الخنزير الدحيح

!أقسم بالله ما هسيبه غير إمّا يعتذر !اهدا يا عم، اهدا، هشرحلك، هشرحلك يا أستاذ، هو عملّك إيه؟ ،يا عم بتكلم معاه عادي !قام مطلعلي صوت من مناخيره !يا باشا، والله، مش من مناخيري ،يا أستاذ، بعد إذنك، امسكه كويس !اوعى يفلت من إيدك ،أنا الأول افتكرته نام !استنيت شوية، فِضل مكمّل بقولّك إيه؟ .مش أنا اللي يتعملّي صوت من مناخيرك !يا باشا، والله، ما بعملّك أصوات .أنا صوتي كدا. دا صوتي هو إيه اللي صوتك كدا؟ عندك اللحمية يعني؟ .لأ، أنا خنزير .ما تزعلش منّي .لا ما تغلّطنيش فيك! أنا ما قلتش كدا !ما أطلّعش العيبة دي من بُقي ،لأ، يا أستاذ، أنا خنزير .حيوان، مش قصدي .يا أخويا هدّي نفسك، خلاص، ما حصلش حاجة !يا عم، أنا باكل زبالة كل يوم !لا حول ولا قوة إلا بالله .يا عم، خلاص، أنا مش متضايق .طب انت عارف؟ أنا شوية وهحط وشي في الطينة .ما تقطّعش في نفسك كدا يا عم الخنزير .أنا مسامحك يا عم .بجد؟ انت قلبك طيب أوي يا أستاذ .أنا هتكِلّ أنا على الله .سلام عليكم !والله لأقتله ،أعزائي المشاهدين ،السلام عليكم ورحمة الله وبركاته أهلًا بكم في حلقة جديدة ."من برنامج "الدحّيح !معرفش، يا عزيزي، الخنزير بيعمل صوت إيه ،دايمًا، يا عزيزي، بشوفه ميوت .عمري ما أعرف صوته ."بس ممكن أقلّدلك "بومبا ،"دكتور "نيك هاسلام ،من جامعة "ملبورن" الاسترالية في مقال ليه عن الشتيمة بأسامي الحيوانات بيقول إن ساعات الشتيمة بتكون دلالة ،على صفة معيّنة في هذا الحيوان ،الفار أو الفرخة، لو حد جبان ،الأفعى، بتلدغ، وانت مش مدّي خوانة ،لو واحد متلوّن ومش سالك .بتقول عليه حرباية .دا، يا عزيزي، النوع الأول من الشتايم ،أمّا النوع التاني ،إن انت تشتم بالحيوان ذاته مش عشان صفة معيّنة، دا هو كدا في كينونته عمومًا، بينقل شعور .بالقرف والكُره للحيوان دا "!زي ما تشتم حد، تقولّه، "يلّا يا خنزير ."شُفت، يا عزيزي، تقيلة ازاي؟ "يا خنزير ،وهنا، يا عزيزي ،تكتشف إن الخنزير مكروه بدون تفاصيل .مشهور إن هو كائن قذر وغبي وكسول المستثمر الجشع اللي مش راضي يبيع .Pig يتقال عليه ،مخلوق جشع .بياكل كل حاجة في طريقه، حتى الزبالة "في فيلم "سناتش"، "بريك توب كان بينصحهم إن هما يتخلصوا من الجثة .عن طريق إن هما يأكِّلوها للخنازير ودا لأن فعلًا الخنازير ،بتاكل أي حاجة تتحط قُدّامها .حشرات، زبالة، جثث ميتة ،والناس، يا عزيزي، اللي بيربوا خنازير .بيحكوا إن هما كائنات متسولة، متطلبة الله! إيه يا (أبو حميد)؟" بيفتحوا الدواليب والمخازن يعني؟ "والتلاجة كدا، ويقعدوا يبصوا عليها؟ .آه، يا عزيزي، الناس قالت كدا فعلًا وأحيانًا، الخنازير بتبقى عدوانية !