Everything You Need to Know About the Second Round 2026

بسم الله الرحمن الرحيم السلام عليكم طلابي طالباتي يا رب الكل يكون بخير طلاب الدور الثاني الفيديو هذا واضح من عنوانه هذا الفيديو يخص الدور الثاني العام اني سويت هيك فيديو وللامانه هذا الفيديو انطلب من عندي وبنفس الوقت يعني من رغبه شخصيه اريد اسوي هذا الفيديو بالبدايه اناي مدرس ومدرب لغه انجليزيه يعني اناي بعيد كل البعد عن هيك محتوى للامانه بس اني متقصد انه اني اسوي هذا فيديو لان اناي متاكد انه هوايه من الناس راح ياخذون هذه المعلومات اللي هي معلومات بديهيه المفروض الكل يطرحها ياخذوها كمحتوى ويقطروها على الطالب تقطير فلذلك حبيت انهي اظهر بهذا الفيديو وانطيكم الزبده فاني مو جوي هالشي هذا للامانه لا جوي الشو ولا الترند ولا الحكي الزايد اللي يصير على السادس الاعدادي يعني انا بالفتره الاخيره يمكن حتى الكل شافني انقطعت كلش للامانه لان صار الوضع مبالغ به الطالب السادس قام يخلوه ويا خانه الطالب الابتدائيه يعني نفس النصائح هذه المستهلكه النصائح اللي هي ما راح تفيده نهائيا ما جا يحسون ان طالب السادس هو بالغ وبالغ سن الرشد ايضا يعني بالمجتمعات الاخرى الخارج البلد يعني سن الرشد خلاص انت تقدر انه تشق حياتك وحدك تقدر تعوف اهلك وتبني حياتك كلها وحدك لان انت حاليا بافضل نسخه ممكن تمر بها بحياتك ايش قد تعيش؟ 70 سنه طوله العمر للجميع يا رب اذا تعيش 70 سنه فحاليا انت بافضل عمر انت حاليا شراره لهب حرفيا يعني انت بافضل حالاتك فلذلك اني دائما احب الطالب هو يعتمد على نفسه هو اللي يسوي جدوله هو اللي يشق طريقه واحده اصلا هي صعوبه السادس ا تكمن انه الطالب يكون واحده يواجه الحياه واحده بعد احنا ما لنا علاقه بكم بس اكو فد اشياء هيك ارشاديه هذا الفيديو مو تحفيز يعني خاف اكو فد شخص ده يشوف الفيديو منتظر من عندي تحفيز ما احب اخذ وقتك ارجو المعذره هذا الفيديو مو تحفيزي وانما ارشادي به فد معلومات ب فد اوليات الطالب الدور الثاني يحتاجها يعني مواعيد او امور هيك تدور بباله دائما تاخذ وقته انطيك الزبده هسه ورا هالفيديو هذا خلاص انت ابني جدولك الخاص بيك لان انت اعرف بنفسك اكثر من عندنا كلنا ورتب وقتك رتب اولويات حياتك ودائما خليه وقت الرب العالمين وقت الدراستك اهم شيء وامشي بالدور الثاني راح يكون عندكم وقت كلش زين فلذلك هذا الفيديو مو تحفيزي وانما ارشادي خوفا عليكم يعني انا اريد انطيك الزبده من البدايه على مود خلاص يعني ما عندك اي حجه نهائيا ولا اي استفسار يدور براسك بحيث انه هو يوقفك عن الدراسه فراح ابدا باكثر الاستفسارات الشائعه اللي الطالب دائما يسال عنها وابدا باول شيء اللي هو موعد امتحانات الدور الثاني موعد امتحانات الدور الثاني حسب تحليل شخصي بسيط كلش اني سويته واعوذ بالله من كلمه اني اعتقد انه الدور الثاني راح يكون اما بتاريخ 27/8 او 29/8 يعني بالمجمل انتم عندكم 55 يوم فتره ما بين الدور الاول والدور الثاني اعتقد وقت كلش كافي يعني احنا كنا بالسادس ينطونا 40 يوم نصيح فتره المراجعه قبل الدور الاول هاي نكمل بها نقوصاتنا ونراجع بها