مولد أعظم مخلوق ﷺ نور مصطفى حسني السيرة النبوية

عايز اقول لك على مجموعه معلومات في بدايه قصه حياه سيدنا رسول الله عيب ما نكونش نعرفها خمس اسماء في نسب النبي العلا ما حفظوا لنا اكتر من عشرين اسم في نسب سيدنا النبي بس احفظ الخمسه دول بس سيدنا محمد ابن عبد الله ابن عبد المطلب ابن هاشم ابن عبد مناف احفظهم محمد عبد الله عبد المطلب هاشم عبد مناف وام سيدنا النبي عليه الصلاه والسلام اللي هي زوجه باء سيدنا عبد الله اسمها السيده امنه بنت وهب ابن عبد مناف ابن زهره وبيلتقوا كده في الاجداد ان هم قرايب اتجوز سيدنا عبد الله السيده امنه بنت وهب وسيدنا النبي بيقول معلومه مهمه جدا ان لما ربنا خلق الخلق اختص منهم العرب ثم اختص منهم قريش ثم اختص منهم بني هاشم ثم جعلني من بني هاشم فانا خير من خير او خيار من خيار وقال سيدنا النبي عليه الصلاه والسلام ان الله لما خلق الخلق قسمهم الى فرقتين فجعلني في خير فرقه ثم قسمهم الى فرقتين فجعلني في خير فرقه ثم اتخذ من هذه الفرقه قبيله وهي قريش ثم اتخذ من قريش بني هاشم ثم جعلني او خلقني من بني هاشم فانا خير من خير ودي شهاده من سيدنا النبي عليه الصلاه والسلام انه كان في خير نسب ودي اقوى دليل عند العلماء ان اجداد النبي ما كانش فيهم كفار بيعبدوا الاصنام لان النبي شاهد لهم بالخيريه ودي معلومه مهمه هنحتاجها بعدين اتجوز سيدنا عبد الله ابو النبي عليه الصلاه والسلام السيده امنه بنت وهب وحملت في سيدنا محمد عليه الصلاه والسلام وهي بتقول فلم اجد لحمله وجعا ولا مغصا انما كان حملا خفيفا وسيدنا عبد الله ابو النبي عليه الصلاه والسلام عنده 25 سنه طلع في تجاره من مكه واتجاه الشام كده رحله الشتاء والصيف في الشتاء لليمن وفي الصيف للشام فخرج وهو خارج في التجاره دي مرض وهم راجعين رجع عند بني عدي ابن النجار اخواله في المدينه المنوره في يثرب فقعد عندهم علشان يعالجوه ومشيت القافله رجعت لمكه وفي الوقت ده مات سيدنا عبد الله ابو النبي وستنا امنه حامل في سيدنا محمد عليه الصلاه والسلام والمعلومه اللي كتير من الناس ما يعرفوهاش ان سيدنا عبد الله ابو النبي مدفون في المدينه في حته اسمها دار النابغه جنوب غرب المسجد النبوي واتدفن هناك وزعل عليه قوي ابوه سيدنا عبد المطلب جد سيدنا النبي عليه الصلاه والسلام لما عرفوا الخبر ان هو مات سيدنا النبي دلوقتي السيده امنه حامل فيه وصار يتيما لما ابوه مات وبعدين يوم 20 ابريل 571 ميلاديا 12 ربيع الاول وفي خلاف بين العلماء على اكتر من تمن اقوال هو سيدنا النبي اتولد بالظبط يوم كامل لكن جمهور العلماء وده اختيار سيدنا جابر بن عبد الله الصحابي وابن عباس الصحابي النبي اتولد 12 ربيع الاول وقالوا ده اليوم اللي اتولد فيه وفيه بعث وفيه اسري الاسراء والمعراج وفيه هاجر وفيه مات صلى الله عليه وسلم هذا التاريخ الشريف وافتكره كويس 12 ربيع الاول سيده امنه بنت وهب بتقول ان انا لم اجد وجع في حمل سيدنا النبي ولما خلفته في مكه بعد خمسين يوم من وقعه الفيل حادث الفيل بتاع ابرهه وارسل عليهم طيرا ابابيل ترميهم بحجاره من سجيل فجعلهم كعصف ماكول بعد خمسين يوم اتولد سيدنا النبي عليه الصلاه والسلام ولما ولدته هي بتقول كده ويحكي الامام السيوطي