جلسة شفاء الطفل الداخلي الذي هو اساس كل مشاكل حياتك وسبب سوء طباعك

السلام عليكم ورحمه الله وبركاته معلش استحملوني هقول مقدمه صغنونه كده في الاول مبدئيا لو الحلقه افادتكم بطلب منكم تدعوا لي ربنا يحقق لي امنيه مهمه وغاليه على قلبي بقىها سنين ولكم جزيل الشكر مقدما وكمان لكم الحلاوه ان شاء الله واحب اشكر متابعيني الرائعين المحترمين اللي بيعرفوا يفهموا الكلام صح ويحطوا ردود محترمه راقيه زيهم بتثبت ان هم فعلا ناس نظيفه جدا من جوه المتفاعلين معايا دايما هم عارفين نفسهم مش هقول اساميهم عشان ما يتحرجوش انا فعلا ممتنه لوجودكم الرائع في حياتي وانتوا هديه الرحمن ليا حرفيا ثاني حاجه حابه اشكر برده المتابعين لي على الانستغرام اللي بيدخلوا يتفاعلوا ويعملوا شروط التفاعل انتم فعلا تستاهلوا نديكم عينينا على تفاعلكم الجميل ده ولايكاتكم دي وكل شخص دخل عمل لايكات وكل شخص عمل متابعه وتفاعل هياخد قصادها استشاره مجانيه او تفسير احلام وده حقكم علينا تقديرا لتفاعلكم القمر زيكم ثالث حاجه بقى انه في ناس بتطلب مني احط منشوراتنا المكتوبه في الانستغرام انقلها لليوتيوب والله ده يا جماعه مش هينفع لان ده نظام الشغل فرجاء لما احط رابط مقاله في المنتدى ما حدش يقول لي انقليها لليوتيوب اللي حابب يشترك في صفحه الانستغرام اهلا وسهلا اللي مش حابب خلاص انا مش هقدر اكبره لكن فعلا مش هينفع اغير نظام الشغل لان ده فريق عمل متكامل وفي متابعين وجمهور هناك في الانستغرام لازم ياخدوا حقهم زي ما انا بديكم حقكم هنا في الفيديوهات بالاضافه ان اصلا اغلب الفوايد المكتوبه بتكون على شكل البومات هناك صور يعني بتجروها ورا بعض مكتوب جواها كلام كتير فمش هينفع انقلها او احطها على اليوتيوب فاللي عايز المعلومه هيروح لها لكن بلاش حته انه يقعد يتشرط ويغير نظام شغل الناس اللي بقى له سنين انتم عارفين صفحه الانستغرام دي بقى لها قد ايه بقى لها ثلاث سنين فمش هينفع اقفلها عشان يعني في ناس مكسله تنزل البرنامج وتعمل كم كليكه انا مش بكبركم على حاجه والله بس برده انا ما بحبش حد يكبرني على حاجه بستغرب كمان من اللي بيقول يقول طب واللي ما عندوش انستغرام يعمل ايه؟ طب انا هقول له ايه؟ الانستغرام مش بفلوس يعني يا تنزله على جهازك يا بلاش عادي انت تقدر تاخد المعلومه من اكت من مصدر غيري يعني مش لازم تتعب نفسك معايا انا مش بقول كلام من بره الكوكب اا امال بقى بتعملوا ايه مع بقيه اليوتيوبرز اللي عاملين اكث من حساب في كذا موقع انستغرام يوتيوب وفيسبوك وتيك توك وسناب شات وبينزلوا في كل موقع حاجه مختلفه بتروحوا تقولوا لهم ايه لو انت رايح حفله الفنان فنان وهتدفع فيها فلوس مش هتقول له معلش غير مكان الحفله وخليها جنب بيتي اصلها بعيد انت هتلتزم بشروط الحاجه اللي انت رايح لها فما تجيش على معلومات ببلاش بتتعمل بخمس او ست كليكات وتلخبط لنا نظام الشغل لو سمحت