The Median in Statistics A simplified explanation and practical examples for data analysis

تخيل معايا انك ديتا انالست والسيلز مانجر طلب منك لو سمحت انا عايزك تديني تقرير في رقم واحد بس بيلخص لي اداء فريق المبيعات انت طبعا كديتا انالست تروح تتجمع الارقام وتحسب الارثماتيك مين او الافريج وهوب يطلع لك رقم كبير وتروح تسلمه ويقول لك عاش هو ده الفريق عامل اداء زي الفل ولكن في الحقيقه انت ضحكت عليه المشكله ان البيانات اللي انت حللتها كان فيها اوت لايرز او قيمه او قيمتين شواز عن بقيه المجموعه خلت الافريج يعكس صوره وهميه او صوره مضلله ولما يكون عندنا اوت لايرز دي هنا بنستخدم حاجه اسمها الميديان او الوسيط وده بيكشف الحقيقه كامله ان شاء الله في الفيديو ده هتفهم الوسيط بالامثله الواقعيه وهتعرف ايه الفرق ما بينه وما بين الافريج وكمان امتى تستخدمه وامتى لا يلا بينا ام في كم سؤال كده بيدور في دماغك زي كل حلقه ازاي الوسيط بيدي صوره مختلفه تماما عن المتوسط هل الوسيط او الميديان دايما ادق ولا ساعات بيطلع في ستك وكمان امتى يكون استخدامه غلط ويضرك في التقرير بتاعك. خلينا في البدايه ناخد المثال ده. البيانات اللي ظهرت قدامك على الشاشه هي بيانات للموظفين اللي المدير طلب منك ان انت تطلع له رقم واحد يعبر له عن الفريق كله. خلينا كده في البدايه نحسب المتوسط وهو المجموع على العدد فهيطلع 1917. المدير بقى لما يجي يشوف الرقم ده يقول لك اه والله طب كويس 1917 ده اداء زي الفل. فكده كل موظف بيعمل حوالي 1917 ولكن في الحقيقه ان من موظفين عاملين اقل من 1200 فبالله عليك ده يرضي ربنا طيب نعمل ايه هنا بقى يجي دور الباشا بتاعنا الوسيط اول حاجه عشان نستخدم الوسيط بنرتب الارقام وبعد كده بنطلع متوسط القيمه بتاعتنا وفي الحاله بتاعتنا دي احنا ما عندناش رقم بعينه احنا عندنا رقمين لان توتال الارقام هو توتال عدد زوجي انما الوسيط بيقسم الديتا ست المجموعتين بنفس العد عدد يعني لو عندي 11 قيمه الوسيط بيخليهم لي خمسه وخمسه انما انا عندي هنا 10 قيم او 10 موظفين فبالتالي مش هجيب منتصف القيمه ولكن هاخد القيمه اللي في النص واللي قبلها رقم خمسه وسته وهجمعهم مع بعض وهقسمهم على عددهم كده انا طلعت الوسيط وطبعا لو انت بتشتغل على اكسل فعندنا معادله الميديان بتوفر عنا كل الوش ده هنا بقى النتيجه طلعت ايه 100 او خلينا نقول حوالي 1000 على العكس الاولاني 1900 فهنا الوسيط ادانا صوره ادق من المتوسط لان هو تجاهل الاوت لايرز او القيم الشذ واللي هي في الحاله بتاعتنا دي هي اخر قيمه عندنا في الداتا ست وهي 10000 امتى بقى نستخدم الوسيط زي المثال اللي احنا استخدمنا فيه دلوقتي الوسيط لما يكون عايزين نطلع رقم بيمثل مجموعه ولكن في قيم شاذه او اوت لايرز وكمان لو عندنا بيانات مش متوزعه بالتساوي على سبيل المثال زمن التوصيل مره 25 دقيقه مره 30 دقيقه مره 28 دقيقه مره 27 دقيقه ومره 90 دقيقه فهتلاقي هنا ان البيانات مش متوزعه او في تفاوت ما بينهم فهنا لو جينا حسبنا المتوسط هيطلع 40 دقيقه لان احنا ممكن برده نحسب ان ال 90 دي اوت لاين فده برده مشترك مع العامل اللي قبله ولكن لو جينا بقى حسبنا الوسيط هيطلع 28 دقيقه وهي القيمه اللي في النص وده طبعا اقرب للواقع كده احنا عرفنا امتى نستخدم الوسيط طب امتى بقى ما نستخدموش اول حاجه لما يكون عندنا البيانات متوزعه بشكل طبيعي زي مثلا درجات امتحان هنا المتوسط الحسابي هيكون ادق ليه؟ لان التفاوت ما بين كل درجه ودرجه مش كبير كذلك لما يكون ما عندكش ارقام كبيره تقدر تقارن ما بينهم مثال مثلا لو عندك رقمين وعايز تطلع متوسطهم بس رقم كبير ورقم صغير الخلاصه الوسيط هنا مناسب جدا لو في قيم شاذه او البيانات مش متساويه انما لو البيانات عندك متوزعه بشكل طبيعي وما فيش فروقات كبيره ما بينهم فاذا المتوسط هنا هيكون احسن حل وكمان لو عايز تعرف الفرق ما بين المتوسط الموزون والمتوسط الحسابي هسيب لك الحلقه دي تتفرج عليها هت هتفيدك جدا فلو عجبك الفيديو اعمل لايك وشير وسبسكرايب وفعل زر الجرس عشان تتابع معانا سلسله افهم يا احسن