المحاضرة 11 والأخيرة فى الباب الأول علوم متكاملة التوازن البيئى المائي

المحاضره العاشره والاخيره في الباب الاول من ماده العلوم المتكامله للصف الاول الثانوي وقطعا هتعشقوا العلوم المتكامله والاحياء مع ابا الزهراء بسم الله الرحمن الرحيم السلام عليكم ورحمه الله وبركاته وحشتونا يا شباب عاملين ايه؟ يا رب تكونوا بخير وبصحه واحسن حال الحمد لله المعيد المبدي حمدا كثيرا وهو اهل الحمد ثم الصلاه اولا واخرا على النبي باطنا وظاهر صلوا عليه اللهم صل سلم وزد وبارك على سيدنا محمد عليه الصلاه واذكى السلام عدد ما كان وعدد ما يكون وعدد الحركات والسكون رب اشرح لي صدري ويسر لي امري واحلل عقده من لساني يفقه قولي طلاب اليوم وباذن الله تعالى زملاء الغد احلى واجمل دكاتره في المستقبل ان شاء الله اهلا وسهلا بيك يا صديقي الجميل في محاضره سهله جدا جدا هنختم بيها ان شاء الله باذن الله تعالى الباب الاول في العلوم المتكامله ولكن بسم اللهم افتح علينا فتوح العارفين قول معايا يا قلبي واهدنا الصراط المستقيم وابني لنا من لدنك طريق الحق المبين فانت بكل شيء عليم اللهم ما جادت به قرائحنا فانت من علمها وما نطقته السنتنا فانت من قومها وما كتبته اقلامنا فانت من ارشدها فاجعل اللهم افئدتنا وابصارنا وعقولنا لك مسلمه وبك مؤمنه ربنا اتنا من لدنك رحمه وهيئ لنا من امرنا نا رشده المحاضره يا اد رقم 11 في المنهج والدرس العاشر في ماده العلوم المتكامله قول معايا يا قلبي دعاء المذاكره يا رب نسالك فهم النبيين وحفظ المرسلين والملائكه المقربين بسم الله اللهم لا سهل الا ما جعلته سهلا وانت تجعل الحزن اذا شئت سهلا يا صديق الجميل ركز كويس جدا في كل تفصيله هنقولها عشان باذن الله هتستمتع وطالما حضرتك بتستمتع يبقى انت لازم تعبر عن استمتاعك ده اعبر ازاي بلايك على الفيديو بشير بكومنت جميل يعني روق الكلام كده طيب بسم الله ولاد حكايتي مع العلوم المتكامله من قبل اصلا ما يكون في علوم متكامله حكايتي مع التنميه المستدامه طيب بسم الله جماعه الخير احنا في سنه اولى كليه ا لما رحنا كده هوت لقينا في ايفنتات وحاجات بتتعمل ومؤتمرات في الكليه غريبه علينا وانا برده خارج من القريه جيت على المدينه فانا برده عارف انت الفلاح اللي جه الكليه فمش واخد على الاجواء قوي يعني بشوف ولاد ماشيين مع بنات مش حاجه يعني مش بيعملوا حاجه عيب ولكن مجرد الاختلاط بالنسبه لي فيه ازمه ان ولد مع بنت بيعملوا حاجه معينه في تنظيم معين في اسره معينه في الكليه في حاجه دايره كده بين ولاد وبنات وفي كلام اصلا حاصل وفي اي كونتاكت مباشر وبصين لبعض دي حاجه بالنسبه لي ويرد جدا انت ازاي بصت لها كده ده انت ما تعرفهاش ف الفضول بيحركك هم بيعملوا ايه فتعدي الايام يا جماعه ويجي يوم من الايام كده هوت واحد صديق ليا يعني اسمه الدكتور دكتور محمود جوده يقول لي تعال نروح مؤتمر كده هوت بتاع تنميه مستدامه فانا فاكر اليوم ده كويس جدا جدا يعني الناس قاعده تتكلم على حاجات في البيئه وازاي نخلي البيئه مستدامه وازاي نعمل تنميه مستدامه وانا بالنسبه لي المصطلحات ديت يعني ا يعني بص خوارزميات مش فاهم اي حاجه مش فاهم اي حاجه يعني مش عارفهم بيقولوا ايه والكلام ده فايدته ايه فسبحان الله يا شباب يعني الدنيا عجيبه وقد كده تلف الايام تلف لف تلف وابقى بشرح الكلام ده في العلوم المتكامله فالنهارده يا جماعه الخير معانا التوازن البيئي والتنميه المستدامه في البيئه عشان نحافظ على البيئه وتستمر لاجيال واجيال واجيال بعد كده ايه الكلام دههون ركز معايا بسم الله يا اد كلمه تنميه مستدامه يا اد انا هبدا بيها يعني انا حابب ابدا بحاجه اسمها التنميه المستدامه قبل ما اخش على التوازن البيئي جماعه الخير احنا بنعيش في في البيئه بناثر ثر فيها وبتاثر فينا يعني ايه الكلام دههو يعني حضرتك لو انت فلاح كده زي حالاتنا من الدلتا بقى منوفيه كفر الشيخ غربيه الحاجات دي كلها فاحنا بنزرع واخد بالك التربه بتاعتنا اللي احنا بنزرع فيها جزء من البيئه تمام فاحنا بنزرع في التربه فاحنا بنستهلك الحاجات اللي في التربه العناصر الغذائيه اللي في التربه يعني بنزرع فيها وناخد منها النباتات المحاصيل فاحنا كده بناثر في التربه تمام خد بالك انت كائن حي التربه مكون غير حي فانا كده في علاقه بيني ككائن حي وبين التربه مكون غير حي ها عايزك تلاقط الكلام والبيئه يا جماعه او التربه بتاثر فيا بتديني حاجات يبقى انا باثر فيها بتاثر فيا تمام حلو يبقى يا جماعه دي علاقه بين كائن حي ومكون غير حي العلاقه بينا لازم تمشي علاقه يعني مش توكسك علاقه عاديه علاقه مستدامه علاقه طيبه عشان البيئه تستمر عشان لما احنا الجيل بتاعنا يفنى الاجيال اللي جا بعد كده اولادنا واحفادنا يستفيدوا من نفس التربه اه ركز يا قلبي ال اللي انا قلته ده يا جماعه هو الدرس يعني القصه دي هي الدرس طيب يعني ايه تنميه مستدامه البيه التنميه المستدامه ان انت تعيش في الحياه او تعيش في البيئه وتستفيد منها ومن مواردها استفاده ما تضرش الاجيال اللي جايه ايه يعني يا دكتور استفيد منها بس حافظ عليها او استفيد منها وخليها موجوده وتقدر تدي وتلبي احتياجات الاجيال اللي جايه بالظبط كده جماعه التنميه المستدامه هي ركز يا قلبي التعريف ده مهم جدا يا اد وصممت ابدا ب تلبيه احتياجات الحاضر احنا يا جماعه الاجيال الحاليه دون المساس اوعى تيجي على دون المساس دون الاضرار بقدره الاجيال القادمه على تلبيه احتياجاتها يعني من الاخر ما تبقاش اناني ده يا جماعه معنى التنميه المستدامه نكتبها قلبي بنزل لك الفايل ده على المنصه عشان لو عاوز تذاكر منه يعني بيكون في معلومات قيمه جدا جدا وبطريقه سهله يعني ما تبقاش