شرح و حل درس القواعد الإملائية علامات الترقيم عربي للصف الثالث الابتدائي ترم ثاني 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح درس القواعد الاملائيه علامات الترقيم النقطه وعلامه التعجب وعلامه الاستفهام وكمان هنحل التطبيق على النص اللي بعدها على طول في كتاب سلاح التلميذ للصف الثالث الابتدائي الترم الثاني عام 2026 في الدرس ده هنتعلم الفرق ما بين الثلاث علامات دول امتى احط نقطه في اخر الجمله وامتى احط علامه التعجب وامتى احط علامه الاستفهام وايه الفرق بينهم في الشكل؟ النقطه عباره عن نقطه عاديه خالص ودي بتتحط في نهايه الجمله اللي بتبلغني معلومه اللي احنا بنسميها الجمله الخبريه زي لما اقول لك محمد يلعب في النادي يبقى كده انا بلغتك معلومه عن محمد هنحط نقطه وبعد الجمله دي انت ما بتبقاش مطلوب منك انك ترد يعني مش محتاجين اجابه عن ده لكن في علامه الاستفهام بنحطها لما نكون بنسال سؤال لازم لازم لازم ترد علينا والا هيبقى عيب يعني لو قلت لك اين محمد ينفع تبص لي وتسيبني وتمشي ولا عيب؟ لا طبعا عيب المفروض لما اقول لك اين محمد ترد تقول لي اجابه ان محمد في النادي يبقى كده اخر سؤالي عشان تعرف انك لازم ترد هحط علامه الاستفهام بتبقى شبه رقم اثنين وتحتيها نقطه اما بقى علامه التعجب فدي بتتحط لما تكون بتتعجب من جمال شيء يعني هي عباره عن واحد وتحتيه نقطه وبنحطها في جمله بتبدا بما التعجبيه مش ما الاستفهاميه ايه الفرق بينهم؟ ما التعجبيه بيجي بعدها حاجه على وزن افعل او فعل على وزن افعل زي مثلا ما اجمل ما انشط ما اسرع الفهد ما اطول الزرافه لازم حاجه على وزن افعل اطول اجمل اسرع ابطا المهم ان يجي بعدها حاجه على وزن افعل وبيجي كمان بعدها حاجه اسمها المتعجب منه اللي انا بتعجب من طوله او من سرعه سرعته ده اما بقى ما الاستفهاميه واللي بنحط اخرها علامه الاستفهام هي ما اللي لازم ترد بعدها على اجابه يعني لازم ترد بجمله باجابه زي لما اقول لك ما اللون المستخدم في اللوحه هنا ما انا بسال بيها عن حاجه معينه فلازم تردي ترد باللون اللي انا سالت عنه تقول لي اللون الاحمر او الاخضر وطالما لازم ترد يبقى لازم علامه استفهام مش هتنفع علامه التعجل كده القاعده ده بتقول ان النقطه اللي هي شكلها كده بنضعها في نهايه الجمله التامه جمله واكتملت خلاص وبلغتني معلومه واضحه ومفهومه اما علامه التعجب بنضعها بعد جمله تدل على الفرح انك مبسوط او الدهشه انك مستغرب او الغضب انك متضايق او الحزن طب كمان علامه الاستفهام بنحطها امتى نضعها بعد الجمله التي نسال فيها عن شيء ما جمله بنسال ولازم ترد علينا ناخد امثال زي لما اقول ذهبت الى المدرسه تمام كده انت بلغتني معلومه عندك عنك وانا فهمتها والجمله خلصت خلاص يعني ممكن كلامنا ينتهي لهنا هنحط بقى نقطه عشان خلاص الجمله خلصت اما لما تقول ما وحاجه او فعل على وزن افعل زي ما اجمل الفراشه ما اسرع الفهد ما اطول الزرافه يبقى هنا هنحط علامه تعجب لما تسال بقى كيف متى اين لماذا هل كل دي اسئله بتبدا بادوات استفهام ساعتها انت هتحط في الاخر علامه استفهام طب ليه حطيناها؟ لان انا لما سالتك كان لازم ترد كيف اذهب للمكتبه لازم تقول لي طريق للمكتبه او تقول لي عن طريق بالاتوبيس او بالدراجه او بالسياره فطالما لازم رد يبقى لازم علامه استفهام في السؤال يلا نبدا نحل بيقول صل يعني نوصل ما اسرع الفهد ما اسرع الفهد ده بيتعجب من سرعه الفهد يبقى هنحط في الاخر علامه التعجب واحد وتحتيه نقطه طب لما اقول لك لماذا يبكي الطفل الطفل بيعيط ليه؟ طبعا كده لازم ترد عليا تقول لي لانه جعان مثلا يبقى طالما لازم رد هنحط علامه استفهام طب اشترى احمد دراجه دي بقى معلومه بتبلغني حاجه عن احمد وخلاص فهمتها ومش محتاجه اكمل كلام بعدها يبقى دي كده خلصت وبنحط نقطه وعلامه التعجب او علامه الاستفهام او النقطه بيتحطوا في اخر الجمله نشاط ج ضع دائره حول علامه الترقيم المناسبه لكل جمله ثم اكتبها في المربع الطعام في الثلاجه بلغتني معلومه عن الطعام وخلاص فهمتها يبقى نحط نقطه طيب بعدها نحط دايره حوالين النقطه بالشكل ده طيب هل ساعدت صديقك بسالك هو انت ساعدت صاحبك ينفع ما تردش عليا ولا يبقى عيب لا ما ينفعش ماردش يبقى هنحط علامه الاستفهام ولازم نحطها في اخر الجمله كده طيب ما اسرع الصاروخ انا كده بتعجب من سرعه الصاروخ يبقى لازم علامه تعجب وبرضو هنحط دايره عليها كده نشاط د اقرا الجمل الاتيه وضع علامه ترقيم مناسبه يا نقطه يا علامه استفهام يا علامه تعجب احب ممارسه الرياضه تمام بلغتني معلومه عنك وانا خلاص فهمتها وممكن الكلام بينا يقف لحد كده وانت تمشي وانا امشي ونروح نشوف طريقنا يبقى الجمله خلصت فنحط نقطه هنا مثلا خرجت نور الى الحديقه بلغتني معلومه عن نور وانا فهمتها يبقى برده هنحط نقطه لماذا ناكل خضروات وفواكه او وفاكهه هل انت كده لو انا ما ردتش عليك مش هتزعل؟ لا هزعل طبعا لازم طالما سالتك لماذا او متى او اين او كيف او هل باي اداه استفهام لازم تحط علامه استفهام عشان لازم رد بعدها طيب ما اجمل منظر السماء ما وبعدها فعل على وزن افعل وهنا انا بتعجب من جمال منظر السماء يبقى نحط علامه تعجب واحد وتحتيه نقطه ما الذ الاطعمه البحريه برده ما وفعل على وزن افعل اللي هو الذ وكده انا بتعجب من من الطعم اللذيذ للاطعمه البحريه يبقى نحط علامه تعجب هنا متى تذهب الى المكتبه بسالك متى اين كيف هل ماذا انت لازم ترد عليا متى تذهب للمكتبه فتقول لي صباحا او مساء ما ينفعش ما تردش عشان كده بنحط علامه استفهام نشاط ها اكمل الفراغات بعلامه الترقيم المناسبه شاهد احمد طائرا جميلا فقال لامه ما اسم هذا الطائر مامته لازم ترد عليه وتقول له اسم الطر عشان يتعلم معلومه جديده فهنحط علامه استفهام لانه بيسال قالت امه انه الهدهد طب بعد ما قالت له انه الهدهد مش كده هو فاهم خلاص يبقى هنحط ايه برافو نقطه قال احمد ما اجمل الهدهد كده بيتعجب من جمال الهضد استخدم ما وبعدها فعل على وزن افعل زي اجمل اطول اسرع ابطا اي فعل بالمنظر ده هنحط علامه تعجب هنا في نشاط واو بيقول عبر عن كل صوره بجملتين مناسبتين مستخدما علامه نقطه او علامه تعجب او علامه استفهام اللي في الصوره دول عشان تعمل اي جمله عن صوره بتسال مين اللي في الصوره وماذا يفعل وبيعمل ايه هنا هتعرف تلاقي الكلمات اللي تستخدمها في الصوره هنا مثلا نقول الولدان بيعملوا ايه مثلا او الولد يركب الدراجه طيب عشان نستخدم جملتين مختلفتين ممكن مره نقول جمله ومره علامه تعجب او مره نقول جمله ومره علامه استفهام اللي هو سؤال يعني هنا مثلا هنقول هل تستطيع قياده الدراجه هل تقدر تركب كب عجله طب ده كده علامه ايه؟ حطيت علامه استفهام لان ده سؤال مره ثانيه نغير بقى نقول كن حذرا وانت تركب الدراجه كده انا ببلغك معلومه او بديلك نصيحه فبرده بحط ايه نقطه الصوره الثانيه فيها اولاد بينظفوا بيلموا الزباله او القمامه طب هنقول ينظف الاطفال الحديقه كده جمله اخرها نقطه ممكن كمان نقول ما اجمل التعاون برده هنا بتعجب من جمال التعاون فبحط علامه تعجب وبكده ابقى استخدمت الثلاث علامات اللي هو طلب ان انا استخدمهم يلا بينا نحل التطبيق على النص بيقول اقرا الفقره الاتيه ثم اجب في وقت الفسحه كنا نلعب في حديقه المدرسه ووقع صديقنا عمر على الارض وبكى من الالم يعني من الوجع قعد يعيط فاسرعت اليه مع اصدقائي رحت انا واصحابي عشان اساعده وسالته هل انت بخير يا عمر انت كويس احمد نفض التراب عن ملابس عمر شاطر جدا بدا يساعده بان ينفض عنه التراب وحسام جرى بسرعه ليخبر المعلمه ما لازم نبلغ حد كبير من اللي مسؤولين عننا مش اي حد كبير في الشارع يعني مدرسه ماما بابا عمه خاله ناس نعرفهم يعني استخرج بقى لما بيسالك السؤال ده ويقول لك استخرج قبله يبقى عايزك الاجابات كلها تطلع من هنا من القطعه دي وما ينفعش تجيب اجابات من دماغك عايزين مفرد والجمع بتاعه والاثنين يطلعوا من هنا يلا ندور هنا لقينا صديقنا صديق واحد بس يبقى مفرد ولقينا كمان اصدقائي اصدقاء كتير يبقوا جمع يبقى صديقنا واصدقائي مفرد وجمعه عايزين بقى حرف ممكن يكون حرف جر في من عن على الباء او الكاف او اللام وممكن يكون حرف جر واو او فاء او ثم او طيب تعالوا ندور انا لقيت مثلا في تمام صح كده نكتبها ممكن حد يقول لي عن تم برده تقدر تكتبها ممكن حد يقول لي ا على برافو اكتبها ممكن حد يقول لي بسرعه الباء ما فيش مشكله طب عايزين نوعه لو جبته حرف جر اكتب انه حرف جر، جبته حرف عطف اكتب انه حرف عطف، انا جبته جر فهكتب حرف جر. هنا بقى بيطلب مني ضع علامه ترقيم مناسبه احمد نفض التراب خلاص بلغني معلومه وفهمت واقدر امشي بعدها ومش محتاج مني رد يبقى نقطه طب هل انت بخير يا عمر لازم عمر يرد اه او لا ايوه انا بخير او لا مش بخير يبقى علامه استفهام اختر الصواب مما بين القوسين جمع المعلمه طالما اخرها تاء مربوطه يبقى في جمعها هشيل التاء المربوطه احط الف وتاء تبقى المعلمات طب كلمه اصدقائي طيب مالها ها هل هي مفرد؟ لا اصدقائي دول كتير طب جمع مؤنث سالم لا الجمع المؤنث سالم اخره الف وتاء طب جمع تكسير اه صديق اصدقاء جمع ولكن بدون نهايه واضحه جمع من غير ما نضيف له واو ونون ولا نضيف له ياء ونون ولا نضيف له الف وتاء يبقى ده اسمه جمع تكسير عشان كده هختار جمع تكسير السؤال اللي بعده اكمل بالمطلوب نقط منظمون اخرها واو ونون يبقى جمع المذكر السالم اللي انا اجيبه برده اخره وا ونون مين؟ اللي تقدر توصفهم ان هم منظمون ممكن نقول مثلا المتسابقون ممكن نقول الفلاحون ممكن نقول المعلمون ما فيش مشكله نشاط باء بقى اقرا الفقره الاتيه ثم اجب اقرا الفقره حل الاسئله اللي عليها دي وقف الفيديو لحد ما تخلص حل هكتب لك الاجابات وهتعلم لنفسك وهتدي نفسك درجه من خمسه لو خلصت حل ابدا يلا علم معايا استخرج من الفقره مفرد واجمعه يبقى هنطلع المعلمه والمعلمات هم دول اللي مفرد والجمع بتاعه من جوه القطعه ابتسمت المعلمه خلاص بلغتني معلومه يبقى نقطه ما اجمل ان نساعد اصدقائنا طبعا تعجب يبقى علامه تعجب جمع كلمه المصاب هتبقى برافو المصابون والمصابين يبقى كلاهما صواب عشان كده بقول ما نتسرعش ونختار اول واحده لو اخترت دي بس كان عملها لك غلط ليه عشان دي تنفع ودي تنفع وما ينفعش اختار اختيارين فهختار كلاهما صواب يعني الاثنين صح جمع كلمه سعيده اللي هي كلمه ايه سعيدات لان اخرها تاء مربوطه بنشيلها ونحط الف وتاء كده خلصنا درسنا هستناكم في الدرس الجديد اتحدث واعبر انقذت اخي وفي نفس الفيديو الجاي هنشرح نكتب ونبدع كتابه قصه قصيره هتلاقوا الروابط بتاعتهم تحت في صندوق الوصف هم وكل دروس المنهج ان شاء الله اللايك والشير بيساعدنا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا اتمنى تكونوا استفدتوا واترككم في رعايه والسلام عليكم ورحمه الله وبركاته.