طريقة كتابة الإنشاء التعبير المثالي لكل المراحل الدراسية 2026 اضمن الدرجة الكاملة 100 بسهولة

السلام عليكم شلونكم حبايب شو اخباركم ان شاء الله تكونون بخير وصحه وسلامه طلبات كثيره جتني حتى اعيد لكم محاضره الانشاء هذه المحاضره اللي وصلت الى ملايين المشاهدات يعني ملايين الطلاب استفادوا من عندها وحققوا الدرجه الكامله بالانشاء انا اعرف ماما انه الانشاء من المواضيع الصعبه واللي تحسون بها هي اللي تقلل المعدلات مالتكم وتنزل الدر الدرجات الحلوه الكم ولكن بوجود ست سمر اكيد ان شاء الله هذه الصعوبه راح تنحل بس مطلوب من عندكم شغله واحده انه هذه المحاضره هذا الفيديو يوصل لكل طلاب العراق ايش عندكم مجموعات ايش عندكم بيناتكم من جروبات توصلون هذا الفيديو حتى تكون صدقه جاريه الكم والي حتى هذه كلمه الانشاء واني خايف من عندها تروح من عندنا بعد طيب خلينا نسولف اول مره هو شنو الانشاء وشنو التعبير مرات اصح له انشاء ومرات اصح له تعبير الانشاء والتعبير هو عباره عن قطعه نثريه قطعه نثريه اتناقش بها اول مره اثناء الكتابه ويا نفسي ابين الاشياء الجيده بها والاشياء السيئه بها واتوصل الى حقائق واتوصل الى نتائج طيب مرات اشوف هواي من الطلاب يقولون ست احنا ما نقدر او ما نعرف نكتب الانشاء واذا قدرنا نكتب فراح نكتف اربع خمس اسطر ونتوقف ليش؟ لان معلوماتنا تكون قليله والافكار تكون ضئيله واحنا من راح نكتب نلاحظ نفسنا نكرر مره ثانيه بالانشاء وهذا الشيء خطا ممكن تسالون ست اكتب انشاء واجيبه من هذا الانشاء اللي موجود على النت اقول لكم ديروا بالكم الانشاءات اللي موجوده على النت نهائيا ما تحصلون من عندها درجه زينه بالعكس درجه كلش قليله وتكسر المعدل مالتكم زين واحد يسال ست اكو طريقه لكتابه الانشاء اكيد ماما موما طرق لكتابه الانشاء بعد ان يكمل ان شاء الله هذا الفيديو هاي المحاضره تكمل راح تشوفون نفسكم تغيرتوا تغيير جذري راح تشوفون نفسكم تعرفون تكتبون انشاء مو خمس اسطر لا قولوا خمس صفحات سته ليش؟ لان بالحقيقه هي قواعد هي علم يعني كتابه الانشاء هو علم باسس باركان اقدر اتبعها اقدر اكتب عليها واذا بي اقدر اكتب انشاء طيب المطلوب من عندكم ايضا نهايه ان شاء الله هذا الفيديو كل واحد من عندكم يروح يقولله صدق اني ورا ما قالس السمر هذه المعلومات اقدر اكتب انشاء راح تشوفون ان شاء الله الفرق الكبير جدا جدا بالبدايه لازم نعرف انه الانشاء يتكون تكون من ثلاث اركان المقدمه والعرض والخاتمه مقدمه عرض خاتمه راح ناخذ ان شاء الله واحد من ذول الاركان ونفصلهم ونشوف كم طريقه اقدر اكتب بها هذول الاركان الثلاثه يلا حبايبي اول مره راح ناخذ المقدمه شنو معنى المقدمه قلت لكم انه المقدمه هي عباره عن جمل وهذه الجمل يجب ان تكون جميله وقصيره زين شنو السبب؟ حتى تغري القارئ على قراءه تعبيرك على ان تتجاوز خمس اسطر ركزوا زين ماما اذا هنالك مقدمه وهذه المقدمه عباره عن جمل والجمل تكون قصيره وحلوه جميله حتى تغري القارئ على قراءه الانشاء مالتك واحد يسال ست احنا قسم من المدرسين يقولون لا تكتبون مقدمه لا ماما من ضمن من ضمن شروط كتابه الانشاء شرط رئيسي جدا هو المقدمه واحد يسال ست ليش ما اجيب لي فد مقدمه حلوه وجاهزه من النت واخليها اقول لكم لا ماما مقدمات النت اللي موجوده عندكم هاي المقدمات مستهلكه يعني يعني يكتبوها الاف الطلاب فالمصحح اصلا مره عليه العام واول عامده شوفوا لو لا فمن راح يشوفها راح يقول اصلا هذا الشخص ما يعرف يكتب الانشاء راح اعلمكم طرق وليست طريقه طرق تكتبون المقدمه بشكل حلو وتكون المقدمه الك وحدك ما احد وياك بها فقط انت يلا حبايبي خلينا نشوف شلون الطرق راح اقول لك اول مره تترك مسافه كلمه ثم تبدا الكتابه ركزوا على هاي النقطه كلش مهم ليش لان الانشاء اللي راح نحكي ان شاء الله عباره عن فقرات عباره عن فقرات هذه الفقرات ماما لازم لازم تبدا بترك كلمه وحده مسافه كلمه وتنتهي بنقطه تشوفون لو لا وتبدا فقره ثانيه الفقرات تطف جماليه حلوه للموضوع يعني اناي من اشوف موضوع ونفس الكتابه واحد مكتوب لبخ بهذا الشكل والثاني على شكل فقرات حتى عيني وين ترتاح اكيد بالفقرات فاذا شكل الفقرات شكل مهم جدا راح نسال سؤال اخر ست يعني الفقرات فقط بالمقدمه اقول لكم لا نهائيا المقدمه والعرض والخاتمه والعرض به طبعا عده فقرات هذه ماما الفقرات لازم ابداها بترك كلمه واحده لقدوتها مسافه وتبدا بها وبعدين تنهيها بايش؟ بنقطه شلون بالانجليزي من تكتبون الانشاء مو يقولوا لكم اول شيء تبدون بكابت لتر نفس الحاله احنا هنا ش راح نسوي لا راح نترك مسافه كلمه زين قايلت لكم ايضا تجنبوا المقدمات الجاهزه تجنبوها ايش قد ما تقدرون ابتعدوا عنها ليش؟ يجب ان تكون لك مقدمه خاصه بك بحيث هذه المقدمه تلائم اسلوبك ومستواك الدراسي ست يعني شنو؟ يلا وياي احنا نعرف انه الطلاب مختلفين عقليا بالادراك واحد يختلف عن الثاني في بعض الاحيان واحد من عندكم شو يقول يقول ست اني ابويا او مثلا والدتي او عمي او خالي يعرف يكتب انشاء ويقدر يسوي لي فد مقدمه حلوه اقول لك صح بس بشرط كم شرط عندنا اثنين اول شرط هذه المقدمه اللي راح يكتب لك اياها واللي ممكن تكون مقدمه شامله ممكن هذا الشيء على شرط تكون هاي المقدمه رقم واحد الك وحدك ست ليش الي وحدي مخطيه صديقي اقول لكم هنا راح تصير عندنا مشكله شوفوا حبايبي اليوم اني كمدرسه علي تصحيح وذبوا علي منو مثلا الانشاء زين جتني اول يعني اول مجموعه من الدفاتر فد انشاء كلش حلو ومقدمه حلوه وجدبت انتباهي قلت واو حلوه زين فراح اخلي له درجه زينه واذا بي ورا فد فتره ف يعني مثلا خمس ست دفاتر يجيني دفتر ثاني بنفس المقدمه ايش راح اسوي راح اتوقف راح اقول يا اما واحد غش الثاني او اثنيناتهم حفظوا نفس هاي المقدمه اذا ما انطي درجه انطي ايش قد نصف درجه اذا منو اللي خسر خسر الثاني فديروا بالكم عندك مقدمه تكون الك