كتابة مذكرات يومية الصف السادس الابتدائي التعبير الكتابي

السلام عليكم ورحمه الله وبركاته ازيكم يا شباب يا رب تكونوا بخير معكم استاذ محمود اشرف من قناه بضدي نتكلم ودرس جديد من دروس الكتابه السرديه للصف السادس الابتدائي وهو كتابه مذكرات يوميه هو يعني ايه اصلا في الاول كتابه مذكرات يوميه يعني لو انا واحد حابب اسجل الاحداث اللي بتحصل معي في يومي علشان ابقى ارجع لها بعدين سواء حاجات انا اتصرفت فيها غلط واتعلمت منها درس سواء تجربه جديده انا مريت بيها مكان جديد اول مره اروحه فيا ترى ايه الخطوات اللي المفروض نمشي عليها ده اللي هنعرفه في درس النهارده فلو اول مره تشوفنا ما تنساش تشترك في القناه وتفعل زر الجرس علشان توصل لك دروسنا اول باول ويلا بينا نبدا علشان تكتب مذكراتك بشكل منظم لازم تتبع مجموعه خطوات اول واحده ان انت لازم تحدد الزمان بتاع الموقف او الحدوته اللي انت مريت بها فتقول لي ده حصل في يوم ايه اللي هو موافق تاريخ كام الساعه كام تاني حاجه لازم تحط عنوان للموضوع اللي انت بتتكلم فيه او للموقف اللي حصل لك تالت حاجه قبل ما تبتدي في الموقف او قبل ما تبتدي في القصه لازم تبتدي بجمله افتتاحيه واظن كتابه جمله افتتاحيه بالنسبه لنا بقى سهل جدا لاننا خدنا اشكال كتير واتعودنا على انماط كتير في رابعه وخمسه ابتدائي رقم اربعه معي واركب فيها بقى شويه لان دي مش مكتوبه صريحه في كتاب خارجي ولا في كتاب المدرسه وهي التمهيد للحدث يعني مثلا الحدث اللي انت هتتكلم فيه هو ان انت حصل موقف في البحر وانت بتصيف واحد كان هيغرق ما تجيش تقول المقدمه وتقوم قايل وكنا في الميه واحد بيغرق وتخش في الموضوع على طول لا مهد للحدث يعني ايه امهد للحدث يعني هتقول مثلا ان بابا قال لنا ان احنا هنروح نصيف فجهزنا حاجتنا وسافرنا وبعد ما وصلنا اتفقنا ان احنا هننزل البحر شويه فاحنا في البحر كان في واحد بيغرق وتبدا تحكي يبقى ما تخشش في الموضوع على طول حصل موقف في النادي ان انت اتخانقت مع حد من صحابك فما تكتبش العنوان والمقدمه وتقول لي واتخانقنا وعملنا برضو لا قول ان انا اصلا بحب رياضه ومشترك في النادي وبلعب رياضه كذا وفي يوم من الايام رحت النادي وقابلت صحابي واحنا بنلعب اختلفنا واتخانقنا وتبدا تحكي القصه يبقى ما تخشش في الحدث بتاعك على طول يعني بمعنى اصح انت بتعتبرها مقدمه بس مقدمه طويله شويه يبقى كده ممكن نعتبر ان احنا معنا مقدمتين المقدمه العاديه اللي احنا متعودين عليها اللي هي بتبقى جمله وبعد كده المقدمه الطويله شويه اللي هي التمهيد للحدث تمام كده وانت بتكتب المذكرات بتاعتك لازم تعرفني المكان اللي حصل فيه الحدوته اللي انت بتحكيها لي سواء بقى في المدرسه في النادي في في اياكم واتعرفني كمان اسم الكاتب والشخصيات اسم الكاتب اللي هو انا انا اللي بكتب القصه فتعرفني اسمك واسم الشخصيات اللي معك لو في شخصيات معك طبعا رقم سبعه معنا تهتم بترتيب فرد الاحداث يعني ايه يعني تخلي الترتيب بتاعك منطقي تمشي بنفس ترتيب اليوم بتاعك تمشي بنفس ترتيب الاحداث اللي مشيت في اليوم بتاعك برضو يعني ايه يعني ما تجيش تقول لي احنا بالليل حصل معنا كذا اصل صحيح الصبح كان حاصل كذا وبعد الظهر حصل كذا انت كده شقلبت لي اليوم امشي بنفس الترتيب الطبيعي اللي حصلت به الاحداث ما تخليش حاجه تسبق حاجه وطبعا في الاخر هتحط الخاتمه بتاعتك دي الثمان عناصر اللي هنعتمد عليها واحنا بنكتب المذكرات بتاعتنا