درس 9 وحدة 12 تصنيف الاشكال الرباعية للصف الرابع الابتدائي

السلام عليكم ورحمه الله وبركاته هنتعلم مع بعض النهارده تصنيف الاشكال الرباعيه معلومات اكتر عن الاشكال الرباعيه بس قبل ما نبتدي في الموضوع عايزه اكلمك في حاجه كده قدر ان انت عايز تروح تشتري شراب بتروح للراجل تقول له ايه لو سمحت انا عايز شراب صح كده طيب انت بتقول له انا عايز شراب هو بيديك ايه بيديني شراب يا ميس ايوه حبيبي هو بيديك كم شراب شراب واحد يا ميس شراب واحد ازاي ده مديك فردتين ايوه يا ميس ما هم الفردتين دول اسمهم بالعاميه كده جوز شرابات اللي هي باللغه العربيه زوج من الشرابات الحركه دي بتحصل في الشرابات انك تقول له عايز واحد فيديك منه فردتين بتحصل فين تاني في البنطلون في منه جزئين ما ينفعش يبيع لك جزء وجزء لا هو البنطلون رجلين وايه كمان الجوانتي الجوانتي في منه اتنين انت لما بتقوله انا عايز واحد جوانتي هو بيديك فردتين وايه كمان النضاره الواحده منها بعدزتين طيب نفهم من كده ايه ان كلمه زوج يعني حاجتين طب احنا بنقول الكلام ده ليه يا ميس هقول لك ليه ده ايه المربع اضلعه من بره مالها والله جميع الاضلاع متساويه في الطول طيب والزوايا اخبارها ايه عنده زوايا قائمه يبقى جواه اربع زوايا قائمه طيب جميل جدا طيب انا دلوقتي عندي الخط ده يوازي الخط ده لان دول كده اسمهم خطان متوازيان طيب والضلع اللي بالازرق ده يوازي الضلع اللي بالازرق ده لان دول اسمهم خطان متوازيان طيب جميل الفردتين اللي بالاحمر اسمهم زوج شرابات اقصد اقول زوج من الاضلاع المتوازيه والازرق مع الازرق فردتين والفردتين يعملوا زوج زوج من الاضلاع المتوازيه يبقى المربع فيه كم زوج من الاضلاع المتوازيه الشراب الاحمر والشراب الازرق زوجان من الاضلاع المتوازيه طيب جميل قبل ما نكمل عشان اضمن لك انك مش هتحتاج تاخد درس خصوصي في الرياضه يبقى لازم تكون مشترك معنا في القناه ومفعل الجرس ولو انت على الفيسبوك في الجروب اللي احنا بنذاكر فيه وبعد ما تخلص اي فيديو انزل تحت في صندوق الوصف هتلاقي لينك الامتحان تدخل تحل الامتحان عشان تطمن ان انت فعلا فهمت الدرس وقادر تحل عليه ويلا تعال عشان نفهم الدرس ده ايه المعين اضلاعه من بره اخبارها ايه قال لك والله اضلاعه من بره يا ميس قد بعض يبقى جميع الاضلاع متساويه في الطول والميزه دي واخدها من المربع علشان المربع والمعين اخوات بس واحد فيهم ماشي بما يرضي الله وزواياه قائمه في الدنيا والتاني مايل بس ده ما يمنعش ان هم الاتنين اخوات من نفس الاب والام يبقى جميع الاضلاع متساويه في الطول طيب بالنسبه للزوايا لا ما اقدرش اقول قائمه ده مايل امال اقول ايه اللي كان مذاكر معنا الفيديوهات اللي فاتت المعين فيه اربع زوايا زيه زي اي شكل رباعي بس الاربعه مش قائمين امال ايه زاويتان حادتان وزااويتان منفرجتان طيب اي اتنين كده حديني يا ميس واي اثنين منفرجين قال لك لا مش اي اثنين الزوايا اللي في وش بعض قد بعض يعني ايه يعني لو دي منفرجه ب 120 مثلا عدت ال 90 واقل من 180 دي كمان هتبقى 120 ولو دي ستين يبقى دي كمان ستين يعني اتنين حادين اه بس طبق الاصل واتنين منفرجين اه بس طبق الاصل علشان كده بنقول الزوايا المتقابله اللي في وش بعض متساويه في القياس او ممكن نقول عليها متطابقه طيب تعال بقى الموضوع التوازي فرده الشراب الاحمر دي توازي فرده الشراب الاحمر دي والفرده الزرقاء دي توازي الفرده الزرقاء دي يعني انا عندي كم شراب شرابين يبقى المعين به زوجان من الاضلاع المتوازيه طيب ايه ده المستطيل هل اقدر اقول كل اضلاعه قد بعض لا يميس بس اقدر اقول ان كل اتنين في وش بعض قد بعض يعني كل ضلعين متقابلين متساويين طيب واقف بما يرضي الله اه يبقى به اربع زوايا قائمه طيب تعال نشوف التوازي بقى موضوع الشرابات ده الفرده الحمراء دي توازي الفرده الحمراء دي والفرده الزرقاء دي توازي الفرده الزرقاء دي يبقى دول كده كم شراب اتنين يبقى المستطيل به زوجان من الاضلاع المتوازيه طيب ده ايه متوازي الاضلاع هل اقدر اقول ان كل اضلاعه متساويه لا يميس امال ايه كل اتنين في وش بعض قد بعض يعني كل ضلعين متقابلين متساويان طيب هل اقدر اقول انه واقف عدل بما يرضي الله لا يبقى