يعني رابع حاجه شروط الاستشارات المجانيه بتاعه الانستغرام موجوده في التعليق المثبت على الفيديو ده خامس حاجه الاستشاره الهاتفيه مش مجانيه شكرا النهارده بقى ان شاء الله هنتكلم عن حاجه مهمه حاجه تعبه كل البشر تقريبا على كوكب الارض اللي هي الطفل الداخلي الموجود في كل واحد فينا كمان النهارده هنعمل جلسه لتشافي الطفل ده اما بقى علامات نجاح التشافي هتكون في منشور مكتوب على صفحتنا بتاعه الانستغرام ان شاء الله هيكون خلال الاسبوع في اللي قدر يتصالح مع الطفل الداخلي بتاعه ويستشفي منه وفي اللي دفنه بالقهر وفي اللي لسه مش عارف يتخلص منه سبحان الله الانسان ده كائن معقد جدا اساس اغلب المشاكل النفسيه والحياتيه اذا ما كانش كلها واللي بتعاني منها في حياتك حاليا هو الطفل الداخلي اللي جواك الطفل الداخلي هو عباره عن المواقف والذكريات والاسس اللي تم زرعها فيك واللي انت مريت بيها وعلمت جواك عاطفيا في سن ما قبل مرحله البلوغ ممكن قوي قوي تكون ظروفك الحاليه كويسه جدا وبتجي لك فرص حلوه وبتقابل حب لطيف في حياتك وكل الحاجات الجميله اللي اي حد يتمناها موجوده في حياتك الحاليه لكن انت مش عارف تستغل الفرص دي ولا عارف تتعامل مع امور حياتك بشكل جيد لان في طباع وسلوكيات واوامر خفيه في عقلك اللا واعي مخلياك مش واثق في نفسك او مخلياك عاجز او مخلياك خايف من الاقدام على اي خطوه او او من المشاعر اللي حطاك جوه السجن طيب ليه الطفل الداخلي بيعمل فيك كل ده لان ببساطه انت تعرضت لحاجات كانت جرحه قوي ليك او سببت لك اذى نفسي والحاجه المؤذيه دي حتى لو في نظرك تافهه دلوقتي بس هي ما كانتش تافهه ليك وانت صغير كان الحاجه دي ليها توابع اثرت على شخصيتك وتكوينها فيما بعد ولو ما كانتش حصلت كان ممكن وضعك هيكون افضل من كده بكتير بس هنقول ايه دي حكمه ربنا ان كل انسان مننا لازم يتعرض لمشاكل وحاجات تؤدي الى تعقيد شخصيته وعلى الانسان هنا انه يشغل مخه ويتعلم ازاي يتخلص منها هذكر مثال ممكن تافه جدا وانت طفل كنت بتحب بيتك قوي مثلا كان حوالين بيتك صحاب الطفوله وكان في جنينه او كان في ذكر ذكريات حلوه في البيت ده وفجاه في سن السبع سنوات والدك يقرر تسيبه البيت ده وتعزله عشان خاطر هو اتنقل شغله لمكان ابعد النقله دي سببت لك اذى نفسي رغم انها تافهه اهي رغم لو حصلت ليك وانت كبير مش هتاثر عليك لكن هي اثرت عليك وانت طفل البيت ده كان عالمك الوردي كان فيه كل حاجه حلوه وفجاه رحت حسيت بالغربه في بيت ثاني وكمان هتضطر تقابل اصدقاء ما تعرفهمش وتدخل مدرسه جديده قريبه من البيت ده وفيها اطفال ما فيش فيهم الفه بينك وبينهم فلو انت شخصيه حساسه النقله من البيت اللي انت كنت بتحبه ده ممكن ياثر عليك في الكبر في سلوك معين وفي توجه معين يعني تبقى متعلق قوي بالاشياء مثلا تخاف تجدد لان بقى عندك قناعه في عقلك اللا واعي في اعماقك ان التجديد ده هيخليك تواجه حاجات