من حادث في الطريق إلى زوجي في الحلال قصة ما تتصدقش

ما باقي اصحاب القصص فتاه في عمري 25 سنه عشت طفولتي عاديه عائلتنا قدها قد روحها متكونه من اب وام وخاوه اربعه ثلاثه بنات وطفل وانا المتوسطه يعني تحت اختي الكبيره كنا نسكنوا في واحد البلاصه ككرهاش ولكن فيلاج في الولايه تاعنا ملي كنت صغيره وانا فيها تعرفت على صحابات زوج وحده اسموها امينه وحده سيرين انا كنت في الصغر مقبوله شكل كنت نحب هذه صاحبتي سيرين اكثر من امينه الاخرى نحسها شغل جابده شويه المهم انا وياهم قرينا كيف كيف في الابتدائي بصح في السام فرقونا وانا هنايا كنت نمشي مع سيرين وما نحبش كي نشوف امينه جات معنا ما على باليش علاش مي كنت نحب سيرين وكانت تهضر غير معايا للعلم سيرين وامينه شغل كاين قرابه بيناتهم ولكن كالعديد من العائلات الجزائريه للاسف عندهم مشاكل وكانت كل وحده تشكيلي من الاخرى واحد المره مره قلت لسيرين ايا نروحوا من الطريق هذه اسم بدلنا الطريق وانا غير باش ما نطيحوش في امينه حتى لقيناها في وجوهنا سيرين فرحت مي انا شغل في النار تقول نضربها قلت لها كيفاش حتى جيتي مننا قالت لي كنت عند دار جدي قلت لها ام وانا نشوف فيها من الفوق للتحت لا علينا ما كناش نكرهوا بعض جامي كرهنا بعض انا كنت نغير انا هما في زوج داروا خيمار وانا بقيت الاخره من بعد سخفت ماما شرت لي واحد الحوايج عراض قلت هذيك هي ندير الخمار فاتت ودرته وجامي اذا ندمت عليه ما كنتش نلبس السراول ولا غير حجابات نوليو للدراسه انايا كان عندي استاذ تاع الرياضيات يقريني انا وامينه وما يقريش السيرين احنا كنا في مدرسه واحده ولكن قلت لكم فرقونا بالنسبه للاقسام واحد المره عطالنا العلامات وطلعنا في ثلاثه بقيت نضحك مع امينه عليه على تصرفاته يعني كنا صغار عقل الصغر رفتت سيرين روحها وراحت ديريكت رحنا لها ش بكش بك ماحبتش تجاوب بقينا معها حتى قالت لنا انتما دائما تهضروا مع بعضكم وتخليوني قلت لها وشنو لا لا كيفاش ماحبيتش نهضر معك على خاطر الاستاذ هذاك ما يقركش عليها ما حكيناش معك على هذا الموضوع بدات تشنف تخبط تعيط وراحت من هذاك النهار لحد الساعه ما تهضر معايا ماهضر معها يا ناس يعني شوفوا قيمه تفاهه تفارقنا على حاجه ماكش كامل بعد ما بعدت علينا عرفت صديقات ماشي ملاح بدات تتبرج وهبطت في المعدل على كل حال ربي يهديها وليت انا وامينه ما نتفارقوش حتى الخبر الصادم اللي صرى حنا رحلنا وما ودعتهاش كنا ساعات هكايا نطلعوا لهذك القريه ونتلاقاها لمده اربع سنين حتى ولينا في الليسي واحد الخطره رحت نعيط عليها في دارهم ويا يما كانت اقرب صديقه لما خرجت لي مراه قلت لها امينه راهي لهنا قالت لي لا شكون هذه انا راني كاريه هنا طاحت علي صدمه العمر قلت لها اسمحيلي ورحت محطمه ومهبطه راسي طاحت علي صدمه عمري قلت لها سمحيلي وخرجت هكاك في حاله قالت ليش كامل رانا راحلين وين راهي سقسيت بنات الحومه عليها قالوا لي بدلت رحلت لافيل ما على بالناش وين بالضبط بقيت نندب قلت لهم كيفاش انتما كنتوا تسكنوا هنا بقيت نحوس كيفاش نتواصل معها