الخصائص الفيزيائية للتيار الكهربي للصف الثالث الاعدادي علوم ترم تانى 2026

ربي اشرح لي صدري ويسر لي امري واحلل عقده من لساني يفقه قولي السلام عليكم ورحمه الله وبركاته اعزائي طلاب بالصف الثالث الاعدادي في كل مكان في الجمهوريه معاكم مستر احمد السعدي مدرس العلوم والكيمياء بالاسكندريه على منصه هنذاكر اون لاين برحب بيك في وحده جديده الحمد لله رب العالمين خلصنا يا مستر الوحده الاولى خلصناها وراجعناها وحلنا عليها اسئله قويه جدا ويلا بينا يا مستر نخش في الوحده الثانيه وعايزك كده تبشرنا الوحده الثانيه رخمه ولا لذيذه لا يا عم الوحده الثانيه من امتع الوحدات اللي انت هتاخدها معايا ان شاء الله باذن الله بتتكلم عن التيار الكهربي وحده حتى هتفيدك جدا انت في حياتك وهتعرف فيها شويه معلومات هتنفعك فيما بعد دروس الوحده دي مش كبيره دروس الوحده صغيره واسئلتها سهله وحلوه وهتحبها جدا جدا باذن الله رب العالمين بس يعني عايزك كده ترجع بدورك لورا وتركز معايا على قد ما الوحده حلوه والدروس بتاعتها جميله على قد ما هي فيها مسائل على قد ما هي فيها قوانين عايزك بس تبقى مركز في القوانين معايا ومركز في المسائل كويس جدا مش اكت ولا اقل وكالعاده ارجع بدارك لورا وصلي بينا على النبي وكوبايه الشاي بتاعتك اللي في الخمسين ويلا بينا بينا نبدا الحصه بتاعتنا مستر الوحده بتاعتنا مكونه من ثلاث دروس الدرس الاول النهارده هناخده مع بعضينا اللي هو بعنوان التيار الكهربي او الخصائص الفيزيائيه للتيار الكهربي عايز اعرف يا مستر يعني ايه كهربا ايه هي الكهربا وايه خصائصها واحده واحده كده بالراحه طيب تعالى يا عم علشان تعرف يعني ايه كهربا انت زمان وانت صغنن كنت بتاخد ان اي ماده في الدنيا ربنا خلقها بتتكون من جزيئات صح وان جزيئات بتتكون من حاجات اصغر منها اسمها الذرات طب الذرات دي لما اخدتها في اولى اعدادي كنا بنقول لك عليها ايه كنا بنقول لك ده شكل الذره الذره بتتكون من نواه والنواه ديت موجبه الشحنه قاعد جوه منها بروتونات وقاعد جوه منها نيترونات وبيدور حوالين النواه شويه الكترونات والالكترونات ديت هي جسيمات صغيره جدا يعني حجمها ضئيل وكتلتها ضئيله سالبه الشحنه بتدور حول النواه في مستويات الطاقه ده تركيب الذره اللي انت عارفه من وانت صغير كلام جميل مستر ايه علاقه ده بالكهرباء تعال اقول لك حبيبي الطالب الجميل المحترم ما سالتش نفسك سؤال هو ايه اللي بيخلي الالكترونات تدور حول النواه يا مستر؟ ادي النواه اهيت. النواه ديت بيدور حوالين منها شويه الكترونات في مستويات الطاقه ليه الالكترون بيدور حوالين النواه هي النوا ماسكه عليه زله قاللك لا لا سمح الله بس في قوه تجاذب النواه جذب الالكترون النواه دي شحنتها موجبه حبيب قلبي وانت عارف ما بين الموجب وما بين السالب قوه تجاذب فالنواه بتحاول ان هي تجذب الالكترون فالالكترون يفضل يلف حوالين منها طب بقول لك ايه ما تيجي انا وانت غير كده نتخيل مع بعضينا سيناريو بسيط ماذا لو انت يا نواه القوه بتاعتك قوه الجذب بتاع بتاعتك قلت جدا جدا جدا خلاص مش قادره انك تجذبي الالكترونات ايه اللي هيحصل الالكترون دوت بعد ما هو كان راجل ملتزم وبيدور حوالين منك خلاص انت مش هتبقي ماثره عليه ما فيش قوه جذب اصلا فهيبدا الالكترون يسيب المستوى اللي هو بيدور فيه خالص ويتحرر يتحرر يعني يسيب الذره ويتحرك حركه عشوائيه زي ما هو عايز ده لو قوه التجاذب اللي ما بين النواه وما بين الالكترونات قلت ايوه يا مستر تمام كلام جميل هو ده حبيب قلبي فكره عمل التيار الكهربي الكهربا بتاعتنا اللي ماشيه عند حضرتك وبتنور لك اللمبه هي عباره عن ايه؟ عباره عن تيار كهربي في اسلاك الاسلاك عند حضرتك ديت بصنعها مثلا وليكن من فلز النحاس طب ليه؟ قال لك النحاس بيتميز بالاتي ان قوه التجاذب ما بين النواه وما بين الالكترونات بتكون ضعيفه مما يؤدي الى تحرير الالكترونات يعني الالكترونات بتتحرر بتسيب الذره خالص فتبدا تمشي حركه حره جوه السلك السلك بتاعك لغايه ما تنور لك اللمبه او الجهاز اللي انت عايزه هي دي فكره تويد التيار الكهربي فلما اتكلمت عنها قلت عليها ايه قلت لك والله لما بتضعف قوه التجاذب ما بين النواه والالكترونات بتتحرك الالكترونات الموجوده في اخر مستوى طاقه ويطلق عليها اسم الالكترونات الحره وعلى هذا الاساس تصنع اسلاك التوصيل الكهربي من فلزات ركز تتميز بضعف قوه التجاذب بين النواه وبين الالكترونات قوه التجاذب ما بين النواه والالكترونات ضعيف شبه النحاس وعند توصيل تلك الفلزات بمصدر كهربي لما همسك بقى السلك وابدا ان انا احطه في مصدر كهربي اوصله عند حضرتك في البطاريه بتاعتك او في مصدر الكهرباء بتاع الشقه بتاعه حضرتك خلاص قوه التجاذب اللي ما بين النواه وما بين الالكترونات جوه سلك النحاس بتنهار ما فيش قوه تجاذب فالالكترونات اللي في مستوى الطاقه الاخير بتتحرر بتسيب النواه وتفضل ماشيه جوه السلك وبقى انا كده ولدت تيار كهربي يبدا ان هو يشغل الاجهزه الكهرب الكهربائيه اللي ايه اللي عندي ومن هنا عزيزي الطالب الجميل لو احنا عايزين نعرف التيار الكهربي يعني ايه تيار كهربي قال لك هو تدفق الشحنات الكهربيه تدفقها يعني سريانها ممكن اقول تدفق الشحنات الكهربيه او الالكترونات السالبه الاثنين حاجه واحده خلال الاسلاك المعدنيه في الدوائر المغلقه واحد يقول لي يعني ايه دائره مغلقه هقول لك لا استنى بقى اجر ارجع كده بذكرياتك الجميله وانت في سنه هه ابتدائي كنت واخد حاجه اسمها الدائره الكهربيه ده المسار المغلق اللي بتمشي فيه التيار الكهربي اللي كان بيتكون تعال كده افكرك كان بيتكون مثلا من البطاريه بتاعتك اللي هو مصدر التيار الكهربي وكان مصدر التيار الكهربي انا ببدا ان انا اوصله باسلاك وممكن يبقى في عندي كده مصباح كهربي وما تنساش ان انا عندي الكوبس بتاعي او المفتاح وكنت بقفل الدائره الكهربيه بتاعتي الدائه الكهربيه المشهوره اللي انت كنت بتاخدها وانت صغير الدائره الكهربيه دي هي اللي بيمشي فيها التيار الكهربي فلما اجي اعرف التيار الكهربي هقول عليه هو تدفق الشحنه الكهربيه او الالكترونات السالبه خلال الاسلاك المعدنيه في الدوائر الايه؟ في الدوائر المغلقه كلام جميل عزيزي الطالب المحترم اللي ما فيش منك اثنين تعالى كده نفتكر مع بعضينا الدائره الكهربيه بتتكون من ايه بص يا حبيبي الدائره الكهربيه لازم يبقى فيها مصدر للتيار الكهربي حاجه تديني كهربا وهنا قدامي حاجه من الاثنين يا اما عندي حاجه اسمها العمود الكهربي يا اما عندي حاجه اسمها البطاريه طب ايه الفرق ما بينهم العمود الكهربي خليني اقول لك الحجاره اللي انت عارفها اللي هي بتتكون من قطبين قطب موجب وقطب سالب ودي في الدائره الكهربيه برمز لها بالرمز ده يا شباب ده منظر العمود الكهربي بعمل شرطه كبيره وشرطه صغيره الشرطه الكبيره ده القطب الموجب والشرطه الصغيره ده القطب السالب وببدا بعد كده اوصلها بالايه عند حضرتك بالسلك بتاعك ده العمود الكهربي تحت العمود الكهربي في عندي حاجه اسمها البطاريه البطاريه دي كذا عمود كهربي متصلين مع بعض هتقول لي طب هوصلهم ببعض ازاي هقول لك ده اللي انت هتعرفه في الدرس الثاني ان شاء الله باذن الله وبرمز لها في الدائره الدائره الكهربيه بالرمز ده بص عند حضرتك ادي عمود ورا منه عمود ورا منه عمود ورا منه عمود والى اخره والى اخره كلهم متصلين مع بعض في الدائره الكهربيه يبقى ده كده منظر البطاريه لكن ده منظر العمود الكهربي في الدائره الكهربيه عشان لما نجي لك المسائل تبقى عارف كل رمز ايه بيعبر عن ايه عندي المصباح الكهربي ودوت فايدته الاستدلال على مرور التيار الكهربي حيث بيحول طبعا الطاقه الكهربيه لطاقه ضوئيه وغالبا بيجيب لك رمزه في الدائره الكهربيه بالمنظر دوت ده عند حضرتك منظر منظر المصباح الايه؟ الكهربي. طيب عندي بعد كده المفتاح اللي هو الكبس ايه اللي بتحكم من خلاله في فتح وغلق الدائره فمهم جدا تعرف اهميه المفتاح الكهربي التحكم في فتح وغلق الايه عند حضرتك الدايره وبرمز له عند حضرتك في الدايره الكهربيه بالرمز اللي انت شايفه دوت هتلاقي دايما كده في حلقتين ضامين على بعض لو انا عملت كده هوت ده معناه ان المفتاح بتاعك خد بالك مفتوح لكن لو لمست الاثنين لبعض بالمنظر ده يبقى ده معناه ان عند حضرتك المفتاح ماله مغلق والمفتاح لما يبقى مغلق خد بالك ده مش معناه ان النور مطفي مفتاح مغلق ده معناه ان الدايره الكهربيه كلها متوصله ببعضيها يعني انت دلوقتي اثناء ما النور بتاع حضرتك في الاوضه شغال ده معناه ان المفتاح بتاعك مغلق اه انا فاهم ان انت فاتح النور انت بالعاميه اسمك فاتح النور بس فاتحها دي معناه ان انت مخلي المفتاح جوه الدايره متصل ببعضه مقفول كده اهو فالدائه الكهربيه تبقى كلها مغلقه فبيبدا ان هو يمشي ويتدفق فيها التيار الايه؟ الكهربي لكن لما اقول لك طفي النور وتدوس على الكبس انت بتفتح المفتاح بتفتح المفتاح يعني خلاص التيار الكهربي مش هيعرف يمشي جوه الايه؟ جوه الدائره الكهربيه اخر حاجه عندك واهم حاجه طبعا في الدائره الكهربيه وهو السلك اللي هيمشي فيه التيار الكهربي سلك التوصيل وبرمز له في الدائره الكهربيه بالرمز دوت عند حضرتك لو دوت عمود جاف فببدا ان انا اطلع ايه؟ اطلع عند حضرتك خط كده من العمود الجاف ده يدل على السلك الايه؟ الكهربي كلام جميل طيب عزيزي الطالب الجميل المحترم اللزوز تعال بقى نتكلم مع بعضينا على خصائص التيار الكهربي التيار الكهربي اللي احنا بنتكلم عنه دوت يا شباب ليه شويه خصائص فيزيائيه هبدا اتكلم عنها واحده واحده في الدرس بتاعنا مجرد ما اخلصها يبقى الدرس الاول انتهى هتكلم على حاجه اسمها شده التيار هتكلم على حاجه اسمها فرق الجهد وهتكلم على حاجه اسمها المقاومه الكهربيه همسك حاجه حاجه وافنطها لك وعايزك تركز معايا كويس جدا جدا بسم الله نبدا برقم واحد شده التيار او اللي بيقولوا عليه بالانجلش كارنت انتنستي ركز كده واحده واحده بالراحه دي معناها ايه انا ساعات اقول لك التيار جاي شديد عندك في السلك لا التيار شدته ضعيفه يعني ايه شده التيار يعني ايه قوه التيار تعال ابسطها لك واحده واحده كده هو التيار الكهربي ده عباره عن ايه عباره عن شحنات متدفقه عباره عن الكترونات سالبه ماذا لو كميه الالكترونات اللي ماشيه جوه السلك كانت كتيره جدا جدا جدا يعني الالكترونات بتتضخ بكميه كبيره في الحاله دي هبدا اقول عند حضرتك ان التيار شدته عاليه طب ماذا لو ان الالكترونات اللي ماشيه جوه السلك كانت كميتها ضئيله وضعيفه ففي الحاله دي هقول ان التيار شدت ته عند حضرتك ضعيفه او منخفضه ومن هنا يجي لنا تعريف شده التيار قال لك شده التيار الكهربي هو كميه الكهربيه كميه الشحنات كميه الالكترونات المتدفقه اللي ماشيه عبر مقطع من موصل يعني ماشيه في حته سلك خلال الثانيه الواحده او خلال وحده الزمن ده تعريف شده التيار وفي فرق ما بين شده التيار وما بين التيار نفسه التيار نفسه لما هعرفه تقول لي ايه تدفق الشحنات الكهربيه عبر موصل لكن شده التيار لا دي كميه بقى الكهربا اللي ماشيه كميه الكهربيه المتدفقه عبر مقطع من موصل خلال الثانيه الواحده وتبقى انت فاهم كلمه كميه الكهربيه اقصد بيه الشحنات او اقصد بيه الالكترونات كلام جميل جدا طيب مستر احسب شده التيار ازاي ايه ده هي شده التيار عندكم بتعرفوا تحسبوها في العلوم اه طب ازاي الكلام ده قال لك بطريقتين طريقه مباشره باستخدام جهاز والجهاز ده هعرفك عليه كمان شويه واسمه الاميتر الجهاز دوت بوصله في الدائره الكهربيه وبيبدا ان هو يقرا على طول اوتوماتيك شده التيار عندي بقى طريقه غير مباشره طريقه غير مباشره يعني قانون تحفظه من خلاله تعرف تجيب شده التيار بس عايزك تركز في القانون كويس جدا القانون عند حضرتك بيقول لك شده التيار بتساوي كميه الكهربيه او الشحنات الكهربيه على الزمن بالثانيه وانا عارفك بتحب المثلثات تعالى بص يا حبيب قلبي ادي المثلث بتاعك الجميل اهو شده التيار علشان تبقى عارف انا برمز لها بالرمز ت كمل بتساوي كميه الكهربيه انا برمز لها بالرمز ك على الزمن عارفينه اللي انا برمز له بالرمز ز كلام جميل كده حلو حبيبي الطالب المحترم خد بالك ان كل واحده من الثلاثه دول ليها عندي وحده قياس بس خد بالك بقى استنى واحده معايا انت اكيد مترجم ان في المساله مش شرط اقول لك احسب شده التيار على طول ممكن في مره اقول لك احسب كميه الكهربيه او ممكن في مره اقول لك احسب الزمن ولو طلبتهم منك انت عارف هتمشي ازاي لو قلت لك هات كميه الكهربيه هتخ خبيها الحاجه اللي انا عايزها بخبيها على طول خبي الكهربيه يبقى بتساوي شده التيار في الزمن طب لو قلت لك هات الزمن يبقى كميه الكهربيه على شده التيار طب لو انا عايز شده التيار خلاص يبقى هقسم كميه الكهربيه على الزمن وحدات قياسهم ايه تعالى اقول لك حبيبي شده التيار وحده قياسه الامبير كميه الكهربيه وحده قياسها حاجه اسمها الكولوم وعندي الزمن وحده قياسه الثانيه ومش بشتغل الا بالثانيه خد بالك لا بشتغل بالدقائق ولا بشتغل بالساعات طيب حبيبي عندي وحدات قياس ثانيه عايزك تاخد بالك منها ركز كده واحده واحده بالراحه شده التيار وحده قياسه الامبير ماشي دي حاجه احنا متفقين عليها وكميه الكهربيه اتفقنا ان وحده قياسها الكولوم والزمن وحده قياسه الثانيه انا عايزك تترجم معايا حاجه كده صغيره هتشوفها معايا واحنا بنحل المسائل الامبير دوت ممكن اقول لك بيكافئ وحده قياس ثانيه الا وهي هو الامبير ده اللي هو شده التيار عباره عن مين عن مين عباره عن كميه الكهربيه على الزمن كميه الكهربيه بالكولوم والزمن بالثانيه فانا ممكن اقول لك الامبير بيساوي وحده ثانيه اسمها كولوم على ثانيه او كولوم لكل ثانيه صح يبقى الكولوم على ثانيه هو مين؟ هو هو الامبير لان انا كده قسمت كميه الكهربيه على الزمن نفس الكلام في الكولوم هو الكولوم ده وحده قياس مين؟ وحده قياس الكميه الكهربيه حلو طب الكميه الكهربيه اصلا بتساوي مين في مين؟ بتساوي شده التيار في الزمن فانا ممكن اقول لك ان الكولوم بيساوي وحده قياس جديده اللي وحده القياس الجديده اللي هو بيساويها الا وهي الامبير في ثانيه يعني لو جبت لك في الامتحان وقلت لك امبير في ثانيه دي تكافئ وحده مين؟ تقول لي تكافئ وحده الكولوم والكولوم ده اللي هو وحده قياس مين؟ ووحده قياس الكميه الكهربيه فعايزك تبقى مترجم جزئيه وحدات القياس كويس طيب صلي على الحبيب اللي هيشفع فيك دلوقتي انت في حاجه جديده عليك اول مره تاخدها في العلوم احنا ازاي نعرف وحده القياس احنا طول عمرنا عارفين ان احنا اه ممكن نعرف شده التيار نعرف كميه الكهربيه لكن نعرف وحده قياس دي جديده شويه عليا وتعال بقى اعلمها لك وافت افتكرني بيها كده من هنا لغايه ما ربنا يكرمك وتخش الكليه. انا لو عايز اعرف وحده قياس ركز معايا هحط كل حاجه في القانون بواحد. مش فاهم يعني ايه؟ يعني مثلا لو انا عايز اعرف الامبير انا هسال نفسي سؤال الاول هو الامبير ده وحده قياس مين؟ هترد عليا وتقول لي الامبير ده وحده قياس شده التيار حلو فهبدا كلامي بيه هقول الامبير هو شده التيار الناتجه عن ركز بقى هو بيساوي كميه الكهربيه على الزمن بالثانيه صح يبقى الناتجه عن مرور كميه كهربيه مقدارها واحد كولوم خلال زمن قدره 1 انيه ثاني لما هعرف وحده القياس هحط كل حاجه في القانون بواحد انا عايز اعرف الامبير فهسال نفسي انت يا امبير وحده قياس مين هتقول لي انا وحده قياس شده التيار فهبدا كلامه واقول هو شده التيار كمل بقى الناتج عن مرور انا عارف ان شده التيار بتساوي كميه الكهربيه على الزمن يبقى الناتج عن مرور كميه كهربيه مقدارها واحد كولوم خلال زمن قدره واحد ايه واحد ثانيه طب تعالى العب معايا لعبه الكولوم تعرف لي الكولوم اه استنى واحده واحده كده بالراحه هو الكولوم ده وحده قياس كميه الكهربيه جدعه فهبدا كلامي واقول تعريف الكولوم هو كميه الكهربيه الناتجه عن تيار شدته 1 امبير في زمن قدره واحد ايه واحد ثانيه ادي كميه الكهربيه المنقوله بتيار شدته 1 امبير خلال واحد ثانيه يبقى لما هقول لك عرف لي اي وحده قياس وحده القياس انت بتعرفها من القانون ذات نفسه من خلال انك بتحط كل حاجه في القانون بكام بواحد كلام جميل جدا وطبعا مش محتاج محتاج اقول لك اللي انا في الجزئيه دي ممكن اقول لك سؤال ما معنى ما معنى ان مثلا شده التيار الكهربي بتساوي 5 امبير وطبعا مش محتاج اقول لك انك في الجزئيه