اناني ويا جماعه انا حاسس صراحه ان النهارده هدرس لك درس يعني من اولى اعدادي بجد والله بس ايه الدنيا سهله جدا جدا يعني جماعه ده تعريف التنميه المستدامه ان حضرتك تستفيد من البيئه تستفيد من الهواء تستفيد من الميه تستفيد من التربه بس تحافظ على البيئه مستدامه عشان تكمل وتدوم عارف انت مستدامه جايه من الدوام تدوم للاجيال اللي جايه بعد كده يبقى يا جماعه تلبيه احتياجات الاجيال الحاليه دون المساس دون الاضرار باحتياجات الاجيال القادمه ده معنى تنميه مستدامه طيب بسم الله الرحمن الرحيم نبدا يا دكتور في التوازن البيئي بصوا يا اد جماعه الحياه كلها يا جماعه ماشيه بمبدا واحد حرفيا بسم الله الرحمن الرحيم وكذلك جعلناكم امه وسطا سبحان الله انا بحب كده يعني انتقي ايات من القران الكريم و واسقطها على حياتي حتى لو مش ده التفسير بتاعها يعني بس انا عندي قناعه كده ان الوسط من كل شيء جميل وخلي بالك لو انت كده عاوز تحط قدامك قاعده تحل بيها حرفيا كل اسئله الدرس الوسط من كل شيء الاعتدال في كل شيء لا تزود ولا تقلل يعني يا جماعه ان شاء الله هنقول في جسم الانسان في الهرمونات في الصف الثالث الثانوي لما تخش ثالثه ان شاء الله هقول لك ان الهرمونات بتطلع في جسمنا زي هرمون الاكسيتوسين زي هرمونات الحمل هرمونات السعاده الهرمونات الذكريه اللي بتطلع الدان والشنب كل الهرمونات في جسمك بتطلع بكميات تقدر بالميكرو جرام جماعه الميكرو جرام ده هو جزء واحد من مليون من الجرام يعني بكميات قليله جدا جدا لو قل عن كده يعمل لك مشاكل لو زاد عن كده يعمل لك مشاكل مثال في يا جماعه هرمون في جسمي اسمه يا اد الجي اتش جي اختصار لجروس اتش اختصار لهرمون ده يا جماعه هرمون النمو اللي بيخليني اكبر يا دكتور فرضا بيطلع عند حضرتك بخمسه ميكرو جرام في اليوم مثلا يعني لو طلع سبعه وانت صغير يخليك عملاق يعمل لك مرض اسمه عملاقه طويل قوي قوي قوي 2 متر 2 متر ونص طب لو طالع لاه العكس يخليك يا دكتور للاسف للاسف قزم قزامه اه فهمت فهمت فهمت يبقى يا جماعه الخير انا عايز اقول ان الوسط من كل شيء كويس الاعتدال في كل شيء كويس التوازن في كل شيء كويس تعال نشوف قال لك يا دكتره انا خلي بالك لسه هقول لك التعريف اللي في الكتاب كمان شويه بس انا ايه بدردش معاك انت وراك حاجه ركز يا قلبي بسم جماعه التوازن يا اد ممكن نقول ان هو توازن عدد الكائنات الحيه مع كميه الميه وكميه الغذاء وكميه المكونات الغير حيه اللي في التربه او اللي في البيئه اللي هي يا جماعه عوامل البيئه كل الحاجات دي يا جماعه تكون ماشيه مع بعضها باعداد ثابته بكميات ثابته ده التوازن لا حاجه تزيد ولا حاجه تقل وافتكر مثال الهرمونات او تعريف ثاني استقرار النظام البيئي نتيجه علاقه متزنه بين الكائنات وبيئتها لا دكتور ناخد مثال بقى عشان ايه نفهم بشكل قوي جدا جدا جدا ونخش على التعريف اللي هو قد كده الصعب ولكن باذن الله سهله جدا بصوا يا اد قلبي نبات واضح جدا يعني مش محتاجه صح ولا ايه طيب ودي يا اد حشرات وليكن يا جماعه هننقي منهم النحل خلاص ودي حضرتك طيور جميل خالص اهو تمام؟ بصوا يا ايه توازن بيئي؟ بص جماعه معروف ان الحشرات تتغذى على رحيق النباتات الحشره يا اد تروح على الزهره بتاع النبات تشم الرحيق وفي نفس الوقت النبات دههو بيستفيد لان الحشره حضرتك بتعمل في النبات حاجه اسمها تلقيح يعني ايه التلقيح ناخده ان شاء الله في ثالث يا اد انتقال المشيج الذكري الى مكان المشيج الانثوي يعني الحشره بتفيد النباتات في التكاثر بس مش عايزك تعرف اكتر من كده ماشي زي الفل ماشي حلو قوي فيا دكتور الحشره كلت استفادت وافادت النباتات زي الفل تيجي يا اد الطيور تاكل الحشرات مش كلها بس تاكل بعض الحشرات وبالتالي قلبي الكائنات كلها بتتكاثر يعني تكتر يا اد تعالى نحط ارقام ماذا لو انت عندك من النبات ده 1000 وعندك من الحشرات 1000 برده وعندك من الطيور 500 الحشرات بتتغذى على النباتات وتتكاثر مثلا بعد يوم يبقوا 1100 حلو تقوم الطيور يا اد واكله ال 100 يرجعوا 1000 تاني ايه ده ايه ده ايه ده ايه ايه ده؟ ايه ده دكتور؟ ده في توازن بين العدد بتاع الكائنات الحيه مع البيئه؟ اه ازاي مش حضرتك لما الطيور اكلت الحشرات خلت عددها متوازن؟ ايوه بس يا دكتره هو لو عددها زاد هيحصل ايه؟ هو ده السؤال البين ماذا لو قلت اعداد الطيور اللي بتاكل الحشرات دكتور الحشرات تزيد 1100 1200 1500 ركز بقى جماعه ال 1500 دول يروحوا ياكلوا او يتغذوا على النباتات وبالتالي يقللوا من اعداد النباتات وبالتالي يا جماعه معروف ان اللي بيدي الطاقه لكل الكائنات هي النباتات فلو الحشرات اتغذت على النباتات اكت من اللازم هتخلص على النباتات وبالتالي يا ولاد يحصل خلل في التوازن البيئي وصلت يا قلبي يبقى يا جماعه الخير طول ما الطيور بتاكل الحشرات احنا تمام ليه لان عددها مناسب مع عدد النباتات لو الطيور قلت الحشرات رات زادت تاكل النباتات اكتر من لازم تعمل خلل في التوازن البيئي ماشي يا قلبي طيب تعال يا قلبي بسم الله الرحمن الرحيم كمان مثال جماعه معروف ان الغزلان اكلات عشب بصوا يا رجاله الغزال يا جماعه انا عندي الكائنات الغير ذاتيه التغذيه احنا خلصنا الذاتيه خلاص النباتات والطحالب والكلام ده كله بتقدر تاخد ضوء الشمس تعمل جلوكوز بناء ضوئي مع نفسها خلاص بتاكل نفسها بنفسها طب اللي مش بياكل نفسه بنفسه زينا كده يا جماعه قال لك يا دكتور اسمها كائنات غير ذاتيه التغذيه منها يا اد اكلات عشب زي الغزلان كده بتاكل الاعشاب منها اكلات لحوم زي الاسد زي النمر زي الديب منها متنوعه الغذاء زينا كده بناكل لحمه وبناكل خضار كله ما بنقولش لا اي حاجه خلاص فيا جماعه الخير صلوا بينا على النبي