مع الأشخاص اللي في إيديها أكل، طفسين ،الخنزير، يا عزيزي، طوله قايم عن الأرض 70 سم .ومع ذلك، يا عزيزي، وزنه بيوصل لـ300 كيلو .In-shape دا المتوسط، دا الخنزير اللي هو .وفي بعض الحالات، يا عزيزي، بيتعدّى الطن ،الخنازير بتُعتبر أسمن الثدييات الأرضية .نسبة دهون أعلى من أي كائن برّي ،الطفاسة دي، يا عزيزي .وقّعت الخنزير في شر أعماله ،من حوالي، يا عزيزي، 10 آلاف سنة لمّا كل الحيوانات ،كانت خايفة وحذرة من البشر الخنازير تجاهلوا كل الخطر ،اللي بيمثّله البشر ،وقرّبوا منهم عشان بواقي الأكل اللذيذة .والمحاصيل والمكسرات اللي بيزرعوها !يا آبا وريني البتاعة دي بتقول إيه كدا" "!دوّقني ،وهنا، راح البشر أسروا الخنازير ،والبشر، يا عزيزي ،لمّا لقوه حيوان وزنه بيزيد بسرعة ،وطفس، بياكل أي حاجة ".قالوا، "حلو دا أوي، نربيه ونستأنسه ،وبالفعل، يا عزيزي ."البشر استأنسوا الخنزير البرّي. "بومبا ،والخنازير البرّية مش نوع واحد .Warthog عندك مثلًا، الخنزير الوحشي الأفريقي ."أيوة، يا عزيزي، دا "بومبا"، صاحب "تيمون .كان عمال ياكل دود طول الفيلم أمّا، يا عزيزي، النوع التاني .Pygmy Hogفهو الخنزير القزم، الـ .ودا، يا عزيزي، صغير، ممكن يتحط في الجيب .Pig-Deerأو الـ ،Babirusaوهناك أيضًا الـ ،ودا، يا عزيزي، خنزير غريب جدًا ،أنيابه كانت سنان وطولِت .لحد ما اخترقت فكّه العلوي وخرجت برة ،من بين بقى، يا عزيزي، كل هذه الأشكال ،Wild Boarالبشر استأنسوا الـ .حتى، يا عزيزي، تلاقيه شبه الخنازير الأليفة ،ولكن رجليه أطول وشعره غامق ،وحتى جلده بُنّي أو غامق .ودا عشان التمويه ،لو بيجري ورا فريسة، سواء طيور أو تعابين .أو بيستخبى من مفترسين، زي النمور والأُسود ،وخصوصًا، يا عزيزي .إن هو بينشط في الليل والفجر أمّا بقى، يا عزيزي، الخنازير المستأنسة .بمبي ،Pink فمعظمها بيكون لونه ،ودا لأن جلدها بطّل يفرز الميلانين .اللي بيدّي الصبغة الملونة .ودا بسبب التربية الانتقائية ،ولسبب ما، البشر حبوا الخنزير البينك أكتر ،غالبًا، عشان يتباهوا بيه قُدّام القبائل ،لكن غير بقى الفشخرة .الخنازير اتربت من الأساس عشان لحمتها ،وفي المجتمعات الزراعية ،زي "مصر" القديمة مثلًا ،كانوا بيستغلوها في الأراضي ،تغرس البذور برجليها .وتخصب التربة بفضلاتها وأحيانًا، بيستخرجوا من سوايل جسمها علاجات للعيون، أو يطحنوا سنانه .مع مكونات تانية وتتحط على الجروح البشر، يا عزيزي، استغلوا الخنزير زمان .في كل حاجة، إلا الأكل "إيه يا (أبو حميد)؟ كان حرام وقتها؟" - .آه، صح - ،الخنزير، يا عزيزي ،في "مصر" القديمة كمان، كان مُحرّم أو على الأقل، في الطبقات العليا .