الرياضي الذي بنى أخطر شبكة مخدرات دولية

شاب امريكي دخل عالم كره القدم الامريكيه بالصدفه وخلال سنوات قليله صار جزء من واحد من اقوى فرق الجامعات بامريكا لكن خلف حياه الشهره والحفلات كان عم يدخل تدريجيا بعالم خطير جدا بالبدايه كان يهرب هرمونات ومنشطات من المكسيك ويبيعها لزملائه بكره القدم وبعدها الموضوع كبر اكثر واكثر لحد ما تورط مع وحده من اخطر منظمات تهريب المخدرات بالعالم وصار يهرب شحنات ضخمه بين امريكا واستراليا بس المشكله ما كانت بالتهريب نفسه المشكله كانت كيف رح يرسل ملايين الدولارات من استراليا لامريكا بدون ما ينكشف وفجاه اخترع طريقه ذكيه وخبيثه جدا لحتى يهرب الاموال طريقه بالبدايه بدت وكانها الحل المثالي لكنها بعد فتره قصيره قلبت حياته لكابوس لانه غلطه واحده بس كانت كافيه تخليه يخسر مبلغ ضخم جدا ويتحول من شخص بيشتغل مع الكارتيل اللي شخص الكارتيل نفسه صار بده يقتله لحتى يسترجع امواله فشو هي الطريقه وكيف لاعب كره قدم جامعي تحول لشخص مطلوب لاخطر عصابات العالم تابعوا واكتشفوا بنفسكم السلام عليكم انا عمر ونورتوا موطنكم بالبدايه خلوني ابارك لكم واحكي لكم كل عام وانتم بخير بمناسبه عيد الاضحى والله يجعله عيد مبارك علينا وعليكم يا رب. اوين نشا بولايه كاليفورنيا وتحديدا بمدينه ساحليه اسمها ريدينو بيتش. مدينه ساحليه قريبه من لوس انجلس ومشهوره باليخوت والشواطئ وهي الاجواء. واكيد لما بدك تسمع قصه انسان لازم تفهم طفولته وكيف كبر وترارع. ابو اوين جيم هانسون كان رجل عامل بناء وكان يعمل بكد وتعب وعناء طول حياته لحتى يامل لعائلته حياه كريمه ويامل لاولاده مصاريف دراستهم كان عنده طفلين اوين واخته بس مشكلته انه كان يعاني من ادمان الكحول كان شريه بدرجه اولى ولما كان اوين عمره ثمان سنين كانوا امه وابوه يتشاجروا بشكل مستمر وبتحصل بينهم مشاكل دائما وبالاخر قررت الام انه تطلع طلق ما عاد بدها هي العيشه واتفقوا انه الولد رح يضل تحت رعايه ابوه والبنت تحت رعايه امها بمكان مختلف اوين الطفل تدمر من هذا القرار بعد امه واخته عنه اذاه نفسيا كان يجلس عند شباك البيت ويضل يبكي على فراقهم ابوه لما شافه حزين هيك حكى له اسمع بهذا البيت ممنوع حدا يبكي نحن رجال روح جيب كره الطائره وجمع الجيران واصحابك لحتى نروح نروح للشاطئ ونلعب كره الطائره لعبه جماعيه بتنلعب بين فريقين وكل فريق غالبا فيه ست لاعبين والهدف انه تخلي الكره تلمس ارض الخصم وتمنعها تلمس ارضك هي الرياضه صارت ادمان عند اوين كان يتدرب ليل ونهار لحتى يلاهي نفسه عن التفكير بامه واخته ومن بدايه المراهقه كان باين عليه ناجح بهي الرياضه كان لاعب قوي وبيكره الخساره وبعد ما تدرب وتعب على حاله وصار لاعب صاحب خبره بالرياضه انضم لدوري بالمدينه ومباشره من اول ما انضم للدوري المدربين شافوه لاعب رائع وعنده الامكانيه بانه يصير محترف بهي الرياضه وبالسنه الاخيره من دراسته الثانويه تواصلوا معه عده جامعات لحتى ينضم لهم ووقع حظه بالاخير على اختيار جامعه جنوب كاليفورنيا لحتى ينضم لها وكان لقبها يو اي سي اختصارا لاسمها وبهديك السنه بسنه ال 2000 هي الجامعه كان تصنيفها وحده من افضل الجامعات بامريكا ولانها كانت جامعه خاصه فرسومها كانت غاليه جدا مقارنه بالجامعات الثانيه اوين ووالدو ما كان عندهم القدره انه يتحملوا تكاليف الدراسه فيها بس الجامعه كانوا هن رح يتكفلوا بمصاريف دراسته فابوه شجعه وخلاه يغتنم الفرصه فقبل العرض وانضم للجامعه وانتقل للسكن الجامعي فيها اول مشكله واجهها اوين بعد ما انضم انه الجامعه كانت مليانه بابناء الاثرياء والاشخاص اللي واضح عليهم الثراء وهو المسكين يا دوب كان عنده حق ملابس جديده يشتريها للجامعه الشباب الطلاب لابسين ساعات رولكس وملابسهم من افخم الماركات العالميه وكلهم معهم بطاقات امريكان اكسبرس السوداء البلاك كارت هي البطاقات تعتبر وحده من اندر وافخم البطاقات البنكيه بامريكا مو اي شخص بيقدر يحصل عليها وحتى التقديم عليها مو متاح للجميع الشركه نفسها بتختار الاشخاص اللي عندهم ثروات وصرف سنوي ضخم جدا وبترسل لهم دعوه خاصه للحصول عليها ووجود هي البطاقه مع اي شخص كان يعتبر دليل مباشر على النفوذ والثراء والحياه الفاخره اوين هون صار يفكر كيف رح يندمج بهالمكان ابناء الطلاب كلياتهم رؤساء تنفيذيين واطباء ومحامين ومشاهير بينما ابوه المسكين كان عيفان التنكه بس بالرغم من هيك لما انضم للجامعه قرر انه يركز على رياضته كره الطائره وفريقه وقتها كان من بين افضل ثلاث فرق بالبلد الحلو بالنسبه له انه كان مدمن هي الرياضه ولا كان يشرب خمر ولا يتعاطى مخدرات فهذا الشيء ساعده انه يتطور اكثر واكثر بس المشكله انه اغلب الاوقات بالمباريات بيكون بمقاعد التبديل ما بيكون عم يشارك مع الفريق بالمباريات المهمه وبيوم من الايام المدرب اجتمع معه وحكى اوين ادائك مو كافي لاستمرارك معنا بدك تركز على تقويه ذراعك وقفزتك العموديه لانه هذول من اهم الاشياء بكره الطائره والا رح يتم استبعادك لما سمع هذا الكلام تحطم حس انه اماله كلياتها تلاشت وانه الفرصه الوحيده اللييلي تقدمت له رح تضيع من ايديه فهون من كثر التفكير والاحباط رجع لمدينته ريدانتو بيتش وهناك اجتمع مع اصدقائه وابوه وطلع شوي من جو الضغط اللي كان عايشه واحد من اصدقائه كان رجل مفتول للعضلات فشرح له وضعه وحكى له انه جامعه طلبوا منه يطور ذراعه وقفسته العموديه صاحبه رد عليه اذا عندك جراه روح لعند شي بيطري بالمكسيك وحصل هرمونات واستخدمها بهذك الفتره الهرمونات كانت منتشره بالسر بين الرياضيين ولاعبين كمال الاجسام بامريكا بس الحصول عليها بشكل قانوني كان صعب جدا فصاحبه لما حكى له هذا الكلام ما كان عن مسحه لانه ببعض مناطق المكسيك وخصوصا بمدينه اسمها تيخوانا الحدوديه مع امريكا كانت بعض العيادات البيطريه تبيع هرمونات بسهوله كبيره لانه اصلا جزء من هالمواد كان يستخدم للحيوانات اجلكم الله مثل الخيول والابقار اللي زياده القوه والكتله العضليه اوين نزل مع صاحبه على مدينه اخوانه بالمكسيك اللي كانت معروفه كمان عند كثير امريكان باجواء التهريب والفوضى والاشياء الممنوعه بعد ما كملوا طريقهم بالمدينه وصلوا لمحل عليه صور خيول وكلاب وطيور وقطط بس الشيء الصادم انه المكان مليان شباب امريكان