الفرق بين السنة والشيعة إختلافات عند الشيعة لايصدقها عقل

علي علي علي علي الله الاختلافات بين السنه والشيعه تعتبر من اكثر المواضيع عمقا وحساسيه في تاريخ الاسلام وعشان تفهمها محتاج تدخل في تفاصيل كتيره والنهارده هتعرف تفاصيل صادمه تخليك مستغرب رب ازاي الشيعه مسلمين اساسا لان الاختلاف مش بس في العبادات لكن كمان في المفاهيم العقائديه والجوهريه من مساله الامامه لحد موضوع المهدي المنتظر هنعرف كمان ايه اللي بيخلي كل فريق عنده فهمه وتفسيره الخاص لكل نقطه وهل فعلا الخلافات دي مجرد فروق بسيطه في الاداء ولا حاجات اعمق من كده صديقي المشاهد مهم نوضح اننا مش بصدد اصدار احكام مين على حق ومين على باطل احنا بنحط قصادك الحقائق وانت صاحب الحكم ولكن كالعاده قبل ما نبدا حلقتنا ما تنساش تعمل لايك للفيديو وتشترك في القناه وتفعل زر الجرس علشان يوصل لك كل جديد ايها المواطنون هنبدا يا صديقي بالاذان الشيعه بيضيفوا جمله اشهد ان عليا ولي الله في الاذان بعد الشهادتين وده بيعتبروا انه اعلان عن ولايه علي بن ابي طالب وتاكيد على مكانته الخاصه عندهم هم بيشوفوا ان علي كان من اقرب الناس للنبي صلى الله عليه وسلم وانه كان اول من امن من الصبيان وعنده خصائص فريده بتخليه ولي الله كمان بالنسبه ليهم الجمله دي مش ركن اساسي في الاذان لكنها نوع من الشهاده بولايه علي واعترافا بمكانته فبعض العلماء الشيعه بيقولوا ان الجمله دي ممكن تبقى مستحبه مش واجبه وبيعتبروا ان الاضافه دي بترسخ العقيده عندهم وبتعبر عن حبهم للامام علي الامام المعصوم اما بالنسبه للسنه فالاذان عندهم ما فيهوش اضافه اشهدوا ان عليا ولي الله هم بيكتفوا بالاذان التقليدي اللي كان بيتقال في عهد النبي صلى الله عليه وسلم واللي بيفتكروا انه اقرب للشكل اللي اتنقل عن النبي من غير زياده ولا نقصان السنه بيقولوا ان الاذان هو اعلان عن الصلاه والايمان بالله ورسوله وانه مش مرتبط باي شخص ثاني غير الله والنبي محمد صلى الله عليه وسلم بالنسبه لهم اضافه اي عباره زياده في الاذان يعتبر نوع من الابتداع بعد كده هنروح للاختلاف في الوضوء الموضوع مش مقتصر على الصلاه فقط لان كمان في اختلاف في الوضوء الموضوع ده بالتحديد من الحاجات اللي فيها اختلاف واضح بين السنه والشيعه وخليني يا صديقي المشاهد اشرح لك الحكايه بطريقه بسيطه. بالنسبه للسنه الوضوء عندهم بيتضمن غسل القدمين لحد الكعبين. يعني لازم المياه توصل لجلد القدم بالكامل. وده بيستندوا فيه لايه الوضوء في القران. السنه بيفسروا كلمه ارجلكم على انها جزء لازم يتغسل زي ما بيغسلوا الوجه والايدين وده عشان الوضوء يكون كامل وصحيح. فالسنه بيلتزموا بغسل القدمين كل مره يتوضوا فيها وبيشوفوا ان ده اساس في الوضوء. نيجي بقى للشيعه اللي عندهم تفسير مختلف للايه دي هم بيفسروا كلمه ارجلكم على انها معناها المسح مش الغسل. وده بناء على قراءه معينه للايه اللي بتخلي ارجلكم مرتبط بالمسح مش بالغسل. عشان كده الشيعه بيمسحوا على القدمين بايد مبلله من فوق الاصابع لحد الكعب من غير ما يغسلوها وبيشوفوا كمان ان المسح على القدمين اكثر انسجاما مع روح الايه وان المقصود بالايه هو التخفيف على الناس علشان الوضوء يكون اسهل السؤال المهم هنا بقى هو ليه كل فريق له طريقه مختلفه في الوضوء السبب الاساسي هو الاختلاف في تفسير النصوص والاثار اللي اتنقلت عن الصحابه والائمه السنه بيميل ميله للتفسير التقليدي اللي بيشمل غسل القدمين وعندهم ادله كتير من الاحاديث اللي بتثبت ان النبي صلى الله عليه وسلم كان بيغسل رجليه في الوضوء اما الشيعه فبيعتمدوا على بعض الروايات اللي بتقول ان المسح على القدمين كان ممارس في زمن النبي وانه كان نوع من التخفيف والرحمه للناس وخصوصا في المناطق الصحراويه اللي كانت فيها ندره مياه احيانا ده يعتبر اختلاف فقهي بسيط لكنه برض بيعكس طرق مختلفه في فهم وتفسير النصوص وده