بعد عامين وكنا نروحوا تما ك قلت بعد عامين وانا نحوس عليها قلت لكم كنت نروح لتما ونعاود نرجع وما كان حتى خبر في العام تاع الباك كنت ماشيه رايحه نقرا قران شفت واحد زوج هكا ماراهمش غاريبين علي او هذو نعرفهم يا سبحان الله كي قربوا لقيتهم ام واخت امينه من الفرحه وهما ثاني عرفونيسلموا علي وكلش وانا قلت لكم الفرحه ماستنيتش وبديت طول نسكسي وين راهي امينه كيفاش وعلاش الى اخره يعني من هذه الاسئله قلت لهم قبل ما تروحوا هاكو نيميرو تاعي مدوه لها من هذاك النهار وانا نستنى فيها تعيط ما عيطتش اما بالنسبه للدراسه ماحكيتش عليها كنت متوسطه ساعات 14 ساعه 15 اختي 14 15 متوسطه راكيفور المهم كل مره كيفاه كنت نقرا بزاف المهم واحد السمانه عيطت هزيت التليفون قلت شكون انا نسيت خلاص على امينه قالت لي انا امينه ما عرفتينيش قلت لها ياه هذا زمان قالت لي ايه حتى لدرك وين مدت لي نيميرو لقاته في الفيستا نسات عليه خلاص حكات لي قالت لي رحلت وكنت نسقسي عليك ومنا قلت لها حبه نتلاقاو قالت لي اوكي وين تفاهمنا على البلاصه غدوه ايا رحنا تلاقينا بقينا نحضنوا في بعض وحكات لي الحكايه تاعها انا ثاني حكيت لها على حياتي كي جينا مروحين كنا هكا ماشيين نشوف واحد بالطوموبيل وهذك الطوموبيل يا وليدي جديده وكبيره باين مولاها لاباس عليه كانوا راكبينها في زوج ماشي واحد من القدام وكانوا يسوقوا ولا كان يسوق بسرعه كبيره وكان شغل كاين الدخان في الطوموبيل باين باللي كانوا يتكيفوا وغالقين الدواقي انا وامينه فايتين انا رحت الاولى قالت لي نو بلاكي وتسمع غير الطوموبيل هذيك تفريني قدامي طبعتني شويه وطحت في الارض هي تجري خاطر انا فتوله وجات الضربه في امينه مسكينه وانا طاح لي التليفون تكسر جيت نرفدق لقيته مفتت يعني ماشي مفتت مفتت مكسر نضت ليه اللي كان يسوق قلت له انتيا مهبول واش بك قتلتني قاللي انت اللي ما تعرفيش تقطعي الطريق قلت له نورمالمون انت البيرمي ما يمدوهكش قال لي ايهطلعي وريلي شطارتك لاله وعلميني كيفاش نسوق يا سيدي قلت له ديجا تليفوني كسرته لي جا هذاك صاحبه قال لي شحال شحال برك وليت نغلي قلت له اسمع احترم نفسك ش راك تقصد قاللي قلت لك وقاطعوا صاحبه قاللي خلاص واش راكي حابه قلت له دك نروح روح نشكي بك قال لي ا وصلنا وين تشكي بيا على جل تليفون قلت له لا لا ماشي علىجل تليفون كي قريب قتلتني جت صاحبتي قالت لي ايا خطيك منهم قلت لها صبري صبري لا لا لا هذه ما تروحش هكاك انا كي شفته هكاك قلت له اطلب السماح يلا قاللي روحي روحي يا بنت الناس سينو كش ما نقوللك هضره خلاف قلت له سيي زهرك قاللي شوفي انت طفله راكي خطيتني ما تزيديش فيها بدات تجبد في امينه انا صح فقت مع روحي قلت يا اخاه منين انا موالفه هكايا بعدا قال لي صاحبه سمحينا يا خلينا نروحوا برك رايح عاود ولا لي نحي تليفون من يدي يبدا يقلب فيه قال لي والله قلت له اطيني تليفوني ربي يسهل قال لي لا لا لا تعودي تدعي علينا ولا ويخرجوا الدعوات فيا امينه ضحكت خزر فيها بعدها قالت لي صاي صاي راني سكت شاف هو معايا وقاللي