ضخمين بشكل مرعب وهون فهم انه الموضوع مو مجرد عياده بل سوق سري معروف بين الرياضيين وهذا تماما الشيء يلي كان بده اياه بعدها اشترى منهم كميه حبوب وقوارير وهرمونات بقيمه 500 دولار بس المشكله الحقيقيه ما كانت بالشراء كانت بكيف يرجعهم لامريكا لانه اذا انكشف على الحدود انه عم يهرب هرمونات معه ممكن يخسر منحته الجامعيه وينسجن ويصير عنده سجل جنائي يدمر مستقبله بالكامل وهون اوين اخذ اول قرار خطير بحياته خبى الهرمونات على جسمه بطريقه ما لحتى يقدر يمر من الجمارك الامريكيه بدون ما ينكشف وبعد ما صار جاهز رجع للحدود وضل عم يستنى وهو واقف على الدور حوالي ساعتين وطول الوقت كان عم يتعرق ومتوتر وعم يفكر شو اسوا سيناريو ممكن يصير لما وصل لعند موظف الجمارك الامريكيه ساله هل بتحمل معك اي شيء وهون حس انه قلبه وقف رد عليه لا يا سيدي ما معي شيء وجيت للمكسيك مع صاحبي بزياره واعطاه بعدها جواز السفر ولما شيكه حكى له تفضل فينك تمشي هي كانت نقطه التحول الحقيقيه بحياته وبدايه الجنون لانه بهذك اللحظه حس بنشوه الادرينالين حس انه خدع النظام كلياته ونجح لما رجع لامريكا بلش ياخذ هي الهرمونات حقنه كل ثلاث ايام وقتها كان عمره 19 سنه بس ولا كان يتعطى مخدرات ولا شيء فبعد اسبوعين بلش يحس بضخامه عجيبه ومباشره فتح اعين المدربين عليه وهو عم يترب شافه مدرب قوه بدنيه لفريق كره القدم الامريكيه وحكى له انت مفتول العضلات وجسمك اسطوري ليش ما بتجرب تنضم لكره القدم وبما انك منضم لجامعه جنوب كاليفورنيا ففيك تنتقل لقسم كره القدم الامريكيه بنفس جامعتك لما سمع هذا الكلام استغرب بالاول وتردد من الفكره لانه هذا الفريق كان من افضل الفرق اللاعبين مشهورين وحاصلين على جوائز كبيره وبالاضافه على هيك انه ما لعب كره القدم الامريكيه من قبل ولا لمس الكره مره واحده حتى وغير هيك اللعبه هي فيها اصابات عنيفه وكبيره لازم يحط هذا الشيء بعين الاعتبار ممكن ينصاب بارتجاج بالدماغ او اصابات بالرقبه والظهر او تمزق الاربطه او خلع الكتف وكثير اصابات ثانيه مشهوره بهي اللعبه بس بعد ما فكر بالموضوع حكى لك شو الشيء اللي رح اخسره يعني بالعكس اي فرصه لي وبالفعل بسنه 2002 انضم لفريق كره القدم الامريكيه بجامعه جنوب كاليفورنيا اوين ما حدا عارض انضمامه بس لما بلش تدريب مع الفريق اندهش اللاعبين كلياتهم من اقوى واشهر اللاعبين ولهم شعبيه واسعه على العكس اوين يلي بحياته ما لمس كره القدم بس بالرغم من هيك بعد ما انضم للتدريبات بمده الفريق قبل انضمامه للعب معهم هذا شيء كان غريب بحكم انه كان مبتدئ بس الحظ لعب معه وكان يشتغل على نفسه بالتدريبات والاعجب من هيك انه كان ياخذ هرمونات وما حدا من المدربين كان عارف شيء انسان مجنون بعد التدريبات بلش يلعب مباريات مع الفريق وحاول يقدم اقوى ما عنده ومباراه عن مباراه حصل شويه شهره وحصل خبره باللعبه وتعرف على اصدقاء واحد من الاشخاص يلي تعرف عليهم كان لاعب اسمه تانك واكتشف بعدين انه صاحبه هذا كان هو كمان ياخذ هرمونات وحتى كان يحصلها من مصادر افضل منه طبعا اوين بنفس الوقت كان كل فتره يسافر للمكسيك ويهرب اللي فيه النصيب من الهرمونات لحتى يستخدمها بس هون بعد ما تعرف على تانك وصارحه انه بياخذ هرمونات صار يشتريها منه بدل ما يسافر للمكسيك ويعرض نفسه للخطر وبعدها صار مو بس يستخدمها هو صار يبيعها للاشخاص الثانيين وصار له سيط انه بيبيع المنشطات والهرمونات وهي القصص وكانه لما اللاعبين يتصاوبوا مثلا بيجوا وبيعهم هرمونات بتسرع عمليه التعافيه واللي عنده مشاكل بالنوم صار يبيعه ممنوعات خفيفه لحتى تساعده على النوم وصار يعني الطبيب بعيون زملائه وبعد مده اكتشف انه صار مصدر دخل له ببيع المواد للناس وبحصل ارباحه وقرر انه يخلي هذا الشيء عمله الخاص لحتى يتحمل تكاليف المعيشه بالجامعه بنفس الوقت استمر اوين باللعب مع الفريق اللي كان عايش وقتها من اقوى فتراته بتاريخ كره القدم الجامعيه الامريكيه بطولات وانتصارات متتاليه ونجوم الفريق صاروا مشاهير على مستوى البلد كلياته لدرجه انه المباريات كانت تتحول لاحداث وطنيه والجماهير كانت تتعامل مع لاعبين الفريق كانهم نجوم محترفين بالفعل وحتى كبار المسؤولين والسياسيين كانوا يتابعوا الفريق ويدعموه ومن بينهم الرئيس الامريكي وقتها جورج بوش وهي الصوره لاوين وهو متصور معه بهذك الفتره بس بالرغم من كل هالنجاحات والاجواء الخرافيه كان في خوف عم يكبر جواته بصمت لانه كان شايف اصدقائه حواليه عم يقتربوا اكثر واكثر من حلم الاحتراف الحقيقي خلونا نقول بعض منهم صار ينذكر اسمه بالاعلام الرياضي وبعض كانت فرق الدوري تراقبهم من وقت الجامعه واوين كان عارف انه بمجرد ما تخلص هذك المرحله كل شيء رح يتغير ولما اجت ليله التخرج الكل كان عم يحتفل وكانه المسيره لساتها ببدا بدايتها بس اوين عاش لحظه مختلفه تماما استوعب بلحظه واحده انه هالايام ما رح ترجع ابدا الفريق اللي كان يعتبره عائلته رح يتفرق والنجوم يلي لعب معهم رح يطلعوا لعالم الشهره والملايين بينما هو ما كان يعرف وين يروح اصلا وبعدها بلشت الصدمه الحقيقيه صار يتابع الحدث السنوي يلي بتيجي فيه فرق دوري كره القدم الامريكيه المحترفه وبتختار افضل لاعبين الجامعات لحتوقعوا معهم ويصيروا لاعبين محترفين وصار يشوف اسماء اصدقائه عم تنذكر على التلفزيون واحد ورا الثاني واحد راح بعقد بملايين الدولارات والثاني صار نجم معروف ولاعبين ثانيين حصلوا عقود وفرص ضخمه بالاعلام والرياضه واما هو فكان لساته عايش ببيت ابوه وعم يحاول يفهم شو المفروض يعمل بحياته هون بلش شعور خطير يتسلل لعقله انه الحفله انتهت بالنسبه له هو بس وانه كل الناس اللي حواليه عم تنجح بينما هو واقف بمكانه وبهذك اللحظه تحديدا صار عنده هوس بفكره واحده بس لازم يصير غني وباي طريقه ممكنه بالبدايه حاول يدخل عالم العقارات واسس موقع وشركه وكان يحاول يروج لنفسه صوره رجل الاعمال الناجح المستفيد من ماضي الرياضي وشهرته الجامعيه وكان مقتنع انه العقارات رح تخليه مليونير بسرعه مع انه ما كان معه لا راس مال ولا شيء وفعلا لفتره قصيره حساس انه الامور ماشيه بالطريق الصح بس فجاه كل شيء نهار الازمه الاقتصاديه ضربت امريكا بسنه 2008 وسوق العقارات سقط بشكل مرعب واحلام اوين بالثراء السريع اختفت خلال فتره قصيره جدا بس هو ما كان مستعد يرجع يعيش حياه عاديه او يبلش من الصفر مثل اي شخص طبيعي بالعكس بهذك الفتره كان عنده ميزه خطيره جدا شبكه علاقات ضخمه بناها من سنوات الحفلات والجامعه واللاعبين والمشاهير اوين كان يعرف كثير ناس اذا تواصل معهم بيفتحوا له الابواب فورا وبين كل هذك العلاقات تذكر شخص بلاس فيغاس كان مدمن مراه بشكل مرعب رجل كان يخسر حوالي 100,000 دولار بالاسبوع على الرهانات الرياضيه بدون توقف وهون خطرت بباله فكره غيرت حياته بالكامل اذا هذا الشخص عم يخسر مبالغ ضخمه مين عم يربحها كلياتها؟ الجواب كان واضح. اصحاب شبكات المراهنات السريه بهذك اللحظه حس انه اخيرا حصل المجال يلي ممكن يرجعه للقمه بسرعه لانه هو اصلا بيملك اهم شيء بهالعالم العلاقات وكان يعرف انه وجود لاعبين كره قدم محترفين وزباين حواليه ممكن يحول المشروع لامبراطوريه خلال وقت قصير وهون اسس شبكه مراه رياضيه خاصه فيه ومع الوقت فعلا بلشت الامور تكبر بشكل مرعب افتتح مركز عمل بكوستاريكا اللي هي دوله موجوده بامريكا الوسطى افتتحه هناك لحتى يهرب من القوانين الامريكيه وبلش يدير شبكه مراه ضخمه فيها لاعبين من دوري الفريق اللي كان يلعب معه واصدقاء قدامى من الجامعه وشخصيات معها اموال ضخمه الاموال كانت تدخل بسرعه والرهانات عم تكبر اكثر واكثر واوين عاش لاول مره الاحساس اللي كان يلاحقه من وقت التخرج احساس انه صار قريب من الثراء الحقيقي يلي وصلوا له اصدقائه لكن عالم المراهنات الغير قانونيه ما كان مجرد ارقام واموال لانه بمجرد ما يخسروا الناس مبالغ ضخمه البعض بيرفض يدفع وهون بلشت حياه الاخ تدخل بعالم اخطر بكثير عالم الترهيب والعنف وتحصيل الديون بالقوه ولهذا السبب استعان بشخص مرعب معروف بلقب كوبرا رجل سامواني ضخم جدا مليان كان وشوم ومرتبط بعالم العصابات والعنف بالشوارع وجوده لوحده كان كافي لحتى يخوف اي شخص بفكر يتهرب من الدفع والشخص هذا ما كان لوحده طبعا كان عنده عصابه بتعمل معه ومن هون ما عاد المشروع مجرد شبكه مراهنه بلش يتحول تدريجيا لمنظمه كامله فيها اموال سوداء اوين لما كان يدخل مقامر ويقامر معه بشبكه المراهنات الخاصه فيه ان خسر فرح يدفع المبلغ بالكامل وان ربح المفروض انه او يدفع له الارباح كامله فمره من المرات راهن معه عميل بالمكسيك كان حوت بالسوق على 100,000 دولار وخسرها وكان دائما يخسر هيك مبلغ وبالنسبه له هالرقم ولا شيء بس مره من المرات فجاه راهن وربح 220,000 دولار وهون اوين المفروض يسلموا ارباحه بالكامل وفعلا مباشره جمع المبلغ وسلم اياه بدون اي تاخير الزلمه ان عجب باسلوبه بالعمل وبلش يوثق فيه فتواصل معه وحكى له رح ارسل لك طرد فيه هاتف مشفر لحتى نتواصل مع بعض عن طريقه لما وصلوا الطرد وفتحه حصل بداخله هاتف مشفر ملغي منه الجي بي اس والمايكروفون يعني كان هاتف مشفر ومعدل خصيصا لعمليات سريه وهذا النوع من الهواتف المعدله بيستخدموه مهربين الممنوعات عاده لحتى يتواصلوا مع بعضهم بسريه تامه لانه بيكون ون شبه مستحيل تتبع الاتصالات فيه او مراقبتها بعد ما شغل اوين الجهاز بثلث ساعه وصلوا رساله بسيطه ولكن مرعبه وكانت من المراهن يلي ارسل له الهاتف وحكى له فيها حبيت طريقه عملك بالمره الماضيه وانا حابب انه نتعامل مع بعض محتاجك تستلم مليون دولار من مكان معين واذا نجحت الطريقه رح اعطيك 100,000 دولار بالنسبه لاوين الرقم كان صادم 100,000 دول بيوم واحد بس لكن الشيء الاخطر كان المكان يلي المطلوب يروح عليه واللي هو مدينه براونزفيل بولايه تكساس قرب الحدود المكسيكيه ولما سالوا ليش هم ما بيستلموا الاموال بنفسهم رد عليه انه المنطقه مو تحت سيطرتهم وفي جماعه منافسه هناك هون فهم انه الموضوع اكبر بكثير من مراه رياضيه وصار واضح انه الاموال مرتبطه بعالم الكارتيلات والعصابات الاجراميه على الحدود وبالرغم من كل اشارات الخطر اوين وافق واستاجر طياره خاصه واخذ معه صاحبه تانك اللي كان يلعب معه بالفريق وكان يشتري منه الهرمونات ويبيعها للاعبين لما وصلوا لمنطقه الهبوط بتكساس كان التوتر مرعب المكان كان شبه فارغ واوين كان يطلع حواليه وهو متاكد انه في شيء غلط وفجاه ظهرت شاحنه صغيره ونزل منها رجل مكسيكي لابس ملابس عامل حدائق وعليها تراب وكانه مجرد عامل بسيط بس هذا الرجل كان ماسك حقيبه رياضيه ضخمه مليانه اموال وسلمها لاوين وحكى له هي للزعيم بعد ما استلمها منه ودخل الطياره رجعوا لكاليفورنيا وسلموا الحقيبه هناك الرجل يلي اسند له المهمه كان سعيد جدا باداؤه ومن هون اوين ما عاد مجرد مدير شبكه مراه صار شخص يعتمد عليه بعالم تهريب الاموال والعمل عمل مع جهات اجراميه فسالوا بعدها هل عندك معارف باستراليا اوين استغرب من كلامه ورد عليه شو قصدك وشو بدك مني بالضبط رد عليه انا زعيم كارتيل تهريب مخدرات وعندي ممنوعات هناك محتاج اوزعها يعني الفكره انه الكارتيل او الشبكه هي عندها كوك اصلا باستراليا او قادرين يوصلوه لهناك لكنهم بحاجه لشخص عنده علاقات ويعرف يبيع ويوزع ويغسل الاموال ويتعامل بشكل نظيف بدون ما يلفت الانتباه هون اوين صار يفكر بشو ورطت نفسي انا وشو هالدخله اللييلي دخلتها يعني فجاه اكتشف انه انتقل من وكيل مراه الى شخص تم تجنيده من قبل عصابه مخدرات بس بالرغم من هيك قرر ياخذ الخطوه ويكمل بهذا الطريق وحكى له انا جاهز للخطوه الثانيه المشكله انه ما كان يعرف شيء عن استراليا فكالعاده بلش يفكر بمين من ما عارفه السابقين ممكن يفيده بهي المهمه وتذكر انه كان في لاعب بكره القدم خبره مره من المرات انه اخوه بيعرف رجل بيعمل بتجاره الحشيش هناك ولقبه كان العم لويس او العم لو العم لو هذا كان رجل عصابات ايطالي وحس اوين انه كان الرجل المناسب اللي ممكن يساعده بهي المهمه لما اجتمع معه بكاليفورنيا مباشره دخل بالموضوع وحكى له عندي شحنه باستراليا وبدي حدا يقدر يوزعها بس العامله انصدم منه وضحك بوجهه وحكى له انت مجنون يعني لانه تهريب الممنوعات بين القارات وبيعها عمليه مو بسيطه ابدا الموضوع محتاج شبكه ضخمه وحمايه وعلاقات وسيطره على موانئ واسواق بس اوين ما تراجع ورد عليه اذا في شخص بيقدر يعملها فهو انا وحكى له كمان انه المخدرات مو هو اللي رح يشحنها لاستراليا فطلع عليه العم لو وحكى معناها اذا قدرت تدخل الشحنه انا راح ابيع كل