مش عاجباك او مش مريحاك انت مش عايز تحس تاني نفس شعور الغربه فالتعلق ده بقى بيخليك شخص روتيني في الكبر يخليك ترفض مثلا فرص عمل جديده افضل ليك يخليك ترفض انك تترك مثلا علاقه سامه عشان انت خايف تروح لحبيبه جديده افضل من اللي معاك وهكذا قيسوا بقى على كده في الاطفال اللي يا عيني اتعرضوا لتحرش جنسي يا بيتعقدوا من الجواز يا بيتحولوا لشواز يا بيبقوا انطوائيين لما يكبروا وخايفين يخرجوا او الاطفال اللي فقدت حد عزيز عليها زي اب او ام او اخ او اللي تعرضوا للتعنيف الاسري او اللي ربنا ابتلاهم بام عنيفه او اب مش رحيم وخلافه طبعا مش هننسى اطفال فلسطين واطفال سوريا واطفال كل الدول العربيه اللي شافوا المر في طفولتهم بس انا متاكده انهم ناس ابطال وكتير منهم عرف يتخطى ازمه طفولته دي وبقى حاجه كبيره جدا لما كبر ربنا يفرح قلوبهم دايما يا رب هم وكل الناس اللي شافوا مقاسي في صغرهم يبقى احنا كده عرفنا ان الطفل الداخلي او مجموعه الاطفال الداخليه اللي جوانا هي مجموعه الذكريات والمواقف اللي اتحفرت في عقلنا واثرت على قلوبنا ومشاعرنا في العقل الباطن في مرحله الطفوله لغايه ما قبل سن البلوغ وان الطفل ده هو المحرك والسبب الرئيسي الجذري لكل تصرف وسلوك بنعمله وبنتعامل بيه حاليا ازاي بقى نشفيه ونوصله لبر الامان ونخليه يتصالح مع الذكريات دي عشان نعرف نعيش بقى ونحس بالوفره ونحس بالسعاده ونكون ناس سليمه داخليا وفكريا وعاطفيا وعقليا ونفسيا تعالوا نشوف نحضر الاول اول حاجه هنروح غرفه هاديه في اي وقت هادي خلال اليوم ويستحسن بالليل قبل النوم لو الجو حر عندكم شغلوا تكييف او مروحه المهم درجه الحراره تكون معتدله مايله للبروده ودي مهمه جدا لان الحر هيخليك مش طايق نفسك وهتقول يعني ملعون ابو الطفل الداخلي ان شاء الله عنه ما شفى الغرفه تكون نضيفه ومرتبه وانتم شخصيا تكونوا نضاف واخدين كده شاور كده وريحتكم حلوه كان في حد بيهرج معايا ويقول لي نحط ريحه جونسون بقى عشان ريحه الطفل الداخلي والعبض ده بس يا ريت لو حد عنده الفكره دي ما يعملهاش مش ناقصين طفوله متاخره عايزاكم ترشوا معطر ويفضل جدا يكون بريحه الورد ريحه الورد تحديدا بتعمل على تنشيط هرمونات السعاده في الدماغ وده سبب اختياري لرمز الورده شعار لقناتي اصلا وتجيب صوره ليك وانت صغير في المرحله العمريه اللي انت تعرضت فيها للظلم او لو ما فيش في المرحله المعينه دي خلاص هات صوره ليك وانت طفل وخلاص لو عندكم كمبيوتر او لاب توب او صور بوسترات فيها اطفال سعداء مبسوطين بيضحكوا عايزاكم تحطوها امامكم او حواليكم الاضاءه تكون خافته او ممكن تحطوا شموع بيضا وورديه تشغلوا موسيقى هاديه بتاعه تامل او اصوات طبيعه او ممكن تسمعوا الجلسه اللي انا بقولها دي هيكون فيها اصوات طبيعه ان شاء الله هقول لكم حاجه كمان ممكن تسخروا منها بس هي بصراحه جابت مفعول مع ناس كتير رغم انها هبله انكم تجيبوا