ونروح نمتحن يعني فاعتقد الوقت كافي وزياده طبعا انا اذا اصور هالفيديو هذا انطوا الدخول الشامل فالف مبارك للجميع فاطمئنوا يعني هسه حاليا اناي اقول لك انه هالموعد هذا اصلا قابل للزياده قابل للزياده همين فاطمئنه كل الاطمئنان يعني انت عندك 55 يوم او اكثر فاطمئن هاي بالنسبه لموعد الدور الثاني اما 278 او 298 او 308 او اكثر يعني بهالحدود هذه زين موعد النتائج اكو طلاب تحب تعرف النتائج ايش وقت وارد انه اقف شويه هنان على قضيه النتائج موعد النتائج ايش وقت كملتوا انتم امتحانات احسب وياها الفرنسي ش وقت كملتوا احسب فوق ما كملتوا 20 25 يوم اي هلقد تاخذ النتائج كانت قبل اسبوعين بس حاليا لا تاخذلها 20 يوم 25 اليوم فلذلك احب اوجه فد رساله للطالب اللي يريد يقرا بعد ما تطلع النتائج لا حاول شويه يعني تتريث اكثر حاول تفكر شويه اكثر وتستغل هذا الوقت اللي قبل النتائج اللي هو بقرابه شهر تمام فموعد النتائج وقت ما انتم تكملون احسب فوقها 20 يوم الى 25 يوم تطلع لك النتائج جدول الدور الثاني قلت لكم يعني انا هسه بدي اصور واجا الدخول الشامل فتغير السكره بتقولله بالنسبه لجدول الدور الثاني ايش وقت يصد يصدر يصدر بعد النتائج يعني تطلع النتائج وراها بثلاث ايام تقريبا يصدر الجدول طبعا مو كل شيء دقيق انا دا اذكره يعني بالحرف الواحد تاخذه بس يعني دا انطيك فترات تقريبيه يعني اما اقل او اكثر يعني بس بقليل بقليل اطمئن الجدول يصدر بعد النتائج وبالنسبه للجدول يعني هذا الشيء اكيد راح يثبت اللي هو يكون به فواصل زمنيه شنو يعني فواصل زمنيه؟ يعني بين امتحان وامتحان اكو يعني احنا كنا قبل على زمننا الدور الثاني او ليش تبعدها يعني حتى بال 2020 كذا 2019 كان الدور الثاني يوم بعد يوم يعني طالب عنده نص يوم فقط بس هسه حاليا لا بالسنوات الاخيره صار الجدول مال الدور الثاني ب فواصل زمنيه يعني عندك بين امتحانات وامتحانات يوم ونص واكو امتحانات راح تكون استثناء او تصادف جمعه فتصير يومين ونص عكس الدور الاول الدور الاول وصل لحدثلاث ايامطكم ايام ونص فالجدول بعد النتائج ويكون ب فواصل زمنيه ان شاء الله احب احكي على فد اشاعه واللي هي قضيه التصحيح والاسئله نمطيه التصحيح ونمطيه الاسئله وما شابه اكو هوايه اشاعات تقول انه اسئله الدور الثاني صعبه واكو ناس يقولون انه التصحيح يكون متشدد بالدور الثاني شوفوا طلاب احكي بالبدايه على الاسئله الاسئله بنفس هذا الميز يقعدون لجنه اوكي مو شخص واحد يسوون اسئله هاي على كل المواد تنطبق وعلى كل السنوات يسوون اسئله هاي الاسئله النجاح يكون بها ممكن يعني طالب الامور تعبانه يعني يقدر ينجح وكذلك يراعون المستويات المتوسطه ويخلون اسئله اوكي اللي هي مثلا تفصل الطالب عن ال 100 يعني فد ع درجات هاي تكون بها فكره فد 15 درجه تكون بها فكره يعني اوكي على مود يميز الطالب عن طالب اخر فالاسئله دائما من توضع لجنه وهاي اللجنه تخلي خلي اسئله بها النجاح ممكن تراعي المستويات المتوسطه بال 60 او 70 وكذلك يخلون اسئله شويه تميز بين طالب وطالب وما لهم علاقه من يخلون الاسئله يقول لك والله ذول دور ثاني خلينا نشد وياهم ذول