كيلو منها بس قبل ما يبلش اوين كان لازم يتغير بالكامل عالم العصابات بهذك المرحله ما كان بيتطلب انه الشخص يكون شكله مجرم شوارع لازم يكون شخص بيقدر يدخل الفنادق الفخمه ويجلس مع رجال اعمال ويسافر بين الدول بدون ما يلفت الانتباه ولهيك طلبوا الكارتيل منه انه يغير مظهره بالكامل وحتى يزيل الوشوم من جسمه وخلال فتره قصيره تحول اول من شاب متهور وشكله قريب من عالم العصابات لرجل اعمال انيق بيعرف كيف يتكلم ويتصرف ويتاقلم باي مكان بيدخل له لما وصل استراليا وبالتحديد مدينه سيدني استاجر غرفه بفندق فور سيزن وكان طول الوقت على تواصل مع الكارتيل وفجاه باليوم الثاني سمع صوت طرق على الباب وكان موظف بشركه دي اتش ال شركه الشحن ولما فتح له حكى له انه هذا الطرد تم ارساله لعنوانه فاستلموا منه وتشكرهوا ولما فتحه حصل بداخله طرود محطوط عليها اختام ساعات رولكس بعد ما وصل العملو لعنده للغرفه وشم رائحه الطرود اكد له انه اللي بداخله هو ممنوعات واكد عليه انه لازم نكون حذيرين جدا بالتعامل مع هي الماده لانه ان تم القبض على شخص باستراليا ومعه اكثر من 3 غم فهذا الشيء يعتبر حكم بالسجن المؤبد وبعدها اخذ منه هي الطرود ورجع لعنده بعد نص ساعه بسمهوا حقها اللي كان بمئات الاف الدولارات وحكى له هل فينك تجيب كميه اكبر اوين بسرعه تواصل مع الكارتيل وسالهم هل فينا نحصل كميه اكبر رد عليه الشخص اللي بيتواصل معه طبعا رح ارسل لك 20 كغم اضافيه باقرب وقت ممكن وبعد كم يوم وصلوا الطلب واستلاموا من موظف الشحن على دفعات بغضون شهر واحد بس على كلامه قدر يبيع يمكن اكثر من 100 غم من الممنوعات والاموال ظلت تتراكم اكثر واكثر لحد ما جمع اكثر من 5 مليون دولار حتى ذكر بنفسه انه كان يخزنها بالبيت وما كانت تسع لانه كان يستلم الاموال من العام لو من فئه ال 50 فحجم الاموال رح يكون كبير بعد ما جمع هذا المبلغ تواصل مع الكارتل وطلب منهم انه يرسلوا اشخاص لحتى يستلموه بس ردوا عليه انه لا هي مهمتك انت يا ذكي ولهذا السبب عم نعطيك ارباح كبيره بدك تحول لنا اياها بطريقه ما للولايات المتحده هون انصدم وما كان عارف شو يتصرف عنده 5 مليون دولار اموال المخدرات للعصابه ولازم يرجع لهم اياها لامريكا بشكل من الاشكال وترى هي المهمه كانت حتى اصعب من مهمه بيع المخدرات عمليه غسيل الاموال بدها طرق واساليب احترافيه يعني مثلا اسعار المخدرات باستراليا مرتفعه كثير مقارنه بالولايات المتحده والسبب هو المسافه استراليا من اكثر الدول المنعزله جغرافيا بالعالم وفي حمايه كبيره على الحدود وصعب كثير تهريب او غسيل الاموال من هناك هي كانت من اكبر المشاكل لمستوردين المخدرات هناك فيعني متخيلين الدخله يلي دخلها اوين كبار تجار المخدرات بيستصعبوا هي العمليه يلي مجبور هو يقوم فيها ما كان فيه ببساطه ينقل حقائب الاموال على متن طائره خاصه مثلا لانه الجمارك غالبا رح يكشفوه وما فيه يحولها عن طريق البنوك هي بالنهايه اموال غير شرعيه وبالبنك رح يطلبوا منه جوازه وهويته كاثبات شخصي ورح يتحروا عنه ويعرفوا شو مصدر هي الاموال فالمهمه ما كانت سهله نهائيا لازم يحصل طريقه يستخدمها بحيث يتجنب اي اثر يبينه كغاس الاموال فهون بلش يفكر ويفكر بين نفسه وصار يتساءل بشو مشهوره استراليا حيوان الكنغر وحفلاتها الموسيقيه وصناعه نوع معين من الاحذيه اسمها اوج هي الاحذيه مصنوعه من جلد وصوف الخراف ودافيه وكثير مريحه وكثير مشاهير لبسوها بفتره من الفترات فصارت موضه عالميه خطه اوين كانت انه يشتري سبائك وعملات ذهب باستخدام الاموال يلي عنده ويجيب من هي الاحذيه الاوج وينزع النعال الله يكرمكم ويخبي بداخل كل حذاء عده قطع ذهب ويخبيها بعنايه وبهي الطريقه الشحنه رح تبين انها مجرد صنا صناديق احذيه عاديه صايره ترند عم تنشحن من استراليا لامريكا بينما بالحقيقه كان بداخلها ملايين الدولارات الاستراليه على شكل ذهب الخطه كانت ممتازه بس مو كافيه ابدا لحتى يغسل الاموال يلي عم يكدسها عنده يوميا كان يغسل اموال بقيمه 100 او 150,000 دولار ولكن المدخول من المخدرات كان اكبر من هيك بكثير على كلامه انه كان يحصل المليون دولار من بيع المواد يلي بيرسلوا له اياها الكارتير خلال عده ايام بس فهون حسب المصيبه ملايين الدولارات كانت عالقه باستراليا والكارتل بده امواله ترجع بسرعه وكل يوم بمر كان بيعني خطر اكبر واحتمال انكشاف الشبكه بالكامل ولهالسبب اوين صار مهوس بايجاد خطه مثاليه لغسيل الاموال وكاعتو بلش يستغل ذاكرته ويتذكر مين من معارفه السابقين ممكن يفيده بهي المهمه واتصل بوحده من معارفه وطلب مساعده دتها وحكت له انه بتعرف شخص ممكن يكون الحل المثالي لهي المشكله شخص غريب بيلقب نفسه باسم روبن هود 702 وهون بلشت وحده من اغرب العلاقات بالقصه كلياتها هذا الرجل كان مقامر كبير بيدخل للكازينو ومعه مبلغ كبير من الاموال احيانا مليون دولار او حتى اكثر والمبلغ يلي بيربحه بيتبرع فيه لاشخاص محتاجين هي الصوره يلي كان يروجها لنفسه حتى كان عنده موقع الكتروني بينشروا عليه الناس المحتاجين مساعده قصتهم وهو بيتواصل معهم وبيساعدهم شو وراء هذا العمل في موضوع مهم جدا واللي هو غسيل الاموال روبن هود مثلا مره تبرع لعائله عليهم دين بمبلغ كبير ومره دفع فاتوره علاج فتاه صغيره مصابه بمرض خطير وكان يقوم بكثير اعمال خيريه كان احيانا يسلم الاشخاص اللي بده يساعدهم اموال كاش او رقائق اللي بسموها تيبس هي الرقاقات بيستخدموها المقامرين بدل ما يراهنوا بالكاش مباشره بحولوا اموالهم لتشيبس روبن هود كان رجل غامض ومجهول الهويه بيلبس قناع وبيغطي وجهه ورقبته وبيلبس نظارات وطاقيه اوين لما سمع قصته تواصل معه ولكن بهويه مزيفه طبعا قدم نفسه باسم جونيور دوكا اسم ايطالي بيوحي وكانه صاحبه مرتبط بعالم المافيا ورجال الاعمال المشبوهين ولما التقوا اول مره بمدينه سانتا مونيكا بكاليفورنيا بلش اوين يشرح له مشكلته حكى له انه هو مجرد مدير مراه غير قانونيه بامريكا وعنده زبون غني باستراليا خسر مبلغ كبير وما عم يعرف هو كيف يجيب هي الاموال لامريكا بدون ما تنكشف العمليه او يصير مشاكل ضريبيه وقانونيه وطبعا ما حكى له الحقيقه انه الاموال مرتبطه بالمخدرات والكارتيل بل سرد القصه وكانها مجرد اموال مراه وقمار روبن هود قبل يساعده مقابل عموله 25% ولحتى يتم