ظرف الزمان وظرف المكان للصف الخامس الابتدائي حل ص 118 119

السلام عليكم ورحمه الله وبركاته طلابي الاعزاء طلاب الصف الخامس الابتدائي اسعد الله اوقاتكم بكل الخير بكل الحب نلتقي وفي حلقه النهارده بنشرح ظرف الزمان وظرف المكان وبنحل التدريبات اللي موجوده في كتاب الوزاره قبل ما نحل التدريبات اللي في كتاب الوزاره تعالوا مع بعض برده نفتكر الجمله الاسميه والجمله الفعليه وقلنا ايه اهميتها في الظرف ايوه احنا قلنا ان الجمله الاسميه بتتكون من المبتدا والخبر المعلم محبوب انما الجمله الفعليه هي اللي بتتكون من الفعل والفاعل وباقي الجمله ايوه انا ممكن اقول يشرح المعلم صباحا ويبقى هنا جه الظرف اهو يشرح المعلم الدرس يبقى في مفعول به يشرح المعلم في الفصل ويبقى في جر ومجرور احنا قلنا ان الجمل عندنا جمله اسميه وجمله فعليه وقلنا قلنا عندنا حاجه اسمها ايه؟ شبه جمله. يعني ايه شبه جمله؟ الظرف والجر والمجرور. الجر والمجرور اللي هو حرف الجر واللي بعده الاسم المجرور ده. الظرف ده اللي هنتكلم عنه النهارده. الظرف ده بنسميه شبه جمله. عندنا الظرف كم نوع؟ اه ما هو ممكن يقول لك استخرج ظرف وبين نوعه. هقول له يا اما ظرف زمان يا اما ظرف مكان. ظرف الزمان بسال عنه بايه؟ بمتى؟ احنا قلنا بنسال عن المفعول به بماذا؟ والمفعول لاجله لماذا؟ الفاعل بمن؟ طب ظرف الزمان متى؟ طب ظرف المكان اه برافو اين؟ يبقى هنا عندنا الظرف ظرف زمان وظرف مكان اي كلمه تدل على الزمن تبقى ظرف زمان يعني مثلا لما اجي اقول يوما اه يوما صباحا مساء صيفا شتا شتاء ربيعا خريفا دقيقه ليلا نهارا ظهرا عصرا الان امس بعد وخلي بالك في كلمات تنفع تبقى ظرف زمان وظرف مكان ده عادي على حسب الجمله طالما بتدل على زمن حدوث الفعل يبقى اسمها ظرف زمان طب لو دلت على المكان دلت على مكان حدوث الفعل يبقى اسمها ظرف مكان زي فوق تحت يمين شمال جنوب شرق غرب داخل جوار جانب وسط امام خلف حول بين ايوه دي برض اسمها ظرف مكان طيب ظرف الزمان وظرف المكان اقدر استخرجه بسهوله اعربه ايه اعرابه ثابت اقول ظرف زمان منصوب وعلامه نصب الفتحه او ظرف مكان منصوب وعلامه نصب الفتحه اختار بقى هو ظرف زمان ولا ظرف مكان واقول منصوب وعلامه نصب الفتحه مهم جدا الظرف ما ينفعش يجي فيه الف ولام يعني مثلا لو قلنا امس اه دي ظرف ما ينفعش اقول الامس كلمه صباحا ما ينفعش اقول الصباح لو فيها الف ولام ما ينفعش تبقى ظرف اصلا وبرده ما ينفعش يكون قبليه حرف جر لان اللي قبليه حرف جر هيكون اسم مجرور يعني كلمه جوار كلمه جانب اه دي ظرف انما لو حط قبلها الباء لو قال بجوار بجانب يبقى دي اصلا مش ظرف بقت اسم مجرور يبقى نخلي بالنا ما يكونش فيها الف ولام وما يكونش قبليها حرف جر ناخد مثال لما اجي اقول مثلا لما اجي قول اغسل اسناني صباحا يلا استخرج الظرف وبين نوعه اه اغسل ا متى اغسل صباحا اه اجابه سؤال متى دي ظرف ايه ظرف زمان اعربه ظرف زمان منصوب وعلامه نصب الفتحه طيب لما اجي اقول تقع ليبيا غرب مصر اه اين اجابه سؤالين اين تقع غرب يبقى غرب دي ظرف مكان يبقى اقول له الظرف اهو غرب وابين نوعه هقول له ظرف مكان خلي بالك هنا كلمه بين بين دي ظرف زمان ولا مكان؟ ما هو مش بنحفظ لازم بنفهم لانها ممكن تجي لك اصلا مره ظرف زمان ومره ظرف مكان ازاي؟ تعالوا نعرف او حضر ابي حضر بين العصر والمغرب هي بينه دي دلت على الوقت ولا دلت على المكان؟ اه حضر متى حضر ولا اين حضر اه بين العصر والمغرب دي اجابه سؤال متى دي دلت على الوقت اللي جه فيه يبقى بين دي ظرف زمان يبقى هنا بين دي ظرف زمان منصوب وعلامه نصبه بالفتحه انما لو قلت لك جلست بين شجرتين دي اجابه سؤال متى ولا اين متى جلست ولا اين بين شجرتين لا دي اين طالما اين يبقى ده اسمه داله على المكان يبقى دي ظرف مكان وهي نفس الكلمه بين وبرده في كلمات كتير برده عندنا بعد لما اجي اقول اذهب الى المدرسه بعد شروق الشمس او بعد السابعه دلت على الوقت يبقى ده اسمه ظرف زمان انما لو قلت لك يقف القطار بعد المدرسه او تقف السياره بعد المدرسه او اقف قبل المدرسه قبل او بعد ما ممكن الاثنين برض قبل او بعد تيجي في جمله ظرف زمان وفي جمله تانيه ظرف مكان اه هنا بعد دلت على المكان يبقى دي اسمها ظرف مكان يبقى نخلي بالنا ونفهم احنا بنفهم سياق الجمله ونفهم هي الكلمه بتدل على الزمن ولا بتدل على المكان وبعد كده نحدد النوع هو ظرف زمان ولا ظرف مكان وبنعربه ظرف زمان او ظرف مكان منصوب وعلامه نصبه الفتحه ما عدا ما عدا حيث منذ امس الان واذ واذا الكلمات دي لو لقيتها موجوده في القطعه استخرجها عادي خالص انها ظرف انها كلمه امس او حيث او منذ بس مش هنعربها ظرف مش بنعربها ظرف لما اجي اقول يستعد السياح الان اه الان دي ظرف وظرف نوعه ايه هقول له ظرف عادي ظرف زمان بس مش ظرف زمان مش منصوب عشان تبقى عارف المعلومه ومش مكرر عليك دي اسمها ظرف زمان مبني مبني على الفتح الان هو ده مش ظرف زمان منصوب الكلمات دي بس حيث مبني على الضم منذ امسي الان اذ واذا ومش مكرر علينا انا بقول لك بس المعلومه عشان يكون المعلومه عندك كامله وزيها برده لما اجي اقول اجلس حيث يجلس ابوك اه اجلس في المكان اللي بيجلس فيه الكبار او يجلس فيه ابوك يبقى هنا عندنا حيث دي ظرف بس مش هينفع اقول ظرف منصوب لانها ظرف مبني على الضم يبقى احنا عرفنا ان اي ظرف الزمان والمكان بيكون منصوب وعلامه نصبه الفتحه ما عدا حيث ومنذ وامس والان واذ واذا بس برض بنستخرجها على انها ظرف وبكده يبقى احنا عرفنا الفرق ما بين ظرف الزمان وظرف المكان تعالوا مع بعض نحل التدريبات اللي موجوده في كتاب الوزاره نبدا باول سؤال صفحه 118 بيقول استخرج الظرف من الجمل الاتيه واحدد نوعه احنا عرفنا النوع قلنا خلاص يا ظرف زمان لو بيدل على الزمن وظرف مكان لو بيدل على مكان ظرف الزمان بسال عنه بايه؟ بمتى ظرف المكان بسال عنه باين يعني اجابه سؤال اين؟ يبقى ده ظرف المكان اجابه سؤال متى؟ علشان في كلمات ممكن تجيلك ظرف زمان مره وظرف مكان مره نفرق ما بينهم بنعرف هي بتدل على الزمن ولا المكان طب يلا نجاوب على السؤال عايزين نستخرج الظرف ا يعود الاب من عمله مساء نسال بقى بمتى متى يعود اه يعود امتى مساء اين يعود لا ما فيش يبقى دي اجابه سؤال متى يبقى مساء دي الظرف وظرف نوعه ظرف زمان طيب بنى العصفور متى بنى العصفور عشه بين مافيش اجابه سؤال متى طيب اين بنى العصفور اه بين يبقى دي اجابه سؤال اين دي المكان يبقى بين دي ظرف مكان يقع البحر متى ما فيش اين اه يقع البحر شرقا يبقى شرقا دي اجابه سؤال اين يبقى دي المكان يبقى دي ظرف في مكان ظرف في زمان او ظرف مكان منصوب وعلامه نصب فتحه طيب د محطه الحافلات ا اين امام اهو مكانها اين تقع امام الميدان يبقى ده المكان يبقى امام دي ظرف مكان منصوب وعلامه نصبه الفتحه اقول له امام ونوعه ظرف مكان يسافر السياح الى اسوان ما ينفع تقول لي اين يسافر الى اسوان لا طبعا ما ينفعش لان دي جر ومجرور الظرف ما ينفعش يجي قبليه حرف جر وما ينفعش يكون في الف ولام يعني هنا الظرف لازم يكون اهو منصوب اه ما ينفعش يكون جر ومجرور يبقى ما ينفعش اقول اين