تعالوا بقى نطبق عملي علشان الموضوع يبقى واضح اكتر ونفهم اكتر لان احنا لحد دلوقتي لحد ما تايهين شويه تعال نتخيل ان مثلا احنا روحنا مكان المطعم ماكولات بحريه الجمبري والاستاكوزا والحاجات دي كلها وكانت اول مره نروح ناكل الاكل ده والتجربه عجبتك فانت حبيت تكتبها في مذكراتك يا ترى هنكتب ده ازاي اول حاجه هنبتدي بها وهي الزمان هنقول اليوم اللي حصل فيه الموقف وكان موافق يوم ايه والساعه كام فهنقول اليوم نقطتين الخميس التاريخ 10/10/2024 مثلا يعني الساعه الخامسه عصرا يبقى انا كده خلصت زمان بتاعي واظن كتابه الزمان دي سهله لان كده كده ما لهاش علاقه بتفاصيل القصه يعني بتكتب لي اليوم بعد كده التاريخ بعد كده الساعه حلو قوي مفهومه دي طيب هنحط عنوان احنا دلوقتي بنتكلم عن تجربه جديده وان احنا اول مره نروح ناكل في مطعم ماكولات بحريه يبقى خلي العنوان بتاعك بسيط ممكن نخلي العنوان ماكولات بحريه خلصنا تاني عنصر تالت عنصر الجمله الافتتاحيه هنفتتح مع بعض شوف انت بقى طبعا اي جمله افتتاحيه سهله حبيبتي تبتدي بيها ولو كتابه المقدمه بالنسبه لك والخاتمه صعب شويه كنا عاملين فيديو بنشرح فيه انواع المقدمه وانواع الخاتمه بالتفصيل تقدر ترجع تشوفه وتكمل الدرس ده معنا فانا هبتدي بمقدمه اقول لاول مره في حياتي استمتع هكذا تمام انا قلت اسمي اهو زي ما اتفقنا لازم تقول اسمك واسم الشخصيات اللي معاك او تعرفني الشخصيات اللي معك تعجبت في البدايه استغربت اصل انا اول مره اكل الماكولات بحريه احنا اتفقنا ما رحتش قبل كده تعجبت في البدايه فانا لم اتناول ماكولات بحريه من قبل وحطيت فاصله منقوته فاصله ولكن قالت لي اختي امنيه ستستمتع جدا بهذه التجربه فصله فزدادت حماستي فصلا فقلت موافق يا ابي فاصله دخلنا الى المطعم وطلب ابي الطعام وكانت المفاجاه هنا انا بدات ادخل في الحدث اهو يبقى انا دخلت في القصه بتاعتي في تفاصيل بقى القصه تحديدا نشوف بعد كم سطر بعد ما مهدت بقد ايه يبقى ما تخشش في صلب الموضوع على طول خاصه ان انت سته ابتدائي في الكتاب السرديه مطالب بعدد كلمات اطول شويه في رابعه ابتدائي كنت من خمسين لميه كلمه في خمسه في مواضيع بيطلب منك 75 كلمه انت هنا مطالب من 100 ل 150 كلمه فانت ما ينفعش تختصر تمام كده فقلت موافق يا ابي فاصله دخلنا الى المطعم كده احنا حددنا المكان بتاعنا اهو مطعم في اسكندريه دخلنا الى المطعم وطلب ابي الطعام وكانت المفاجاه لم اتذوق طعاما بهذا المذاق الشهي من قبل ما دقتش اكل بالحلاوه دي قبل كده وشعرت بسعاده تغمرني وشكرت ابي على هذه التجربه الرائعه التي لا انساها ابدا كده انا خلصت اه احط الخاتمه بقى وفي النهايه قررت ان اكرر التجربه في كل مره اسافر فيها الى شاطئ البحر الخاتمه بتاعتي هنا نوعها تحديف موقف تمام تعالوا نشوف العناصر المطلوبه مني تحققت ولا لا الزمان اه كتبت اليوم كتبت التاريخ كتبت الساعه حطيت العنوان اه ماكولات بحريه الجمله الافتتاحيه حطيتها لاول مره في حياتي استمتع هكذا مهدت للحدث بتاعي تمام المكان مطعم في اسكندريه الشخصيات انا حازم وبابا واختي امنيه سرد الاحداث مشيت بنفس الترتيب من اول ما بابا قرر لحد ما اكلنا وخلصنا اكل مشيت بنفس الترتيب وحطيت الخاتمه بتاعتي تحديث موقف طيب يبقى الموضوع بسيط بس مطالب ان انت تمشي على شويه عناصر مش ملاحظ حاجه مش ملاحظ وانا بتكلم ان انا عامل زي ما اكون بحكي حدوته هقول لك بقى على شويه ملاحظات برضو تركز