تطبيقات على التمثيلات البيانية رياضيات الصف السادس الابتدائي ترم اول حصة 22

بسم الله الرحمن الرحيم النهارده هناخد حصه 22 في رياضيات ه ابتدائي وهناخد فيها الدرس الاخير في الوحده الاثه تطبيقات على التمثيلات البيانيه الدرس ده يعتبر مراجعه على التمثيلات البيانيه اللي خدناها احنا خدنا قبل كده اربع انواع في التمثيل البياني خدنا مخطط التمثيل بالنقاط والتمثيل بالاعمده والمدرج التكراري ومخطط الصندوق النهارده هنركز على ثلاث انواع فيهم اللي هم مخطط الصندوق والمدرج التكراري ومخطط النقاط الفكره الرئيسيه في الدرس هنتعلم فيها ازاي نختار افضل مخطط فيهم لتمثيل البيانات او ازاي نحدد انسب مخطط فيهم للاجابه عن سؤال معين عشان نعرف المخطط الانسب لتمثيل البيانات لازم نعرف ميزه كل مخطط فيهم نشوف كل مخطط بيتميز عن التاني بايه نبدا بمخطط الصندوق ايه اللي بيميز مخطط الصندوق عن اخواته مخطط الصندوق ده افضل تمثيل يوضح لك القيم الخامسه افضل تمثيل يوضح لك القيم الخمسه ايه هما القيم الخمسه اللي هم الحد الادنى والحد الاعلى الربع الاول والربع الثالث والوسيط افض افضل تمثيل تجيب منه قيمه من القيم الخمسه دول هو مخطط الصندوق يعني مثلا الرسمه دي لدرجات تلاميذ الفصل في الامتحان لو سالك على الحد الادنى الحد الادنى اللي هو اصغر قيمه اصغر قيمه عندك ال 10 لو سالك على الحد الاقصى اكبر قيمه عندنا ال 50 لو سالك على الربع الاول اللي هو الخط الاول عند ال 20 الربع الثالث اللي هو الخط الثالث بيساوي 40 لو سالك على الوسيط اللي هو الخط اللي في النص الوسيط هيساوي ساوي 25 يبقى افضل تمثيل اجيب منه القيم الخمسه دول هو مخطط الصندوق ده كده اللي بيميز مخطط الصندوق انه افضل تمثيل يوضح لك او يجيب لك القيم الخامسه طب خلي بالك احنا قلنا الحصه اللي فاتت ان مخطط الصندوق بيكون مقسوم لاربع ارباع او اربع اجزاء عندك ده ربع اول الحته دي ربع ثاني وهنا ربع ثالث وربع رابع معنى الارباع احنا قلنا الرسم بيوضح درجات تلاميذ الفصل في الامتحان لو قسمنا تلاميذ الفصل لاربع ارباع او اربع مجموع مجموعات عندك شويه تلاميذ جايبين من 10 ل 20 طب كام هم الشويه دول ماارفهمش معاررفش عددهم عندنا شويه التانيين جايبين من 20 ل 25 عددهم كام الشويه دول برض ماارفش عندنا شويه كمان جايبين من 25 ل 40 كم عددهم الشويه دول برده ماارفش مين اللي يعرفك المدرج اللي بيميز المدرج التكراري ان بيعرض لك البيانات على صوره فترات بيعرض البيانات على صوره فترات وكمان كمان بيعرفك تكرار كل فتره بكام يعني مثلا الرسم ده برده لدرجات تلاميذ الفصل في الامتحان مقسم الدرجات لفترات اللي جايبين من 11 درجه ل 20 كانوا اربع طلاب ان العمود اخره عند الاربعه اللي جايبين من 21 ل 30 كانوا خمس طلاب اللي جايبين من 31 درجه ل 40 كانوا سبع طلاب اللي جايبين من 41 ل 50 العمود ده اخره عند الثلاثه كانوا ثلاث طلاب فاللي بيميز المدرج انه