طبيعي لان الفقه الاسلامي واسع وبيتقبل التعدد في الاراء. هنا بقى نيجي لاخطر سؤال ايه هو موضوع الصلاه على التربه الطاهره عند الشيعه وليه السنه عندهم راي مختلف في الموضوع ده الصلاه بدون شك هي ركن اساسي في الاسلام وكل فريق له تفاصيل معينه في طريقه ادائها ومن ضمن الاختلافات اللي بتظهر في الصلاه هي موضوع السجود على التربه الطاهره بالنسبه للشيعه عندهم اعتقاد ان السجود لازم يكون على حاجه طاهره من الارض ويفضل انها تكون من تراب او من حجر طبيعي زي الحصا او الرمل وبيفضلوا جدا انهم يسجدوا على قطعه تربه خاصه لو تربه من كربلاء اللي هي العراق وتحديدا من المكان اللي استشهد فيه الامام الحسين رضي الله عنه حفيد رسول الله ودي عندهم ليها رمزيه كبيره وحب خاص السبب في ده انهم شايفين ان السجود لازم يكون على ارض طبيعيه خاليه من البناء او الزينه وده عشان السجود يكون خالص لربنا من ناحيه ثانيه السنه بيشوفوا الموضوع من زاويه مختلفه السجود عندهم بيكون على اي سطح طاهر سواء كان ارض او سجاد او حتى حاجه زي الملابس طالما هي طاهره السنه شايفين ان المقصود بالسجود هو انه يكون خضوع وعباده لربنا بغض النظر عن طبيعه السطح اللي بيسجدوا عليه وبيستندوا في ده الى افعال النبي صلى الله عليه وسلم اللي كان بيسجد على التراب احيانا واحيانا على الحصير وفي بعض الاحيان على السجاد او الحصير لو ما فيش تراب او ارض مباشره فبالتالي السنه مش بيلزموا نفسهم بالسجود على حاجه بعينها المهم تكون مكان طاهر ونضيف صديقي المشاهد لو فاكر ان كل اللي طرحته ليك من اختلافات هي الصدمه فالحقيقه الصدمه في الاختلاف المره دي هيكون في صلاه الجمعه واحد من اهم الاسئله اللي جايه وهو ان ليه صلاه الجمعه عند السنه واجبه بشكل عام اما عند الشيعه فمش بيصلوها الا بوجود الامام المعصوم. الحقيقه يا صديقي المشاهد ان صلاه الجمعه من الصلوات اللي فيها اختلاف جذري بين السنه والشيعه وكل طرف عنده فهمه الخاص وبيستند لنصوص ومفاهيم مختلفه في تفسيرها. بالنسبه للسنه صلاه الجمعه واجبه على كل المسلمين اللي بيحققوا شروطها زي البلوغ والعقل والقدره على الحضور على انها امر مباشر لكل مسلم قادر انه يحضر صلاه الجمعه السنه بيشوفوا ان صلاه الجمعه هي فرصه للتجمع والاستماع للخطبه اللي فيها تعليمات دينيه واخلاقيه وبتجمع الناس كل اسبوع في مكان واحد كمان بيعتبروا ان صلاه الجمعه بترسخ روح الجماعه وبتقوي التواصل بين المسلمين اما الشيعه فبيشوفوا الموضوع بشكل مختلف تماما هم بيشترطوا وجود الامام المعصوم علشان صلاه الجمعه تبقى واجبه بالنسبه للشيعه الاماميه الامام المعصوم هو الامام اللي بيكون معصوم من الخطا وبيعتقدوا انه لازم يكون حاضر او يعين حد من طرفه عشان الصلاه تكون صحيحه وواجبه وده لانهم بيعتبروا الامام المعصوم هو القائد الروحي والديني للمس المسلمين وانه الوحيد اللي يقدر يقود صلاه الجمعه بالطريقه المثله اللي ترضي ربنا فبالتالي في غياب الامام المعصوم زي الوضع الحالي اللي بيؤمنوا فيه بوجود الامام الغائب محمد بن الحسن المهدي بيعتبروا صلاه الجمعه مستحبه بس مش واجبه وبيميلوا لاداء صلاه الظهر بدلا منها اللي بيخلي الموضوع ده مثير للاهتمام فعلا هو انك بتشوف ازاي كل طرف بيركز على مفهومه عن القياده الدينيه ودور الامام السنه شايفين ان الاذان والدعوه للصلاه عامه اما الشيعه فشايفين ان حضور الامام المعصوم هو شرط اساسي الاختلاف هنا بقى عمرك ما هتتخيله يعني مثلا تخيل كده يا صديقي لو دخلت مسجدين جنب بعض واحد بيصلي فيه السنه وواحد للشيعه هتحس بفروقات واضحه جدا بين الاثنين سواء في الشكل او حتى في اللي بيحصل جواهم اول حاجه هتسال نفسك فيها ايه حكايه المناره او الماذنه ليه بتاعه المسجد السني طويله وبتاعه المسجد الشيعي قصيره المساجد السنيه دائما مناراتها عاليه زي ما بتدي احساس انك بتبص لفوق للسماء اما مساجد الشيعه غالبا بتكون منارتها اقصر كانها بتقول لك احنا مختلفين شويه ولما تدخل مسجد شيعي هتلاقي حوض صغير في حاجه اسمها التربه الحسينيه واكيد يا صديقي المشاهد وضحت ايه هي التربه الحسينيه دي؟ دي قطعه من تراب كربلاء الشيعه بيستخدموها للسجود عليها كنوع من التقدير للامام الحسين. انما لو دخلت مسجد سني مش هتلاقي الحاجات دي لانهم بيسجدوا على الارض على طول او على اي سطح طاهر. طيب وبالنسبه لموضوع السبح اللي متعلقه في المسجد ليه موجوده عند الشيعه؟ بس في مساجد الشيعه دايما بتلاقي سبح متعلقه لانهم بيحبوا يستخدموها للتسبيح. عند السنه برضو بيستخدموا السبحه لكن مش بتكون جزء اساسي في المسجد او متعلقه فيه طيب ايه بقى الحسينيات دي وايه اللي بيحصل فيها؟ الحسينيات هي عباره عن مراكز او اماكن مخصصه عند الشيعه لاحياء ذكرى الامام الحسين خصوصا في شهر محرم ويوم عاشوراء بتكون اشبه بقاعه كبيره فيها منبر وبيجتمع فيها الناس علشان يقيموا عزاء الحسين والزم وفيها برحتفلوا بمولد الائمه وبيعملوا فيها مناسبات اجتماعيه زي الافراح والمحاضرات يعني ممكن نقول ان الحسينيات دي مش زي المسجد بالمعنى التقليدي لكنها مكان مخصص لاحياء مناسبات معينه وللانشطه الدينيه والاجتماعيه زواج المتعه في اختلاف في حكمه بين السنه والشيعه الشيعه بيجيزوه والسنه بيحرموه خليني احكي لك القصه من البدايه علشان تبقى فاهم الموضوع بشكل واضح زواج المتعه هو نوع من الزواج المؤقت اللي كان موجود ايام الرسول صلى الله عليه وسلم وبيكون باتفاق بين الرجل والمراه لفتره معينه من الزمن وبعدها بينتهي العقد من غير طلاق الفكره الاساسيه في زواج المتعه انه بيتيح للطرفين انهم يرتبطوا بعقد زواج محدد بوقت معين وده مختلف تماما عن الزواج التقليدي اللي بيكون مفتوح الاجل ومستمر. بالنسبه للشيعه زواج المتعه موجود في فقههم وبيجيزوه بشروط معينه. هم بيعتبروا ان الرسول صلى الله عليه وسلم اجازوا في بعض الظروف علشان يسهل على المسلمين اللي كانوا بعيد عن زوجتهم وقت الغزوات. ومصدرهم الاساسي في اجازه زواج المتعه هو انهم شايفين ان بعض الصحابه كانوا بيعملوا بيه. وفي روايات بتقول ان النبي صلى الله عليه وسلم سمح بيه لفترات معينه وما جاش بعدها نص صريح عندهم بيلغي التشريع ده. اما بالنسبه للسنه الموضوع مختلف تماما. هم بيقولوا ان الرسول صلى الله عليه وسلم سمح بزواج المتعه لفتره قصيره جدا لكن بعد كده حرمه بشكل نهائي. بيستندوا في كده على احاديث صحيحه زي حديث سيدنا علي بن ابي طالب اللي قال فيه نهى رسول الله عن متعه النساء يوم خيبر وده بيعتبره اهل السنه دليل قاطع على ان الموضوع اتلغى واتحرم بشكل نهائي واي ممارسه بعد كده تعتبر غير شرعيه طيب ليه يا ترى الاختلاف ده بين الطرفين الشيعه بيشوفوا ان تحريم زواج المتعه حصل في زمن الخليفه عمر بن الخطاب وبيعتبروا انه كان قرار سياسي اكث من انه قرار ديني. اما على الناحيه الثانيه فالسنه بيعتقدوا ان التحريم كان بامر النبي صلى الله عليه وسلم نفسه وبالتالي هو تشريع ديني واجب الاتباع وفي ناس بتسال طب ايه الفايده من زواج المتعه اصلا؟ الشيعه بيعتبروا انه وسيله لتجنب الوقوع في الحرام خصوصا في حالات معينه زي السفر مثلا او في اي ظروف استثنائيه لكن السنه بيشوفوا ان الزواج لازم يكون دائم ومستمر علشان يحمي حقوق المراه والاطفال ويحقق الاستقرار الاجتماعي وشايفين ان زواج المتعه هو زنا صريح وانه لا يجوز باي شكل من الاشكال وتم تحريمه بالاجماع طيب بالنسبه للطلاق يا صديقي هل تفتكر هو كمان في اختلاف؟ طبعا في عند السنه مثلا وهنا مرجعيتنا هي دار الافتاء المصريه اللي اكدت ان الطلاق الصريح تطلق به الزوجه فورا سواء كان وقوعه في حاله الطهر او روحي وانت طالق او غيرها من الكلمات اللي ليها نفس الدلاله كمان ابن تيميه قال ان الرجل اذا طلق زوجته في نفس المكان والوقت ثلاث مرات انت طالق ثلاثا او انت طالئ انت طال طال فلا يقع الطلاق الا مره واحده اما عند الشيعه فلازم الطلاق يتقال بلغه عربيه واضحه وفصيحه ويقول لها انت طالق مني ولازم كمان يذكر اسمها واسمه الثلاثي فيقول مثلا فلانه بنت فلان بنت فلان طالق مني انا فلان ابن فلان ابن فلان وكمان بوجود شاهدين عدلين بيسمعوا الطلاق بنفسهم غير كده في تفاصيل ثانيه زي انهم ما ينفعوش يطلقوها لو هي في حاله حيض الا في حالات معينه زي لو كانت حامل وبما اننا ذكرنا الطلاق فتعالوا نسال هل في كمان اختلاف في العده عند السنه عده المطلقه هي ثلاث حيضات للمراه اللي بيجي ليها الحيض يعني تستنى لحد ما يمر عليها ثلاث حيضات عند الشيعه نفس الكلام تقريبا لكن بيحسبوا العده من اول ما الزوج يطلق قصاد الشهود مش من وقت ما تعرف الزوجه بالطلاق وبالنسبه للحامل فعدتها بتنتهي لما تولد سواء الولاده كانت كامله او حتى لو كان الجنين سقط طيب ايه هي حكايه الطلاق الرجعي والبائن هل ده عند السنه بس ولا عند الشيعه كمان الطلاق الرجعي ده الطلاق اللي الزوج يقدر يرجع مراته في فتره العده من غير ما يحتاج لعقد جديد اما الطلاق البائن ففي الزوج ما يقدرش يرجع مراته الا بعقد جديد عند الشيعه بيكون في نوع من الطلاق اسمه الطلاق الخلعي اللي بيحصل لو الزوجه مش بتحب الزوج لدرجه انها بتدي له مهرها او حتى مال ثاني علشان يخلعها عند السنه مافيش نوع الطلاق الخلعي لكن الزوجه ممكن تتنازل عن حاجات معينه لو هي مش عايزه تكمل وترفع دعوه خلع لكن بتضمن حقوقها الثانيه زي حق حضانه الاطفال وحقق اجر مسكن الحضانه ونفقه الاولاد طيب سؤال هل الطلاق بشرط بيحصل عند الشيعه زي السنه؟ عند السنه لو الراجل قال حاجه زي لو عملت كذا تبقي طالق فبيقع الطلاق لو حصل الشرط فعلا اما عند الشيعه فالطلاق المعلق بشرط ما بيقعش يعني لو قال لها لو خرجتي تبقي طالق ده ما ينفعش يتحسب طلاق عندهم هنا بقى في اختلاف مهم بيخلينا نسال سؤال وهو ابن الزنا لمين بينسب في السنه والشيعه؟ في المذهب السني رايهم ان الطفل الناتج عن علاقه غير شرعيه او زنا ما ينفعش يتنسب للراجل اللي عمل العلاقه دي مع الام حتى لو اعترف وقال ان ده ابني لازم يتجوز الام الاول علشان تقوم علاقه الزوجيه وبعدها واقعه النسب كترتيب على الزواج اما اذا كان الطفل ده من سيده متزوجه فبينسب للفراش الابن للفراش وللزاني الحج ولو ما كانتش متزوجه بيروح لدار ايواء او ملجا ايتام وينسب لمن يلتقطه اما عند الشيعه الموضوع مختلف شويه لو الطفل جه من علاقه غير شرعيه بيبقى في حالات ممكن فيها الطفل يتنسب للاب يعني مثلا لو الراجل اعترف وقال ان ده ابني والام مش متجوزه ساعتها الشيعه بينسبوا الطفل للاب ومش شرط قيام العلاقه الزوجيه كبناء لنسب الطفل زي السنه اما لو الام متجوزه فهنا بقى بيكون نفس الحكم عند السنه وعند الشيعه الطفل بينسب للزوج مش للشخص اللي زنى مع الام لان الفراش بيغلب على اي ادعاء لكن ابن الزنا عند الشيعه لا يرث ولا يورث سواء بقى نسبوا لي اب الفراش او اب الزنا وفي فصل كامل في الاحكام الفقهيه عند الشيعه اسمه ابن الملاعنه وندخل على موقفهم من الصحابه ايه الفرق بين موقف السنه والشيعه من الصحابه وموضوع التكفير بص يا صديقي المشاهد السنه بيعتبروا الصحابه عدول يعني قدوتهم العليا في كل الاخلاق والصفات الحميده وده معناه ان الصحابه كلهم عندهم ليه مكانه عاليه وبيتقال انهم ناس صالحه وشهدت على عهد النبي صلى الله عليه وسلم وشاركوا في نشر الدين فبالتالي لازم نحترمهم ونحسن الظن فيهم يعني السنه بيشوفوا ان الصحابه معصومين من انهم يتعمدوا التحريف في الدين او ينحرفوا عن الطريق الصح عندهم فكره عداله الصحابه اللي بتقول ان الصحابه كلهم ليهم فضل وانهم افضل جيل في الامه وبيستشهدوا بايات واحاديث الشيعه فموقفهم مختلف شويه هم مش بيكفروا الصحابه كلهم لكن بيقولوا ان في مجموعه من الصحابه ممكن يكونوا انحرفوا بعد وفاه النبي صلى الله