أو بين الكهنة ،هيرودوت"، المؤرخ الإغريقي، بيقول" ،إن المصريين اعتقدوا إن الخنزير وحش نجس ،وأي مصري يلمس خنزير .لازم يطهر نفسه في النيل ،دا، يا عزيزي، كان غالبًا .من أوائل المواقف اللي اتاخد ضد الخنزير .ودا، غالبًا، بسبب عاداته ،مش دايمًا يقولّك، يا عزيزي ،لا تصارع خنزير في الوحل" ".فتتسخ أنت ويستمتع هو ما هو من إيه؟ ،الخنزير، يا عزيزي، يموت ويتمرمرغ في الطين !وياكل القذارة، ما يهمهوش ،يشوف الزبالة والقذارة .وياكل BigTasty يحط عليهم صوص وكمان، يا عزيزي، الخنزير كان مكروه ،عشان لحمته بتبوظ بسرعة .فكان ثقافات كتير ما تحبش تربّيه وقت الصيف ،في حر "الجزيرة العربية" مثلًا كان صعب تقتل خنزير .وتاكل لحمته قبل ما تبوظ .أسهلّك تدبح فرخة وتاكلها في نفس اليوم ،غير كدا، يا عزيزي ،الخنازير حيوانات عنيدة ومش سهلة في الحركة فكانت عدوة لنظام حياتهم .اللي مبني على التنقل المستمر .هو عايز يقعد ويفخّد وياكل ،لكن في نفس الوقت، يا عزيزي ،الخنازير بتولد بسرعة كبيرة ،ولو حصل جفاف، ممكن تدبحها براحتك ،ولمّا المطرة ترجع، هتجدد أعدادها من تاني .أسرع من الغنم والمعيز والبقر ،لحد القرن الخامس قبل الميلاد الشرق الأوسط كان معتمد .على 4 حيوانات فيما يخص اللحمة كانوا معتمدين بشكل أساسي .على الغنم والمعيز والبقر والخنازير ،لحد ما جت اليهودية وحرّمت أكل الخنزير ،وجه ذِكره في سِفر التثنية "وَالْخِنْزِيرُ لأَنَّهُ يَشُقُّ الظِّلْفَ" ،يعني، حوافره مشقوقة ،زي حوافر الغنم والمعيز "لكِنَّهُ لاَ يَجْتَرُّ" .يعني مش من المُجترّات ".فهمت أنا يا (أبو حميد)" - اللي هي زي البقر والمعيز - ،عندهم جهاز هضمي يخلّيهم يبلعوا ،وبعدين لمّا ييجوا يرتاحوا .يرجعوا الأكل لبُقّهم اللي هو، آجي أمضغ شوية وبعدين أتعب ،ينزل الأكل في البطن وبعدين أقعد بقى في حتة كدا ،مع كُباية الشاي وأقوم مطلّع الأكل تاني أمضغه بقى وأشرب كُباية الشاي كدا .قدام الحظيرة. أجترّه ،حتى، يا عزيزي ...تلاقي المعيز والبقر، كل شوية .قاعدين بيمضغوا كدا ،الخنزير بقى، يا عزيزي، ما بيجترّش .معدته بسيطة زي معدة الإنسان .عشان كدا بيُقال، "فَهُوَ نَجِسٌ لَكُمْ فَمِنْ لَحْمِهَا لاَ تَأْكُلُوا ".وَجُثَثَهَا لاَ تَلْمِسُوا وبعد كدا، ييجي الإسلام ،ويؤكدلك تحريم أكله إلا الضرورة إِنَّمَا حَرَّمَ عَلَيْكُمُ" "الْمَيْتَةَ وَالدَّمَ وَلَحْمَ الْخِنزِيرِ ،مش بس لحمته، الإمام "الرازي" بيقول أجمعت الأمة على" ".إن الخنزير بجميع إجزائه، مُحرّم ،لأن الخنزير من ساسه لراسه .مفيش حتة فيه بتترمي "الفنانة الهولندية "كريستين مايندرشتما ،تتبعت الخنازير من ساعة ما بتدّبح ،ووجدتها بتخُش في 185 مُنتَج ،كريمات بشرة، صابون، خميرة .