عندنا كتاب اسمه النايت اوردر او الاوامر الليليه على طول مسلسله ايوه طلعه تك تك تك تك كتب فيه قال لي الضابط الثاني لما يجي لازم يقرا الكلام ده قال له حاضر حطيت الدفتر على الطاوله ونزل هو وكملت انا ورديتي جا السكند اوفيسر بعدي قلت له ترى الكابتن بيقول كذا كذا قال لي اوكي خلاص لا تشيلها قال اللي فعلا انا لي زمان على الخط هذا ما قد شفت الجوده مطر مطر مطر مو طبيعي الشاهد طبش المخيف يعني ايوه يجيك الكلام السكن استلم الخريطه اللي بعدي نفس الحكايه ما فيها شيء على الساعه 1 ونص 2ين بالليل تقريبا كده صحيت من النوم لقيت نفسي في الارض ديب ديب ديب الموج والسفينه تدرفل درفله طوليه ودرفه العرضيه كانك قاعد في منخل طبعا اخذت بعضي وجري على غرفه القياده فوق ايش في ايش في لقيت الكابتن لغيتشوف اوفيسر لقيت السكند اوفيسر ايش صح قلت له نفسي في الارض ايش اللي صحاني فين الخريطه اللي انت استلمتها قلت له اه هي وهذا السكند اوفسر اللي بعدي وهذا مش عارف مين ابتدينا عاد نتناقش لان لازم نطلع من الجو ده طبعا فجاه الضغط الجوي احنا من الناس اللي تتابع الضغط الجوي على مدار الساعه لان لما يكون في جو سيء الضغط يقل ولما يكون الجو سليم الضغط يزيد ايش ايش الفرق بين ال الطقس بشكل عام والضغط ايوه احنا ما بقول لك احنا محطه ارصاد جويه متنقله تمام لان الضغط الجوي مش بس في الطيارات حتى في البحر لما يكون زي دحين مثلا اجواء صافيه وشمس طالعه وغيمه خفيفه كده تلقى الضغط عالي اه في المنطقه لكن لما يكون الضغط منخفض عن 1000 بار يبدا الاحوال الجويه تسوء فابتدينا نشوف العدادات حق الضغط بدات تنزل وكل مالها تنزل تنزل تنزل كابتن قال هذا خلاص هذا اعصار ما في مفر طبعا مع الغيم احنا بنستقبل اشارات عن طريق الموجات الهاي فريكونسي واللو فريكونسي لما صار الغيم حق المطر لا احنا قادرين نستقبل اشاره ولا احنا قادرين نستقبل خرائط وذر ولا ولا طبعا الدنيا ليل صرنا كلنا صحين الاربعه في غرفه القياده ما حد فينا قادر ينام الكابتن طبعا ما يلام ما عنده اي مخرج لا هو عارف اتجاه الريح لا هو عارف اتجاه الدنيا ليل والمركب قديم الين ما طلع النهار طلع النهار احنا مشينا على خط سيرنا طبعا ابتدينا نشوف القوارب حقه الصيادين اللي في المنطقه مقلوبه والبحاره او الصيادين على ظهر السفن هذه بيستغيثوا بيستغيثوا لكن السفينه كانت بتدرفل بطريقه مرعبه عمري في حياتي ما شفت السفن هذه بتدرفل درفله عرضيه بالشكل هذا يعني لو اقدر اقول لك مثلا 45 الى 50 درجه السفينه بتميل الى ما تشوف البحر من الشباك اللي على الجنب تشوف الموجه كده في عينك وتدرفل الناحيه الثانيه تشوف البحر من الناحيه الثانيه فانت قاعد كده طول الوقت الوضع هذا ايش اللي بيثبت السفينه؟ ما في ما في غير الانجن ندعي من الله سبحانه وتعالى ان لا الدفه يصير عليها عطل ولا الماكينه حقتنا توقف لاي سبب ان كان وطبعا الشباب اللي موجودين موجودين في الانج روم تحت كله ستاند باي ما حد نام لا كبير مهندسين لا ميكانيكيه لا زياتين لا لحامين كل واحد فيهم جالس على ماكينه انها ما تطفي لان لو طفت ماكينه واحده مع الجو اللي احنا كنا فيه السفينه دي تقلب لا محاله جو عاصف بطريقه بشعه اعصار طبعا ايش نسوي اول يوم ثاني يوم ثالث يوم نحن عارفين ناكل ما احنا عارفين نشرب ما في طبخ ما في اكل ما في اي شيء فكان عندنا ا جهاز اسمه الجيم ديس اس اللي هو جلوبال مريتايم ديستري سجنال فجات فكره للكابتن انه هو يرسل للارصاد الجويه اللي في بريطانيا ويقول لهم احنا في الموقع الفلاني صادفنا الجو بالطريقه صارت لنا وما نحن عارفين ما جانا اي تحذير ايش تنصحونا ارسل له ونستلطف الله انه الرساله توصل لان انت لما تعمل ارسال انت معتمد على ان اي قمر صناعي او اي محطه ارضيه تلقط الاشاره هذه وترسلها فانت وحظك يا ترسلت يا ما ترسلت لا كان في نت ولا كان في تواصل اجتماعي ولا تلفون كان يا دوب المسجات تلك او مورش كودديد هذه كانت وسيله التواصل يعني ربنا اراد توصل الرساله هذه لمحطه ارضيه ام وصلوها الى محطه الارصاد الجويه اللي في بريطانيا استقبلوها وردوا علينا الرد الاتي الشخص اللي استلم الرساله دي من حسن حظ السفينه مش من حسن حظنا احنا كان شغال قال في يوم من الايام كبير ضباط على السفينه او الكلاس هذا من السفن فقال لهم جانك النص الاتي يعني ما ينسى النص هذا انا كنت شغال على السفن هذه في الفتره الفلانيه للفتره الفلانيه السفن هذه تقدر تعدي الاعصار هذا الاعصار كان اسمه كذا وامشوا بخط سير لمده كذا على سرعه كذا وبعدين تغيروا خط سيركم الى كذا بسرعه كذا تلاقوا نفسكم طلعتوا من الاعصار هذا بعد كذا ساعه كابتن على طول من غير تفكير على الخريطه حط المواقع اللي هو قال عليها رجال ورسمها يلا غيروا خطوط السير وتعال شوف طريقه تغيير خط السير السفينه كانت توصل لمرحله انا حنقلب انا حنقلب كده انا حنقلب وترجع ثاني طب علش السؤال لو لا سمح الله سؤال يمكن كذا يبان تافه بس لو انقلبت السفينه لا سمح الله لا خلاص شكرا واحد صفر واحد صفر ما فيها لو انقلبت انقلبت خلاص واحد ص0 ما فيها تسلل ما فيها فاول ما في اي شيء اقول لك والله العظيم السفينه كانت توصل لمرحله يسموها احنا نسميه عزم الاستعدال او عزم الانقلاب كانوا الاثنين تضاربوا مع بعض هذه طبعا حسبه في اتزان السفينه كده ا كده يعني حرجع ما حرجع كده تسوي كده ارجع ارجع ما ارجع ارجع ما ارجع ترجع ثاني الى ما ربنا اراد وغيرنا خط السير ابتدت الاجواء تبام معانا رجع المطر مره ثانيه وخرجنا من الاعصار طيب نرجع للسؤال الاول انت قلت لي يعني ايه المطر هذا المطر هذا في البحر او في الارصاد الجويه للبحاره او الملاحين عباره عن ستاره احنا نشرد منها لان انت ما تدري الجو اللي ورا ايش موجود تقابل اعصار او تقابل جو لطيف فدائما قبل دخولنا الاعصار بيجينا مطر وخروجنا من الاعصار يجينا مطر لان الاعصار عباره عن دائره نص قطرها فاضي جو صافي وعصافير ونورس وحياه جميله المحيط هو اللي فيه كل الضرب والترزيع في السفن والامواج وال الجو العاصف فعشان تخرج منه او تدخل دخل الاعصار لازم تعدي من الستاره المطريه هذه فاحنا دائما لما نكون مثلا نعبر محيط مثلا من جبل طارق الى الساحل الشرقي لامريكا نفس الحكايه الخريطه هذه حق الجو نتابعها على مدى الرحله ودائما نهرب من الامطار ومن الاعاصير قدر المستطاع ايش تعلمت من الرحله هذه انت تعلمت اني ما ما تقاعس في النشره الجويه النشره الجويه دي زي ما احط موقع السفينه كل 20 دقيقه او كل ساعه على حسب منطقه الابحار او كل ست دقائق احيانا لازم اخلي عيني على الضغط الجوي زي ما اشوف الساعه ام لان الضغط الجوي هذا هو اول ا تنبيه لك كملاح الجو حيكون معك مستمر طيب ولا الجو عندك حيكون سيء بس كيف كنتوا تتعاملوا مع الاوقات الصعبه هذه ايش تسوي وقتها؟ ا تستودع نفسك عند الله سبحانه وتعالى تتشاهد تكون كاتب وصيتك وتتوكل على الله كل البحر الداخل مفقود والخارج مولود ترى هي ما حياه ورديه انا اسمع الناس ايوه هذا شغال في البحر هذا راتبه كبير يا جماعه كم الضريبه اللي انا بدفعها انا ممكن ما ارجع لعيالي ممكن ما اشوفهم ثاني ولا يشوفوني ثاني البحر من اصعب الوظائف اللي موجوده ما هي سهله انا بسيب اولادي بالشهور يعني انا اول رحله طلعت فيها متدرب انا كنت متزوج زوجتي حامل شهر ونص رجعت البيت ومبسوط وفرحان وده جابوا لي طفل صغير حطوه في عبي مين هذا قالوا لي هذه بنتك بكيت بكيت فالحياه ما هي سهله ما كان في تلفون زمان انا كنت عشان الو كيف حالكم ايش اخباركم الدقيقه ب 9 دولار والواف ايش اخباركم اوفر هم احنا طيبين الحمد لله اوفر وطبعا امه لا اله الا الله اللي حولك سامعينك لان انا بتكلم عن طريق الفيتشف محطه ارضيه فالسفن اللي حولي سمعاني الراجل اللي في محطه الارضيه اللي بينقل المكالمه هذا سامعني انت بتضحك لكن هي انا بالنسبه لي كانت ماساه ماساه بكل المقاييس ترى الى ما شااء طبعا النت والاشياء هذه والحياه انا اسمي دحين البحاره دول محظوظين الكل معه جوال واتساب وال وسائل التواصل الاجتماعيه المختلفه على مدار الثانيه يقدر يرسل رساله يا رجل انا كنت عندي جواب يا ريتني جبته معاي ارسلته من الفلبين لان هذا كان واتساب الطيبين وصلت بيتي بعد شهر انا كنت مقيم في اسكندريه رجعت بيتي بعد شهر وصلت البيت ال البسطجي على قولتهم داخل البيت وبي بيدي الحارس جوابات لسكان العماره قال لي خذ يا استاذ سعيد هذا الجواب للمدام طليت الا انا اللي كان اللي مرسل الجواب هذا فاخذته وتواعدنا انا وهي وبرزناه وشايله محتفظ به ايش مكتوب لا هذا مصيبه هذا مو س شهر الجواب اخذ الى ما وصل ام باك دحين انت على الثانيه طك وصلت الرساله ام لا لا لا في تقدم في الوظائف او في الحياه عموما يعني اصبح في سهوله انا باخذ المواقف الاحداث اللي مرت فيها انت ما شاء الله هذا حصل لك في اول سنتين يعني انت تقول الموقف الاول حق الحريق وانت في الكليه انا نزلت بحر عام 95 ام اول مره اول مره اللي صارت فيها الحادثه حق الموز اللي صارت فيها الحادثه الاولى ايوه هي مش الاولى بس يعني الحادثه الاولى ف وبعدها موضوع الاعصار وبعد في نفس الرحله الاعصار لا لا سوري بعدها بعدها الاصار بس على نفس المركبه على نفس الكلاس نفس الشركه ونفس المراكب اسمه عصار ايش هذا اول واحد والله ماني متذكر اسمه بس هذا الاعصار اللي كان كل سنه يضرب عمان يقول لك خريف صلاله خريف صلاله احنا بنتبهدل برا عشان الخريف حق صلاله هذا لانه يجي من المحيط الهندي الاعصار هذا طالع من سواحل سريلانكا ما يوقف الا على ساحل العمان ام يمشي في المنطقه هذه كلها يضربها الى ما يوصل الى ساحل عمان يموت هناك وينزلهم امطار وخريف فكل سنه هو الاعصار هذا هذا 95 هذا 95 ايش صار في الفتره اللي بعدها انت دحين كنت متدرب هذه مرحله متدرب لا لسه ما انت شوف ا انت قصدك ايش متدرب انا دحين بحاول اعرف ترج الوظيفه اول شيء متدرب اللي هو الكت يسموه كدت يسموه كدت سواء على السطح او في غرفه الماكينات بعدين الى تحصل على شهاده ضابط ثاني تصير ضابط ثالث يعني رتبه اقل تشتغل فتره تجمع خدمه بحريه 18 شهر وتاخذ شهاده ضابط اول تترقى ضابط ثاني ما ايش يا اخ طيب احنا التسلسل الهرمي للبحر كابتن القمه بعدين ضابط الاول بعدين الضابط الثاني بعدين الضابط الثالث بعدين المتدرب في غرفه الماكينات كبيره المهندسين المهندس الثاني المهندس الثالث المهندس الرابع وبعدين المتدرب بعدين يجوا تحت هذول المسميات كبير بحاره وميكانيكي تمام و بحريه ونص بحري وزياتين في غرفه الماكينات بعدين عندنا قسم المطبخ امم في اللي هو شيف ستي اللي هو رئيس المطبخ وبعدين يجي الشيف كوك طباخ بعدين يجي المساعد بعدين يجي عنده الستيورد اللي هم الصفريجيه بعدين يجي الجالي بوي الجالي بوي هذا اقل وظيفه عندنا هذا اللي ينظف المطبخ يغسل مواعين فهذا اقل وظيفه عندنا ام الزيات ايش سوى الزيات ميكانيكي مبتدئ اي ميكانيكي مبتدئ فيسموه زيات اويلر يعني والبحارين البحارين بحارين كعمال يعني كيف يعني عمال موظفين يعني ا عمال يعني شغلهم على السفينه تقصد يعني اه