هذه القصه تقول فخرج مني نور اضاءت له السماء وبعض الروايات وان كان العلماء بيضعفوها ان سيدنا النبي نزل معتمد بايده على الارض وكان مختونا وكان مقطوع الحبل السري وكانه صلى الله عليه وسلم نزل في ابهى صوره ممكن ينزل عليها انسان صلى الله عليه واله وسلم فرح بيه جدا عبد المطلب وحسب مسئوليته عنه لان ابوه متوفى سيدنا عبد الله لما مات في المدينه وبعد سبعه ايام من ولاده سيدنا النبي عليه الصلاه والسلام دبح ذبايح واكل كل مكه فقالوا له هتسميه ايه فقال لهم هسميه محمدا حتى يحمده الله في السماء ويحمده الناس في الارض وقام جايب فويبه جاريه ابو لهب ابو لهب عم النبي وقال لها رضعي فالسيده فويبر رضعت سيدنا النبي وكانت مرضعه كمان حمزه عم النبي فصار سيدنا حمزه اللي اكبر من النبي بسنتين اخو النبي في الرضاعه ثم بداوا يدوروا له على مرضعات من بره مكه لان مكه وقتها كان فيها وباء نشات سيدنا محمد عليه الصلاه والسلام كلها نور ربنا سبحانه وتعالى بيرزق بالسبب وبغير السبب وبالضد السبب زي ما العلماء علمونا ربنا سبحانه وتعالى لو خد منك حاجه في قدره بيعوضك ومش معنى ان ممكن واحد ينشا يتيم الاب او يتيم الاب والام ان حياته هتطلع ناقصه لان حقيقه الرعايه والعنايه بتكون من الملك سبحانه وتعالى وصدق اجدادنا اللي قالوا ما يربي الا ربي سبحانه وتعالى الرب الذي يخلق ويملك ويرزق ويتولى الشؤون وربنا قال لسيدنا محمد عليه الصلاه والسلام وعلى الحقيقه بيقول لنا احنا كمان الم يجدك يتيما فاوى ربنا سبحانه وتعالى لما بيخلق انسان يتيم الذي اخذ منه الاب او الاب والام بيحط الحنان والرعايه والاكرام في قلوب ناس تانيين اه انت ممكن تقول لي ما فيش عوض عن الاب والام اكيد ما فيش عوض بس في عطاء بديل ربنا سبحانه وتعالى بيتكفل به لان الرحمه اللي اتخلقت جوه الاب والام تجاه عيالهم ما هي الا من خلقه الرحمن الرحيم سبحانه وتعالى وفيه في وسط مجتمعاتنا عبر الزمان ايتام كانوا اكابر ومؤثرين وعظماء وعلماء ومش كل واحد فقد في طفولته نوع معين من الرعايه من شخص معين هيطلع عنده نقص لان ربنا بيعوض في رحله الحياه انا كمان مطمئن جدا لايمان ابوي النبي عليه الصلاه والسلام لاسباب كثيره اولا لان سيدنا النبي عليه الصلاه والسلام قال ان انا خيار من خيار من نسل سيدنا اسماعيل ابن سيدنا ابراهيم كل ما يتفرع الاجيال ربنا يختار لي سيدنا النبي خير الاجيال فمش ممكن النبي يشكر في مشركين او كفار انا خيار من خيار الحاجه التانيه لان عقيده المسلمين ان اهل الفتره هم الناس اللي موجودين في وقت فتور من الرسل فتور يعني ما كانش في انبياء سيدنا محمد عليه الصلاه والسلام اتولد سنه 571 ميلاديه يعني بعد رفع سيدنا عيسى بقرون في ناس جت في القرون دي لم يجدوا رسول في المكان بتاعهم وربنا قال وما كنا معذبين حتى نبعث رسولا فعقيده اهل السنه ان هؤلاء الناس ان شاء الله يكونوا ناجين يوم القيامه بالاضافه كمان لاختيار ربنا لاسم سيدنا عبد الله ابو النبي واسم السيده امنه بنت وهب والده سيدنا النبي عليه الصلاه والسلام فانا ما بخشش في النزاعات هم كانوا كفار ولا مؤمنين لاننا مطمئنين جدا مع اراء العلماء وهم كثير قوي بايمان كل اباء واجداد سيدنا النبي عليه الصلاه والسلام