عليه وسلم وده بسبب بعض التصرفات اللي شايفينها ممكن تكون اثرت على الاسلام الشيعه بيعتبروا ان مش كل الصحابه عدول يعني صالحين وده لانهم بيعتقدوا ان في منهم اللي ما كانش مخلص للخلافه بعد وفاه النبي فهم بينتقدوا بعض الصحابه اللي شايفين انهم ما وفوش بحق علي او ما اتبعوش وصيه النبي صلى الله عليه وسلم حسب تفسيرهم لحديث الغدير الموضوع ده بيسبب اختلافات كبيره بين الطرفين خاصه ان السنه بيعتبروا فكره انتقاد الصحابه دي حاجه شنيعه وبيشوفوها تجريح في الدين عشان كده دايما بيوصوا باحسان الظن فيهم وان الصحابه كان ليهم دور كبير في نشر الاسلام وفضل كبير في وصوله لينا ندخل بقى على نقطه الاختلاف اللي كانت سبب اساسي في كل الاختلافات دي وهي تفسير القران الشيعه بيفسروا القران تفسير باطني لكن السنه تفسيرهم ظاهري بحسب زعم الشيعه التفسير الباطني عند الشيعه بيقول ان القران مش لازم نفهمه من الكلام اللي ظاهر لينا بالعكس لازم ندور على الرموز والمعاني الخفيه اللي ورا الكلام يعني كل حاجه ليها معنى اعمق خالص ما بيفهموش غير الناس اللي عندهم العلم ده وده احيانا بيستخدموه علشان يبرروا معتقدات خاصه بهم ويتجاوزوا الشريعه الظاهره اما عند السنه الفهم غالبا بيمشي مع التفسير الظاهري يعني اللي بيقروه في الايه هو اللي بيفهموه منها وده بيكون بناء على اللغه وقواعد التفسير المعروفه وكمان بادله من القران والسنه السنه بيركزوا على ان المعاني تكون واضحه ومباشره للناس من غير ما يدخلوا في تفسيرات غامضه او رموز مخفيه اما الاختلاف اللي بعد كده فهو في مفهومهم عن الشفاعه ايه موضوع الشفاعه عند السنه والشيعه وليه كل فريق ليه فهم مختلف للموضوع خليني اقول لك ان الشفاعه دي من المواضيع اللي في جوهرها حسن الظن بالله عند المؤمنين لانها بتدي احساس بالامان ان في وسيله للنجاه في الاخره لكن مفهوم الشفاعه ده اختلف عليه السنه والشيعه بالنسبه للسنه بيشوفوا ان الشفاعه حق خالص للنبي محمد صلى الله عليه وسلم بس وانه هو الوحيد اللي ربنا وهب القدره على الشفاعه لامته يوم القيامه وده استنادا لاحاديث كتير زي الحديث اللي بيقول فيه النبي صلى الله عليه وسلم شفاعتي لاهل الكبائر من امتي السنه بيفهموا ان الشفاعه مرتبطه برحمه ربنا وبشفاعته عبر النبي صلى الله عليه وسلم ومش بتنطبق على اي حد ثاني النبي هو اللي هيشفع للناس يوم القيامه عشان يرفع عنهم العذاب او يدخلهم الجنه وده بعد اذن ربنا يعني حتى النبي مش بيشفع الا لما يؤذن ليه وعشان كده السنه بيميلوا لرفض فكره ان اي حد غير النبي يقدر يشفع للناس الشيعه بقى بيعتقدوا ان مش بس النبي اللي بيملك الشفاعه لامته لكن كمان الائمه ليهم دور في شفاعه المؤمنين هم بيوصفوا الشفاعه دي على انها شفاعه عند الله بمعناه ان الائمه هيطلبوا الرحمه والنجاه للمؤمنين اللي بيتبعوهم ومن الائمه اللي ليهم مكانه كبيره في الشفاعه عند الشيعه هم الامام علي والحسين الشيعه بيعتبروا الائمه جزء من الهدايه الالهيه للمؤمنين وانهم ناس معصومين وبيتمتعوا بمكانه عاليه عند ربنا ربنا فبالتالي عندهم القدره على التوسط وطلب المغفره للناس طيب اكيد المواريث برده هيكون فيها اختلافات تفتكر يا صديقي هتكون في ايه الميراث مبدئيا هو توزيع تركه الشخص المتوفي بين اهله واقربائه وبيتم توزيع الحصص دي بناء على قوانين محدده موجوده في القران والسنه الفقه السني بيشوف ان احكام الميراث ثابته ومنصوص عليها بشكل مباشر وبيطبقوا التقسيمات دي بناء على النصوص الصريحه زي الايات اللي في سوره النساء يعني مثلا لما الزوج يتوفى الزوجه بتاخد ربع التركه لو ما كانش في اولاد ولو في اولاد بتاخد الثمن وباقي التركه بيتوزع على الابناء والاقارب حسب الانصبه الشرعيه المعروفه اما عند الشيعه الموضوع فيه شويه تفاصيل مختلفه هم عندهم نفس الاساسيات لكن بيزودوا عليها بعض الاختلافات الفقهيه يعني مثلا الشيعه بيميلوا انهم يعطوا الافضليه في توزيع الميراث للاقرب رب في النسب وبيقللوا دور بعض الاقارب اللي ممكن ياخدوا نصيب اكبر في الفقه السني كمان في توزيع الحصص بين الابناء الشيعه عندهم رؤيه ان الاولاد الذكور بيشاركوا البنات في الميراث لكن بشكل اعدل حسب رايهم في بعض الحالات برده عندهم مفهوم ان ميراث الزوجه ممكن يتضمن العقار والسكن وده بيختلف عن السنه اللي فيهم بعض المذاهب بتستبعد الزوجه من الميراث العقاري وبتديها حصه من الاموال فقط السؤال اللي بيجي هنا هو ليه الاختلاف ده؟ والاجابه واحده هي اختلاف تفسير النصوص السنه بيعتمدوا على تفسيرات الصحابه والتفاصيل اللي وردت في الاحاديث انما الشيعه بيستندوا بشكل كبير لتفسيرات اهل البيت والاراء اللي اتنقلت من الائمه المعصومين من وجهه نظرهم طيب يا ترى ليه الموضوع ده مهم اصلا؟ لان توزيع الميراث بيمس بشكل كبير حياه العائلات وبياثر على العلاقات الاسريه بعد وفاه اي فرد في بعض الحالات توزيع الميراث بيكون سبب في مشاكل وخلافات بين الورثه وبالتالي فهم الاختلافات دي بيكون مفيد عشان الناس تبقى عارفه حقوقها ومستعده لاي موقف يحصل ونروح بعد كده لصلاه التراويح والخلاف ما بين انها سنه نبويه لاهل السنه وبدعه للشيعه اهل السنه بيصلوا التراويح لانهم شايفينها سنه نبويه حاجه النبي صلى الله عليه وسلم عملها بنفسه وصلاها مع الصحابه حتى لو مش كل رمضان صلاه التراويح بالنسبه لاهل السنه هي عباده وقيام في رمضان وهم شايفين ان اللي بيصليها ليه اجر كبير لان النبي صلى الله عليه وسلم قام من قام رمضان ايمانا واحتسابا غفر له ما تقدم من ذنبه اول من جمع الناس على صلاه التراويح بعد وفاه النبي كان سيدنا عمر بن الخطاب رضي الله عنه لما لقى الناس بيصلوا بشكل متفرق جمعهم على امام واحد فالنظام ده فضل ثابت ومتوارث عن الصحابه وكل اهل السنه بيشوفوا ان التراويح من السنن المؤكده اللي بتجمع الناس في رمضان على عباده وذكر طيب والشيعه ليه بيشوفوا ان صلاه التراويح بدعه؟ الشيعه بيفتكروا ان صلاه التراويح بدعه لسببين اساسيين اول حاجه هم اصلا مش بيحبوا الصحابه اللي كان ليهم دور كبير زي سيدنا عمر رضي الله عنه فبما ان التراويح اتجمعت الناس عليها في عهد سيدنا عمر بعضهم شايفين انهم لو صلوها يبقوا بيقلدوه فقرروا يعتبروا الصلاه دي بدعه ويرفضوها وتاني حاجه انهم في مذهبهم عندهم احاديث يزعموا انها منسوبه للنبي وال البيت بتحرم التراويح كصلاه جماعيه وانها صلاه ما كانش الصحابه ولا النبي بيجمعوا الناس عليها طول الشهر من ضمن الاختلافات اللي عليها جدل كبير هو ان ليه بدايه الشهر الهجري فيها اختلاف بين السنه والشيعه وازاي بيتحدد عند كل مذهب بالنسبه للسنه الطريقه التقليديه لتحديد بدايه الشهر الهجري هي رؤيه الهلال بالعين المجرده او باستخدام التلسكوبات يعني لازم حد يطلع في اماكن مفتوحه زي الصحاري او الاماكن البعيده عن الاضواء ويحاول يشوف الهلال وقت المغرب لو الهلال اتشاف بيبدا الشهر الجديد اما لو ماتشافش بيكملوا الشهر الهجري 30 يوم ودي طريقه الرسول صلى الله عليه وسلم واغلب الصحابه وبتعتبر من السنن المؤكده السنه بيشوفوا ان الطريقه دي بتمثل التزام بالتعاليم النبويه وتحقيق للوحده بين المسلمين اما الشيعه فعندهم طريقه مختلفه شويه هم كمان بيعتمدوا على رؤيه الهلال بس بيضيفوا عليها عنصر الحساب الفلكي يعني ايه الكلام ده يعني لو الحسابات الفلكيه اثبتت ان الهلال ممكن يتشاف في مكان معين حتى لو مش اتشاف بالعين فعليا ممكن يعلنه بدايه الشهر بالنسبه ليهم الحساب الفلكي بيدي دقه اكبر وبيساعد في تجنب الاختلافات اللي بتحصل حصل لما تكون الرؤيه صعبه بسبب الظروف الجويه او غيرها اكيد يا صديقي المشاهد بتسال نفسك سؤال مهم جدا هل الفرق ده ليه اهميه اصلا عشان اكون واضح معاك فالحقيقه اه ببساطه لانه بياثر على توقيتات الصيام والاعياد بين السنه والشيعه في بعض