الصف 4 العلوم الوحدة 4 الدرس 26 رحلة المواد ص 16 21

السلام عليكم ورحمه الله وبركاته طلابي الحلوين كيف حالكم؟ اتمنى ان تكونوا بخير نحن لازلنا في رحلتنا داخل النباتات عم تعلمنا بالدرس الاول من الفصل الثاني عن عمليه التركيب الضوئي اللي بتصيب اووراق النباتات لحتى تتغذى وتكبر وبعدين تعلمنا كيف النباتات بتعمل كمان عمليه تنفس لحتى تتنفس وتعيش والان رح نكمل حكينا عن النباتات في عننا الان مواد رح ترحل داخل النباتات من تحت لفوق ومن فوق لتحت اول شيء نركز بهي الصوره ملاحظين في عننا بهذا الشكل بالاول في عننا اشياء رح تطلع من الجذور تمشي تتوزع على الساق من الساق للاوراق وللنباتات سواء كانت ازهار او ثمار طيب وبعدين في عننا شغله عمليه ثانيه شغلات بتنزل من الاوراق بتيجي على الساق وبتنزل للجذور طيب رح نحكي الان شو هذول الشغلتين اللي عم يطلعوا بينزلوا او شو هن هذول السوائل اللي عم يطلعوا من الجذور للاوراق او بيرجعوا بينزلوا من الاوراق للجذور طيب اول شيء عننا تجربه فيها نبته نبته صغيره حطوها بانبوب مع جذورها طيب اول ما حطوا بدايه التجربه كانت الجذور موجوده وبعدين عننا عن الماء مليء للاعلى بعد مرور يومين شو صار بالنبته الماء نقص طيب ليش نقص الماء مين شربه نعم النبته شربته طيب كيف شربته عن طريق جذورها شربته وسحبته كمان لفوق ووزعته على الاوراق طيب معناها بستفيد انه هي الاوبار او الجذور اللي موجوده اي هيك الشعيرات الصغيره بالجذر هي موجوده بداخل النبات شو بتعمل؟ بتمتص الماء والاملاح المعدنيه المنحله في التربه لما نسقي النباتات فبصير في عننا ماء واملاح معدنيه جوات التربه هي الجذور او الشعيرات الصغيره الاوبار الماصه بتمتص هالماء والاملاح وبتنقله عبر هي الاوعيه يعني هيك مثل ساق النبات هو بصير مثل الخرطوم هيك بينقل شلون الخرطوم بينقل الماء فساق النبات بيكون عباره عن خرطوم بينقل قل فيه الماء والاملاح وبوزعهم للنبته لحتى شو تعمل فيهم؟ لحتى تستفيد منهم بعمليه التركيب الضوئي احسنتم مثل ما تعلمنا باول درس انه بتاخذ الماء والاملاح من التربه وبيطلعوا على الورق حتى تطبخ طعامها بالورق مع اشعه الشمس بيكون اسمها عمليه التركيب الضوئي لذلك معناها ساق النبات شو وظيفته؟ بينقل الماء من الجذور للاوراق يعني اذا جبنا مثلا هي النبته البقله او النعناع او البقدونس وقطعنا الساق بنلاقي بينزل نقط ماء منها فهذا دليل انه هون كان اساسا عم بيمر الماء كانت عم تطالع الماء ولما انقطفت بقي في ماء بالوعاء مثل الخرطوم لما تطفي الحنفيه واذا جيتي قصيتي الخرطوم بينزل ماء منه لانه لساته كان عم بينقل ماء فلسه في ماء موجود داخل الانبوب فوظيفه الساق نقل الماء من التربه الى الاوراق طيب فقط هيك ب مهمته بس ينقل الماء من الجذور ما بينقل شغلات ثانيه رح نحكي ساق النبات فيه اوعيه اوعيه يعني مثل خطوط موزعه جوات الساق بعضها ينقل الماء والاملاح من تحت لفوق يعني من الجذور لفوق لباقي النباتات وبعضها بينقل السكر اللي بتصنعه هي النباتات بعمليه التركيب الضوئي لا تنسوا هي السكري اللي بيطلع بتنقله من فوق لتحت بتوزعه لباقي اجزاء النبات حتى تتغذى منه فمعناتها عننا جذر النبات او سا عفوا ساق النبات فيه مثل هيك اوعيه دقيقه او مثل يعني ممرات صغيره في ممرات للطلوع لفوق يوزع الماء وفي ممرات للنزول يعني لتوزع السكر والغذاء سبحان الله بنلاحظ الطريق الذي يسلكه الماء والاملاح في التربه داخل الساق هذا هون هذا نحكي انه هي الطريقه اللي بتاخذ منها النبات الماء والاملاح من التربه بيطلع بيتوزع لفوق هي اسمها النسغ الناقص النسغ الناقص يعني طريقه نقل السوائل اللي هنماء واملاح هيك ضمن انبوب الساق لتوزعوا لفوق للاوراق للنبات للنبته كلها طيب النسغ الكامل بقى اللي هو بصير بعمليه التركيب الضوئي لما بتاخذ ثاني اكسيد بالكربون ومع ضوء الشمس ومع هذا الماء والاملاح اللي اجاها بتصنع منهم سكريات واكسجين الاكسجين بيطلع لبره والسكريات بتنزل بترجع بتتوزع بانبوب ثاني بتنزل بتتوزع للاوراق يتغذوا منها وللساق وللجذر هي اسمها النسغ الكامل الناقص اول