اكلات حلوه او شيبسيهات او شيكولاتات الحاجات اللي بتخليكم مبسوطين ومتكيفين بس يكون اكل ها مش مخدرات ولا شيشه ولا العبض ده مش ناقصين مرض الاكل ده هيكون في اخر الجلسه ان شاء الله خالص نبدا بقى على بركه الله والمثال اللي انا هقوله في الجلسه تقدروا تغيروه يعني مش لازم تقلدوني فيه انا هقول مثال لواحده كانت طالباه مني في رسائل الانستغرام ويستحسن الجلسه دي تكون على ذكرى او حاجه واحده معينه ما تاخدوش كل الذكريات المتنوعه السيئه سوا عشان تعرفوا تركزوا كويس نقعد القاعده اللي تريحنا ايا كان وضعها ويستحسن تكون مستلقي على ظهرك او سنه ضهرك وانت قاعد وتكون ممدد رجليك قدامك ووضع تكون اطرافك فيه مرتخيه مش مشدوده يعني مثلا ما تحطش رجل على رجل نبدا بقى ناخد خد نفس واثناء واحنا حابسينه نستحضر اكتر المواقف اللي اتهزينا فيها من جوانا بسبب تصرفات ابونا ده بعدين نطلع النفستاني ببطء شديد جدا هنكرر نفس الخطوه ثاني عشان يبقوا سبع خطوات وانا معاكم دلوقتي رابع مره خد النفس عميق جدا املا رئتك بيه احبسه احبس النفس تمام افتكر وانت حبس النفس بتاعك النبره اللي كان بيكلمك بيه ابوك ونظرته القاسيه اللي كانت مخوفاك طلع النفس ببطء شديد وحس بارتخاء اطرافك حس بالاكسجين وهو متشبع كل حته في جسمك حس بكتافك وهي بتتقل حس بدراعاتك وهي مرتخيه كده ورجليك وهي ممدده على السرير حس بالهواء اللي مشي في ضهرك واسم دراسك اكتر خامس مره بردي خد نفس عميق جدا جدا تاكد ان الاكسجين اللي دخلته قاعد عمال ينتشر في كل خليه في جسمك احبسه شويه على قد ما تقدر اوكي فتره ممكنه في جسمك وانت حس النفس بقى استحضر موقف ابوك وهو بيقرنك بزملائك الاخرين وهو بيحسسك انك اقل منهم وانهم افضل منك في كل حاجه استحضر عباراته التوبيخيه في التقليل من شانك استحضر كل حاجه كل حاجه اوكي يلا بقى طلع النفس زفير ببطء شديد سابع مره والاخيره خد نفس عميق جدا الاكسجين قاعد يقويك قاعد ينشر جواك طاقه التشافي طاقه السند طاقه القوه احبسه وما تفتكرش حاجه لانك افتكرت ما يكفي في الست مرات الله كل اللي عليك انك تفكر دلوقتي انك قاعد تتناسى وتقتل الذكرى دي الذكرى دي ما كانتش المفروض تتكتب اصلا في حياتك كتبها شخص اخر اسمه ابويا وانا كشخص واعي عاقل ربنا عطا اطني قدره اني اقوم ثاني على رجليا وكفى بالله وكيلا خرج بقى النفس زفير ببطء واحس بالاسترخاء لمده كم دقيقه كده حس بجسمك وهو بيتقلب وهو مسترخي كان في مساج داخلي كده تمام اتعدل بقى في قعدتك خلاص هتستحضر ابوك خياليا امامك وهتكلم ربنا في نفس الوقت اسمح لنفسك بالعتاب واتكلم براحتك ولو اندمجت في الكلام وعيط مش مشكله هتكلم ابوك الاول قول له كل اللي جواك حتى لو كلام سلبي حتى لو انت شايف ان الكلام ده فيه عدم احترام شويه بس ده هيكون جواك طلعه مش مشكله قول له يا بابا انا لما جيت الدنيا ما كنتش اعرف حاجه غير ان الاب سند ما كنتش طالب