هذه المقدمه طيب هاي نقطه زين ست اني راح اكتب مقدمه اقول مثلا العمي او الخالي يكتب لي فد مقدمه حلوه اقول لك اي بس بشرط يما وليدي اكتبها على مستواك ليش لانه في بعض الاحيان مثلا اشوف طالب المتوسط طه يكتب لي كلمات هو اصلا ما يفهم معناها وتين قلبي وصميم ما اعرف لا ماما من تكتب مقدمه تلائم انت مستواك الدراسي يعني ابو السادس اعدادي اكيد المقدمه مالته تختلف عن ابو الثالث متوسط مو قسم من عندكم اللي يسويها عنده مقدمه ياخذها من الابتدائيه ويفتخر ست والله نفسها بالسادس ابتدائي بالثالث متوسط بالسادس اعدادي عين ايش طلعت هذه ما يصير فالم المقدمه تكون اول شيء حلوه وتلائم مستواك حتى وان كانت المقدمه جاهزه طيب ست واذا ما عندنا احد يكتب لنا المقدمه يلا يلا وياي وياي من الممكن انه تبدا المقدمه بايه قرانيه او حديث نبوي او حكمه او بيت شعري بس على ايش ماما يتكلم يتكلم عن الموضوع اللي رايديه من عندنا ست يعني ابدا بايه قرانيه اي اقول لك ممكن تبدا بايه قرانيه مثلا عن العلم تقول وهل يستوي الذين يعلمون والذين لا يعلمون صح او حديث نبوي اطلب العلم من المهدي الى الاحد ممكن لكن اني كست سمر ما افضل راح تسالون ست ليش اقول لكم حبايبي لان ان شاء الله اثناء العرض عندنا فد فقره راح تكون عن الاستشهاد والاستشهاد يعني اريد ايات قرانيه واريد ابيات شعريه واريد احاديث نبويه فانا ما اريد اخلص اللي موجود عندي بالبدايه ها فاذا ابتعد ما معن كتابه الايات القرانيه لكن اذا ما عندك يعني شلون نقول احنا ما عندك حل عادي ممكن عندك ايات قرانيه هوايه تقدر تبدا بايه قرانيه طيب ست هسه اني مقدمه ما عندي وتقولي لي ابتعد عن الايات القرانيه والاحاديث النبويه بالبدايه اكو طرق اخرى اقول لك اكيد اكو طرق اخرى الطريقه ماما كالاتي اول مره لازم افهم بشكل كبير جدا الموضوع حبايبي ابطالي شوي ركزوا وياي دائما شو يقول لكم هو يعني في 90% من الاسئله تجي يجي الانشاء نهايه الاسئله شو يقول لك يقول لك اكتب عن احد الموضوعين او في احد الموضوعين اول مره ليش يخلو بالنهايه حتى ايش قد ما تقدر تكتب عندك اوراق فارغه وتقدر تكتب بها طيب من راح تيجي تقرا المواضيع الاثنين اللي راوها من عندك اول شيء اقرا اقراهم بتمعن شوي شوي ركز وياي يعني مو اني مستعجل اني كتبت الادب وكتبت القواعد والوقت راح علي يلا هسه راح ابدا بالانشاء واشوف نفسي والله ما بقى لي غير عشر دقائق هذا خطا اول شيء اخلي لي اقل اقل تقدير نصف ساعه لكتابه الانشاء اقل تقدير طيب هسه راح اقرا رقم واحد ورقم اثنين من اقراه شويه اركز ليش قسم من عندكم يقرا اول كلمتين يقرا اول كلمتين بس هو الانشاء ما موجود باول ثلاث كلمات ممكن من تقرا نهايه البيت الشعري او نهايه النص الليطاك اياه او الايه القرانيه اللي اطاك اياه راح تعرف انه غير شيء المراد يعني بالبدايه تكلم عن الاخ بعدين افتهمنا بنهايه المقطع اللي اطينا اياه يريد لا والله ما يريد