شيء بتاخذ المواد بالكامل بترجعه كغذاء فيسمى الماء والاملاح المعدنيه المنحله بعد دخولها الجذور النسغ الناقص وكيف بينتقل بواسطه الاوعيه الخشبيه الموجوده في الساق والاغصان الى باقي اجزاء النبات يعني هي اوعيه خشبيه بتكون اللي بينتقل فيها الماء والاملاح طيب لما بده النسغ يرجع يتحول لطعامنا بعمليه التركيب الضوئي ويتحول لسكريات وينزل يتوزع على النبته هذا يسمى النسغ الكامل تمام شوف شلون بينزل بيتغذ بغذي هي نبات البطاطا بتكون تحت التربه البطاطا ما بتكون فوق فبينزل بغذيه فهذا اسمه النسغ الكامل طيب كيف بينزل ان باوعيه غير الاوعيه الخشبيه اللي بيطلع فيها النسغ الناقص هون في عننا اوعيه اسمها لحائيه بينزل فيها الغذاء طيب هلا اذا قصصنا ورا بساق شجره قصيناها بنشوف بنلاحظ لما تلاقوا مثلا بالحديقه شجره مقطوعه بتلاقوا هيك في دوائر كثير جواتها هي الدوائر سبحان الخالق هي حلقات في منها رفيعه ووحده ثخينه فكل حلقتين رفيعه وثخينه بعبروا عن سنه من عمر الشجره يعني بنقدر نحسب عمر الشجره من خلالهم كل حلقتين سوا هن سنه حلقتين سنتين الحلقتين اللي بعدهم ثلاثه اربعه 5 6 7 8 9 10 11 12 13 14 مثلا هي الموجود المقطع الموجود قدامنا 14 سنه عمر هي الشجره فهيك بنقدر نحسب عمرها كل حلقتين سوا وحده رفيعه وواحده تخينه بيعطوا سنه سبحان الله طيب بدنا نرجع نراجع كل شيء تعلمناه النصغ الناقص بينقل ال بينتقل يعني هو الماء والاملاح المعدنيه اسمهم النسغ الناقص بينتقلوا من الجذور للساق والاوراق اما النسغ الكامل اللي هو السكريات بينتقل من الاوراق لبقيه اجزاء النباتات عبر الاوعيه اللحائيه هنيك هون الناقص عبر الاوعيه الخشبيه جميل الان ننتقل لحل الاسئله ب نوصل كل صوره بالوظيفه التي تقوم بها عننا اول شيء عمليه التركيب الضوئي يعني اللي هي النسغ الناقص اللي بينقل السكريات للنبته عمليه التركيب الضوئي وين بتكون؟ بالورقه تمام فصار عننا لازم نحفظ انه الترك عمليه التركيب الضوئي هي نفس النسغ الكامل طيب تثبيت النبات وامتصاص الماء والاملاح المعدنيه وظيفه مين؟ احسنتم الجذور بثبتوا النباتات بالتربه وبيمتصوا الماء والاملاح المعدنيه من التربه طيب لمرور النسغ الناقص والنسغ الكامل مين اللي بيمروا فيه النسغ الناقص والكامل هو عود النبات او ساق النبات تمام الان السؤال الثاني بدنا نقارن بين النصغ الناقص والنسغ الكامل من حيث اتجاه النقل النسغ الناقص من وين بيتجه؟ من الاسفل للاعلى احسنتم لازم تكون وضحت الفكره تماما والنسغ الكامل بالعكس من الاعلى للاسفل طيب شو الاوعيه الناقله بالنسغ الناقص يعني شو هي اسمها الاوعيه اللي بتنقل من تحت لفوق الاوعيه الخشبيه اللي بتكون داخل ساق النبات وكمان داخل ساق النبات في اوعيه ثانيه بتنقل النسغ الكامل يعني الغذاء اسمها الاوعيه اللحائيه طيب الموا المواد المنقوله في النسغ الناقص شو بينقل النسغ الناقص؟ الماء والاملاح المعدنيه المنحله في التربه هي اللي بينقلها طيب النسخ الكامل شو بينقل؟ بيكون عمل عمليه التركيب الضوئي وبطالع السكريات يعني الغذاء فبيكون عم بينقل الغذاء او السكريات وبوزعه لبقيه النبات جميل الان بدنا نرسم طريق كل منهما يعني هذول النص الناقص والكامل نرسمه ضمن النبته ونلونه بدنا نرسم الطريق النصغ الناقص برسمه بالازرق اللي هو بيطلع من هون من الجذور بياخذ ما املاح معدنيه بيطلع لفوق بوزعه بطريقه طبعا على الاوراق وعلى النبات والساق كله تمام هي لفوق هذا النسغ الناقص طيب اما النسغ الكامل بعد ما يعمل عمليه التركيب الضوئي هون بالورق بينزل حتى من هون اذا في ورق اخضر كله هذا بيعمل فيه عمليه التركيب الضوئي وبينزل بوزع الغذاء السكريات برجعها كلها بيغذي فيها الورق والساق للجذور هي بكون لتحت المسغ الكامل تمام هيك بيكون انتهت درسنا لليوم اتمنى تكونوا فهمتوه وحفظتوا كيف النبات بيقدر يعيش ويتنفس ويعمل غذائه بنفسه وكيف بينقل الماء والاملاح من التربه لفوق من الجذور لفوق للورق وكيف بينقر الغذاء من الورق للجذور اتمنى يكون الدرس صار واضح وسهل وفقكم الله والسلام عليكم ورحمه الله وبركاته