المهمه بده جناح فاخر بالفور سيزن وتذكره الطيران درجه اولى لحتى يسافر لاستراليا ويرتب العمليه هناك اوين ما كان عنده مشكله والكارتل كانوا مستعدين يدفعوا له 25% من المبلغ المهم يغسل الاموال ويتم ارسالها لامريكا بالنهايه فكره روبن هود كانت بسيطه وذكيه بنفس الوقت بعد ما وصل على استراليا اخذ من اوين مليون ونص دولار كاش وحولها داخل الكازينو لرقاقات قمار تشييبس وبعدها لعب عده جولات بشكل طبيعي ربح بعض منها وخسر بعضها لحتى يبين وكانه مجرد مقامر ثري عم يقضي سهرته بالكازينو وبعد مده قرر يوقف اللاعب بكل بساطه وحكى انه بده يرجع لامريكا وهون بدل ما يعطوه الاموال كاش الكازينو انه اعطاه شيك رسمي بالمبلغ المتبقي لانه الكازينوهات الكبيره حول العالم بتكون مرتبطه بانظمه وبنوك وشبكات ماليه بتسهل صرف هالشيكات داخل اماكن ثانيه مثل كازينوهات بلاس فيغاس وبمجرد ما رجع روبن هود لامريكا قدر يصرف الشيك هناك بشكل ظاهريا قانوني وطبيعي جدا وهون كانت عبقريه الخطه لانه الاموال نفسها ما اختفت لكن مصدرها الظاهري تغير بالكامل بدل ما تكون حقائب كاش مجهوله المصدر جايه من استراليا صارت تبين كانها اموال ناتجه عن القمار داخل كازينو فاخر روبن هود اتصل على اوين وحكى له تمت المهمه بنجاح واوين وقتها انصدم لانه اول مره حس انه حصل الحل المثالي لمشكلته المستحيله مليون ونص دولار تحولت من اموال مرتبطه بالمخدرات والكارتيل الى شيكات كازينوهات شرعيه بالكامل فمباشره تواصل وصل مع صاحبه بالكارتيل وخبره انه قدر يغسل مليون ونص دولار بهالطريقه المثاليه وحكى له استمر برافو عليك روبن هود اتصل مره ثانيه وحكى له بكل بساطه ليش ما نعيدها وطبعا اوين وافق واكيد فهم وقتها انه الاموال مصدرها ما كان من مراه غير قانونيه بل الموضوع مرتبط بالمخدرات اوين خبره انه عنده 2.5 مليون دولار جاهزه حاليا ومخبايه داخل غساله الصحون وعم تستناه وبكل حماس طلب منه يرجع لاستراليا لحتى يكمل العمليه وبالفعل لما رجع راح لعنده للفندق واعطاه حقيبتين سفر فيهم 2.5 مليون دولار الاموال هي كانت ملفوفه بالنيلو مثل ما بيعملوا تجار المخدرات ورائحه المال بتوحي انه كان مخزن بشي مكان مو كان مخزن بغساله الصحون مثل ما حكينا فبعد ما اخذها روبن هود راح للكازينو لحتى قامر فيها بالشهر الثامن سنه 2011 والكازينو كان اسمه ذا ستار سيتي بس اللي ما كان عارفه انه اول ما جلس على الطاوله الكازينو استدعوا السلطات الفيدراليه للمكان الاي اف الكازينوهات الكبيره عندها امن داخلي ومراقبه بالكاميرات على مدار الساعه وحتى فرق بتراقب غسيل الاموال والقمار المشبوه ونلاحظوا شيء مشبوه مثل مراه غريبه وغسيل اموال وتصرفات مريبه بيبلغوا الشرطه او السلطات الفيدراليه وبيستدعوهم للمكان السلطات الفيدراليه باستراليا لقبهم اي اف بي وتعتبر قريبه من الاف بي اي بامريكا تقريبا الاي اف بي مباشره صاروا يراقبوا روب بين هود من الكاميرات داخل القاعات الخاصه بالمقامرين الاثرياء ولاحظوا انه الاموال كانت رطبه وكانت ملفوفه بنايله وغير هيك الزلمه كان جالس وعم يقمر بمبالغ كبيره بخطوره بالنسبه لاي شخص عادي ممكن يفكر انه هذا مجرد مقامر غني بحب المخاطره بس بالنسبه لخبراء الكازينوهات والمحققين الموضوع ما كان طبيعي ابدا لانه المقامر الحقيقي بالعاده بيحاول يربح وبيحسب بخطواته وبتوتر اذا خسر وبيحاول يحافظ على امواله اطول فتره ممكنه بس روبن هود كان يتصرف وكانه الاموال مو مهمه اساسا بيربح شوي وبيخسر شوي بدون اي اهتمام حقيقي باللعبه نفسها وهون المحققين صار عندهم احساس انه الرجل مو داخلي قامر بل داخل لحتى يغسل الاموال يلي جايبها معه وكمان كان واضح عليه انه متوتر كان عم يصب عرق وهو عم يقامر وخايف يخسر الاموال يلي معه ومن هي اللحظه بلشوا الاي اف بي يشكوا فيه وصار مقامر مشبوه والصادم انه بعد ما انهى روبن هود مقامرته اتصل على اوين وحكى له مرحبا اوين عندي اخبار مو تمام حكى له خير شو صاير رد عليه الصراحه خسرت كل الاثنين ونص مليون دولار يلي اخذتها منك اوين انصعق من الخبر شو عم تحكي انت حكى له للاسف هذا اللي صار معي الزلمه جن جنونه ما صدق الشيء اللي صار الاموال مو امواله هو الاموال الكارتيل والكارتيل رح يساله شو صار فيها وليش ما حول له المبلغ واكيد ما رح يعرف شو رح يجاوبه طبعا بقراره نفسه ما كان مصدقه كان حاسه ونصب عليه الاموال وحكى له انه خسرها فاتفق معه انه يقابله بالكازينو وراح لعنده بسرعه هو وصديق له اسمه شان كارولين واجتمعوا اوين حكى له اياها بصريح العباره انت ورطت حالك وفي 2 مليون دولار مفقودين وانت المسؤول عنهم وصاحبه شون هدده لروبن هود وحكى له انه يروح ويجيب جواز سفره ويسلمهم اياه لحتى يضمنوا انه ما يهرب لخارج البلد والا رح يقتلوه بارضه رد عليه تمام رحلمك الجواز بس خلي ببالك انه في معي بالكازينو صديق لي مراسل اخباري من قناه فوكس نيوز عم يقامر الزلمه ما كان شخص سهل او غبي كذب هي الكذبه لحتى يطلع من الموقف لانه وجود صحفي يعني اي شيء عنيف ممكن يتحول لفضيحه اعلاميه ضخمه والظاهر انه اوين وشون خافوا شوي من هي الفكره فوافقوا وتركوه لبين ما يرتب اموره ويسلمهم المبلغ على اساس بس بعدها اتصل عليه وحكى له انه في سياره شرطه عم تتبعه من لما طلع من الكازينو وحاسس انه في شيء غلط عم يحصل اكيد اوين حس انه عم يكذب عليه وحكى له لا تتحجج حجزنا غرفه باوتيل هيلتون تعال وجيب معك جواز السفر وراح نحل الموضوع روبين هود وقتها كان موصل لغرفته بالفور سيزن ومباشره ضب اغراضه وراح للمطار لحتى يخرج من البلد وجهه نظره كانت انه ما له عندي اي شيء اعطاني اموال لحتى اقامر فيها وهو بيعرف بالمخاطر بهذا المجال الوضع هون كان مليان توتر بين الطرفين عوين كان ملتبك وخايف ما يكون الشرطه كشفوهم وانه يدخلوا لغرفته بالاوتيل ويفتشوها فجمع المبلغ اللي كان عنده بالغرفه اللي كان 700,000 دولار واخذه معه لما راح لحتقابله روبن هود هو وصاحبه على اساس على كلامه جاب المبلغ معه لانه كان مرعوب وخايف ما يكون في حدا عم يلاحقه وكمان لانه كان عم يتعاطى طول الوقت وعم يشرب الكحول فما كان بوعيه روبن هود كان خبيث لما عرف انهم جايين لاوتيل هيلتون اتصل على اداره الاوتيل وبلغهم عن وجود شخص بيحمل سلاح بالغرفه رقم 326 اللي هي الغرفه