بيعرض لك البيانات على صوره فترات كمان بيعرفك تكرار كل فتره بيعرفك كام طالب جايب مثلا من 11 ل 20 يبقى ايه اللي بيميز المدرج التكراري عن باقي المخططات انه بيعرض البيانات في صوره فترات لما يجيب لك سيره فترات في المساله اختار له على طول المدرج التكراري طب خلي بالك احنا بنقول اللي جايبين من 11 درجه ل 20 درجه كانوا اربع طلاب طب هل نعرف اللي جايبين 11 درجه بالضبط كانوا كام تلميذ؟ ما نعرفش اللي جايبين 20 درجه بالظبط كانوا كام تلميذ؟ برده ما نعرفش احنا عارفين اللي جايبين من 11 ل 20 كانوا اربع طلاب لكن كل طالب فيهم جايب كام بالضبط ما نعرفش لو عايز تعرف الدرجه بالضبط روح لمخطط النقاط ايه اللي بيميز مخطط النقاط عن باقي اخواته انه بيعرض لك البيانات الفرديه او منفرده بيعرض قرار كل قيمه لوحدها مثلا لو عايز اعرف كم واحد جاب 10 درجات بالضبط هتلاقيهم تلميذين عشان عندنا نقطتين كم واحد جاب 20 درجه بالضبط كانوا تلميذ واحد كم واحد جاب 30 درجه بالظبط كانوا اربع تلاميذ كم واحد جاب 40 مافيش عشان مافيش نقط البيانات اللي ما تلاقيش في قيمه هنا بنقول عليها فجوه الفجوات اللي هي البيانات اللي مالهاش اي قيمه كم واحد جاب 50 بالضبط هتلاقيهم ثلاث تلاميذ يبقى اللي بيميز مخطط النقاط انه بيعرض لك بيانات فرديه بتعرف منها تكرار كل قيمه لوحدها هتلاقي الاخت الاختلاف الرئيسي بين المخططات في انواع البيانات في المدرج البيانات بتكون عباره عن فترات في مخطط النقاط بيعرض بيانات فرديه كل قيمه لوحدها ده كده اللي بيميز كل مخطط عن الثاني باختصار مخطط الصندوق ده افضل تمثيل تجيب منه القيم الخمسه اللي هم الحد الادنى والاقصى الربع الاول والثالث والوسيط لو سالك على اي قيمه من الخمس قيم دول تقول له افضل تمثيل اجيبه منه هو مخطط الصندوق المدرج التكراري ميزته انه بيعرض لك البيانات على صوره فترات لما يجيب لك سيره فترات في المساله انسب مخطط عندنا هو مدرج التكراري مخطط النقاط اللي بيميزه ان هو بيعرض لك بيانات فرديه كل قيمه لوحدها اخر مره مخطط الصندوق ده للخمس قيم المدرج ده للفترات مخطط النقاط ده للبيانات الفرديه كده عرفنا ميزه كل مخطط فيهم تعال نشوف المسائل تيجي ازاي نبدا باول سؤال معانا بيقول لك اختر نوع التمثيل المناسب لكل مما يلي عايزين نختار نوع التمثيل المناسب عشان تعرف نوع التمثيل المناسب لازم تعرف ميزه كل مخطط فيهم التمثيل بالنقاط بيعرض لك بيانات فرديه المدرج التكراري لو عندنا فترات بيعرض البيانات على صوره فترات مخطط الصندوق لو جاب لك سيره الخمس قيم اللي هم الحدين والربعين والوسيط فانت كل المسائل لو جاب لك سيره بيانات فرديه اختار التمثيل بالنقاط لو جاب لك سيره فترات اختار المدرج المدرج ابو فترات لو جاب لك سيره الخمس قيم اختار المخطط الصندوق اول مساله بيقول لك اختار نوع التمثيل المناسب الذي يظهر الوسيط بشكل افضل من باقي المخططات مين اللي بيوضح الوسيط