ما اقدرش اقول ان زوايا قائمه طيب الشكل ده اللي ما عندهوش اربع زوايا قائمه يبقى عنده اتنين حاده واتنين منفرجه زاويتان حادتان وزااويتان منفرجتان طيب اي اتنين حاده كده مع اي اثنين منفرجه لا ليه لانه الميزه دي يشبه المعين فيها يعني الاتنين اللي في وش بعض قد بعض الزوايا المتقابله متساويه في القياس او ممكن نقول متطابقه طيب تعال الموضوع الشرابات التوازي الاحمر ده بيوازي الاحمر ده والازرق ده بيوازي الازرق ده يبقى انا عندي كم شراب اتنين يبقى ده كده به زوجان من الاضلاع المتوازيه دول كلهم في كوم والشكل اللي جاي ده في كوم لوحده اسمه ايه الشكل ده شبه المنحرف ماله شبه المنحرف ده هو شكل رباعي طيب دي مفهومه لان هو اربع اضلاع ايوه ايه اللي بيميزه يعني يا ميس ما لهوش غير ميزه واحده معلومه واحده الضلع ده بيوازي الضلع ده بس حتى الاتنين التانيين ما بيوازوش بعض لان هم لو طالوا هيخبطوا في بعض يبقى الميزه الوحيده اللي في شبه المنحرف فيه ضلعان فقط متوازيان هم اتنين بس اللي بيوازوا بعض طيب اتنين بيوازوا بعض يعني لو دي فرده شراب حمراء ودي فرده شراب حمراء بس كده يبقوا دول كم شراب شراب واحد يبقى الشكل ده مختلف خلي بالك ليه به زوج واحد فقط من الاضلاع المتوازيه هو شراب واحد بس فردتين ماشي حبايبي طيب يجي يقول لك ضع علامه صح او خطا الزاويه القائمه هي الزاويه التي تكون عند كل راس من رؤوس المربع ايوه فعلا المربع في كل راس عندك زاويه قائمه طيب يجي السؤال يقول لك اكمل ما يلي المستطيل به نقط من الاضلاع المتوازيه اه والله ده المستطيل عنده شرابين يبقى زوجان طيب جميع زوايا المربع مالها قائم طيب اضلاع المعين كلها مالها الاضلاع من بره مالها والله يا ميس دي كلها متساويه في الطول طيب عندك شكل هندسي في زوجان من الاضلاع المتوازيه زوجان يعني اربعه اتنين بيوازوا بعض واتنين بيوازوا بعض وفي نفس الوقت عندك اربع زوايا قائمه موجودين في شكلين مين هم اه والله يا ميس اربع زوايا قائمه دول ما فيش غير شكلين فعلا اللي هم مين المربع او المستطيل طيب شكل هندسي به زوجان من الاضلاع المتوازيه لحد هنا بس ما ينفعش تكتب ليه لان انت لازم لك ميزه تانيه عشان تحكمك ايه هي الميزه التانيه عندك زاويتان حادتان وزااويتان منفرجتان مين هم الشكلين دول الشكلين اللي مش قوائم اللي مايلين اللي هم مين المعين ومتوازي الاضلاع طيب الشكل الرباعي الذي له زوج واحد فقط من الاضلاع المتوازيه زوج واحد يعني شراب واحد فردتين بس اللي هو مين شبه المنحرف طب يجي يقول لك الشكل الرباعي الذي جميع اضلاعه متساويه في الطول مش بس كده اصل انت لو وقفت لحد هنا يمشي المربع ويمشي المعين فلما زود لك ميزه كمان عرفنا نحدد ايه هي الميزه دي وبه اربع زوايا قائمه يعني واقف مظبوط بما يرضي الله يبقى الشكل ده اسمه ايه المربع طيب مين هو الشكل الرباعي اللي جميع اضلاعه متساويه وليس به زاويه قائمه مش واقف مظبوط بس اضلاعه من بره قد بعض اسمه ايه المعين طيب من الاشكال الرباعيه التي بها زاويتين حادتان وزاويتان منفرجتان اتفقنا اتنين حدين واتنين منفرجين يعني الشكلين اللي مش قوائم اللي هم مين المعين ومتوازي الاضلاع طيب من الاشكال الرباعيه التي جميع زواياها متماثله كل الزوايا قد بعض وطالما كلهم قد بعض يعني بنفس الرقم وطالما بنفس الرقم يعني كلهم 90 يبقى ده مين المربع والمستطيل طيب الشكل الرباعي الذي جميع اضلاعه متساويه في الطول لو وقفنا لحد هنا يمشي المربع ويمشي المعين لكن هو هنا زود معلومه كمان ما قالكش بقى زي ما بيقول فوق في اربع زوايا قائمه فانت تقول له المربع لا قال لك في زاويتين حادتين وزااويتين منفرجتين يبقى اسمه ايه يا اولادي المعين طب ما حطيناش ليه متوازي الاضلاع عشان متوازي الاضلاع الاضلاع بتاعته مش متساويه في الطول امال ايه كل اتنين في وش بعض قد بعض فهمت حبيبي وبكده يبقى خلص الدرس ولو انت حقيقي فهمت الدرس هتعمل اللايك الجميله والتعليقات المحترمه اللي انا بحبها ما تنساش تشترك في القناه وتفعل الجرس عشان يوصل لك كل درس جديد وتنزل تحت في الوصفه هتلاقي لينك الامتحان ادخل حل الامتحان عشان ترتاح من الدرس ده خالص اشوفك على خير السلام عليكم ورحمه الله وبركاته