الاخ يريد الصديق فشويه نركز يتكلم عن العلم زين بس من نقرا زين المنطوق نلقي لا مو العلم وانما كيف العمل في العلم يعني العلم مالتي شلون اخليه ينفع العمل مالتي بهذا الشكل فعيني انتم قراءه الموضوع بشكل مفصل ودقيق مهم جدا ومن تقراه للناس اقرا اكثر من مره مره مرتين طيب هسه ست شلون راح اختار سهله احنا السنه كلها قدامنا فالمفروض المفروض خلال هذه السنه احنا حافظين ايات قرانيه شويه احاديث نبويه عن كل شيء عن العلم عن الام عن الوطن عن الاخلاق حافظين فانا اول شيء من قرا ذول الانشاءات الاثنين اشوف يا الاسهل يا هو اللي عندي به استشهادات اكثر يا هوه اللي ب عندي شلون نقول افكار اكثر اقدر ابدع به اختاره زين ست هسه اختارينا نقول الف او اختارينا باء ايش راح نسوي نكتب مثلا على العلم نكتب العلم اقول لكم ابد هذه خطا كبير كلش يقع به اغلب الطلاب حبايبي هو ما قال لك ما قال لك اكتب عن احد الموضوعين العلم والاخلاق لا هو ذكر لك سطر سطرين وقاللك اكتب عن هذا الشيء اذا هذا السطر او السطرين او البيت الشعري او الايه القرانيه او النص اللي موجود امامك هذا هو العنوان كله كله هذا هو العنوان ركزوا عيني انتم يعني قسم من عندكم يكتب لي العلم انتبه يا ماما هو قال لك اكتب عن العلم لا اطاك سطر كامل زين فالسطر بكامله بكامله تصعدوه وين يصير في وسط الصفحه حتى يكون عنوان لازم زين ست نكتب الاول ترك الثاني عينه اتركوا هاي السوالف لا تكتبون اي شيء راسا مو الانشاء يعني مثلا السؤال الاخير كان الانشاء راسا تنزل الموضوع مالتك تريد تكتب الف او باء بصفه مو مشكله بس المهم منطوق منطوق الانشاء بكامله يصعد لهنا عرفناها زين ست هسه كتبنا المنطوق وعرفنا المعنى مالته وانا قلت لك ما عندي ايات قرانيه ولا عندي مقدمه جاهزه ايش راح اسوي اقول لكم سهله راح نبدا راح نبدا احنا افتهمنا الموضوع اي نعم راح نبدا نسال عن الموضوع ست يعني شنو نسال يعني نسوي لنا اسئله حلوه وصغيره عن نفس الموضوع بس بدون اجابه ست يعني شلون يلا وياي يعني متى كيف اين لماذا الهمزه اي شيء ماما اذا هذه الاسماء اللي هي اسماء الاستفهام نقدر نسوي بها فد عناوين جميله جدا يعني مثلا عن العلم ايش راح اقول ما العلم وخ نخلي علامه استفهام ولماذا نتعلم ولما امرنا الله به وكيف السبيل اليه واقدر بعد بعد اقدر اكتب اي نعم اقدر زين غير شيء ممكن نقول على الام اقول لما الام عزيزه ولماذا امرنا الله بطاعتها وهل منزله الام نفس منزله الاب هذا شوف لو لا وهل انا بار بوالدي وما جزاء هذا البر وهكذا اي موضوع اي موضوع يكون عندك تقدر تسوي به اسئله ليش ماما؟ لان هذه الاسئله انت ما رايد اجابه بها رايد فقط تكون كمقدمه تعرفون هذه يعني هاي الاسئله ونهايتها علامه الاستفهام شلون تخلي المدرس اللي صحح لك ينبهر بيك راح يعرف والله هذا يفتهم والله هذا مبين هذا الانشاء مبين مال طالب مجتهد زين زين هاي طريقه زين هت ما دبرت هاي يعني الاسئله جوز ما لقيت اسئله اقول لكم سهله هالمره اذا ما قدرت تدبر الاسئله اريد من عندك ماما تاخذ اسلوب التعجب اي نعم اسلوب التعجب اللي هو ما افعله وافعل به يعني للسهوله ما اجمله واجمل به احنا مو عرفنا مثلا الموضوع اي نعم ايش راح اسوي اسوي فد ثلاث جمل تعجبيه ثلاثه حلوات وثلاثه سيئات ست يعني شنو؟ يعني احنا عندنا ما اجمله وعندنا ما اقبحه عندنا ما احسنه وعندنا ما اشده تشوفون لو لا واخلي وراهم المتعجب فمثلا لو اخذنا الاشياء الحلوه الجميله اللي هي شنو العلم شو اقول؟ اقول ما اجمل العلم وما اروع العلماء وما افضل التعلم اي سويناه حلوه زين والاشياء السيئه العلم شنو عكسه اكيد الجهل فنقول وما اقبح الجهل وما اسوا الجهلاء وما اصعب الجهل في هذه الايام وما اشد تاثيره على الناس سويت اي والله سويت واذا بي اشياء جميله جدا وخليت المصحح ينتبه انه اني اصلا فاهم الموضوع واني قدرت اسوي له تعجب جميل جدا ونهايه جمله تعجب اخلي له هذه العلامه اللي هي علامه التعجب لاحظنا اذا ماما اذا المقدمه سويناها بعده اشكال يا شكل اللي يعجبكم تقدرون تشتغلون به اما تكون مقدمتك الخاصه بدون ما تشارك ويا احد زين او تبديها بايه قرانيه وحديث نبوي او تبديها باسئله او تبديها بتعجب بس بشرط شنو الشرط ماما نبدا بفراغ اول الصفحه يعني هاي الكلمه نعوفها فارغه ونهايتها ان شاء الله نهايه الفقره نخلي نقطه يعني اقول انه اناي كملت المقدمه هسه ماما وصلنا للركن الثاني اللي هو العرض راح تقولون اي س هو هنا المشكله اقول لكم اي هنا المشكله والحل عندي يلا وياي شنو معنى العرض يلا وياي حبايبي العرض هو شرح عن الفكره المطلوبه او الافكار المراد للحديث من عندها ويجب ان يكون العرض من عده فقرات مو فقره يعني الانشاء لو ننتبه له انه المقدمه راح تكون فقره بس العرض لا لازم عندي ف ست سبعه اكثر اذا انت متمكن اكثر من ذو اي نعم زين ست بهالحاله العرض انا عندي به مشكله شلون راح اقدر اكتب به وانا ما عندي ممكن اسويلك بالعرض كله خمس اسطر اقول لكم لا هاي الخمس اسطر راح نسويها فد 30 40 سطر بس انتبهوا يمنا لازم اول مره بالعرض ايضا نترك مسافه كلمه لازم اي نعم وايضا لازم نكتب عن افكارنا زين عيني او عن عناصر الموضوع زين واحد يسال ست هنا المشكله عندي اقول لكم لا هاي العناصر راح اصيح لها المحاور والمحاور هي عباره عن انشاءات صغيره صغيره اجمعهم كلهم ويصير عندي انشاء يجنن يعني انتم بيناتكم ايش تحكون عوا علي بما انه الحمد لله خبرتي طويله جدا بالتدريس زين وصار لي 30 سنه ادرس سادس وثالث واعرف بالضبط الطالب شو يفكر ش يحكي ايش راح تقولون تقولون احنا كل اللي نقدر نكتبه سطرين ثلاثه وراها ما اعرف اكتب هاي السطرين الثلاثه انت مو تقعرف تكتبها اي نعم راح اخليك تكتبها سطرين ثلاثه فقره وراح اسوي انشاء اخر هسه اعلمكم طريقه نكتب فقره انشاء ثالث رابع خامس واذا بينا عندنا فقرات كثيره جدا بجهودك انت