اصبري هنا دقيقه راني جاي راه على رجليه وصاحبه قعد داخل الطوموبيل بعدها جا قال لي تليفونك را عند هذاك الحانوت غدوه على 12 ارواحي ديه قلت له ايه بصح قاللي ما تقولي لا بصح لا والو خلاص كسرنا لك تليفون راح نخدمه لك المهم سكت ورحت عند صاحبتي بقات غير تضحك وانا نضرب فيها نقول لها ش يضحك فيك ش يضحك فيك يا وجه الضحك قالت لي ايه هذاك الشباب على بها لصقتي فيه قلت لها حشمي ش هذ الهضره المهم فاتت الحاله غدوه الصباح قلت لماما راني حطيت تليفوني يتسكم وراني رايحه نجيبه قالت لي ما تخرجيش حتى تتغداي تغديت وخرجت رحت وصلت على الوحده كانت الشتا خيط من السماء اي المهم رحت كي لحقت عند مول الحانوت قاللي باللي جا واحد وداه قاللي قولها تعيط لي من عندي اي انا عيطت له وتما تشوكيت جاوني واحد الافكار قاللي راسي بلاك تخضعت وراه سرق لك التليفون قلت كيفاه باين باللي عنده الدراهم راح يطمع في التليفون تاعي حتى قاللي مول الحانوت هاكي التليفون هضري به هضرت به قلت اسمع انت ورا تليفوني سرقته وديجا شكون اللي قال لك اديه قال لي قلت لك ارواحي على 12 قلت له شوف جيب لي تليفوني قال لي دوري وتلقايه برا الحانوت درت حتى يشوف في منبعيد حطيت هذاك التليفون تاع السيد ورحت له نجري قاللي بالعقل بالعقل لا تزيد تدامك طوموبيل قلتلهه اطيني تليفوني معليش اطيه لي جبت ونجيب قاللي هاكيت نجبد دراهم قاللي لا لا هذه انا اللي درتها انا اللي نخلصها قلت له اوكي ما نروحش نلعبها زعما عندي النيف وح نمدلك الوارد غير نسى قاللي اصلا ما قلتلكش رجعيهم قلت له عملت مليح ايا انا ومشيت بدا قاللي استناي شفت فيه واحد الشوفه تجمد شغل تكاكى مع روحه قاللي خلاص والو قلت له لا لا ش كاين قول لي ش تسح قال لي سمحيلي بصح قلت له اه هذا صح انت تاع البارح كنت مقلق وكذا قلت له اسمع حقها ماج جبتش هذاك الصامط اللي معك؟ قال لي لا هذاك ماشي صامط طبيعته هكاك قلت له ايه مليح قال لي ش اسمك قلت له نور ايه بصح علاش راك تحوس بعد ما قلت له جاتني لحظه ادراك شغل علاش هذا راني نقول له على اسمي بدا يضحك قاللي انا وسمي مسعود تشوكيت قلت له مسعود بعد فقت مع روحي قلت في قلبي دروك هذا صح اسم تاعه مستحيل قال لي لا زعما انا كاع بوكوس كامل هكا ويسموني مسعود راني نتمسخر بدا يضحك في الحقيقه حتى انا ضحكت بعدها قلت له خلعتني قال لي اه سمع اعترفتي بلي اسم مسعود ماشي شباب ولا كيفاه قلت له لا علاش نورمال اسم نورمال المهم قاللي وسمي رامي قلت له مليح ورحت العشيه عيطت لي امينه قالت لي كش جديد قلت لها لا والله ما يكون قالت لي والتليفون تاعك جبتيه ولا لا قلت لها ايه قالت لي هاهو جديد وحكيت لها قالت لي هذا كاع جديد قولي لي ما كان والوها واحد اليومين نلقى تليفون يصونيني نيميرو جديد رفدت قلت الو شكون قاللي انت اللي شكون قلت له خويا انت اللي عيط لي انت اللي شكون جيت راحه نكوبي قال لي رامي رامي ما تكوبيش قلت له منين جبت النيميرو تاعي قاللي ساهله نحيت لابيس تاعك حطيتها في تيليفوني وهزيت النيميرو ورجعتها قلت له ح تهبلني