السنين مثلا ممكن تلاقي ان رمضان بدا يوم في السعوديه ومصر واغلب السنيه وبدا في يوم ثاني في ايران او العراق اللي فيهم اغلبيه شيعيه وده بيخلق نوع من الجدل كل سنه تقريبا بين اللي بيقولوا ان الحساب الفلكي هو الاصح واللي بيقولوا ان الرؤيه البصريه هي اللي لازم تتبع طب ليه الشيعه بيدمجوا الحساب الفلكي في تحديد بدايه الشهر هم بيشوفوا ان العلم الحديث وسيله دقيقه تقدر تساعد في فهمنا للدين بشكل افضل بيقولوا ان ائمه اهل البيت كان عندهم توجهات بتؤيد استخدام العلم بجانب التعاليم الدينيه وان ده بيدي امان اكث وبيقلل الخلافات من ناحيه السنه بيشوفوا ان الالتزام بالسنه النبويه ليه الاولويه وان الرؤيه البصريه بتخلق نوع من الترابط الروحي بين المسلمين وبين الطبيعه وده بيخلي المناسبات الدينيه ليها طعم مختلف تماما عن اي مناسبه ثانيه من اكبر الاختلافات برده بين السنه والشيعه هو ليه بيصوم السنه يوم عاشوراء وبيحتفلوا بيه وفي نفس الوقت الشيعه بيحيوا ذكرى الحسين في نفس اليوم بس بشكل مختلف جدا بالنسبه للسنه يوم عاشوراء بيصوموه شكرا لله وده لان اليوم ده مرتبط بحدث تاريخي مهم وهو نجاه سيدنا موسى عليه السلام وقومه من فرعون وجنوده في حديث بيحكي ان النبي صلى الله عليه وسلم لما وصل المدينه لقى اليهود بيصوموا اليوم ده فسال عن السبب وقالوا له انه يوم نجى فيه سيدنا موسى فالنبي قال نحن احق بموسى منهم وصام اليوم وامر المسلمين يصوموه وبكده صيام عاشوراء بقى سنه مستحبه عند السنه وبيعتبروا الصيام فيه تكفير للذنوب البسيطه للسنه اللي فاتت اما عند الشيعه فيوم عاشوراء ليه معنى ثاني تماما لانه بيوافق ذكرى استشهاد الامام الحسين بن علي رضي الله عنهما في معركه كربلاء المعركه دي كانت لحظه مفصليه في التاريخ الاسلامي بالنسبه للشيعه وبيعتبروها رمز للثوره ضد الظلم والطغيان الامام الحسين اللي هو حفيد النبي صلى الله عليه وسلم قتل في اليوم ده مع عاده كبير من اهل بيته واصحابه وده بيعتبر عند الشيعه حدث ماساوي كبير بيجسد التضحيه من اجل الحق علشان كده الشيعه بيحيوا يوم عاشوراء بالحزن والاسى وبيعملوا فعاليات مختلفه زي المجالس الحسينيه اللي بيحكوا فيها قصه كربلاء بتفاصيلها وبيرددوا الشعر والرثاء عن الحسين واهل بيته كمان بعضهم بيمشي في مواكب بيظهروا فيها مشاعر الحزن والتعاطف مع تضحيات الامام الحسين ممكن تكون يا صديقي المشاهد سمعت قبل كده اغلب الاختلافات دي وعارفها لكن في حاجه مهمه 90% من اهل السنه ما يعرفوهاش وهي الايمان بالبداء يعني ايه بقى الكلام ده؟ اولا مفهوم البداء عند الشيعه الاماميه بيقول ان ربنا ممكن يظهر حاجه جديده لم تكن معروفه او مقدره قبل كده وده بيعتبره اهل السنه خلل كبير جدا في العقيده لان ربنا سبحانه وتعالى علمه كامل وما فيش حاجه بتخفى عليه عند اهل السنه علم الله سبحانه وتعالى شامل لكل حاجه سواء اللي حصلت او اللي لسه هتحصل وكل الامور تحت قدرته وده دليل قاطع على ان علمه شامل وكامل ما فيهوش اي نقص او حاجه ممكن تزيد لكن فكره البداء عند بعض الشيعه بتوصل لدرجه انهم بيقولوا ان ربنا بيظهر ليه حكم جديد وده كان علمه بيتغير وبيتاثر باللي بيحصل في الدنيا ودي حاجه مش مقبوله تماما عند اهل السنه طب ليه؟ لان لو قلنا ان علم الله ممكن يظهر ليه شيء جديد يبقى ده بيوحي بانه كان يجهل الامر قبل كده وحاشاه سبحانه وتعالى من ده من هنا اهل السنه بيشوفوا ان عقيده الشيعه اللي بتقول بالبداء عقيده غلط جدا لانها بتتناقد مع صفات الله سبحانه وتعالى وده شيء بيعتبره اهل السنه نوع من انواع الجهل بالله وبصفاته اهل السنه بيؤكدوا ان ربنا لا يتغير علمه ولا يظهر له شيء جديد لان ربنا سبحانه وتعالى خالق الزمن والعالم بكل تفاصيله ثانيا اهل السنه دايما بيفرقوا بين النسخ في الاحكام اللي هو تغيير في التشريع بناء على الحكمه الالهيه وبين البداء اللي بيشير الى التغير في