اللي كان من المقرر يجتمعوا فيها امن الاوتيل اتصلوا على الشرطه وبلغوهم بهذا الشيء بس الشرطه لما وصلوا وفتشوا الغرف كلياتها ما حصلوا حدا معه سلاح وبعد ما وصلوا فجاه دخل اوين وصاحبه شون كارولين ومعهم الحقيبه يلي بداخلها 700,000 دولار كاش الشرطه هون صدروا الحقيبه اللي كانت مع شون واخذوا لي القسم وسالوه هو واوين شو عم يعملوا بهي الاموال يعني الحقيبه كان شايلها شون فافترضوا الشرطه انه هو صاحبها طبعا ما حدا منهم اعترف بشيء كانوا يراوغوهم وما اعطوهم جواب واضح وبعد ما راقبوا كاميرات الكازينو عرفوا انه روبن هود اجتمع معهم وانه متورط بهذا المبلغ فمباشره تبعوا تحركاته وعرفوا انه توجه للمطار لحتى يسافر على امريكا وتخيلوا وصلوا للمطار والزلمه يا دوبو ركب الطياره فنزلوه لحتى يقبضوا عليه ويحققوا معه بس لانه ما كان عليه شيء ما قدروا يمنعوه من السفر واضطروا يتركوه يسافر اوين لما عرف انه سافر تدمر تماما خلص قفلت بفعلته والاموال يلي اعطاه اياها تبخرت يعني تخيلوا بيوم واحد بس خسر 3.2 مليون دولار 2.5 مليون دولار خسرها روبن هود بالمقامره على كلامه و700,000 دولار صادروها الشرطه لحتى يحققوا بموضوعها ويا برجعوها يا اما بيكتشفوا قصه اوين وطورته بعمله الاجرامي وبيقبضوا عليه هذا السيناريو اللي كان خايف منه ولهيك قرر يغادر استراليا ويرجع للوس انجلوس اوين كان على يقين ان عرفوا الكارتيل انه خسر هذا المبلغ ما عندهم مشكله يخلصوا عليه وينهوا حياته وكان لساته مصم صمم انه روبن هود ما خسر المبلغ وبده يحصله منه باي شكل من الاشكال لما كان يتصل عليه كان يرد على الهاتف ما كان يتهرب منه وكان يحاول يهدي الوضع كان يعطيه دفعات صغيره ومبالغ بسيطه بس بعدين فجاه بطل يتواصل معه صار يتهرب وما يعترف بالدين ولا يبعث له اي شيء وهون اوين بلش يفهم انه الامور عم تخرج عن السيطره وما بيقدر يهدده او يرسل له حدا يحصل منه الاموال بالقوه لكن عنده عنوان واضح له ولا معلومات كافيه عنه كان الزلمه مجهول الهويه ولهذا السبب قرر يستعين بمحقق خاص مشهور بامريكا اسمه دان اوهانكس هذا المحقق كان يعمل مع الاف بي اي والدي اي اي من قبل واشتغل معهم على قضيه جون جوتي زعيم المافيا وقضيه جيفريبستين وغيرهم لما تواصل معه اوين صاحبنا ساله هل فينك تحدد موقع شخص وتتحقق من خلفيته هي الامور رد عليه نعم اكيد فحكى له في شخص لقبه روبن هود بدي اعرف معلومات اكثر عنه قدر الامكان كان لقبه روبن هود 702 واللي هو رمز المنطقه لمدينه لاس فيغاس دان المحقق كان عنده وصول لقاعده بيانات ضخمه وحتى وصول لمكتب الاف بي اي والسي اي والدي اي اي على كلامه فبعد ما بحبش عرف انه اسم روبن هود الحقيقي كان روبرت سيبراني وكان عايش بشقه على شاطئ البحر بلوس لوس انجلوس اوين ما كان بده يكون عدواني معه رح يرسل له ناس لبيته ويخوفوه بس ارسل له عامل توصيل بيتزا وسلم طلبيه وحكى له هي لابنك الصغير وارسل بعدين باقه ورد لزوجته وكتب لها عليها مع تمنياتي بالتوفيق بحياتك طبعا هي الحركه كانت ترهيب ورساله له انه لا تحاول تتهرب من الدين يلي عليك روبن هود اتصل على اوين وهو مصدوم وخايف منه كيف عرف عنوان بيته رد عليه ما بدي منك شيء ادفع الدين اللي عليك وبس بس طبعا ما كان عنده اي نيه لدفع المال حكى لك الزلمه ماله ضاع بالمقامره شو ذنبي انا اوين شافه ما فهم فقرر يضغط عليه اكثر وارسلوا لبيته عصابه من الساموان يلي حكينا عنهم بالبدايه لحتى يهددوه الاشخاص الساموان هذول عندهم بنيه ضخمه ومشهورين بالوشوم وبتحسهم من جماعه الساموراي فراحوا لبيته وطرقوا عليه الباب وهددوه لحتى ير يرضخ لمطالب او بس قرر انه ما يضغطوا عليه كثير لحتى ما يروح لمركز الشرطه ويبلغ عنهم قرر بعدها انه يعين شخص كمراقب عليه من بعيد راح المراقب وركن سيارته امام بيته وهو صار يراقب كل تحركاته كان يشوفه وهو عم يطلع من الشباك عليه وانه مرعوب منه حتى مره طلع بسيارته لحتى يروح لمكان ومن كثر الخوف اللي كان حاسس فيه عمل حادث بس بالرغم من كل هيك ما رضخ لمطالبه ظل يعانده ويتهرب منه فشاف انه لازم يستفزه بشيء ثاني اقوى من هيك دان المحقق حصل نعوه لوالده روبن هود على الانترنت واكتشف انه الزلمه كان متاثر كثير بفقدان والدته فاوين عرف انه هي نقطه ضعفه وطلب مندان المحقق انه يروح بسيارته لقبر والده روبن هود اللي كان ببنسلفانيا وهناك ياخذ شاهد القبر ويجيب له اياه ويخبيه كضمان انه يرجع له الدين يلي عليه بس لما راح دانل للقبر اكتشف انه الشاهد طوله حوالي 180 سم ووزنه اكثر من 200 كيلو يعني من المستحيل نزعه فحكى له اوين معناها بدي اياك ترش دهان احمر على الشاهد وتخرب منظره دان لحتى ما يتورط بعدين بمسائله قانونيه بحث بجوجل عن قانون ولايه بنسلفانيا يلي بجرم تدنيس شواهد القبور واكتشف انه القانون بيعاقب على تدنيس القبر بغرامه قدرها 200$ بس يعني ان تم القبض عليه رح يدفع 200$و بس وبالفعل جاب الدهان ورش شوي على شاهد القبر وصوره صوره وارسلها لاوين وهون ساله هل بتعرف تستخدم الفوتوشوب؟ رد عليه طبعا حكى له طيب ممكن توضع صورتي بالمكان بحيث يبين انه انا كنت بجانب القبر حكى له طبعا بس بدنا صوره لك تكون باضاءه مشابهه فراح او لحديقه ولبس قناع ومسك كريك وتصور صوره بعدين ارسلها ليدان وقص الخلفيه على الفوتوشوب ودمجها مع صوره القبر الملطخ بالدهان وبين وكانه فعلا كان هو عند القبر لما ارسل الصوره لروبن هود حرفيا تدمر كان عنده بالحياه كل شيء الا شيء يخص والدته فاتصل على اوين وحكى لهي الدرجه انت خبيث ومنحط رد عليه والله هذا الموجود الاموال يلي اخذتها مني اموال الكارتل مو اموالي وبدك ترجعها بس هي الافعال ما زادته الا عناد واصرار اكثر ووعد اوين انه رح يجازيه على فعلته بقبر والدته اوين كان محبط ومدمر مر وقت طويل وزعيم الكارتيل صار يشك فيه ويساله شو صار بالاموال هون لحتى يخبره الحقيقه قرر يسافر لعنده للمكسيك لمدينهخوانا مكان ماهانه عايش وفعلا سافر اوين لعنده وهو حاسس انه نهايته قربت ان شكوا فيه حقه رصاصه بيقتلوه وبيخلصوا من الموضوع لما اجتمع مع الزعيم بمطعم حكى له انه الرجل يلي اسمه روبن هود اللي غسل له مره الاموال عن طريق القمار خسر 2.