اولاد الغزال بيتغذى على العشب تمام حلو قوي الكلام ده وليكن يا قلبي عندك في غابه معينه 2000 غزاله ماشي وده يا جماعه الذئب الديب بص حتى النظره بتاعته عامله ازاي يخوفك ديب فيا جماعه الذئاب في الغابه بتفترس الغزلان خلاص حلو قوي فالغزلان بيتجوزوا فوليكن وليكن بعد شويه بقوا 2200 فزادوا 200 يقوم الديب قام بالواجب مصطاد شويه خلاص وليكن ارقام برده كده عشوائيه وليكن كم مست يا جماعه 200 الله الله يرجع دكتره الغزال ل 2000اني اه طب ماذا لو الذئاب قلت يعني يا جماعه الانسان مثلا وانت بتتفرج يا قلبي زمان كده على الناشونال جيوجرافيك ابو ظبي او على القناه الاولى المصريه عالم الحيوان زمان كده وانت صغير بس انت اندر ايدج ما تعرفش الكلام ده كنا زمان يا جماعه نقعد كده يوم الجمعه بعد الصلاه عشان نستنى عالم الحيوان يجي كده ربع ساعه ثلث ساعه يجي لك كده الايه عالم الحيوان فيا جماعه الخير كنا لما نقعد نتفرج على عالم الحيوان ونشوف مثلا الديب او الاسد او النمر بيصطاد الغزاله كنا نتضاق جدا ده انت شرير قوي انت بتصطادها ليه ده جميله كده وكيوت وحلو قوي انت بتصطادها ليه يا شرير لو انا معايا بندقيه اقوم معمر البندقيهك نتاياهاشه كده مخلص على الديب ده مخلص على الاسد ده هو انا كانسان لما اخلص على الاسد او اخلص على الديب انا كده خدمت البيئه لا قلبي ربنا خلقهم كده اذا ده الحلو اذا ده التوازن لو انت ادخلت تعمل خلل يا قلبي تعالى ماذا لو انت ادخلت قتلت الديبك نتشته طلقه في دماغه خلصت عليه ايه اللي يحصل تقل اعداد الذئاب وبالتالي يا اد خد بالك يا قلبي ده اسمه كائن حي يا اد مفترس ماشي الافتراس يا جماعه علاقه بين كائنين واحد بياكل والثاني بيموت يفقد حياته طب ال الغزاله فريسه فريسه تمام زي الفل جماعه ماذا لو احنا بالصيد الجائر اصطادنا الذئاب ايه اللي يحصل؟ تزداد اعداد الفرائس ازد على اي حاجه بقى الغزلان تزيد وبالتالي يا اد الاعشاب اللي في الغابه هتقل اه تصبح يا جماعه الخير الغابه فقيره في الاعشاب الغابه يا جماعه تتدمر غابه مدمره وبالتالي يا اد موت الكثير والكثير والمئات من الكائنات الحيه ما هي فيها كائنات حيه عاشه جواها حشرات بقى على كائنات بتعيش في قلب الغابه مستخبيه انت مش شايفها كل حاجه عايشه جوه انت مش شايفها واخد بالك انت كلهم لما الغابه يا اد تموت او تتدمر لما تتاكل بالغزلان اللي زادت عشان الذئاب حضرتك اصطدتها او الذئاب ماتت فالغزلان الفرائز فاكلوا اعشاب اكث من اللازم اكث من اللازم وبالتالي يا جماعه الخير اللي هيحصل ان الغابه هتصبح فقيره في الاعشاب وبالتالي يا اد موت الكثير من الكائنات التي تعيش في الغابات وده يا جماعه معنى الخلل او فقدان التوازن البيئي ماشي يا اد مثال ثاني تمام تمام بعد المثالين يا قلبي حضرتك تقدر تستوعب معنى التوازن البيئي قال لك يا دكتور هي حاله من الاستقرار الديناميكي جماعه ايه اللي بيحصل والله يا دكتور كلمه ديناميك يا جماعه يعني متحرك واخد بالك يعني يا جماعه هي حاجات بتحصل عمليات حيويه بتحصل في حركه يا ايه الحركه ان حضرتك مثلا اعداد الغزلان بتزيد تكاثر بدل 2000 بقوا 3000 واخد بالك يجي الديب ياكل غزلان يرجعهم 2000 ففي حركه راحه جايه العدد يزيد ويقل واخد بالك تمام زي الفل يبقى يا دكاتره استقرار ديناميكي الذي يحدث عندما تتفاعل الكائنات الحيه في النظام البيئي مع المكونات غير الحيه يعني يا جماعه مثلا الغزاله بتاكل الاعشاب والاعشاب بتتغذى من التربه فالتربه دكاتره مش ا مكون حي دي مكون غير حي عندك مثلا الاعشاب دي ممكن تعمل تعمل بناء ضوئي من ضوء الشمس واخد بالك تاخد ميه من الارض الحاجات دي كلها غير حيه فيا دكاتره التوازن معناه استقرار ديناميكي يحدث عندما تتفاعل الكائنات في النظام البيئي مع المكونات غير الحيه بصوره تحفظ استمرار الحياه ماشي يا اد طيب بص يا قلبي جماعه التوازن ده اسمه التوازن البيئي ده اسمه كده التوازن البيئي عكسه ايه يا قلبي؟ عكسه خلل في التوازن عكسه فقدان التوازن واخد بالك؟ طيب جماعه لو حصل خلل او فقدان في التوازن هيعمل ايه؟ ده يا دكتره؟ يؤثر على يؤثر على الكائنات الحيه اللي عايشه في البيئه يا جماعه اللي احنا بوظناها بالسلب. تمام زي الفل زي الفل ممتاز طيب بصوا يا رجاله ما فائده اهو فائده التوازن البيئي يعني يا جماعه النهارده ان شاء الله احنا هنعرف الانسان ازاي بيضر البيئه وازاي يخليها كويسه يعني انت كانسان ايه بتعمله وحش وايه اللي المفروض تعمله حلو عشان تحافظ على التوازن البيئي طيب دكتور لما نعمل توازن بيئي انا هستفاد ايه لا هتستفاد تعال يا قلبي اهميه التوازن البيئي اولا الحفاظ على توازن العناصر الغذائيه بصوا يا رجاله عندنا مثال سهل قوي قوي قوي للاسف الاسيف يا اد في الاحياء انا صراحه مش عارف برده انتوا هتاخدوا احياء ازاي في ثانيه او مش هتاخدوا اصلا احياء في ثانيه وتخشوا على ثالثه على طول تاخدوا احياء لاول مره في حياتكم واللي فيكم مقتنع ان هو كده خد احياء في اولى في العلوم المتكامله ده بيهزر يعني هو المنهج القديم يا جماعه بتاع اولى ثانوي الترم الاول كان دروس يعني جميله بشكل يا اخي والله لا تتخيل اقسم كربوهيدرات ولايبيدات وبروتينات واحماض نوويه والخليه حاجه سهله جدا جدا يعني لو انت عندك احياء في ثانيه ان شاء الله يعني الازهر عندهم احياء بالمناسبه فابشر هقول لك ان شاء الله في ثانيه ان يا جماعه النبات محتاج املاح في التغذيه املاح اسمها النترات النترات والفوسفات في حياته جماعه النترات دي النبات بيحتاجها عشان يكون الاحماض الامنيه ليه بقى حته فهم شويه وحته كيمياء على احياء على بصوا ركزوا معايا من الاخر يعني دكاتره النطرات دي 3 خلاص يعني