بشكل افضل الوسيط ده من القيم الخامسه يبقى نختار على طول مخطط الصندوق الوسيط من القيم الخمسه يبقى افضل مخطط لمخطط الصندوق هو اللي بيجيبه بسهوله السؤال الثاني يظهر البيانات مجمعه في صوره فترات مين اللي بيعرض البيانات في صوره فترات اللي هو المدرج التكراري المدرج ابو فترات السؤال الثالث يوضح الربع السفلي لمجموعه البيانات الربع السفلي ده من القيم الخامسه واللي بيوضح القيم الخمسه هو مخطط الصندوق هو اللي نقدر نجيب منه الربع السفلي السؤال الرابع يوضح مفارضه البيانات الاكثر قرارا مفرده يعني قيمه واحده بس مين اللي بيوضح البيانات الفرديه؟ اللي هو التمثيل بالنقاط طالما بيانات فرديه بنختار التمثيل بالنقاط السؤال الخامس يوضح انتشار البيانات في كل ربع عندك ربع الربع ده من القيم الخامسه يبقى نختار على طول مخطط الصندوق هو اللي بيعرفنا الارباع السؤال الخامس يعرض البيانات بصوره فرديه مين اللي بيعرض البيانات بصوره فرديه؟ اللي هو التمثيل بالنق نقاط انما المدرج ابو فترات السؤال السابع يوضح ملخص الخمس قيم لما يجيب لك سيره الخمس قيم نختار مخطط الصندوق هو اللي بيوضح الخمس قيم اخر واحده مين المخطط اللي بيظهر الفجوات اللي بيظهر الفجوات هو مخطط النقاط زي المثال اللي قلناه من شويه قلنا كام واحد جاب 40 قلنا ما فيش مافيش دي اسمها فجوه فجوات اللي هي البيانات اللي مالهاش اي قيم يبقى اللي بيظهر الفجوات هو التمثيل بالنقاط يبقى في كل المسائل لو جاب لك سيره بيانات فرديه اختار التمثيل بالنقاط فترات اختار المدرج التكراري الخمس قيم اللي هم الربعين والحدين والوسيط اختار مخطط الصندوق طيب ده السؤال الاول نشوف السؤال التاني السؤال الثاني بيقول لك بفرض انك جمعت بيانات عن السؤال الاحصائي ايه هو السؤال بيقول ما اعمار اعضاء فريق كره القدم في النادي لو رحنا فريق كره قدم قدم وسالناهم ما اعماركم عندكم كام سنه هم هيجاوبوا علينا فهنجمع بيانات بيقول لك اختار نوع التمثيل البياني المناسب الذي سيعرض اجابه كل سؤال بافضل صوره يا ترى الاجابات اللي هناخدها او البيانات اللي هناخدها الافضل نمثلها بالنقاط ولا بالمدرج التكراري ولا مخطط الصندوق زي ما قلنا اعرف منين التمثيل المناسب لو عندك بيانات فرديه الافضل لها التمثيل بالنقاط لو عندك بيانات في صوره فترات الافضل لها المدرج التكارات لو سالك على الخمس قيم اللي هم الارباع والحدين والوسيط الافضل لها مخطط الصندوق السؤال الاول بيقول لك ما عدد الافراد الذين اعمارهم 10 سنوات او اكتر يا ترى مين التمثيل المناسب للسؤال ده هو بيسالك هنا عن عدد الافراد اللي اعمارهم 10 سنوات او اكتر من 10 سنوات او اكثر ممكن نقسمها لفترات ممكن نقول مثلا اللي عندهم 10 سنين ل 20 سنه من 20 ل 30 من 30 ل 40 وهكذا طالما هنقسمها لفترات فافضل تمثيل هنا اللي هو المدرج التكراري هو اللي بيعرض البيانات على صوره فترات يبقى التمثيل الافضل للبيانات دي