اوكي هذول مسؤولين على لهم شغل اثناء الرحله ولهم شغل اثناء الشحن والتفريغ ف الاسم بحار الاسم بحار بس احنا عموما كلنا كل الاسماء اللي انا قلت لك هي والوظائف احنا بحاره ام ولكن كل واحد على حسب الرتبه اللي هو فيها انا في البحر ما ينادوني باسمي انا ضابط ثالث يقول يا ثيرد اوفيسر يا سكند اوفيسر يا شيف اوفيسر يا فيرست اوفيسر يا كابتن ما حد ينادي احد باسمه كل واحد هناك يتنادى بالرانك او الرتبه اللي هو عليها يعني عالم البحار من العوالم الادوار فيها واضحه والمراتب فيها واضحه جدا جدا وال تسلسل يعني هذه احد الاشياء لما تدخل بعض القطاعات في قطاعات الوضع كذا يكون سائل شويه لا ما احنا كل واحد احنا وضعيه عسكريه عسكريه بس بصوره مدنيه يعني احنا عندنا زي كل يوم لازم نلبسه يعني فترات الورادي الصباحيه انت لازم تلبس الزي الرسمي كل واحد على حسب الرتبه حقته بالذات ضباط السطح المهندسين طبعا عشان في في غرفه الماكينات مع درجه حرارات مرتفعه وزيوت وديزل وفيول وش الشحوم لا دول يلبسوا كفروول اللي هو حق الشغل لكن انت كضابط سطح لا انت بتلبس البدله حقتك ما تنزل الفطور الا انت لابس البدله حقتك ما تطلع ورديه الصباح انت لابس البدله حقتك ما تنزل على العشاء الا انت لابس البدله حقتك سواء انت في السطح او في غرفه الماكينات ممنوع تدخل الصالون حق الاوفيسريه وحق الضباط انت ما انت لابس ال تتوقع ليش الثقافه هذه موجوده التراتبيه هذه والعسكريه ا عشان يكون في ديسبلينت احترام للوضع احترام للاعلى منك وللاقل منك عشان ما يصير في يعني بلغتنا العاميه ميانه لان الشغله دي لو دخلت فيها الميانه خربت لازم يكون في احترام طبقي انا بحترم السكند اوفيسر السكند اوسر بحترم الشيف اوفيسر الشيف اوفيسر بيحترم الكابتن لان انت من يوم من الايام حتوصل الى القمه فانت محتاج اللي تحتك يحترمك واللي فوقك يحترمك عشان يكون كل واحد يادي دوره بسلاسه بس ما يصير مواقف يعني نسمع في الاطباء وبعض الاحيان بعض مضاربات ومشاكل لا يعني الايجو هذا بعض الحيان يكون مزعج تجي اوامر بطريقه غريبه يجي تطفيش بطريقه لا هذه ثقافات هذه ثقافات يعني شوف مثلا ا من ميزه وعيب في شغلنا ام طيب ان البحار ممكن في يوم من الايام يصير اوفيسر والزيات هذا ممكن يصير مهندس هذه لها ميزه ولها عيب اذا هو ما جا من بيئه حلوه وبيئه كويسه تمام بيوسي استغلال السلطه بيوسي استغلال ايش حصلت لماقف في اساءه استغلال السلطه لا انا الحمد لله عري ما حد لا لاني ايش انا من الناس اللي ربنا اكرمني ا اقدر انزل بالتفكير للي قدامي واطلع معه عشان انا لما نزلت البحر كنت اشوف الناس لان انت وانت متدرب انت تكون زي السفنجه اي شيء تشفطه اي شيء تتعلمه اي شيء تسمعه وتحلله وتخليه لانك حتحتاجه في يوم من الايام فكنت اشوف يعني الحمد لله يعني انا الشركات اللي اشتغلت فيها كلها شركات محترمه الحمد لله يعني ما قد شفت في مشاكل تصير كانت الا المشاكل ايش اتاخرت علي 10 دقائق جيتني بدر ربع ساعه الكلام هذا اللي هو ايه يعني ما يسبب مشكله يعني ولكن كنت اسمع من الزملاء مثلا في شركات اخرى لا والله هذا كذا ولا هذا كذا ولا هذا كذا اوه اوكي لا انا هذه لازم اخلي بالي منها في المستقبل لو صارت ما اوصلها الى هذه المواصيل عشان الحياه تصير ورديه لان البحر سمعه انا اشبه البحر بان انت ساكن في شقه غرفتين وصاله كل الناس تعرف بعض لا تقول لي والله انا جاي من البلد الفلانيه ما حد يدري عني ولا انا جاي من البلد الثانيه ما حد يدري عني البحر كل الناس تعرف بعض بغض النظر عن جنسيتك البحر لا مله ولا دين ولا عرف له كل الناس تعرف بعض يعني لما نحنا كنا نغير البحاره في مينا من المواني بيجينا تلكس على زمان او ايميل في الايام الحاليه البحار الفلاني بيجي بداله فلان البحار لا بيجي مكانه فلان الضابط الفلاني بينزل مكانه كذا المهندس الفلاني بيجي مكانه كذا فالكابتن يا يعرفهم يا ما يعرفهم لو يعرفهم يطلع يبشرنا يقول يلا يا شباب حيجيكم والله ناس كويسين لو ما يعرفهم حيحط عليهم ريمارك مين يعرف فلان مين يعرف فلان مين يعرف فلان وتبدا الناس تبحث انا اعرف فلان لا انا اعرف فلان ها كيف سعيد كويس لا سعيد هل في قبطان عقدك كثير كثير وفي قباطنه صراحه علموني يعني على سبيل المثال لما كنا نعدي قناه سنغافوره هذه هذه من ازحم القنوات البحريه حول العالم لان انت عندك من ناحيه اندونيسيا ومن ناحيه ماليزيا ومن ناحيه بوروناي ومن ناحيه سنغفور فطبعا السفن الخشبيه هذه حق الصيادين زي الرز وسفن العبارات السريعه والبطيئه كثير المواني جنب بعض وقدام بعض وزحمه زحمه زحمه في كباتين كانوا يخشوا المنطقه دي هو والضابط الاول واثنين بحريه نسميهم احنا لوك اوت وواحد على الدفه غير ضابط الورديه سواء الضابط الثالث او الثاني وغرفه الماكينات في حاله استعداد انا داخل المينا الشيف انجينير والمهندسين ويحول الماكينه من هيفي اويل الى ديزل عشان اي لحظه يزود سرعه ويخفف سرعه كانه داخل مينا ونفضل على اعصابنا اربع خمس ساعات الين ما نعدي المنطقه هذه وينزل ويسيب لنا الايش غرفه القياده نتنفس هذا الكابتن علمني الخوف اقول لك هي بصراحه نزل جاني واحد ثاني مو شباب بس اصغر منه سنا يعني كانت الجوالات دوبها 98 97 98 الكلام هذا طلع الكابتن اقول له نادي على الشيف اوفسر قال ليه قال له عشان داخلين على سنغافور قال لي انت ايش بتسوي هنا؟ قال له نعم انا ركبي صلا تخبت في بعض قال لي مع نفسك وانا قاعد هنا تبغاني كلمني ما تبغاني لا تزعجني انا بكلم اولادي كان هو معاه جوال طبعا مين كان عنده جوال ديك الايام ابن الاغنياء المهم دخلنا مشكت معه الشبكه الو ها وقاعد ايش يتكلم مع بيته واولاده مش عارف مين انا يا ولد رجل تخبط في بعض طال في قال لي ايش فيك قلت له كابتن انا خايف قال لي خايف ليه قال لي عارف السفينه دي ايش بتسوي؟ قلت له قال لي عارف السفينه دي ايش بتسوي؟ قلت له قال لي خلاص لما تحتاج اني انا قاعد جنبك اشتغل شغلك طب اخفف السرعه طب اكلم الانج روم طب قال لي ولا احد امشي زي ما انت 45 دقيقه ساعه وشويه خلصنا قال له هي سهله كده ضحك قال لي شوف بما معناه احنا العرب قال لي كل شيخ له طريقه قال لي انت حتبحر مع كباتن كثير في كابتن حيخلي الحياه وردي وفي كابتن حيخلي الحياه صعبه فكل واحد حسب المدرسه اللي هو جا منها بس اهم شيء انت حتكون اي مدرسه فيهم قال له ايوه هذا درس وحطيت الكلمتين هذه يعني نصبع عينين ام صرت اتعلم من الكباتن الشي الاشياء الجميله والاشياء السيئه ابتعدت عنها فالكاتن على على طيف يعني في ناس عندهم خف زايد في ناس عندهم روغانزا ايش فيها برضه اشياء اخرى غير الخوف والامان يعني مثلا كان معانا كابتن رقو على كبار مركب 45000 طن كانت اكبر سفينه رورو في العالم كانت تملكها السعوديه الشركه السعوديه ورقوه على كبر فاول ما طلع لنا طلب دريل طيب دريل في غرفه القياده حيعلق صوره حيعلق رف حيحط حاجه دخل الله يكرمكم غرفه الدور المياه وفتح فيها فتحه كل انا استغربت مو مضبوط اه مو مضبوط في شيء وصلنا امريكا هو طلع معنا من ايطاليا وصلنا امريكا طبعا انت قبل الوصول بساعتين بتغ بتبلغ غرفه الماكينات ان احنا حنوصل بعد ساعتين الى محطه الارشاد فنبتدي عاد نبرد الماكينه بطريقه معينه نحول استهلاك الفيول الى ديزل في تجهيزات عشان الانجن تكون سريعه في الاستجابه في سياده السرعه او تخفيف السرعه كابتن ساعتين قال لي كلمني قبل ساعه اوكي كابتن ساعه قال لي يلا خلاص ابدا انزل السرعه وخفف ومش عارف مين وانا دحين طالع اوكي هذا روتين عادي ابتديت اتواصل مع غرفه الماكينات متى حتنزل ايش حتنزل كم اقدر انزل كم تقدر كذا لازم ترتب مع المهندسين وابتديت فعليا اتدرج في تخفيف سرعه السفينه يا كابتن اطلع المينا ابتدت تنادي علي ابغى ازود سرعتي ابغى كذا فلازم احد ثاني معاي انا اركز في سرعات المكاين وخط سيري ولا في التواصل مع المينا والارشاد ولا كذا فارجوك اطلع قال لي طيب انا طالع طلع اول ما طلع اسمع باب الدا بب على الستيرينج الدفه حولناها من اوتو بايلوت الى دفه يدويه لازم يعني في دخول المواني كذا قلت له مين اللي جا فمعانا المساعد حقه اللي هو نص بحري قال لي الكابتن دخل الحمام قلت اوكي ما في مشكله اخفف سرعتي نادى علي المرشد لا زود سرعتك لا تنقص عشان نلحق ندخل في مراكب كثير جايه لا تتاخر ومش عارف ابتديت ازود سرعتي ابتديت خلاص باقي لي دقائق واو لازم انزل استقبل المرشد تحت لانه يعني من البروتوكول في المواني انه ما يستقبل المرشد الا ضابط ما يستقبله بحار ام فيا كابتن يا كابتن يا كابتن اطالع الاقيه ايش قاعد يطالع عليه من الخرمه اللي هو عامله ناديت على الورديه اللي بعدي بالصدفه كان صاحي انت صاحي قلت قال له اطلع بسرعه روح جيب البايلوت الكابتن مو راضي يجي قال لي طيب نزل زميلي استقبله وطلعوا مش عارف مين اول ما شاف المرشد قام خرج اوه مستر بايلوت مش عارف مين وبالاحضان ومش عارف مين ودخلنا المينا بس انا من جو بتقطع قلت يمكن مريض يمكن عنده ظرف يمكن ماسكين اي حاجه طلعنا من المينا الطلوع سهل لانه بيفضل معك المرشد لما حطت الاتشهاد بعد كده بحر مفتوح مستر بايلوت ايش هذا؟ اللي هو المرشد البحري ام تمام فيقول له مستر بايلوت يعني او السيد البايلوت دخلنا المينا الثاني نفس الموضوع زميلي صحاني عشان انصر استقبل المرشد لان هو ما رضي يخرج قاعد يطالع من ال من الفتحه اللي هو سواها ف كانت ماساه الشغل مع الرجل هذا كان ماساه يعني انا مهما كان عندي خبره بس مو زي خبره الكابتن الكابتن ما بيمسك الوظيفه هذه الا هو عنده من الكفاءه والخبره الكافيه انه هو يريح الضباط اللي معاه شغالين تحت يده وهو يقوم بدوره لكن انا اقوم بدورك صعب صعب مسؤوليه ما سهله على الكابتن المسمى جميل لكن فعله مو سهل لان انت بتتدرج في الوظائف قد تكون بديت من نص بحار وبحار وطلعت وقد تكون مثلا انت اكاديمي وتخرجت بس عشان توصل للرتبه هذه مو سهل ام وقياده سفينه مو سهله ام فهذه يعني من احدى ال بس ايش طلع السبب ا طلع السبب ان هو عنده خوف ورعب من ال ما يواجه من الجباهه المينا الثالث طلب نزول ونزل ما قدر يكمل وجابونا كابتن بداله ما قدر فلما قعدنا هرجنا معاه قال انا اكثر مركبه اشتغلت عليها 3000 طن هذه 45000 فهو كان شغال على سف سفينه صغيره فجاه جابوا له سفينه عملاقه فما قدر ونزل بس مين اكثر قطبان تعلمت منه؟ والله كثير في عرب اشتغلت معهم كانوا صراحه لهم نقله نوعيه في حياتي وفي اوروبيين واجانب اشتغلت معهم كان لهم تاثير كبير يعني زي ما قلت لك انا الحمد لله ظروفي خدمتني في اني انا اشتغل في شركات كلها الحمد لله والشكر لله ا شركات كويسه وسمعتها كبيره يعني وشركات كبيره حتى الان في مجال عملي انا بفضل الله سبحانه وتعالى قابلت كم سعودي تعلمت منهم ولله الحمد يعني لهم تاثير جذري ونقله نوعيه في حياتي وفي الاسم اللي انا وصلت له بفضل الله سبحانه وتعالى ثم مساعده الناس هذه اعطيني قصه مع قبطان عربي قصه مع قبطان عربي قصه مضحكه ولا محزنه ادينا واحده كدهده ايه راي كنت شغال على سفينه لما جاني العقد احنا عندنا عقود بحريه لما تطلع اي سفينه يجيك عقد جاني العقد لقيت فيه 30% زياده على الراتب طبعا انا دوبي جديد في البحر و30% زياده في الراتب انا طبعا ايش فرحت السفينه كانت هذه واقفه في الفجيره على المخطف او على المرساه وعارف انه السفينه هذه هم سفينتين فيهم مشاكل بس ايش هي المشاكل ما اعرف المهم سافرت التحقت على السفينه طلعت ا الكابتن هذا كان ضابط اول وانا ضابط ثالث فقاعدين نضبط اتزان السفينه وهو بيشتغل في غرفه الكنترول روم حق احنا نسميها البلاست روم يزود مويه هنا ينقص مويه من هنا يخفف احمال هنا يزود احمال هنا مش عارف مين عشان نبقى نسوي صيانه بطريقه معينه فقال لي في التنل التنل هذا زي ما مر على اجناب السفينه في كل الخطوط المويه اللي ناخذها من البحر عشان نسوي بلست على السفن فقال لي واحد من البلوف حق الخزان الفلاني مو راضي يفتح او ممكن يكون في وسخ على الحساس فروح نظفه وتعال قال والله يا ابو فلان انا السفينه دي اول مره اطلع عليها ما اعرف كيف اوصل للمكان هذا قاعد على الخريطه يشرح لي مش عارفين قلت اقول لك انا اول مره اشتغل تعال وريني بس مره واحده كيف يتسوى وابشر انا اروح اسوي بعد كده نزلنا انا وهو مش عارف مين كشافات طبعا دنيا ظلام وصلنا للمكان هو بينظف مش عارف مين قام يطلع فيا كده اردني هو الرجال قال لي شو تخوت علي قال له ايش فيك يا ابو فلان؟ قال لي ايش الاصوات اللي قاعد تسويها هذه؟ قال له اصوات اصوات ايش؟ قال لي كل شويه قاعد تطلع اصوات مش عارف مين و وتطلع لي اصوات طفل صغير بيبكي ومش عارف مين وكذا قلت له لا انا ما تكلمت الا شويه اسمع صوت طفل يبكي هو يطالع فيها وانا اطالع فيه رمينا العده ده ورمينا الدنيا وشو ومين يوصل فوق اول ايش طلع السفينه مسكونه فصرنا عشان احنا ننزل للاماكن هذه السفينه دي عباره عن قراشات عشان كده 30% زياده لا ما 30% لا الاشياء اخرى يعني هذه احدى الاسباب فصرنا عشان ننزل تحت نسوي اصلاحات او تنظيف لاي واحد من الفلفات هذه او نغير حساس او كذا نفتح القراشات كلها وننزل معانا اربع خمس انفار واضاءه وكشافات ونعمل زحمه ونصلح الدا ونقفل القرشات ونطلع عشان ما نصادف موقف زي كذا يعني حصلت لك مواقف مع الجن في اه كثير يعني غير البكا اي افتكر السفينه هذه اللي حكيتك عليها اللي صار عليها الحريق ا في يوم كده قاعد اشوف نار على سطح السفينه في الليل فبحار اللي معاي اقول له شايف النار دي خليني اروح اضرب جرس الانذار يقول لي لا انا ماني شايف شيء لا تزعج احد طبعا هو قبلي على السفينه ا نجي الصباح طبعا هناك في البحر انت تغسل ملابسك انت تكويها ما في احد يسوي لك غسيل ومكوى انت تغسل ملابسك وتكويها فكل واحد فينا له مكان او حبل غسيل يعلق عليه ملابسه عشان ينشف ما في دراير او نشافه كهربائيه ف كل واحد فينا برتبته فلان فلان فلان يعلق ملابسه وينشفها ويكويها تيجي ثاني يوم تشيل ملابسك او تيجي بعدين تشيل ملابسك تلاقي قميصك هنا وبنطلونك هنا وشرابك هناك و معفوسه الدنيا يا جماعه ايش السفينه هذه؟ قال لك السفينه هذه من يوم ما اتبنت اول رحله طلعت فيها اخذت الجثث الموتى من حرب فيتنام وودتهم الى امريكا من بعد هالسفينه هذه ما شافت خير سفينه ثلاجه طبعا ف اكون مثلا في الورديه اشوف حريقه ف لا شعوريا اروح اضرب جلسه الانذار اصحي الناس يطلع الكابتن ايش في والله يا كابتن حريقه فين راحت الحريقه ما في شيء يقول لي طيب السفينه هذه انت عارف تاريخها اقول له لا اول مره يعني قال له طب السفينه دي تاريخها كده كده فلو زميلك ما شاف لا عش الناس وكانت ماشيه السفينه بالحب بالطريقه هذه حين اسمع هوز لا يكون هوس هوس لا مو هوس ما السفينه هذه طلعت معاي بنتي طلعت عليها بنتي وزوجتي الله يحفظك فالله يرحمها زوجتي طلقني طلقني تعرف بناتنا مش والفين على الحياه الغربه وانك تسيبها مده طويله ومش عارف مين طلقني طلقني طلقني فقاعد كان معاي شيف اوفيسر مصري ايش بك ما نمت شكلك تعبان ماني عارف مين قال والله كوماندا زوجتي طلقني طلقني طلقني ومش عارف مين ده قال لي اقول لك الكابتن حيجيب زوجته وانا حجيب زوجتي وكبير المهندسين حجيب زوجته وعياله وانت جيب مراتك وبنتك خليها تشوف الحياه يمكن امورها تزبط قال والله شورك وهدايه الله حكلمها لما نوصل مين الجاي واشوف شوف كلمتها اه يا بنت الناس تيجي تعالي شوفي مش عارف مين ده مش عارف كان تحدي بسبب عمل البحر وطول اي عشان انا اغيب بالشهور ست شهور وتس شهور هذا التحدي موجود في كل مع كل البحاره مع كل البحاره مع كل البحار زوجاتهم ما هم مبسوطين ما هم مبسوطين فلا ما ادري مين قلت اقول لك خذي رقم زوجه الشيف افسر تواصلي معاها وتوريكي ايش الطريقه اللي انت تسويها عشان تيجي تلتحق معانا انت والبنت ف انا طبعا رتبتي ما تسمح لي ان انا اجيب زوجتي ام قال لي سيب الموضوع علي انا اكلم الكابتن وارتب معاه وان شاء الله الشركه توافق قال لي بس حيدفعوك الاكل والشرب قلت مو مشكله والله الكابتن طلع شنب تمام ووافقت الشركه وجابهم على مسؤوليته الشخصيه وطلعوا معاي انا من الناس عربي حتى النخاع ما اعلم عيالي الانجليزي الا في ايش؟ في المدارس فبنت صغيره عمرها ثلاث سنين لا راحت مدرسه لا كان في يوتيوب لا كان في ايباد لا كان في انترنت من فين حتتعلم الانجليزي حتى الاولاد او الاطفال اللي موجودين معاها سريلانكيين فمحافظين على زي ما يقولوا الماذر تانج او لغتهم الام لانهم لسه اطفال فبنتي تجيني في الليل هي وامها يطلعوا الورديه الدنيا ظلام غرفه القياده عندنا على الجانب الايمن الرادارات والفيش اف يعني معدات الملاحه كلها على الجنب اليمين الجنب اليسار هذا لما تدخله قبضه كده يجيك يقبض فبنتي تاخذ العابها وتسيبني انا وامها وتروح تقعد على الجنب اليسار هذا وتلعب وتتكلم ومش عارف مين وانا مشغول في شغلي ماني فاضي يعني وامها تفضل قاعده على الكنبه كده في النور خافت طبعا في الليل مره تقعد على الكنبه الين انا ما اغلق شغلي وبنتها تروح وتيجي والبنت تروح وتيجي ومش عارف مين وكذا ولا تبكي ولا مزعجتنا في المينا لما نيجي نخرج مثلا نتمشى ا سكند اوف سير كان فلبيني معي نسيب البنت معاه لانه زوجته جي له واولاده يجوا له فيقعدوا يلعبوا مع بعض نروح نتعشى نتغدى نقضي نشتري حاجات من البلد ونجي راجعين فين البنت يقول لي البنت ما راض تجي تقعد معانا جالسه في الغرفه وبتلعب تخلص لعيب تنام لين في يوم من الايام قاعدين انا وامها كده في ال في غرفه القياده وكنا في البحر طلعوا شايله العابها ورايحه تلعب في المكان اللي هي والفه تلعب فيه وامها جلست على الكنبه وانا قاعد شغال البحري طلع اللي معي في الورديه كان بيسوي سيفتي راوند يعني كل فتره لازم ياخذ لفه يتاكد انه البيبان مقفله ما في احد مولع شيء تلفزيون غلايه احد ناسي شيء شغال في الليل فلازم اتاكد انه كل السفينه يعني امنه يعني طلع اسوي شاهي اسوي قهوه شكرا خلاص واخذ بعضه واقف لوك اوت الايه جات البنت هلو بيبي كم هير كم هير سي هلو تو مامي اندادي طبعا البحار مسلم تمام قال اشهد ان لا اله الا الله وفقع شرد ما قدر يقعد فام زوجتي رحمه الله عليها اخذت البنت كده بهدوء شالتها وتعالي يا حبيبتي ومش عارف مين وده واخذتها فين البيبي فين البيبي قالت لها اهو اهو شوفي البيبي شوفي البيبي المهم اخذتها كده بشويش وقريت عليها ومش عارف مين ونزلت الغرفه وما عاد طلعوا لي مره ثانيه في الليل يعني الين ما نزلوا في المينا فهذه مثلا هذه صارت معي معلش السفينه هذه البسكونه ليش ما يتخلص منها؟ فلوس يا حبيبي صعب ان انا اقنع واحد صاحب راس مال مشتري سفينه بالملايين اقول له والله سفينتك مسكون اقول لي انت بتتبلى او انت ما انت صاحي ولا صعب صعب كيف تقنعه لان في ناس تصدق انه في جن وفي ناس ما تصدق انه في جنودين احنا في البحر نشوفهم كثير لانه السفن اغلبها مسكون اه اغلبها ايوه وجزء من عملك اي جزء من عملك انت بتتعايش انت لازم تعيش ولو انا حخاف من هنا او انا ما حاقدر اتعامل من هنا او اركز في الحته دي ما ما حوصل هذا شي درسوك مو في الجامعات لا هذا انت تشوفي هذا انت بتتفاجا فيه هنا الصدمه هنا الصدمه لان انت بيدرسك ناس اذا هذا شيء موجود و تقول لي اغلب السفن فيها مسكونه والبحارين دائما يواشوا هذا الشيء طبيعي من ضمن طبيعي طبيعي في يعني هذه من احدى السفن اللي انا طلعت عليها وقابلت الحاجات هذه فيها يعني بس بعد كده الحمد لله ما شفت شيء يعني صراحه لاول مره اشوف موضوع البحار انا توقعت انه القطاعات تطور ا والامان جالس يزيد في كل وسائل النقل بس لكن البحر يبدو انه في درجه معينه من ال الخطر موجوده جدا يعني صارت لك مواقف مع القراصنه ا القراصنه انا صارت لي مره قرصنه ومره سرقه بس باحترافيه متناهيه القرصنه برضه فتره الكدت طبعا انت الكدت انت تشتغل كل الوظائف اللي على السفينه فكان عندي شيف وفسر يكرهني وهو كان مسؤول عن تدريبي فكان ما يديني الا اسوا الشغلانات فمن ضمن الشغلانات اللي كان يديني اياها كنت انا المسؤول عن تصريف الله يكرمكم المخلفات حق السفينه حق الاكل وحرق الزبائل اللي هي متبقيه لان انت المواد الغذائيه ترميها بحر وبتطحنها في ماكينه طحن مخصوصه اللي هو الاكل فضلات الاكل والفاكهه وفي عندنا محرقه على كل سفينه لك كميه معينه تحرقها فجالس اداني التاسك هذا ان انا احرق المخلفات وجالس شغال على حرق المخلفات وانا جالس شايف لانش سريع جاي وفي حاجه طويله كده مسافه بعيده ماني جاي بالنظر اللنش هذا هو مقبل وجاي اللانش يقرب يقرب ابتديت اشوف اللانش وسرعته وبدا يقرب علينا وشفت سلم طويل في مقدمه اللانش هذا انا كنت في اخر السفينه وما عندي اي وسيله اتصال مع غرفه القياده الا ان انا اضرب الالارم حق الطوارئ. اول ما اقبل وتاكدت 100% انه هذا سلم وهذول ناس ناويين يطلعوا السفينه قمت ضربت الايش الالارم حق الطوارئ طبعا على طول ارسلوا لي واحد ايش فيه ما ايش فيه ارسلوا لي جهاز مع الشخص هذا فلم ترى يا جماعه انا كذا في الحته الفلانيه شوفوا شفته ابتدى ال الضابط اللي كان موجود في الورديه يعمل مناورات زقزاج يمين شمال يمين شمال بالسفينه عشان لا يطلعوننا على السفينه ابتدوا البحاره يجيبوا ال الاهواز حق الحريق وابتدينا نرشرش عليهم مويه من ال المضخات حق الحريق بحيث انه هم ايش نعمل لهم زي ستاره ويبعدوا عننا وفعلا بفضل الله سبحانه وتعالى بعد فتره من الزمن وهم يحاولوا يمين شمال يطلعوا من هنا واحنا وراهم بالمويه بالمويه بالمويه الى ما طلع بس هذول كانوا قراسنه طيبين يعني الكلام هذا في التسعينات زمن القرصن الناس الحنينين هذا يطلع يسرق برميل بويا لفه حبال ا حبل غسيل هذول كانوا طيبين يعني ما كان منهم برضه من ضمن القراصن اللي احنا صادفناهم كانوا ايش يسووا في شرق اسيا يجيبوا مركبين واحد على اليمين وواحد على الشمال ويحطوا حبل تحت المويه في قيدومه في السفينه احنا نسميها البلباس باو هذه بتساعد على تقليل الاحتكاك المياه لما تشقها الموجه السفينه تشق الموجه ما ترجع ثاني على السفينه ترميها بعيد فهذه تقلل ال من احتكاك الموجه المرتده على السفينه فهم كانوا يستغلوا انه هذا البلبس باو غاطس تحت المويه يقوم يلقط الحبل ينشد يقوم المركبين يحضنوا على الايش؟ على السفينه يقوموا يطلعوا نفس الحكايه يسرق له سطل يسرق له برميل بويا يسرق له مش عارف مين وتك تك سريع سريع يرمي يرمي يرمي ويقطعوا الحبل ويشردوا فكانت سرقات يعني ما هي بالحجم اللي بعدين صار الجريمه المنظمه اللي كلنا سمعنا عنها بعدين في وسائل التواصل وفي الاخبار فهذول القراصن حق زمان كانوا طيبين يعني احلامهم حبل برميل بويا مش عارف مين حاجات خفيفه ام افتكر في مره تعرضت لسرقه كانت غريبه من نوعها كنت في احدى الدول بنشحن موز تمام طلع واحد صار يسال كل شخص ايش اسمك ومن اي جنسيه ايش اسمك وايش رتبتك ومن اي جنسيه كل الناس اللي سالهم انت ايش اسمك ومن اي جنسيه وايش رت رتبتك صحينا من النوم ما لقينا ولا شيء في الغرفه بس كان عنده ضمير ساب الشهادات حقتنا على الطاوله كيف دخل الغرفه كيف شاد الاغراض شال كل شيء بمعنى كل شيء يعني احنا مثلا عشان تطلع السفينه انت معك كل شهاداتك ال اللي عشان تشتغل فيها وطبعا معك مستلزماتك الشخصيه ملابسك يونيفورمك باغ اغراضك الشخصيه هذا الحرامي ما ساب الا فك الشنطه طلع الشهادات حطها على الطاوله رامي اكاديمي ايوه ساب لانه عارف حندوخ عشان نطلع الشهادات دي مره ثانيه صاب على الطاوله واخذ بعضه وجا ماشي صحيت من النوم ادور كفرولي كنا في المينا يعني شحن وتفريغ فمحتاج كفرول ماني محتاج بنطلون وقميص لا لقيت بنطلون لا لقيت شراب لا لقيت الله يعزكم جزمه ولا شيء نظف الغرفه فطلعت قعدت اتحلطم وازعق ومش عارف مين الا زميل اللي جنبي طلع نفس الشيء قال انا برضه انسرقت انا مش عارف مين طب انت لما بتنام بتقفل الغرفه هذا محترف فتح الباب سرق الاغراض ومشي من غير اي واحد فينا ما يحس فهذه برضه من ضمن الاشياء اللي الواحد شافها احنا زمان ما كان في نت ولا كان في ستلايت ولا ولا فكنا نعتمد على شركه تجيب لنا كل رحله 50 او 55 شريط فيديو افلام احدث ما في السينما وكل ثلاث شهور تجيب لك صندوق تقول لي ما عندك وقت في اي بس انت تشوف 10 دقائق فانا كنت دائما اطلع معاي او فيديو اللي هو الكومباكت هذا 14 بوصه الفيديو التلفزيون حق زمان هذا الصندوق فاحط شويه كده وانام ما اقدر اكمل المهم ففلبينيين اللي معاي جاتهم زي غيره انه كيف هذا عنده غرفته تلفزيون وفيديو احنا ما عندنا المهم دخلنا ايطاليا شافوا واحد اللي هم البياعين في المينا وباين عليه حلنقي يعني باين عليه حرامي يعني انا ما احبه احنا لاينر فدائما نشوف نفس الاشخاص في المواني ايوه اجيب لكم اسوي لكم مادري ايه مش عارف ايه هاتوا الفلوس هاتوا الفلوس ومش عارف مين ش تبوا نوعها طبعا احنا عندنا ايام زمان بالو او سي كام وان تي سي هذه انظمه تشغيل ا تلفزيونات وفيديوهات ما ادري الجيل الجديد ما ادري اكيد ما حضرتها يعني ففي الخليج كنت اشتري اي جهاز بالسيام ان تي سي فاي جهاز او اي شريط فيديو تحطه اشتغل عليه اي دوله في العالم اخش على القنوات حقتهم اقدر اتفرج على الاخبار وعلى التلفزيون ومش عارف مين فقالوا له نبغى في امريكا كانبال واوروبا جزء سيكام وجزء ان تي سي او عفوا ا ان تي سي كان امريكي والبالكام كان اوروبي جزء كده وجزء كذا بس الخليج كان كله في نفس الجهاز فقالوا نبغى جهاز اشتغل على الثلاث انظمه قال لهم اوكي بكم بكذا بكذا يمكن سبعه ثمانيه 10 اجهزه واعطوا له الفلوس ورايح جاي في المينا رايح جاي في المينا اوه ماي فريند ما تقلق عندي خلاص حجيب لك شاف المرشد طلع والتقات اللي هي القاطرات اللي تسحب السفينه جات وخلاص الاولاد الشباب يبغوا الاجهزه حقتهم نزلهم الكراتين واخذ بعضه وقحصال قحص يمشي شالوا الكراتين وطلعوا والكابتن يزعق علينا ويلا يمشي يلا مش عارف مين طلعنا ابحرنا نزل البايلت في الستيشن حقته خلاص والسفينه شقه طريقها الى المحيط رايحين على امريكا يفتحوا الكراتين يلاقوا حجار ما في اجهزه تلفزيون ولا في اي شيء حجار في الكرتون وكرتون مقفل تقفيله ان هو متبرشم جاي من الشركه حقه ال التصنيع يعني وطبعا قاموا يزعقوا ويبكوا ارجع يا كابتن قال لهم ارجع مين عندي جدول ما حد قال لك تشتري من واحد بياع انت ما انت تعرف هو مين تفرجوا معك الليله ولا تفرجوا معاي ولا شيء صاروا حدين علي اه ف هذه من ضمن التحديات ما ادري هل انا جاز يعني افكر ايش المخاطر تمر بها السفينه في البحر ا بدي اسمع منك حاجتين موضوع الغرق مثل السفينه تغرق والحاجه الثانيه موضوع التصادم طيب خلينا ناخذ الموضوع البسيط بعدين نيجي الموضوع الصعب موضوع التصادم طبعا احنا في البر في عندنا قانون المرور وكل دوله لها قوانين واشارات وعلامات احنا في البحر عندنا نفس الشيء ولكن بطريقه بحريه ام طيب كيف بطريقه بحريه انت بتشوف الطياره فيها جنبها اليمين في نور اخضر وعلى جنبها اليسار في نور احمر ام وفي طالعه عامله تيك اوف او جايه تسوي لاندين في نور ابيض شغال وفي لمبه دائما تعمل فلاش احنا عندنا هذه ماخوذه من البحر ما هي ماخوذه من الطيران هذه ماخوذه من البحر يعني الجنب اليمين احنا نسميه ستار بورت والجنب اليسار احنا نسميه بورت ما نقول يمين او ما نقول شمال ليش عشان لا يصير في ا في اللكنه او في اللهجه من دوله الى دوله ممكن الكلمتين الاولى ما يلقطها او الحرفين الاولى ما يلقطها بس حيلقط ستار بورت فيعرف ان هو بيتكلم ان هو الجنب اليمين يقول بورت طيب ليش تسمى ستار وليش تسمى بورت ايام السفن الشراعيه كانت السفن ما ترسو في المواني الا على الجهه اليسار فعشان يتفادوا انه الاسترلاب او السكستنت يخرب او يتعور او واحد يمسكه او واحد يلعب فيه فكانوا يحطوه على الجهه اليمين فكان كل الكارجو او كل المعاملات التجاريه او الناس اللي تطلع وتنزل كانوا يطلعوا ينزلوا من الناحيه اليسار فسانوا فصارت عرفا يسمى بالبورت سايد والجنب اليمين عشان يحطوا فيها الجهاز حق النجوم فصار يسمى بالستار بورت من من النجوم يعني ف صار في قانون منع التصادم وصار عليه تحديثات كثير وله قواعد وله قوانين ولازم تحفظها كملاح وفي اختبارات ما تعدي ولا تحصل على الشهاده الا لما تعدي قانون منع التصادم في البحار بس قديش فرصه حدوث التصادم هي الفرصه الحدوث قليله جدا بس هي لو صارت حادثه لا قدر الله طبعا بتكون كارثه يعني اه من كم شهر في سفينه واقفه على منطقه الانتظار في شمال بريطانيا جت سفينه ثانيه مبحره كونتينر دخلت في تانكر وصارت كارثه بحريه وتسرب زيت وكانت شايله في وقود طائرات ومش عارف مين ف ما هي سهله الحادثه البحريه لان هي بتكون زي ما يقولوا خطا بشري ونادرا ما تكون خطا ا الي او تقني يعني يكون الاله سببا فيها لانه انت انسان يعني انا اسمع من ايام ما كنت في الكليه حنخلي السفن تتحرك لوحدها بالريموت كنترول من المكتب مش عارف مين لا يمكن تقدر تستغنى عن العامل البشري في السفن مهما كان مهما تطورت السفن لابد العامل البشري يكون موجود عليها افرض عطله السفينه في وسط البحر كيف حتصلحها حتضطر ان انت تجيب لها فريق يصلحها طب انت في وسط المحيط الطياره الهليكوبتر كم مسافه الطيران حقتها وكيف حترجع مره ثانيه ولو محتاج قطع غيار ولو محتاج مفكات وعده واشياء تشتغل فيها او جهاز برمجه او حاجه اكثر او كذا فالعمر يعني العنصر البشري ا لا يمكن انه هو يستغنى عنه في البحر مهما كان متى تغرق السفينه تغرق السفينه في العصر الحديث يعني نادره ولكن لما يدخلها المويه طيب يدخلها المويه عن طريق ايش؟ اما فتحه اما خطا فني طيب كيف فتحه؟ يعني ضربت شعب مرجانيه خبطتها سفينه ثانيه عملت لها فتحه في الجنب او فتحه في منطقه معينه فبالتالي يدخلها المويه طيب هل اي فتحه في السفينه تغرق السفينه؟ لا لان السفن الحديثه بعد تيتانيك نرجع تاني الى الاساس الاساس في اي شيء في البحر بعد غرق تيتانيك تغير صار السفينه بتتقسم الى قواطيع او الى كومبارتمنت بمعنى كل مسافه امتار من طول السفينه بينحط فيها ا قاطوع او بلك هيد من ال الكيل اللي هو او العمود الفقري حق السفينه الين اعلى جزء فيها هذا صامت ما في اي فتحه بحيث انه ما بين القاطوع والقاطع هذا لو انضربت السفينه او دخل لها مويه ما تغرق عشان يحص يحرصوا على ان السفينه تكون في طفويه حتى لو بنسبه بسيطه بس ما تغرق لان غرق السفينه هذا كارثه مش بس كارثه ماديه على صاحب السفينه تلوث خساره بضاعه اقتصاد اشياء كثيره بالاضافه للارواح اللي موجوده عليها فتصميم السفن الحديثه من بعد غرق التيتانيك كل فتره في تطوير وفي تحديث فهم دائما يحرصوا المهندسين اللي نسميهم احنا مارين انجنيرين او المهندسين بناء السفن يحرصوا انه هم يزودوا قواطيع البلك هيد هذه بحيث انه السفينه ما تغرق حتى لو انا اضطريت لا سمح الله صار عندي حريق في عنبر معين وغرقت العنبر هذا بمويه البحر عشان اطفيه ولكن ما تغرق السفينه فنسبه حدوث الغرق هذه اصبحت في العالم الحديث والتطور اللي صاير قليله لان حتى بدن السفينه من الخارج اصبح دبل هل او لها هل يعني البدن اصبح بدنين بدن خارجي اللي احنا بنشوفه بالعين المجرده وداخل البدن هذا في بدن ثاني عشان حتى لو جاتها صدمه او فتحه او كذا بس انواع المخاطر اللي ممكن يصير جو السفينه حريق ممكن يكون حريق هذا شيء واحد قارصنه هذا شيء اثنين ا والحريق انواع ام والكهربائي اه كهربائي او كيميائي او خش خشبي يعني هو الهارد او السوليد احنا نقسم الحريق ثلاث انواع اي بي سي الاي نوع والبي نوع والسي نوع ا وكل نوع من انواع الحرائق هذه احنا بنتدرب عليها في فتره التدريب وكل خمس سنين احنا بنجدد شهاداتنا او بناخذ الشهاده الاعلى فكل خمس سنين انت بتاخذ ايش الابديت اللي موجود حول العالم عشان تعرف التكنولوجيا الجديده التقنيات الجديده والوسائل المختلفه الحديثه بس انا عندي فضول اعرف اول مره ركبت فيها البحر اه اول مره ركبت فيها البحر كبحار ولا كسياحه؟ اول مره كده اول مره احنا عائله بحريه اصلا انا ابويا كان مدير شركه ملاحيه وكان يعني اجدادنا في عئتنا في تاريخنا لو كتبت في الجوجل حتلقاه بيت العوفي ايش في البحر في جده بالذات فاحنا اساسا بحر طول حياتنا وحياه جدودنا فابوي رحمه الله عليه كان هو الوحيد في العائله اللي مازال محافظ على الوظيفه او العمل في البحر فكان دائما يحببنا في البحر كان عندنا ياخت كان عندنا ابوات ايام الثمانينات كباين مش عارف مين وكان دائما وانا صغير ياخذني معه المكتب في ال الاجازه الاسبوعيه يعني واحيانا في وسط الاسبوع فكنت ادخل علي المكتب مثلا معه انا طفل صغير مكتب كبير ا هيلامان هذا يسال هذا عنده مشكله هذا يحل له هي هذا عنده استفسار هذا عنده مساعده اشوفه كان عنده كاريزما يمسك ورقه اقراها وثلاثه اربع انفار بيتكلموا يرفع عينه يرد على هذا ويرد على هذا ويرد على هذا ويرجع ثاني فكنت اقول له يا ابويا كيف ما شاء الله تبارك الله يعني عندك الكاريزما مع هذه كان رحمه الله عليه يضحك يقول لي بكره لما تصير كابتن تعرف بكره لما تصير كابتن تعرف وكان دائما عنده كلمه على لسانه الله يرزقني العمر والعافيه واشيل شهادتك واشيل شهادتك انا ابويا بحكم عمله فكان عنده امنيه ان هو يكون كابتن او قبطان سفينه في يوم من الايام لكن الظروف الحياتيه والعمليه ووفاه ابوه والظروف العائليه اللي حصلت له ما قدر ولكن اخذ المجال واشتغل في نفس المجال وما شاء الله تبارك الله في ذاك الوقت كان له سمعته واسمه في هذا المجال لما انا كبرت وبديت يعني اشك طريقي كان دائما يحببني في البحر يسمعني بس ايش ابغى بحر ابغى بوت يجيب ابغى مش عارف مين يجيب ابغى اتعلم غوص روح ابغى كذا روح ابغى كذا روح الين ما خلصت الثانويه جيت طبعا هنا على مفترق الطرق انا رجل عاشق للتجاره والمحاسبه وحب لغه الارقام وهو كان يباني اخش بحري او اكاديميه البحريه فمن هنا بدات الايش بدات القصه قال لي خذ لك سنه بريك فكر انت ايش تبقى طبعا هو يبغاني اخش وانا ماني قادر اوصل للفكر حقه يعني شت الاقدار اشتغلت مع واحد من جماعتنا عنده محلات تحف وسجاد ومش عارف مين وكذا اشتغلت وانا اقول لك احب لغه الارقام وابتديت اتطور واكبر ومش عارف مين كانت عندي عقبه اللغه طبعا انا خريج مدارس سعوديه يعني او حكوميه فكان العائق الاساسي عندي اللغه اللغه اللغه فجيت في يوم من الايام قلت له يا ابوي انا حابب ان انا اسافر ادرس لغه يعني طبعا هو فرح فرح شديد سفرني رحت ادرس في فتره الدراسه ابتديت انا اتعرف على هنا وهنا وهنا وهنا صدف ان العائله اللي انا ساكن فيها عندهم جيرانهم اصدقائهم مره عندهم بنت عندها لوكيميا ف البنت هذه كانت شغاله في الارشيف تبع قسم الشرطه اللي في المدينه اللي انا ادرس فيها غلقت فيزتي وكانت البنت لما تروح تسويكيميا كل العائله تروح تواسيها كانوا يعطوهم بيت عشان تعمل فيه يعني رهاب ثلاثه اربع ايام فكنا كلنا نروح وكنت اروح معهم يعني اللي هو كيماوي ايوه كيماوي ايوه فبعد الجلسه يدوهم اربعه ايام في البيت هذا كتغيير نفسيه الى ما حالتهم تستقر ففي يوم جالس كده متوتر خلاص فاضل الفيزا تتغلق او ده ماني عارف ايش اسوي فبقول لهم ترى انا عندي كذا كذا فقالت لي لا تشيل هم احنا نحص ال اليوم الفلاني من البيت هنا وانا اساعدك في ان انت تسوي ال الفيزا حقتك فعلا خلصنا اخذتني رحنا ا المكتب حق البريد فورمه معينه عبت لي هي ومش عارف مين وحطت الاوراق والجواز والفلوس ومش عارف ايه انا لسه اعمى لغتي ضعيفه جدا وارسلت لي الاوراق بعدين بتقول لي انت ايش تبغى تدرس قلت له والله انا بفكر كده ومتردد وكذا ومش عارف مين قالت لي طيب عندك شهاداتك واوراقك وكذا مترجمه ومش عارف مين قال لي ايو عندي كل شيء قالت لي هات خذي تك تك تك تك كم يوم جايبه لي عرض وظيفي ان الشركه تتبناني بريطانيه تدرسني على حسابها وتديني مصروف الينا التخرج وبعد كده اشتغل براتب بريطاني وليس براتب اسيوي او عربي او اي كذا طبعا انا طرت من السعاده يعني بلغت ابويا يا ابويا الوضع كذا كذا قال لي اوكي ممتاز مبروك مش عارف مين خلاص انا كان الكلام هذا شهر 6 شهر سبعه والدراسه في شهر تسعه قال لي طيب ايش راك تجينا القاهره احنا انا واخوانك هناك وتعال اقعد معانا الشهرين الثلاثه هذه الى ما يجي وقت الدراسه وبعدين ارجع خلاص انا عندي اقامتي ودخول متعدد واموري طيبه وجرين كارد طلعت وكل اموري كانت ايش خلاص مرتبه يعني لملمت اغراضي حطيتها في كرتون واخذت شنطتي وعلى القاهره واستقبلني في المطار اهلا وسهلا وحمد لله على السلامه ومش عارف مين فين جوازه قلت له خذ اياميه كنا لازم نسجل الجواز في المجمع التحرير في القاهره قال لي عشان بكره الصباح نروح نسجل دخولك في مجمع التحرير اوكي عادي يعني ابويا ثاني يوم الصباح يا بابا يلا عشان نروح المجمع مش عارف مين قال لي مجمع مين انسى لا احنا رايحين ولا احنا جايين ولا انت راجع بريطانيا مره ثانيه يا ابويا اهديك يرضيك قال لي ما في خلاص انسى ليش طبعا هو كان خايف ان انا اهاجر مثلا او ان انا اعيش حياتي هناك الشاهد في الموضوع جلست اكتبت كم يوم سهران في يوم كده واشوف في التلفزيون اعلان عن الاكاديميه انه فيها الاقسام الفلانيه والاقسام الفلانيه ومش عارف مين وجايبين مشاهدكم الكلام هذا كان في 93 مشاهد كده من الاكاديميه والناس اللابسين البدل وقتها كان التلفزيون هو مصدر كويس بس هذا الوظائف والبحث عن فرص وال هذا اللي كان موجود في ذك الفتره ام فقط لا غير الجرائد وال الجرايد والمجلات والتلفزيون فقام يصلي الفجر لقاني صاحي ايش مصحيك ما نمت والله يا ابوي انا كذا كذا طيب ايش قررت ايش كذا ايش بك قلت له ولا ترى انا شفت كذا كذا في التلفزيون قال لي يعني تروح الاكاديميه قلت له ايه اروح على الاكاديميه قال لي قوم نصلي وبعدين يصير خير صلينا ودخلت انا نمت دخل هو نام صحيت على العصريه بنتغدى كده قال يلا جهز نفسك بكره الصباح الساعه 6:00 هنطلع الاسكندريه اسكندريه ايش نسوي في اسكندريه قال عشان تقدم في الاكاديميه قدم في الاكاديميه قال لي ايوه انت ما قلت لي قبل ما تنام ان انت تبقى تخش الاكاديميه قال له ايه قال لي خلاص انا سويت اتصالاتي والناس مستنينا ومش عارف مين وكانت طلعنا الاسكندريه وصلت الاكاديميه مقابله كشف طبي كذا كذا هوب لقيت نفسي في الاكاديميه وبدات رحله الدراسه الاعتياديه زي اي ط اكاديميه ايش الاكاديميه العربيه للعلوم والتكنولوجيا والمتخصصه في النقل البحري كان على ايامي اسمها الاكاديميه العربيه للنقل الاكاديميه العربيه فقط لا غير تعطيني شويه سياقه عن النقل البحري بشكل عام تاريخيا النقل البحري طبعا هو يعتبر من الوظائف القديمه زي الرعي زي الزراعه كانوا زمان طبعا من بدايه المراكب الخشبيه وتطورت اصبحت سفن تشراعيه وبعدين تطورت جات الصناعه الثوره الصناعيه بعد الثوره الصناعيه والحرب العالميه الاولى احتاجت الاساطيل العالميه الى نقل جنود وعتاد فكانوا يسووا السفن عن طريق البرشام هو يجيب لوحين حديد جنب بعض ويخرمها بطريقه معينه ويضرب فيها مسمار المسمار هذا يدقوا عليه من الناحيتين الى ما يلحم المسمار هذا هذا يسم سموه البرشام بعدين في الحرب العالميه الثانيه تطوروا الموضوع واخترعوا اللحام واصبحت السفن تصنع عن طريق اللحام وزادت اوزانها وال كانت المكاين حقتها بعد الشراع كانت عباره عن سفن بخاريه اما عن طريق الحطب او اما عن طريق الفحم الين ما تطورت وجات الثوره الصناعيه وطورت المكاين حق السفن واصبحت عن طريق اللي هو الهيفي اويل الهيفي اويل هذا اللي هو ما قبل الزفت والاسفلت اللي يستخدم في الطرق يدخل على الغلايات بطريقه معينه درجه حراره عاليه مع ديزل بكميات مدروسه طبعا على حسب نوع الماكينه يسخنوه ويبداوا يحقنوه في المكاين عشان يعمل عمليه الاحتراق فعشان كمان يقلل من تكلفه التشغيل امين ما ادري اذا في تسلسل كذا لل يعني في القارب بعدين في السفينه ليه ما ادري هل اكبر او في البواخر ايش اكبر شيء انا بدي اخذ كذا زي تدرج للمراكب طيب التدرج للمراكب انت مثلا في سفن النزهه احنا نسميها مثلا اللي هي حقه الصيد النزهه اليخوت بجميع احجامها تمام هذه فئه هذه ما تصنف سفن هذه تصنف زوارق او يعني احنا نسميها في صناعتنا معدات ترفيه نيجي للسفن السفينه هي اكبر يعني اي شيء وزنه اكبر من 500 طن تبدا تصنفها كسفينه طيب احجامها على حسب احتياجك انت انت ايش عندك بضاعه ايش عندك خط ملاحي تبغى تشتغل عليه ايش عندك راس مال تبغى تعمل له استثمار في هذا المجال وطبعا الحجم يعتمد على عاملين اللي هو الخط الملاحي اللي انت تبي تشتغله وعلى السيوله كتاجر انت تقدر توفرها او كمستثمر اما انه انت يكون عندك او تاخذ قروض مثلا من بنوك او او في سبيل ان انت تطور هذا المجال ام الاحجام الان احجام مخيفه طبعا لانها بتزيد لان هل الكروز هو اكبر شيء في علب الراكب لا ما هي شوف السفن انواع في عندك مثلا سفن البضائع العامه هذه احجام وزي ما قلت لك انه الاحجام حسب متطلبات النقل اللي انت تبغى تستخدمه في سفن يسموها مثلا الهيفي ليفت هذه وظيفتها تاخذ سفينه بحجم معين او معده بحريه او يخت او كذا بس تنقله من مكان لمكان اها في التناكر اللي هي ناقلات النفط في ناقلات الغاز في ناقلات الحبوب بس اصلا البحر اليوم يستخدم ليش هل اغلب البحر اليوم نقل بضائع ا نقل بضائع يعني انت لو نقول 95% من النقل البضائع حول العالم عن طريق البحر لانه تكلفته اقل انت لما تيجي مثلا خلينا نقيسها علي انا وانت مثلا مسافرين من جده رايحين اي مكان مثلا وعندك وزن زايد في شنطتك فانت بتدفع رقم لما بتشتري التذكره حقتك عشان تنقل مثلا شنطه سعر التذكره غير لما يكون معك شنطتين فالسفن ما زالت هي ارخص وسيله لنقل البضائع حول العالم ارخص من الجوي والبري اخص ارخص من الجوي ومن البري ليش؟ لان هي بتشيل كتله لانه كل ما كبرت السفينه قل تكلفه النقل لان انت الكتله هذه احنا بتنقلها سواء هي فاضيه او هي مليانه طيب انت بتقسم التكلفه هذه على كميه البضاعه اللي انت بتشيلها فما بيتحملها مثلا سفينه حاويات مثلا ما بيتحمل التكلفه حاويه واحده ولا حاويتين لا في سفن الان بتشيل الاف الحاويات الى 15000 والى 200000 حاويه تيوز اعتذر تيوز لان الحاويه ال 20 قدم واحد تيوز الحاويه ال 40 قدم اثنين تيوز فهذه لها معامل حسابي يعني ام فطبعا نقل الحاويات او نقل البضاعه بيتقسم على سعر التكلفه في تقول 95% تقريبا من النقل حول العالم ايوه عن طريق البحر اه طيب ايش الاستخدامات الاخرى اليوم اتخيل البحر بشكل عام يستخدم للنقل وما ادري هل تنقل الناس برضه تنقل للناس يعني انا افتكر زمان كان اغلب الحجاج كانوا يجون عن طريق مثلا مصر السويس جده وايام المواسم برضه عن طريق السودان وعن طريق الصومال وعن طريق اثيوبيا كان في خطوط ملاحيه شغاله وشركات كانت شغاله على الخطوط هذا كان برضه من الهند افتكر زمان كانوا يجونا برضه في مواسم الحج سفن تجي ركاب من الهند الى السعوديه الى جده بالذات تنزل الحجاج و وقت العوده بترجعهم لان الطياره بتشلك 100 140 راكب تقريبا لكن السفينه بتشيل الاف بتشيل الاف فبرضه ما زال النقل البحري ارخص من الجوي وارخص من الباري بس ليش اليوم ما هو شاي يعني اليوم الناس عن طريق الطائرات اكثر ا لا يمكن بس ا في اشياء معينه يعني في مثلا بعض الفاكهه اللي تجينا من شرق اسيا يقول لك هذه كذا طب تساله ليش هذه بكذا يقول لك والله جت بالطياره لان نقلها ما تعيش عمرها الافتراضي قليل انا اتكلم حتى نقل الاشخاص اليوم اي ما نعرف يعني مثلا مصر في يعني خط التسوي شغال ولكن بعد الحوادث اللي صارت السلام و سالم اكسبرس والامور هذه تغير المنظوم الدولي بسبب هذه الحوادث هل يعتبر النقل البحري هو اخطر انواع النقل؟ لا زي ما الطيران معروف انه هو اكثر وسيله النقل امانه في العالم هي شوف هي تحسب نسبه وتناسب طيب انا ابني طيار ودائما احنا في سجال هذا كان مفروض نستضيف اليوم فدائما احنا الاثنين في استجاب في الموضوع هذا لانه يقول لي نفس كلامك انه الطيران امن وسيله للنقل يختلف انا اقول له ليش انت الطياره بتشيل كم راكب 100 150 200 راكب السفينه فيها كم ال000 بني ادم غير الطاقم حقها لان في سفن الركاب انت في عندك نسبه يعني مثلا سفينه بتشيل 1000 راكب لازم يكون عليها 600 الى 650 موظف يخدم الركاب هذول 1000 راكب 600 موظف اي ايوه لها نسبه يعني 60% ايو 55 الى 60% يكون في خدمات لان انت بتحرك مدينه متحركه موظفين غير الملاحين غير المهندسين غير طاقم الضيافه غير طاقم الترفيه غير الحلاقين غير المسوقين فانت بتحرك مدينه كامله غير الامن غير غير غير امم ام بس اقصد ليش انت على خلاف انه النقل الجوي لانه نسبه وتناسب كم بتشيل الطياره من راكب لا قدر الله ساعه الحادثه وكم بتشيل السفينه لا قدر الله ساعه الحادثه يعني في الحادثتين الشهيره اللي صارت عندنا هنا في المنطقه اللي هي السالم اكسبريس والسلام فهدول لما غرقوا ا طبعا كانت كارثه على صناعه النقل البحري بالكامل نسمع حواد الطيران كثير بس ما تاثر علينا ا احنا تاثر علينا في القوانين يعني مثلا كانت رحله جده السويس طيب خليني اشرح لك هي وبعدين ارجع لك للقصه هذه احنا في عندنا رحله دوليه قصيره وعندنا رحله دوليه طويله الفرق ما بين الرحله الدوليه القصيره والرحله الدوليه الطويله في متطلبات السلامه المطلوبه فيها على سبيل المثال من جده للسويس 625 ميل حلو ال هذه الرحله الدوليه القصيره 600 ميل فال 25 ميل الزياده في في السويس سووا لها زي ما تقول استثناء فعاملوا السفن اللي كانت شغاله جد السويس على اساس ان هي رحله دوليه قصيره فكانوا تلقى تذكره مثلا ايام ب 50 ريال على السطح الراكب ا الصالون بسعر السرير بسعر فتلقى تشيل السفينه المفروض مثلا تشيل 400 500 راكب كانت تشيل 1200 راكب فلا معدات السلامه كافيه ولا قوارب الانقاذ كافيه وكانت بس شغاله لما جات الحادثين هذول قال لك لا الان هذه رحله دوليه ما هي قصيره لانها 625 ميل عشان كده نقلوا كل السفن اللي شغال الخط هذا ما بين ضيبا سفاجا ودوهم هناك لان ايش كلها 100 120 150 ميل تقريبا مسافه قليله فصارت رحله دوليه قصيره ومع ذلك انشال الشرط حق الامن والسلامه الان اي سفينه تنقل ركاب او بضائع لازم يكون عليها معدات سلامه 200% يعني انت تشيل مثلا احنا الطاقم مثلا من 25 الى 30 في السفن التجاريه تمام لازم على الجنب اليمين في السفينه 100% من معادات السلامه والانقاذ وعلى اليسار 100% من معادات السلامه والانقاذ فغيرت في القوانين الدوليه في كل السفن او في صناعه النقل البحري بالكامل طيب هل في قصص لكوارث ادوات وخطه السلامه انقذت الناس في يعني تعال نرجع لاول حادثه صارت في التاريخ السفينه العظيمه اللي لا تغرق اللي كلنا شفنا الفيلم تيتانيك هذه اول حادثه صارت وكارثه كانت على صناعه النقل البحري وكان هو المفتاح الاول او هي البصمه الاولى اللي حطتها المنظمه البحريه الدوليه اللي هي الاي ام او وانشات القوانين السلامه البحريه الدوليه اللي احنا نسميها سولس وبعد كده صار فيها تحديث كل فتره بس كيف يصير التحديث هذا ما يصير الا للاسف الشديد عن طريق حادث بحري او غرق سفينه وكانت اغلب السفن اللي تغير في هذه الاتفاقيات سفن ركاب لان هي اللي فيها الارواح او زهق الارواح لانه السفن التجاريه احنا العدد قليل يعني زي ما قلت 25 30 ما نزيد ف لا قدر الله سهل ان احنا نحصر عددنا وسهل ان احنا ننقذ بعض لانه كلنا بنخضع الى تدريب مكثف وشاق عشان تحافظ على روحك وعلى الارواح الناس اللي شغالين معك غير من سياسه السلامه في غير من الصناعه كامله ما كان في سولس المعاهده هذه لما جات وصار عليها اجتماعات دوليه بس اعطينا امثله كيف فرقت السلامه كيف كانت قبل تيتانيك يعني على سبيل المثال معدات السلامه اللي كانت موجوده ما كانت كافيه لعدد الركاب بالكامل فهي لما صارت الحادثه هذه صار معدات السلامه بنسبه 100% انت عندك معدات انقاذ فلنفرض مثلا ل 1000 شخص ما تشيل اكثر من 1000 شخص من ركاب والطاقم بعدين لما صارت حوادث سالم اكسبرس غيرت لما جت حادثه السلام غيرت صار الان تشيل 200% بالذات سفن الركاب بالاضافه للطاقم يعني مش بس لركاب الركاب مع الطاقم تذكر اليوم اللي صير في قبطان لما اخذت الشهاده حق القطان او الترقيه ايوه اليوم هذا كان يوم سبحان الله غريب انا اختبرت و طلعت النتيجه كيف كان شكل الاختبار؟ الاختبار شفوي انت تختبر تحريري وشفوي تحريري وشفوي ليه ما توصل الى شهاده القبطان شهاده القبطان انت تقعد مع المحاضرين اللي بيختبروك كم حظ انت وحظك اثنين ثلاثه واحد حسب ما يكون الجدول او حسب القطاع او الماده اللي انت بتختبر فيها ا مو اختبار واحد اكثر من اختبار لا لا اكثر من اختبار سته سبعه اختبارات فانت بتختبر في كل ما سبق دراسته الى ما وصلت الى هذا المكان قانون منع تصادم قانون بحري قانون مدني ا تحميل وتفريغ بضائع التعامل مع ال المخاطر المختلفه ف تخطيط ابحار لرحله من الالف الى الياء التعامل مع النجوم والشمس والقمر ا التعامل مع الناس اشياء كثير كثير انت بتختبر فيها اتزان سفن منع تلوث المعاهدات وال المختلفه البروتوكولات المختلفه حول العالم فانت ما تدري فين السؤال يجيك وانت لازم ك يعني جالس الى ان انت تحضر نفسك ان انت تتوقع اي سؤال من اي مكان ا سيمنشيب اللي هي المهارات البحريه المختلفه فشيء كثير وانت وحظك عاد فين يجيك السؤال كيف يجيك السؤال كيف طريقه الرد ولازم تجاوب والثباته الانفعال كان في يعني محاضر كان بيستفزك لازم عشان يشوف ايش الاكشن اللي انت تاخذه لا قدر الله في حالات كيف استفزك؟ ا ممكن انت تتكلم يقوم ويسيبك ويمشي ا يتكلم مع صاحبه ويطنشك بس هو طبعا اذنه معك يبقى كلمات معينه او اشياء معينه انت تذكرها عشان يعديك ولا يسقطك ا انت بتتكلم يقوم رامي عليك ورقه مثلا او يقوللك بطلوها ترى لا لا احنا في شغلنا لا احنا بحاره شرسين شرسين لا مش قديمه او بطلوها لا لان هو يب يشوف الثبات الانفعالي عندك كيف بس توصلنا في ممارسه غير مهنيه في عالم الموارد البشريه ا ممكن بس احنا في شغلنا لان انت بتتعامل طيب خلينا نقولها من صوره اخرى انت عندك على السفينه قول 20 شخص دارسين مع بعض انتم من نفس المدرسه من نفس البلد من نفس الديانه من نفس المله من نفس العرف من نفس العادات والتقاليد لا فانت لازم عشان توصل للمكان هذا تعرف تتعامل مع الناس هذول كل واحد وحسب تفكيره وتطلع افضل ما فيه لانه لو واحد منهم سيء تراها انت المسؤول عنه وعن تصرفاته ككابتن ام فلازم تطلع افضل ما فيه وحتى لو هو سيء انا ارفع سما التليفون مثلا وارسل ايميل للشركه نزل فلان نزل فلان نزله فلان انت كده عليك علامه استفهام لما انت كل ما طلعت سفينه وصرت كابتن عليها نزله فلان نزل فلان نزلوا فلان هي السفينه معلش شركه اقتصاديه الم يعني المردود منها مادي و دخل لملاك السفن او الشركات لكن لما يجيني كابتن كل شويه يقول لي نزل فلان نزل فلان نزل فلان تذكرته دي على حساب مين لانه هذا تكلفه بتضاف على مصاريف السفينه فانت ككابتن عليك حمل فوق ما انت تتخيل كانسان انسان يعني ما ما انت في المجال انت دكتور نفسي انت محاسب انت مستشار انت مربي انت استاذ انت معلم انت طباخ انت نجار انت حداد لان اي احد من افراد الطاقم حقك جا قاللك انا ما اعرف الشغله دي انت مجبر توريله انت مجبر تحط ايدك وتوريله انت قبل ما توصل لكلمه كابتن او تطلق على نفسك كلمه انا كابتن الكابتن مش الكابتن فعله تصرف يعني في بعض الدول من جيراننا في المنطقه اول ما يخش الكليه يكتب لك قدام اسمه القبطان فلان لا يا حبيبي انت ما انت قبطان انت ما حكيت ولا شفت البحر لسه ولا دخلت البحر وتقول والله كابتن فلان راحفلان كابتن فلان جاي ولا عشان انا حاطط بدله ولا متصور صوره باربع شه ما كلموك اه لسه الجن ما كلموك ما شفت البحر ما شفت الاعاصير ما شفت ما حكيت وكلمه كلمه الكابتن هذه ترى كلمه ما هي ما هي سهله انا انطقها على اي احد قولي كيف استلمت الشهاده او والله انا حكيتك في البدايه قلت لك انا ابوي رحمه الله عليه كان يقول لي ابغى اشوف شهادتك ابغى اشوف شهادتك ابغى اشوف شهادتك اختبرته وطلعت النتيجه في نفس التوقيت هذا انا كنت شغال على سفينه انا وواحد زميل لي سعودي شيف اوفيسر كنا احنا الاثنين فكنا شغالين باك تو باك يعني نبدل بعض فانا المفروض جالس الى واستلم شهاداتي واخلص واخذ بعضي واطلع بحر اتصل علي قال لي معلش انا عندي ظروف زوجتي بتعمل عمليه وارجوك تعلي خلصت اختباراتك وطلعت النتيجه قلت له الحمد لله ربنا اكرمني ونجحت وباقي لي اسبوع عش ايام عبل ما الم اوراقي وشهاداتي ومش عارف مين قال لي تكفى انا زوجتي بتعمل عمليه قال له ابشر خلاص من عيوني الاثنين كلم الشركه وانا كلمت الشركه تقدر تيجي تقدر تيجي واخذت بعدي ومشيت خلاص سبت شهادتي لان شهادتي حق الضابط الاول ما زالت لسه فيها شغاله يعني ما انتهت وسافرت كلمت ابويا والله صار كده كذا كده كده وحط طبعا هو فرح فرحه لا تتخيلها قال لي انا اروح اجيب الشهاده قال له طيب وطبعا راح استلم الشهاده بدالي فكان فرحان بها كانه هو اللي اختبر هو اللي اخذ الشهاده لانه كان عنده حلم حياته انه هو يشوفني انا مععاي الشهاده وانا كابتن في يوم من الايام والحمد لله والشكر لله ربنا اراد وقدرت احقق له الامنيه هذه بفضل الله سبحانه وتعالى كان هذا عام كم؟ 2006 ما شاء الله طيب قلت لك تقريبا 19 سنه قبطان اي اه كقبطان كقبطان 17 سنه امم وبعد ما تاخذ اللي هو يصير قبطان او كابتن لا اخذت الشهاده ولا اخذت الرتبه هذه شهاده ليش هذه شهاده ربان او شهاده قبطان في فرق بين الشهاده والرتبه ايوه في شهاده ما بين الشهاده والرتبه انا ممكن اكون معي انا شغال كضابط ثالث او ثيرد اوفيسر وعندي شهاده قبطان اها فهذه ما لها بدي انت تستنى وقت الترقيات ام بس اللهم احد متطلبات الترقيه وجود الشهاده وجود الشهاده فانت تاخذها وتجهز نفسك اترقيت ضابط اول وانا ما كان عندي شهاده ربان لان من متطلبات الترقيه انه يكون عندي الشهاده انا ما كان عندي الشهاده انا ربنا اكرمني وحظي كان كويس كنت جاهز للترقيه بس ما عندي الشهاده فممكن تترق ما عندك شهاده ممكن تاخذ الشهاده وما تتر وما تترقى بس القبطان او ال لازم يكون عند الشهاده لان انت لو ما عندك الشهاده السفينه ما تبحر اه اي لان في حاجه اسمها بورت ستيت كنترول فهدول سلطه المينا وسلطه العلم حق السفينه انا لما بيتغير عندي كابتن كمالك سفينه لازم ابلغهم اقول لهم ترى الكابتن ده طلع والكابتن ده نزل لان في شهادات عشان انا ادخل المينا بيطلع عندي مفتش تعال يا كابتن وريني الشهادات اللي عندك عنده ليسته ابى شهاده كذا وشهاده تزوير ايوه طبعا بيصير ما عنده 10 نفوس بيمر طبعا بس لو انكفشت مشكله انت كده يعني عليك وعلى الشركه انت 2005 اخذت الشهاده 2007 2006 اخذت الشهاده 2007 اخذت الترقيه او 2006 اخذت الشهاده و2008 ترقيت اوه ما شاء الله اي امم ف الحمد لله والشكر لله يعني بعد ما تاخذ قبطان في درجات اعلى برضه لا خلاص انت كده الهرم الوظيفي وصلت له ام هذا في الاوفرسيز في الاوف شور او في القطاع النفط شيء ثاني اشرح لي الفرق بين هذا وب طيب القطاع النفطي طبعا خلينا نتكلم اول شيء عشان زي ما يقولوا ندي القطاع البحري التجاري حقه القبطان في القطاع البحري التجاري هو هذه اعلى وظيفه او اعلى سلم وظيفي خلاص بعد كده انت يا تكمل في البحر يا انت تنزل المكاتب وتصير عندك وظيفه اداريه جميل خلاص كده خلصنا من ال من السفن التجاريه نيجي في الاوفور الاوفور او عالم النفط هذا قطاع وصناعه مختلفه تماما هو يتقابل مع القطاع التجاري في الشهادات فقط لا غير نفس المسميات الوظيفيه نفس الشهادات نختبر مع بعض ندرس مع بعض بس هذا تخصص وهذا تخصص حلو نرجع ثاني برضه حاجه بسيطه ورا السفن مثلا الغاز تخصص البترول النفط تخصص الركاب تخصص فانا لما اكون دارس كلنا ندرس سوا بس عشان اشتغل على السفينه هذه في دورات او شهادات لازم اكون حاصل عليها عشان اقدر اكمل ترقياتي في السفن هذه برضو كله نرجع لايش؟ لتايتانيك وسولس والحوادث البحريه اللي صارت زمان كان الواحد رحله يطلع على سفينه بترول بكره على سفينه غاز بعده على سفينه ركاب مع كثر الحوادث اصبح في تخصص في كل مجال زي مجال الاوفور الان مو اي احد يجيني من الاوفرسيز او التجاري يقدر يشتغل عنده في الاوفشور لازم ينزل رتبه ويبدا يتدرب لانها صناعه مختلفه شغل او طريقه عمل مختلفه انت هنا بتتعامل مع بترول بتعامل مع غاز مع مياه ضحله دخلت العالم هذا ايوه انا الحمد لله والشكر لله من القلائل على مستوى العالم رجموف ماستر شرح لي الريموف ماستر هذه اعلى رتبه في الاوفور فالحمد لله والشكر لله انا ريموف ماستر وقبلها كنت بارج ماستر وقبلها كنت على السفن المختلفه في الاوفور ايو ما دخل افضل التجاري ولا النفطي هذا حسد ولا لا لا يعني هذا حساس بحسد ما كنا في ال000 ريال في الاول حلوين حسيت فيك نصر الحسن كاس مهري بس بالسوق كده الله يبارك لكم لا هذه صناعه وهذه صناعه طبعا انت هنا خطر وهنا خطر بس الخطر في الاوفور اكثر نفط في النفط والغلطه بجون يعني الغلطه انت كده اخذت ريجكت وترفدت من عملك وبلاك ليست وما تلاقي وظيفه مدى الحياه اوه فالريسك فيها عالي جدا حصل احد زملائك اخذ بلاك ليست في كثير كان بسبب ايش غلطه وغلطه تكون مقصوده او غير طبعا هي الغلطه ما هي مقصوده لانهم ناس لهم سنين شغالين في الشغله هذه فهمت علي كيف ولكن من القوانين عشان الشركه تحمي نفسها وتامين وما تامين وتعويضات ومش عارف مين الرجل هذا يدوا له بلاك ليست الان ما شاء الله لو تشرح لي بس المنصب الحالي لو قلت لي واحده الريموف ماستر هو محرك حفارات البترول في البحر ام فطبعا يجي تحت المسمى هذا وظائف كثير يعني مثلا اي واحد يجيني جديد يدخل مجال الاوفور احنا الفريق حقنا لازم يطلع على السي في حقه يشوف شهاداته هل هي سليمه ولا مضروبه هل هو عنده الخبره الكافيه ولا لا احنا اللي نختبره عشان يبدا يدخل المجال وكل ما يتدرج في الشهادات برضو نرجع نختبره من اوله وجديد بالاضافه الى احنا عندنا حاجه اسمها جاكب بارج الجاكب بارج هذه يتحر سفينه صندوقيه عليها ليجز الليجز هذه تيجي السفينه على المنصه وترتفع اليه ما تصير بحذر المنصه خارج المويه فهذه لها ناس دو مواصفات عشان يقدروا يحركوها مش اي كابتن يقدر يشغلها او مو اي كابتن يقدر يحركها حفاره البترول اللي يحفر الاعيان حق البترول في البحر برضه ما يتحرك الحفار هذا الا بخطه معينه بطريقه معينه دراسات من الجيولوجيا الى البحار الى الاعماق الى الهندسه عشان ينقل الحفار من الف الى باء ويوقفوا في المكان عشان يحفروا المهندسين حقون الحفر متوسط راتب القبطان النفطي كم تقريبا الريموف ماستر لا احنا يعني احنا ك مواطنين يعني لنا نظام وغير المواطنين لهم نظام اخر احنا نظام العمل في ال الاوفور باليوميه لغير السعوديين غير السعوديين غير السعوديين اما السعودي بالراتب لان انت عندك تامينات وتامين على الحياه وتامين طبي بس عالميه كم متوسط ممكن راتبهم لا رواتب كبيره يعني الريموف ماستر مثلا يوصل الى 1800 دولار في اليوم امم البارج ماستر يعني من 1000 دولار الى 1500 1200 هذا الرينج حقه طبعا هو سوق طلبه عرض ا ففي ايام تلقى في طلب لما يرتفع سعر البترول فيصير في طلب على الوظائف هذه وفي ايام لا ما في طلب فينزل الاسعار الان اللي بيدخل عالم ال الملاح البحريه بشكل عام ايش الخيارات اللي عنده اليوم لو واحد في السعوديه وقرر ان هو يدخل هذا العالم انا اعرف مثلا جامعه ملك عبد العزيز عزيز عندها تخصصات بحريه ما ادري ايش الخيارات اليوم لو شخص يبغى يصير قبطان بحري طيب احنا في عندنا تحدي في الموضوع هذا مازال يعني طبعا انا ما عندي الاجابه ليش ولكن انا حاقول لك انه احنا عندنا هنا في السعوديه في طلب وفي نقص وفي احتياج حتقول لي كيف الكلام هذا كله طيب احنا عندنا كليه الملك عبد العزيز هذه وفي معهد في المنطقه الشرقيه اسمه الاكاديميه الوطنيه البحريه تمام هذول فيهم مخرجات جميله جدا وقويه جدا والشباب اللي انا قابلتهم في الفتره الاخيره خارجين هذول المعاهد اقوياء جدا وعندهم معلومه جميله جدا ولكن انت عشان تخش المعاهد او الكليه هنا الصعب لان الاكادي جامعه الملك عبد العزيز تابعه لنظام الجامعه عشان تدخلها تحضيري وما تحضيري والنظام الجامعي العادي جدا يعني والاكاديميه نما في المنطقه الشرقيه اللي هو نظام وظيفتك دراستك او دراستك وظيفتك انت تدرس تتخرج تلاقي الوظيفه باذن الله تعالى فما ما هم فاتحينها لسه للعامه هل في احصائيه العدد القباطنه او ايش الجمع ال الضباط البحريين او المهندسين البحريين في السعوديه كم تقريبا في السعوديه كثير بس يعني زي ما قلت لك هي احنا عشان المجال جديد عندنا فهيئه النقل مع الجامعه مع المعهد مع الشركات لازم يصير في بينهم ورش عمل يعني على فترات بحيث يشوفوا ايش سوق العمل على سبيل المثال انا شغال على سفينه فيها 30 وظيفه احنا السعوديين ثلاثه اربع انفار امم ليش هذه علامه استفهام كبيره جامعه الملك عبد العزيز بتخرج معهدنا ما بيخرج في معاهد خاصه الان بدات تظهر في السوق معترف بها من هيئه النقل لان هيئه النقل هي الج اله الجهه المخوله او المفوضه عشان تدي المعاهد الاعتراف انها تصدر الشهادات البحريه طيب لازم يقعدوا مع بعض ولازم يحددوا خطه يمشوا عليها عشان المخرجات الجميله من الشباب هذه تلاقي الوظيفه في الوقت المناسب لان ما زال في تكدس في الجامعه في تكدس الطلبه متخرجين كثير وفي نقص في البحر ف كيف ليش؟ ايش نصيحتك لاي شخص بيكون بحري او يدخل عالم البحار؟ لا تخش المجال ده اللي انت عارفه لانك حتدق ريوس وترجع ما حتكمل لانه المجال ده مو لاي احد لمين؟ اذا ما عندك الشغف وعندك المعرفه بالمجال هذا ما حتقدر تكمل لان المجال ده الوحيد اللي ما فيه ترجع ورا يعني يبغى له مثلا قوه قلب لا يبغى له معرفه بالمجال يعني بس ايش الصفات الشخصيه ممكن تكون معرفه موجوده يمكن في كل المجالات شخص يحتاج معرفه شوف ا خلينا نرجع نقول اصابعك مو زي بعض في واحد يبى يصير مهندس في واحد يبى يصير دكتور في واحد يبى يصير طيار في واحد يبى يصير الوظائف المختلفه اللي موجوده على على اليابسه يعني البحار مو اي واحد يقدر لان انت بتسيب اهلك واصحابك وناسك وحبايبك واولادك وزوجتك بالشهور وبالايام ام فاذا انت ما عندك الاستطاعه هذه ما حتقدر طيب انا اقول لك ابوي الله يرحمه لما انا دخلت انا عندي اخ اصغر مني كان نفسه ومنى عينه يدخ بحري قال له انا ما اقدر اخويا شيء وانا شيء هو سامعنا دحين اكيد هو معانا في الغرفه هنا معانا في الغرفه وما قدر ما شاء الله فجاء قال انا ابغى ادخل مجال معين ابويا في البدايه عارض قلت له لا مادام هو اختار يا ابويا خليه يكمل وحينجح وحيوصل قال لي بس يا ولدي قلت يا ابوي الدنيا تغيرت تعرف الاهل زمان برضه تفكيرنا العيله الناس ياكلوا وجهنا مش عارف مين قال له لا خليه ادي له فرصه وخليه يجرب وما شاء الله تبارك الله نجح في مجاله مجال ايش اه ما شاء الله ما شاء الله ما شاء الله بحريه ولا ش يبغى لك حلقه ثانيه انا بختم الحلقه بالاعصار الكبير القصه اعطيني هي كواليسها صار الكبير انا كده سميتها من عندي طيب ودي اسمع الكواليس وهي فعلا الحكايه هذه ترى او القصه هذه انا يعني خلتني افكر فعليا في ان انا انتقل نقله نوعيه في حياتي او اغير مجرى سير حياتي تماما بس كيف ما كنت عارف بس كل شيء ربنا كاتبه الاعصار هذا 2005 كان اسمه كاترينا كنا في امريكا وانا كنت شغال شيف اوفسر على سفينه هنا ال 45000 طن هذه قلت لك عليها وصار عندنا مشكله الكابتن ا صارت له ظرف وجابه كابتن جديد اول مره يشتغل على السفون هذه وقالوا معك شيف اوفيسر قديم يقدر يسندك الى ما ايش تعرف السفينه وطلعنا الرحله دي واحنا داخلين على مينا هيوستن جانا تحذيرات على الاعصار هذا انه خلوا بالكم لانه هم متقدمين في موضوع الاعاصير هذا بشكل جدا كبير الاعصار حيضرب مينا او حيضرب مدينه الفلانيه الساعه الفلانيه حيضرب الحته الفلانيه الساعه الفلانيه حيوصل في كذا فجينا احنا داخلين قالوا لنا لا تخشوا المينا قافله فاطلعوا بحر الكابتن قال لا السفينه هذه كبيره وحتتحمل وحنقعد في منطقه الانتظار منطقه الانتظار هذه ومنطقه المخطاف محاطه بحقل البترول فحقل البترول هذا في بايب لاين تحت الارض او مواصير حق بترول وكيابل كهرباء وخطوط تلفون فخريطه موجوده تحت الارض احنا ما ندري عنها شيء قال لا يا كابتن السفن الكبيره كلها بتجري قال لي لا حنقعد قلت له طيب ايش كانت مرتبتك وقتها شيفصر مساعد اول ام تمام بس انا اوريدي على السفينه هذه لي 10 سنين ونص واخذت الرتب كلها الى ما وصلت مساعد اول او شيف اوفسر يا كابتن خلينا نطلع يا كابتن لسه عندنا وقت قال لي لا تاخرنا لان الاعصار بدا ايش بدات المطره تيجي قال لي انا حزود الجنزير حق ال المرساه كمان اثنين ثلاثه شكل احنا نسميه شكل كل 27 متر ونص نسميه شاكل حطول عليه زياده بحيث انه هو يديني صلابه في القاع والقاع طيني فحتغطص الثلاثه اربع كيبل هذه عشان تديني رساوه اكثر يا كابتن ترى ورانا حقل بترول وفي كهرباء وفي مواصير حق بترول وفي قال لي لا وانا حتفق مع الشيف انجينير انه لو احتجت الماكينه اديني هي لان يبقى ساعه تحضير للماكينه عشان تشتغل قال لا انا حخليه 20 دقيقه كفايه عليه اوكي نزلت غرفتي لبست الكفارول الحجي وجهزت نفسي وقاعد مستني الساعه 89 بالليل بدات المطره والسفينه بدات الحين انتوا على المينا ولا ماشي لا لا في المرساه ما دخلنا المينا المينا قافله لانه المينا طردت كل السفن شرح لي اكثر مرساح المرساه هذه منطقه او بالانجليزي يسموه الانكور تمام الانكر هذا عباره عن مرساب بترميها في البحر او في بتوصل للقاع بتمسك في الارض القاع البحر بطريقه معينه ترسوا السفينه عليها يصير تلف على الجنزير حقها سلسله عاديه بس طبعا حجم السفينه وضف ثابته هذه في الاحوال الجويه الاعتياديه لكن في اصار لا يمكن تثبت فانت الخلاف بينك وبين القبطان انت بتقول له ترى خل نحرك خلينا نطلع البحر مفتوح اي احنا ناكل العلقه حق الاعصار بره في البحر افضل ما ان احنا ما نكون مسيطرين على السفينه والهواء والموج انت خايف انه الاعصار يجي وانتم ثابتين واقفين اي ما احنا ثابتين احنا نفضل قاعدين على المرساه والبحر يودينا ويجبنا براحته لكن لما نكون احنا معنا المكاين في يدنا ندخل بطريقه معينه وبزاويه معينه في الريح نخفف الاضرار على السفينه وعلى البضاعه اللي معانا ام وعلى الناس اللي معانا ش كان تبرير هذا ايش كان السفينه كبيره و حتتحمل السفينه كبيره وتتحمل قلت له اوكي زي ما قلت لك الساعه 89 بالليل بدات المطره وانا جاهز ومستني اتصال عشان اروح