الدرس الاول عربي الصف السادس الابتدائي الترم الاول كتابة نص معلوماتي لغه عربيه 6 ابتدائي

ودلوقتي عزيزي الطالب هناخد شكل من اشكال التعبير وهو اسمه النص المعلوماتي ازاي اكتب نص في معلومات طيب عايزين نعرف ايه؟ عايزين نعرف تعريفه عايزين نعرف العناصر بتاعته عايزين نعرف ايه الحاجه اللي ناخد بالنا منها عشان واحنا بنكتب ما نغلطش في اي حاجه وما ننقصش اي عنصر طيب نخش في الموضوع على طول نخش في الموضوع على طول طيب النص المعلوماتي هو نص يعرض حقائق ومعلومات عن موضوع معين يعني ايه حقائق ومعلومات يعني ما تكتبليش رايك الشخصي بتكتب لي حقائق ومعلومات حاجه موثقه حاجه انت جايبها من مصدر طيب من خلال المصدر بقى يمكن توثيقه زي ايه؟ زي الكتب زي مواقع الكترونيه زي مجلات او جرايد وكمان هي اصلا انت النص المعلوماتي ده عشان تعرضه للناس هتعرضه عن طريق ايه؟ هتعرضه عن نفس الطريق ده ان انت ممكن تكتبه في كتاب او تكتبه في موقع او تكتبه في مجلات يعني انت معلوماتك بتاخدها من المواقع دي او المصادر دي وبرده بتعرض النص بتاعك ده من خلال المصادر دي هل هيفرق معايا ميزه التعريف في حاجه؟ لا التعريف ده كده معلومه اسفائيه ليه ما تحفظهوش ولا اي حاجه بس انا عايزاك تفهم يعني ايه نص معلوماتي يبقى نص المعلومات صح ولا خطا ان انا بقول فيه رايي الشخصي طبعا خطا انا بقول فيه معلومات ما بقولش فيها اراء شخصيه طيب ازاي اكتب نص معلوماتي دلوقتي انا كطالب شطور كده في سته ابتدائي عايزه اكتب نص معلوماتي يقراه اللي قدامي ويستفيد ويثق فيا اول حاجه واهم حاجه اني اجمع المعلومات بتاعتي سواء من الكتب او المواقع بس اهم حاجه عشان الناس تصدقني لازم اتاكد من مصداقيتها مش اي معلومه على النت كده اخدها واكتبها على طول طيباني حاجه ايه؟ اني حاجه ان ارتب الافكار ما ينفعش ان انا يعني انهي ابدا الكلام بالنها بالخاتمه وابدا الخاتمه واحط فيها المقدمه واللي يقرا كده ما يعرفش الدنيا رايحه فين وجايه منين صح لازم ارتب الافكار بتاعتي احط مقدمه تتكلم عن الموضوع بعد كده اتكلم في الموضوع نفسه بعد كده اختم الكلام عشان القارئ وهو بيقرا كده يكون فاهم منين جاي على فين صح طيباني حاجه بقى ان انا اذكر المصادر لازم اقول ان مثلا ذكرت احصائيه ذكر ذكرت منظمه الصحه العالميه لازم اقول انا جبت المعلومه بتاعتي دي منين؟ صح عشان القارئ يثق فيا وفي المعلومات اللي بياخدها مني عشان يعرف ينقلها طيب ايه بقى المصادر اللي ممكن انقل منها زي ما قلنا فوق الكتب جرايد مجلات مواقع بس المهم تكون مواقع ايه موثقه طيب اهم حاجه بقى دي ثابته معانا في كل التعبير اللي عندك انك تاخد بالك من عدد الكلمات المطلوب وانك تراجع النص بعد يعني انت بعد ما تخلص بعد ما تكتب راجع انت كتبت ايه طب خلصت مراجعه يا ميس اركز على ايه وانا براجع راجع على عدد الكلمات هو لو طلب منك 150 كلمه 200 كلمه تتاكد انك كاتب كلمات كامله طيب تسلسل الافكار انك كاتب افكار صح كاتب المقدمه الاول بعدين الموضوع بعدين