منك حاجات كتير كنت اتمنى بس تكون زي بقيه الاباء التعامل بالحسنى معايا ما كانش هياخد منك مجهود بالعكس اللي انت عملته فيا هو اللي اخد مجهود ويا ريته مجهود موفق كان مجهود مدمر دمرني نفسيا دمرني عصبيا انت كمان خسرت كتير من الثواب خسرت ثقتي فيك وخسرت حسنات من ربنا هو انت ما تعرفش ان الاباء شرعا لازم برض يبروا ابنائهم ولا انت ما بتسمعش بس غير بر الابن للاب اب انت خليتني ما اثقش في نفسي دايما كنت بتوريني اني اقل من غيري رغم ان غيري اصلا كان اقل مني في حاجات كتير لكن نظرتك كانت قاصر ولما انت كنت عايزني اكون زي فلان ولا علان ليه انت ما كنتش زي ابهاتهم ليه انا ياما بكيت لوحدي بعد زعيقك وضربك ليا وكنت مستني كل ليله على امل تيجي تطيب خاطري عشان احس واني ولو للحظه اني غالي عليك لكن للاسف خزلتني ماخبيش عليك انا بحب ربنا وبحب اسمع كلامه بس تصرفاتك مخلياني ابرك من غير نفس من غير حب انا ببرك عشان خاطر ربنا مش اكتر ولو عليا انا مش عايز ابرك اصلا طلع كل اللي جواك تجاه ابوك كله مهما كان بعدها توج وجه لله سبحانه وتعالى واخفي صوره ابوك الخياليه من امامك قول له يا رب انا تم ابتلائي وبصراحه انا عارف انه لا يكلف الله نفسا الا وسعها بس ليه انا حاسس انه ده كان فوق طاقتي ليه اصلا يحصل كل ده انا مش بعترض على قضائك وقدرك لكن ليه الناس اللي ما عندهاش استعداد تحب عيالها بتتجوز اصلا؟ هو مش البنون برده نعمه ورزق ابويا ما قدرنيش ليه؟ انا ممكن كنت اكون وحش او شخصيه غير سويه وكنت ممكن اروح انحرف ولا اهرب من البيت ولا اتجنف عقلي واذيه واروح فيه في داهيه لكن انا بحمدك يا رب وبشكر فضلك انك انقذتني من نفسي انقذتني من تصرفات طالعه من كميه غضب وتعب نفسي داخلي كبير قوي جوايا كنت ممكن حرفيا اعمل حاجه وحشه قوي تغير حياتي للابد للاسوا للقاع بعد ما تقول لربنا كل اللي نفسك فيه صحصح بقى بقى كفايه واستوب فضفضه لغايه هنا ابدا السند الداخلي والامتنان والتسامح ابدا شوف النصف المليان من الكوب ابدا اقلب الموازين لصالحك وجه كلامك لرب العالمين السند الوحيد الاوحد في الكون ده قول له على الرغم يا الله من كل الالم النفسي اللي تعرضت له الا انه انا بعد ما كنت شايف ان ده ابتلاء لقيت نفسي شايف ده نعمه ونعمه كبيره قوي كمان كل الناس الناجحه كل الانبياء كل الرسل كل اللي عملوا دور مؤثر وكبير في حياه ناس كانت طفولتهم وحياتهم قاسيه ما حدش عظيم وكبير كانت حياته سهله ابدا انا اتعلمت من قسوه ابويا ازاي اكون رحيم كنت على وشك اكون نسخه منه واكرر الماساه مع ابني اللي مالهوش ذنب لكن انا مبسوطه قوي يا رب انك زرعت الرحمه جوايا من خلال قسوه ابويا لان انا يا ربي مش مؤمن ابدا بمقوله فاقد الشيء لا يعطيه ابدا ابدا فاقد الشيء هو اكتر واحد يعطيه لانه حس بمراره الفقد ام كويس ان كل ده حصل عشان ماتعلقش الا بيك وحدك يا رب سبحانك عشان اتعلم الاعتماد