وبكتابتك انت وباسلوبك انت وحدك شلون يلا ماما راح نصيح لها المحاور شوفوا اول محور راح نكتب به لازم تسمعون كلامي 100% يعني لا تقدمون لا تاخرون حاولوا حاولوا بكل وسيله انه نتذكر سي سمر ايش سوت لنا بالتسلسل واحنا هم نكتب مثلها انتبهوا اول محور راح اكتب المحور هو الاهميه والاضرار يلا وياي شنو ماما الاهميه والاضرار اكيد لازم نترك مسافه كلمه ونبدا بالموضوع ست يعني راح اكتب عن اهميه عن فوائد الموضوع للطانيه وراح اكتب عن اضراره او مساوه للطانيه ليش لان في بعض الاحيان يعطيني موضوع جيد يعطيني الصدق اكتب عن اهميته زين تكلمنا عن الكذب عن النفاق اكتب له عن اهميته وابيه اهميه اكيد لا نكتب عن اضراره ومساوئه ها تنتبهون لو لا يعني اول فقره اول فقره راح نكتب عن اهميه او فوائد الموضوع اذا كان اكيد شيء جيد يعني الصحه جيده الام الوطن العلم النظافه ذني كلهن اشياء جيده اذا اكتب عن اهميتهن وفوائدهن زين اذا كان الموضوع غير جيد فاش راح اكتب عن اضرار الموضوع مثل النفاق اضراره اضرار الكذب اضرار التدخين اضرار الادمان اضرار الاهمال وهكذا ها نقدر نكتبهن لو ما نقدر ست لا سهلات يعني ما نعرف شنو اهميه الصحه بليست نعرف تقدرون تكتبوا لي فد اربع سطر اكيد زين الام الوطن كله نعرف والنفاق شنو اضراره؟ عافيه نعرف الكذب نعرف اذا الفقره الاولى راح تكون فقط اهميه واضرار زين خلصنا الفقره ايش راح اخلي اكيد نقطه ونبدا بالفقره الثانيه الفقره الثانيه هم اترك لي مسافه كلمه حلوه صغيرهونه وابدا بحث الاسلام او حذر الاسلام حث الاسلام او حذر الاسلام يعني اكيد حث الاسلام على الصحه حث الاسلام عن الام ومساعدتها حث الاسلام عن حب الوطن عن العلم وحذر الاسلام من النفاق من الكذب من التدخين من الادمان ومن الاهمال صح لو خطا صح نقدر نكتبهن نقدر سهله فقط نكتب حث الاسلام ونحكي لنا شويه فكم سطر او حذر الاسلام ونتكلم عن كم سطر كملنا هاي الفقره سهله كملنا خلي نقطه اكيد ونبدا بفقره جديده الفقره الجديده هي الاستشهاد الاستشهاد يعني شنو استشهاد يعني ايه قرانيه حديث نبوي بيت شعر استشهاد تتكلم عن الموضوع اللي اخذناه يعني انت ايش حفظت مثلا حفظت عن الصحه زين تنظفوا فان الاسلام نظيف صح اي نعم حفظ حفظنا عن الام مثلا امك ثم امك ثم امك ثم ابيك صح اي شيء حتى مثلا عن النفاق على الكذب عندنا هواي احاديث نبويه وعندنا هواي ايات قرانيه زين اذا الفقره الثالثه ما راح نسوي احنا بالفقره الثانيه ايش قلنا قلنا حث الاسلام او حذر الاسلام احنا من قلنا حث الاسلام على النظافه والانسان لازم يتوضى وقبل كل صلاه مش كله تكون ثيابه نظيف نظيفه و وحكينا من جينا وقلنا تنظفوا فان الاسلام نظيف استشهدنا على الكلام اللي قلناه زين ست اذا عندي اكثر من استشهاد عندي ايتين عندي ثلاثه اقول لكم باعوا هو الحلو الحلو انه نستشهد بايه ثم حديث ثم بيت شعري كلش جميل يطلع فالترتيب يخبر ما تقدر مو مشكله فد ايتين او ايه