دور ثالث خلي نكسرهم ليش يعني شو ماكو ماكو هيك منطق يعني نهائيا اصلا اناي هسه كمدرس انجليزي 23 24 25 الدور الثاني كله اسهل من الدور الاول مو شرط يعني هي مو شرط يعني لا تعتمد على الاسئله اعتمد على قرايتك قول انه انا راح اقرا قرايه تجيني اي نسخه اسئله انا راح احلها يعني السالفه وياك انت مو ويا الاسئله هو ما لك علاقه بها بالنسبه للتصحيح يعني انا مصحح وراح احكي لك من منظوري لان اناي اعرف انه شلون تمشي الامور اولا انا مهنتي انسانيه اناي كنت طالب حالي من حالك اعرف شعورك انا ادرس سادس اعدادي طبعا اكو فد اشاعه يقول لك انه ابو الاول متوسط او الرابع اعدادي يجي يصحح للسادس ماكو حكي كلهم مدرسين سادس فانا ادرس طلاب سادس عندي اقرباء سادس فوق كل هذا الدفتر اللي يجيني هو دفتر مبهم شفتوا انتم من طوكم الدفاتر اكو مكان لاصق بالدفتر هذا يلصق اسمك اللي انت كتبته ويجي يلصق لك ليبل اكو داير ما داير اسمك شلون هيك حواف يعني وكانه الاسم راح ينشلع اي هاي حبيبي ينشله هذا الاسم دفتر اللي يجيني مبهم بس رقم بس باركود ما اعرف الطالب من هو ليش اشد وياه يعني ليش اخبث عليه يعني شنو الشيء اللي يخليني انه انا اشد وياه اني عندي مهمه وهذه امانه واديها عندي اجوبه نموذجيه وكذلك يعني انا اشوف انه التصحيح دائما كوزاري ايدهم خفيفه تطلع النتائج وتشوف ابو ال 90 كان متخيل انه ياخذ 90 راح ياخذ 100 ابو ال 95 ياخذ 100 ابو 80 ياخذ 85 دائما الطالب ترى هو اللي يظلم نفسه اما احنا لا نقدم هذه المسؤوليه بكل امانه وعلى فكره يعني احنا ناخذ رواتب على التصحيح فانا ما اجي اصحح من ورا خشمي ادي اقدم فد شيء يعني للدوله او الكم لا انا بدي اخذ اجر مادي علي فليش اخبث عليكم فاطمئن هاي فكرتي وعقليتي وعقليه كل المدرسين اللي وياي فاطمئنه يعني ماكو شيء اسمه اسئله صعبه بالدور الثاني مو شرط يعني ولا اكو شيء اسمه تصحيح ظلم به او يشدون وياكم اخير شيء احب اسولف به اكو فد شيء همنا منتشر على قضيه القبولات والتقديم والاقسام يعني اكو هوايه ناس يقول لك ابو الدور الثاني ما يحصل طبيه او الدور الثاني ما يحصل هندسه اللي يكمل دور اول ايش راح ينتظر هسه اللي كمل دور اول هذا حينتظر تنزل فد سيزون جديد من مسلسل افلام جديده ينتظر النتائج وينتظر ايضا استماره التقديم المركزي اللي يقدم عليها بعد النتائج هذه الاستماره من تنفتح انتم تكونون هستوكم راح تدخلون تمتحنون دور ثاني وهاي الاستماره مال تقديم مفتوحه تقديم مركزي مال الجامعات انتم تمتحنون وتكمل ونهاي الاستماره موجوده فهاي الاستماره بها فد اكسباير يعني بها فد تاريخ محدد يقول لك راح تنتهي الاستماره بعدين ينزل فد قرار كل سنه وكل عام تمديد الاستماره تتمدد الاستماره لدرجه انه انتم تكملون امتحانات الدور الثاني وتستلمون نتائجكم وتقدمون بنفس الاستماره اللي قدم عليها ابو الدور الاول فكلكم راح تدخلون بنفس الاستماره وقبولاتكم كلكم راح تطلع سويه فوين الظلم بالموضوع انت راح تنافس ويا ابو الدور الاول منافسه شريسه اصلا يعني فما لك اي علاقه نهائيا فد مره حكيت هاي السالفه ف الطالبه قالت لي يعني شلون هيك اناي ابو