زبدة، وأدوية، ومواد دهان .حتى، يا عزيزي، رصاصات الأسلحة، بيخُش فيها "ازاي يا (أبو حميد)؟ مش حجمه كبير شوية؟" .في صناعتها، يا عزيزي، في صناعتها يا لذيذ ،دا غير كمان لحمته ،اللي بالرغم من تحريمها في ديانتين كُبار ،إلا إن لحمة الخنزير، يا عزيزي ،واسمع هذه المفاجأة .أكتر لحمة بتتاكل في العالم "؟Cowإيه؟ مش الـ" .Cowمش الـ - "How?" - أقولّك على التقيلة يا عزيزي؟ .طبعًا Cowغير الـ .البقرة، يا عزيزي، هي المركز التالت "؟How المركز التالت؟ ،Cowإيه؟ الـ" ؟Fried Chickenنسيت يا عزيزي الـ ،المهم، يا عزيزي، التصنيف .في المركز الأول الخنزير ثم الفراخ ثم البقر ودا يا عزيزي، لأن الخنزير .إنتاجه سهل وغزير ولكن حتى في الثقافات اللي بتاكله .بتشوفه برضه حيوان قذر وخسيس ،"الدكتورة "ميلاني جوي "Why We Love Dogs, Eat Pigs, and Wear Cows" "ليه بنحب الكلاب وبناكل خنازير وبنلبس بقر" ،بتقول إنها سألت طَلَبة عن صفات الكلب فرصّوا صفات، زي إن هو .لعبي، حبّوب، ذكي، بيحرسنا ،بعدها سألتهم عن الخنزير فقالوا إن ريحته عرق وقذر .وغبي وقبيح وكسول وتخين "!يا عم، الله يسامحك يا عم! الله يسامحك" الدكتورة بعد كدا بتسأل الأطفال .كام واحد فيكم شاف كلب؟ فكُلّه رفع إيده بعدها سألتهم، كام واحد فيكم شاف خنزير؟ .طَلَبة قليلين رفعوا إيديهم طب كوّنتم انطباعكم عنه ازاي؟ قالّك، شفناه في الصور والأفلام .والكتب والتليفزيون اللي حكالك عني، وانت صدقته" "جه حكالي عنك، وأنا صدقته شيء غريب جدًا، يا عزيزي، إن رؤية الإنسان .للخنزير في الحياة تكون نادرة كدا أنا عارف طبعًا .إن هو متحرم في المنطقة بتاعتنا ،ولكنه حتى في معظم الدول .سهل تشوف بقرة بترعى أكتر ما تشوف خنزير مع إن زي ما قلتلك، الخنازير اللي بتتربى .عشان الأكل أكتر بكتير من البقر ولكن السبب في دا إن الخنزير ،بيحتاج ظروف حبس استثنائية .ظروف بتبيّنه معفن وكسول وغبي .لكن الحقيقة، يا عزيزي، عكس كدا من القرن العشرين وتصنيف الخنزير على إنه من الماشية .ما بقاش شيء دقيق ،لأنه بدأ يزاحم الكلاب كحيوان أليف .لكن تربيته صعبة شويتين، تلاتة ،ودا بسبب إن احتياجاته مُعقّدة وبيحتاج تتواصل معاه كتير وبيمارس الرياضة، ومحتاج تدّيله ألعاب .لأنه بيحتاج تحفيز ذهني دائم ،لأنه، يا عزيزي، على عكس الاعتقاد السائد .الخنزير ليس كسول، ما هواش بروطّة .الخنزير حيوان نشيط وعدواني ،دولة زي "باكستان"، الخنازير فيها مُحرّمة .عشان 96% منها مسلمين ولكنها، عزيزي، موطن .لعدد كبير جدًا من الخنازير البرّية .