علم نفس تانيه ثانوي الترم الاول 2026 نشأة علم النفس وتطوره مستر محمد عبد القادر

السلام عليكم ورحمه الله حبايبي طلبه الثانيه ثانوي وحشتوني كتير الطلبه اللي كانت متابعاني في اولى او اللي كان مش متابعني هنعمل عظمه في ثانيه ثانوي المنهج بالكامل هبقى معاك فيه شرح واجب اهم افكار مراجعات شهر مراجعات لي امتحان هبقى معاك طول السنه احنا النهارده اول درس معانا خالص علم النفس اول درس في علم النفس قبل ما ابدا في الدرس ده انا عايز افهم الماده ماده دي اول مره ادرسها في ثانيه ثانوي اشمعزه يعني اشمعنى هي الماده الوحيده يعني ما كانش في ابتدائي ولا في اعدادي ليه في ثانيه ثانوي ول الليي داخل ادبي بس طبعا من الجهل ان لما اجي ادرس النفس البشريه اقول لك بتوع ادبي بس المفروض يبقى على ادبي وعلمي ولكن ا ادي الله وادي حكمته انا عايز افهم علم النفس ده جاه منين زمان يا حبايبي ما كانش فيه الا الفلسفه واللي شغال بيها الفيلسوف اللي هو المفكر شغال بقى هو بالطب وشغال بالفيزياء وشغال بالكيمياء وشغال بالاحياء وبالتاريخ وبعلم النفس وبالطب وبالهندسه وبكل وبعلم الاجتماع وغيره ازاي مستر الفيلسوف ملم بالعلوم دي يا ابني ده اللي خدناه في اولى ثانوي لان الفلسفه ساعتها كانت ام العلوم وهي العلم الكلي وهي علم العلوم وهي اللي حطت اسس كل العلوم وكل المبادئ بتاعه العلوم دي كلها هتقول لي ازاي يا مستر هو الفيلسوف كان جينياس عشان يلم بالعلوم دي كلها اقول لك لا هو ما كانش جينياس هي العلوم هي اللي كانت صغيره يعني انا لسه في بدايه الزمن فكان الطب مش موجود الاعشاب والعلاجات دي كلها كان مجرد عشبين لعلاج مرضين الفيزياء لسه ما طلعش نيوتن واينشتاين بالجاذبيه لسه ما عرفناهاش التاريخ لسه ما فيش احداث تاريخيه ولا ثورات ولا حروب ولا حاجه حصلت فالتاريخ كلهمتين الكيمياء لسه ما جاش مندليف بالجدول الدوري فكل العلوم دي حاجه لا تذكر وكانت الفلسفه ام العلوم من ضمن العلوم دي اللي كان بيبحث فيها الفيلسوف وبيفكر فيها كان علم النفس طب كان الفيلسوف بيفكر في الطب ان هو يعرف ازاي يعالج مرض معين ازاي يعالج الحرق فيوصل لاعشاب لعلاج الامراض الفيلسوف بيكتب الاحداث التاريخيه اللي بتحصل طب ايه علاقه الفلسفه بعلم النفس الفيلسوف كان بيعمل الفيلسوف كان قاعد كده اهوت اللي هو الفيلسوف ده المفكر ما فيش حد اسمه الفيلسوف الفيلسوف ده ركز معايا ركزوا معايا كلكم ركز هو كان في ناس قدامي الفيلسوف ده هو الشخص المفكر ركز معايا فكان قاعد ا الفيلسوف حسنين مع الفيلسوف محمدين فاني يوم حسنين سامع ان محمدين مات فحسنين قعد يفكر هو ايه اللي حصل لمحمدين ده كان قاعد معايا بياكل ويشرب امبارح فجاه كده هوت مات راح له بيرفع ايده وقعد بيرفع ايده وقعد فابتدى يفكر كده وقعد يتخيل هو ايه اللي حصل هو ايه اللي حصل له كان بيتحرك وبياكل وبيشرب وبيهزر معايا فجاه بقى جثه هامده ما بيتحركش خالص هو ايه اللي طلع منه او ايه اللي نقص منه فقعد يفكر يا واد يا حسنين هو انا قلت مين اللي مات محمدين ولا حسنين؟ محمدين مات وحسنين بيفكر صح فالول حسنين قعد يفكر ايه اللي يكون حصل للشخص ده ايه اللي يكون حصل ايه اللي يكون حصل فعمال يتامل يتامل ويفكر يتامل ويفكر يتامل ويفكر لحد ما قال اكيد كانت جواه حاجه وطلعت وراح مسمي الحاجه اللي جواه دي اللي جوه الجسم اللي كانت بخليه يتحرك وياكل ويشرب الروح وقال ان لما الروح دي اتسحبت وطلعت من الجسم الجسم بقى جثه هامده ما بيتحركش فقال لي بقى ايه اللي كان بيخلي في سلوك عند محمدين الروح اللي جواه ولما الروح طلعت ما بقاش في سلوك والراجل بقى جثه هامده يبقى المعلم حسنين عمال يفكر ويتامل ووصل ان اللي بيحرك الجسد ان في روح او نفس جوه البني ادم ومن هذه الفكره ابتدى علم العلم ده يتسمى بعلم علم النفس ليه يا عم لان هم ابتدوا يدرسوا النفس نفس او الروح اللي جوه البني ادم اللي بتخليه يعمل سلوكيات ولما النفس او الروح دي بتطلع عقبال ما تطلع لنا كلنا ان شاء الله ونروح الجنه بيبتدي الانسان ما يعملش اي سلوكيات عشان كده حبايبي هندرس مع بعض في الدرس الاول كمان شويه ان المرحله الاولى لعلم النفس كان اسمها مرحله فلسفيه يونانيه ليه المرحله ولا لما هتخش المدرسه او تسمع من اي مدرس غير حبيبك محمد عبد القادر هيقول لك المرحله الاولى اسمها الفلسفيه اليونانيه بس انت هتفضل عندك تساؤل هي ليه المرحله الاولى اسمها الفلسفيه اليونانيه ايه اللي جاب القلعه جنب البحر تخيل رايح تدرس مثلا كيمياء يقول لك المرحله الاولى للكيمياء اتسمت الفيزيائيه المفروض يبقى جواك تساؤل ازاي المرحله الاولى في الكيمياء تتسمى الفيزيائيه فانت برده المفروض يبقى انت دماغك حاضره ازاي المرحله الاولى لعلم النفس تتسم سمى فلسفيه يونانيه هي فلسفه ولا علم نفس فانا هنا فهمتك ليه المرحله الاولى اتسمت فلسفيه يونانيه لان كان علم النفس لسه جزء من الفلسفه لان اللي وصل لمعلومات فيه واللي بحث واللي وصل اصلا لدراسه النفس كان مين؟ الفلاسفه والمفكرين بعد كده طبعا علم النفس هيطلع ويستقل بره الفلسفه زي ما الطب استقل والفيزياء استقلت والكيمياء استقلت زي ما اخدنا في اولى ثانوي علم النفس برده هيطلع وهيستقل وهيبتدي يتطور واحنا طبعا هندرس التطور ده في الدرس الاول طبعا المقدمه دي من بره المنهج عشان افهمك علم النفس ده جاه منين اول حاجه كانت حاجه لا تذكر جوه الفلسفه الفيلسوف مشغول اللي بيحرك البني ادم وجسمه قال ان في نفس او جواه واتسمت المرحله الاولى فلسفه يونانيه دي اول مرحله طبعا احنا هندرس في الدرس ده كل المراحل تعال نشوف الدنيا علم النفس وتطوره ونشيئته طبعا دي نظره مجازه سريعه علم النفس اطور ازاي؟ بيقول لك علم النفس من العلوم الحديثه نسبيا يعني ايه كلمه الحديث نسبيا الحاجه يا حديثه يا قديمه يعني ايه كلمه حديث نسبيا 12 12 ونص يعني ايه كلمه نسبيا بص يا عسل دلوقتي علم النفس موجود من زمان من ايام الفلاسفه فهو من زمان جدا قديم جدا في المرحله الفلسفيه اللي انا قلت لك عليها تمام فهو موجود من زمان ولكن مظهره تقليدي قديم كانوا بيدرسوا النفس والروح بعد سنين كتير جت سنه 1879 ظهر عالم اسمه فونت هيعمل تجارب وهيبتدي يدرس حاجه جديده بدل النفس هيبتدي يدرس المشاعر من خلال تجارب اهي تجارب فهيبتدي علم النفس ياخد مظهر حديث وجديد يبقى هو موجود من زمان بس كان بيدرس النفس حديثا ابتدى يدرس المشاعر والاحاسيس ونعمل تجارب عليها يبقى هو ظهر بالشكل العلمي اللي بعمل بيه تجارب حديثا بس هو موجود من زمان فانا كده لو في طالب طالع قال لي علم النفس قديم يا مستر موجود من زمان كده انت بتنفي المظهر الحديث بتاعه ولو في طالب تاني طالع يقول لي لا علم النفس حديث يا مستر كده انت بتنفي وجود الجانب القديم منه فاحنا لا بنقول قديم ولا بنقول حديث امال بنقول ايه بنقول قديم نسبيا او حديث نسبيا يبقى علم النفس علم حديث نسبيا ليه لان بالرغم من مضيد طويل اللي هو كان زمان في الفلسفيه اليونانيه لما كانوا بيدرسوا النفس بالرغم من مض طويل وامتداد جذوره للشرق القديم اللي بلاد الهند وفارس والى الغرب بلاد اليونان الا ان تاريخه العلمي اللي هو التاريخ العلمي التجريبي اللي فيه تجارب قصير فلم يظهر بمظهره العلمي الحديث كعلم محدد الموضوع وبيدرس حاجه معينه الا في الربع الاخير من القرن ال 19 عندما انشا العالم الالماني فونت اول معمل لعلم النفس التجريبي في جامعه لايبزيج في المانيا سنه 1879 يبقى علم النفس موجود من زمان بس اصبح اصبح بالشكل العلمي التجريبي وفي تجارب سنه 1879 بعد ما عمل فونت المعمل التجريبي وبدانا ندرس علم النفس بشكل تجريبي امال الاول كنا بندرس حاجه اسمها النفس والروح ودي ما بقدرش اعمل عليها تجارب لان انا مش بشوفها انما هنا بدات اعمل تجارب مرئيه وقد اعتبر هذا التاريخ هو البدايه الحقيقيه للدراسه العلميه امال زمان كانت دراسه ايه دراسه عشوائيه نظريه انما هنا هتبقى دراسه علميه وعمليه لسلوك الانسان يبقى سؤال كان دايما بيجي علم النفس قديم ولا حديث ولا حديث نسبيا هتجاوب انت حديث نسبيا لان انا قلت لك علم النفس ايه هتقوللي حديث نسبيا طب لو جبتلك سؤال غشيم هقوللك علم النفس التطبيقي قديم ولا حديث ولا حديث نسبيا هتجاوب ايه؟ الطالب الغشيم هيقول لي علم النفس تطبيقي حديث نسبيا ما انت يا مستر قلت ايه هنا حديث نسبيا غشيم انا ما قلتلكش علم النفس عامه ركز انا بقول لك علم النفس التطبيقي ماله علم النفس التطبيقي يعني التجريبي يعني العملي يعني اللي فيه تجارب ده حديث بس سنه 189 79 انما لو شلت كلمه التطبيقي وقلت علم النفس ماله هيبقى حديث نسبيا انما علم النفس التطبيقي ماله حديث بس علم النفس التطبيقي او التجريبي او المعملي حديث بس طب علم النفس بس هيبقى حديث نسبيا وصلت تعالى كده هوت البدايه بعد كده هنبتدي نشرح المراحل مر بثلاث مراحل اول مرحله اسمها الفلسفيه اليونانيه انت كده فاهم ليه اسمها الفلسفيه لان كان علم النفس لسه جوه جوه رحم الفلسفه لسه ما استقلش قال لك هنا المرحله دي اهتمت بدراسه النفس درسوا النفس اللي جوه البني ادم ومعرفه حقيقتها فلما درسوا النفس اتسمى العلم بعلم النفس لذلك سميت علم النفس وارتبط علم النفس فيها بالنفس والروح فالروح هي مصدر السلوك الروح هي اللي بتخلي جسمك يتحرك ولو الروح دي طلعت لخالقها جسمك ما بيتحركش وبهذه الروح نفسر ايه اللي خلانا نعمل السلوك يعني ايه اللي خلاني اشرب لان روحي عايزه مثلا تشرب او الجانب الروحي قال لي الجانب البيولوجي ان انا عايز اشرب ايه اللي خلاني اخش انام ايه اللي خلاني احب فالروح هي اللي بتحركك لعمل السلوكيات وهي اللي بتحركك انك تحلم او تفكر او تدرك الروح اللي جواك ولو الروح طلعت لا هتفكر ولا تدرك ولا تحلم ثاني انت بره الدنيا خلاص يبقى المرحله الفلسفيه اهتمت بدراسه النفس والروح ركز في حاجه صغيره اللي انا هكتبه ده مش موجود في كتاب المدرسه بس هيجي سؤال المدرسه دي او المرحله دي كان ايه الموضوع اللي بتهتم بيه وبتدرس ايه موضوعها عايزه ايه موضوعها قال لك ان علم النفس ركزوا في الحته دي واكتبوها علم النفس يدرس علم النفس هنا بيدرس ايه وايه موضوعه يدرس النفس والروح النفس اللي هي الروح طيب ايه المنهج وكيفيه دراسه النفس والروح هبص في قلبك كده ولا ابص في كبدك ولا بص ولا ادرس نفسك وروحك ازاي دي حاجه ما بتتشافش دراسه النفس والروح من خلال التامل والتفكير و والبحث والتخيل زي كده حسنين لما كان عمال يفكر ويتامل ويتخيل ايه اللي حصل لمحمدين فالمنهج اللي هو يعني ايه المنهج هنا الموضوع يعني علم النفس بيدرس ايه؟ المنهج يعني يدرس يدرس علم النفس اللي هو النفس او الروح من خلال ركز انا هدرس النفس والروح ازاي؟ التامل التامل بفكر طيب مين رواد المرحله دي اللي فكروا مين الفلاسفه اللي فكروا في كده اي اسم فيلسوف قديم هيمشي زي سكرات وافلاطون وارستو والناس اللي كانت شاطره في اولى قوي وكانت بتاخد معايا هتفتكر مش انا دلوقتي النفس والروح دي حاجه نظريه ما بتتشفش مين رواد الفكر النظري طاليس فاكر لما كنا بنقوله ظهر الفكر العقلي النظري في اليونان على يد طاليس وظلت الفلسفه تنمو على يد سوكرات وافلاتون وارستو فانت هنا ده لو جاللك سؤال يقول لك مين رواد المرحله الفلسفيه؟ اي اسم من دول هيمشي دي كده المرحله الفلسفيه نخش بقى ايه اللي حصل لما علم النفس علم النفس كان جوه الفلسفه عشان كده اسمها الفلسفيه اليونانيه شويه ابتدى نمتد بالزمن لحد سنه 1879 طلع عالم اسمه فونت قال لك كفايه كده ارتباط علم النفس بالفلسفه انا عايز ادرسه بشكل تجريبي وعملي ومع معملي مش هقعد ادرس نفس وروح وحاجات نظريه انا عايز ادرسه بشكل تجريبي فمن هنا علم النفس هيبتدي يخش في مرحله جديده وهي المرحله بص من اسمها الفسيولوجيه البيولوجيه البيولوجي ده اللي هو الاحياء فهيبتدي يدرس علم النفس اكنه ماده علميه والفيسيولوجي ده علم دراسه الاعضاء فيسيو بمعنى عضو لوجي بمعنى علم فهو علم دراسه الاعضاء بايو بمعنى حياه لوجي بمعنى علم فبيولوجي علم الاحياء او او الحياه في المرحله دي احنا علم النفس هيتغير والمنهج والرواد موضوع علم النفس في الفلسفيه كان ايه بص ايه بتدرس ايه النفس والروح هتدرسها ازاي بالتامل مين الرواد سكرات افلاطون ارسطو انما هنا الموضوع هيتغير والمنهج اتغير وكل حاجه اتغير قال لك بدا علم النفس يستقل عن الفلسفه كان الاول جوه الفلسفه وهيبدا يص يستقل ويطلع بره يستقل عن الفلسفه ويرتبط بعلم الايه الفيسيولوجي اللي هو علم وظائف الاعضاء طب ليه عمل كده ليه طالع من الفلسفه ليه طالع من الفلسفه وارتبط بالفيسيولوجي قال لك علشان منهج الفيسيولوجي كان بيعمل تجارب وكان ليه صيط واحنا عايزين نعمل تجارب ونستفيد بالمنهج التجريبي بتاع الفيسيولوجي يبقى علم الفيسيولوجي اللي هو علم وظائف الاعضاء في تجارب كتير بتتم وطلع العالم اللي اسمه فونت عايز يعمل تجارب على علم النفس فهيربط علم النفس بالفيسيولوجي علشان يعمل تجارب على علم النفس زي ما الفيسيولوجي فيه تجارب مستر ايه التجارب اللي في الفيسيولوجي دي عشان انا مش فاهمه بصي يا حبيبتي بص يا حبيبي مثلا هنا عند الرقبه في حاجه اسمها الغده الدرقيه ده عضو بيفرز هرمون اسمه الثيروكسين ده مسؤول عن هضم الطعام وبيمد الجسم بالطاقه لو هرمون الغده دي زاد عن الحد فانت اي حاجه هتاكلها هتفرز وهتمد جسمك بطاقه جامده فهتبقى عندك اكن فرط حركه وزياده في ضربات القلب و وسرعه في الحركه وان انت جسمك على طول فاير ولو الهرمون ده قل فانت ما فيش في جسمك طاقه عندك خمول وكسل وتعب و ورغبه دايما في النوم ومش عايز تعمل اي حاجه انا عرفت منين وظيفه هذا العضو من خلال تجارب عملتها على البشره فعلم الفيسيولوجي بيعمل تجارب طلع فونت قال لك انا عايز اعمل تجارب على علم النفس زي ما الفيسيولوجي في تجارب اذا احنا هنربط علم النفس بالفيسيولوجي ليه عشان علم الفسيولوجي فيه تجارب وانا عايز اعمل تجارب على علم النفس زي ما موجود في الفيسيولوجي يبقى علم النفس هيرتبط بالفيسيولوجي عشان يعمل تجارب زيه وهنا هو بيقول لك بدا علم النفس يستقل عن الفلسفه ويرتبط بالفيسيولوجي علشان يستفيد من امكانيات المنهج ج التجريبي اللي موجوده في منهج الفيسيولوجي او علم الفيسيولوجي مين رائد المرحله ومين اللي خلى علم النفس يطلع بره الفلسفه ويرتبط بالفيسيولوجي ويليام فونت اللي هو عمل المعمل اللي عمل المعمل معمل تجريبي في جامعه لايبزيج بالمانيا اللي لسه اخدينه سنه 1879 اذا رائد المرحله دي ويليام فونت اللي عمل المعمل التجريبي نكمل الكلام احنا هنا في ثالث مرحله اللي هي مرحله الاستقلال بس انا كمان شويه هرجع ان فونت اعماله ايه في المرحله الفيسيولوجيه انه عمل معمل عمل دراسات على الاحساس والادراك وانه درس عمليه الطبيعه الحسيه وعمليات الادراك الحسي هرجع كمان شويه اتوسع في اعمال ويليام فونت في المرحله الفيسيولوجيه بس تعالى بندرس التطور سريعا اللي بين الثلاث مراحل خلصنا الفلسفيه وخلصنا الفسيولوجيه تعال كده نراجع كلامهم تاني الفلسفيه والفسيولوجيه بالنسبه للموضوع ركز في الكلام بالنسبه للموضوع في الفلسفيه كان دراسه النفس في الفسيولوجيه لسه ماارفناش طب بالنسبه للمنهج في الفلسفيه قلنا التامل في الفسيولوجيه لسه ما قلناش طب بالنسبه للرواد في الفلسفيه قلنا مثلا اريستو او سكرات افلاطون في الفيسي سيولوجيه قلنا فونت دي بقى الاستقلال ودي ثالث مرحله بنقول فيها ايه؟ قال لك عارض بعض العلماء ارتباط علم النفس بالفيسيولوجي عارض بعض العلماء ارتباط علم النفس بالفيسيولوجي او البيولوجي وظهرت حجج قويه اثرت في استقلال علم النفس يعني طلعوه بره الفسيولوجي خالص يعني في المرحله دي تم نقد فون ظهرت حج قويه اثرت في استقلال علم النفس من حيث الموضوع ومن حيث المنهج اصبح موضوع علم النفس هو دراسه السلوك الظاهري يعني بدرس حاجه ظاهره زي مثلا واحد بيعيط انا هدرس سلوك ظاهر واحد بيضحك انا بدرس سلوك ظاهر واحد غضبان وبيضرب حد انا كده بدرس سلوك ظاهر ليه بيضربه واحد متعصب في موقف انا هدرس السلوك ده واحده بتعيط انا هدرس السلوك ده خلاص واحد غيران حاسد حاقد انا هدرس السلوك ده يبقى انا هنا بعمل ايه؟ بدرس سلوكيات ظاهره طب انا هدرس السلوك الظاهر ده ازاي؟ من خلال الملاحظه الخارجيه من خلال حاسه البصر بتاعتي يبقى هنا الموضوع هيبقى السلوك الظاهر طب المنهج هدرس السلوك الظاهر بتاع الناس اللي قدامي ده ازاي؟ من خلال الملاحظه والتجربه الخارجيه بشوفهم يبقى احنا كده معانا موضوع ومنهج لمرحله الاستقلال مركزين في الكلام طب مين الرائد ما قالوش الرواد ما قالوش بس معانا الموضوع للاستقلال موضوع السلوك الظاهر والمنهج الملاحظه والتجربه اللي انا هتكلم فيه دلوقتي هستفيض شويه في المرحله الفسيولوجيه ايه اهم اعمال فونت في مجال الدراسات النفسيه وكلامي ده يعتبر جوه المرحله الفيسيولوجيه ها اللي هي المرحله التانيه فمت عمل ايه؟ انشا اول معمل لعلم النفس التجريبي وبسببه علم النفس طالع من الفلسفه وارتبط بالفيسيولوجي في جامعه لايبزيج بالمانيا سنه 1879 ما تنساش التاريخ ده مهم جدا 1879 حاجه اسس مجله للدراسات الفلسفيه بعدها بسنتين 1879 1881 اللي بعده حدد موضوع علم النفس يعني قال لك علم النفس هيدرس ايه هيدرس ادرس الشعور والعمليات المعرفيه اقف هنا معلومه مهمه كده في المرحله الفلسفيه كان ايه موضوع علم النفس بدرس النفس والروح طب ايه موضوع علم النفس في مرحله الاستقلال اللي هي المرحله الثالثه بدرس السلوك الظاهر ايه موضوع علم النفس في المرحله الثانيه اللي هي الفسيولوجيه الشعور يبقى كده انتقلنا من دراسه النفس او الروح حاجه جواك داخليه دي المرحله الاولى الفلسفيه في المرحله الثانيه دراسه الشعور ايه الشعور زي الخوف والحزن والفرح المرحله الثالثه اللي هي الاستقلال انا هدرس السلوك الظاهر يبقى اخر مرحله في التطور التاريخ انا بدرس سلوكيات ظاهريه حاجه مره اذا زي ما قلنا ونعيد تاني في المرحله الثالثه والاخيره انا بدرس سلوك ظاهري بشكل مادي مرئي من خلال الملاحظه انما في المرحله الاولى انا بدرس حاجه نظريه اللي هي النفس وفي المرحله الثانيه بدرس المشاعر برض حاجه غير مرئيه موضوع علم النفس في المرحله الثانيه الفسيولوجيه الشعور والعمليات المعرفيه