دور ثاني شلون يعني يقارني ويا ابو دور اول اللي امتحن كل المواد دور اول اكو فد ميزه للدور الاول اللي هو ينطوهم درجه على المعدل هذا الشيء اللي يفصلكم بيناتهم اما تقديمكم سويه وقبولاتكم تطلع سويه لذلك خاف تطلع بعد ف فتره اشاعات انه يقول لك نزلت الاستماره خمن درجاتك وانت بعدك ما يمتحن دور ثاني خمن درجاتك على مود تنقبل وكذا ما لك علاقه استماره واحده تقديم واحد قبولاتكم تطلع سويه فابو الدور الثاني طبيعي حصل طبيه اصلا هواي اطباء بالدور الثاني واي مهندسين فالامور طيبه انا ليش بدي اقول اطباء او مهندسين على مود استهدف يعني الرينج العالي الفئات العاليه من من المعدلات يعني فاطمئنوا هسه ابو الدور الثالث اي يعني اعتقد او متاكد يعني ابو الدور الثالث ممكن ما يحصل مقاعد بالطبيه او الهندسه او حتى الاقسام مثلا اداب انجليزي او ترجمه وغير غيرها ليه س اتذكر جماعه الدور الثالث ما يلحقون لان فعلا هي تقبط يعني فدائما تشوفوهم يعني يسوون ترشيح على السند تجي او يروحون اهليات هاي بالدور الثالث اي فهم حتى استمارتهم بالدور الثالث تختلف بس انتم اطمئنوا انتم نفس الاستماره ونفس التقديم ونفس القبولات انا ما ارد اطيل عليكم بهذا الفيديو اني ان شاء الله بالنسبه الي باللغه الانجليزيه ما راح اعوفكم نهائيا وقناتي مالت التلجرام راح اخليها اسفل الفيديو يعني نهائيا انا ما راح اعوف الطلاب باللغه الانجليزيه نصيحتي الكم طلاب اخطاء الدور الاول تعيدها بالدور الثاني ولا تخاف ايش قد انت ماجل مواد انا مادا احفظك بس هذه فعلا يعني هي ما لها علاقه بالتاجيل يعني كثير من الطلاب مثلا ماجل له اربع مواد وخايف بس من تجي فعلا هالطالب هذا تشوف انه وصل درجه ال 80 ومسح وصل درجه ال 90 ومسح انت مشكلتك مو بالماده انت عس ماجلهن كلهن انت مشكلتك بالنسخه مالت الاسئله الوزاريه اللي اجتك فان شاء الله بالدور الثاني تجيك نسخه توالمك وكذلك انت راح تكون مراجع مراجعه ثانيه قويه رصينه راح تقدر تجاوب فاطمئن فلا تخلي عائق انه والله ماجل هوايه او خايف او كذا ولا تخلي عائق للاشاعات همينه اطمئن واقرا يعني ما اعتقد انه بيناتكم فرق بالدور الاول انت شوي راح تطول بالسادس لمده فد شهرين زياده بس ان شاء الله نتيجه حلوه تطلع اخطائك اللي بالدور الاول لا تعيدها بالدور الثاني يعني ابسط مثال هسه طلاب من هسه قام تدور مرشحات بعدها هسه يمكن بعدكم انتم تحلين فيزياء هالفيديو يوم 30/6 اذا صارني ومن هسه بدوا يسالوني عن المرشحات وغيرها يعني هذا الشيء خطا عندكم وقت والله عندكم وقت تقرون وتقرون بهدوء اهمينا وانتم ابنوا جدول خاص بكم وقسموا المواد اعتقد صرتوا اصحاب خبره وخلص بعد الرهبه مالت قاعه الامتحان الوزاري انتهت وانتم صرتوا اقوى ان شاء الله بالتالي هاي الوقعه اللي صارت ما موتتكم بس راح تقويكم اناي متاكد اسال الله ان يوفقكم واجبي بهاي المعلومات انطيتها بكل رحابه صدر لان اريد لكم الخير امانه الله بالنسبه للغه الانجليزيه ما راح اعوفكم نهائيا ابقوا على تواصل وياي بالتلجرام وبحساباتي يعني وبس هذا كل شي عندي في هذا الفيديو اتمنى لكم كل التوفيق ومع السلامه Так.