فيزياء 2 ث الفيديو 11 انكسار الضوء

السلام عليكم ورحمه الله وبركاته ازيكم يا شباب في الفيديو ده باذن الله هشرح ظاهره انكسار الضوء بس صلوا على النبي عليه الصلاه والسلام يعني ايه انكسار ضوء هنجيب الضوء ونكسره ولا ايه اه هنجيب الضوء ونكسره ازاي ركزوا معايا تخيلوا بان عندنا كوبايات ميه وكوبايه الميه دي هنحط فيها قلم لما نيجي نبص على الكوبايه من بعيد هنحس او عينينا هتحس ان القلم مكسور ايوه بس احنا حاطين القلم في الكوبايه بايدينا ومتاكدين انه سليم مش مكسور ولا حاجه هينفع نشوف المنظر ده من غير ما نفسره ما ينفعش ما تبقاش فيزياء تعالوا نفسر مع بعض واحده واحده كده اول حاجه هو عينينا بتشوف ايه يا شباب عينينا بتشوف الاشعه الضوئيه المنعكسه من على الاجسام يعني لو انت واقف قصادي دلوقتي انت شايفني بفعل الضوء اللي سقط عليا وبعد كده ارتد وراح لعينيك طيب بما ان القلم سليم مش يمكن الاشعه الضوئيه المنعكسه من على هذا الشكل كده وهي جايه لنا هي اللي حصل فيها حاجه هي اللي اتكسرت مثلا وبينت لنا ان القلم مكسور بالظبط ده كده يا شباب اللي حصل الاشعه الضوئيه نفسها هي اللي اتكسرت يعني ايه اتكسرت يعني غيرت المسار بتاعها مره واحده طيب ا نبدا نتكلم من ناحيه علميه شويه الضوء عرفنا انه موجه كهرومغناطيسيه بينتشر في الفراغ وايضا في الاوساط الماديه طيب سيبك من الفراغ دلوقتي الضوء المرئي بينتشر في انهي وسط بالظبط؟ يعني بينتشر في الحيطه مثلا بينتشر فيا لا الضوء المرئي بينتشر في الاوساط الشفافه يعني ايه وسط شفاف وزي ايه؟ زي الهواء اللي حوالينا ده الهواء اسمه وسط شفاف الضوء بينتشر خلاله زي ايهاني؟ زي الازاز زي الميه الميه اللي بنشربها دي شفافه اذا الضوء بينتشر فيها بس هل بقى يا شباب الشفافيه بتاعه الهواء زي الشفافيه بتاعه الازاز زي شفافيه الميه لا كل وسط مختلف في درجه الشفافيه بتاعته او يعني في حاجه اسمها الكثافه الضوئيه هشرحها دلوقتي طيب ايه اللي يحصل بقى لشعاع ضوئي كان ماشي في هواء يعني كان ماشي في وسط شفاف واقيس فجاه قابله ميه هيسيب الهواء ويدخل على ميه يعني بينتقل من وسط شفاف الى اخر شفاف يختلف عنه يا ترى هيفضل محافظ على المسار بتاعه لا هيحدث كسر في مسار الشعاع الضوئي يعني ايه كسر في مسار الشعاع الضوئي تعال نشوف مع بعض بس صلوا على النبي عليه الصلاه والسلام تخيل بان عندنا هواء وميه بالشكل ده وفي شعاع ضوئي شعاع ليزر كده مثلا ماشي في الهواء وهينتقل من الهواء الى الماء يا ترى هل هيفضل محافظ على المسار بتاعه؟ الاجابه لا امال ايه اللي هيحصل له ركز معايا هنيجي من عند النقطه اللي الشعاع سقط عليها عند السطح الفاصل بين الوسطين وهنقيم من عندها عمود ايه اللي هيحصل لمسار الشعاع؟ الشعاع هيتكسر يعني ايه هيتكسر يعني هيحدث تغير مفاجئ في المسار بتاعه لما هينتقل من الهواء للميه عند النقطه دي فهمتوا ليه سميت بكسر او ظاهره انكسار ا الضوء عارف لما يكون معاك مثلا عود قصب وتمسكه تكسره كذلك برده الشعاع الضوئي انا كاني مسكت المسار بتاعه وكسرته من عند النقطه دي لما جه ينتقل من الهواء للميه طيب صليتوا على النبي عليه الصلاه والسلام معانا شويه مسميات الزاويه اللي هنا دي اللي هي الزاويه المحصوره ما بين العمود المقام وما بين الشعاع الساقط هنرمز لها بالرمز فاي وبتسمى زاويه السقوط طيب والزاويه دي الشعاع ده اسمه ايه؟ اسمه الشعاع المنكسر الزاويه المحصوره ما بين العمود المقام والشعاع المنكسر هتسمى يتا وبتسمى زاويه الانكسار طيب مفهوم كده يا شباب انكسار الضوء طب عاوزين نعرفه مع بعض ما المقصود بانكسار الضوء ركزوا معايا هو تغير مفاجئ في مسار الشعاع الضوئي عندما ينتقل من وسط شفاف الى اخر شفاف يختلف عنه في الكثافه الضوئيه مفهوم التعريف؟ مفهوم بس معلش انت قلت لي مصطلح في اخر التعريف كده اسمه الكثافه الضوئيه هو يعني ايه كثافه ضوئيه؟ ركز معايا من شويه قلت لك بان الاوساط الشفافه زي الهواء زي الميه زي الازاز بس هل درجه الشفافيه بتاعه الهواء زي الميه زي الازاز؟ لا بيختلفوا عن بعضهم عشان برض تكون متصورها بصوره كويسه ايه الفرق ما بين الرؤيه في الهواء والرؤيه في الميه؟ يعني انت واقف في الهواء اهو عينك بتشوف بصوره معينه تخيل بانك هتلبس بدله غطس وتغطص في الميه وتتفرج بقى على السمك والشعب المرجانيه والكلام ده كله هل الرؤيه بتاعتك في الميه زي الرؤيه في الهواء لا ليه لان الكثافه الضوئيه للماء مش زي الكثافه الضوئيه للهواء طب يعني ايه كثافه ضوئيه تعريفها فيزيائيا ركز معايا تخيل بان عندنا هواء وهواء هنا في زجاج وهنا في ماء وعندنا شعاعين ضوئيين هيسقطوا بنفس الزاويه يعني الشعاع ده يا شباب موازي لده الزاويه دي مثلا 60 ودي زيها 60 بس المره دي هنا يعني الشعاع هينتقل من هواء لزجاج وهنا من هواء لماء يعني هيروح لوسط مختلف عن وسط اخر هنا هينكسر وهنا برض هينكسر بس لما جينا نقيس بقى زاويه الانكسار لقينا ايه؟ لقينا مثلا الزاويه دي ب 45 ولقينا الزاويه اللي هنا دي ب 30 ايه اللي حصل؟ الزجاج كسر الشعاع بقيمه اكبر فمن هنا بقول ان الكثافه الضوئيه للزجاج اكبر من الكثافه الضوئيه للماء طب يعني ايه كثافه ضوئيه؟ هي قدره الوسط على كسر الشعاع الضوئي عند نفاذه مفهوم كده يا شباب صلوا على النبي عليه الصلاه والسلام طيب احنا دلوقتي درسنا لما شعاع ينتقل من هواء الى ماء طب افرض العكس يعني ايه العكس الشعاع هينتقل من الماء الى الهواء بالشكل ده او مثلا عندنا هنا زجاج وعندنا هنا ماء او هواء وفي شعاع ضوئي سقط من الزجاج ورايح لهواء يا ترى هيفضل محافظ على المسار بتاعه لا طب هينكسر مقترب من العمود لا برده ايه اللي هيحصل له هينكسر بس مبتعد عن العمود دي كده اسمها زاويه السقوط ودي كده اسمها زاويه الانكسار طب دي فرقت ايه عن دي هنا الشعاع انكسر مقترب من العمود انما هنا انكسر مبتعد عن العمود هو كل الموضوع بان الشعاع الضوئي هنا كان بينتقل من هواء الى ماء يعني وسط اقل في الكثافه الضوئيه الى وسط اكبر فلما الشعاع ينتقل من وسط اقل الى وسط اكبر في الكثافه الضوئيه بينكسر مقترب من العمود وافهموها واحفظوها كويس يا شباب عشان ما تلخبطوش ولما الشعاع الضوئي ينتقل من وسط اكبر في الكثافه الضوئيه الى وسط اقل زي مثلا من زجاج لهواء هينكسر بس مبتعدا عن العمود طيب عشان ما تلخبطش نفسك انت خلاص عرفت لما الشعاع ينتقل من وسط اقل الى وسط اكبر في الكثافه الضوئيه بينكسر مقتربا من العمود صح ايه رايك نعكس المشهد ده يعني ايه يعني بص كل اللي هنعمله اننا هنعكس اتجاه الشعاع الضوئي كده يعني الشعاع هيسقط من هنا معانا شعقاع ليزر جوه الميه وهنشغله الشعاع هيمشي في هذا الاتجاه هيسقط هنا بزاويه في واي ما دي كده زاويه سقوطه ودي كده زاويه انكساره يعني العكس بيحصل زي ما الشعاع دخل من المسار ده لو هشغل الشعاع من هنا هيخرج من نفس المسار فهنا كان جاي من هواء لميه انكسر مقترب من العمود انما هنا من ميه لهواء فانكسر مبتعدا عن العمود يعني طبقها على نفس المشهد مفهوم كده يا شباب صلوا على النبي عليه الصلاه والسلام طب انا لسه برده مش متخيل كويس تعالوا نتفرج على الفيديو ده هيساعدنا باذن الله باننا نفهم الموضوع كويس ونرجع نكمل شرح طيب ركزوا معايا كده يا جماعه في الاول عاوزين نفهم يعني ايه كثافه ضوئيه قلت لكم ان كل وسط شفاف بيكون ليه كثافه ضوئيه خاصه بيه وده من ابداع ربنا سبحانه وتعالى في خلقه يعني تخيل كده بان كل الاوساط الشفافه كان ليها نفس الكثافه الضوئيه يبقى ما ما كانتش هتشوف اي حاجه فيهم كانوا كلهم هيبقوا هوا بقى يعني الميه يا جماعه لو كانت الكثافه الضوئيه بتاعتها زي الهواء عيني ما كانتش هتقدر تشوف الميه او تميزها كنت همشي كده الاقي نفسي خبطت في ميه على طول زي ايه زي الفيديو التوضيحي ده تعال نشوفه كده مع بعض بنصب هنا سائل السائل ده الكثافه الضوئيه بتاعته متماثله مع الكثافه الضوئيه للزجاج اللي موجود جوه فبص كده ايه اللي بيحصل لقيت ان كوبايه الزجاج دي عماله تختفي شيئا فشيئا الى ان تختفي تماما عند عندما ايه تغمر تماما بالماء او بالسائل ده يعني هو ايه اللي حصل؟ الكوبايه اختفت هي موجوده ما اختفتش ولا حاجه هي اختفت بالنسبه لعيني لكن هي موجوده طب انا ليه عيني مش قادره تميزها وتشوفها موجوده لان الكثافه الضوئيه بتاعه كوبايه الازاز اللي جوه متماثله مع الكثافه الضوئيه بتاعه السائل المحيط بيها فخلاص عيني شايفه الاثنين عباره عن حاجه واحده فمش قادره تميز الوسط ده عن الوسط ده حتى هو هيمد ايده دلوقتي جوه اهو علشان ايه يطلع لكم كوبايه الازاز يثبت لكم ان هي موجوده ف تخيلتوا كويس يا شباب يعني انا بس عاوزكم تتخيلوا وتبقوا فاهمين يعني ايه كل وسط بيكون له كثافه ضوئيه خاصه بيه ولو الكثافه الضوئيه تساوت مع وسطين زي ما انتم شايفين دلوقتي يبقى عيني مش هتقدر تميز ايه ما بينهم طيب معانا فيديو تاني تعالوا نشغله مع طيب ركزوا معايا كده يا جماعه معانا هنا ا مصدر ضوء عباره عن شعاع ليزر وممكن اننا نتحكم في زاويه سقوطه الشعاع هنا محافظ على المسار بتاعه لانه بينتشر في نفس الوسط ا اللي هو عباره عن هواء انما ايه اللي يحصل لو جبنا ازاز وحطيناه تحت كده الشعاع هينتقل من هواء لزجاج يعني من وسط اقل في الكثافه الضوئيه الى وسط اكبر في الكثافه الضوئيه يا ترى هيقدر يحافظ على المسار بتاعه؟ لا امال ايه اللي هيحصل؟ تعالوا نشوف اه الشعاع اتكسر مقتربا من العمود لما جه ينتقل من الهواء للماء حدث عمليه تغير مفاجئ في المسار بتاعه والعمليه دي سميناها ايه؟ عمليه كسر الشعاع يبقى عندما ينتقل شعاع ضوئي من وسط اقل في الكثافه الضوئيه الى وسط اكبر فانه ينكسر مقتربا من العمود واحد يقول لي امال ايه اللي هنا ده؟ ما هو في جزء من الاشعه بينعكس وبيخضع لقوانين الانعكاس ان زاويه السقوط بتساوي زاويه الايه؟ الانعكاس وفي جزء اخر بينكسر احنا حاليا بندرس موضوع الانكسار الانعكاس شرحته لك خلاص وفي جزء اخر من الاشعه يا شباب بيتم امتصاصها بواسطه السطح الفاصل بين الوسطين ولما نيجي نبين الزوايا شايف هنا الزاويه مثلا 43.9 هنا 30.2 0.2 يعني زاويه السقوط بتكون اكبر من زاويه الانكسار يبقى لمره اخيره عندما ينتقل شعاع ضوئي من وسط اقل في الكثافه الضوئيه الى وسط اكبر في الكثافه الضوئيه فانه ينكسر مقتربا من العمود طب ايه اللي يحصل بقى لو عكسنا الموضوع ازاي يعني هنخلي فوق زجاج وهنخلي تحت هواء المره دي يا شباب زي ما انتم شايفين كده الشعاع بينتقل من زجاج لهواء يعني من وسط اكبر في الكثافه الضوئيه الى وسط اقل ايه اللي هيحصل للمسار بتاعه؟ تعالوا نشوف اه اتكسر مبتعدا عن العمود وهنا زاويه انكساره بتبقى اكبر من زاويه ايه؟ سقوطه زي ما انتم شايفين كده اهو ولو هنبينها بالزوايا الزاويه دي 42 و2 هنا 68.9 0 هنا زاويه الانكسار بتكون اكبر يبقى مره اخيره عندما ينتقل شعاع ضوئي من وسط اكبر في الكثافه الضوئيه الى وسط اقل فانه ينكسر مبتعدا عن العمود طب ايه اللي يحصل بقى يا شباب لو خلينا الشعاع يسقط عموديا على السطح الفاصل بين الوسطين تعالوا كده نشوف ايه اللي هيحصل هينفذ على استقامته يبقى اذا سقط شعاع ضوئي عموديا على السطح الفاصل بين وسطين شفافين فانه ينفذ على استقامته مفهوم كده يا شباب طيب معانا فيديو كمان هيوضح لنا موضوع الانكسار بصوره افضل ا على ارض الواقع يعني تجربه عمليه اناء بيحتوي على ميه اناء فارغ وعندنا قطعه دائريه لونها اخضر هنا هنحط القطعه الخضراء دي بداخل الاناء دلوقتي تمام ركزوا معايا في التفاصيل وهنفسرها دلوقتي مع بعض ان شاء الله طيب هل عينك دلوقتي في اللحظه دي كده عينك شايفه القطعه الخضراء؟ لا مش شايفاها مختفيه طب ركز كده لما نصوب بميه ايه اللي هيحصل؟ اه لقينا ان حسيا ان في حاجه بترفعها كده في حاجه بترفعها لحد ما عينينا شافتها بوضوح في هذا المكان نعيد الجزء ده ثاني اهو دلوقتي هي مستخبيه ورا حافه الطبق اللي هي موجوده فيه وعيني مش شايفاها لما كبينا الميه ثاني اهو لقينا ايه القطعه الخضراء دي مستواها عمال يرتفع لحد ما شفتها بوضوح بالشكل ده طب ليه حصل كده تعالوا نفسر مع طيب ركزوا معايا كده يا شباب ده وليكن يعني الاناء اللي كان عندنا بالشكل ده اهو ا الاناء كان موجود بداخله قطعه كده مثلا كان لونها اخضر بس نرسمها هنا احمر عادي مافيش اي مشكله قطعه دائريه بالشكل ده وليكن يعني اعتبر معايا كده ان انت عينك كانت موجوده في المكان ده يعني عينك موجوده هنا كده تمام دي كده عينك ودي الرموش بتاعتك وكل حاجه تمام ليه بقى عينك يعني مش شايفه بتاعه اصلا لانها مستخبيه ورا الحاجز ورا الجدار بتاع الاناء دوت ورا حافه الاناء فالعين ترى الاشعه المنعكسه منها على الاجسام في اشعه سقطت على القطعه دي وبعد كده اتعكست من عليها الشعاع اللي المنعكس من عليها بقى ما بيوصلش العينين بتاعتنا فانت مش شايفها هي مستخبيه ورا الايه ورا الحاجز اللي هنا دوت طب انت ازاي بقى شفتها لما كبينا الميه يا سيدي لما كبينا الميه ركز معايا وشوف ايه اللي حصل اللي حصل انكسار للاشعه الضوئيه المنعكسه من على هذه القطعه ازاي؟ تعال نشوف مع بعض يعني دلوقتي في شعاع سقط على القطعه اللي هنا دي يعني تخيل ان الشعاع هنا اهو بينتقل من الهواء الى الايه؟ الى الماء فينكسر مقتربا من العمود سقط عليها وبعد كده ايه انعكس انعكس بالشكل ده احنا هنحذف الجزء اللي على اليمين وخلينا نمشي مع الشعاع اللي انعكس من على القطعه اللي موجوده بداخل الماء طيب لما نقيم عمود من نقطه السقوط بالشكل ده ا دي زاويه السقوط الشعاع دلوقتي هينتقل من ماء الى هواء يعني هينكسر مبتعدا عن العمود طيب انكسر مبتعدا عن العمود يا سيدي بالشكل ده وصل العين ولا لا؟ اه وصل العين العين بقى العين ترى الاشياء على امتداد الاشعه الواصله اليها يعني لما تمد الشعاع اللي وصل للعين بالشكل ده وترسمه كده خط يكون الطول بتاعه مساوي لطول الخط اللي هنا بالظبط يعني الشعاع ده الطول بتاعه هيساوي طول الشعاع اللي هنا بالظبط كده ف القطعه هنشوفها موجوده في المكان ده ده مش مكانها الحقيقي ده مش مكانها ليه ده مكانها الحقيقي ده مكان غير حقيقي فكده ايه اللي حصل لها بقى ارتفعت شويه ارتفعت شويه بالشكل ده فعينك شافتها موجوده في هذا المكان واخد بالك عرفت ليه بقى لما كنا بنصب الميه حسينا ان القطعه دي عماله ترتفع ترتفع ترتفع لحد ما عينينا شافتها بوضوح بس عينينا شافتها في مكان غير مكانها الحقيقي طيب نروح مع بعض نشوف فيديو كمان طيب الفيديو اللي فات يا شباب انا فسرته لكم صح كده؟ الفيديو ده هسيبه لكم انتوا تجتهدوا فيه بقى ان شاء الله وتفسروا وتبينوا لنا كده ليه بيحصل كده يعني عندنا كوبايه بالشكل ده وفي هنا كده سهمين مرسومين بيشيروا جهه اليمين زي ما انتم شايفين اول ما الميه توصل او المستوى بتاعها يعني يوصل عند السهمين ركز كده في التفاصيل وشوف ايه اللي هيحصل السهم ده بيشير جهه اليمين لما الميه عدت عليه بقى بيشير جهه اليسار واللي فوق نفس النظام بقى بيشير جهه الايه اليسار يعني هم موجودين فوق في الهواء كده بيشيروا جهه اليمين على الشمال او لما بننزلهم بيعدوا على الميه شايف بيشاوروا جهه الايه؟ اليسار الشخص ده مثلا باين ان هو بيبص شمال صح؟ شوف لما العينين بتاعته تيجي في ضهر الكوبايه كده عيني هتشوف ايه؟ عيني هتشوف ان ان عينيه بتبص يمين مش شمال يعني في يعني ايه عكس كده بيحدث للحاجه طيب ليه بيحصل كده؟ لا الرسمه دي انا م ليش علاقه بيها هي اللي في الفيديو ماشي يعني هو ا واحد ماسك الورده وبيبعدها هنا كانه بيقرب الورده مادينا من الكلام الفاضي دوت طيب هنا اللون ده بنفسجي وده مثلا اخضر شويه البنفسجي على اليمين الاخضر على الشمال لما نيجي نبص عليهم من خلال الكوبايه كده هنلاقي ان البنفسجي على الشمال والاخضر على اليمين طب ليه الحاجات بتتعكس بالشكل دوت هسيبها لكم بقى انتوا تجتهدوا فيها وتفسروها باذن الله نرجع بقى للسبوره عشان نكمل ايه شرح الدرس ارجو يكون الفيديو ساعدكم كم في التخيل بصوره كويسه يبقى مره اخيره يا شباب عشان الجزء ده مهم جدا واساس لحاجات كتير جايه قدام فعاوز اتاكد ان كلكم بقيتوا فاهمينه كويس خلاص عندما ينتقل شعاع ضوئي من وسط اقل في الكثافه الضوئيه الى وسط اكبر فانه ينكسر مقتربا من العمود وفي الحاله دي بتبقى زاويه سقوطه اللي هي فاي اكبر من زاويه انكساره يعني لو دي ب 45 درجه تبقى دي 30 درجه مثلا والعكس يعني ايه العكس عندما ينتقل شعاع ضوئي من وسط اكبر في الكثافه الضوئيه الى وسط اقل فانه ينكسر مبتعدا عن العمود وفي الحاله دي بتبقى زاويه سقوطه اقل من زاويه انكساره يعني لو دي ب 45 درجه تبقى دي 60 درجه مثلا صلوا على النبي عليه الصلاه والسلام اسالكم سؤال سريع كده هل سرعه الضوء في الهواء زي سرعته في الميه ميه هو ضوء بس هل سرعته هنا زي هنا اكيد طبعا هتختلف هو مش الضوء ده موجه وانا دارس وعارف قبل كده وحليت مسائل كمان بان سرعه الموجه بتختلف باختلاف الوسط لو الوسط اتغير سرعه الموجه هتتغير التردد بيكون ثابت وحلينا مسائل وعرفنا بان سرعه الموجه في الوسط الاول على سرعتها في الوسط الثاني بتساوي