٣ معلومات عن ليلة الغفران ليلة النصف من شعبان مصطفى حسني

ثلاث معلومات عايز اشارك حضراتكم في عن ليله النصف من شعبان المعلومه الاولانيه قال صلى الله عليه واله وسلم ان الله يطلع في ليله النصف من شعبان فيغفر لكل عباده الا مشرك او مشاح وفي الروايه الاخرى فيغفر لكل عباده ويذر اهل الحقد بحقدهم المشرك متفقين ان الله لا يغفر ان يشرك به يغفر ما دون ذلك لمن يشاء مين بقى المشاحن المشاحن مش هو الشخص اللي واحد واكل ماله ومال عياله او مزعله وغلطان فيه ومبهدله فمش قادر يسامح لاده بني ادم طبيعي لو قدر يسامح يبقى من الاوليا وده اللي ربنا وصانا بيه على قد ما نقدر لكن المشاحن هو اللي بيضم يعني شايل جوانيه الايذاء بغير وجه حق يعني انا ابقى عايز من جوايا كده عايز اذيك فعمال افكر هقعد مع مين اتكلم عليك في ضهرك عشان اشوه صورتك مع اصحاب فلاني ومع اصحاب القرار في الشركه عندنا اللي احنا زمايل فيها مع بعض هو ده معنى الحقد اهل الحقد اضمار ان جوايا شايل نيه ايذائك وبحاول اترب ادور اعمل ايه عشان اؤلمك واوجعك دول اسمهم المشاحن او اهل الحقد فربنا بيطلع بيغفر للجميع الا ده اولا ربنا بيغفر ليه لاسباب كتيره يعلمها الله منها ربنا بيجهز قلوبنا لاست لاستقبال انواره في رمضان انوار ربنا يعني ايه انوار ربنا يعني المعاني اللي ربنا بيرميها في قلوبنا اللي بتخلي الانسان يعيش في الجنه وهو في الدنيا ربنا جنبي مش هيسيبني وانا في البلاء هيل طف بيا ده معنى معنى لما اعيش بيه ابقى مسنود كده على ربي في البلاء وفي النعمه هيحافظ لي عليها ولما اجتهد هيكرمني ويفتح عليا ولما اخسر هيعوضني ولما يسيبوني يكون هو ونسي وسندي ولما اكرم حد هيطمر فيه ببركه ربنا المعاني دي اللي بتحل الدنيا دي اسمها انوار ربنا هذه الانوار ساعات بنحط احنا حجب حجاب على قلبي كده يبقى الانوار جايه والقلب رافض مش جاهز ما يستقبل عشان كده كان سيدنا الشيخ يقول لنا ليس ليس الوصول الى الله طريقا الى الله تقطعه ولكن الوصول الى الله حجابا عن قلبك ترفعه فاحنا ربنا بيغفر لنا عشان القلوب تستقبل انوار رمضان طب ليه مش بيغفر للمشاحنات حد واحنا جوانا ربنا امر كده ولكن كونوا ربانيين فلي يتجرد من ه هذه الصفه ويضمر الايذاء تجرد من الربانيه اللي فيه فربنا يقول له لا انت الاول تتجرد من نيه الايذاء والالم والوجع ده علشان تخش مع المغفور لهم بقول النهارده قبل ليله النصف من شعبان بيومين عشان تقعدوا تفكروا كويس في الموضوع ده واللي عنده الاحساس ده تجاه حد يتجرد منه يتخلى عنه مش عشان حد عشانك انت عشان تدخل انت في زمره المعفو عنه دي المعلومه الاولى معلومه الثانيه معلومه جميله قالها لنا مشايخنا مش ربنا بيرفع الاعمال كل اثنين وخميس ليه بقى بتترفع الاعمال تاني فقال لنا سيدنا الشيخ ان ممكن واحد يعمل عمل معين انت مثلا تصدقت فلما تصدقت مثلا مثلا اخدت 100000 حسن بس انا شفتك وانت بتتصدق جيت بعدها باسبوعين جالي قدامي واحد فقير وانت كمان جيت قدام عينيا فعلك فقلت انا هعمل زي فلان اللي تصدق ده فانت انت كنت قدوتي لانك انفقت قدامي فتاخد اجري لما انا انفق من دل على هدى فان له مثل اجر عامله الى يوم القيامه او انت تصدقت وبعدين لما الفلوس وصلت للناس البسطاء دعواك ربنا يكرمك بعدها باسبوع ولا اسبوعين عبال ما شنطه رمضان ولا ايا كان وصلت فكل ده ينضم ينضم ويثمر لك العمل ويرفع في ليله النصف من شعبان ف حااجه كبيره قوي عند ربنا سبحانه و تعالى المعنى الثالث ترفع ترفع ارتقي عن النقاش اللي بيحصل كل سنه في ليله النصف من شعبان وبيتقل الخناقه والشيطان بيضحك علينا نصوم نهارها ولا لا وورد حاجه عن سيدنا النبي عليه الصلاه والسلام في قيام ليلها ولا لا ترفع عن النقاش ده ما يبقاش ربنا بيطلع عشان يسامحنا الا اهل الحقد واحنا نتخانق على الانترنت واحد يجيب 100 دليل ان مش ما وردش حاجه واحد تاني يجيب 100 دليل ان ورد هو ده الخلاف الطبيعي جدا بين الفقهاء الهوم وورك ده اتعمل من زمان يعني الائمه الاربعه وغيرهم من كبار العلماء من اول الصحابه خلصوا الموضوع ده واستنتجوا في الاخر ان الخلاف ده معتبر انك انت لو قمت ليلها سواء لوحدك او جماعه وصمت نهارها في ادله على كده وفي اكابر عملوا كده ولو ما عملتش كده في ادله على كده وفي اكابر ما عملوش كده خد الامور ببساطه ده اللي بيسموه عندنا في الشريعه الخلاف المعتبر المقبول اللي قال فيه العلماء اجمعهم حجه قاطعه لو العلما اجمعوا على حاجه مش هنخلف واختلافهم رحمه واسعه او رحمه واسعه فترفع عن الخلاف ده ما تخشش في النقاشات اللي على الوول بتاعه الفيسبوك اللي بيجيب الادله نعمل ولا ما نعملش صدي ركعتين لو عايز بالليل لوحدك ولا مع غيرك هتلاقي لها ادله كتير قوي ما تصليش وخليه يوم عادي بالنسبه لك القرار عندك وان شاء الله بالنوايا كل متقرب الى الله سبحانه وتعالى