Creative Thinking ما هو التفكير الإبداعي

لما تيجي تقوله ورينا الإبداع وورينا الـ creativity. فيجي يقولك أنا بس أنا معنديش أفكار جديدة، معنديش قدرة على التخليق والإبداع، أنا مش زي الناس اللي بتكتب محتوى مبدع جدا أو تعمل إعلانات خلاقة جدا، خليني أرد عليك واثبتلك إزاي إن التفكير ده غلط، أقولك إيه هو التفكير الإبداعي، إيه المكونات الثلاثة بتوعه وأن أنت ممكن ببساطة شديدة تبقى مبدع سواء كان في تفكيرك، في كتابتك، في الإعلان اللي بتعمله، في أي حاجة بتعملها، فتعالوا نشوف مع بعض، إيه حكاية الـ creativity إزاي تبقى Creative؟ يلا بينا. إزيكم عاملين إيه؟ أنا حسن المراغي وأنت وانتِ بتتفرجوا على ديجيتال ماركتينج لابس، أول حاجة هنا أقولهالك خالص، هو مين اللي لديه القدرة إنه يخلق من العدم؟ إنه يخلق الشيء من لا شيء، إنه يبدع الشيء من لا شيء؟ ربنا سبحانه وتعالى. ومن الفكرة دي نعرف إن الإبداع هو مش إبداع لشيء من لا شئ وما هواش خلق لشيء من لا شيء، لإن Creative جاية من Create و Create هو الخلق، فخلينا نستخدم كلمة ابداع، وزي ما كنا بنقول حالا دلوقتي ربنا سبحانه وتعالى هو الوحيد القادر على إنه يبدع شيء من لا شيء، يخلق شيء من لا شيء، بمعنى كده إن الإبداع ده مش موضوع تستحدثه من عدم. اما إيه الحكاية؟ الحكاية بتتلخص في ثلاث كلمات، الكلمة الأولانية Ability اللي هي القدرة، الكلمة الثانية اللي هي Attitude والكلمة الثالثة process العملية نفسها بتاعة الإبداع بتمشي إزاي؟ وهما دول الثلاث كلمات اللي هنتكلم عنهم الـ Ability, Attitude, والـ process القدرة والموقف والعملية، نبدأ Ability العلم بيقول إن كلنا عندنا Ability إن إحنا نبقى Creative، الإبداع ليس القدرة على توليد الشيء من لا شيء، ولكن الإبداع هو القدرة على توليد الأفكار من خلال الجمع والتغيير وإعادة العرض، يا إما تجمع مع أفكار على بعضها، فتطلع بقى فكرة Creative جديدة، يا إما تغير شوية في أفكار موجودة، يا إما تعيد عرض الأفكار دي بطريقة مختلفة، طب هنا القدرة دي بتتوقف على إيه؟ بتتوقف على Attitude وتتوقف على process أول حاجة الـ Attitude الموقف وهو القدرة على تقبل التغيير والحداثة، هل أنت عندك القدرة إنك أنت تقبل التغيير في أي حاجة؟ لو أكله بتشوفها وبتاكلها، هل عندك القدرة إنك تقبل إنك تقبل الفكرة دي بطريقة مختلفة؟ هل عندك القدرة إنك تقبل إن العسل يتحط على الجبنة؟ رغم بساطة المثال ده ولكن هو ده جزء كبير من شرح فكرة الموقف Attitude في الإبداع، في الفكر الإبداعي أو التفكير الإبداعي Creative Thinking ويبقى عندك مرونة في توقعك ده الموقع، ثاني حاجة العملية أو process، ودي نقطة فاضحة جدا للمبدعين، الـ process بتاعة الإبداع، وهي ليها خطواتها الخمسة وهنتكلم عليها المرة اللي جاية هتلاقي فيها التغيير gradually التغيير درجة درجة تغيير درجة درجة في الفكرة اللي موجودة في المعطيات اللي عندك اللي أنت امتصتها وقريتها وعرفتها ودورت عليها وبس في القصص والأساطير فكرة إن البني آدم اللي هو قاعد اللي جت له فكرة قوية جباره هل فيه أفكار بنقول عليها astonishing فكرة فكرة جامدة جدا، مختلفة مبدعة؟ طبعا فيه كلام زي كده، ولكن الـ majority من الأفكار الأغلبية من الأفكار الإبداعية بتيجي بالتغيير التدريجي للأفكار اللي هو درجة درجة، وسنة سنه، فتبدأ تطلع بفكرة جديدة مختلفة Creative فيها إبداع، فكرة خلاقة، إيه الخمس خطوات اللي بنمر بيهم عشان نطلع محتوى إبداعي بنطبقهم إزاي؟ ده هنتكلم عليه يوم الثلاثاء اللي جاي. هنقولك إيه هي process وتطبقها إزاي؟ متنساش تشارك الفيديو ده مع اللي بتحبهم، لو شايف إن ده ممكن يساعدهم أو يغيرلهم فكرة في دماغهم، اعمل لايك وsubscribe للقناة ده بيساعدنا كتير وبيساعد على انتشار الفيديو ده للناس اتفرج على الفيديوهات دي معانا هتلاقيها بتتكلم في مواضيع كتير جدا لها علاقة بالإبداع. شكرا لحسن استماعكم وأشوفك في الفيديو اللي جاي.