ص مليون دولار وشاكك انه يكون نصب عليه بس مو متاكد الزعيم لما سمع كلامه جن جنونه حكى له انت سرقت الاموال متاكد ما بتعرف كيف طريقه عملنا نحن رصاصه واحده بس بنهي الموضوع كلياته وهون لحتى يطلع من هي الورطه والمصيبه ويكسب حياته قدم له عرض وهو انه يرجع له امواله ومو 3.2 2 مليون دولار بل مع فوائد رح يرجع له 4 مليون دولار خلوا ببالكم انه وقتها الدولار الاسترالي كان قوي وقريب جدا من الدولار الامريكي تقريبا الاثنين نفس السعر الزعيم لما سمع العرض شفق عليه وحكى له رح ترجع المبلغ بالكامل باسرع وقت ورد عليه بتامر يا زعيم طبعا هو عم يحكي هذا الكلام وومانه عرفان من وين رح يدبر المبلغ بس بعد ما فكر قرر يبلش بال000 دو اللي صادرتها هالشرطه الاستراليه من صديقه شون كارولان لما راحوا لاوتيل هيلتون لمقابله روبن هود بعد ما رجع اوين لامريكا الشرطه هناك ظلوا عم يتحروا عن القضيه وعرفوا هويه اوين وانه اسم جونيور دولوكا كان وهمي ولما عرفوا انه اصله امريكي وجاي لاستراليا ومسؤول عن هالمبلغ الكبير اللي مو معروف من وين محصله تاكدوا انه وراء صفقه مخدرات اوين تواصل مع صاحبه شون وساله قالوا كيف فينا نسترجع المبلغ يلي صادروه الشرطه فعرفوا على شخص اسمه كريج هاور اللي كان داخل بعالم الجريمه المنظمه بسيدني باستراليا وزعيم مخدرات كمان وعنده نفوذ وعلاقات وعنده محامي ذكي بيتعامل معه اسمه مايكل كروك هيك صار عننا اوين هانسن محور القصه وصاحبه شون كارولين اللي صادروا الشرطه منه ال 700,000 دولار بالاوتيل وكريج هاور اللي كان بعالم الجريمه المنظمه ومحاميه مايكل كروك المحامي مايكل حكى لهم فينا نسترجع المال بسهوله ما عننا مانع بس المهم يكون عننا قصه مقنعه نرويها للشرطه لحتى تبين الاموال كانها شرعيه الشيء اللي ما كانوا حاسبين حسابه الاذكياء هذول انه كل مكالماتهم بين بعض كانت الشرطه عم تتنسط عليها وسمعوا شو كانوا عم يخططوا مع بعض انه لازم نحصل قصه مقنعه نشرح فيها للشرطه من وين حصلنا الاموال ونقنعهم انها شرعيه فهون تاكدوا الشرطه مليون بال انه هي الاموال غير شرعيه جايه من نشاط مشبوه والكل عم يحاولوا يسترجعوا المبلغ بس مو عارفين كيف فشو عملوا بعدين دخلوا على الخط منظم حفلات واتفقوا معه انه يعطوه حصه من المبلغ ان تم استرجاعه ووظيفته كانت انه يروح للشرطه ويحكي لهم انه المبلغ هذا كان له وانه مرتبط بتنظيم الحفلات الشرطه لما قابلوه حكوا له ان شاء الله خير والمضحك انه بعد ما طلع من المقابله سمعوه وهو عم يحكي بالهاتف مع الشباب وفرحان لانه نجح بالمقابله استرداد المبلغ كان متعلق باوين فطلبوه الشرطه للاستجواب لحتى يفهموا قصه الاموال فكريج هاور اتصل عليه وحكى له اوين لازم تجي ضروري لاستراليا وتروح لمركز الشرطه ورح تحكي لهم انه الاموال بتخصك انت ومنظم الحفلات وبعدها برجعوا لك المبلغ طبعا اوين كان متردد بس ظلوا يقنعوه انه القضيه محلوله وما في شيء بخوف طبعا اوين كان متردد بس ظل يقنعه انه القضيه محلوله وما في شيء بخوف والاخ فعلا اقتنع منه وسافر لاستراليا وراح لمركز الشرطه وهناك اول الشيء سالوه هل بتعرف رجل اسمه روبرت سيبراني اللي هو روبن هود رد عليهم لا تهرب من الموضوع لانه كان شاكك بالقصه ولانه روبن هود كان عم يقمر باموال مشبوهه حكوا له شفناك بكاميرات المراقبه بالكازينو اجتمعت معه انت وصاحبك شون كارولين وهون ظل يتهرب منهم واصر انه ما بيعرفه وفهم انه الوضع صار مكركب كثير وتاكد انه صعب يسترد المبلغ والشرطه الاستراليه عم تلاحقه والاصعب انه الكارتيل اعطوه انذار اخير لحتى يسترجع المال بس اوين خبر الزعيم انه للاسف ما عم يقدر يدبر اي شيء من المبلغ ووضح له الشيء اللي صار معه باستراليا الزعيم هون قرر يكسبه لطرفه وقرر ما يصفي بل يخليه يشتغل لسداد الدين وقرر انه يسلمه مخدرات بامريكا وهو مهمته رحح تكون هي المره ادخالها لاستراليا بطريقه ما وبيعها هناك وغسيل الاموال بالمره الماضيه الكارتيل كانوا هم يسلموه المواد باستراليا بس هلا هو راح يقوم بكل شيء ولكن اوين وضح للزعيم الشيء اللي صار وحكى له انه رجع لامريكا لانه الوضع باستراليا متازم كثير وصار مطلوب خلوا ببالكم انه اوين خرج من استراليا قبل ما يصير مطلوب رد عليه هي مشكلتك بدك تبيع المواد وترجع الدين يلي عليك اوين حاليا راح يستلم المواد من الكارتيل بالمكسيك ويرسلها لاستراليا ويبيعها هناك وبعدين يغسل الاموال ويرسلها للكارتيل العمليه ظاهريا شبه مستحيله بس كان مجبور يقبل هي الصفقه لحتى يسدد ديونه والا رح يقتله هون اول شيء عمله راح تواصل مع كري ريج هاور اللي دخله على الخط بقضيه حقيبه ال 700,000 دولار وشرح له القصه وطلب منه مساعدته ان كان عنده خطه لادخال المخدرات لاستراليا بحكم خبرته بالمجال كريج كان زعيم عصابه مخدرات بمدينه سيدني مثل ما حكينا فاجتمع معه بوحده من الجزر بالقرب من استراليا وهناك حكى له شوف اوين عندي شخص ان دفعت له بيقدر يدخل لك المواد لاستراليا عبر الجمارك ولكن لازم تخفيها داخل كراتين شحن بشكل ممتاز وهون اوين خطرت على باله خطه مجنونه ونادره وحكى له امم اذا حولنا الكوكائين لسائل هل فينا نرجعه لماده صلبه يا ترى؟ حكى له بدك تجرب وبالفعل صار اوين وكانه عالم كيميائي جاب كميه من المواد وصار يخلطها ببيته ويستخدم مواد وقدر يحولها لماده سائله طبعا نحن ما رح نشرح كيف تمت العمليه لحتى ما يصير نوع الفيديو تعليمي القصه هي عبره واكيد الاعمال يلي دخل فيها اوين من البدايه كلياتها غير قانونيه المهم بعد ما تمت المهمه استخدم خدعه وهي انه صار يعبي المواد بعد ما صارت سائله بزجاجات مشروب وبعدين ارسل عينه مكونه من 10 كغم ممنوعات من امريكا لاستراليا لحتى يجربوا الخطه ان كانت ناجحه وبالشحن مثل ما وعدوا كريج دفعوا لصاحبه مبلغ وعد الكراتين بدون ما يفحصوها بالجمارك بشكل دقيق وبالفعل وصلت الكريج وهناك عمل فريق من الاشخاص اللي بيعملوا تحت ايده وصاروا يحولوا الماده من سائله لصلبه وخلال ثلاث اسابيع ارسل حق البضاعه لاوين لامريكا بحكم خبرته بالمجال كان عنده اكثر من طريقه لحتى يغسل الاموال باستراليا وهيك فجاه خلال مده قصيره رجع او تاجر ممنوعات مثل قبل وخطط انه ينقل اكبر قدر ممكن كل اسبوع بهي الطريقه بس هيك لازم يوسع نطاق عمله ويكون فريق من الاشخاص يلي بيوثق فيهم لحتى يساعدوه فهون خطر على باله شب صديقه من بدايات القصه واللي هو تانك