الـ"يوروإيشن بورز" قارفينهم في عيشتهم ،الخنازير، يا عزيزي، مطلعة عينهم بتاكل المحاصيل .وبتهاجم الناس وبتخرّب الممتلكات ،فيه حالة، يا عزيزي ."من الشغب الخنزيري في "باكستان .والنشاط دا، يا عزيزي، مش دايمًا في الشر ،الخنزيرة الأم في الطبيعة، لمّا بتيجي تولد .بتعزل نفسها عن القطيع ،بتمشي مسافة طويلة بتوصل لـ6.5 كيلومتر ،ببطنها الكبيرة دي .لحد ما تلاقي مكان آمن، تولد فيه .وتقضّي ساعات بتبني عش للأطفال ،وعشان يوصلّك الجهد المبذول في بناء العش خلّيني أقولّك إن عش واحد .وزنه بيوصل لربع طن من النباتات فالخنزير، عمومًا، بيحتاج .حرّية مطلقة ومساحة واسعة .لأنه، في العادي، بيقضّي اليوم بيشمشم ويحفر .ويحشر مناخيره العجيبة دي في كل حاجة ،مناخير الخنزير حساسة جدًا للمس والشم .بيشم بيها روايح تحت الأرض فتحات مناخيرها واسعة .عشان تتنفس أكتر وتبرّد جسمها فتلاقيها بتشخّر على طول .عشان بتخرّج كمية هوا كبيرة ،وفي نفس الوقت ،المناخير مكوّنة من غضاريف قوية .عشان تزُق بيها الحاجات ودا سلوك مشهور عند الخنازير .Rootingاسمه الـ .بيزُق بمناخيره التربة والجمادات ،والسلوك دا بيتغرس فيهم من وهما أطفال لمّا بيزقُوا وهما أطفال .حلمات أمهم عشان تنزّل لبن ،وبعد ما بيتفطموا .بيفضل السلوك حاجة بتهدّيهم ،وكمان، يا عزيزي ،الخنزير مش بيتمرمرغ في الطينة قلة أدب ،هو، ببساطة، مسكين ،ما عندهوش غدد عرقية، للعرق يعني .كفاية إنها تبرّد جسمه .فبيعمل زي الفيل، بيغطّي نفسه بالطينة الخنازير اللي عايشة في بيئات باردة ،بتكون نضيفة .ما بتحتاجش تنزل في الطينة زي، يا عزيزي، شاطئ الخنازير ."في جُزُر "الباهاما هي يا (أبو حميد) الخنازير" "راحت (الباهاما) وأنا لأ؟ .خلّيك، يا عزيزي، في "سيدي بشر"، 2 مميز الخنازير هناك، يا عزيزي، بتتمرمغ في الميّه .وبياكلوا فريسكا وبينا كولادا ،وهناك، يا عزيزي .الفورمة بتبدأ من طن وانت طالع .الخنزير، يا عزيزي، في الحقيقة، حيوان نضيف ما بيعملش حمّام .في مكان قريب من عيشته وأكله ،ولكنه، يا عزيزي .للأسف في الحبس، ما عندهوش اختيارات ،الخنزير، يا عزيزي .حيوان ملول، بيزهق من الروتين فكر يا عزيزي في إحساسك كدا ،وانت مستني دورك في طابور أو صاحبك لاطعك بالـ4 ساعات .وهو بيربط الكوتشي !ملل مؤلم. تخيل بقى لو بتتعرضله بشكل مزمن ،دا، يا عزيزي .اللي بيحس بيه الخنزير في الحبس .مفيش حاجة تتعمل، كل يوم بيكرر نفس الحاجة الملل بيحصل للحيوانات .لمّا تكون مدخلات الاستثارة بتاعتها قليلة .بالبلدي كدا، ما حدش بينكُشه .وفي نفس الوقت، الدافع الاستثاري بتاعها عالي !يعني هي عايزة تتنكش؟ انتي خنزيرة، انتي" "!