شرح و حل اسئلة الوطن اجتماعيات صف ثالث قناة حياتنا التعليمية

طلبتنا الاعزاء كيفكم يا ثالث شو اخباركم وصلنا معكم الى درس الرابع رح نحكي فيه عن الوطن هذا درس كثير حلو وراح كثير نبسط فيه لانه نحن بنعبر عن انتمائنا وحبنا لوطنا من خلال هذا الدرس يلي رح يعلمنا اكثر حول الوطن هوم لاند وحول الانتماء اللي هو بلونجين اذا برحب فيكم يا حلوين ونتمنى لكم دراسه موفقه دائما طيب اذا هذا الدرس الرابع من كتابسات الاجتماعيه نفتح مع بعض على صفحه 35 من الكتاب وفي عننا مجموعه صور طيب شو شايفين اذا بالصوره الاولى شايفين هذا الطفل عم برسم زي مجسم لجسم الانسان واهم الاعضاء الموجوده يعني زي ما انتم شايفين المعده المريء والكثير من الاعضاء الاخرى يعني هذا شغل مرتب هذا الولد زيكم يا حلوين يا ثالث عمل الواجب المطلوب منه وقدم هذا المجسم لمعرض المدرسه هون الطفل ماسك الرش والسبراي هذا اللي عباره عن الوان ورسم هون او يعني لون ودهن علم الاردن على الحائط اكيد هذا بيكون حائط المدرسه واكيد هذا الشيء تعبير عن حبنا لبلدنا الصوره الثالثه في عننا الطلاب هذول الشطورين زيكم اييه لابسين ال البلايز الخاصه بالتطوع واكيد هم هون بلموا القمامه او ممكن مش واضح بالضبط شو عم بلموا بس الظاهر انهم بيعملوا شيء تطوعي خدمه للمجتمع هذه الفتاه الجميله كمان عم بتقدم وبتعمل خدمه مدرسيه مجتمعيه تمام اذا ماذا نشاهد في كل صوره هلا عبرنا عنهم اذكر اعمال اخرى تعبر عن حبي لوطني شو ممكن نحكي اعمال ثانيه بعبر من خلالها انه نحن قد ايه بنحب وطنا شو ممكن نعمل ممكن نعمل زي حمله ل مثلا لتنظيف اذا نعمل حمله حمله لتنظيف الحدائق ممكن لتنظيف كمان ال الاماكن والغابات اذا حمله لتنظيف الحدائق او الشوارع العامه اي شيء مثلا زي هيك ممكن نعمل نشرات توعويه انه يعني نخبر الناس انه يعني انهم ما يطلقوا النفايات في اماكن التنزه نصف كيف يكون الفرد منتميا لوطنه هلا رح نشوف عده ممارسات كيف بيكون فيها الفرد منتمي لوطنه ومنها هذول الاشياء انه نحن نقدم التطوع نحن نقوم بواجباتنا ومسؤولياتنا نعبر عنهم بالمشاركه بالمناسبات الوطنيه طيب نتامل هذه الصور ونتحدث عن بعض الواجبات التي يقوم بها المواطنون لخدمه مجتمعهم اول صوره شو في عننا هون يا ثالث في عننا هون المس او المديره عم تتعرف على الطالبات وعم بتدرسهم وهي مبسوطه والطلاب مبسوطين اذا الواجب الذي يقوم به او تقوم به هذه المواطنه لخدمه وطنها انه هون تقوم بمهنه التعليم تعليم وتدريب لانها تقوم بواجبها لانها اصلا معلمه تمام الطالبه شو بتعمل الطالبه تقوم بالدراسه اذا الدراسه هذا واجب عليها عم تعمله وبدل على انتمائها لوطنها وخدمه وطنها لانه اذا هي تعلمت بس تكبر بتصير انسانه منتجه بتدور على شغل بتخدم وطنها وبتخدم بيئتها بالصوره الثانيه هذا الشرطي يقوم بواجب الحمايه والدفاع والامان وحمايه امن المواطنين اذا الامان بالصوره الثالثه هذا المزارع يقوم بزراعه الارض اذا هون نحكي الزراعه طيب في الصوره الرابعه اي اكيد عمليه البناء زي ما نحن شايفين هذول البنائين يقومون بالعمار والبناء مؤسسات كثيره بجوز تكون شقق سكنيه فكلها هي خدمه لمجتمعنا هون عم نعمل بحوث مخبريه او بنعمل فحوصات الطبيه اذا هنا نتحدث عن رعايه صحيه تمام اذا هون بيقوموا واجبهم بشغلهم في ضمن الرعايه الصحيه واستخراج النتائج من العينات طيب نتامل هذه الصور ايضا ونتعرف على بعض الخدمات التي تقدم في وطني شو في عننا خدمات هلا شفناهم واخذنا عنهم امثله هون من خلال هي الصور اذا مره ثانيه بررد نعيد لما يكون عندي مدارس ويكون عندي موظفين معلمين يعني وموظفين اداريين هذا كله بنسميه حقل التعليم فاذا هنا الخدمه اللي بتقدمها الحكومه للمواطنين