اسمع بالك زيت عيط لي كوبيت وبلوكيته للعلم هو كان اكثر مني بعامين وهذه عرفتها من بعد ويقرا في الجامعه خفتي فيقولي تاع دارنا يعيط لي راجل وشنو يقتلون جوزت الباك وجبته ودرت الزرده روبلتها طلعت للجامعه درت تخصص قد المعدل تاعي قريت في نفس ولايتي فات عام ودخلت سنه الثانيه جامعه بعدها فاتوا ثلاث شهور على القرايه واحد اليوم خرجت على الزوج وميته بالعيا وراح نموت بالجوع من الصباح ماكليتش خرجت من الجامعه مشيت شويه هكا حتى نشوف واحد السيد لقيته مسعود قلت له اه مسعود قاللي شش من مسعود قلت له قريب زدتك كسرت لي تليفوني شوف قدامك خاطر صدم فيا قال لي اه مازلك بنفس التليفون قلت له ايه هو بالذات قال لي ايه كبرتي شويه شش راكي ديري هنا قلت له انت الليش قاعد دير هنا راني نقرا انت ش راك دير قاللي حسبتيني جاهل شش من جامعه تقراي قلت له هنا اه قاللي ميم انا قلت له بصح هذا العام الثاني وجامي شفتك هنا قاللي العام اللي فات بلوكيت العام اه مليح بعد قلت له يا صحه راني ميته بالعيا قال لي لا حتى تجي معايا قلت له وين قال لي ايا برك نسحقك ما تخافيش مشينا شويه دخلنا في واحد الريسطورون انا كي شفتها هكا سكت خاطر في الاول خفت قاللي على بالي بلي تكوني جيعه جبتك هنا قلت له اوكي ما نقولش لا لا بصح انا اللي نخلص قاللي انت اللي جبتيني ولا انا اللي جبتك نقشنا شويه حتى عيط للراجل قاله جيب لي واش تقوللك هذه قلت له مازال ما خيرتش قاله اصبر شويه وهو دار هذ اللقطه غير باش يقاطعني المهم بعد الحاحه كبير منه طبعا ادا نيميرو تاعي جديد وخلص هو يعني دار رايه قاللي قبيل شفتك تشوكيت ودرتها بالعاني وخبطت فيك قلت له تسما كلش مخطط قال لي ايه قلت له انت يا خبيذ المهم فاتت ورجعت للدار حتى قالت لي ماما علاش بطيتي قلت لها زادونا شويه وقت في لافاك على سعدي قالت لي ايه كولي قلت لها درك ناكل دخلت درت روحي كليت وخرجت وعيطت لامينه للعلم كانت تقرا في الجامعه بصح ماشي جامعه نفسها نقرا فيها انا واحده اخرى ولكن في نفس الولايه المهم حكيت لها حكايتي قالت لي عندك الزهر قلت لها شش من الزهر هذاك يحب برك منكر في المهم حكينا شويه وكوبينا غدوه الصباح رحت لافاك كي خرجت نسمع في تيليفوني صوني نلقاه السيرامي رفدت عليه قال لي وين راكي قلت له هذا وين خرجت قاللي مالا ارواحي وين يحبسوا ليس قلت له علاه قال لي عندي هضره مهمه معك المهم رحت لوحده كجاردان صغيره قعدنا في الكراسه قاللي نبدا انا قاللي شوفي انا من نهار الاول اللي شفتك عجبتيني وجامي حبيت وحده كما انت انا مت بالحشمه خلاص ما قدرتش قلت له حبس بلا ما تكمل انايا مارانيش تاع خرجات وهذا الشيء مالازمش مع ربي على بالك نورمالمون كاع ما نتلاقاش معك دوك قال لي على بالي اصلا راني حاب نجي لباباك بصح خفت ترفضيني تما جيت قلت لك ليك ديريكت بصح ان شاء الله نجي ونهضر معاه وشنو نهضر لبابا ويهضر معاه قلت قوم نزيد نطمنك كي تجي عند بابا راحه نقبل قال لي قولي والله اطيني نيميرو تاع باباك درك عطيته له رحت فرحانه ميته عيطت لامينه المره الاولى ما