وحديث حديثين مو مشكله بس اذا سويت بهذا الترتيب اللي بدي اقول لك اياه حتى المصحح راح يقول شنو هالثقافه شنو هالابداع يعجب جدا بكتابتك طيب الفقره الرابعه راح نكتب عن واجبنا عن الموضوع واجبنا شو نسوي احنا شنو واجبنا عن الموضوع يعني يعني مثلا واجبنا على الصحه شو نسوي لازم نلتسم يعني بالوقايه بالنظافه نغسل ايدينا زين وايضا نقول لاصدقائنا ونقول نقولخواننا الصغار شلون يتنظفون عن الام شلون نحترمها واجبنا تجاه الموضوع حتى بالنفاق والكذب والتدخين شنو واجبنا انه المنافق ما نعطي مجال مو شكل الكذاب لازم نواجهه بالحقيقه المدخن نخلي له ف حدود ونقول له لا تدخن قدامنا وهذا الشيء اذا من نكتب واجبنا عن الموضوع راح تكون عندنا فقره اخرى فقره رابعه اكيد بديناها بترك كلمه ونهيناها بنقطه وصلنا هالمره للفقره الخامسه ركزوا زين اثر الموضوع على الفرد واثر الموضوع على المجتمع من الممكن نسويها مواضيع اثنين ومن الممكن انه تكون وحده يعني اذا عندك ابداع تقدر تسوي الفقره الخامسه ماما فقرتين واذا لا والله خايف سويهم فقره واحده مو مشكله يعني مثلا اثر الصحه على الانسان نفسه على الفرد واثر الصحه على المجتمع يعني هسه اني لو كنت يعني غير نظيفه فراح ياثر علي اكيد راح ياثر علي راح اتمرض زين من انا تمرضت فقط اثر علي لا راح ياثر على هوايه اشياء ياثر على عائلتي لان راح ينعدون من عندي ياثر حتى على الدوله ليش لان اريد من عندها دين فهذا كله عمله عمله صعبه ياثر على المجتمع لانه اناي ما راح اروح للمدرسه ولا راح انطي درسي بشكل جيد تشوفون لو لا اذا اثر اثر الموضوع مهم جدا على الفرد وعلى المجتمع ونقدر نبدع به انتم لا تخافون اثناء الكتابه تحاوروا ويا روحكم سولفوا ويا نفسكم وبعدين حولوا هاي السوالف اللي حكيتوها الى كلام بالفصحى ها ننتبه على هذه النقطه اذا اثر الموضوع على الفرد وعلى المجتمع راح تصير عندي ايضا فقره خامسه عاد زين ست هسه لهنا احنا ايش كتبنا؟ كتبنا خمس فقرات ولو فرضنا انه كل فقره من ذول الفقرات متكونه من خمس اسطر ما عدا المقدمه اللي هي خمس اسطر راح يصير عندي 30 سطر بس والله ست انا ما يكفيني انا اريد درجه ال 100 واني ادري انه ال 100 ما تجي اذا ما كتبت اربع صفحات اقول لكم اي واذا واذا اناي مو امكم مو القي حل لكل شيء يلا الحل الجديد اذا لقيتوا الموضوع مالتكم صغير اريدكم تكتبون هذا الشيء اللي هو الموضوع وعكسه يعني شنو الموضوع وعكسه يعني هسه قبل شويه شو تكلمنا تكلمنا عن الصحه وتكلمنا عن الام هو شنو عكس الصحه المرض اي والام منو عكسها الاب والكذب شنو عكسه الصدق عافيه والادمان شنو عكسه الحياه الجيده الصحيحه طيب هسه احنا عرفنا العكس خلاص ارجع على ارجع على من على نفس الاسلوب يعني اقول الاهميه والاضرار عكس الصحه احنا قلنا شنو قلنا عافيه المرض وارجع حث الاسلام او حذر الاسلام واستشهد واسوي واجبي عن الموضوع واسوي اثر الموضوع يعني يعني صارت عندي