هو المدرج التكراري السؤال الثاني بيقول لك ما الربع الاول للبيانات لو سالتك ما الربع الاول ايه انسب تمثيل هنا يجاوب لك على السؤال ده انت هنا بتسال على الربع الربع ده من القيم الخمسه افضل تمثيل نجيب منه الارباح هو مخطط الصندوق هو اللي بيعرضك القيم الخامسه طالما سالنا على الارباع بنجيبه على طول من مخطط الصندوق. السؤال الثالث بيقوللك ما عدد الافراد الذين اعمارهم 15 سنه بالضبط؟ لو عايز تعرف اعمارهم 15 سنه بالضبط دي قيمه فرديه لو عايز تعرف تكرار قيمه لوحدها زي 15 سنه بالضبط بنروح للتمثيل بالنقاط هو اللي بيعرض لنا البيانات الفرديه في كل المسائل اللي تلاقي فيها كلمه بالضبط تروح على طول للتمثيل بالنقاط لان هو اللي بيعرض البيانات الفرديه يبقى افضل تمثيل هنا هو التمثيل بالنقاط اخر سؤال بيقول لك ما عدد الافراد الذين تتراوح اعمارهم من 8 الى 14 سنه؟ من 8 الى 14 سنه دي فتره طالما عندك فتره التمثيل المناسب هنا اللي هو المدرج التكراري المدرج ابو فترات اقول له طالما عندي فتره يبقى التمثيل المناسب هو المدرج التكراري طب ده السؤال الثاني تعال ناخد سؤال شبه ده بالظبط السؤال الثالث شبه السؤال اللي فات بيقول بفرض انك جمعت بيانات عن السؤال الاحصائي ما عدد الكتب التي قراها تلاميذ الفصل خلال الاجازه الصيفيه لما نسال السؤال ده هناخد اجابات هو عايز يختار نوع التمثيل البياني المناسب الذي سيعرض اجابه كل سؤال بافضل صوره نفس الكلام اللي قلناه في المثال اللي فات لما تلاقي عندك بيانات فرديه اختار التمثيل بالنقاط عندك فترات اختار المدرج التكراري عندك اي قيمه من الخمس قيم اختار مخطط الصندوق في اول سؤال بيقول لك ما الوسيط لعدد الكتب؟ هو هنا بيسالك على الوسيط الوسيط ده من القيم الخمسه يبقى افضل تمثيل نجيب منه الوسيط هو مخطط الصندوق يبقى نختار هنا مخطط الصندوق السؤال الثاني بيقول لك ما عدد التلاميذ الذين قراوا ست كتب خلال الاجازه الصيفيه عايزين اللي جرم ست كتب بالضبط ست كتب بالضبط دي قيمه فرديه مين اللي بيعرض لك البيانات الفرديه اللي هو التمثيل بالنقاط يبقى يبقى التمثيل المناسب هنا هو التمثيل بالنقاط. السؤال الثالث بيقول لك ما الفتره الاكثر شيوعا لعدد الكتب؟ هنا بيسالك على فتره مين التمثيل اللي بيعرض فترات؟ اللي هو المدرج التكراري يبقى نختار هنا المدرج التكراري. اخر سؤال بيقول لك ما الربع الثالث للبيانات؟ بيسالك على الربع. الربع ده من القيم الخمسه. افضل تمثيل بيعرض القيم الخمسه هو مخطط الصندوق. فنختار هنا مخطط الصندوق هتلاقي فكره الدرس كله معتمد على الكلمتين دول لو عندك بيانات فرديه افضل تمثيل لها تمثيل بالنقاط فترات اختار المدرج الخمس قيم اختار مخطط الصندوق طب ده السؤال الثالث نشوف السؤال الرابع السؤال الرابع معانا وده سؤال مختلف شويه مديك هنا رسم مديك مدرج تكراري وبيقول لك حدد اي من الاسئله حدد انهي سؤال في دول يمكن الاجابه عنه