دي ممكن يجي لك سؤال ما معنى اقول لك ما معنى ان شده التيار الكهربي 5 امبير فانت كده هتعرف شده التيار فهترد عل بالتعريف اللي احنا خدناه هتقول لي اي ان بس ركز في اللي جايه دي اي ان كميه الكهربيه المتدفقه عبر مقطع من موصل خلال الثانيه الواحده بتساوي خمسه كولوم ايه ده استنى استنى انا قلت لك ما معنى ان شده التيار 5 امبير فاحنا عرفنا شده التيار شبه متعودين من الترم الاول المستر كان معلمنا سؤال ما معنى انا بقول التعريف لو في رقم واحد صح شده التيار عند حضرتك بتساوي 5 امبير فانا هعرف شده التيار فهقول له اي ان كميه الكهربيه ركز في دي انا بدات كلامي بايه كميه الكهربيه كمل كده تعريفك المتدفقه عبر مقطع من موصل خلال ثانيه واحده هتساوي الخمسه اللي انا قلتها لك في المساله بس خمسه ايه مش هتقول 5 امبير انا بدات كلامي بكميه الكهربيه فهنهي كلامي بوحده قياس كميه الكهربيه اللي هي وحده قياسها ايه عندك الكولوم ده يعني لو حاب يجيبها لك في المساله تبقى انت واخد بالك منها كلام جميل حبيبي الطالب المحترم علشان نبقى متفقين انا ممكن احسب شده التيار بطريقه مباشره بجهاز عند حضرتك اللي انت شايفه ده جهاز بسميه باسم الاميتر جهاز الاميتر اهميته قياس شده التيار الكهربي بوصله في الدائره الكهربيه بطريقه التوالي ولو انت نسيت توالي وتوازي فانت هتاخدها بالتفصيل باذن الله في الدرس الثاني بس عشان تبقى انت عارف توالي يعني بوصله في نفس السلك بتاع الدائه الكهربيه توازي يعني في سلك ثاني خالص يعني على سبيل المثال لو ديت عند حضرتك دايره كهربيه اهيت فالدائره الكهربيه بتاعتي الاميتر بيتوصل فيها بالمنظر ده على التوالي يعني في نفس السلك لكن الفولتميتر ده حاجه ثانيه جهاز حمده مثلا فيما بعد ده بيقيس حاجه اسمها فرق الجهد ده لما بوصله انا بوصله على التوازي التوازي دوت يعني بطلع له سلك تاني خالص مثلا بالمنظر ده كده اهوت ادي الدائره الكهربيه فقوم جاي هنا مطلع سلك ثاني وحاطط الجهاز بتاعي ده التوازي لكن دوت التوالي اعرفها بالطريقه ديت لغايه بس ما نوصل للدرس الثاني باذن الله فدلوقتي تبقى انت حافظ ان الاميتر ده بيقيس شده التيار الكهربي وبيوصل في الدائره الكهربيه على التوالي وبرمز له في الدائره الكهربيه بالرمز ده اول ما تلاقي حرف الاي يبقى انا كده بقول لك ان انا عندي هنا جهاز اميتر وبيبقى ليه قطبين قطب موجب وقطب ايه وقطب سالب كلام جميل جدا طيب تعالى كده يا مستر ناخد مساله على شده التيار ونشوف احنا هنعرف نحلها ولا لا اولا بس افكرك بالقانون كده خليك جنب منك ادي شده التيار بتساوي كميه الكهربيه على الزمن بالثانيه يلا بينا احسب شده التيار ارمار في موصل عندما يسري بين طرفي شحنه كهربيه مقدارها 10 كولوم خلال خمس ثواني خلاص الموضوع بسيط الحاجه اللي انا عايزها هخبيها انا عايز شده التيار خبي شده التيار هتساوي كميه الكهربيه على الزمن بالثانيه بتساوي كميه الكهربيه على الزمن بالثانيه كميه الكهربيه ب 10 كولوم الزمن بخمس ثواني يديني اثنين وحده قياس شده التيار الامبير كلام جميل السؤال اللي بعده بيقول لي احسب شده التيار الناتج عن مرور كميه كهربيه مقدارها 5400 كولوم لمده نص دقيقه اتفقنا ان انا ما بشتغلش بالدقائق يا شباب خالص انا بشتغل بالثواني طب هي الدقيقه فيها كام ثانيه 60 يبقى النص دقيقه تعمل كام ثانيه جدع تعمل 30 ثانيه فهبدا اقول له خلاص شده التيار هتساوي كميه الكهربيه على الزمن بالثانيه كميه الكهربيه عندي 5400 كولوم الزمن مش هقول له نص دقيقه الزمن عندك على 30 ايه 30 ثانيه يطلع الناتج وتحط جنب منه وحده القياس اللي هي الامبير السؤال اللي بعده بيقول لي احسب كميه الكهربيه بالكولوم الناتجه عن مرور تيار كهربي شدته 8 امبير لمده ثمان ثواني في موصل معدني ادي التيار بيساوي كميه الكهربيه على الزمن بالثانيه انا دلوقتي يا شباب عايز كميه الكهربيه نفسها يبقى هخبي كميه الكهربيه وهداريها هلاقيها بتساوي شده التيار في الزمن شده التيار في الزمن شده التيار عندك ب 8 امبير في الزمن ثمان ثواني يديني 64 ودي كميه كهربيه ها يبقى وحده قياسها علمها بحرف الكيه كهربيه يبقى وحده قياسها كولوم طيب احنا يا مستر قلنا في الخصائص بتاعه التيار الكهربي عندنا ثلاث خصائص عندنا شده التيار وعندنا فرق الجهد وعندنا المقاومه الكهربيه احنا دلوقتي اتكلمنا على شده التيار وعرفناه عايزين نعرف يعني ايه كلمه فرق الجهد قبل ما تعرف فرق الجهد لازم تعرف يعني ايه كلمه جهد كهربي ذات نفسه تعالى كده هوصل لك المعلومه ببساطه لو انا حبيب قلبي عندي موصلين عندي سلكين يعني ادي الموصل الاولاني وادي الموصل التاني ركز بس كده معايا واحده واحده بالراحه ايه الموصلين دولت انا هبدا ان انا اوصل الاثنين ببعض او انا هلحم الاتنين في بعض مثلا ركز معايا السلك دوت هنفترض ان هو ليه جهد كهربي مرتفع هتقول لي يعني ايه جهد مرتفع اقول لك ابسطها اقول لك يعني السلك دوت قوي يقدر يستحمل جوه منه شحنات كهربيه كتيره في المقابل السلك التاني جهده الكهربي منخفض ضعيف ما يقدرش يتحمل جوه منه كهربا عليه مثلا يعني خلينا متفقين ان انا عندي موصلين الموصلين دولت مختلفين في الجهد واحد بيبقى جهده مرتفع والتاني بيبقى جهده منخفض واحد قوي والتاني ضعيف والاثنين عايز ان انا اوصلهم ببعض ايه اللي هيحصل لما اوصلهم ببعض قاللك ركز معايا هتبدا الكهربا او التيار الكهربي ينتقل من الجهد المرتفع الى الجهد المنخفض تاني تاني لما هوصل الطرفين او الموصلين ببعض هتبدا يسر التيار الكهربي من الموصل ذات الجهد المرتفع الى الموصل ذات الجهد المنخفض كلام جميل ومن هنا انا لو عايز اعرف التيار الكهربي ذات نفسه او الجهد الكهربي عفوا هقول على الجهد الكهربي هي حاله الموصل اللي هتحدد او اللي هتبين انتقال الكهرباء منه او اليه اذا ما وصل بموصل اخر يعني ايه؟ يعني انا دلوقتي معايا سلك اهو عايز اوصله بسلك ثاني ده فيه كهربا وده فيه كهربا انا بقى عايز اعرف الكهربا هتروح لمين؟ للثاني مين اللي هيحدد الكلام ده؟ حاجه عندك اسمها الجهد الكهربي الجهد الكهربي ايه اللي هيحدد والله لو انت يا سلك ي معايا جهدك الكهربي مرتفع يبقى الكهربا هتتحرك من الجهد المرتفع تروح للجهد المنخفض يبقى اذا الجهد الكهربي دي حاله الموصل اللي هتحدد اللي هتشرط اللي هتبين كيفيه انتقال انتقاد الكهرباء منه او اليه اذا ما وصل بموصل ايه بموصل اخر كلام جميل جدا ركز معايا قال لك وانتقال الشحنات الكهربيه من موصل لاخر يعتمد على وجود فرق في الجهد الكهربي وليس على كميه الكهربيه نفسها يعني علشان خاطر تنقل الكهربا من موصل لموصل ثاني الموضوع مالوش اي علاقه بكميه الكهرباء او بعدد الشحنات الموضوع كله بيعتمد على الجهد فقط مين اللي جهده كبير ومين اللي جهده صغير وشبه ما انت شايف تنتقل الشحنات الكهربيه من الموصل المصل الاعلى جهدا الى الموصل الاقل جهدا. طب لو افترضنا ان احنا وصلنا موصلين مشحونين لهما نفس الجهد الاتنين جهدهم متساوي في الحاله دي لا يمر تيار كهربي بينهما لان فرق الجهد بينهم بصفر يعني جهد ده قد جهد ده فساعتها التيار الكهربي مش هينتقل ايه بينهما كلام جميل انا كده فهمت يعني ايه كلمه جهد تعال بقى نفهم يعني ايه فرق الجهد بص يا حبيبي انا علشان امسك الشحنات الكهربيه بتاعتك وانقلها من الموصل ده اوديها للموصل الثاني الموضوع محتاج مني شويه مجهود شويه شغل هيتبذل المجهود اللي هتعمله الشحنات الكهربيه علشان تنتقل من موصل لاخر المجهود ده بسميه باسم فرق الجهد فلما اجي اعرف فرق الجهد هقول عليه هو مقدار الشغل المبذول الشغل اللي انا هبذله علشان انقل كميه كهربيه صغيره مقدارها واحد كولوم بين طرفي موصلاني فرق الجهد بالنسبه لي هو عباره عن مقدار الشغل المبذول لنقل كميه كهربيه الكميه الكهربيه دي مقدارها واحد كولوم بين طرفي ايه؟ بين طرفي الموصل طيب فرق الجهد مستر بتحسبه ازاي؟ قال لك ليه قانون ركز بقى معايا عشان دلوقتي ده القانون الثاني وهناخد كمان قانونه ويبقى احنا كده معانا ثلاث قوانين في المنهج بتاعنا حتى الان حبيبي فرق الجهد بيساوي الشغل المبذول على كميه الكهربيه وكالعاده انت بتحب المثلثات فنعمل لك المثلث بتاعك يلا بينا ادي فرق الجهد اللي انا برمز برمز ج بيساوي عند حضرتك الشغل المبذول على ك اللي هي على كميه الكهربيه استنى كل حاجه منهم ليها وحده قياس فرق الجهد عند حضرتك وحده قياسه الفولت الشغل وحده قياسه الجول وكميه الكهربيه لسه عارفينها من شويه وحده قياسها عندي الايه الكولوم ومش محتاج اقول لك ان كل وحده بتكافئها وحده ثانيه يعني انا هنا مثلا ممكن اقول لك الفولت ده بيساوي ايه؟ هو الفولت ده فرق الجهد صح؟ اللي هو بيساوي الشغل على كميه الكهربيه فممكن اقول لك الفولت بيكافئ الجول على كولوم برده هتبقى الاجابه بالنسبه لك صح مش غلط نفس الكلام في الكولوم على فكره الكولوم كده خد بالك او كميه الكهربيه داخله معايا في قانونين ها داخله معايا في قانون شده التيار ركز وداخله معايا برض في قانون فرق الايه؟ فرق الجهد فلازم تبقى مترجم الجزئيه دي كويس جدا هنا مثلا ممكن اقول لك الكولوم بيساوي حاجه كمان الكولوم ده كميه الكهربيه بتساوي الشغل على فرق الجهد الشغل بالجول وفرق الجهد بالفولت فانا ممكن اقول لك الكولوم بيكافئ وحده قياس جديده وهي عباره عن الجول على الفولت دي برده وحده قياس جديده للايه يا حبيبي؟ للكولوم يبقى انا بقى لو عايز الخص وحدات القياس لكميه الكهربيه تعالى كده احنا حتى الان واخدين قانونين اهو ادي القانون الاول وادي القانون الثاني القانون الاول بيقول شده التيار بتساوي كميه الكهربيه على الزمن. القانون الثاني بيقول فرق الجهد بيساوي مقدار الشغل المبذول على كميه الكهربيه. قو لي يلا وحدات قياسك شده التيار وحده قياسها الامبير كميه الكهربيه وحده قياسها الكولوم. والزمن عندي شغاله بالثانيه. الناحيه الثانيه الشغل شغاله بالجول. فرق الجهد بحاجه اسمها الفولت وكميه الكهربيه زي ما هي الكولوم. بس الكولوم بقى كده على جنب بيكافئ وحدتين قياس تانيين تركز بقى فيهم ممكن اقول الكولون بيكافئ ها امبير في مين في الثانيه الكولوم بيكافئ الامبير في الثانيه دي كده هتحطها حلقه في ودنك وبيكافئ حاجه تانيه كمان ادي الكولوم اهو اللي هو كميه الكهربيه بيساوي الشغل على فرق الجهد الشغل ده بالجول فرق الجهد بالفولت يبقى وبيكافئ جول على فولت ده كده بالنسبه لك الايه؟ الكولوم خد بالك في وحدات القياس لاني هلخبطك بيها شويه في المسائل واحنا بنحله خصوصا في حصه المراجعه بتاعه الوحده الثانيه هتلاقيني جايب لك مسائل كتير من النوع ده عشان انت تدرب عليها بس انا عايزك حتى انا مش عايز اغلس عليك في الاول انا عايزك الاول تحفظ وحدات القياس وتحفظ الطريقه اللي انا بطلع منها وحدات القياس انا عايز عايز افهمك قبل ما تبقى حافظ يبقى انت عارف ان الكولوم بيكافئه امبير في ثانيه وجول على فولت انت حافظها وفاهم جت منين علشان لما ابدا العب معاك في المسائل والعب معاك في وحده القياس تبقى انت جاهز كلام جميل طيب تعال بقى كده نمسح دوت ونبدا يا مستر نشوف فرق الجهد وحداد القياس بتاعته فرق الجهد عشان ما قلت لك بالفولت الشغل بالجول كميه الكهربيه بالكولوم طب لو انا عايز اعرف الفولت ها علمتك هعرف وحده القياس هعرفها من القانون وهحط كل حاجه في القانون بكام بواحد حبيبي هو الفولت ده وحده قياس مين ووحده قياس فرق الجهد جدع فهبدا اقول الفولت تعريفه هو فرق الجهد كمل الناتج عن مرور كميه كهربيه الكميه الكهربيه دي مقدارها قد يحطها بواحد كده يبقى مقدارها بواحد كولوم عند بذل شغل الشغل ده مقداره 1 جول شكرا ادي عند حضرتك اهوت عفوا ادي عند حضرتك اهوت الفولت بالنسبه لي تعريفه فرق الجهد بين طرفي موصل عند بذل شغل 1 جول لنقل كميه كهربيه مقدارها واحد ايه؟ واحد كولوم كلام جميل عفوا حبيب قلبي الطالب الجميل شبه ما شده التيار كنت بقدر ان انا احسبها بالقانون وبقدر اللي انا احسبها بجهاز اسمه الاميتر ففرق الجهد ممكن احسبه بقانون او ممكن احسبه مباشره بجهاز تاني اسمه جهاز الفولتميتر كلام جميل اهميه الفولتميتر بقى ان هو بيقيس عندي فرق الايه؟ فرق الجهد طريقه توصيله على التوازي يعني سلك لوحده يبقى احنا في الاميتر قلنا بنوصله على التوالي في الفولتميتر بنوصله على التوازي رمزه برمز له بالرمز ايه يا حبيب قلبي؟ بالرمز في طيب تعالى كده يا مستر نتدرب شويه على مسائل فرق الجهد فرق الجهد ممكن يجي لنا ازاي؟ في الامتحان بس ركز معايا لان هتجي لنا مساله دلوقتي ممكن اربط لك فيهم المثلثين اللي احنا خدناهم مع بعض في مساله واحده فمش عايزك تبقى تايه معايا السؤال عند حضرتك بيقول لك احسب فرق الجهد بين نقطتين اذا كان الشغل المبذول 3300 جول لنقل كميه كهربيه بينهما مقدارها 300 كولوم انا قلت لك احسب ايه؟ فرق الجهد يبقى هنعمل المثلث بتاع فرق الجهد ده اللي انا هحل بيه المساله بتاعتي عشان بس المثلثات ما تدخلش معاك في بعضها انا عايز فرق الجهد يبقى خلاص يا عم روح اعمل لي مثلث فرق فرق الجهد والله المثلث بيقول ان فرق الجهد يا مستر بيساوي مقدار الشغل المبذول على كميه الكهربيه كلام جميل انا عايز اجيب فرق الجهد يبقى هخبيه ادي فرق الجهد هيساوي مقدار الشغل المبذول على كميه الكهربيه حلو الشغل عند حضرتك 33 و300000 ا جول على كميه الكهربيه 300 كولوم يديلك الناتج وما تنساش وحده قياس فرق الجهد عندك هي مين هي الفولت السؤال اللي بعد منه بيقول لي احسب شده التيار الكهربي الناتج عن مرور شحنه كهربيه بشغل مقداره 20 زول خلال زمن 2ين ثانيه علما بان فرق الجهد بين طرفي الموصل 5 فولت سؤال جميل قوي بالراحه علشان تحل السؤال اسال نفسك هو قال لي احسب ايه واعمل المثلث اللي انا قلت لك عليه انا قلت لك احسب شده التيار شكرا يبقى انا مش هحل المساله دي الا بالمثلث الاولاني دي حاجه لازم اكون متيقن منها المثلث الاولاني كان بيقول لي ايه؟ امشي مع المساله خطوه خطوه اهو شده التيار بتساوي كميه الكهربيه على الزمن بالثانيه فهروح انا اقول له يا عم اهو ادي شده التيار هتساوي كميه الكهربيه على الزمن بالثانيه الزمن بالثانيه عند حضرتك باثنين طب هل انا عطيت لك كميتي الكهربيه في المساله لا كده المساله بتاعتك عطلت تعمل ايه اول ما تلاقي المساله عطلت منك تروح تجيب المثلث الثاني على طول انا ما ما عنديش كميه الكهربيه بس ممكن اجيبها اجيب كميه الكهربيه ازاي؟ ما انا لو جبت كميه الكهربيه المساله اتحلت لو كميه الكهربيه معايا خلاص هقسمها على الزمن اللي هو باثنين ابقى انا كده معايا شده الايه؟ التيار طب اجيبك ازاي يا كميه يا كهربيه؟ قال لك بالمثلث الثاني المثلث الثاني كان بيقول ايه؟ فرق الجهد بيساوي الشغل على كميه الكهربيه حط يلا ايدك على كميه الكهربيه بتساويها مين على مين؟ بتساوي الشغل على فرق الجهد فانا ممكن اقول له على جنب استنى يا عم انا هحسب لك كميه الكهربيه بتساوي ساوي مقدار الشغل على فرق الجهد هو عطالك الشغل هنا بكام؟ عطالك الشغل ب 20 جول وعطالك فرق الجهد ب 5 فولت 20 على خا كولوم شكرا معاك كميه الكهربيه ولا مش معاك؟ معاك اطلع بقى عوض عنها في القانون عايزين نجيب شده التيار بيساوي كميه الكهربيه اللي احنا جبناها باربعه على الزمن بثانيتين يديني 2 امبير وخلصت المساله بتاعتك طيب بص يا عمنا عندنا شويه ملاحظات بقى كده تركز معايا فيها وتصلي بنا على النبي وتركز كويس جدا الملاحظه الاولانيه بيقول لك ايه؟ عند توصيل الفولتميتر مع قطبي الدائره الكهربيه المفتوحه فانه يقيس القوه الدافعه الكهربيه عارف ان انت مش عارف حاجه وفاتح بقك دلوقتي استنى هفهمك وعند توصيل الفولتميتر مع قطبي الدائره الكهربيه المغلقه فانه يقيس فرق الجهد الكهربي طب يعني ايه بقى يا مستر الكلام ده تعال اقول لك بص يا حبيبي يا طالب يا جميل يا محترم يا لزوز دلوقتي لو انا عندي دايره كهربيه ادي عند حضرتك العمود الجاف اللي هو مصدر للتيار الكهربي فقمت انا جاي عامل كده اهوت ادي السلك بتاع حضرتك والدايره عند حضرتك دايره مقفوله مافيش فيها اي مشاكل وعندي مثلا هنا في مصباح كهربي وقفلت الدائره بتاعتي وانا عايز اعرف فرق الجهد بتاع الدايره او فرق الجهد اللي داخل جوه يعني الجهاز بتاعي اللي هو جوه المصباح فهبدا ان انا اجيب سلك ثاني بالمنظر ده وهوصل المصباح بجهاز الفولتميتر طبعا بطريقه التوصيل على الايه على التوازي في مشكله كده بالنسبه لك لا كده فرق الجهد بالنسبه لك ما دام الدايره مقفوله والتيار الكهربي بيمشي فيها والدنيا والدنيا زي الفل كده عند حضرتك الفولتميتر بيقيس فرق الجهد بتاع الدايرره يعني فرق الجهد بتاع التيار اللي داخل جوه المصباح يعني فرق الجهد بتاع الدائره الكهربيه بشكل عام وده اللي انا بقوله لك في الملاحظات الثانيه عند توصيل الفولتميتر مع قطبي الدائره الكهربيه المغلقه خلاص كده هو بيقيس فرق الجهد الكهربي بتاع الدايره طب صلي على الحبيب ايه اللي هيشفع فيك ا انا دلوقتي جيت فتحت الدايره الدائره بتاعتك ركز كده معايا ادي قطبي البطاريه الدايره بتاعتك دلوقتي دايره مفتوحه فتحت المفتاح الكهربي وعلى سبيل المثال انا كنت حاطط هنا الفولتميتر ركز بقى معايا الفولتميتر الدايره دلوقتي اتفتحت عارف يعني ايه اتفتحت يعني ما بقاش يمشي في الدايره تيار كهربي اصلا اه طب استنتج من كده ايه استنتج من كده خلاص ان ما فيش عندك مصباح الفولتميتر هيقرا فرق الجهد بتاعه طب وبعدين الدائره ما فيهاش تيار كهربي استنى بقى كده ركز معايا الفولتميتر يروح ويقيس القوه الدافعه الكهربيه واحد يقول لي يعني ايه القوه الدافعه الكهربيه هقول له يعني فرق الجهد بين قطبي البطاريه هو هي البطاريه او العمود الجاف هي عباره عن ايه عباره عن قطب موجب وعباره عن قطب ايه عباره عن قطب سالب جهاز الفولتميتر دلوقتي الدايره مفتوحه ما فيش تيار كهربي ماشي طب وبعدين بقى في الملل ده هقيس مين ما فيش قدامه في الدايره الا مين دلوقتي عند حضرتك الا العمود الجاف او البطاريه ودي عباره عن قطبين موجب وسالب يعني في فرق في الجهد بينهما فيبدا الفولتميتر يقيس فرق الجهد ما بين قطبي العمود الجاف اهو فرق الجهد بين قطبي العمود الجاف ده بسميه باسم القوه الدافعه الكهربيه يبقى لما اعرف القوه الدافعه الكهربيه هي عباره عن ايه هي عباره عن فرق الجهد بين قطبي المصدر الكهربي بس ده امتى اعرف اوصل لها في الدائره الكهربيه الايه المفتوحه ساعتها الفولتميتر يقدر ان هو يقيسها لك وبرمز بالرمز اللي انت شايفه ق د ك اللي هي القوه الدافعه الايه؟ الكهربيه كلام جميل ملاحظه ثانيه صغيره بيقول لك ايه؟ الجهد الكهربي الموجود في منازلنا مقداره 220 فولت يعني الجهد الكهربي اللي موجود في البيت بتاع حضرتك كله موحد 220 فولت وهناك اجهزه كهربائيه يناسبها جهد اقل من ذلك زي الموبايل والموبايل لو خد ال 220 فولت بتاعك خلاص يبوس هنعمل ايه؟ نعمل جهاز عند حضرتك اسمه المحول الكهربي اللي هو موجود في راس الشاحن بتاعه الموبايل بتاعتك ده كل وظيفته ان هو بيخفض الجهد الكهربي لبعض الاجهزه حتى لا تتلف اذا ما وصلت بجهد المنزل وعلى فكره خد بالك المحور الكهربي نوعين في اجهزه بتحتاج ان انا اقلل فرق الجهد وفي اجهزه ثانيه محتاجه ان انا ازود فرق الجهد ففي عندك محول كهربي رافع بيرفع فرق الجهد عند حضرتك وفي محول كهربي خافض للجهد شبه اللي موجود في الشاحن بتاع الايه بتاع الموبايل طيب الخاصيه الثالثه عندي يا مستر الا وهي المقاومه الكهربيه او بيسموها ريسيستنس يعني ايه بقى مقاومه كهربيه تعال افهمها لك بالراحه بص يا حبيب قلبي ادي عند حضرتك الموصل او السلك اللي بتمشي فيه الالكترونات او الشحنات الكهربيه اللي انا عايز افهمهولك يا حبيبي الالكترونات وهي ماشيه في جوه السلك هي طريقها مش سالك امال ايه الالكترونات ديت وهي ماشيه عماله تخبط شويه في الجدار من فوق عماله تخبط في جدار السلك من تحت تخبط فوق تخبط تحت فهي وهي ماشيه طريقها مش سالك في حاجه بتعوق الحركه بتاعتها واللي بيعوق الحركه بتاعتها هو الموصل نفسه ودي حاجه حتى الان انا ما اقدرش ان انا اتحكم فيها انت يا الكترونات طول ما انت ماشيه جوه السلك السلك عمال يخبط فيك وانت تخبطي فيه انت شغاله طالعه نازله فوريدي كده كده في مقاومه شويه انت هتلاقيها وهتواجهيها اثناء مرورك في الموصل وده بالنسبه لي اول تعريف للمقاومه الكهربيه فلما هعرف المقاومه الكهربيه هقول عليها هي الممانعه ممانعه يلقاها التيار الكهربي اثناء ناء سريانه في الايه؟ في الموصل او استنى بقى سيب او دي كده على جنب تعال نقف لغايه هنا ده كده اول تعريف بالنسبه لي للمقاومه يبقى تاني مقاومه يعني ممانعه حاجه بتخليك مش قادر تمشي كل ما تيجي تمشي ازقك فاقول لك هي الممانعه التي يلقاها التيار الكهربي اثناء سريانه في الايه؟ في الموصل كلام جميل ده كده بالنسبه لتعريف المقاومه الكهربيه في بقى تعريف ثاني هقوله لك دلوقتي باختصار وهيجي لنا اخر الدرس في عالم محترم اسمه العالم اوم اسمه عالم ايه يا مستر اوم هو اسمه كده والله انا مالي يا عم هو اسمه كده قوم دوت اكتشف حاجه ايه الحاجه اللي اكتشفها قال لك انا اكتشفت قانون بيربط ما بين المقاومه وفرق الجهد وشده التيار القانون ده سماه على اسمه اسمه قانون اوم ولسه هيجي لنا كمان شويه وهشرحه لك بالتفصيل بس يعني الى حد الان علشان تبقى عارف الراجل دوت اكتشف اني المقاومه الكهربيه اللي انا ارمز لها بالرمز م بتساوي فرق الجهد على شده الايه ايه على شده التيار ومن القانون ده انا اقدر اقول ان المقاومه الكهربيه ليها تعريف تاني التعريف الثاني بتاعها الا وهو هي النسبه بين فرق الجهد الى شده الايه الى شده التيار ده التعريف التاني بتاع المقاومه الايه الكهربيه كلام جميل قوي تعال بقى نمسح الكلام ده ونشوف الكلام على نظافه قال لك المقاومه الكهربيه المقاومه بتساوي فرق الجهد على شده التيار وطبعا خلاص احنا عارفين ان فرق الجهد شغال عندي بالفولت شده التيار بالامبير انما المقاومه وحده قياسها الاوم طيب ازاي احسب المقاومه الكهربيه تعالى بقى قال لك مباشره في جهاز للمقاومه بس مش عليك تعرف تفاصيله عليك تعرف اسمه بس الجهاز دوت اسمه جهاز الاوميتر يبقى تاني يبقى شده التيار بقيسه بالاميتر وفرق الجهد بقيسه بالفولتميتر انما المقاومه بقيسها بجهاز اسمه الايه؟ الاوميتر كلام جميل عزيزي الطالب الجميل المحترم خلينا متفقين دلوقتي ان المقاومه بتساوي فرق الجهد على شده التيار ومن هنا بقى خليني اقول لك ان انت كده عندك ثلاث مثلثات عايزك تركز فيهم كويس لان انا في المساله اللي هجيبها لك هربط لك مثلثين ببعض هربط لك ثلاثه ببعض فلازم يبقى انت نفسك طويل شويه معايا في المساله المثلث الاولاني افكرك بيه ادي المثلث الاول كان بيقول لي ان شده التيار بتساوي كميه الكهربيه على الزمن بالثانيه في المقابل المثلث الثاني كان بيقول لي ان فرق الجهد بيساوي مقدار الشغل المبذول على كميه الكهربيه ودلوقتي المثلث الثالث عند حضرتك بيقول لي ان قيمه المقاومه الكهربيه بتساوي فرق الجهد على شده التيار لازم الثلاث مثلثات تبقى عارفهم كويس جدا جدا وبالمره بقى هو المقاومه وحده قياسها الاوم صح وفرق الجهد وحده قياسه الفولت وشده التيار وحده قياسها الامبير ما تيجي بالمره كده نعرف الاوم الاوم بالنسبه لي تعريفه هي المقاومه الكهربيه صح الناتجه عن مرور تيار كهربي شدته هتحط حط كل حاجه بواحد جدع شدته بوا امبير وفرق الجهد بين طرفيه 1 فولت وممكن اقول لك حاجه كمان الاوم بيكافئ وحده تانيه انت بقى اللي هتطلعها لوحدك انت المفروض فهمت هو الاوم ده المقاومه اللي هي بتساوي فرق الجهد على شده التيار فممكن الاوم يكافئ وحده تانيه اسمها فولت على ايه؟ على امبير كلام جميل جدا تعالى بقى كده يا مستر ناخد مسائل وركز معايا صلي على النبي المساله الاولانيه مساله بسيطه وجميله بيقول لي اذا مر تيار شدته 0.2 0.2 امبير خلال سخان كهربي وكان فرق الجهد بين طرفيه 200 فولت احسب مقاومه السخان ده قانون مباشر ادي عندي المقاومه هتساوي فرق الجهد على شده التيار اطاني فرق الجهد ب 200 على شده التيار 0.2 0.2 يطلع الناتج وما تنساش ان المقاومه وحده قياسها الاوم. السؤال اللي بعده بيقول لي احسب فرق الجهد بين طرفي جهاز كهربي مقاومته 30 اوم وشده التيار 10 امبير. هنا بقى انت لازم تشغل دماغك. انا قلت لك احسب لي فرق الجهد. انت دلوقتي فرق الجهد لو طلبته منك او لو طلبت منك شده التيار انت عندك لكل واحد قانونين مش قانون. يعني فرق الجهد عندك القانون الاول بتاعه اهوت المفروض انت حفظته بيساوي الشغل على كميه الكهربيه والقانون التاني اهوت انا عندي هنا المقاومه بتساوي فرق الجهد على شده التيار فانا ممكن اقول لك فرق الجهد بيساوي المقاومه في شده التيار فلازم بقى انت تشوف ايه المعطيات اللي انا عطيتها لك في المساله هل انا في المساله دي اطيت لك الشغل وكميه الكهربيه لا يبقى انا مش هحل المساله بالمثلث الاولاني هحلها بالمثلث الثاني انا عطيت لك المقاومه وعطيت لك شده التيار عايز فرق الجهد يلا خبي فرق الجهد اهو يبقى هيساوي المقاومه في شده الايه؟ التيار يبقى هقول له قيمه فرق الجهد حاصل ضرب المقاومه في شده التيار 30× 10 يديني 300 وما تنساش ان فرق الجهد وحده قياسه عند حضرتك الايه؟ الفولت السؤال اللي بعد منه بيقول لي احسب شده التيار المار في جهاز كهربي مقاومته 20 اوم اذا كان فرق الجهد يعادل 220 فولت نفس الكلام مستر انا عندي لشده التيار قانونين قانون الاولاني شده التيار بيساوي كميه الكهربيه على الزمن بالثانيه طب انت عندك كميه كهربيه لا عندك زمن لا يبقى انا مش هشتغل بالمثلث ده المثلث الثالث والاخير اللي مربط الثلاثه ببعض بيقول لك اهو ان المقاومه بتساوي فرق الجهد على شده التيار شده التيار لو عايز اجيبه خبيه بيساوي ها فرق الجهد على المقاومه عندك الاثنين فهروح اقول له هنا شده التيار هتساوي فرق الجهد على المقاومه الكهربيه فرق الجهد عند حضرتك 220 فولت والمقاومه ب 20 اوم يطلع لك الناتج وما تنساش ان شده التيار وحده قياسها الايه؟ الامبير. طب بص بقى المساله اللي جايه حلوه مساله معلم عايزك بقى كده ايه تركز فيها وتصلي بنا على النبي بيقوللي احسب مقاومه استنى مقاومه مالهاش الا قانون واحد ادي قانون المقاومه اهو مستر ادي المثلث بتاعه انا مش ناسيه انا عمال اعيد واكرر وازيد في المثلثات عشان تحفظهم ما تتلخبطش فيهم ادي المقاومه بتساوي فرق الجهد على شده التيار فمبدئيا المقاومه هتساوي فرق الجهد على شده التيار نكمل بقى مسالتنا اذا كان الشغل المبذول 24 جول عندما تمر في شحنه كهربيه مقدارها 6 كولوم لمده ثلاث ثواني بالصلاه على النبي انا لا عطيت لك فرق الجهد ولا عطيت لك شده التيار اصلا فمن هنا دي مساله هتخليك تشتغل بالثلاث مثلثات مع بعض بالراحه انا عايز اجيب المقاومه المقاومه يا عم بتساوي فرق الجهد على شده التيار طب انا لا عندي ده ولا عندي ده فهجيب الاول فرق الجهد واجيب شده التيار وبعد كده احسب المقاومه فهجيب فرق الجهد لوحده اهو فرق الجهد لوحده كده يتجاب ازاي يتجاب من المثلث بتاع فرق الجهد فرق الجهد بيساوي الشغل المبذول على كميه الكهربيه عندك الشغل المبذول بقد ايه؟ ب 24 جول كميه الكهربيه ب 6 كولوم 24 على 6 فيها 4 ايه فولت انا كده جبت فرق الجهد لوحده كلام جميل تعال بقى نحسب شده التيار شده التيار هجيبها من القانون بتاعه شده التيار ما حدش باجي يقول لي اهو شده التيار بيساوي فرق الجهد على المقاومه يا ابني ما هو انت اصلا عايز المقاومه المقاومه مش عندك فاحنا بنضطر مر نروح نجيب فرق الجهد من القانون وشده التيار من قانون تاني علشان نعرف بعد كده نيجي نحسب الايه المقاومه طب انا هنا عايز اجيب شده التيار شده التيار اول قانون خدناه بيساوي كميه الكهربيه على الزمن بالثانيه هو الراجل اطيني في المساله كميه الكهربيه بسته والزمن ثلاث ثواني 6 على 3 فيها الا 2 امبير شكرا انا كده بقى فرق الجهد موجود وشده التيار موجود ابدا بقى اعوض في القانون واجيب المقاومه المقاومه بتساوي فرق الجهد اللي احنا حسبناه بكام ب 4 فولت على شده التيار اللي احنا حسبناه بكام؟ ب 2 امبير 4 على 2 يبقى المقاومه ب 2 اوم ادي عند حضرتك مساله ربطت لك الثلاث قوانين مع بعض يبقى هي هي مش صعبه والله الفكره في الخطوات بتاعتها انت ماشي خطوه بخطوه الحاجه اللي انا عايزها بعمل المثلث بتاعها لقيتها بص ايدي وش وقفه ما لقيتهاش هروح اجيب الحاجه اللي ناقصاني من المثلث الثاني هتلاقي المساله ماشيه معاك خطوه بخطوه والدنيا بقت زي الفل كلام جميل طيب عزيزي الطالب الجميل عايزك تبقى عارف ان المقاومه الكهربيه ليها انواع اه انواع المقاومه الكهربيه؟ بص يا حبيبي عندي مقاومه ثابته والمقاومه الثابته اللي هي مقاومه السلك ذات نفسه دي حاجه انا ماقدرش اتحكم فيها طول ما التيار الكهربي ماشي جوه السلك ففي مقاومه من السلك على التيار ذات نفسه التيار مش عارف يمشي ودي حاجه ما اقدرش اتحكم فيها وبسميها باسم المقاومه الثابته وبرمز لها في الدائره الكهربيه بالرمز اللي انت شايفه ده رمز الزجزاج او سبعات ثمانيات ده رمز المقاومه الثابته الناحيه الثانيه بقى في عندي مقاومه اسمها المقاومه المتغيره او بسميها باسم الريوستات حبيبي المقاومه المتغيره او الريوستات اولا ده رمزها في الدايره نفس رمز الزجزاج بس عليه سهم دي مقاومه انا اللي بعملها هتقول لي بعملها ازاي هقول لك من خلالها بتحكم في طول السلك بتاع الدائه الكهربيه هتقول لي طب مش فاهم يعني ايه العلاقه هقول لك بص انا دلوقتي كل ما السلك عندي طوله يزيد يعني السلك بتاع الدائه الكهربيه اللي ماشي فيه التيار الكهربي كل ما هزود المسافه على التيار كل ما هخلي طول السلك اطول كده التيار هيلاقي مقاومه اكبر فابقى انا كده في المقابل زودت قيمه المقاومه الايه؟ الكهربيه طب لو انا قعدت اقلل طول السلك اقلل طول السلك بتاع الدايره ده معناه ان التيار مش هيلاقي مقاومه كبيره فالمقاومه الكهربيه في المقابل هيحصل لها ايه؟ هتقل يعني انا اقدر اتحكم في المقاومه الكهربيه اه اقدر اتحكم فيها لو كانت مقاومه متغيره لو اقدر اتحكم في طول السلك بتاعي لكن المقاومه اللي جوه السلك ذات نفسه دي مقاومه ثابته ما اقدرش احكم فيها يعني طول ما التيار ماشي جوه السلك السلك من جوه خلاص دي حاجه مستحيل اتحكم فيها يبقى بص كده عشان اقربها لك ادي السلك بتاعي اهو السلك بتاع حضرتك في تيار ماشي فيه من جوه السلك هنا في مقاومه دي انا ما اقدرش اتحكم فيها دي بالنسبه لي مقاومه ثابته خلاص قضي الامر لكن ممكن اتحكم في ايه في طول السلك ذات نفسه انا كل ما هزود طول السلك ده طول ما التيار الكهربي هيلاقي مقاومه اكبر فبقى انا كده زودت المقاومه عليه طب طول ما انا هقلل واثر طول السلك ده يبقى كده التيار الكهربي هيلاقي مقاومه اقل يبقى انا كده عند حضرتك اتحكمت في قيمه المقاومه من خلال طول السلك او من خلال جهاز اسمه الريوستات او المقاومه المتريه طب تعالى نشوف سريعا الجهاز دوت عباره عن ايه بص يا حبيبي هو ببساطه عباره عن بكره شفت عشان اقربها لك شفت بكره المناديل بكره المناديل بتاعتنا اه انت بتعمل ايه كل ما هتسحب المنديل كل ما ما طول المنديل اللي انت بتسحبه هيطول معاك صح نفس الكلام هو عباره عن بكره او زالق الزالق دوت عليه سلك ومتوصل عندي بالدائره الكهربيه كل ما هسحب السلك كل ما هلف البكره كل ما طول السلك في الدايره عند حضرتك هيزيد فبقى انا كده بزود المقاومه على التيار الكهربي بص كده معايا تركيبها اهيت ملف من سلك معدني مقاومته كبيره ملفوف حول اسطوانه من البورسلين العازل والساق من النحاس تنزلق عليها صفيحه معدنيه اللي هي الصفيحه ديت اللي حضرتك شايفها تلامس تلك الصفيحه السلك المعدني وتسمى بالزالق المعدني كل استخدامها وده اللي هيسالك فيه وده المهم جدا عندي ايه اهميه المقاومه المتغيره او جهاز الريوستات اهميتها التحكم في شده التيار وبالتالي فرق الجهد واحد يقول لي ايه ايه اللي جاب شده التيار في الموضوع انت من شويه كنت بتقول انا بتحكم في المقاومه ايوه ما هي المقاومه لما تزيد على التيار التيار ما يعرفش يمشي فكده شدته هيحصل لها ايه هتقل حبيب قلبي وعلى فكره العلاقه ما بين شده التيار وفرق الجهد علاقه طرديه عند ثبوت المقاومه يعني لو شده التيار زادت فرق الجهد يزيد ولو شده التيار قلت فرق الجهد يقل يبقى انا كده بقى الكلام وصل لي ركز كده معايا او اديك الصوره كامله بقى يبقى انا كل ما هزود طول السلك الك بتاعي كده المقاومه بتزيد كلام جميل في المقابل المقاومه زادت التيار مش قادر يمشي فشده التيار هتقل وفرق الجهد برده هيقل لان بينهم علاقه طرديه يبقى انا من خلال تحكمي في طول السلك قدرت اتحكم في المقاومه ومن خلاله اتحكمت في شده التيار واتحكمت في فرق الجهد يبقى لما اقول لك اهميه المقاومه المتغيره او الريوستات ايه ترد عليا وتقول لي التحكم في شده التيار وبالتالي فرق الايه فرق الجهد الاساس العلمي زي ما قلت لك تتناسب مقاومه السلك طرديا مع طوله يعني كل ما هزود الطول طول ما المقاومه عندي هتزيد في نفس الوقت ما تنساش ان بتتناسب فرق الجهد تناسبا طرديا مع شده التيار يعني كل ما شده التيار تزيد او تقل فرق الجهد يزيد او يقل لكن لو دخلت لك المقاومه بقى في الموضوع يعني العلاقه ما بين المقاومه وما بين فرق الجهد لا دي علاقه عكسيه العلاقه ما بين المقاومه وشده التيار دي علاقه عكسيه كل ما المقاومه ما تزيد كل ما التيار ما يعرفش يمشي فشدته تقل وفرق الجهد جهد يقل ايه؟ يقل معاه كلام جميل يبقى فكره العمل شبه ما قلت لك تعتمد فكره عمل الريوستات المنزلق على امكانيه التحكم في قيم المقاومه وذلك عن طريق التحكم في طول الايه؟ السلك المدمج بالدايرره فكلما زاد الطول تزداد المقاومه ولو زادت المقاومه هيقل شده التيار وتقل فرق الجهد والعكس ايه والعكس صحيح كلام جميل قانون اوم محترم من عيله كبيره اسمه جورج سيمون اوم الراجل دوت هو اللي قال القانون اللي انا لسه قتهلك من شويه بتاع ان المقاومه بتساوي فرق الجهد على شده الايه؟ على شده التيار طب الراجل ده عرف ازاي؟ الراجل دوت عمل الجهاز اللي انت شايفه الدائه اللي انت شايفها اللي هي دايره اوم او قانون اوم قال لك ببساطه شديده جاب بطاريه وجاب اميتر وجاب فولتميتر وجاب مقاومه ثابته وجاب مقاومه متغيره يتحكم فيها وبدا ان هو يكون الدايره بتاعته ثم بعد ذلك لاحظ الاتي قال لك سجل العالم اوم هذه النتائج في جدوله ورسمه بيانيا فوجد ان ركز بقى شده التيار شبه ما قلت لك تتناسب طرديا مع فرق الجهد عند ثبوت درجه الحراره وكمان عند ثبوت المقاومه ومن هنا يجي لي قانون اوم بص الراجل دوت عمل ايه عشان لو قلت لك في الامتحان استنتج قانون اوم رياضيا الراجل دوت اكتشف ان هو بالدائه بتاعته هرجع كده يا سلايد بالدايره بتاعته ديت كل ما كان بيزود عند حضرتك طول الريوستات او كل ما كان بيزود طول السلك الراجل ده لاحظ حاجه كل ما السلك طوله ما بيزيد المقاومه بتزيد في المقابل بيلاقي قراءه الاميتر وقراءه الفولتميتر بيقلوا يعني شده التيار وفرق الجهد بيقلوا فاستغرب فبدا يرجع يقلل الطول بتاع السلك فالمقاومه قلت فلقى ان الاميتر والفولتميتر رجعت بعد كده القراءه القراءه بتاعتهم مالها يا حبيب قلبي علت فاستنتج الراجل ده ان الفولتميتر والاميتر او شده التيار وفرق الجهد الاثنين بيتناسبوا مع بعضيهم تناسبا ايه طرديا فبدا يقول لك الاتي ركز كده معايا بما ان اه هنشتغل بقى شغل الرياضه شويه فرق الجهد يتناسب طرديا دي كده هتب لك حضرتك علامه التناسب ده تناسب طردي فرق الجهد يتناسب طرديا مع شده التيار انا عندي يا شباب في الرياضه قاعده بتقول لي لو انا عايز اشيل علامه التناسب واحط بدالها يساوي لازم يبقى فيه ثابت شبه مثلا ايه عندك في الرياضه محيط الدايره اين باي نق ايه باي ده باي ده رقم ثابت احنا حطيناه العلماء حسبوه اللي هو 22 على 7 نفس الكلام لو انا عايز اقوللك بقى فرق الجهد بيساوي شده التيار انا شلت التناسب وحطيت يساوي لازم اضرب هنا في رقم ثابت يكون ما بيتغيرش بعد اجتهاد اوم فتره طويله قدر يكتشف ان الرقم الثابت ده هو عباره عن قيمه الايه؟ عباره عن قيمه المقاومه نفسها ومن هنا بدا يعمل القانون بتاعه اللي هو سميناه قانون ايه يا حبيبي؟ قانون اوم يبقى انا قلت لك في الامتحان استنتج قانون اوم رياضيا ادي ش ما انت شايف فرق الجهد بيتناسب مع شده التيار يبقى فرق الجهد جهد بيساوي قيمه ثابته في شده التيار القيمه الثابته دي اللي هي عباره عن المقاومه الكهربيه فبدانا بقى نعمل القانون بتاعنا اهو ادي فرق الجهد ادي المقاومه ادي شده التيار ومن هنا لو انا عايز اعرف قانون اوم هقول عليه تتناسب شده التيار تناسبا طرديا مع فرق الجهد بين طرفي موصل عند ثبوت درجه الحراره وكمان ثبوت المقاومه ده تعريف قانون ايه؟ قانون اوم اللي الراجل اكتشفه وبكده عزيزي الطالب الجميل اللزوز نكون بفضل الله خلصنا نا الدرس الاول بتاعنا في الوحده الثانيه وتعال بقى كده بطل كوبايه الشاي بتاعتك اللي في الخمسين كالعاده وورقه وقلم وتعال نحل كده مسائل قويه على الدرس دوت عشان يثبت في دماغنا باذن الله رب العالمين يلا بينا بسم الله السؤال الاول اكمل بيقول لي رقم واحد يوصل الاميتر في الدائره الكهربيه طبعا قلنا الاميتر على التوالي لكن الفولتميتر على قولها ها التوازي كلام جميل السؤال اللي بعد منه رقم اثنين بيوصل الفولتميتر بطرفي الموصل لقياس اه استنى ما دام الموصل ذات نفسه يبقى هيقيس فرق الجهد لكن لو هوصله ما بين قطبي المصدر الكهربي اللي هو مثلا العمود الجاف او البطاريه فكده احنا اتفقنا بنقيس حاجه اسمها القوه الايه؟ الدافعه الكهربيه. السؤال اللي بعد منه رقم لاثه بيقول لي عندما لا يمر التيار الكهربي في الدائره الكهربيه فان قراءه الفولتميتر المتصل بالبطاريه على نقط تدل على نقط. طب واحده واحده بالراحه هو فولتميتر الفولتميتر لما بيتوصل على الدايره بيتوصل على ايه؟ جدع على التوازي يبقى هنا عندي التوازي تدل على ايه بقى؟ بالراحه انا دلوقتي الدايره عندي مفتوحه طب انا علمتك لما الدايره تبقى مفتوحه كده الفولتميتر مش هيلاقي حاجه يقراها فهيضطر يقرا فرق الجهد ما بين قطبي العمود الجاف او ما بين البطاريه او ما بين المصدر الكهربي طب فرق الجهد ما بين قطبي المصدر الكهربي ده اسمه الايه؟ جدع اسمه القوه الدافعه الكهربيه يبقى هنا هرد عليه واقول له والله الفولتميتر هيتوصل على التوازي وساعتها لو الدايره مفتوحه يبقى هو بيقيس القوه الدافعه الايه؟ الكهربيه. السؤال رقم اربعه بيقول لي الريوستات عباره عن مقاومه نقط طبعا مقاومه متغيره مش ثابته تستخدم في التحكم في شده التيار وبالتالي التحكم في فرق الجهد بين اجزاء الدائره المختلفه. رقم خمسه تتناسب شده التيار المار في موصل تناسب النقط مع فرق الجهد طبعا قلنا تناسبا طرديا. رقم 6 كلما زاد طول السلك المدمج بالدائره الكهربيه نقط المقاومه كل ما هزود طول السلك على التيار ده معناه ان المقاومه هتزيد ونقط شده التيار طب المقاومه لما تزيد التيار ماعرفش يمشي ما بينهم علاقه عكسيه يبقى وتقل شده التيار اكتب المصطلح العلمي تدفق شحنات كهربيه سالبه او الالكترونات بانتظام في اتجاه معين تدفق الشحنات الكهربيه يا حبيب قلبي ده تعريف التيار الكهربي رقم اين كميه الشحنات الكهربيه المتدفقه خلال مقطع من موصل في الثانيه الواحده كميه الشحنات كتيره ولا قليله يبقى انا هنا بتكلم على شده التيار طب ركز في اللي جاي شده التيار الناتج عن مرور كميه من كهربيه مقدارها واحد كولوم عبر مقطع من موصل في زمن قدر واحد ثانيه ايه ده مش واخد بالك من حاجه ان التعريف كله محطوط برقم واحد ده معناه يا استاذي ان انا بعرف وحده قياس طب انا بعرف وحده قياس مين كده انا بدات كلامي بشده التيار يبقى انا بعرف وحده قياس شده التيار يبقى انا بعرف مين؟ الامبير السؤال اللي بعده رقم اربعه تتناسب شده التيار الكهربي المار في الموصل تناسبا طرديا مع فرق الجهد عند ثبوت درجه الحراره طبعا ده قانون عمك اوم اللي بعده فرق الجهد بين طرفي الموصل عند شغل مقداره واحد جول لنقل كميه من الكهربيه مقدارها واحد كولوم ايه ده كل حاجه بواحد يبقى انا بعرف وحده القياس وحده قياس مين اول كلمه عندك انا بعرف فرق الجهد صح هو مين وحده قياس فرق الجهد الفولت يبقى انا هنا بعرف الفولت. السؤال رقم 6 فرق الجهد الكهربي بين قطبي المصدر الكهربي بس لما تبقى الدايرره مفتوحه يعني لا يمر بها تيار خلاص بقى جت لنا دي ثالث مره دايرره مفتوحه يبقى فرق الجهد بالنسبه لك هو عباره عن فرق الجهد بين قطبي المصدر الكهربي اللي هي اسمها القوه الدافعه الكهربيه كميه الكهربيه المنقوله بتيار ثابت شدته 1 امبير في زمن واحد ثانيه وحايد يبقى انا بعرف ها وحده قياس بدات كلامي بكميه الكهربيه ايه وحده قياس كميه الكهربيه جدع الكولوم السؤال اللي بعده حاله الموصل اللي هتحدد وتبين انتقال الكهربا يا منه او اليه طبعا قولا واحدا ده تعريف الجهد الايه؟ الكهربي السؤال رقم تسعه مقدار الشغل المبذول لنقل كميه من الكهربيه مقدارها واحد كولوم بين طرفي موصل طبعا مقدار الشغل اللي انا هعمله علشان انقل الشحنه الكهربيه ده كان تعريف فرق الجهد الكهربي وفرق بالله عليك ما بين الجهد وما بين فرق الجهد السؤال اللي بعده رقم 10 كميه الكهربيه المنقوله بتيار ثابت شدته 1 امبير في زمن قدره واحد ثانيه واحد وواحد يبقى انا بعرف وحده قياس اول كلمه كميه الكهربيه يبقى وحده قياس كميه الكهربيه اللي هي الكولوم اجب احسب شده التيار عند مرور شحنه مقدارها 20 كولوم عبر مقطع من موصل في زمن قدره اربع ثواني يلا استاذي شده التيار هتساوي اول قانون ده قانون مباشر كميه الكهربيه على الزمن بالثانيه كميه الكهربيه عندي ب 20 كولوم الزمن اربع ثواني يديني 5 امبير السؤال اللي بعده احسب كميه الشحنه الكهربيه التي تمر عبر مقطع من سلك يمر به تيار شدته 6 امبير في زمن قدره ثلاث ثواني كميه الكهربيه خد بالك موجوده في قانون فرق الجهد وموجوده في قانون شده التيار بس انا هنا اطيلك شده تيار يبقى انا هحل بالقانون رقم واحد اللي بيقول لي هوت شده التيار بتساوي كميه الكهربيه على الزمن بالثانيه انا عايز كميه الكهربيه يبقى هتساوي شده التيار في الزمن شده التيار بسته الزمن ب 3ه يديني 18 كولوم السؤال اللي بعده موصل كهربي مقاومته 2200 اوم وصل بمصدر جهد كهربي 220 فولت احسب كميه الكهربيه خلال 20 دقيقه السؤال ده جميل جدا وسؤال معلمين واحده واحده بالراحه انا عايز اجيب كميه الكهربيه طب كميه الكهربيه ليها مثلثين انا هشتغل معاك كاني طالب دلوقتي مش مدرس وهفكر زيك نعمل المثلثين واحده واحده بالراحه كده ستيب باي ستيب المثلث الاولاني بيقول لي ان شده التيار بتساوي كميه الكهربيه على الزمن بالثانيه المثلث التاني بيقول لي عند حضرتك ان فرق الجهد بيساوي مقدار الشغل على ايه؟ على كميه الكهربيه تعالى لو انا عايز اشتغل بالمثلث دوت كميه الكهربيه بتساوي الشغل على فرق الجهد حلو فرق الجهد موجود عند حضرتك اه موجود طب هل انت عندك الشغل في المساله دي لا وما تعرفش تجيبه ليه لان الشغل مش موجود في مثلث تاني من الثلاثه غير ده فانا كده مستحيل اعرف اجيب الشغل مستحيل اعرف اجيب الشغل يبقى المثلث ده بالنسبه لي اوت مستحيل اعرف احل بيه يبقى انا كده اكيد هحل بالمثلث التاني كميه الكهربيه بتساوي شده التيار في الزمن طب بالراحه الزمن موجود عندك هتيجي تقول لي بس انا ما عنديش هنا شده التيار هقول لك جدع بس شده بقى التيار اللي يميزها اللي انا اعرف اجيبها من مثلث تاني الا وهو المثلث الاخير دوت اللي بيقول لك ان المقا مقاومه بتساوي فرق الجهد على شده التيار صح ولا انا غلطان؟ صح يبقى انا اول حاجه هعملها هحسب شده التيار الاول من المثلث ده بتساوي فرق الجهد على قيمه المقاومه فرق الجهد عند حضرتك ب 220 فولت على المقاومه ب 2200 اوم يديلك شده التيار 0.1 امبير خلاص شده التيار يا مستر بقت موجوده معانا اعرف بقى اجيب كميه الكهربيه اه اعرف اجيبها فاروح اعوض في القانون اقول له كميه الكهربيه تساوي شده التيار في الزمن بس لازما يكون بالثانيه شده التيار في الزمن شده التيار وجبناه ب0 في الزمن ب 20 دقيقه انا ما بشتغلش بالدقائق وعلشان احول من دقيقه لثانيه بضرب في 60 20× 60 ب 1200 ثانيه ده الزمن اللي انا هشتغل بيه انا بشتغل بالثواني فاقوم جاي ضارب ال0.1 في الكام؟ في ال 1200 تديني كام بقى؟ 0.1 0.1 يعني 1 على 10 في 1200 يعني على 1 يديني 1200 على 10 يعني 120 مالكش دعوه بالكلام ده انت احسب على الاله يبقى الناتج هيديني 120 انا بحسب كميه كهربيه ها ووحده قياسها عندك الايه؟ الكولوم كلام جميل السؤال اللي بعد منه اختر يقاس فرق الجهد طبعا بوحده الفولت شده التيار تقاس بوحده الامبير اذا مر تيار كهربي شدته 2 امبير عبر مقطع موصل في زمن اين دقيقه فان كميه الكهربيه تكون كام كولوم طبعا هنا كميه الكهربيه يا شباب هتساوي شده التيار في الزمن اين في طبعا ما بشتغلش بالدقائق انا بشتغل بالثواني دقيقتين يعني 120 ثانيه 2× 120 يديني 240 كولوم يستخدم جهاز نقط لقياس القوه الدافعه الكهربيه طبعا الفولتميتر يستخدم جهاز نقط لقياس المقاومه الكهربيه ده الاوميتر علل يوصل في بعض الدواير مقاومه متغيره ايه لازمه المقاومه المتغيره للتحكم في شده التيار والتحكم في فرق الجهد وطبعا ده عن طريق التحكم في قيمه الايه؟ المقاومه عن طريق طول السلك علل يوصل طرفي الفولتميتر بقطبي البطاريه في الدائره الكهربيه ليه احيانا بحب احط الفولتميتر ما بين قطبي البطاريه يبقى انا كده عايز اقيس ايه؟ حاجه اسمها جدع القوه الدافعه الكهربيه يبقى هقول لي القياس القوه الدافعه الكهربيه ما بين انا حطيته وما بين القطبين بتوع المصدر بتاع التيار الكهربي بتاعي علل يوصل الاميتر في الدائره الكهربيه ايه لازمته؟ الاميتر ده بيقيس شده التيار فهقول له لقياس شده التيار الكهربي. السؤال اللي بعد منه بيقول لي علل لا ينتقل التيار من موصل جهده 20 فولت لاخر جهده 25 طبعا يا جماعه لان احنا اتفقنا ان التيار بينتقل من الجهد المرتفع للجهد الايه؟ المنخفض فهقول له لان الجهد الكهربي ينتقل من الموصل الاعلى الى الموصل الاقل او لان التيار الكهربي ينتقل من الموصل الاعلى جهدا الى الموصل الاقل ايه؟ الى الموصل الاقل جهدا. علل النحاس فلز جيد لتوصيل الكهرباء اشمعنى النحاس؟ لان اتفقنا ان هو بيحتوي على الكترونات حره تتحرك بسهوله ممكن ارد عليه واقول له لان قوه التجاذب بين النواه وبين الالكترونات في النحاس ضعيفه فيمكن ان تتحرر الالكترونات بسهوله السؤال اللي بعده بيقول لي ماذا يحدث عند توصيل موصلين لهما نفس الجهد الكهربي؟ طبعا ليه نفس الجهد الكهربي يبقى لا ينتقل التيار الكهربي بينهم ماذا يحدث عند شده التيار عند زياده طول سلك الريوستات الموجوده في الدائره طبعا انا لما بزود يا جماعه طول السلك في المقابل اللي هيحصل عند حضرتك ان المقاومه هتزيد ولو المقاومه زادت شده التيار هيحصل لها ايه؟ هتقل يبقى هروح اقول له تقل شده التيار السؤال اللي بعده زياده فرق الجهد الى الضعف عند ثبوت درجه الحراره بالنسبه لشده التيار طبعا في ما بين فرق الجهد وشده التيار علاقه طرديه يبقى لو زاد فرق الجهد هتزيد برض عند حضرتك شده التيار للضعف طب عندي سؤال لو انا هنا قلت لك بالنسبه للمقاومه تقول لي تظل المقاومه ثابته خد بالك المقاومه تقدر تتحكم في شده التيار وتقدر تتحكم في فرق الجهد لكن هم ما يتحكموش فيها بمعنى المقاومه لو قلت شده التيار وفرق الجهد يزيدوا المقاومه لو زادت شده التيار وفرق الجهد يقل طب لو واحد منهم زاد او قل هل ده هياثر في المقاومه لا المقاومه قيمتها ثابته الحاجه الوحيده اللي بتلعب في المقاومه وبتاثر فيها هي طول الايه طول السلك خد بالك من دي بردهحطها حلقه في ودنك السؤال اللي بعده ماذا يحدث عند تلامس موصلان مشحونان وكان الجهد الكهربي للموصل الاول اعلى من الجهد الكهربي للموصل الثاني طبعا هقول له ينتقل التيار الكهربي من الموصل الاعلى الى الموصل الاقل يعني من الاول الى الايه الى التاني المساله اللي بعد منها بيقول لي من الشكل المقابل احسب قراءه الاميتر طبعا قراءه الاميتر الاميتر دوت بيقيس شده التيار فشده التيار عند حضرتك بتساوي كميه الكهربيه على الزمن بالثانيه بس انا هنا عندي كميه كهربيه ولا عندي زمن فهاخد القانون الثاني اللي هو الثالث والاخير اللي بيقول ان شده التيار بتساوي فرق الجهد على قيمه المقاومه فرق الجهد عند حضرتك ادي الفولتميتر اري 6 فولت يبقى فرق الجهد بسته على المقاومه مقدارها 1.5 اوم يديني كام يا مستر؟ يديني 4 امبير وبكده عزيزي الطالب الجميل اللزوز نكون بفضل الله وصلنا لنهايه الحلقه بتاعتنا اتمنى تكون استفدت قدر الاستفاده واي سؤال يقف معاك ابعت لي في الكومنتس وهنرد عليك ان شاء الله باذن الله رب العالمين وفي النهايه نختم بالدعاء بتاعنا الجميل اللي احنا متعودين عليه اللهم اني استودعك ما فهمت وما حفظت وما علمت فاحفظه لي ورده الي عند حاجتي اليه برحمتك يا ارحم الراحمين كان معاكم اخوكم احمد السعدي مدرس العلوم الكيمياء بالاس اسكندريه على منصه حنذاكر اون لاين اشوفكم على