الطول الموجي للموجه في الوسط الاول على الطول الموجي ليها في الوسط الثاني والتردد قلنا ثابت بيشيل بعضه مش حلينا على القانون ده مسائل كتير طيب والضوء موجه اذا سرعه الضوء في الهواء مش زي سرعته في الميه طب يا ترى انهي وسط فلول سرعه الضوء فيه هتبقى اكبر الاجابه سرعه الضوء في الهواء هتبقى اكبر خدها قاعده كده كل ما الوسط الكثافه الضوئيه بتاعته تزيد كل ما سرعه الضوء فيه بتقل طيب انا عاوز اتصورها عاوز اتخيلها يعني ايه سرعه الضوء هتقل بص يا سيدي ا قارن بين نفسك وانت بتجري في الهواء وبتجري في الميه ا لما هتيجي تجري في الهواء افتح سبرنت كده هتلاقي نفسك سريع جدا انزل الميه كده جرب اجري فيها انزل حمام سباحه مثلا وخلي الميه اوصلك لحد رقبتك كده وجرب اجري هتلاقي ان الجري في الميه صعب قوي طب سرعتك في الهواء هتبقى اكبر ولا في الميه؟ اكيد في الهواء الهواء يعني الممانعه بتاعته قليله قوي هتجري بسرعه كبيره في الهواء انما في الميه سرعتك هتقل كذلك برده انا بس بديك يعني مثال يوضح لك الامور كذلك برده سرعه الضوء في الهواء هتبقى اكبر من سرعته فين؟ في الميه طيب عاوزين ندي علامه لنفسنا بحيث نعرفها على طول يعني خلاص احنا عرفنا ان سرعه الضوء في الهواء اكبر ايه رايك هي مش الفاي اكبر من السيتا الزاويه دي اكبر من الزاويه دي طب علمها لنفسك الوسط صاحب الزاويه الاكبر سرعه سرعه الضوء فيها تبقى اكبر يعني عاوزين نبص هنا واحنا ما نعرفش الوسط ده ايه وما نعرفش الوسط ده ايه سرعه الضوء هنا اكبر ولا هنا الاجابه سرعه الضوء هنا اكبر عرفت منين الزاويه هنا اكبر يبقى افهم من كده الوسط اللي تحت ده الكثافه الضوئيه بتاعته اقل من اللي فوق علمها لنفسك بالزاويه طيب مثال سريع كده عشان اتاكد خلاص ان هي ايه ثبتت عندنا وسط واحد وسط اثنين وسط لاثه وما قاليش دي ميه ولا زجاج ولا ماء هو سماه لي وسط واحد واتنين وثلاثه وعندي شعاع ضوئي هيسقط بالشكل ده بزاويه 45 بعد كده انكسر بزاويه 30 وبعد كده هنا انكسر مبتعد عن العمود بزاويه 70 سرعه الضوء في انهي وسط من دول اكبر فين الوسط صاحب اكبر زاويه الوسط الثالث ده صح زاويه انكساره ب 70 درجه بس خلاص الفي 3 سرعه الضوء في الوسط الثالث ده اكبر سرعه في الاوساط دي كلها طب يجي اللي بعد منه فين؟ اللي بعد منه على طول هيبقى الوسط الاولاني الزاويه دي 45 واللي بعد منه بقى او سرعه الضوء هتبقى اقل في انهي وسط من دول في اقل زاويه اللي هي الزاويه 30 انا بس بديك ا علامه تعلمها لنفسك كده علشان تحل على طول واخد بالك انا فهمتك خلاص بفضل الله انت فاهم كويس بس برده بديك يعني حته فنيه كده بحيث ايه المساله ما تاخدش في ايدك وقت وتجاوب على طول صلوا على النبي عليه الصلاه والسلام الجزء اللي بعد كده عندنا مصطلح اسمه معامل الانكسار النسبي بين وسطين او معامل الانكسار النسبي من الوسط الاول الى الوسط الثاني عاوزين نفهم المصطلح ده مع بعضنا ركز معايا تخيل ا بان عندنا وسط وسط هواء وماء وفي شعاع ضوئي سقط من الهواء الى الماء هينكسر مقترب من العمود بالشكل ده ا سرعه الضوء في الهواء هنسميها في 1 وسرعه الضوء في الميه هنسميها في 2 النسبه ما بين في1 الى في ت مقدار ثابت ما بيتغيرش يعني لو قسمنا سرعه الضوء في الهواء على سرعه الضوء في الميه فالنسبه ثابته يا شباب حتى لو الزوايا دي اتغيرت مالهاش علاقه النسبه ما بين سرعه الضوء في الهواء الى سرعته في الميه النسبه دي هتبقى ايه ثابته طب وايه تاني الزاويه دي اسمها فاي زاويه السقوط والزاويه دي اسمها زاويه الانكسار يتا حتى لو الزوايا دي اتغيرت فان النسبه ما بين جيب زاويه السقوط الى جيب زاويه الانكسار النسبه دي برضو مقدار ثابت يعني ايه؟ تخيل بانك بتصغر في زاويه السقوط وبتكبر فيها الزاويه دي هتتغير معاها بحيث ان النسبه ما بين جيب الزاويه دي الى جيب الزاويه دي هيفضل مقدار ثابت وبيساوي النسبه دي بالظبط يعني بص كده انا هكتب ايه هنا ساين فاي على ساين سيتا اللي هو جيب زاويه السقوط الى جيب زاويه الانكسار بتساوي النسبه ما بين سرعه الضوء في الوسط الاول الى سرعته في الوسط الوسط الثاني طيب مش سرعه الضوء في الوسط الاول الى سرعته في الوسط الثاني انا عارف من قبل كده ان هي هتساوي لمضه 1 على لمضه 2 شايفين بقى النسب دي كلها يا شباب النسب دي كلها بتسمى معامل الانكسار النسبي من الوسط الاول الى الوسط الثاني بنرمز له بالرمز ان 1 2 ما المقصود بمعامل الانكسار النسبي بين وسطين هو النسب بين جيب زاويه السقوط في الوسط الاول الى جيب زاويه الانكسار في الوسط الثاني او هو النسبه بين سرعه الضوء في الوسط الاول الى سرعته في الوسط الثاني والنسبه يا شباب ثابته ما بتتغيرش بين الوسطين امال امتى معامل الانكسار النسبي بين الوسطين هيتغير يعني النسب دي كلها ثابته امتى بقى معامل الانكسار النسبي دوت يتغير الاجابه لو الوسطين نفسهم اتغيروا او لو وسط واحد اتغير يعني لو شلنا الميه وجبنا مكان منها زجاج هل سرعه الضوء في الزجاج زي سرعته في الميه اللي كانت موجوده؟ لا السرعه اختلفت اه يبقى النسبه دي ايه هتختلف يبقى النسبه دي معامل الانكسار النسبي بين الوسطين بيعتمد على ايه اول حاجه كده نوع ماده الوسطين الوسطين اللي عندك ايه هواء وميه ولا هواء وازاز ولا ميه وازاز الكلام ده كله طيب تاني عامل معايا وركز معايا هفهمه لك دلوقتي باذن الله الطول الموجي للاشعه الساقطه يعني ايه اتفقنا يا شباب في بدايه فصل الضوء بان الالوان بتاعتنا الالوان المرئيه بتتراوح ما بين 400 نانومتر الى 700 نانومتر بالنسبه للطول الموجي فدلوقتي لو احنا عندنا وسطين متماثلين هواء وماء الوسطين دول كده ايه عارفين الماده بتاعتهم اهو وثابتين بس هنا هنسقط شعاع لونه ازرق بزاويه 60 درجه وهنا هنسقط شعاع لونه احمر بزاويه 60 درجه برده هنا ميه وهنا هواء الشعاعين دول هم الاثنين هينكسروا مقتربين من العمود بس هل الانكسار اللي هنا هيبقى زي اللي هنا؟ هم الاتنين قربوا ناحيه العمود لا الزاويه دي يا شباب اختلفت عن الزاويه دي يعني مثلا ا دي بقت 30 انما بالنسبه للون الازرق فالنسبه اتغيرت بتغير ايه؟ بتغير الاشعه نفسها الطول الموجي للاشعه الشعاع اللي عندك اللون بتاعه ايه؟ الطول الموجي بتاعه قد ايه؟ يبقى معامل الانكسار النسبي بين الوسطين بيتوقف على نوع ماده الوسطين وايضا الطول الموجي للاشعه الساقطه مفهوم كده يا شباب؟ صلوا على النبي عليه الصلاه والسلام طيب همسح ونكمل مع بعض المصطلح اللي بعد كده اسمه معامل الانكسار المطلق لوسط وبرمز له بالرمز ان بس اللي لسه مسحه دلوقتي كان اسمه معامل الانكسار النسبي بين وسطين كنت بدرس وسطين ان 1 وان 2 انما دلوقتي انا بدرس وسط واحد وسط واحد بالنسبه للفراغ يعني تخيلوا بان عندي شعاع ضوئي جاي من الفراغ وهيسقط على هذا الوسط فهينكسر مقترب من العمود الوسط ده بقى ممكن يكون ميه ممكن يكون زجاج فالمهم ان انا بنسب الوسط ده للفراغ فبيسمى معامل الانكسار المطلق لوسط برض الزاويه دي اسمها فاي ودي اسمها سيتا ونفس النظام طيب سرعه الضوء في الفراغ اسمها ايه اسمها سي وانا عارف ان هي مقدار ثابت 3× 10 اس 8 متر/ الثانيه واكبر قيمه لسرعه الضوء بتبقى موجوده في الفراغ سرعه الضوء في الوسط بيكون اسمها اسمها في وماعرفش بقى على حسب الوسط ده ايه لو زجاج هيبقى ليه سرعه معينه لو ماء هيبقى ليه سرعه اخرى فمعامل الانكسار المطلق ما بين الوسط ده مع الفراغ هو النسبه بين سرعه الضوء في الفراغ الى سرعته في هذا الوسط هناك معامل الانكسار النسبي بين وسطين كنت بقسم في1 على في 2 انما هنا انا عارف القيمه بتاعه سرعه الضوء في الفراغ اسمها سي فبقسم بقى سي على في سرعه الضوء في الفراغ على سرعته في هذا الوسط صلوا على النبي عليه الصلاه والسلام معامل الانكسار المطلق ده يا شباب دائما بيكون اكبر من الواحد الصحيح طب لماذا هو مش سرعه الضوء في الفراغ اكبر قيمه ولما الضوء بيدخل وسط تاني غير الفراغ سرعته بتقل فالنسبه انا عارف ان البسط فيها دائما اكبر من المقام يبقى الناتج دوت او النسبه دي لازم دايما تكون اكبر من الواحد الصحيح صلوا على النبي عليه الصلاه والسلام ايه هي العوامل التي يتوقف عليها معامل الانكسار المطلق يعني ايه اللي لو اتغير معامل الانكسار المطلق يتغير المره دي انا عندي وسط واحد بس ما هو الفراغ ثابت بقى فرقم واحد نوع ماده الوسط هناك كنت بقول نوع ماده الوسطين انما هنا نوع ماده الوسط لاني عارف وسط فيهم اللي هو الفراغ طب وتاني حاجه برض الطول الموجي للاشعه الساقطه اذا كان اللون