من خلال المدرج التكراري يعني هيسالك سؤال ويقول لك السؤال ده تعرف تجاوب عليه من خلاله المدرج التكراري ولا ما تعرفش طب تعال نفهم الرسم الاول نفهمه من العنوان بيقول لك الرسم ده بيوضح عدد ساعات مذاكره التلاميذ هنا عدد الساعات وهنا عدد التلاميذ اللي بيذاكروا من صفر لساعتين كانوا 10 تلاميذ اللي بيذاكروا من لاث ساعات لخمس ساعات كانوا 20 تلميذ اللي بيذاكروا من ست ساعات لثمان ساعات كانوا برضو 20 تلميذ احنا بنشوف العمود اخره فين اللي بيذاكروا من 9 ل 11 كانوا 30 تلميذ اللي بيذاكروا من 12 ساعه ل 14 كانوا 25 تلميذ واخيرا اللي بيذاكروا من 15 ل 17 ساعه كانوا 15 تلميذ هو في المثل هيديك سؤال بيقول لك السؤال ده هتعرف تجاوب عليه ولا مش هتعرف تجاوب عليه السؤال الاول بيقول لك ما الفتره الاكثر شيوعا لعدد ساعات المذاكره ايه الفتره الاكثر شيوعا اكثر شيوعا يعني اكثر تكرارا بنعرف منين الفتره الاكثر تكرارا من اكبر عمود اكبر عمود عند انهي فتره عند من 9 ل 11 يبقى الفتره الاكثر شيوعا من 9 ل 11 عرفنا نجاوب على السؤال نديله صح هو مش عايز الاجابه نفسها هو بيقول لك انت هتعرف تجاوب على السؤال ولا مش هتعرف احنا عرفنا نجاوب على السؤال فندي له صح السؤال الثاني بيقول لك ما عدد التلاميذ الذين تمثلهم البيانات كم تلاميذ تمثلهم البيانات فهنجمع كل التلاميذ هنجمع كل الاعمده هنجمع 10 و20 30 و20 50 و30 80 و25 105 و15 يبقى 120 عرفت تجاوب على السؤال ولا ما عرفتش عرفنا تدي له صح السؤال الثالث بيقول لك ما عدد التلاميذ الذين ذاكروا ست ساعات فاكثر اللي ذاكروا ست ساعات او اكتر فتيجي عند السته او اكثر تمشي ناحيه اليمين يعني كده يعتبر هتاخد اربع اعمده فهتجمع التلاميذ الموجودين في الاربع اعمده دول هتجمع 20 و30 و25 و15 عرفنا نجاوب على السؤال ولا ما عرفناش؟ عرفنا فندي له صح السؤال الرابع بيقول لك ما عدد التلاميذ الذين ذاكروا خمس ساعات بالضبط؟ لما تشوف كلمه بالضبط دي بنعرفها من مخطط النقاط ما نقدرش نعرفها من المدرج التكراري احنا عايزين اللي ذاكره خمس ساعات بالظبط احنا عندنا هنا فتره من لاثه لخمسه اللي ذاكره من لاثه لخمس ساعات كانوا 20 تلميذ طب اللي ذاكر خمسه بالضبط والله ماقدرش اعرف المدرج بيعرض فترات لكن ما بيعرضلكش قيمه بالضبط اللي بيعرض قيمه بالضبط اللي هو التمثيل بالنقاط عرفنا نجاوب على السؤال ده ولا ما عرفناش؟ ما عرفناش نديله غلط يبقى اللي بتعرف تجاوب عليه تديله صح اللي ما تعرفش تجاوب عليه تديله غلط اخر سؤال بيقول لك ما عدد التلاميذ الذين ذاكروا مده تتراوح من ست ساعات الى سبع ساعات خلي بالك ممكن واحد يغلط هنا يقول لك من ست لسبع ساعات دي فتره وطالما فتره ممكن نجيبها من المدرج بس لازم تشوف الفتره دي متمثله ولا مش متمثله يعني موجوده عندك في الرسم ولا مش موجوده هي الفتره من ست لسبع ساعات احنا عندنا فتره من 6 لثمانيه في فتره هنا موجوده من سته لثمانيه