انتي كلبة، ما بتعرقيش، تاكلي زبالة وهنا، يا عزيزي، بيحصل للخنزير .زي اللي بيحصلّنا وقت ما بنزهق .قلق واكتئاب وأعراض نفسية ومرضية ،يبدأوا الخنازير يتخانقوا مع بعض بصوت عالي أو يقعدوا ياكلوا لحد ما تجيلهم سمنة .والتهاب في المصادر "إيه دا؟ بجد يا (أبو حميد)؟" ،أقصد التهاب في المفاصل طبعًا .Freudian Slip بس هي !معلش، بفكر في المصادر على طول تخيل، يا عزيزي، تجيب حيوان ،عنده فضول، زي الخنزير ،عايز يستكشف ويشمشم ويشوف دنيا وتحطه في أقفاص حديد .ما يقدرش حتى يلفّ جسمه فيها ،بياكل ويتسمّن ويتكاثر ولمّا يولد ويقول، "يا رب، الحمد لله، ربنا .رزقني بعيال أتسلّى بيهم." يعزلوا ولاده عنه المهم في هذه البيئة ،إن انت ترص أكبر عدد من الخنازير ،مفيش فرصة لتكوين صداقة .أو بحث عن الأمان وسط مجموعة .خصوصًا، لو انت محبوس على أرض خرسانية صلبة ،وهنا، مع الاكتئاب .بيبدأوا يعانوا من القُرح والإصابات في حالة عصبية مسجلة للخنازير اسمها Procine Stress Syndrome ،عند البني آدمين PTSDدي، يا عزيزي، زي الـ .أو اضطراب ما بعد الصدمة ،الخنزير، يا عزيزي، بيتشنج وبيقلق وبينهج وبيظهر عليه طفح جلدي .وأحيانًا بيموت من الرعب والخوف ودا طبعًا، عكس انطباعنا عنهم .إن هما ما بيحسوش ،خد يا عزيزي مفاجأة، وتصريح خاص لبرنامجنا .الخنازير مخلوقات حساسة جدًا ،مش بس بيصرخ لو اتألم .الخنازير بتصرخ لو حاسة بالإهانة صحيح، مفيش فيديوهات كتير للخنازير ،وهي في مراحل التربية والإنتاج ولكن فيه فيديو انتشر لخنزير ،وصاحبه بيوجهه بعصاية كدا على كتفه اللي هي يعني الطريقة المثالية ،في التعامل مع الخنزير .والخنزير كان بيصرّخ "والناس سألت، "هو الخنزير بيعمل كدا ليه؟ .الخنزير، يا عزيزي، بيعمل 20 صوت مختلف .شخير، همهمة، تحذير .ولكن، أصعب طبعًا هذه الأصوات هي الصريخ .الخنزير بيصرخ أكتر شيء مرعب ممكن تسمعه في حياتك .هو صراخ الخنازير في المجازر ،الخنازير، يا عزيزي ،بتواجه ممارسات استثنائية .سواء في التربية أو الحبس أو الدبح ،فمثلًا، لازم ديلها يتقطع .لأنها لمّا بتتوتر، بتعض ديلها ،غالبًا بيتقطع من غير تخدير .وحتى من غير أدوات حادّة ،كمان مع هشاشة عضمها وتسمينها ،الخنزير ساعات رجليه بتتكسر .وبيتضرّب عشان يمشي دا غير إن هما بيتجمّعوا في أعداد مهولة وزحام كبير .عمرهم ما كانوا متعودين عليه ،الخنازير في الطبيعة، بيعيشوا في قطيع ،قطيع مكوّن من عدد معيّن .كل فرد فيه عارف التاني انت شُفت يا عزيزي الأم .لمّا كانت عايزة تولد، مشيت 6.5 كيلو ،يعني ممكن تبقى عايزة مكان .عايزة مساحة ،Space عايزة ،أمّا بقى في الحبس ،فكل يوم بالنسبالهم بيكون عذاب ما بيسمعوش فيه .