دي متى متى يسافر شتاء يبقى شتاء دي الظرف وظرف زمان ظرف زمان منصوب وعلامه نصب الفتح اقول شتاء السؤال اللي بعد كده رقم اثنين اجيب عن الاسئله الاتيه باستخدام الظرف عايزين نجاوب باستخدام ظرف زمان او ظرف مكان ما هو مش بمزاجنا لو بيقول لنا اين يبقى لازم ظرف ايه مكان طب لو متى يبقى لازم ظرف زمان برافو اين وجدت الحقيبه يلا كمل بظرف مكان اقول وجدت الحقيبه فوق المكتب تحت اي ظرف مكان بقى خلاص يمين شمال هتبقى صح طيب متى تذاكرون دروسك اه دي متى ظرف زمان اقول اذاكر دروسي مساء مثلا مساء ليلا صباحا مش هتفرق يعني اين يقع البحر المتوسط المكان بقى يقع البحر المتوسط شمالا يقع البحر المتوسط اقول شمالا او شمال مصر لو هحط حط بعدها المضاف اليه لو قلت شمال مصر يبقى لا تنون اقول شمال فتحه واحده انما لو شلت مصر هقولها شمالا اقول شمالا وننونها اقول شمالا طيب يلا السؤال اللي بعد كده دال متى تذهب الى الفراش الفراش اللي هو الفرش السرير بتنام امتى اقول اذهب الى الفراش مساء ا ليلا ا يبقى دي كده برده دي اجابه سؤال متى دي الظرف يبقى احنا هنا كملنا اهو كملنا بالظرف ثلاثه اضع الظروف الاتيه في جمل من انشائي عندنا ظرف اهو هنعكس بقى ونحط الظرف ده في جمله تحت دي سهله حط اي حاجه اقول مثلا القطه تحت الكرسي الفلاح تحت الشجره جلس الفلاح تحت الشجره نهارا اقول يذهب العامل الى المصنع نهارا بس تطلع الشمس نهارا يمين قول مثلا تقع المكتبه يمين يمين المدرسه يقف يقف القطار يمين المحطه بالطريقه دي برض تبقى صح طيب دقيقه نقف دقيقه وقفت دقيقه حدادا وقفت دقيقه حائرا يبقى هنا دقيقه دي الظرف السؤال اللي بعد كده اربعه اعرب الكلمات التي تحتها خط كالمثال ا اغسل اسناني متى صباحا صباحا دي اجابه سؤال متى تبقى دي الظرف ظرف زمان اقول له ظرف زمان منصب وعلامه نصب الفتحه محل الظهور يقع اين يقع امام اه يبقى هنا امام دي ظرف دلت على المكان اجابه سؤال اين؟ لما اقول لك اين المحل هتقول لي المحل امام المكتبه يبقى دي ظرف مكان وبرده ظرف الزمان او المكان منصوب وعلامه نصب الفتحه ج بنى العمال صورا اين حول برض اجابه سؤال اين يبقى دي حول حط فتحه امام دي ظرف برض ظرف مكان منصوب وعلامه نصبه الفتحه د تقع دوله ليبيا اين تقع غرب مصر يبقى غرب دي المكان يبقى برض ظرف مكان منصوب وعلامه نصبه الفتحه ا السؤال اللي بعد كده اقرا الفقره الاتيه ثم استخرج الظروف منها عايزين نستخرج الظرف ونحطهم في الجدول ظرف الزمان هنحطه في الجدول اللي على اليمين وظرف المكان في الجدول اللي على الشمال فكرت يوما بس خلاص ظرف اهو فكرت ايه يوما ما يوما دقيقه ساعه دي ظرف ظرف نوعه برافو ظرف زمان ادي اول ظرف نقول له يوما ظرف زمان فكرت يوما ان اكتب لافته عن قيمه الاختلاف الاختلاف بين بين ظرف برض ظرف مكان بين البشر نكتب بين امسكت القلم ووقفت دقيقه ساعه يوما كل دي ظرف ايه ظرف زمان ووقفت دقيقه حائرا امام اهي امام اللوحه امام دي ظرف مكان نكتبها في ظرف المكان امام اللوحه ثم كتبت هذه العباره الاختلاف الاختلاف داخل اهو داخل برض ظرف مكان الاختلاف نكتب كده داخل نفوسنا كالظهور المتنوعه في البستان وانا الان عندنا الان ايه برض الان دي ظرف قلنا حيث ومنذ وامس والان واذ واذا دي ظرف بس ظرف مبني مش بيكون منصوب بالفتحه دي معلومه نعرفها وانا الان سعيد بما كتبت خلاص يبقى احنا كده برده جاوبنا على ظرف الزمان وظرف المكان بتمنى لكم التوفيق لكم مني كل الحب والاحترام والتقدير اترككم في رعايه الله وامنه السلام عليكم ورحمه الله وبركاته