فيها ايه فيها قلب نيتروجين طب انت عارف الحمض الاميني عامل ازاي كربونه ماسك فيها كربوكسيله COOH اتش ماسك فيها مجموعه اماين NH2 ماسك فيها اتشايه ماسك فيها مجموعه اسمها الالكايل ار ركز يا قلبي معايا بسم الله الرحمن الرحيم يا حد يبص كده على مجموعه الاماين ان ان NH2 قال لها فيها نيتروجين فيها نيتروجين يبقى يا دكتور الحمض الاميني فيه نيتروجين في نيتروجين عشان كده ولاد النبات محتاج النيتروجين في التغذيه بتاعته خلاص حلو قوي طيب جماعه حد يفكرني بالله عليكم كده حد يفكرني يا رجاله بعمله الطاقه في الخليه الحيه اي خليه حيه في الدنيا عايزه طاقه الطاقه بتاعه الخليه يا اد العمله بتاعتها المركب اللي بيشيل الطاقه اسمه دكاتره الاي تي بي ادينوزين ثلاثي الفوسفات عباره عن ادينوزين وثلاث مجموعات فوسفات عامله ازاي الفوسفات دي بي4 بي4 يبقى يا جماعه الفوسفات بيخش في مركب الطاقه اللي هو الاي تي بي يا اد طيب البي او ف يا رجاله بي بي فوسفور فوسفور فوسفور يبقى دكاتره النيتروجين والفوسفور مهمين جدا جدا في النباتات وايضا الطحالب عشان يا زي ما قلت لحضراتكم كده صنع او تصنيع الاحماض الامينيه ومركبات الطاقه طيب بسم الله قال لك يا دكتور حضرتك النباتات والطحالب بيحتاجوا المغذيات اللي هو النيتروجين والفوسفور بكميات كبيره ليه يا قلبي لسه ق لك اهو احماض امينيه طاقه فيا جماعه مهمين في النمو عشان يكبر ويصنع احماض امينيه وبروتينات وهكذا محتاج نيتروجين والتكاثر عشان يعمل يا جماعه اي عمليه حيويه محتاج طاقه وبالتالي محتاج محتاج فوسفور عشان يخش في تكوين الاي تي بي تمام ادينوزين ثلاثي الفوسفات الفوسفات بي4 فيها فوسفور ايه رايك الفوسفات بي4 فيها فوسفور وبالتالي يا جماعه لما ينمو ويتكاثر يؤدي الى ازدهار النباتات يا اد والطحالب نخلص الى ان النيتروجين يا جماعه والفسفور مهمين جدا جدا للنباتات والطحالب اللي في البيئه المائيه او حتى اللي على الارض طيب دكتور ايه علاقه الكلام دههو بتوازن العناصر الغذائيه لا يا قلبي ليه علاقه ايه راي حضرتك لو انا قلت لك انا هاجي على البحر هزود في البحر او النهر كميه كبيره جدا جدا من النيتروجين تقول لي يا دكتور الحمد لله يا رب الحمد لله انا كده معايا في الميه نيتروجين كتير فسفور كتير فالنباتات اللي في الميه تترعرع وتزدهر وتبقى حلوه جدا جدا اقول لك يا قلبي الاعتدال في كل شيء هو الجميل يا اد اي ازدهار اكت من الطبيعي وحش يا دكتور دي طحالب في الميه دي نبات ات في الميه لما تزدهر دي حاجه حلوه اقول لك لا مش حاجه حلوه قلبي ايه راي حضرتك لو سطح الميه اتغطى كله بالطحالب اللي انت عملت لها ازدهار دي لما كترت ال ان والبي ايه رايك جماعه لو سطح الميه اتغطى بالطحالب الضوء يا اد اللي هينفذ علشان الكائنات اللي في الميه تعمل بناء ضوئي هيبقى قليل جدا الطحالب دي يا جماعه هتعكس الضوء وبالتالي يا جماعه الضوء النافذ للميه هيقل يقل الضوء النافذ في الماء وبالتالي يا جماعه تقل او يقل معدل البناء الضوئي وبالتالي يا دكتور يقل معدل بناء الجلوكوز وبالتالي خلل في التوازن البيئي اوبا يبقى الازدهار بتاع الطحالب الغير طبيعي اللي مش طبيعي وحش مش حلو خد عندك الطحالب لما تزدهر يا اد في بعضها بينتج سموم يا نهار ابيض يا نهار ابيض طحالب يا دكتور في الميه تنتج سموم تنتج سموم خد عندك لما الطحالب تكون كتير جدا فالاموا بتاعتهم كتير جدا يعني ايه يا دكتور مش فاهم الكلام ده هيموت يعني بسرعه لا يا قلبي مش قصدي كده عندك قريه فيها 200000 وقريه فيها 100000 الامواد فين اكتر في ال 100000 طبيعي يبقى يا جماعه لما الطحالب تكتر تزدهر اكت من اللازم الاموات هتكتر وبالتالي يا اد البكتيريا لما تيجي تحلل الطحالب الميته هتستهلك الاكسجين تقلل الاكسجين في الماء وبالتالي يا جماعه خلل في التوازن البيئي تاني يا جماعهاني يا اد بسم الله دكتور احنا النهارده الدرس بتاعنا اسمه التوازن البيئي اهميه التوازن البيئي يا جماعه الخير ثلاث حاجات اول حاجه توازن العناصر الغذائيه وخدنا مثال النيتروجين والفوسفور مهمين للنباتات والطحالب ليه عشان النمو عشان التكاثر عشان الطاقه عشان الاحماض الامنيه عشان يعيشوا بشكل عام النباتات محتاجه ان وبي نيتروجين فوسفور فبنسال سؤال ماذا لو زاد كميه النيتروجين زادت كميه الفوسفور حاجه كويسه مش حاجه كويسه ليه هتزدهر الطحالب طب ولما تزدهر الطحالب هتغطي سطح الميه ولما هي قصه امشي معاها ولما تغطي سطح الميه يا جماعه الخير الضوء لا ينفذ وبالتالي الاسماك مش الاسماك بقى النباتات اللي عايشه في الميه اللي عايزه تعمل بناء ضوئي مش هتعمل بناء ضوئي ليه؟ لان الضوء قليل يا قلبي فاكر الاعماق السحيقه ظلمات بعضها فوق بعض ما فيهاش نباتات ليه او فيها كائنات ما بتعملش بناء ضوئي ليه عشان الضوء اصلا ما بينفذش تحت كده انت واخد بالك يا قلبي فما بالك بقى لو سطح الميه متغطي بتحالب ايه الكلام خلاص حشت الضوء كله ما فيش ضوء نافذ وبالتالي يا جماعه ما فيش بناء ضوي وبالتالي ما فيش غذاء وبالتالي يا جماعه خلل في التوازن البيئي بس كده هو قال لك لا ده كمان الطحالب لو زدت اكتر من لازم هتنتج سموم فلو عندك مثلا في الطبيعي طحلبين بينتجوا سموم لو ازدهرت بشكل اكتر من الطبيعي يبقى فيه 100 فالسموم تزيد فتاثر على الاسماك اللي في الميه تقتلها سموم كمان لما تموت الطحالب عشان هي كتير ف اللي هيموتوا كتير الاموات كثر بقى الجثث كتير وبالتالي التحلل بتاعها بيستهلك اكسجين يا اد خلاص فيقلل الاكسجين في الحياه البحريه يبقى يا جماعه الخير الزياده والازدهار غير الطبيعي للطحالب بسبب زياده ال ان والبي حاجه وحشه مش حاجه حلوه وبالتالي التوازن حاجه كويسه انك