على نفسي وما ادورش ابدا على نعمه الامان والحب بين الناس حتى لو كانوا اقرب الناس مافيش حد مضمون انت الوحيد اللي مصدر الامان والحب انا كمان مصدر الامان والحب انا هدي لنفسي كل حاجه عايزها وهستمد طاقه الامان والحب دي منك انت يا الله لانك انت اللي خليتني جل جلالك اصبر وانت اللي خلتني اقعد القاعده والجلسه دي ما هو مستحيل لو انا وحش هعمل الجلسه دي ده اكبر دليل على ان وعي عالي ومخي نضيف واستحق كل حاجه حلوه في الدنيا دي وكل ده بفضلك انت يا يا رب انا مبسوط يا رب لان شايف نفسي ناجي من التجربه مش ضحيه وفي فرق كبير قوي بين الناجي والضحيه انا نجوت بفضلك وبكرمك وبعفوك اتعلمت اعتمد على نفسي وابقى راجل اتعلمت اني اجيب القرش لنفسي ولا استنى الوالد دي بقشش عليا عارف يا ربي لو كان ابويا ده مدلعني يمكن ما كنتش عرفت اعتمد على نفسي زي دلوقتي انا دلوقتي اقدر اعيش من غير اي حد انا اللي الحمد لله ايدي العاليه دايما انا قوي بيك انت بس يا رب ومش هعيش حياتي مرهون ومتعذب عشان خاطر تصرفات شخص اخر انا هبني نفسي بنفسي واعتقد والحمد لله والشكر لله اني افضل حالا من ناس كتير والناس درجات يا الله كويس قوي ان الابتلاء جاه في ابويا ولا جاش مثلا في بتر عضو من جسمي ولا اني اتعرض لمرض بشع ولا اني حتى في اضعف الايمان اني اجرب القسوه من بعد الحب اه ايوه يا رب ما هو الناس قلابه كان ممكن ابويا قوي يكون واحد كويس جدا وبعدين يبقى واحد وحش ويصدمني فيه ويخزلني كان هيكون شعوري اصعب فالحمد لله حمدا كثيرا مباركا فيه انها وقفت لحد هنا يقيني فيك كبير يا رب ومتاكد انك مش هتخزل عبد لجا لك ورفع ايده وهو بيدي لك لانك سنه دي الوحيد في الحياه وكل اللي طالبوا منك انك تخليني افضل من اي وقت فات وتخليني اتعلم كويس من الابتلاء ده وهي الحياه كده بتمتحنك الاول وبعدها تتعلم عكس المدرسه وانا عايز انجح في الامتحان ده يا رب الحمد لله اني كويس قوي الحمد لله اني ماتجننتش ولا قررت انحرف زي ما في غيري عمل الحمد لله اني ما كنتش جبان وما انتحرتش الحمد لله قوي اني معتمده على نفسي الحمد لله على اني مش متعشم غير في ربنا وبقيت قادر اواجه اي صدمه في حياتي بمنتهى القوه والثبات وفوق كل ده الحمد لله على نعمه العقل واللجوء ليك دايما يا الله الحمد لله اني بعرف اشوف المميزات المستتره من من كل امتحان حضرتك بتديه لي لان ما فيش امتحان مر عليا الا لو بقيت قوي وافضل واشجع من الاول ارجع واقول ان الانكسار خير معلم والخزلان افضل مدرب للنفس لو ما كانتش روحي اتفتحت بشروخ القلم من جوه ما كانش النور هيوصل ليها ابدا النور دايما عايز فتحات يوصل من خلالها خلاص خلصت تمسك بقى صورتك وانت صغير تامل شكلك الجميل البريء براءه الطفوله اللي باينه في عينيك بشرتك الناعمه الطريه ووشك الصغنون وروحك الطاهره البريئه اللي باينه في الصوره بص على نفسك كنت عامل ازاي من عده سنوات