ده احمر اخضر اصفر الكلام ده كله صلوا على الحبيب المصطفى عليه الصلاه والسلام طيب ما ايه رايكم يا شباب نستنتج علاقه ما بين معامل الانكسار النسبي بين الوسط وسطين اللي هو ان 1 ت ومعامل الانكسار المطلق لكلا منهما ان 1 لوحده وان 2 لوحده ركز معايا كل شيء هيوضح باذن الله في الاخر هحل لك مسالتين لمين كل الكلام ده هوضح بيهم معنى كل القوانين دلوقتي احنا عارفين ان معامل الانكسار النسبي بين الوسطين او من الوسط الاول الى الوسط الثاني هتساوي ايه هتساوي سساوي في1 على في 2 النسبه ما بين سرعه الضوء في الوسط الاول الى سرعته في الوسط الثاني او ساين فاي على ساين سيتا جيب زاويه السقوط على جيب زاويه الانكسار هي ان 1 لوحدها هتساوي ايه معامل الانكسار المطلق للوسط الاولاني لوحده يعني كان عندي فراغ وده كده الوسط الاولاني في شعاع ضوئي جاي من الفراغ وهيدخل على الوسط الاولاني الاولاني سرعه الضوء في الفراغ اسمها سي وسرعه الضوء في الوسط الاولاني اسمها في1 هتبقى سي على في 1 يعني ان 1 هتساوي سي على في1 طيب وان ت اللي هو معامل الانكسار المطلق بتاع الوسط التاني هيساوي بالمثل سي على في 2 بص كده على دي وبص كده على دي ايه رايك نقسم ان 2 على ان 1 يلا مع بعضنا ان 2 بتساوي سي على في 2 خلاص ال ان 2 بتساوي سي على في 2 ان 1 بتساوي ايه سي على في 1 سرعه الضوء في الفراغ على سرعته في الوسط الاولاني بس ان 1 بتتكتب من تحت فهتكتب سي على مقام المقام بيطلع بسط فوق في 1 مش السي هي السي فوصلنا الى ان 2 على ان 1 بتساوي في1 على في 2 بص كده هنا في1 على في 2 بص كده هنا في1 على في 2 اذا ان على ان 1 بتساوي ان 1 ت يعني معامل الانكسار النسبي من الوسط الاول الى الوسط الثاني بيساوي معامل الانكسار المطلق للوسط الثاني على معامل الانكسار المطلق للوسط الاولاني قفل كده على دي طب ايه رايكم بقى نرتب القوانين دي عشان ما حدش يتلخبط يعني ركزوا معايا كده استنتجنا ان معامل الانكسار النسبي من الوسط الاول الى الوسط الثاني هيساوي النسبه ما بين ان 2 الى ان 1 معامل الانقسار المطلق بتاع الوسط التاني الى معامل الانقسار المطلق للوسط الاول او بتساوي ساين فاي على ساين سيتا او بتساوي في 1 على في 2 او اخر حاجه لمضه 1 على لمضه 2 نقفل بقى على ده كله ونبقى حافظين القانون ده زي اسمنا لو بيسالني عن طول موجي في المساله فانا عارف مكانه فين بيسالني عن سرعه بيسالني عن جيب زاويه سقوط بيسالني عن معامل انكسار مطلق خلاص انا حافظ ده كله شايفين بقى يا شباب الجزء ده كده من القانون اللي بقفل عليه بمستطيل كده ايه رايكم الجزء ده نضرب طرفين في وسطين ان 1 في ساين فاي هتساوي ان ت في ساين سيتا القانون ده اسمه ايه؟ اسمه قانون سنل اهم قانون موجود عندنا القانون ده لازم تفهموه دلوقتي كويس جدا عشان هنستخدمه من دلوقتي لحد ما ننتهي من فصل الضوء ومش عايزك تحفظه بالصيغه دي امال عاوزك تحفظه ازاي؟ تشوف الرسمه بتاعته الاول وتحفظه من على الرسمه يعني تخيل بان عندنا مثلا هواء او ماء وزجاج الميه ليها معامل انكسار مطلق هنسميه ان 1 والزجاج ليه معامل انكسار مطلق هنسميه ان 2 الزاويه دي اسمها فاي زاويه السقوط الزاويه دي اسمها يتا زاويه الانكسار عاوزك بقى تحفظ القانون من على الرسمه نفسها حاصل ضرب ان 1 في ساين فاي هيساوي ساوي حاصل ضرب ان ت في ساين سيتا يعني مش عايزك تحفظه كده عاوزك تحفظه عينك تشوفه على الرسمه عشان ما تتلخبطش ان اللي هنا في ساين الزاويه هتساوي ان اللي هنا في ساين الزاويه الحقني بقى كده بمسالتين علشان نوضح بيهم معنى القوانين دي وبعد كده بدايه من الفيديو القادم ان شاء الله هنبدا نحل مسائل مستواها عالي همسح واجهز المسالتين ركزوا يا شباب وباذن الله الامر بسيط وسهل جدا انا عارف انك ممكن تكون حسيت بنوع من انواع الصعوبه اثناء الشرح انما اول ما هتحل مسائل كل حاجه هتوضح باذن الله اول مساله معانا مدينا شكل بالمنظر ده وبيقول لي من الشكل المقابل احسب زاويه الانعكاس وزاويه الانكسار للشعاع الضوئي شعاع ضوئي بيسقط على سطح فاصل بين وسطين بزاويه سقوط 38 درجه في جزء من الشواع ده هينعكس وفي جزء منه هينكسر الجزء اللي هينعكس هينعكس بنفس الزاويه دي انا عارف ان قوانين الانعكاس زاويه السقوط بتساوي