ارفع المرساه ونطلع بحر فعلا جاني الاتصال انا 10 سنين ونص على السفينه فعارفها اكثر ماي عارف بيتي بدا الاعصار والموج والهواء البحار اللي في الورديه قالوا سوري احنا ما حنطلع في الجو هذا رحت ناديت البشريس اللي هو كبير البحاره هذا الولد او الرجل هذا احنا طلعنا مع بعض كان نص بحري انا ضابط ثالث سكند اوفيسر هو صار بحري انا شيف اوفسر صار هو كبير بحاره تطلع معاي قال لي معك ما يحل ما تروح قال له بس ترى هوا ومطره قال لي ما في مشكله انت حتروح انا حروح حسين تسحبوا مرساء عشان نشغل الماطور او الماكينه او الهيدروليك هذه ما هي شغله فنيه البحار المفروض يسووها لا بس لازم معه ضابط يروح لانه في قراءات وفي زوايا طب الضابط الثالث خليه لتحتك في الحاله اللي احنا فيها لازم واحد خبير او واحد كبير او واحد قديم هو اللي يسحبه المهم جينا نطلع ولا الهواء مو طبيعي انا اول ما خرجت راسي النظاره اللي في عيني طارت والهلمت اللي انا لابسه طار قوللك روح بسرعه جيب سيفتي بلت اللي هو حزام الامان هذا لك واحد وربطنا نفسنا وشنكلنا بعضنا في بعض وطلعنا وصرنا يعني نحبي زي اللي نحبي نحبي نحبي الين ما وصلنا اول السفينه اول ما وصلنا القيدومه حق السفينه ومقدمه السفينه شفنا موج جبال السفينه ارتفاعها من خط المويه تقريبا في حدود 228 متر السفينه تغطص تغرف المويه وتعبي وتش في البحر تغطص تعبي وتعبي قال له كيف حنخش قال لي ما ادري قال اقول لك اني وقت لان احنا في باب لازم نفتحه عشان يشغل البمب اللي حنسحب عليها الجنزير هذا اللي هي الهيدروليك روم احنا نسميها نوقف في الطلعه نخش نفتح ونقفل البيبان لانه لو دخلت مويه في الباب ده ممكن تدخل مويه وتغرق السفينه قال لي خلاص اول ما طلعت قال لي سير ليتس جو فتحنا تك تك شغل قفلنا الباب وتخبينا نزلت السفينه غرفت الموجه وطلعت فكينا البريك وعشقنا الونش وصرنا ساحبين خلاص لما ماسكين اليد حق السحب ما نقدر نفكها وانا ماني قادر اروح اشوف اتجاه الجنزير فين رايح والدنيا ظلام فسامع شايف الجنزير بيطلع طلع وبيطلع معه طين يعني بدينا ايش نسحبه كابتن اديني سرعه خفيفه على يعني على الامام بغض النظر عن ال الاتجاه بدا يشغل الماكينات بديت احس ان هو يطلع معاي اسرع لانه كان مشدود وبيجيني بشويش فلما اداني سرعه صار ما في عليه تنشن ابتدى يجي معاي بسرعه قال لي كم شكل قلت له انا ماني شايف الدنيا طين والدنيا ليل ماني قادر اشوف صار يسحب يشد معاي شويه اديني سرعه اديني كذا شويه اشوف الجنزير يميني اغير اتجاه السفينه يساري غير اتجاه السفينه فجاه صار هدوء الهدوء ده عين الاعصار الهدوء ده عين الاعصار فجاه ولا شيء ولا مطر ولا هواء ولا موج ولا اي شيء صار يقول لي بسرعه الحق ساد انا ماني شايف فجاه سمعت حاجه قالت قبع الخبطه هذه عرفت انه المرساه دخلت في السفينه اربط وكتف وحط الستوبر ومش عارف مين والبريك وده خلاص كده السفينه حره تقدر تبحر انكر هوم يا كابتن اول يورس قال لي كويكلي ارجع واحنا بنقفل وبنطفي البمب حق الهيدروليك حق الهذا الا شويه اشوف لكف والسفينه بدات تغرف مويه جينا نطلع انسى الموضوع لانه بدا يلف بالسفينه والسفينه صارت يمين وشمال وصرنا شايفين الم يعني لو سويت يدي كده من الغرفه اللي انا فيها امسك البحر قفلنا الباب انتوا بره ولا جو احنا بره احنا برا فخلاص نبقى نرجع فقدامي اربعه ارتفاع كونتينر تمام وبيني وما بين المسار اللي انا اقدر ارجع منه السكن تقريبا عرض اربعه خمسه كونتينرات الكونتينر الواحد تقريبا مترين و60 مترين و20 فجاه لقيت نفسي برتفع من الارض انا وزني كبير ماني ماني رشيق تمام اقسم بالله العظيم لقيت نفسي برتفع من الارض يعني بتطير بطير تمام لقيت قدامي ريلينج احنا نسميه اللي هو دربزين كفشت في الدرابزين هذا ورجولي بدات تطلع من الارض البحري اللي معاي ادور عليه الغرفه دي عشان ادخلها فيها عتبه بعدين ادوس على العتبه اقدر اخش الغرفه دي حشر نفسه بوسطه ما بين العتبه وسطح السفينه وصار متكرفس وماسك الحبل اللي ما بيني وما بينه وانا برتفع صرت ماسك ومرتفع برتفع في فنت ماصوره كده جايه زي راس الوزه تمام حشرتها برجلي وماسك بايدي وانا طاير والراجل اللي معي ماسكني بالحبل هذا طبعا شريط حياتي كله قدامي معلش انا بدمع لانه المنظر مره كان مرعب شريط حياتي كله قدامي هذا كان عام كم 2005 شريت حياتي كله قدامي اهلي امي ابويا اخواني عيالي انا حموت انا حموت فعليا وصار ماسكني ماسكني ماسكني الين ما ربنا اراد انه الكابتن يغير اتجاه السفينه وصار عندنا مصده هواء يعني الهواء اللي احنا كنا فيه او المعمع اللي احنا كنا فيها مع ارتفاع الكونتينرات من الاجناب فجاه راحت فجاه سحبني ودخلنا الاوضه اللي كنا ايش نفتح ونطفي منها الطرمبات هذه وقفلنا البيبان وقبع قبع موج تحت يمين شمال مال لقيت انا برميل وهو برميل برميل حق الزيت هذه 200 لتر جوا احنا في الغرفه دحين والسفينه مبحره تمام بيطلع بحر خلاص الرجال قرر ان هو يطلع بحر بحر مفتوح ينادوا علينا طبعا الغرفه مقفله والمسافه والهواء ما في سجنال ان احنا نقدر نتواصل مع بعض المهم افتكرت انه تحت في الغرفه هذه في راديو او يسموه ساوند باور سيستم اللي هو زي حق زمان اللي يشوفه في الافلام الطيارات القديمه سماعه الوين وتليفون ابو حلزون هذا نزلت سويت كده سمعوا فوق في غرفه القياده انتم حيين ايوه احنا حيين وقاعدين هنا لحد انتم ما تيجوا تفتحونا الباب يلا مع السلامه لا اكل لا مويه لا شرب لا شيء لان احنا ما احنا يعني احنا رايحين نسحب الانكر حق السفينه ونرجع يعني مساله ساعه بكثير مثلا قعدنا يوم ونص اوه واحنا موجه تشيلنا موجه تحطنا موجه تحطنا وموجه تشيلنا وهواء ونسمع اصوات غريبه كونتينرات بتطيح قربعه فجاه دوف فجاه دم فجاه جميع الاصوات اللي تسمعها وتتخيلها في اليوم والنص هذا اللي احنا ما ندري الوقت كم قاعدين انا وهو عباره عن لمبه شويه تشتغل شويه تطفي مع قوه الهبد حق البحر الين ما خلصت ال الاعصار هذا خلص ودا جو صاروا يفكوا البيبان ينادوا علينا اللي جايب بطانيه اللي جايب اكل اللي جايب مويه طبعا خايفين علينا يعني ناس عايشين معهم سنين احنا شغالين مع بعض المهم طلعنا انا واللي معاي ده في قمه التعاسه في قمه الالم العاطفي والنفسي وال موشنالي وكل شيء كل شي كل شيء طالع في بعض يبكي شويه وانا ابكي شويه طالع في بعض اصلي شويه وهو يصلي شويه لا كانت ماساه ماساه خرجنا من الغرفه دي زي ما بقول لك تقريبا يوم ونص قعدنا بالصدفه لقينا قاروره مويه ما ادري مين نسيها بالغلط بس ان انا اخذ شفطه وهو ياخذ شفطه بس ايش نبلبل ا لان ما معنا شيء ما معنا شيء فعليا وعدينا الحمد لله الاعصار هذا كونتينرات طحت في المويه تكسرت بضاعه ناس راحت بس طبعا التامين يعوض ودا يعوض ودا يعوض بس قررت انا بعدها ان انا اغير مسار حياتي واشوف شيء ثاني بديل طبعا عيب الشغله هذه البديل قليل بس ربنا كرمني وجاتني فرصه واخذتها وطورت نفسي فيها والحمد لله طلعت من الاوفرسيز رحت للنفط رحت للنفط النفط ما في المخاطر هذ في بس مختلف هو هي شغله خطر انا ليش قلت لك الداخل مفقود والخارج مولود لانه كله خطر لان شغلتنا لو ما تخاطر ام ما تجيب الغنايم ما توصل ام لازم تخاطر بس الخطر بحذر تجيب طار الوصيه تقول تكتب وصيتك قبل ايوه انا كل رحله قبل ما اطلع من بيتي انا كاتب وصيتي ايش تكتب فيها ا يعني امور ماليه تكتب فيها ما عندي شيء يعني غنماتكم واحده قايمه وواحده نايمه يعني ما عندي شيء ولكن مثلا في بعض الامور يعني خلوا بالكم على كذا خلوا بالكم على كذا خلوا بالكم على كذا بس هذا لما كانوا اولاد صغار انا تزوجت بدري واولادي ما شاء الله كبروا معاي يعني فخلاص خلا مستمين يا بابا انت كل اسبوع تقول نفسك كلام هذا فخلاص حافظين الدرس يعني ما لازم يعني الاعمار بيد الله ما تدري متى الساعه كم صباح مساء مادري بامر الله سبحانه وتعالى الله يكتب لك طوله العمر ان شاء الله يا رب جميعا الله يعطيك العافيه شكرا على وقتك ما ادري عمر عندك اضافه في شيء ايوه ام ام في سفينه لها ربانين واحد قدام واحد ورا لا ما صار يا را سفن الركاب الكروز لها كابتنين اثنين بشفتين لا كابتن مسؤول عن الابحار والصيانه للسفينه وكابتن مسؤول عن الانترتينمنت ام الضيافه واستقبال الناس بس ما بينهم تعارض كيف ما بينهم تعاون عفوا تعارض تعارض لا لا لانه هذا مسؤول عن السفينه وابحارها وصيانتها والطاقم حقه وهذا مسؤول لان انت يعني مع احترامي الشديد الراكب بالنسبه لنا احنا في الصناعه البحريه انت كارجو انت ايش انت كارجو بضاعه لازم احافظ عليها انت سايح او انت راكب لكن انا بتعامل معك ماديا انت بالنسبه لي كارجو لازم احافظ عليها فكيف احافظ عليها لازم اهي لك الجو المناسب الطريقه المناسبه و و كيف اقدر اسيطر على الموضوع هذا لان زي ما قلت لك في سفن يوصل عدد البحاره فيها او الطاقم حقها الى 800 الى بني ادم ام مين اللي حيدير المنظومه هذه؟ هي زي فرقه موسيقيه مين قائد الاوركسترا اللي واقف اول واحد فلازم يكون كابتن ذو مواصفات معينه يقود هذه المسيره انت بدك تتقاعد؟ والله باقرب وقت ممكن خلاص تعبت بس كل ما افكر ان انا اتقاعد طيب انا راجل ولفت على البحر نسبه الادرينالين اللي انا في المصاعب اشوفها حافقدها ف ايش الخيارات اللي ممكن يعني الناس اللي وصلوا للكرير حقك انا اشتغلت في المكتب واشتغلت في شركات واشتغلت كذا واشتغلت كذا انا ما الاقي نفسي الا على السفينه امم ما الاقي نفسي الا وانا بادي اوامر يمين شمال على طول خفف سرعه انوي كذا اعمل كذا هل شخصيا بتاثر على البيت في القياده ها ها نزل الغداء ارفع الغداء صوت التلفزيون مواعيد اه ايوه انا عندي الوجبات مقدسه يعني انا فطوري الساعه 5سه الفجر اه غدايا الساعه 11 11 ونص ماكسيموم وعشايه من خمسه لخسه ونص اه اي لان هذا النظام اللي ماشيه عليه في البحر لما اجي البر مثلا اتازم اولادي مثلا احنا بنفطر الساعه 11 ون30 اي بالضبط اولادي مثلا في المدارس اجوا عبل ما يجوا الساعه 2ين الغداء العشاء مش قبل الساعه 89 بالليل انا الساعه 89 بالليل خلاص انا بفكر اخش انام ففي تعارض مصالح في الموضوع هذا فاضطر ان انا اعدل وان انا امشي على البيت لما ارجع على السفينه اضطر ان انا اعدل وارجع على نظام السفينه لانه الكابتن لازم يقعد مع الناس وقت الوجبه ام اه ايوه لان هي دي الوقت اللي انا بشوف الناس فيه لان وقت الدوامات كل واحد مشغول في دوامه ما لو شفتك معناته عندك حاجه يا ان انا جاي ا يعني عندك شيء انت طالبني فيه او انت جاي تشوفني عندك مشكله تبقى تنزل تبقى تختم ورقه تبغى تمضي ورقه فالتواصل ما بيني وما بين الطاقم اللي عندي وقت الوجبه يعني انا على سفينه الان فيها 88 بني ادم انكلودين ماي سلف يعني انا من ضمنهم فما بشوف ال 88 شخص هذول كل يوم الا وقت الوجبات في ناس اشوفهم الصباح لانهم يخشوا يرتاحوا او رايحين شغلهم وفي ناس اشوفهم وقت الغداء وفي ناس اشوفهم وقت العشاء فنظام عسكري بحت دحين جاي وقت العشاء يا ابو ما بدخرك الله يسعدك يا رب ان شاء الله يعطيك العافيه الله يعافيك الله يكرمك شكرا لكم جميعا ان شاء