توازن ال ان والبي نيتروجين فوسفور وقيس على ده كل العناصر الغذائيه في الميه او في البيئه المائيه دي حاجه كويسه جدا جدا طيباني حاجه يا اد بص بص بص بيقول لك اهو زياده النيتروجين والفوسفور بشكل مفرط يؤدي الى ازدهار غير طبيعي للطحالب ودي يا دكاتره حاجه احنا مش هنحبها عشان زي ما قلنا هنزود السموم هنمنع او هنقلل البناء الضوئي و هنغطي سطح الميه فنمنع وصول الضوء طيب ده يا اد اول حاجه اللي هو توازن العناصر الغذائيه طيب كمان يا الاتزان البيئي هيساعد على التوازن بين الكائنات الحيه القصه بص يا قلبي تعال نبص على مثال مهم جدا يا اد اشبه ببتاع النبات والغزلان والذئاب واشبه بالنبات والحشرات والطيور بص يا قلبي قال لك والله حضرتك عندك اسماك مفترسه زي سمك القرش تمام والناس يا جماعه برده اللي بتتفرج على وثائقيات زي الناشونال جيوجرافيك ابو ظبي هتستمتع جدا جدا وهي بتسمع الكلام ده لانه كلام سهل وسامعه قبل كده جماعه دي كده اسمها سمكه التونه عارف انت سمكه التونه العنيده ناشونال جيوجرافيك ابو ظبي الثلاثاء من كل اسبوع في التاسعه مساء انا فاكر الميعاد طيب جماعه التونه بتاكل اسماك اصغر منها والاسماك الاصغر بتاكل اسماك اصغر والكبير ياكل الصغير وهي ماشيه سلسله يا جماعه ماشيه طيب بصوا يا رجاله الاسماك الصغيره يا اد بتاكل حاجه اسمها العوالق الحيوانيه وانا يا قلبي عايز اقول لك على حاجه قد كده اهو عشان تفهم كل تفصيله في الدرس معناها ايه قلبي كلمه عواله عوالق يا اد جايه من التعليق الحاجه المعلقه عوالق ايه الفكره؟ قال لك يا دكتوره دي كائنات صغنططه جدا جدا ما بتقدرش تعمل لنفسها وزن في الماء وبالتالي الامواج بتخليها تطفو وتقعد تتعلق مع الامواج الامواج تطلع تطلع معاها تنزل تنزل معاها عشان كده اسمها ايه؟ عوالق ايه رايك؟ عوالق بس احنا خدنا قبل كده عوال نباتيه دي يا دكاتره عوالق حيوانيه الثانيه كان اسمها فايتو بلانكتون دي يا جماعه اسمها ذو بلانكتون تمام زي الفل حلو ذو حديقه حيوان طيب زي الفل ماشي فيا جماعه الاسماك الصغيره بتاكل العوالق الحيوانيه والعوالق الحيوانيه بتتغذى على ال عوالقه النباتيه ايه رايك بقى زي الفل ممتاز عندي يا جماعه حاجه يعني خطيره جدا جدا اسمها الصيد الجائر بص بقى جماعه في الطبيعي من غير ما انت انسان تدخل دخل الدنيا ماشيه الدنيا زي الفل في عوال نباتيه بدايه السلسله تاخد ضوء الشمس جماعه هيسالني في الامتحان ايه مصدر الطاقه بتاع كل الكائنات ضوء الشمس العوالق النباتيه تاخد ضوء الشمس تعمل بناء ضوئي تصنع الجلوكوز تقوم واكلاها العوالق الحيوانيه تقوم واكله العوالق الحيوانيه الاسماك الصغيره تقوم الاسماك اللي اكبر منها واكلاها تقوم الاسماك اللي اكبر منها واكلاها تقوم الاسماك المفترسه زي القرش واكل السمك الكبير ولف بينا يا دوره وبعد كده يا اد لما القرش يموت يتحلل ينزل منه في الميه عناصر غذائيه تتغذى عليها بعد كده كائنات ثانيه انت كانسان دخلت في الميه جماعه معروف ان في في بعض الاماكن في العالم ممنوع فيها صيد بعض الاسماك يعني انا مثلا اخر معلوماتي انه ممنوع تصطاد من البحر المتوسط والبحر الاحمر قرش يعني طالع معاك سمكه قرش صغنططه كده رجعها الميه تاني ليه؟ لانك انت كده بتساهم في انقراضها اللي انت بتعمله ده اسمه صايد جائر واخد بالك مش شرط القرش حوت واخد بالك حاجه في الميه نادره يعني انا برده عرفت مؤخرا ان الحيتان اللي في البحار في العالم كل في منظمه كده ليها علاقه بحمايه الحيتان عشان تحافظ على استمرار الايه السلسله الغذائيه والاتزان البيئي فالمهم يا جماعه بيحافظوا على عدد الحيتان في العالم فالمهم يا شباب لو شافوا حوت لو تم رصد حوت اول مره نشوفه تطلع طياره تقوم منزلها كده حاجه على جسم الحوت تقوم رشقه في جسم الحوت فيها جي بي اس جهاز تتبع ويسموا الحوت ده باسم ويعرفوا مكانه ويشوفوا المسار اللي بيمشي فيه سبحان الله عشان ايه عشان يا قلبي لو انت في سفينه مثلا وانت القبطان انت الكابتن الرادار جاب لك ان في حوت هنا اياك تدهسه اياك تيجي عنده لان الحتام معرضه للانقراض عددها قليله وبالتالي ما ينفعش تموته ما ينفعش تصطاده جريمه طيب انت انسان ا مادي حقير قلت خلاص انا هجيب الحوط ده عشان في لحمه كتيره قوي انا هفتح محل سوشي واجيب الحوت ابيع فيه اعمل بيه سوشي فصايد جائر ايه الصايد الجائر ده يا جماعه في حاجه اسمها الصايد الطبيعي اللي هو انا بصطاد عادي واخد بالك ب بتصطاد طبيعي بتاكل بتبيع في الطبيعي منه لكن افتح زنس كبير قوي واقعد اصطاد اكتر من اللازم وانزل البحر بشبك كبير جدا جدا والم كل السمك انت كده يعني مؤاخذه يا صيد جائر الصيد الجائر ده انك تصطاد باعداد اكت من الطبيعي بكتير تفوق قدره الكائن ده على الاستدامه وال يخليه موجود وبالتالي ينقرض يا اد يعني مثلا هو بيتكاثر في السنه بيجيب 50 حوت وانت في السنه بتصطاد 60 حوت ما انت كده خلاص انت داخل في انقراض اني عندك في البحر قرش والقرش ده بيتكاثر يجيب في السنه 200 قرش وانت بتصطاد في السنه بالصيد الجاي 250 قرش ما انت كده مدخله في سكه انقراض انت بتاخد الجديد والقديم فيخلصوا تمام في جماعه الصيد الجائر ده هو الصيد باعداد مفرطه حلو يلا يا جماعه انا اصطدت القرش باعداد مفرطه قللت القرش ايه رايك فكر كده انا يا جماعه لما اصطدت القرش فانا قللت عدد الاسماك الايه المفترسه اهو نقص عدد الاسماك المفترسه حلو جدا وبالتالي يا اد الفرائس بتاعتها الفريسه اللي كانت بتتاكل عددها هيزيد بشكل مفرط حلو وبالتالي يا جماعه الخير لما عدد الفرائس يزيد مثلا يا اد الفرائس ده انت اصطدت التونه عشان طعمها حلو جدا التونه العنيده وبالتالي حضرتك الاسماك الصغيره هتزيد جدا جدا ليه