كنت امور قوي صح كنت كيوت واجه الطفل اللي في الصوره واجه نفسك وناديه باسمك وليكن محمد مثلا كلمه قول له قول له الاتي حاجات كتير حصلت في حياتي ما كنتش عايزها تحصل عشان المشاعر الصعبه اللي انت اتعرضت بيها وليها وعشانها كل الحاجات والتجارب الحاليه اللي عماله تحصل لي ما هي الا ندائك لانك لسه تعبان يا محمود انت تعبت كتير قوي لكن انت قدرت تكبر قدرت تكون انا عارف يا محمد لو كنت تقدر تشوف المستقبل من عندك ما كنتش عيطت ولا نزلت دمعه واحده جايز قوي يا محمد انك ما عرفتش تجيب لنفسك حقها وانت صغير بس انا رحت فين؟ انا موجود وهعوضك كل حاجه كل لحظه مضت بسوء انا هنا جاي اعوضها لاني خلاص كبرت واتشد حيلي وبقى لي اراده انا عايزك ترتاح وتنسى لانك دلوقتي في وقت الحصاد وهتنبسط اخر انبساط على ضمانه الخالق اللي واقف جنبنا طول السنين اللي فاتت دي وكمان على ضمانه سعي ومجهودي وابني اللي هشوفك فيه اللي هيحمل ملامحي اللي انا شايفها فيك في الصوره دلوقتي هيكون ليك نصيب كبير قوي من السعاده اللي انا هعطيها لابني سيب الصوره وبعدين بص لنفسك في المرايه تامل جمالك تامل نظره القوه والتحدي في عينيك نظره النضج نظره المرور بعد الصعاب قول بسم الله ما شاء الله زينت يا رب خلقي كما زينت خلقي تامل جسمك بعد ما كبر اسمع صوتك وهو كبير وفيه نبره القوه والكبر بعد ما كان رفيع زي الطفل قارن بين نفسك وانت دلوقتي وبين صورتك اللي انت كنت ماسكها انت شخص قوي وربنا نفخ في صورتك وخلاك قدوه لنفسك قبل ما تكون قدوه لغيرك ابتسم لنفسك في المرايه وقول فعلا المثل اللي بيقول ليس الرجل من يقول هذا ابي بل من يقول ها انا ذا ها انا ذا بعد ما تبتسم لنفسك وتبص بسعاده في عيونك بمنتهى الحماس والقوه والفخر باللي انت وصلت له من قوه نفسيه وصمود وقف كل حاجه خلاص خلصنا اتوضى وصلي ركعتين شكر على كل شيء وطبعا انتم عارفين هتعملوا ايه بعد الركعتين دول هتفتحوا النور العادي بتاع الاوضه وتطفوا النور الخاف ونفتح بقى الشيكولاتات والشيبسيهات ونشغل مزيكه ومهرجانات ونشغل كمان نمبر وان لو عايزين هتحسوا بفرق رهيب وهايل خدوا وقتكم في التمرين ده على قد ما تقدروا التمرين ده يتعمل مرتين في الاسبوع او مره انت واحتياجك وكل مره اعمله لغرض او ذكرى مضايقاك في حياتك زي ما انا قلت ان شاء الله علامات نجاح التمرين هتكون في منشور هيتحط على الانستغرام بس هو مش محطوط دلوقتي بس اول ما احطه هحط الرابط بتاعه في منتدى اليوتيوب عشان تشوفوه وان شاء الله هيكون جاهز خلال اسبوع او الاسبوع الجاي ان شاء الله عشان تطمنوا على نفسكم وتعرفوا نجحتوا في التمرين ولا لا اتمنى فعلا الحلقه تكون افادتكم وعجبتكم ولو عجبتكم فعلا ما تنسوش اللايك يا امورين وللزوار الجدد لو عجبكم محتوى القناه وحبيتوا تشرفوني بارواحكم الجميله هنا عندي ما تنسوش تشتركوا فيها وتفعلوا زرار الجرس عشان يوصلكم كل جديد سلام كم