حكينا عن تانك بالبدايه انه كان يشتري منه اوين الهرمونات ويبيعها للاعبين بفريق كره القدم فتواصل معه وفتح معه الموضوع وصراحه انه هو داخل بمجال بيع الممنوعات وبده اشخاص يكونوا ثقه لحتى يعملوا معه تانك ما عرض الفكره بما انه فيها مرابح عاليه ومع الوقت صار ايده اليمين وبعد ما بلش العمل يكبر اكثر واكثر صار يضيف اشخاص ثانيين معهم بالمشروع وواحد منهم كان ابن عم تانك هيك اوين صار عنده فريق بيعمل بامريكا بيستلم اول شيء المواد من المكسيك وبيجيبها لامريكا وبيحول الماده من صلبه لسائله وبعدين بيشحنها لاستراليا وبتم تمريرها بالجمارك باستراليا صاحبه كروغ عنده فريق مهمته تحويل الماده من سائله لصلبه وبيعها وبعدين غسل الاموال وارسالها لاوين لامريكا كل اعضاء الفريق هذا كانوا يستخدموا هواتف مشفره مثل اللي حكينا عنها بالبدايه اللي بتكون هواتف بدون مايكروفون وبدون نظام تحديد المواقع وحتى بدون كاميرا يعني بس نظام مراسله وكل واحد منهم كان له لقب معين بخاطبوه الفريق فيه بعد ما استمروا بطريقه العمل هي جمع اوين 500,000 وبعدين مليون وبعدين مليونين دولار الى ان صاروا 4 مليون دولار وتواصل مع زعيم الكارتل وحكى له يا زعيم اموالك رجعت لك اياها كلياتها وما ضل لك عندي شيء بعدها الامور تسارعت بشكل مرعب والمنظمه صارت تكبر اكثر من قبل فاوين صار طماع مثل اي تاجر ممنوعات ثانيه جلس هيك وصار يفكر بعد ما صار عندي هي المنظمه وصرت اجمع مبالغ مجنونه من هي التجاره كيف رح ارجع لوظيفه بسيطه واحصل منها كم 1000 دولار بالشهر ما في احلى من احساس الثراء وانه فينك تعمل اي شيء بيحلى لك وبعدين ما في زعيم مخدرات دخل بهذا المجال وصار يحصل ارباح وقرر بعدها انه ينسحب رحل مستمر واثبت لكل الناس اني انسان ناجح واضل اعيش نمط الحياه يلي بدي اياه بعدها صار يعيش نمط حياه الاثرياء بيركب افخم السيارات وبيلبس اغلى الملابس وساعات رولكس وطيارات خاصه بس بنفس هذا الوقت كان في كثير امور عم تصير تحت الطاوله ما له خبر فيها بيوم من الايام اتصل شخص مجهول الهويه على كرييك هاور الزعيم يلي باستراليا اللي بيعمل معه وبيصرف له المواد وحكى له ابتعد عن اوين هانسون او جونيور دولكا اللي كان لقبه هناك ولا تعمل معه لانه رح يجيك مشاكل منه ولانه هو بورطه كبيره لما كريج حكى هذا الكلام لاوين استغرب وفهم انه في شيء مو طبيعي عم يصير الشخص المجهول هذا كان روبن هود اللي تحطت اوين عليه لحتى يخليه يدفع له امواله ما كان ناوي ينهي الموضوع على خير فعرف كل معلومات اوين بطريقه ما مثل اسمه الحقيقي ورقمه ورقم كريج هذا كمان طبعا اوين ما كان فاهم من شو معجون هالبني ادم ارسل له سي دي لعنوان بيته وكان فيه فيديو لاشخاص خلصوا عليهم الكارتل بطريقه مخيفه وهددوا انه رح يكون مصيره نفس شيء روبن هود مباشره رفع السماعه واتصل على الاف بي اي بامريكا وبلغهم الموضوع وبكل شيء بيعرفوا عنه وهون كان في صله بالقضيه بين استراليا وامريكا فصار تواصل بين الاف بي اي والاي اف بي الاي اف بي باستراليا لما تواصلوا مع الطرف الثاني بامريكا حكوا لهم عن القضيه اللي كانوا عم يتحروا عنها اللي هي قضيه الحقيبه يلي كان بداخلها 700,000 دول الاف بي اي قاموا بعملهم وتحروا عن اوين وعن كريج هاور اللي مستلم اعماله باستراليا وبعد مراقبه وتنسط اشتغلوا عليه الطرفين واستمر لمده طويله اكتشفوا خط التهريب اللي كانوا يستخدموه واكتشفوا طريقه عملهم كلياتها وبيوم من الايام الفريق اللي كان يستلم الشحنات باستراليا خبروه انه وحده من الشحنات ما وصلت في طرد ناقص وما حدا بيعرف وين راح وصاروا بعدين يواجهوا صعوبات بموضوع استلام الشحنات وهي القصص اللي ما حدا كان عرفوا انه هذا الطرد اللي كان بداخله زجاجات مشروب معبايه مخدرات سائله تمت مصادرته من قبل الاي اف بي ومباشره بعد هي الاحداث بالصدفه اجتمع اوين مع شخص ادعى انه بيقدر يستلم منه شحناته ويدخل له اياها لاستراليا كان واضح عليه من طريقه كلامه وتصرفاته انه تاجر مخدرات خبير ورتب معه بعد كم يوم عمليه استلام شحنه ممنوعات يعني فريق اوين رح يرسل شحنه لاست استراليا وهذا الرجل رح يستلمها هناك ويسلمها لكريج وين اتفقوا مع بعض واثبت لاوين انه كفو رح يتعاملوا مع بعضهم وفعلا بعد ما استلم الشحنه سلمها لصاحبه تانك باستراليا بس اللي ما كان عارفه اوين كمان انه هذا الرجل كان بالاساس عميل سري متخفي وهيك بيكون اثبت انه اوين عم يتاجر بالممنوعات بين امريكا واستراليا ومباشره باليوم الثاني راحوا الاف بي اي لبيته وهجموا عليه وحكوا له سيد اوين انت رهن الاعتقال بعد ما تم القبضه عليه كل الاخبار صارت تحكي عنه لاعب كره قدم تحول لواحد من كبار تجار المخدرات قصه مجنونه يا رجل بعد اوين قبضوا الاف بي اي والاي اف بي باستراليا على 26 شخص متورط بهي العمليات روبن هود ما تمت ادانته باي شيء والسبب الرئيسي هو تعاونه مع السلطات هذا الشيء نجاه من اي حكم وما تم اثبات انه كان متورط مع اوين مع انه الادله غالبا كانت واضحه خصوصا الاموال المشبوهه اللي كان يستخدمها بالمقامره ولحد اليوم ما حدا بيعرف اذا كان خسر الاموال فعلا او اختفى فيها عمدا بس بما انه ما كان في اثبات فالزلمه بريء اتهم بعدها دان اوهانكس المحقق الخاص اللي حكينا عنه سابقا انه دنس قبر والدته بس دان راح لعنده واعتذر منه ودفع له كفاله 50$ وما دخل السجن حكيت ق لكم انه دانبر والدته ورش عليه دهان واوين ارسل له الصوره واستفزه فيها لما دان لعنده واعتذر منه كان عم يبكي وطلب منه يسامحه وحكى له انه اوين هو اللي خلاه يقوم بهذا العمل اوين بعد ما تم عرضه امام القاضي تم الحكم عليه بالنهايه بسنه 2017 بالسجن لمده 255 شهر يعني حوالي 21 سنه وثلاث اشهر وهون ادرك انه دمر حياته بايده بالسجن كان محطم ويائس وحس انه حياته انتهت وانه يمكن يموت بالسجن بس بالنهايه ولحسن حظه تم تخفيف حكمه وخرج من السجن المبكر سنه 2024 بعد ما قضى تقريبا تسع سنوات اوين كان يظن انه اخطر شيء بعالم الجريمه هو الشرطه بس بالنهايه اكتشف انه اخطر شيء هو الطمع لانه كل مره كان يقدر يوقف بيقرر انه يكمل خطوه اضافيه وهيك بنكون وصلنا لنهايه قصتنا بتمنى انه تكون نالت اعجابكم اللهم لا اله الا انت سبحانك اني كنت من الظالمين بشوفكم بالفيديو الجاي ومع السلامه ‏M