علم الله وده محال النسخ معناه ان الحكم الشرعي اللي ربنا نزله ممكن يتغير حسب الظروف والزمان لكن علم ربنا ثابت لا يتغير. الاختلاف اللي جاي ده بقى هيكون بخصوص المراه. اهل السنه بيشوفوا ان الست شريكه للراجل في التكليف والمسؤوليه الشرعيه ليها دورها في العباده وكمان في نقل الحديث وتوصيل العلم زي السيده عائشه رضي الله عنها اللي كانت فقيهه كبيره. الاسلام بيدي للست قيمه ومكانه مساويه للراجل في الكرامه والحقوق حتى لو مسؤوليتها ممكن تختلف شويه في بعض المجالات. انما في بعض الروايات الشيعيه بيظهر كلام بيقلل من شان الست وبيوصفها انها سبب في الابتعاد عن العباده وما يحقش ليها تكون فقيهه في الدين لانها عوره وسبب للفتنه وان دورها هو حفظ النسل ورعايه الابناء وامتاع الرجل طب ايه وضع حقوق الميراث للمراه عند السنه والشيعه اهل السنه حقوق الميراث عندهم واضحه والست ليها نصيبها كزوجه او ام او بنت وكل ده منصوص عليه في القران ومش قابل للتغيير انما الشيعه ففي روايات عندهم بتقول ان الست ما تورثش من العقارات وفي حالات معينه تحرم تماما من الميراث نيجي لموضوع الامامه ليه الموضوع ده مهم قوي وعليه جدل كبير بين المسلمين لحد دلوقتي لان ببساطه وقع في الخلاف من بعد وفاه الرسول صلى الله عليه وسلم لما حصل خلاف بين الصحابه على مين المفروض يكون خليفه هل الخلافه تكون من قريش ولا من الانصار بعض الصحابه شاف ان الخلافه لازم تكون لاهل بيت النبي لكن في الاخر اتفقوا وبيعوا سيدنا ابو بكر ومن بعده سيدنا عمر وبعدين سيدنا عثمان واخيرا سيدنا علي رضي الله عنهم كلهم بالنسبه لاهل السنه الموضوع اتحسم كده بس بالنسبه للشيعه الموضوع مختلف تماما الامامه عندهم تعتبر من اساسيات الدين واصل اساسي من اصوله خصوصا عند الشيعه الاماميه الاثنى عشريه هم مؤمنين ان في 12 امام من اهل البيت اولهم سيدنا علي رضي الله عنه واخرهم هو محمد بن الحسن العسكري الامامه عندهم مش مجرد قياده سياسيه هم شايفين ان الامام لازم يكون عالم بكل شيء في الدين ومعصوم من الخطا وده بيفرق كتير عن مفهوم الامامه عند اهل السنه طب ايه معنى الامامه اصلا عند اهل السنه والشيعه اهل السنه عرفوا الامامه على انها قياده بتحرس الدين وتدير شؤون الدنيا مش من صلب اصول الدين الاساسيه يعني لو ماتبعتش نهج الامام في شان من شؤون حياتك فانت حر واضرب ظروفك اما الشيعه فشايفين الامامه على انها صلب الاعتقاد القلبي بيعتبروها زي التوحيد والنبوه لازم الايمان بيها الامامه عندهم معناها ان الامام مرجع في الدين وانه معصوم وما بيلطش ابدا وبالتالي مخالفته عصيان يستوجب العقاب كمان في اختلاف كبير في روايه المهدي المنتظر ظ يا صديقي العزيز وده من منظور كل من السنه والشيعه لنبوءه ظهوره في اخر الزمان الاول مين هو المهدي المنتظر عند الشيعه الشيعه بيقولوا ان المهدي المنتظر هو الامام الثاني عشر عندهم اللي اسمه محمد ابن الحسن المهدي وبيعتبروا انه مولود من سنه 255 هجريه لكنه اختفى وهو صغير سنه 265 هجريه في سرداب في مدينه سمراء طيب هل هو لسه حيؤمنوا انه لسه حي لحد النهارده مختفي وهيظهر في اخر الزمان علشان يحقق العدل واتكلمنا عن الاختلاف ده بالتفصيل في حلقه مفصله في القناه عن المهدي المنتظر عند اهل السنه والشيعه ولكن في المجمل الفرق هنا في ان رؤيه الشيعه للمهدي بتعتمد على انه امام غائب هيرجع يطبق العدل حتى لو بعنف وتغيير كبير لكن عند السنه المهدي هيكون قائد عادل يتبع نهج النبي من غير ما يغير غير او يهدم وهيكون سبب في نشر السلام والخير في اخر الزمان. بكده يا صديقي المشاهد انتهت حلقتنا النهارده وعرفنا سوا الفروق الكبيره اللي ما بين اهل السنه والشيعه. لو الحلقه عجبتك ما تنساش تعمل لايك وتشترك في القناه وتفعل زر الجرس علشان يوصل لك كل جديد. وكالعاده ما تنساش تشوف الحلقات اللي فاتت والحلقات اللي جايه اشوفك الفيديو اللي جاي. سلام.