هي ايش يا ثالث التعليم احسنتم طيب الصوره الثانيه لما يكون عندي شرطه ودفاع مدني وامن عام ويكون عننا جيش بكل فروعه واقسامه هذا الشيء يدل على الامن والامان الذي يتواجد في الاردن والحمد لله في الصوره الثالثه لما يكون عننا مستشفيات سواء كانت حكوميه او كانت خاصه ايه بالاضافه لمراكز صحيه كثيره جدا هذا كله يدل على انه حكومتنا عم تعطينا شو يا ثالث خدمات صحيه احسنتم حتى حكومتنا كثير تطورت هلا بتقدر وانت قاعد ببيتك تدفع كل فواتيرك بس بكبزه زر على التلفون هي بنسميها خدمات الكترونيه حتى ممكن انت تطلب هويه تطلب جواز سفر تطلب كل ه الخدمات برضه عبر التطبيقات الالكترونيه يعني مش مضطر انت تروح الا ت تستلم الماده اللي بيعملوا لك اياها تقديم الخدمات للاشخاص ذوي الاعاقه كما نرى في هذه الصوره هذا الشخص كفيف شو يعني كفيف يا ثالث انه لا يستطيع الابصار ما بيقدر يشوف بعيونه فبالتالي نحن بنعمل له خدمات مهمه وضروريه انه زي هيك بنعمل خط اصفر بالشارع عشان ندل السيارات انه هذا الخط ممكن يمشي عليه الناس اللي عندهم اعاقه معينه سواء بصريه حركيه سمعيه اي شيء طيب كمان صور ثانيه شو واجبنا نحن الان في بناء وطنا اذا هون حكينا عن شو عن الخدمات التي تقدم في وطني وهون كمان واجبات يقوم فيها المواطنين هلا ما بدنا نعمل واجب هلا واجبنا نحن بشكل خاص نحكي في بناء وطنا يعني لما يكون عندك قوانين يا ثالث بتيجي بتشوف هي الصوره اللي معناها ممنوع منوع السباحه وصوره ثانيه زي هيك واحد عم بينط بالمي ومكتوب عليها ممنوع الغطس نو سويمين نو دايفين طيب بنيجي احنا بنطنش وبنيجي بنسحب حالنا بننط بهالميات ونغرق وبصير في مشاكل او بنروح ما بنغرق يعني لس بصير في عواقب يعني وخيمه يعني وعواقب كثيره جدا ومشاكل كثيره ليه؟ لانه نحن ما التزمنا بالقانون فاذا حلو يا ثالث انه نحن نلتزم بالقانون عشان القانون اصلا وضع لحمايتنا يعني هذا القانون بيحميني انا صح ولا لا؟ اذا هذا اول واجب ثاني واجب هيه هون نعتز بعاداتنا وتقاليدنا من العادات والتقاليد شغله التجمعات بين الاهل والاصحاب والاقارب لما نيجي نقطف الزيتون هذا بنحسه زي كانها مناسبه وطنيه تمام انه كل الناس نازله على الحديقه او على البستان او على الارض وبصيروا يقطفوا الزيتون وقد ايه بينبسطوا مع انه متعب اي وبالتالي بيشعروا بقيمتهم وبحبهم لوطنهم وانتمائهم له تمام طيب نحن اذا ما عملنا واجباتنا بالمدرسه نحن هيك معناها اننا لا نحرص على التعلم انت لما تتعلم يا ثالث انت بتكون هيك عملت واجبك انت هلا طالب بالتالي كونك طالب بيعني انه انت لازم تقوم بواجباتك الكثيره وا يعني تلتزم بها كمان شغله ثانيه مهمه لما نيجي نطلع ونغير جو ونروح على اماكننا الاثريه اللي بترجع للعهد اليما الروماني واليوناني وما الى ذلك يجب ان نحافظ على نظافه هذه الاماكن الاثريه لانه تخيلوا يا ثالث في ناس من امريكا وناس من اوروبا يعني قد ايه بيقطعوا مسافات بالطياره عشان يقدروا يوصلوا لهذا المكان اللي انت عم بتحاول تخربه وتكب فيه قمامه وفضلات وما تهتم فيه وتخربش عليه نتخيل انه هذول السياح لما يجوا ويشوفوا الاماكن الاثريه حلوه ومرتبه ونظيفه كثير بينبسطوا بحبوا يرجعوا مره ثانيه اوكي وبيجيبوا حتى السياح ثانيين فبالتالي هذا الشيء بيعتبر سمعه لنا نحن الاردنيين انه وطنا حلو وبلدنا كمان كثير حلو وحتى الشعب نفسه حلو ومرت رتب ونضيف طيب خلينا نحكي شو تصرف الصح وشو تصرف الخطا هل هذا التصرف صح طبعا صح بنحط له هون صح لانه برمي الفضلات في المكان المخصص هون عم برميها على الارض فاذا هون غلط هذا تصرف خاطئ ما بنحط عليه صح طيب هون زي ما انتم شايفين هذول الطلاب هيهم واقفين على الدور بدهم يطلعوا بشكل مرتب ونظيف وانيق وين بدهم يروحوا بدهم يطلعوا على الباص برافو عليهم شطورين نيجي لهون هون الاطفال طلعوا برا على اماكن التنزه وعلى الغابات وعم بلاقوا شغلات وعم حطوها باكياس خاصه للتدوير يعني اشياء القزاز مصنوعه بقزاز بحطوها بكيس لحال واشياء مصنوعه من حديد بحطوها بكيس لحال وهكذا اذا هذا التصرف كمان ممتاز طيب خلينا نعبر انا واياكم قبل ما نبلش نحل الاسئله عن حبنا لوطنا بكلمات مناسبه كيف بتعبر عن حبك لوطنك؟ شو بتحكي؟ التزم بالقوانين شو كمان؟ اييه احافظ على مين؟ على الممتلكات العامه المؤسسات المستشفيات رحنا على المستشفيات ايه ما نخربها ونكسر الكراسي ونكسر ونخرب والكاسات والنوافذ شو كمان ممكن من خلال التطوع التطوع انا انزل على الميدان واساعد في التنظيف واساعد في الدهان اي شغله بعملها مجانيه من دون ما اخذ عليها مصاري اسمها تطوع طيب ناتي الان للسؤال الاول من اسئله الدرس وهون بيقول لنا سؤال اكتب عملا واحدا استطيع القيام به لخدمه وطني فيما ياتي شو بالنسبه للمدرسه ممكن نحكي انظف ساحه المدرسه مثلا هذا الشغله ممكن تعملها بتعبر فيها عن انتباعك لوطنك وتخدمها شو بالنسبه للشارع نحكي مثلا ادهن حواف الرصيف ندهن الرصيف باللون الابيض والاصفر طيب شو بالنسبه للمتحف احافظ على النظافه واحافظ على القطع الاثريه الموجوده فيه صح طيب ما هو التصرف السليم في هذه المواقف؟ اول موقف هون شايفين بنات او بنت وولد عم بيضحكوا بس مش كثير مبينه الصوره فخلينا نكبر اكثر عشان نشوف شو هو هذا الموقف اللي بيضحك صح شو الموقف اللي بيضحك خلينا نشوف شو عم بصير اوكي شو رايكم بهذا الموقف هل هو موقف سحم خطا هذا الولد البنت عم تضحك عليه مع انه غلط نحن نضحك عليه لازم اي يعني نحكي له عيب ما بتعمل هيك ما بصير الولد فتح كتابه ومسك الورقه وصار يمزع فيها هذا تصرف خاطئ اذا شو بقول لنا سؤال اكتب التصرف السليم في المواقف الاتيه هذا تصرف غير سليم اذا هذا غير سليم لانه مزق مزق الكتاب صح طيب نشوف اللي تحتيها هل هو تصرف سليم برضه غلط كمان لانهم هون هيهم يعني طفشين عم لعبوا بدون مش ما في هدوء وما في اذا هون كمان تصرف غير سليم تصرف غير سليم لانه عننا فوضى بسبب الفوضى بيضحكوا وشو اسمه اي يعني شكلهم يعني عم بيعملوا لعبه معينه بجوز اثناء الصف وهذا الكلام خطا طيب نكمل مع الان طالب منا ان نصل بخط بين الصوره والخدمه التي احصل عليها في وطني يلا يا تاث بدي اياكم تساعدوني وين الخدمات الصحيه هي انه خدمه لذوي الاعاقه هي مكتوب عليها مركز صحي جرش الشامل يعني هذا مركز صحي بيقدم خدمات صحيه وادويه وهذا اسمه مدرسه الكرك الثانويه للبنين وهي المدرسه من اقدم المدرسات اللي عننا موجوده في الاردن فاذا هون بحكي عن التعليم عن المدارس اذا هاي خدمات تعليميه وهاي خدمات صحيه اما هاي الصوره اللي بتحكي عن ذوي الاعاقه فهي خدمات للاشخاص ذوي الاعاقه طيب ممكن نناقش زملائنا في طرائق المحافظه على الخدمات التي يقدمها وطني حمايتها صيانتها اي نحكي عنها نسوق للاماكن الاثريه شوفوا قد ايه بيجيب سياح لعنا اذا كيف نحافظ على الخدمات التي يقدمها وطني يعني كيف بدنا نحافظ على المستشفيات على المراكز الصحيه بنظافتها والمحافظه على نظافتها ونحاول نعمل لها صيانه مش غلط ونحن مش مطلوب منا نعمل لها صيانه بس اذا تبرعنا وتطوعنا بصير طيب هون بتعاون مع اسرتي نمسح هذا الكيو ار ونلعب لعبه تعليميه حلوه فيها وممكن كمان من خلال برنامج الرسام انه نصمم خريطه لوطنا الاردن ونعرضها في الغرفه الصفيه شكرا لكم يا حلوين بهيك نحن خلصنا درسنا بنشوفكم ان شاء الله في بدايه الوحده الثانيه عن المواطنه ونحكي عن اول درس وهو اعبر عن رايي شكرا لكم والى اللقاء وباي يا حلوين مين