لكن ما عندناش من سته لسبعه طالما الفتره مش موجوده فماقدرش اعرف تكررها يبقى السؤال ده ما ينفعش اجاوب عليه هدي له غلط يبقى فين الاسئله اللي عرفنا نجاوب عليها السؤال الاول والثاني والثالث يبقى اقول له الاسئله التي يمكن الاجابه عليها هي السؤال الاول والثاني والثالث طيب ناخد مثالين كمان شبه ده السؤال قبل الاخير معانا نفس الفكره لكن المره دي مديك التمثيل بالنقاط بيقول لك التمثيل ده بيوضح عدد ايام الغياب الاعداد بتمثل عدد الايام وكل نقطه بتمثل واحد تلميذ يعني اللي ما غابوش ولا يوم كانوا تلميذ واحد بس اللي غابوا يوم واحد كانوا تلميذين اللي غابوا يومين كانوا ثلاث تلاميذ اللي غابوا ثلاث ايام كان تلميذ واحد اللي غابوا اربع ايام كانوا تلميذ واحد اللي غابوا خمسه او سته او سبعه او ثمان ايام ما فيش ما فيش ولا تلميذ غاب خمس ايام او سته او سبعه او ثمانيه دي بنسميها فجوات واللي غاب تسعه ايام كانوا تلميذ ايه اللي عايزه نفس السؤال بيقول لك حدد الاسئله التي يمكن الاجابه عنها بسهوله من خلال مخطط التمثيل بالنقاط هتشوف السؤال ده ينفع تجاوب عليه ولا ما ينفعش السؤال الاول بيقول لك ما عدد التلاميذ الذين غابوا ثلاث ايام بالضبط كم تلميذ غابوا ثلاث ايام بالضبط ادي الثلاثه لاه كم تلميذ كانوا تلميذ واحد بس عرفنا نجاوب ولا ما عرفناش عرفنا اديله صح ما عدد التلاميذ الذين غابوا يومين بالضبط ادي اليومين عند الاثنين كم تلميذ غابوا يومين بالضبط كانوا ثلاث تلاميذ عرفنا نجاوب على السؤال اديله صح ما عدد التلاميذ المشاركين في الاستبيان كم تلميذ كلهم هتعدوا النقط لان بيقول لك كل نقطه بتساوي واحد تلميذ عندك تلميذ 2 3 4 5 6 7 8 ت عرفنا نجاوب على السؤال ادي له صح السؤال الرابع بيقول لك ما الفتره الاكثر شيوعا فين الفتره الاكثر شيوعا هنا بيسالك على فتره التمثيل بالنقاط مش بيعرض فترات اللي بيعرض فترات اللي هو المدرج انما التمثيل النقاط ما فيهوش فترات فهنا مش هينفع نجاوب على السؤال ادي له غلط اخر سؤال بيقول لك ما عدد التلاميذ الذين غابوا من اثنين الى اربع ايام ممكن واحد يتصرح هنا يقول لك من اثنين لاربعه دي فتره وطالما فتره التمثيل بالنقاط مش بيعرض فترات فكده هتقول ان احنا ما ينفعش نجاوب على السؤال لكن لو ركزت هو عايز اللي غابه من يومين لاربعه ايام اللي غابه من يومين لاربع ايام اقدر اعد التلاميذ اقدر اعد النقط دي لان اللي غابوا يومين كانوا ثلاث تلاميذ اللي غابوا ثلاث ايام كانوا تلميذ واحد اللي غابوا اربع ايام كانوا تلميذ واحد فهتجمع النقاط دي هيديك خمسه فكده قدرنا نجاوب على السؤال طالما عرفت تجاوب على السؤال اديله صح فين الاسئله اللي عرفنا نجاوب عليها هنا اللي هو رقم ا وب وج د ما عرفناش نجاوب عنه ورقم ه يبقى الاسئله اللي جاوبنا عليها ا وب وج وه طيب ده السؤال الخامس تعال ناخد اخر سؤال في الحصه اخر سؤال معانا في الحصه نفس الفكره لكن المره دي مديك