غير صريخ أفراد عيلتهم طول الوقت .تقدر تشوف قِلّة حيلة وحُزن في عيونهم الله! بس اشمعنى الخنازير يا (أبو حميد)؟" .ما كل حيوانات المزرعة كدا الفراخ، ما هي بتقلق أكيد على كتاكيتها ،والبقر بيزعل لمّا بيفصلوه عن ولاده ".والخرفان عارفة أفراد قطيعها عندك حق، يا عزيزي، ولكن خلّيني أقولّك .إن الخنازير في حتة تانية خالص "في (الباهاماز) يا (أبو حميد)؟" ولكن، يا عزيزي، لو عملنا قائمة ،بأذكى 10 حيوانات .فالخنزير هيكون غالبًا في الخمسة الأوائل مش بين حيوانات المزرعة، لأ. أنا بتكلم على .حيوانات أذكيا زي الدولفين والشمبانزي والفيل الخنازير مثلًا، أذكى من الكلاب .وبتتعلم أسرع من الرئيسيات والدلافين ،في أحد التجارب ،الباحثين جابوا 4 خنازير قُدّام فيديو جيم يحركوا الدراع بمناخيرهم ،عشان يخبطوا نقطة في الحيطة الزرقا ،ولمّا النقطة بتتخبط في الحيطة الزرقا .الخنزير بينزلّه أكل .الخنازير بسرعة فهموا وقدروا يلعبوها والباحثين بيقولوا إن كون الحيوان قدر يربط بين حركة الدراع واللي بيظهر على الشاشة !فدي حاجة مش قليلة خصوصًا إنه حيوان ما عندهوش صباع إبهام ،Joystickيحرك بيه الـ .عنده طول نظر ،Far Sight وكمان ،في نُص التجربة، يا عزيزي، الجهاز باظ ما بقاش ينزلّهم أكل ،لمّا يخبطوا النقطة في الحيطة الزرقا ،ولكن الخنازير كملت لعب ،لمجرد إن الباحثين كانوا بيقولولها كلام حلو .وكأن الخنازير بتتسلى باللعبة ،مؤلفة الدراسة ،دكتورة "كانديس كروني"، بتقول إن الخنازير حساسة ،لطريقة تعاملنا معاهم، وبيتأثروا بيها ،وقالت عن ذكاء الخنازير ،إن الكلاب بتبصّلك والقطط بتبصّلك .لكن الخنازير بتبصّلك في عينيك ،جرّب كدا، يا عزيزي، تبص في عين الخنزير .هتشوف ذكاء واضح .المناخير كدا، وبص كدا في عينه Crop إيه الـ(آي كيو) دا؟ كنت بتلعب" لعبة الاختلافات وانت صغير ولّا إيه؟ ".دا انت ذكي جدًا ،وصحيح إن الباحثين منبهرين بسلوك الخنزير ولكن الكلام دا بالنسبة لأي حد شغّال .في مزرعة خنازير، مش مفاجأة خالص الخنازير دايمًا بيقدروا يتلاعبوا بأي موقف .لحد ما يوصلوا للي هما عايزينه .يتمسكنوا لحد ما يتمكنوا .الخنزير حيوان لمض وعنيد ،"الباحثين في جامعة "أوتفس لوراند ،جابوا كلب وخنزير صغننين، عمرهم 4 شهور عشان يشوفوا فرق التعامل ،بين دا ودا معانا كبشر ،لمّا الباحثين بيدّوهم أكل ،كان الكلب والخنزير بيبصّوا لوش الباحث ،ولمّا وقف توزيع الأكل ،الكلاب كانت بتبص في وش الباحث برضه أما الخنزير فكان بيتجاهلهم .ويعمل حاجة تانية ،هو هنا فهم، يا عزيزي .فهم إن الباحث بيحلوّ عليه طب يلّا، شوف بقى مين هيمشيلك التجربة" ".