رفدتش رحت للدار زدت عيطت لها رفدت يماها تبكي قلت لها الو امينه قالت لي انا يمه امينه راحت يا نور قلت لها وين راحت قالت لي راحت وخلاتني بنتي العزيزه انا تصدمت خرجت نجري ونبكي ركبت في طاكسي نجري ماما تشوكات المهم جات معايا دخلت لدار امينه لقيتهم كامل يبكوا غير البارح برك يا اخوتي كنت نهضر معها صديقه الطفوله توفات على بالكم حبيتها لوحد الدرجه جامي شفت منها ضرر الله يرحمها ويوسع عليها بعد ما فارقتني خلاص وليت انسانه واحده اخرى رحت لختها ونبكي قلت لها كيفاش ما فهمتش البارح كان تهضر معايا نورمال قالت لي الصباح كان توجد فيه روحها رايحه لافاك حتى طاحت عليها واحد الحديده ما كانتش راكبه مليح في الكراج هبط باباها لقاها طايحه وغرقه في دمها وليت غير نقول يا ربي مازالت صغيره حتى نشوف رفيقه دربي مكسله على الفراش فتحت نشوف في وجهها نلقاه ابيض ماقدرتش نحكم روحي تفلقت بالبكا جاو غطاوها وداتني ماما بعدتني من بعد رجعنا للدار وانا ماشي قادره عيني منفخين حموره حالتي حاله دخلت لبيتي بقيت غير نبكي ما صدقتش الصدمه صدمه كبيره حتى لقى تليفوني صوني لقاه رامير رفدت وانا صوتي خلاص ماكش كاع قال لي الو راني رايح من بعد قال لي ش بيك راكي تبكي بعدها وليت نشهق قال لي ش بيك هضري ما تقلقينيش قلت له ماتت قال لي شكون قلت له امينه بديت غير نبكي قال لي هذيك اللي كانت معك قلت له ايه مازالت صغيره يا رامي ماقدرش نصبر عليها عظم لي الاجر وقال لي انا لله وانا اليه راجعون نورمال الصبري هذه هي الحياه المهم هذيك العشيه بقى يصبر فيا من بعد كبينا بعدها عيط باش يقول لي رايح نعيط لباباك يا ماقدرش يقول لي باسكو انا راني في حاله سمانه كامله وهو يعيط ويصبرني ويطمني فاتوا سمانتين قال لي رامي ارواحي نتلاقاو قلت له لا لا مانيش حابه نكمل هكا في الحرام قاللي مال العشيه راح نعيط لباباك قلت له انا مانيش قادره نتخطى الصدمه تاع صاحبتي وانت تقول لي هكا قال لي ما نقدرش نزيد نصبر حاب نشوفك حاب تكوني في داري المهم تكوني حلالي صح نحترم موت صاحبتك بصح سمحيلي انا اليوم رايح نعيط لباباك كبالي في وجهي وانا يا ربي كيفاش راني رايحه ندير رقدت في القايله حلمت بامينه قالت لي روحي روحي تهناي انت ورامي وفرحي فرحت انايا نط مخلوعهاني في نفس الوقت توضيت صليت صلاه الاستخاره دعيت ربي اذا كان فيه خير يقربه واذا كان فيه شر يبعده كي كملت حسيت بواحد الراحه في قلبي ارتحت له هذا الانسان زدت شويه وسمعت التليفون تاع بابا يصوني رحت نجري قلت له شكون اللي عيط قلت لك قاللي ما نعرف نيميرو ما نعرفوش قلت له اه حطيتها عمتي مسحقتها داركت الامر وشغل بديت في وجهي باللي راني رايحه نقوللكش حاجه رحت مور الباب كي عاود عيط رفد وانا رحت مور الباب نسمع فيه يقول اصبر نسقسيو يا وليدي نسقسي وم بعد سهل اعطيني اسمك ولقبك من بعد سهل من بعدها رحت نجري زاد شويه رامي عيط لي قاللي راني عيطت وحكيت له عليك قلت له ايه شش قاللك قال لي بلي نسقسي عليك قلت له مليح قلت له بلي تختم وتقرا قال لي ايه حكيت له كلش انا هنايا فرحت بزاف وعرفت بلي هذا الانسان ماراهوش يتمسخر صح راجل وناوي الحلال من ذاك زدنا تلاقينا صدفه عند الجامعه قال لي لا ماليش نهضر معك حكيت معه وقلت له بلي راني فرحانه بزاف كي اكتشفت بلي انت راجل وماراكش تمسخر قال لي ان شاء الله باباك يسقسي وما يكون غير الخير ونكملوها في الحلال ان شاء الله بعدها سقسيته قلت له هذاك الصامت اللي كان معك قبل وين راه؟ قال لي اه هذاك ماراهوش صامط برك تما حسبكم البنات اللي يطمعوا وحب هكاك يهضر معكم اه قلت له تسما انت ثاني حسيتنا هكاك قال لي لا انت مهبوله اصلا اول مره شفتك كي نضتي من الارض حبيتك من الاول قلت له ايه اوكي هبطت راسي بعدها قلت له ايه حق نسيت ما سقسيتكش انت تصلي ولا لا قال لي بيان سور نصلي قلت له قل والله قال لي والله العظيم انا من صغري تربيت على الصلاه قلت له تتكيف هبط راسه وسكت اه قلت له تتكيف باينه عليها تكثر الريحه نهار كامل تريح من البعيد اسمع انا ما نحبش الدخان لازم تحبسه قال لي هذه شويه صعيبه قلت له ايه ايه لازم تحبسوا وخلاص قال لي عندي يما وعندي بابا وخويا وختي برك وبابا عنده شركه ويما مديره شركه واحده اخرى بصح تقعدت قلت له قل لي انتما عائله تاع الشركات ولا كيفاه قال لي لا قلت له وانت قاللي نخدم في شركه نفطال قال اه قلت له عائله الشركات وخاوتك قال لي انا الكبير هما ما يخدموش المهم فارقنا هنايا من بعد راح مشى هو مشى شويه قلت له رامي درت له باي باي قاللي عجبتني هذه رامي تاعك غمزلي وراح بابا ما جبد لي والو عليه حتى فاتوا اليومين جات يما قالت لهم جاينك خطابه وباباك راه قال باللي ماليش نشوفوهم قلت لها هذا وين حتى ضربتني هكا لكتفي قالت لي وشنو على بالك تعرفيه قلت لها لا قصدي سمعته يهضر برك قالت لي اه بالك واحد الخبيثه تكوني دايره حاجهتحت لتحت المهم هو سقس عليه وقالوا له طفل ما شاء الله عليه يصلي يخدم ويزيد يقرا العام هذا يتخرج قلت لها ايه في قلبي قلت لها انا هذو الحوايج نعرفهم من قبل قلت لها ايه مال وقتش يجوا قالت لي بعد يومين الزربي من درك نبداو نوجدوا وجدنا الدنيا كامل راكم تعرفوا كيفاش يوجدوا الخطبه الجزائريه جاو العائله تاعه اخته يماه خالته عمته ناس ملاح الله يبارك عجبتهم عجبوني جابوا كل خير شش نقول لكم الدنيا تعمرت بعدها داني خيرت الخاتم وجا باش يديره لي درنا خطبه هكذايا فيونساي ما نقولوا هذاك النهار اللي كان يدير لي فيه الخاتم ماما قالت له يا وليدي تبادلوا نوامر باش تعرفوا على بعضكم خسرنا في بعض وقريب طرطقنا بالضحك قال لي ايه اعطيني تليفونك زعما زعما مرك نيميرونا توانسنا شويه من بعدها قلنا بالبركه بعد اربع شهور درنا الفاتحه وزدنا العرس ودار لي واحد الكورتاج الله يبارك جاب واحد الطوموبيل نشوفها غير في التليفزيون خرج تحت جناح بابا حكم لي رامي يدي ركبني من القدام وساق هو ورحنا بالكورتاج درنا واحد الروبله شش نقول لكم وهو كان اسعد انسان ورحت لداري من هذا النهار وانا عايشه الحمد لله مع الزوج تاعي ما شاء الله ربي يكتب لكم كاع اللي راه في قلوبكم وشكرا ‏Yeah.