ما هي التونه كانت بتاكلها طب انت اخدت التونه دي هتزيد قوي قوي قوي قوي وبالتالي تتغذى على العوالق الحيوانيه وبالتالي اكل السمك نفسه هيقل اللي هي العوالقه الحيوانيه يبقى سبحان الله يا ولاد الحلو والطبيعي ان في مفترس وفي فريسه خلاص والدنيا ماشيه المفترس بيفترس والفريسه بتتاكل والفرائس عددها ثابت خلاص بيتكاثروا اكث من اللازم بيتاكل سبحان الله يبقى انت لو دخلت انسان واسطدطت المفترس انت بتزود عدد الفرائص من غير ما تاخد بالك وبالتالي بتعمل خلل في النظام البيئي ده يا اد ا التوازن بين الكائنات الحيه وده اللي احنا قلناه مع الحشرات والطيور والنباتات وده برده اللي احنا قلنا مع الغابات والغزلان والذئاب تمام طيب ثالثا يا اد من اهميه التوازن البيئي تدفق الطاقه عبر الشبكه الغذائيه القصه البي احنا عارفين ان الطاقه على سطح الارض بتبدا من الشمس ثم الكائنات ذاتيه التغذيه اللي بتعمل ايه بناء ضوئي وبعد كده بياكلها حيوان مثلا يعني والحيوان ياكله حيوان تاني والحيوان الثاني ياكله انسان مثال عندك مثلا الذره قشطه الذره نبات الذره يا جماعه بيعمل بناء ضوئي ياخد الضوء من الشمس يعمل بناء ضوئي يصنع الايه الذره نفسه يصنع كوز الذره تمام كوز الذره ده تاكله الفرخه او تاكله الحمامه الحمامه بتحب الذره جدا والقمح بتحب الحبوب الحمامه خلاص فكده الحمامه طائر اكلت ذره تقوم انت انسان جاي واخد الحمامه واكلها قال لها يبقى انت يا انسان الغذاء اللي انت اكلته ده مصدره في الاساس ضوء الشمس ضوء الشمس اللي ساعد نبات الذره على البناء الضوئي وتصنيع الذره الذره ده اكلته الحمامه وانت اكلت الحمامه اه فهمت يا دكتره يبقى يا جماعه اصلا الغذاء في الدنيا كلها بينتقل من كائن منتج الى كائن مستهلك بالظبط كده مين الكائ كائن المنتج في المثال اللي احنا قلناه النبات مين المستهلك؟ الحمامه والانسان الطيور والانسان تعال يا قلبي نشوف مثال بسم الله احنا بنتكلم على النظام البيئي المائي والبيئه المائيه بص يا سيدي قال لك يا دكتره تدفق الطاقه عبر الشبكه الغذائيه يا ولاد من الكائنات المنتجه الى الكائنات المستهلكه اوعى يضحك عليك انت يا قلبي يا صغنطوط يا عسل انت يا قمر اللي ما حطيتش لايك على المحاضره حط يالا اللايك يالا بيضحك عليك يا قلبي في الامتحان يقول لك الطاقه تنتقل في الشبكه الغذائيه من الكائنات المستهلكه للكائنات المنتجه غلط يا ولا من المستهلك للمنتج معناها معناها ان انت اللي بتاكل النبات بتروح كده للنبات تدي له حبه دم ياكل منك ما حصلش ما ينفعش لكن يا جماعه الطاقه بتنتقل منين لفين؟ من المنتجه الى المستهلكه طيب بص يا سيدي جماعه في سؤال يعني سهل قوي يقول لك يا دكتور كيف يتراجع تدفق الطاقه يعني يا جماعه ليه الطاقه اللي جايه لي انا كمستهلك تقل انت اللي اتدخلت انت اللي عملت مشاكل مشاكل بص يا سيدي جماعه الطبيعي دي سمكه كبيره اهو مفترسه تمام حلو قوي شافت سمكه صغنطوطه فريسه تمام راحت عامله ايه راحت بلعاها اكلتها تمام طيب جماعه الفارسه دي كانت بتاكل العوالق الحيوانيه والعوالق الحيوانيه يا جماعه كانت بتتغذى على مثلا يعني الطحالب حاجه اسمها الدياتومات عادي طحالب في الميه مصدر الطاقه بناء ضوئي طيب بص بقى يا سيدي المفترس اكل الفريسه وبالتالي الفريسه اللي كانت بتاكل يا جماعه العوالق الحيوانيه خلاص اتاكلت وبالتالي العوالق دههي هتزيد طب ما حلوه يا دكتور ما تزيد ايه المشكله لا في مشكله حضرتك لو دي زادت هتخلص على الطحالب بسرعه فعدد الطحالب يقل اه فالكائنات المنتجه اللي بتصنع الجلوكوز عددها يقل للاسف الاسيف يا اد فكده يا جماعه لما العوالق زادت جدا تتغذى على الطحالب فالطحالب يا اد تقل فالكائنات المنتجه اللي بتعمل بناء ضوئي قلت وبالتالي يا شباب يتراجع تدفق الطاقه طب بقول لك ايه ما تيجي نعكس كيف يزيد تدفق الطاقه قالبي انت افترست الكائن ده مش انت افترصته اسف اسف انت ماكلتوش اكيد انت صدته وصايد جائر واخد بالك فقللت المفترسين وبالتالي زودت المستهلكين زودت الفرائس وبالتالي قللت العوالق الحيوانيه وبالتالي هيزيد الطحالب وبالتالي يا ولاد يزيد تدفق الطاقه يبقى انا بس عايزك تفهم يا قلبي ان في علاقه بين الكائنات المفترسه والفرائس والغذاء بتاع الفرائص تمام حلو قوي مهم جدا تعرف المفترسين الاسماك المفترسه والفرائس بتاعتها الاسماك الاصغر الاسماك الاصغر في اصغر العوالق الحيوانيه العوالق النباتيه او الطحالب النباتيه دكتور كل دول مرتبطين ببعض يا اد اسمه تدفق الطاقه عبر الشبكه الغذائيه اللي يحصل هنا ياثر على اخر حاجه خالص اللي هي الكائنات المنتجه تمام زي الفل ماشي بص يا سيدي جماعه عندي حاجه اسمها الشعاب المرجانيه واحنا يا دكتور اتعرفنا عليها المره اللي فاتت لما قلنا ياد ان الشعاب المرجانيه هي عباره عن موطن لكثير من الكائنات البحريه زي مين خدناه قبل كده؟ زي قلب الطحالب التكافليه جماعه ده كان بيشكل مكان تسكن فيه الطحالب التكافليه والطحلب يعمل بناء ضوئي ويدي الشعاب المرجانيه الغذاء فهي علاقه ايه؟ تكافليه تمام زي الفل طيب بص يا سيدي جماعه للاسف الاسيف ده يا اد اسمه قنفذ البحر قنفذ البحر جمعه قنافذ البحر جمعه قنافذ البحر تمام ده ولاد بيتغذى على الشعاب المرجانيه بياكلها بيخلص عليها وبالتالي دي حاجه مش كويسه تمام حلو قوي الكلام ده فقاللك يا دكتره قو لي العلاقه بين الاسماك المفترسه في البحر والشعاب المرجانيه ايه العلاقه في علاقه بيه مش القنافذ بتتغذى وتخلص الشعاب المرجانيه اه قال لك ده الكونفذ دههو في كائنات يا جماعه مفترسه في البحر بتاكله اه يا سلام يا سلام يا سلام طب لو حضرتك للاسف بالصيد الجائر اخدت من البحر الاسماك المفترسه ايه اللي يحصل يزداد عدد قنافذ البحر وبالتالي يقل عدد الشعاب المرجنيه لانه هياكلها شفت التوازن يبقى يا جماعه الطبيعي والافتراس في قنافذ بتتاكل عشان نسيطر على عددهم وبالتالي نحافظ على الشعب المرجانيه يبقى يا شباب تاني عندي يا دكتور الشعاب المرجانيه بيتغذى عليها يا اد قنافذ البحر لو عدد الانافذ دي زاد قوي هتخلص على الشعاب المرجنيه دي حاجه مش كويسه تعمل خلل في التوازن البيئي تمام طيب دكتور دكتور لو عندي اسماك مفترسه في البحر بتتغذى على القنافذ هتحافظ على المستوى الطبيعي لها وبالتالي عددها يعني وبالتالي يا اد تحافظ على الشعاب المرجانيه ده كلام سهل جدا جدا طيب ها تريد المعالي وطيب الاثر اذا لا تملى العنا والسهر فلو كان نيل المعالي رخيصا كان الثرى في جوار القمر تمسك بحلمك يا حالم قد انسى يشيد بك العالم ومن شرفه الحلم نادي النجوم الا انني قادم ولا يثني عزمك سوء الظروف ولا ندم او اس او عزوف فكل جواد له كبو كما يعتري الشمس حينكسوف تمسك امام قوى العاصفه اريدك الا ترى خائفا تظل الجياد وان اتعبت لاخر انفاسها واقف قد خطت دربا طويلا وشوكا واديت يا صاحبي ما عليك تفاءل فاني ارى من بعيد بنان النجاح تشير اليك ولا يثني عزمك سوء الظروف ولادم او اسن او عزوف فكل جواد له كبوه كما يعتري الشمس حينكسوف تحدث لنفسك قل يا وهل خلق الفوز الا لنا بين ركب النجاح مكان ولن يمضي الركب الا بنا وثق في اله اذا قال كن لشيء يكن واقعا ويهن فما شاء رب السماوات كان وما لم يشا ربنا لم يكن ولا يثني عزمك سوء الظروف ولا دم او اس او عزوف فكل جواد له كبوه كما يعتري الشمس حينكس طيب يا اهلا وسهلا بيك يا عسل سمعت الانشوده تعالى بقى تاثير الانشطه البشريه على الحياه المائيه يعني يا جماعه هو احنا احنا كبشر احنا كبني ادمين احنا كبزنسمان كناس ناس ا يعني عايزه فلوس وكعالم ومجتمع راس مالي بحت كله قايم على الفلوس والناس اللي عاوزه تكسب كتير والناس اللي عندها مصانع والناس اللي بتزرع في الارض والناس اللي بتستنزف التربه والناس اللي بتلوث البيئه احنا والناس اللي راكبه عربيات ليل نهار عماله تلوث في البيئه احنا بناثر على البيئه المائيه طبعا تعالى اولا بنلوث البيئه المائيه ازاي قال لك يا دكتره الانسان بيسرف في استخدام المبيد الحشري وده بيوصل وصليه فالمبيدات الحشريه اللي احنا بنسرف في استخدامها عشان نقتل الحشرات بتوصل للميه يا جماعه تلوثها طب ولما تلوثها ايه المشكله يعني؟ لا يا قلبي دي سموم ممكن تقتل الاسماك ممكن تاثر على الكائنات اللي في الميه تعمل خلل في التوازن البيئي بصوا يا جماعه في الدرس ده اي حاجه وحشه نهايتها خلل في التوازن البيئي طيب ايه كمان؟ قال لك يا دكتره الانسان عنده صناعات كتير ممكن من الصناعات دي مخلفات يكون فيها حاجه اسمها معادن ثقيله جماعه المعادن الثقيله دي معادن يا اد العناصر بتاعتها كثافتها عاليه ثقيله وزنها الذري او الجزيئي عالي وبالتالي يا اد الانسان او الكائن الحي ما بيعرفش يتخلص منها عشان كده ياد هي سامه زي مين زي الزئبق الكادنيوم الرصاص الزرنيخ يا جماعه الزرنيخ ده سم سم صعب جدا جدا يعني واخد بالك فيا جماعه الزئبق والكادنيوم والرصاص والزرنيخ دول سموم اسمهم يا جماعه معادن ثقيله لو اتسربوا للميه او الاسمده كده اتسربت للميه عشان حضرتك اصرفت في استخدامها ده يا جماعه الخير ينتج عنه ينتج عنه يا اد موت الكثير من الكائنات المائيه يحصل لهم يا جماعه تسمم وبالتالي يا اد خلل في التوازن البيئي المائي تمام زي الفل ايه كمان اتكلمنا دكاتره عن الصيد الجائر تعريف يا اد صيد الكائنات بشكل مفرط بسطات كتير جدا جدا بطريقه تفوق تفوق بطريقه تفوق قدرتها على التكاثر والاستدامه ما تقدرش تخليها موجوده ليه انت بتصق كتير قلنا يا جماعه هي بتتكاثر طلع في السنه مثلا 200 انت بتصطاد 250 فانت كده ده يسمى يا جماعه الصيد الجائر الصيد الجائر وده يمكن ان يؤدي الى انقراض الكائن الحي ماشي زي الفل طيب ايه كمان قال لك يا دكتره الانسان بيساهم يا جماعه في التدمير البيئي بص يا قلبي انت كبني ادم لما تشوف حاجه كويسه وحلوه ما بتقولش الله ايه ده جميل قوي يلا سلام عليكم بقى لا بتستفيد منها عارف انت في لفظ كده بلدي يقول لك ده مش هقوله بقى بس يا جماعه الخير احنا مثلا ماشيين مع بعض كده في رحله خلاص وارض ما حدش يعرفها خالص ورحنا على حته مثلا زي ذهب وانا المستثمر الاولاني او الجونه شفت ميه جميله فيها شعاب مرجانيه وفيها اسماك الله انا هعمل هنا كامب يا عم الحاج لو عملت كامب وناس جت هنا وعشتوا هنا هتبوظوا الحياه هنا هتعملوا خلل في التوازن بتاع الكائنات اللي عايشه هنا يقول لك لا انا والله ماسيبش المكان ده ده هيجيب لي ايه فلوس كتير اه فيا جماعه الخير استغلال البيئه عشان ادر على نفسي فلوس ده يعمل خلل طيب لقيت يا جماعه مكان مستنقع كان في ميه مكان راطب ولاد وانا حبيت جالي كيف ابني بيت خلاص فاقوم جاي ردم المستنقع ده عشان هو مش غويط قوي فردمه احط مثلا فيه راتش او تراب او زلط او رمل او اي حاجه ابني فيه واعمل بيت اعمل عماره اعمل فيلا واخد بالك ده يا جماعه تدمير للبيئه فيا شباب لما نقول يا اد تدمير المواطن الطبيعيه زي الشعب المرجانيه الانسان بيدمرها واخد بالك والمستنقعات ده يا شباب تدمير بيئه وبالتالي يا شباب ده بيؤدي الى فقدان التنوع البيولوجي يعني ايه فقدان التنوع يا قلبي يعني نقص عدد الكائنات الحيه بدل ما كان عندك مثلا 1000 نوع بقوا 900 بقوا 800 ليه ما انت عمال تدمر في البيئه ما هو المستنقع ده كان فيه كائنات انت ردمت خلاص موتت الكائنات وبالتالي عمال تقلل التنوع البيولوجي باش وبالتالي ده يحدث خلل في التوازن البيئي تمام زي الفل ماشي اه دكتور