وعند بعند، هتأنسن عليا هخنزر عليك ،في تجربة تانية ،الباحثين كانوا بيحطوا طبقين أكل ،ويجيبوا كلب وخنزير غير مُدرَّبين .ويشاورولهم على طبق واحد من الاتنين الكلاب كانت بتروح على الطبق ،اللي بيشاورلهم عليه الباحث لكن الخنازير كانت بتروح على الطبق .اللي هما عايزينه، بغض النظر اتشاورلهم فين التجربة دي، يا عزيزي، بعض الناس بتفسرها .إن الكلاب مطيعة والخنازير عنيدة هذا الفرق، يا عزيزي، بيحكي .عن تاريخهم التطوري مع البني آدمين ،الكلاب مستأنسة من 15 ألف سنة .عشان يشتغلوا جنبًا لجنب مع البني آدمين .يحرسوهم ويصطادوا معاهم ،الخنازير، من أقل من 10 آلاف سنة ،ومش بتتربى عشان حراسة ولعب وهزار .دي بتتربى عشان لحمتها التفرقة دي هي اللي ساهمت في اختلاف الخنازير والكلاب .في تعاملهم مع البشر، من وهما في سن صغير الخنزير فعلًا من أكتر الحيوانات المظلومة .في مملكة الحيوان ،الممارسات القاسية بتحصل مع أي حيوان لكن الصورة الذهنية اللي في دماغنا عن الخنزير .إنه كتلة من الدهن، ما بتحسش .حيوان شرير يستاهل كل الأذى .خلّت التعامل معاه يكون في غاية السوء .وهو في الآخر، مجرد حيوان، روح اللي بنعمله، يا عزيزي، إن احنا بنطلق ،صفات بشرية على كائن غير بشري ،بنصبغه بصبغة أخلاقنا اللي بناء على الشكل .احنا عمرنا ما اتعاملنا معاه .Anthropomorphism ،تعاملنا معاه بالأنسنة .طبقّنا حاجات فينا كبشر عليه ،ودا فِضل يزيد مع تطور الحضارة وانعدام اتصالنا بالحياة البرّية .والعالم الطبيعي والكائنات الأخرى بقينا نكوّن انطباعاتنا .عن الحيوانات عمومًا من الكرتون والأفلام ،فبقى، بالنسبة لناس كتير، الخنزير جشع ،والدب لطيف، والتعلب مكّار .والبومة حكيمة، والقط بياكل وينكر .مع إنه ما كلش وما أنكرش .صفات أكثر واقعية من الحيوان نفسه ،الإنسان القديم شاف الخنزير حيوان أو مكنة .بتحوّل أي حاجة للحمة .دخّل له أي حاجة، يطلعلك لحمة ودهون .ومن ساعتها، وعجلة الإنتاج ما وقفتش .لكن النهاردة، احنا نعرف عن الخنازير أكتر .وكدا كدا، كل الحيوانات تستاهل الرحمة ،وأكيد مش الذكاء هو المعيار ،ولكنه بيزوّد إدراكه بالألم النفسي والجسدي .فدا أدعى إن انت تبقى رحيم بيه أكتر ،كل الديانات أمرت بالرحمة ،تحريم أكل الحيوانات، يا عزيزي ،ليس مبرر لأذيتهم ،فدا، يا عزيزي .ليس مبرر إن احنا نأذيهم بأي شكل من الأشكال ،بس كدا يا عزيزي. أخيرًا وليس آخرًا ،ما تنساس تشوف الحلقات اللي فاتت ،والحلقات اللي جاية ،تنزل تبص على المصادر .ولو احنا على الـ"يوتيوب"، نشترك على القناة ،افتكر دايمًا، يا عزيزي ،إن فيه ناس في حياتك .لو الخنزير شافهم، ريقه هيجري "ليه يا (أبو حميد)؟" - .لأن شخصياتهم زبالة -