مخطط الصندوق مخطط الصندوق ده بيبين اعمار مجموعه من الافراد ايه اللي ممكن نعرفه من مخطط الصندوق اللي هي القيم الخمسه اللي هم الحد الادنى والحد الاقصى الربعين الربع الاول والثالث والوسيط فهو برده بيسالك شويه اسئله وبيقول لك اي الاسئله التاليه يمكن الاجابه عنها باستخدام مخطط الصندوق لو سالك على اي قيمه من القيم الخمسه هتعرف تجاوب اي حاجه غير كده مش هتعرف السؤال الاول بيقول لك ما عدد الافراد الذين تمثلهم البيانات يا ترى عندنا كم شخص بتمثلهم البيانات ما نعرفش احنا عارفين ان في شويه عمرهم من 13 ل 16 سنه في شويه عمرهم من 16 ل 21 سنه لكن هم كام بالظبط ما اعرف رفش يبقى عدد الافراد ما نعرفش ما الوسيط لاعمار الافراد بيسالك على الوسيط الوسيط نقدر نعرفه بسهوله من الخط اللي في النص الوسيط هنا 21 عرفت الجاوب على السؤال ادي لله صح ما عدد الافراد الذين اعمارهم 18 سنه بالضبط كم واحد عمرهم 18 سنه بالضبط ما نعرفش قلنا كلمه بالضبط دي خاصه بالتمثيل بالنقاط هي اللي تقدر تحدد لك كل قيمه بالضبط يبقى طب دي ما ينفعش نجاوب عليها ما عدد الافراد ض الذين اعمارهم من 19 سنه الى 24 سنه من 19 ل 24 برده ما نعرفش احنا كل اللي بنعرفه من مخطط الصندوق اللي هي القيم الخامسه يبقى السؤال ده مش هنعرف نجاوب عليه اخر سؤال بيقول لك ما الحد الادنى لاعمار الافراد الحد الادنى ده من القيم الخمسه ينفع نجاوب عليه الحد الادنى هنا بيساوي 13 عرفنا نجاوب عليه ادي له صح فين الاسئله اللي عرفنا نجاوب عليها اللي هي رقم ب ورقم ه يبقى الاسئله اللي جاوبنا عليها اللي هي ب وه. ملخص حصه 22 تطبيقات على التمثيلات البيانيه في الحصه دي ركزنا على ثلاث تمثيلات مخطط الصندوق والمدرج التكراري ومخطط النقاط وعرفنا ميزه كل واحد فيهم اللي بيميز مخطط الصندوق عن باقي المخططات انه بيعرض لك القيم الخمسه القيم الخمسه اللي هم الحد الادنى والحد الاقصى الربع الاول والربع الثالث والوسيط لو سالك على اي قيمه من القيم الخامسه دول افضل تمثيل تجيب منهم القيم الخامسه دول هو مخطط الصندوق ايه اللي بيميز المدرج التكراري انه بيعرض لك البيانات على صوره فترات بيعرض البيانات على صوره فترات وكمان بيوضح لك تكرار كل فتره لو قال لك ايه انسب تمثيل نمثل بيه البيانات على صوره فترات اقول له المدرج التكراري ايه اللي بيميز مخطط النقاط انه بيعرض لك بيانات فرديه بيوضح لك تكرار كل قيمه لوحدها كل قيمه كام بالظبط لو سالك ايه افضل مخطط يعرض بيانات فرديه اقول له مخطط النقاط يبقى باختصار مخطط الصندوق ده بنعرف منه القيم الخمسه المدرج التكراري ده بيمثل لك البيانات على صوره فترات مخطط النقاط بيعرض لك البيانات الفرديه بكده الحمد لله خلصنا الوحده اله معانا كل الكلام اللي قلناه في الفيديو هتلاقوه في المذكره واللي عايز المذكره كلمني على الرقم ده الحصه الجايه هنبدا في الوحده السابعه والاخيره اشوفكم هناك ان شاء الله.