عليها وانت بتكتب الموضوع ده عشان تفهل معك الكتاب واحد اعتمد على اسلوب الحكايه يعني ايه يعني تخيل ان في اولاد قاعدين قدامك وانت بتحكيلهم فبتقول زي ما انا قلت كده اول مره اتعرض لموقف زي ده ورحت وبابا قال لي وانا قلت له وعملنا وسافرنا اكنك بتحكي لي حدوته تاني حاجه انت هنا بتكتب مذكراتك انت صح يعني انت جزء من القصه فانت بتتكلم استخدم ضمائر مختلفه ولازم يكون من ضمنها ضمائر متكلم حاجه بتدل ان انت من ضمن القصه فبتقول بابا قال لي وانا قلت له تمام انت هنا بتتكلم عن نفسك فلازم تكون في اسلوب المتكلم او في ضمائر متكلم سواء ضمائر دي متصله منفصله مستتره المهم انت بتتكلم عن نفسك حاول كمان وانت بتكتب يومياتك مش معنى ان دي يومياتك وانت اللي بتكتبها ان دايما انت صح وكل اللي حوالي غلط لا وانت بتتكلم حاول تعرض رايك وراي اللي حواليك ان امكن حتى لو اختلفوا معك في الراي حتى لو انت في مره من المرات طلعت غلطان واتعلمت درس جديد مش مشكله زي هنا انا قلت في الاول ان انا كنت قلقان من التجربه بس اختي قالت لي هتستمتع جدا جدا بالتجربه والتجربه حلوه انا هنا عرضت رايي وعرضت رايي اختي وفي الاخر عرضت رايي ان الاكل عجبني كان ممكن كمان اقول في الاخر ان الاكل رغم انه عجبني جدا بس اختي قالت لي ان المطعم ما كانش احسن حاجه ده لسه في مطاعم بتعمل الاكل ده احلى من كده بكتير فانا ناوي اروح اجرب مطاعم تاني يبقى برضو انا قلت رايي في الاول ورايها ورايي في الاخر ورايها يبقى تعرض رايك واراء اللي حواليك ان امكن ذلك واخر حاجه ودي نصيحه انا بقولها في الموضوع ده وفي اي موضوع تاني استخدم اسلوب سهل وكلمات بسيطه يعني ايه يعني انت بتكتب يومياتك انت والكتابه السرديه عامه بتعتمد في اسلوبها على السرد انت بتحكي بتكتب انت حاجه من عندك فدائما استخدم كلمات سهله عليك ما تصعبش الامور عليك زي موقف حصل مع اتنين من الطلبه مختلفين مع بعض بيكتبوا كتاب السرديه عن الرياضه وعايزين نكتبه مزاوله رياضه فواحد بيقول مزاوله دي بتتكتب بحرف الزين والتاني يقول لا ده بحرف الذال ده يقول له لا دي بحرف الزين التاني يقول له لا دي بحرف الذال اختلفوا فرحهم للمدرس بتاعهم قالوا له نكتب مزاوله الرياضه بحرف الذهن ولا بحرف الذال قال لهم طب ما تريحوا نفسكم وتكتبوا ممارسه الرياضه وخلاص الشاهد في الموضوع ايه انك اختار الكلمه السهله لتدور على الكلمه الصعبه اللي تكتبها غلط وفي الاخر انت اللي تنقص درجات بس كده الموضوع سهل وبسيط خالص ويعتبر شكله مش جديد هو في طريقه الكتابه في شبه من القصه القصيره اللي خدتوها في خمسه وفي طريقه الترتيب في شبه شويه من الرساله اللي خدتوها في رابعه فالموضوع سهل اتمنى ان احنا نكون استفدنا واتمنى انك درس يكون بسيط بالنسبه لنا بس كده لو عجبك الدرس ما تنساش تشترك في القناه وتفعل زر الاشعارات علشان توصل لك دروسنا اول باول وتبعتوا لاصحابك على الواتساب علشان انت تستفيد وغيرك يستفيد ولو في اي درس صعب عليك في النحو او الكتابه السرديه او غيره سيبوا لنا في التعليقات وهنحاول نشرحه بطريقه مبسطه ان شاء الله بس كده اعمل سكان للكود اللي قدامك علشان توصل لك كل مواقع التواصل الاجتماعي بتاعتنا وهتلاقي ملف pdf في التعليقات وفي صندوق الوصف حمله وحل التدريبات اللي عليه ولو حاجه وقفت معك ابعت لنا في اي وقت وكان معك استاذ محمود اشرف من قناه بودادي نتكلم اشوفكم في درس جديد والسلام عليكم ورحمه الله وبركاته