عمال تكلمني على حاجات وحشه كتير والانسان ازاي بيدمر البيئه هو الانسان ده مش المفروض يعمل حاجه كويسه طبعا انا اصلا يا قلبي بدات لك الدرس بتاعك ده بالتنميه المستدامه اللي هو انك تنمي البيئه و يعني تخترع وتبتكر ا طرق للاستفاده من البيئه دون الاخلال والاضرار بمصالح الاجيال اللي جايه واخد بالك دون المساس بقدره الاجيال القادمه على الاستفاده من البيئه تعال يا قلبي بسم الله ازاي يا دكتور استفيد من البيئه او ازاي اخلي البيئه اد مستدامه موجوده ماستنزفهاش دور الانسان في المحافظه على البيئه اولا الحفاظ على الموارد الطبيعيه يعني ايه يا دكتور يعني حضرتك مثلا عندك ميه نهر النيل احنا المفروض يا جماعه الخير نرشد الاستهلاك بتاع نهر النيل حضرتك ما تسيبش الحنفيه مفتوحه حبيبك النبي عليه الصلاه والسلام يقول لا تسرف في الماء لا تسرف في الماء ولو كنت على نهر جاري يعني قاعد على نهر النيل كده ما تجيبش ميه ترميها على الارض سيبها واخد بالك انت فيا جماعه الخير ده اسمه استنزاف يبقى يا جماعه نتجنب استنزاف والاصراف في المياه مثلا واخد بالك طيب ده يا جماعه اسمه استخدام البيئه بشكل مستدام اني اخد على قد احتياجاتي واسيبها تكمل تدوم مستدامه للي بعدي ده معنى المستدام تمام زي الفل حلو ما تلوسهاش ايه كمان ممارسات صديقه للبيئه يعني يا دكتور اعمل حاجات حلوه للبيئه زي ايه يا اد نقص استهلاك او تقليل استهلاك الطاقه والمياه يعني يا جماعه الخير اقلل استهلاك المايه نفس الكلام طيب جماعه الطاقه بتاعتنا بشكل اساسي بتيجي من البترول والغاز الطبيعي واخد بالك ودي يا جماعه حاجات بتخلص حاجات مش مستدامه حاجات مش هتكمل 100 سنه قدام بتخلص خلاص يعني البترول في الحياه كلها هيخلص في يوم من الايام الا بقى لو ربنا كرمنا مثلا في مصر في الصحراء الغربيه كده لقينا مثلا 50 بير بترول والابيار دي كلها خالتنا مثلا زي السعوديه كده نحمد ربنا يعني ولايه وان شاء الله ربنا يكرمنا خلاص فجماعه الخير لو الانسان اعتمد بس على المصادر الغير متجدده زي البترول والغاز الطبيعي مشكله كبيره جدا انت كده بتخلص على البيئه لا استخدم مثلا حاجه زي طاقه الرياح واخد بالك الطاقه الشمسيه دي يا جماعه حاجات متجدده يعني ما بتخلصش الحمد لله ركب في الصحرا توربين يلف يوالد لك كهربا عادي جدا مصر لسه عامله صفقه تربينات رياح ما شاء الله حاجه كده ضخمه جدا جدا يعني هتعمل لمصر كهربا كتير جدا محطه الضبعه النوويه طاقه نوويه بيقول لك يعني كميه صغيره جدا جدا من الوقود النووي شغلها سنين وسنين وسنين خلاص دي يا جماعه طاقه احسن بكتير من الطاقه الغير متجدده طيب فرز النفايات والله يا دكتور مش كل النفايات تتخلص منها واخد بالك ممكن تعمل ريسايكلين الحاجات اللي ممكن تعيد تدويرها ممكن تعمل كده عشان ما تضرش البيئه وفي نفس الوقت تستفيد واخد بالك يعني بتلاقي الناس كده بتلم الكنزات يقول لك مثلا ده طن الكنز مثلا بمش عارف كام 1000 جنيه غالي بفلوس كتير وفي نفس الوقت انت حافظت على البيئه طيب استخدام وسائل النقل العامه والدرجات مش كل اما تكون عايز تروح حته تقوم راكب العربيه بتاعتك او الموتوسيكل بتاعك ورايح ملوث البيئه بالدخان اللي طالع منه طبعا ده اي كلام في الباذنجان ولكن يعني ايه استخدم بقى الايه تووبيس نقل العام واركب المواصلات واركب الميكروباس وهكذا يعني واركب التوك توك خلاص استخدام وسائل النقل العامه او الدراجات قشطه قشطه طيب كلام جميل جدا يعني بس اللي يعمله بقى ده يا جماعه شكل التوربينات بتاعه الرياح بص يا قلبي ايه اللي بيشغلها الهواء سبحان الله يعني الهواء بنحطها باتجاه معين الهواء يدورها تجيب الطاقه التنميه المستدامه اللي احنا اتكلمنا معانا النهارده كتير واللي انا بدات بيها في المؤتمر بتاع كليه الطب طيب جماعه ده معناها الاستفاده من البيئه وتلبيه الاحتياجات دون التاثير كتير او دون المساس المساس بقدره الاجيال القادمه على تلبيه احتياجاتها ماشي يا جماعه الخير ده معناها التنميه المستدامه انك مثلا تستخدم طاقه الرياح الطاقه النوويه ما تخلصش البترول ده يا جماعه معنى الكلام اخيرا يا اد التوعيه والتثقيف البيئي كان زمان برده في الدراسات يقول لك البيئه النظيفه والطاقه المتجدده ما تسرفش في الميه ما تستخدمش الطاقه الغير متجدده حافظ عليها ما تعتمدش بشكل اساسي على البترول والغاز الطبيعي عشان هيخلصوا ده كلام الدراسات زمان نفس الكلام قال لك يا دكتره نعمل حملات اعلاميه يعني حضرتك نطلع على التلفزيون كده هووت ونوعي الناس نعمل يوتيوب تشانلز ونوعي الناس عن البيئه والاستدامه والتنميه المستدامه وهكذا طيب ورش عمل يا دكتور على الارض علشان معسكر يا جماعه كده او ورشه عمل درس خصوصي او درس كده هوهو عام نوعي الناس بالبيئه رقم لاثه يا اد التعليم في المدارس نوعي الشباب في المدارس عن اهميه البيئه وكده يا شباب يعني درس سهل جدا جدا انتهى بفضل الله وتم بحمد الله الفصل الاول بالكامل النظ النظام البيئي المائي بس كده كده يا جماعه خلصنا خلصنا الباب الاول في العلوم المتكامله واكيد اكيد انت تعشق العلوم وباذن الله هتعشق الاحياء مع ابا الزهراء بس كده يا صديقي الجميل لو انت مش معناه قلبي على المنصه فايتك كتير جدا لازم تلتحق بنا قبل الامتحانات عشان تحل معانا وبس كده وهسيب لك ان شاء الله كل اللينكات في الديسكربشن تحت فيديو بس الاكيد اني بحبك في الله واسال الله سبحانه وتعالى انه قد جمعنا في الدنيا على خير ان يجمعنا باذن الله تعالى في ظل عرش الرحمن يوم لا ظل الا ظله وفي جنات الفردوس اللهم امين وختاما سبحانك اللهم وبحمدك اشهد ان لا اله الا انت استغفرك واتوب اليك والسلام عليكم ورحمه الله وبركاته