زاويه الانعكاس دي 38 دي 38 زيها خلاص الانعكاس دي سهله وبسيطه انما الانكسار بقى الشعاع لما يجي ينتقل من الوسط ده الى الوسط ده هيحدث كسر في المسار بتاعه طب يا ترى هينكسر مقتربا من العمود ولا مبتعدا عن العمود هو مديني ان 1 ب 1.58 خمسه معامل الانكسار المطلق بتاع الوسط اللي فوق ومعامل الانكسار المطلق بتاع الوسط الثاني بوا 22 انهي واحد فيهم اكبر اللي فوق الوسط اللي معامل انكساره اكبر بتكون كثافته الضوئيه اكبر فيعني كده الشعاع بينتقل من وسط اكبر في الكثافه الضوئيه الى وسط اقل ايه اللي هيحصل لمسار الشعاع بتاعه هينكسر مبتعدا عن العمود بزاويه انكسار اسمها يتا طب قد ايه الزاويه دي ما ابسط قانون سنيل سنيل بيقول لي ايه خلاص انا حفظتها لكم من الرسمه ان 1 في ساين فاي هيساوي ان ت في ساين سيتا يلا نكتب القانون مع بعض ان 1 في ساين فاي هتساوي ان 2 في ساين سيتا ويلا نبدا نعوض ال ان 1 ووا ساين فاي يعني ساين 38 ال ان 2 ب 1.22 22.2 في ساين سيتا انا عاوزها نقسم الرقم ده على الرقم ده ونعمل شيفت ساين هنلاقي ان الزاويه طلعت معانا تقريبا ب 52 و8 و87 درجه مفهوم يا شباب كده الامر وضح انت يعني شفت استنتاج قانون السناني ممكن تحس بصعوبه انما حليت عليه مثال الامور بدات توضح صح صلوا على النبي عليه الصلاه والسلام المساله اللي بعد كده بيقول لي اذا كان معامل الانكسار المطلق للماء ب 1.4 طب يلا نكتب على طول ال ان ماء ب 1.4 ومعامل الانكسار المطلق للزجاج بوا. ال ان زجاج بوا. وسرعه الضوء في الفراغ ب 3 في 10 اس 8 متر على الثانيه اللي هي السي عاوز ايه؟ بيقول لي احسب معامل الانكسار النسبي من الزجاج الى الماء. ركز في التفاصيل دي. عاوز معامل الانكسار النسبي من الزجاج الى الماء هتساوي ايه؟ مش احنا يا شباب من شويه كنا بنقول ان معامل الانكسار النسبي من الوسط الاول الى الوسط الثاني بتساوي النسبه ما بين ان 2 الى ان 1 كنت ببدا باللي هنا طب خلاص هو شاللي الوسط الاول وحط مكانه زجاج شاللي الوسط التاني وحط مكانه ماء يبقى هقسم ان ماء على ان ايه زجاج طب ان ماء بكام اهي ب 1.4 ان زجاج ب 1.6 6 تطلع معانا ب 875 شفتوا بسيطه ازاي طب ركزوا في اللي بعدها احسب لي معامل الانكسار النسبي من الماء الى الزجاج ركز شوف بتترجم ازاي معامل الانكسار النسبي من الماء الى الزجاج اه هبدا باللي هنا الاول يبقى هقسم ان زجاج على ان ماء ال ان زجاج بكام بواحد 1.6 والان ميه ب 1.4 الناتج يطلع معانا ب 1.142 142000 تقريبا 1 و142 صلوا على النبي عليه الصلاه والسلام ثالث مطلوب بيقول لي احسب سرعه الضوء في الزجاج يا ترى الضوء بيمشي بسرعه قد ايه في الزجاج مش احنا لسه من شويه قايلين بان معامل الانكسار المطلق لوسط بيساوي النسبه ما بين سرعه الضوء في الفراغ الى سرعته في هذا الوسط مظبوط طب احنا هنشيل كلمه وسط لان احنا عارفينه دلوقتي وهنكتب مكانه زجاج الن زجاج هتساوي سي على في زجاج معامل الانكسار المطلق للزجاج هيساوي النسبه ما بين سرعه الضوء في الفراغ الى سرعته في الزجاج عاوزين نعين ايه عاوزين نعين سرعه الضوء في الزجاج طب مات يلا نعوض مع بعض السي بكام سرعه الضوء في الفراغ ب 3 في 10 اس 8 طب والان زجاج ال ان زجاج ب 1.6 طلع الفي زجاج هنا ونزل ال 1.6 مكانها اهو ادي الفي زجاج سرعه الضوء في الزجاج ونزلنا ال 1.6 هنا يبقى 3× 10 اس 8 على 1.6 6 هيطلع معانا ب 1.875 875× 10 اس 8 والوحده متر على الثانيه دي سرعه شايف السرعه ايه اللي حصل لها قلت في الفراغ سرعه الضوء اكبر قيمه 3× 10 اس 8 انما لما مشي في وسط زي زجاج ايه اللي حصل لسرعته؟ سرعه الضوء قلت زي ما قلت لك لما تيجي تجري في الهواء مش زي لما تيجي تجري في الميه المطلوب الاخير عاوز سرعه الضوء في الماء طب ما هو بالمثل زي اللي فوق ال ان ماء هتساوي سي على في ماء ال ان ميه بكام؟ معامل الانكسار المطلق للمايه بوا. وسرعه الضوء في الفراغ ب 3 في 10 اس 8 طلع سرعه الضوء في الميه هنا ونزل 1.4 هنا الرقم ده على الرقم ده النسبه هتطلع معاك ب 2.14× في 10 اس 8 متر على الثانيه ويبقى دي كده سرعه الضوء في الماء مفهوم يا شباب وبس كده ارجو تكونوا فهمتوا اي حاجه في اي حاجه من الكلام ده ربنا يكرمكم ويوفقكم جميعا والسلام عليكم ورحمه الله وبركاته ‏Ah.