اقف هنا الشعور قلنا يعني الاحساس الداخلي الرغبات المخاوف الحزن الفرح يعني ايه العمليات المعرفيه يا مستر العمليات المعرفيه دي العمليات اللي بتتم في مخك عشان تعرف اي معلومه دلوقتي انا عمال اشرح لك ايه اول حاجه بتعملها بتسمعني فاول عمليه معرفيه بتعملها هي الاحساس من خلال الحواس بتاعتك بعد ما بتسمعني بتعمل ايه بتعمل انتباه ليا بتسيب تليفونك ده لو انت سايبه يعني بتسيب تليفونك بتسيب مكالمه صاحبك بتسيب الاشعارات بتاعه الفيس بتنتبه لي انا وبتعزل اي حاجه ثانيه فبالتالي بتوصل لعمليه الادراك والفهم معايا فبالتالي بتوصل لرابع عمليه معرفيه هي التذكر فهتفتكر كلامي في الامتحان عمليات متسلسله ورا بعض احساس انتباه ادراك تذكر دي العمليات المعرفيه فانت فونت حدد ان موضوع المنافس دراسه الشعور والعمليات المعرفيه بعدين اهتم اهتم باجراء انظف كده الليله دي اهتم باجراء تجارب ما هو عامل معمل تجريبي مش عشان يفرقع بومب فيه عامل معمل اجراء تجارب نفس فيسيولوجيه يعني على الجانب العضوي والجانب النفسي على الاحساس والادراك والتفكير الاحساس والادراك والتفكير دول اللي هم ايه العمليات المعرفيه ما هو قال ان موضوع المفس يعني بيدرس ايه علم النفس؟ شعور وعمليات معرفيه فبالتالي لما هيجري تجارب وهيدرس ايه؟ هيدرس الاحساس والادراك اللي هي تعتبر عمليات معرفيه اديني مثال اول ما اقول لك ارفع ايدك اليمين ارفع ايدك اليمين ايه اللي حصل؟ انا دلوقتي قلت اول ما اقول لك ارفع ايدك اليمين ارفع ايدك اليمين فلو انت قدامي 100 طالب اول واحد هيرفع ايده الولد ده هو الاكثر انتباها وتركيزا معايا لانه اخد باله ان انا بطلب طلب اول ما اقول لك ارفع ايدك اليمين ترفع ايدك اليمين اخد باله ان انا بطلب طلب واخد باله ان انا بامره وبقول ارفع ايدك اليمين فهو اول واحد استجاب اذا الولد ده احساسه واستماعه وانتباهه لي وادراكه لي اعلى من الباقي في عيال ثانيه هتبقى قاعده ولا هترفع ايدها ولا هتاخد بالها ان انا طلبت حاجه فالراجل ده عمل تجارب عشان يعرف العمليات المعرفيه في عقول الناس اللي قدامه وايه الفرق ما بين الاستجابات وايه المده اللي محتاجها لبني ادم انه يستجيب بعد ما يسمع او يشوف شيء وانه يستجيب ويجاوب يعني انا مثلا سالتك سؤال قلت لك مين رائد المرحله الفسيولوجيه اللي هي الثانيه فانت رحت قايل لي فونت بعد خمس ثواني قلت فونت في عيلاني اذكى عملت تجارب انا وجاوب بعد ثانيتين بس فانا عملت كده تجارب نفس فيسيولوجيه على الاحساس والادراك عرفت ان هو اذكى منك لان المده اللي استغرقها ما بين السؤال والاجابه كانت اقل دي مثال للتجارب اللي عملها فونت طيب ايه كمان هو عمل المعمل ده عشان يعمل بحوث تجريبيه فتركزت البحوث التجريبيه في المعمل بتاع فونت على ايه ثلاث محاور ايه المحاور دي اول حاجه عمليات الادراك الحسي اديتك مثال عليها يدي مثلا سؤال ها وهل الفرد ده هيقعد قد ايه ما بين ان هو سمع السؤال حسي سمعي وما بين ان هو يدركه ما بين السؤال والاجابه وبيدرس حاجه اسمها الطبيعه النفسيه ايه الطبيعه النفسيه دي يا عم احد فروع علم النفس بتهتم بدراسه العلاقه بين المثير والاستجابه علاقه بين مثير واستجابه اديني مثال مثلا علاقه ما بين رؤيه الطعام ده مثير وبين الاستجابه ان مثلا هيحصل عمليه افراز لعاب انت لو شفت كده فرخايه شبه بتاعه السوريين دي كده وازازه كوكا كولا ها كنز كوكا كولا وبطاطس وتوميه وكولسلو فانت استجابه هتحصل فهو كان بيدرس كل المثيرات والاستجابات اللي بتحصل سواء مثيرات عقليه اجتماعيه وايه الاستجابات اللي هتصدرها بيدرس ايه كمان زمن الرجع ايه زمن الرجع ده مش زمن الترجيع زمن الرجع ده الفاصل الزمني بين ظهور المثير وحدوث الاستجابه اديني مثال دلوقتي هسالك سؤال ايه موضوع علم النفس في مرحله الاستقلال اللي هي الثالثه 1 ا 3 انت رحت قيل لي السلوك الظاهر يا مستر جاوبت بعد كام ثانيه 10 ثواني فزمن الرجع يعني الفاصل الزمني المده الزمنيه ما بين السؤال مثلا والاجابه كل ما كان الفاصل الزمني قليل دل ان الشخص ده ذكي اكتر لو سالتك سؤال واحد جاوب بعد ثانيه واحد جاوب بعد 10 ثواني واحد جاوب بعد 20 ثانيه واحد ما جاوبش خالص مين الاذكى اللي جاوب بعد ثانيه اللي هو اول ما سامع السؤال الفصل الزمني عندي عنده قليل بيدرك بسرعه فدي الحاجات اللي كان بيدرسها فونت في المعمل في المرحله الفسيولوجيه طيب لو انا كده معلش نلخص المراحل التثلاثه ركز عندي المرحله الفلسفيه فلسفيه يونانيه ركز بقى ده كده ملخص وعندي مرحله فيسيو لووجيه بايو لوجيه وعندي مرحله ثالثه وهي استقلال لو انا عملت كده ها في السريع اول حاجه ندرس الفرق بينهم من حيث الموضوع كنت بتدرس ايه يا علم النفس في المرحله الاولى كنت بدرس النفس ايه موضوعك كنت بدرس النفس والروح طب ايه موضوعك يا علم النفس نفسه وبتدرس ايه في المرحله الثانيه اللي هي بتاعه فونت سنه 1879 ما بقتش ادرس النفس والروح خلاص انا بقيت اعمل تجارب وبدرس الشعور او الخبره الشعوريه الداخليه والمشاعر والاحاسيس وبدرس العمليات المعرفيه اللي هو الاحساس والادراك والانتباه ايه موضوعك يا علم النفس وهتدرس ايه في المرحله الثالثه اللي هي الاستقلال انا مش هدرس المشاعر اللي جوه مش مهم ان انت حاسس بالحزن انا المهم عندي سلوكك الظاهري ما دام انت بتضحك تبقى سعيد بغض النظر عن مشاعرك انا مش مهتم بمشاعرك انا مهتم بالسلوك الظاهر بتاعك دي كده الموضوعات للثلاث مدارس اللي هو علم النفس اهتم بايه هنا واهتم بايه هنا واهتم بايه هنا طيب المنهج يعني ايه كلمه المنهج يعني انا هدرس الموضوع ده ازاي في المرحله دي كنا بندرس النفس والروح ازاي هي حاجه غير مرئيه كنا بندرسها بالتامل ودي حاجه كانت زياده انا حطيتها لك طيب في المرحله الثانيه اللي هي الفسيولوجيه هدرس مشاعرك ازاي هل كتاب المدرسه قال لا هل انا قلت لك من شويه لا طب انت دلوقتي لو حاسس بحاجه وحزينه اقدر ادرس ده ازاي هاجي اقول لك ما تشوف كده انت متضايق انا حاسك متضايق انت متضايق مضايق من ايه؟ بص انا كده بنكشك عشان تقول لي مشاعرك هقول لك انت متضايق من ايه فانت هتنظر في ذاتك وتتامل في ذاتك وهتفكر ايه اللي مضايقك وهتقول لي بعد تفكير عميق في ذاتي ومشاعري انا حاسس بكذا فالمنهج هنا هتعرف بعد كده هيبقى ان الشخص يلاحظ نفسه ويشوف هو حاسس بايه وايه مشاعره ويبتدي يحكي للي قدامه بس كتاب المدرسه ما قالش فانا هقولها لك بشكل يعني احنا لسه هنقولها قدام بس خدها كده واعرفها احنا لسه هندرسها قدام كتاب المدرسه ما قالش ايه المنهج في الفيسيولوجيه بس الحته دي حته جامده قوي حته ايه المنهج في المرحله الفيسيولوجيه ان الشخص يلاحظ نفسه فهنسميه منهج الملاحظه ملاحظه داخليه او ذاتيه او ذاتيه يعني الفرد بيلاحظ ذاته او بيلاحظ نفسه طب السلوك الظاهر الناس اللي بتعمل سلوك ظاهر بتضحك بتبكي بتضرب حد هدرس السلوك ده ازاي ايه المنهج بالملاحظه الخارجيه انا اللي هلاحظك بقى هنا يبقى هنا انا اللي هلاحظ الناس ملاحظه خارجيه انا اللي هلاحظ الشخص اللي قدامي انما الملاحظه الداخليه انا هلاحظ نفسي طيب مين الرواد مين الرواد هنا انا قلت سقراط او ارسطو او افلاطون اي اسم هيؤخذ بيه ودي كانت حاجه زياده من بره زي دي طب هنا مين الرواد في الفيسيولوجيه؟ كان الرائد ويليام فونت صاحب اول معمل تجريبي طب هنا مين الرواد؟ كتاب المدرسه ما قالش يبقى احنا هنا في حاجتين كتاب المدرسه ما قالهمش الحته دي انا مزودها لك نخليها بقلم ثاني كده اهوت عشان تصور الملخص اللي انا كاتبهولك ده الحته دي زياده كتاب المدرسه ما قالهاش والحته دي زياده برده كتاب المدرسه لسه ما قالهاش ودي كذلك طب ايه كمان هنا الرائد بتاع مرحله الاستقلال ما قالهاش ما قالوهاش في كتاب المدرسه بس هتعرف كمان شويه من خلال عنوان ثاني ان هو رائد اسمه هخليك انت اللي تجاوبه وده هيبقى سؤال ده كده ملخص المراحل ركز بقى امتى في الثلاث مراحل دول بدانا ندرس علم النفس بشكل علمي وابتدى يبقى ليه مدرسين ويه كتب امتى بدانا ندرسه بشكل علمي في المرحله الثانيه لما فومت عمل معمل يبقى لما اقول لك ان في علماء بدايه العلماء هتظهر في دي ولا دي ولا دي؟ اكيد في دي لان لما في معمل اكيد هيبقى في علماء طيب العلماء دول هيبقى ليهم اراء فهيعملوا مدرسه فكريه مدرسه فكريه فبدايه المدارس والافكار اللي هي بتاعه العلماء هتظهر هنا فبدايه فكره مدارس علم النفس وان كل مدرسه بداخلها عده علماء هتظهر في انهي مرحله في المرحله الفيسيولوجيه وده العنوان اللي هنشرحه ايه ابرز مدارس علم النفس اللي طلعت اول مدارس طلعت لاول علماء اكيد في المرحله دي بس بعد كده هيظهر مدارس ثانيه بعلماء ثانيين بيمثلوا مرحله الاستقلال هيعترضوا على المرحله دي وهياسسوا وهيبقوا سبب في دخول علم النفس مرحله جديده وهو استقلاله تماما عن اي ارتباط باي علم اخر يلا بينا خد صوره لليله دي هشيلها ايه ابرز مدارس علم النفس اول مدرسه واول علماء طلعوا يعتبر في المرحله الفسيولوجيه فبالتالي هيبقى مين؟ هيبقى فونت ومعاه تلميذه والمساعد بتاعه تيتشنر ما تنساهاش عارف سوري عارف قناه التت ما تنساهاش تت شنر تت شنر قناه التت دي قناه دعويه ا مشهوره جدا فاسمها المدرسه البنائيه او المدرسه التكوينيه لان هي اول مدرسه تم تاسيسها صاحبها فونت بعد ما عمل المعمل المدرسه دي وفونت مش انا درست من شويه ان فونت قال ان علم النفس موضوعيدرس المشاعر اللي هو الشعور والعمليات المعرفيه اكيد كلامه مش هيتغير هو حددت موضوع علم النفس في دراسه الخبره الداخليه الشعوريه المباشره يعني ايه قصده يعني الشعور طب المشاعر دي بص بقى بيقول لك ايه واكدت على منهج الاستبطان ايه الاستبطان ده اسمه بص من اسمه كده الاستبطان اكني بجيب من باطني بجيب من باطني ايه يا مستر برجع لا بجيب من باطني الاحساس اللي جوايا اللي مخبيه مثلا تلاقي البنت قاعده جواها خوازيق الدنيا وعماله تفكر كدهه فيجي ابوها يقول لها مالك يا حبيبتي احكي لي قولي لي مالك حاسك مش تمام فالبنت هتعمل عمل عمليه استبطان ايه استبطان ده هتنظر في نفسها وفي داخلها وفي ذاتها وتتامل في نفسها ايه اللي مضايقها ومخلي سلوكها مضطرب ودنيتها مضطربه ومخليها حزينه فتبتدي تقول له والله يا بابا انا بعد ما فكرت وتعمقت في نفسي حاسه ان انا وحيده بابا هنا ايه اللي حصل بصت في ذاتها نظرت لذاتها وتاملت بداخلها بعد كده بتحكي مشاعرها هو ده اسمه منهج الاستبطان اسمه الملاحظه الداخليه او الملاحظه الذاتيه او التامل الذاتي او التامل الداخلي او التامل الباطني فمنهج الاستبطان هو اللي من خلاله بدرس المشاعر اللي جوايا لان ما حدش هيعرف المشاعر اللي جوايا هو انا وانا قاعد دلوقتي اهو حد حاسس انا حاسس بايه لا انت بعد ما هتقول لي انت حاسس بايه يا مستر فانا الاول هبص في ذاتي بعدين احكي لك فانا بيبقى اسمه ملاحظه داخليه فمنهج الاستبطان بيدرس هذه خبره ويحلل عناصرها الاوليه اللي هو الوعي والتفكير والمعرفه الاستبطان ده عباره عن ايه؟ ملاحظه ذاتيه داخليه انا اللي بلاحظ نفسي عشان كده من شويه بص اللي هي الحته دي اه اللي هي اللي انا نضفتها شلتها كنت عامل لك ملخص للمراحل المنهج في المرحله الفسيولوجيه قلنا اللي هو ايه استبطان هو الملاحظه الداخليه الذاتيه ده كنت انا مزودهوللك جبنا المعلومه منين من شرح المدارس يبقى المدرسه دي هي تعتبر ظهرت في انهي مرحله؟ في المرحله الفسيولوجيه تمام طيب ايه اللي حصل بقى طلعت مدرسه ثانيه وعالم اخر قال لي فونت انت بتدرس المشاعر والمشاعر مش متشافه انا هدرس السلوك الظاهر وده متشاف وهيبقى دراسته اسهل مين العالم ده اللي هيعترض على فونت سيبك طبعا من المثال ده العالم ده هو العالم واتسون هياسس مدرسه جديده اسمها المدرسه السلوكيه وهيعترض على فونت واتسون هيقول لي فونت انا مش هدرس الشعور انا هدرس السلوك الظاهري عشان كده موضوع علم النفس عنده دراسه السلوك الظاهر الذي يمكن ملاحظته زي الضحك والبكاء واللعب والكتابه وليس الشعور زي ما كان عند مين؟ عند فونت طيب السلوك الظاهر ده يتدرس ازاي؟ واحد بيبكي انا هدرسه ازاي؟ من خلال ان انا الاحظه اذا المنهج ايه؟ ملاحظه موضوعيه خارجيه لدراسه هذا السلوك وليس الاستبطان زي ما كان عند فولت اذا مين اللي رفع السكينه على فونت وغير كل كلامه؟ واتسون صاحب المدرسه السلوكيه علشان كده لما واتسون طلع يتكلم واسس المدرسه السلوكيه بسبب كلامه ابتدى علم النفس يخش في مرحله جديده ويسافر من المرحله الفسيولوجيه ياخد الطياره ويروح لمرحله الايه؟ الاستقلال عشان كده لما يجي لك سؤال يقول لك مين رائد المرحله الاستقلاليه؟ لو فتحت الكتاب على مرحله الاستقلال الحته دي عاليه قوي ولا عاليه قوي ولا لو فتحت الكتاب في المرحله الاستقلاليه مش هتلاقي مين رائدها جبنا الرائد منين؟ من المدرسه فالمدرسه دي ظهرت في مرحله الاستقلال وهي سبب استقلال علم النفس بره علم الفيسيولوجي فيبقى لما يقول لك تبص حتى الموضوع هنا والمنهج هنا هو الموضوع والمنهج بتاع المرحله الاستقلاليه اذا يبقى لو ما يسالك مين هو رائد مرحله الاستقلال هيبقى برض واتسون طب مين رائد المرحله الفسيولوجيه فونت اللي هو صاحب المدرسه البنائيه وصلت كده طيب فالمدرسه دي هي سبب استقلال علم النفس في المرحله الاستقلاليه يه دي هتبتدي المدارس والعلماء يزودوا المعلومات ويوصلوا لمعلومات تانيه فهتظهر مدرسه ثالثه اسمها مدرسه التحليل النفسي لعالم اسمه فرويد اسمه سيجم موند سيج موند فرويد بس الاسم المشهور فرويد على طول كده المدرسه البنائيه اللي هي اول مدرسه بتاعه فونت هتدرس المشاعر اللي جوايااني مدرسه اللي هي السلوكيه هتدرس سلوك الظاهر مدرسه في التحليل النفسي بتاعه فرويد انت عايز تقول ايه يا فرويد هتقول حاجه جديده ولا هتقول نفس الكلام المعلم فرويد قاعد كده لا بيوعل عليه قال لك اول ست سنين في حياه البني ادم هم اهم ست سنين وهم اللي بيشكلوا شخصيته بالكامل فلو في اول ست سنين اتولدت الاب وام حنينين عاطفين ا عايش وسط الاسره ووسط اخواتك وبتاكل وبتشرب كويس في دفق اسري واشباع الرغبات من اكل وشرب ونوم وحنيه الولد ده هيطلع يبقى شخص كبير شخص سوي انما لو في اول ست سنين مثلا انت عشت بدون اب وام اترميت في الزباله رحت ملجا ا بتتعاقب بتضرب بتتحبس بتتكتف ما بتاكلش كويس بتتعامل معامله جافه ما اخدتش حب ما اخدتش عطاء حياتك سيئه فالشخص ده لما هيكبر هيطلع كل اللي اتربى بيه في بشكل وحش وهو صغير هيطلعه على الناس لما يكبر فهيبقى شخصيه مش سويه او ما يعرف باسم شخصيه شاذه ففرويد بيتكلم ان الطفوله المبكره اللي هم اول ست سنين مهمين جدا في تكوين شخصيه الفرد تمام يا فرويد كلامك على العين والراس ايه كمان طبعا بغض النظر ان تم انتقاد هذا الامر وان اول ست سنين مش شرط وفي استثناءات في ناس بتتربى في ملاجئ بتطلع افضل من اللي اتربى في بيت عيله وهكذا ده مش شرط لان النفس البشريه مش زي العناصر الكيميائيه العناصر الكيميائيه لو رميت الصوديوم 1000 مره على الميه في كل مره هيطلع انفجار وحراره انما البني ادمين مش شرط يطلعوا نفس استجابات لو تعرضوا لنفس المواقف ممكن البني ادم يغير استجاباته من ساعه لساعه او من شخص لشخص او من مكان للثاني زي الساحل تروح تقلع فيه استغفر الله وقول لك المكان اللي ما حدش يعرفك فيه اا اجري وش اجري وقل استغفر الله العظيم فانت هنا استجابتك في الساحر غير استجاب اجابتك في في حته انت وسط اهلك ما علينا عشان ما ننشقش لكلام بره كتير نرجع لموضوعنا بدل قعده الفسحه اللي احنا فاتحينها دي نرجع لموضوعنا فرويد قال الطفوله المبكره هي اللي بتشكل شخصيه الفرد قال ايه كمان فرويد ده اتقل واحد في علم النفس ها قال ان البني ادم ممكن يعمل سلوك وفي حاجه تدفعه انه يعمل سلوك وهو مش عارف ايه اللي خلاه يعمل السلوك ده ازاي يا عم الحاج الحج كان شارب حاجه ولا سكران؟ لا من غير ما يشرب حاجه ومن غير ما يبقى سكران ده بكامل ا تركيزه من غير سكر ولا اي حاجه هيعمل سلوك وهو مش عارف هو عمل السلوك ده ليه مستر مش فاهم اديك مثال تخيل معايا واحد شغال في شركه المدير بهدله وقال له انت ما عندكش كرامه انت لو ما عندك كرامه تسيب الشغل ده وراح زقه وهانه قدام الناس ونزل عليه جزا ثلاث ايام الموظف ده نفسه يقوم ياكله يعضه كده هوت ويدي له قلمين على وشه ولكن تحكم في مشاعره وكزم غيزه وما رضاش يرد عليه عشان يحافظ على شغله واكل عيشه الراجل ده جواه طاقه انفعاليه نفسه يهد يهد جبل ولكن ما طلعش المشاعر دي مروح البيت في اخر اليوم بيخبط مراته فتحت الباب اول ما فتحت قال لها هو انا مش قلت لك ما تطلعيش بالهدوم دي طاخ طاخ ده خلاها العيال انتوا مش نايمين ليه؟ طغ طغ ايه اللي بيحصل هو بابا راجع من الشغل يعمل كده ليه ايه اللي حصل الراجل ازاح ازاح يعني حرك مشاعره اللي المفروض كان يوجهها تجاه المدير ازاح طبعا هو لو وجهها تجاه المدير المدير هيمشيه هيمشيه فهو ازاح هذه المشاعر والانفعالات بدل ما يوجهها تجاه المدير وجهها تجاه مراته وعياله هل هنا اللي خلاه يعمل السلوك ان يضرب مراته وعياله؟ هل هو مدرك وهو بيضربهم ان هو بيضربهم بسبب المشاعر اللي جواه بسبب المدير؟ لا هو مش مدرك اذا بشكل لا شعوري وبشكل لا واعي بيعمل تصرف هو مش عارف سببه عارف لو مراته ست محترمه وعياله سكتوا وكله سكت وهو قاعد مع نفسه كده هيقول انت ليه عملت كده يا واد يا عبد القادر انت ليه عملت كده؟ ليه ضربتهم؟ اه هو عشان يومي وحش بسبب المدير هروح جايب مراتي وعيالي حقكموا عليا انا مريت بيوم مش كويس حصل كذا كذا هنا انا هبتدي اجمع وادرك بس انا في البدايه ايه اللي دفعني لعمل هذا السلوك؟ دوافع لا شعوريه حاجه اسمها الازاحه فرويد بيتكلم عن 13 دافع لا شعوري بيخليك تعمل سلوك وانت ما تعرفش ايه اللي خلاك تعمل السلوك ده؟ انا شرحت لك دلوقتي واحد منهم اسمه الازاحه طب هل هي مشروحه في الجزئيه دي اي دافع لا شعوري من ال 13 لا ولا واحد مشروح هنشرحه امتى في الدرس في الدرس الكام في الدرس الثامن والاخير هشرح الدوافع اللا شعوريه اللي اتكلم عليها سيجموند فرويد في مدرسه التحليل النفسي الكبت هندرس ثمانيه منهم بس الكبت والازاحه والتبرير والاسقاط والتقمص والنقوس و وايه كمان والطع تعويض والاعلاء والتسامي هندرس مانيه مع بعض في الدرس الثامن والاخير بس هنا فرويد بيقول ايه اكد على اثر العوامل والدوافع اللا شعوريه ان في حاجات بتدفعك بشكل لا شعوري لعمل سلوك معين في دوافع لا شعوريه بتدفعك لعمل سلوك تمام تدفعه قوه داخليه ودوافع لا شعوريه وغرائز بدائيه مدرسه التحليل النفسي وفرويد قال لك ان في حاجه جواك اسمها الهوا دي بتدفعك لعمل اي حاجه شيطانيه شيطاني ده جانب شيطاني جواك وفي حاجه اسمها الانا الاعلى دي جانب مثالي ملائكي والاثنين دول بيتحاربوا مع بعض عشان توصل انت للاتزان حاجه اسمها الانا طبعا ده بقيه النظريه الكلام ده من بره وبيقول لك ان البني ادم مدفوع بغرائز بدائيه ان البني ادم هدفه في الحياه اشباع الجانب الجنسي والجانب العدواني والبني ادم هو ملخصه كده ده طبعا كلام فرويد اكد على الاثر الخطير لمرحله الطفوله المبكره اللي هي قلت لك اول ست سنين لحد ست سنين في تكوين شخصيه الفرد اي سؤال يجي عن الصغر والطفوله والشخصيه السويه والشخصيه الشاذه والشخصيه المضطربه فرويد اي كلام عن دوافع لا شعوريه او كلمه لا وعي او كلمه لا شعور او كلمه العقل الباطن مدرسه تحليل النفسي فرويد راح جاي تلاميذ فرويد اضافوا اضافوا وقالوا ان السلوكيات مش بس بتتحرك بسبب دوافع لا شعريه ولا بسبب اللي حصل في اول ست سنين وبس البيئه كمان بتاثر سواء في بقيه حياتك اللي ما بعد الست سنوات وكمان بيئتك بتاثر يعني لو انت جواك دافع لا شعوري والمدير بهدلك بس انت عايش في سويسرا وما ينفعش تضرب مراتك وممكن تطلب لك البوليس هنا البيئه هتاثر عليك وهتخليك ما تستجبش لهذا الدفع اللا شعوري فاضاف تلاميذ فرويد بعض الموضوعات زي ان هم اهتموا بان في عوامل ثقافيه واجتماعيه الى جانب الدوافع اللا شعريه اي اضافوا ان في اثر للبيئه ما ينفعش ننكره اغلب الاسئله اللي بتيجي على التحليل النفسي بتتكلم عن اللا شعور اللا وعي الدوافع اللا شعوريه ا الغرائز البدائيه الشخصيه السويه والشاذه الطفوله المبكره الامراض النفسيه والعقد النفسيه تجاوب التحليل النفسي او فرويد دي ثالث مدرسه المدرسه الرابعه وهي مدرسه الجشتلت نركز مع مدرسه الجشتلت بتقول ايه؟ مدرسه الجشتلت دي مدرسه المانيه اسمها الجشتلت روادها ثلاث رواد ما تنساش اسمهم كوفكا وكهلر وفرتي مش كفته ودي مش اسامي صحرا ولا مش عاوزين كوفكا وكهوهلر وفيرتيمر كوفكا وكهوهلر وفيرتيمر اللي هم بيقولوا عليه فيرتايمر كوفكا كوهلر فيرتيمر ما تنساش اسامي العلماء مهمه جدا المدرسه البنائيه رائدها فونت وتلميذه تيتشنر المدرسه السلوكيه رائدها واتسون مدرسه التحليل النفسي رائدها فرويد مدرسه الجيش التالت رائدها كوفكا وكوهلر ويفرتيمر الناس دي بتقول ايه؟ قالت ان ادراكنا للاشياء يبدا بادراك الصيغه الكليه لا بادراك الاجزاء يعني ايه يعني انا بادرك الكل ثم الاجزاء بص لي كده هنا بص لي بص لي انت بص على ودني ولا مناخيري ولا عينيا ولا باصص على وشي كله باصص على وشك كله يا مستر اذا ادراكك للجثه اللي قدامك دي ادركت الشيء بشكل كلي الوش كله مش انك بتتعامل مع العين بس او المناخير يبقى ادركت ايه الاول الكل وشي كله لو نوت في دماغك بقى تقعد تسبل لعينيا او تبص على مناخيري او تبص على شن شنبي وتقول ده تقيل قوي او تبص على ودني وتقول دي طالعه كده داخله كده عامله كده مش عارف ايه ده بعدين بتركز في التفاصيل يبقى احنا ادراكنا بيبدا بادراك الكل ولا الجزء الكل ثم الاجزاء اديك مثال كمان انا مثلا جبت لك المذكره بتاعتي قلت لك خد يا ولدي ده كتاب في علم النفس هل حضرتك هتدرك ان جواه 16 درس اللي هو منهجك على طول هل هتدرك الاجزاء لا امال هتدرك ايه الاول؟ هتدرك الامر بشكل كلي ان ده كتاب في علم النفس يا مستر ده المنهج بتاع ثانيه ثانوي ادركته بشكل كلي نونوت في دماغك بقى بعد كده تدرك الاجزاء وتفتح الكتاب تبص على العناوين تبص على الفهرس تبص وتدرس كل درس لوحده ده بعدين يبقى انت ادركت ايه الاول الكل ثم الاجزاء طيب لو دخلت فصل هل اول ما دخلت الفصل هتعرف فيه كم تخته كم مروحه لا انت هتدركه بشكل كلي فصل خش لو ن في دماغك بعد كده تعد ده براحتك يبقى انا بدرك الكل ثم الاجزاء طيب انا دلوقتي مشغل ا ا مثلا اغنيه لام كلثوم دين تنير هل انا بقول ان دلوقتي في الدقيقه دي العود هو اللي بيلعب بس في الدقيقه دي الكمانجه هي اللي هتلعب ودلوقتي البيانو هو اللي هيلعب لا ما بقعدش اعمل كده ما بقعدش اجزقها انا بادركها بشكل كلي نغمه جميله بعد كده لو نونوت في دماغي اقول مين ده بعدين يبقى انا بدرك الايه الاول الكل ثم الاجزاء فالمدرسه دي قالت لك بندرك الكل او ممكن اقول عليه العام ثم بادرك الخاص او ما يعرف باسم الجزء تمام يا ججيتالت نحن ندر اهو بص بيقول لك ايه نحن ده مثال من المدرسه كتاب المدرسه نحن ندرك الوجه ككل لا كاجزاء انف واذن وحنجره وغيره هذا يعني ان الكل اكبر من مجموع الاجزاء الكل اكبر من مجموع الاجزاء يعني ايه الكلمه دي يا مستر ما انا لو جمعت الاجزاء جنب بعض هيبقى بيساوي الكل اقول لك لا ما تقوليش الكل بيساوي مجموع الاجزاء ركز كده دلوقتي لو انا عندي حبر لو انا عندي حبر وبلاستيك وعندي عندي ا سن عندي حبر وبلاستيك وسن وعندي كمان ايه كمان عندي الحاجات دي كلها هل بالمنظر ده هقدر اكتب لا بس لما كده بص بص الحبر والبلاستيك والسن انا مش هقدر اكتب وظيفه الكتابه بس لما هجمع الحاجات دي الحبر والبلاستيك والسن هيبقى معايا وظيفه الكتابه لما اجمعهم اذا مجموع الاجزاء 1 ا 3 مش شرط بيساوي الكل لا الكل هيفضل اكبر زي وظيفه الكتابه فالكل اكبر من مجموع اجزاءه دي مدرسه الجشتلت عايز اديك مثال قول مثلا ايه ندرك مثال ندرك الماده ككل ثم عناوين جزئيه خاصه واصله لك دي مدرسه الجشتلت اخر مدرسه معانا وهي المدرسه المعرفيه ركز بقى اسمها ايه المعرفيه المدرسه دي هتمسك كلام فونت اللي كان في المدرسه البنائيه وهتبتدي تفصصه كل فصوصه لوحدها اسمها المدرسه المعرفيه من اسمها هتدرس ايه هتدرس العمليات المعرفيه انا شرحت لك في اول الحصه ايه هي العمليات المعرفيه احساس انتباه ادراك تذكر فالمدرسه دي هتدرس العمليات المعرفيه مين روادها سكينر نورمن دونالد سكينر نورمن دونالد سكينر نورمن دونالد يلا نراجع على الرواد لكل مدرسه البنائيه فونت وتلميذ وتيتشنر سلوكيه واتسون تحليل نفسي فرويد جشتلت كوفكا وكوهلر ويفرتي المعرفيه سكينر نورمان دونالد الناس دي قالت ايه؟ بص يا سيدي اسالك سؤال ركز معايا قوي ركز معايا قوي اسالك سؤال مين الرائد لمدرسه التحليل النفسي يلا بسرعه جاوب مستر انا فرويد انا سالت سؤال صح وانت جاوبت اجابه انا سالت سؤال قلت لك مين رائد مدرسه التحليل النفسي وانت عملت اجابه هو انت جاوبت ازاي؟ هل لمجرد ان انا قلت السؤال فانت بشكل تلقائي وعاف ورحت مجاوب؟ لا امال ايه اللي حصل؟ مخك حصلت فيه بلاوي ايه يا مستر البلاوي اللي حصلت يا مستر تعال اقول لك انا لما قلت السؤال اول حاجه حصلت ان انت سمعتني ودنك دي سمعتني فحصلت عمليه احساس بعد ما سمعت ركزت معايا وقلت ده سؤال فحصل عمليه انتباه لي انا فبعد كده عملت عمليه ادراك فهمت ان انا بسال في مدرسه معينه اللي هي التحليل النفسي حصلت عمليه ادراك ثم هتحصل عمليه تذكر وهتفتكر اللي انا شرحته من شويه وهتروح رافع ايدك وتقول لي فرويد يا مستر يبقى ما بين سؤالي ادي سؤالي اهو حصل جواك في دماغك ايه احساس وانتباه وادراك وتذكر عشان في الاخر تقدر تقدر تديني الاجابه يبقى هل اجابتك دي اجابه بسيطه حاجه سهله مجرد اي طالب يقدر عليها لا طبعا دي استجابه معقده صعبه مش اي طالب يقدر عليها لازم يبقى طالب حضر الحصه عشان يبقى فاكر ويبقى طالب انتبه ليا في الحصه وفهمني لان في طلبه كتيره ممكن هتبقى حضرت الحصه بس كانت بتتمرقع مش منتبهه مش مركزه اللي بيبص على بنت ولا بنت بتبص على ولد ولا اللي ولا اللي بيتكلم ولا اللي بيهزر فلو مش منتبه مش هيدركني مش هيتذكر ومش هيجاوب عشان كده الطلبه الفاشله ما بترفعش ايديها اذا سؤالي هنا هل استجابتك استجابه بسيطه ولا معقده استجابه معقده يا مستر ليه معقده لان لما انا قلت السؤال مخك حصلت فيه العديد من العمليات المعرفيه عملت عمليه احساس وانتباه وادراك وتذكر بعدين جاوبت فالمدرسه المعرفيه طالعه تقول اوعى تفكر ان استجابتك دي استجابه بسيطه ده هناك العديد من العمليات المعرفيه المعقده اللي بتحصل في مخك ما بين المثير وما بين الاستجابه اهي بص اكدت على وجود العديد من العمليات المعرفيه العقليه اللي هو الاحساس والانتباه والادراك والتذكر دي الترجمه التي تتوسط المثير والاستجابه يعني بتبقى بين المثير والاستجابه فالسلوك الانساني يتضمن عمليات ادراكيه كتير بتحصل في مخك وليس ليس مجرد استجابه بسيطه اوعى تفكر ان استجابتك استجابه بسيطه لمجرد وجود منبهات بيئيه ده مخك بيحصل فيه حاجات كتير قوي دي كده المعلومه اللي فوق المدرسه دي اكدت على استخدام المنهج الموضوعي في فهم هذه العمليات المعرفيه واسس تكوين المعلومات يعني ايه المنهج الموضوعي ببساطه شايف طريقه شرحي للعمليات المعرفيه اللي بتحصل جوه دماغك العمليات المعرفيه دي مش متشافه بس انا شرحتها لك دلوقتي اكنها عمليات مرئيه وماديه من خلال المنهج الموضوعي اكنك فاهم وشايف الحاجه دي قدامك من خلال المثال اللي قلته يبقى اكدت على المنهج الموضوعي في دراسه العمليات المعرفيه واسس تكوين المعلومات اي سؤال يتكلم عن العمليات الذهنيه او العمليات المعرفيه او الليله دي الاجابه بتاعتك المدرسه المعرفيه نركز في الكلام كده دلوقتي لو جبتلك سؤال غشيم صعب جدا واقوللك ا كان له النصيب الاكبر في حديث مدارس علم النفس مين اللي كان له النصيب الاكبر في حديث مدارس علم النفس هل الشعور ولا لا شعور ولا الادراك ولا السلوك الظاهر هتجاوب ايه؟ تقدر ترفع ايدك مين اللي له النصيب الاكبر في حديث مدارس علم النفس؟ تعال كده نراجع هو الشعور ده اتكلمت عنه انهي مدرسه؟ الشعور اللي هو المشاعر اللي جوايا اتكلمت عنه المدرسه البنائيه بتاعه فونت بنائيه طب واللا شعور مين يتكلم عن اللا شعور؟ اللي هو اللا وعي اكلمت عنه مدرسه واحده اللي هي التحليل النفسي طب والادراك اتكلمت عنه مين؟ اتكلمت عنه المدرسه المعرفيه اتكلمت عن العمليات المعرفيه اللي هي الادراكيه واتكلم عنه مين تاني؟ مدرسه الجشتلت لما قالت لك نحن ندرك الكل ثم ندرك الاجزاء اذا الادراك اتكلمت عنه مدرستين الجشتلت والمدرسه المعرفيه اللي هي كوجنيتيف سايكولوجي اللي هي المدرسه المعرفيه انما السلوك اتكلمت عنه مدرسه واحده اللي هي المدرسه السلوكيه يبقى مين اللي له النصيب الاكبر في حديث مدارس علم النفس؟ الادراك اتكلمت عنه هو الوحيد اللي اتكلمت عنه مدرستين مع بعض سؤال جامد طيب في سؤال ثاني برده ثقيل لو جاللك يقول لك مثلا ايه منهج المرحله الفيسيولوجيه؟ منهج المرحله الفسيولوجيه انت لو فتحت كتاب المدرسه زي ما قلت لك على المرحله الفيسيولوجيه مش هتلاقي المنهج طب بنجيب منهج المرحله الفسيولوجيه ازاي؟ من خلال المدرسه في المدرسه البنائيه اللي هي بتاعه فونت ما هو فونت هو رائد المرحله الفيسيولوجيه قال لك ان المنهج اللي هدرس بيه الشعور هو منهج الاستبطان فايه منهج المرحله الفيسيولوجيه هو منهج المدرسه البنائيه اللي هو الاستبطان اللي هو الملاحظه الداخليه تعال كده نركز سريعا سريعا ايه اللي خدناه في الدرس ده اول حاجه ايه مراحل علم النفس ثلاث مراحل فلسفيه يونانيه فيسيولوجيه بيولوجيه واستقلال طب كم مدرسه خمس مدارس المرحله الفسيولوجيه اللي هي المرحله التانيه تابعه للمدرسه الاولى اللي هي المدرسه البنائيه بتاعه فومت طب المرحله الثالثه بتاعه الاستقلال تابعه لباقي المدارس بس ايه اول مدرسه خلت علم النفس يستقل هي المدرسه السلوكيه اللي هي بتاعه واتسون بعد كده ظهر التحليل النفسي فرويد بتاع اللا شعور والجشتلت اللي هو كوفكا وكوهلر وفيرتيمر بتاع ادراك الكل ثم الاجزاء في الاخر المدرسه المعرفيه اللي هي بتاع سكينر ونورمن ودونالد وبكده خلصنا الدرس الاولاني اللي بيشرح نشاه علم النفس وايه قصته ومراحله والمدارس. نتقابل مع بعض في حصه جديده ونعرف يعني ايه علم نفس ايه تعريفه وايه الهدف من العلم ده وايه مجالاته. السلام عليكم ورحمه الله. ‏Ah