الخاتمه مش مدخل امور على بعضها ان الاملا بتاعك طبعا يكون صح وانت كده كده شطور واحنا مع بعض في حصص الاملا بنحاول نغطي لك كل القواعد الاملائيه طيب خلاص اتاكدت من دول ايهاني علامات الترقيم تعالى نرجع ثاني علامات الترقيم الفاصله ما بين الجملتين النقطه في اخر الكلام النقطتين الراسيتين دول ما بين كلمه زي بعد قال وسال اللي هي اي حاجه فيها قول مهم جدا علامات الترقيم طبعا خطك الحلو انا عارفه ان كده خطك جميل واخر حاجه انك تستخدم تعبيرات ملائمه يعني انت لو بتتكلم عن حاجه حزينه هتتكلم بايه؟ بالفاظ حزينه صح ما ينفعش تقول ان هو يرقص حزينا مثلا فكره ان حد يرقص دي مالهاش علاقه خالص بالايه؟ بالحزن فانت لازم التعبير اللي بتستخدمه يكون مناسب للموضوع اللي بتتكلم فيه طيب النص المعلوماتي بيكون عباره عن ايه؟ ايه النقط بتاعته انا ولا بكتب نص معلوماتي مهم قدامي كقارئ اشوف قدام قدامي ايه عشان اقراه اول حاجه المقدمه تكلمني ايه المهم في اللي انت بتقوله يعني دلوقتي انت قلت لي مثلا انا هكلمك عن ا الانترنت فوائد الانترنت هقول لك طب انا يعني ليه ممكن اقرا النص ده فانت في المقدمه تقول لي ايه اهميه الموضوع ده مثلا تقول ان لا يخفى على احد اهميه الانترنت وتدخله في حياتنا الشخصيه فالمقدمه دي هتعمل ايه هتشدني كقارئ اني اكمل ما انا عايزه اعرف بقى خلاص هي حاجه مهمه ومؤثره في حياتي فده اللي هيخليني اقرا المعلومات واخدها منك يبقى اول حاجه مقدمه بتتكلم اكلم فيها عن ايه؟ عن الاهميه يبقى الاهميه بذكرها فين؟ في اول المقال في المقدمه او في اول النص المعلوماتي اللي هي المقدمه طيباني حاجه الموضوع نفسه ابدا اقول بقى ان انا والله وزاره الصحه نشرت احصائيه ومثلا ان استخدام الانترنت بشكل مقنن ان ده بيسبب شكل من اشكال السعاده للنفس الانسانيه او الترفيه مثلا تقول قرات في جريده من الجرائد انك تقدر تقول اي مصدر من المصادر اللي احنا قلناهم ورا ان احنا بناخد منهم المعلومات اللي هم ايه اللي هم الكتب والجرائد والمجلات ومواقع الانترنت الموثقه يعني ايه مواقع موثقه يعني ما تقوليش من فيسبوك وتويتر تقول لي لا مثلا من موقع الصحه العالميه من مثلا من موقع وزاره التربيه والتعليم لو انت بتتكلم عن معلومه ليها علاقه بالتربيه والتعليم وهكذا طيب يبقى انا عندي اول حاجه المقدمه قلت لك اهميه الموضوع ثاني حاجه اتكلمنا عن الموضوع نفسه قعدنا بقى نتكلم عن المعلومات والاحصائيات والارقام ولازم تقول لي مصادر موثقه انت جبت منها طيب بعد ما تقول المعلومات والحقائق بتاعتك معلومات وايه وحقائق مش اراءه شخصيه اخر حاجه بقى الخاتمه هتلخص فيها الموضوع كله تقول بقى ان احنا خلاص كده عرفنا اهميه مثلا الانترنت في حياتنا وعرفنا دوره وازاي نحسن استهلاكه واطلعنا على ارقام مثلا نظام الصحه العالميه وقد ايه ان الترفيه ده يعني ليه تاثير ايجابي على حياه الانسان وبس كده نقطه احنا ختمنا الكلام يبقى النص المعلوماتي سهل وبسيط وهو اشبه بدروس القراءه عندك اللي هي بتاعه السنه ان انت بتبدا فيها بمقدمه بتتكلم فيها عن اهميه الموضوع بعد كده بتتكلم عن الموضوع نفسه بعد كده بتختم الكلام بايه؟ بتختم الكلام بخاتمه تلخص للقارئ كل اللي انت قلته اهم حاجه ايه ان انت تتكلم عن حقائق ومعلومات ناخد مثال ناخد مثال سريع يجي هنا يقول لك مثلا اكتب نصا معلوماتيا لا يقل عن 150 كلمه عن اهميه اداره الوقت الفاعليه يبقى ايه عنواننا هنتكلم عن ايه هنتكلم عن اداره الوقت الفاعليه عندي ايه في النص المعلوماتي ثلاث اجزاء بس مقدمه موضوع خاتمه المقدمه هتكلم فيها ايه هقول ان الحاجه اللي انت بتكلمني عنها دي ليها اهميه كبيره بتكلم عن اهميه الشيء اللي انت بتقول لي عنه اكتب نص معلوماتي امال انا بكتب عنه نص معلوماتي ليه عشان اشد القارئ عشان ينتبه ان هو ياخد معلومات مني في حياه الانسان ليه بقى في اي فعل تفعله تبدا تبرر له يعني ما ينفعش تقول لحد ايه على فكره الصحه دي مهمه قوي وتسكت هيقول لك مهمه ليه صح لازم تقول له اسباب الاهميه يبقى في المقدمه انا بقول لك هي مهمه واقول لك هي مهمه ليه انا ليه بقول لك عليها مهمه فانا هنا قلت الوقت مهم طب ليه مهم عشان اي فعل يحتاج الى ايه الى وقت او زمن عشان تعمله انت عشان تذاكر محتاج وقت عشان تعمل اكله حلوه محتاج وقت عشان تقف تشرح او تتعلم من حد برده محتاج وقت فاي حاجه في الدنيا اي فعل محتاج زمن فلو الانسان فقد الزمن ما بقاش عنده وقت في حياته هيعمل ايه لن يستطيع ان انجاز اي شيء مش هيعرف يعمل اي حاجه في حياته اللي ما عندوش وقت يعمل اي حاجه طيب كده عملنا ايه في المقدمه قلنا الاهميه يلا بينا نخش على الموضوع على طول الموضوع هنا بقى ابدا اتكلم عن ايه عن احصائيات او حقائق او معلومات ما بقولش اراء شخصيه هنا بيقول لك ان هناك احصائيه ذكرت ان 28% من الناس لا يديرون اوقات اعمالهم بشكل جيد يعني 28% من البشر مش بيقدروا ان هم ايه يسيطروا على اوتهم بشكل حلو وبيضيعوا وقت كتير وهذا يؤدي الى ايه الضرر بقى من اللي هم بيعملوه ده بيؤدي الى قله انتاج وحدوث خلل وخسائر ماديه فادحه الانسان وهو مش عارف يدير وقته مش بيعرف يشتغل حلو بيتخصم له فلوس كتير في الاخر ايه بيخسر خسائر ماديه كبيره جدا طيب انا هنا في المقدمه قلت الاهميه في الموضوع قلت لك ان في احصائيه بتقول لك خلي بالك الوقت ده مهم بس مش كل الناس عارفه قمته فيعني لازم تستغل بوقت كويس الوقت بشكل كويس عشان لو ما استغلتهوش هينتج عنه حاجات وحشه وسلبيه وا ابدا اقول لك حلول بقى ابدا اكمل لك الحل لكي ندي الوقت انا قلت لك الحاجات السلبيه يعني قلت لك الاهميه كده قلت لك سلبيات انك ما تحافظش عليه بعد كده ادي لك الحلول الحلول ان انا بقول لك عشان تدير الوقت بشكل جيد يجب علينا ان نتابع مجموعه من ايه من الخطوات وهي انك اول حاجه تهد تحدد اهدافك بوضوح تكتبها في قائمه ثم ترتب اولويات وتخصص وقت لكل هدف يبقى انا هنا اديتك معلومه باحصائيات وعملت ايه وقلت لك السلبيات اللي ممكن تواجهك لو انت ما حفظتش على الوقت او الموضوع اللي انت بتكلمك عنك بيكلمك عنه عايزك انك تكتب عنه بعد كده ايه اديتك حلول قلت لك والله انت ممكن تعمل ايه عشان تتفادى الاحصائيه دي ما تكونش من 28% من الناس اللي بتاذي نفسها بايه بتضيع وقتها طيب الميزه بقى في النص المعلوماتي ان ممكن يتسال في معلوماته يعني ممكن يجيب لك هو نص معلوماتي من عنده ويقوللك مثلا ذكرت اهميه النص في المقدمه ولا الموضوع للخاتمه؟ احنا قلنا الاهميه والفائده بتتذكر فين؟ تتذكر في المقدمه برافو عليك اجي اقول لك مثلا في المعلومات نفسها اقول لك 30% من الناس لا يديرون اوقات اعمالهم بوقت جيد صح ولا غلط؟ طبعا غلط هنا النص المعلوماتي قال لي 28 وده ميزه النص المعلوماتي ان هو بيديك معلومه مش بيديك راي شخصي طيب خلاص انا في الموضوع هنا قلت الاحصائيه والمعلومه وبعد كده قلت لك ازاي نتعامل مع الموضوع يلا بقى في الخاتمه اقول لك ايه التلخيص برافو عليك ان انا هنا بلخص كل اللي انا قلته والله قلت لك بقى بناء على اهميه الوقت بناء بناء على اللي انا قلته لك في المقدمه وبناء على اللي انا قلته لك في الاحصائيات انتج الاحصائيات قلتها في الموضوع علينا ايه بقى ايه اللي المفروض ان احنا نعمله بعد ما قريت النص الطويل العريض ده المهم انك تنتبه وتدير اوقاتك بحكمه عشان ايه عشان تحقق النجاح في كل امور حياتك يبقى الخاتمه دي عباره عباره عن خلاصه انا بقول لك والله بقى بص انا وضحت لك الاهميه ووضحت لك الاحصائيه او المصدر او المرجع بيقول لك ايه واخر حاجه بقى انا مستني منك ايه مستني منك ان انت تحافظ على وقتك عشان ايه المعلومات اللي تقول لك قد ايه ده مهم وبس كده نكون خلصنا النص المعلوماتي يبقى خلاصه النص المعلوماتي ايه النص المعلوماتي هو عباره عن نص انت بتكتب فيه معلومات واحصائيات من مصادر سواء كتب او احصائيات او مواقع انترنت موثقه ما بتقولش رايك الشخصي خالص بتقول بس معلومات طيب بيبدا ازاي؟ بيبدا بمقدمه اقول لك ايه اهميه الموضوع ده؟ عرفتك الاهميه وشديتك ليا عشان تسمعني ابدا ادخل في الموضوع على طول خلصت الموضوع قلت لك الاحصائيه بتقول ايه او الموقع بيقول ايه ووثقت المصدر بتاعي في الموضوع خلاص شكرا انا كده خلصت ارجع في الاخر في الخاتمه اعمل ايه؟ اقول لك والله بناء بقى على الاهميه اللي ذكرتها لك وبناء على الاحصائيات اللي قلتها لك فالموضوع ده مهم جدا زي مثلا اداره الوقت اللي احنا قلناه ده فالرجاء انك تحافظ عليه عشان ايه عشان تنجح في حياتك وتطور وبكده نكون خلصنا النص المعلوماتي اللي انت خلي بالك في كل دروس القراءه بتتعرضه وبتشوفه وبتتعامل معاه وهو ده بالظبط بس الفرق الوحيد ايه ان في القراءه انت بتطلع معلومات اما هنا في النص المعلوماتي انت هتكتبه بايدك يا رب يكون كده خفيف وسهل عليك ما يقفش فيه اي حاجه وانا عارفه انك شاطر ان شاء الله وهتورينا الابداعات والحركات بتاعتك في الكتابه كان معاك استاذه رضوى يوسف معلمه اللغه العربيه على منصه الخطه التعليميه مستنياك في حصه جديده ان شاء الله سلام