مرت له 25 سطر ها ركزتوا ماما يعني اذا ما كفاك كل هذا اللي حكيناه راح نسوي الموضوع وعكسه والموضوع وعكسه كلش سهل تشوفون يعني من نتكلم عن الوطن اكو شي عكس الوطن اي نعم الخيانه من نتكلم عن العلم اكو شي عكس العلم اي نعم الجهل تشوفون اذا كل شيء عنده عكس واقدر ابدع بالعكس بنفس الطريقه واذا بي صارت عندي يا يا فقرات يا ابو فقرات ايش كملنا كملنا المقدمه وكملنا العرض وين راح نجي راح نجي على الخاتمه يلا وياي راح نسولف على الخاتمه سوالف حلوه وورا ما نسولف على الخاتمه راح اعطيكم شويه ملاحظات اذا اتبعتوها وفد افكار حلوه اذا اتبعتوها ان شاء الله ما يصير يصير عندكم ولا خطا بالانشاء نجي هسه بالبدايه الخاتمه شنو الخاتمه الخاتمه هي فقره موجزه يعني قصيره او جمل صغيره تدل على ختم الموضوع على ش تدل على ختم الموضوع ايضا نترك مسافه ايضا كلمه ونكتب ست شلون نكتب الخاتمه ناخذها جاهزه اذا اخذتوها جاهزه لا باس ولكن بشرط ان تكون خاتمه خاصه بيك وتلائم مستواك زين فاول شيء ممكن نلخص الموضوع بسطرين فقط يعني عن الام اقدر الخصه بسطرين الام هيك عزيزه ولازم نهتم بها وكذا اذا دائما يصير بالخاتمه اذا ولذلك ها لان انا بدي اختم يعني انا نهيت الموضوع بعد ما عندي لا استشهاد ولا كل شيء او يكون بالخاتم انطي رايي واقتراحي للموضوع يعني شنو؟ يعني مثلا اذا شيء ما يعجبني اني مثلا ما يعجبني الادمان المفروض اني انطي رايي اقول اذا يجب على الدوله ان تحاسب المدمنين وتحاول مساعده المدمنين بعلاجهم وهكذا اذا انا ايش سويت؟ انطيت رايي للموضوع عرف المصحح انه انا افتهمت الموضوع وعندي ارائي الخاصه وعندي شخصيتي فاقدر در اكتب لي اراء طيب هنالك قسم من عندهم يقولون ست احنا بعد كتبنا مره اللخ نلخص راينا حتى اطينا ارائنا اقول لكم سهله اذا عندكم الطريقه الثالثه بكتابه الخاتمه وهو الدعاء البسيط دعاء بسيط وجميل سطر سطرين مو اكثر يعني مثلا عن الام اللهم ارزق ام الجنه اللهم اطل في عمرها تشوفون لو لا عن مثلا العلم اللهم ارزق ارزقنا العلم وارزقنا تعلمه مثلا اللهم احفظ العراق اللهم احفظ والدي عن اي شيء ماما او اللهم جنبنا الاشياء المزنه اللهم جنبنا الجهل اللهم جنبنا المخدرات اللهم جنبنا النفاق والمنافقين نقدر اي نعم نقدر هسه حبايبي راح نبدا بملاحظات مهمه عن التعبير يلا ركزوا وياي اول ملاحظه خلينا نسولف احنا ايش قلنا قلنا انه نفهم الموضوع زين مو هالشكل ونكتب الموضوع كله فوق عيني شنو الاشياء اللي لازم ما اكتبها رقم واحد مال تكتب لي الموضوع وخط هاي ما اردها راسا كتابه الموضوع بعد قسم من عندكم ايش يكتب المقدمه العرض الخاتمه فد يوم انتم قريتوا جريده او مجله لقيتوا كلمه مقدمه عرض خاتمه لا هاي النا احنا نفهمها كلمه مقدمه عرض خاتمه النا يعني ست ما نكتب لا ما تكتبون كلمه المقدمه العرض الخاتمه لا تكتب وانما راسا تبدون بالانشاء بالتعبير بشكل مباشر فعيني هاي السوالف شويه نبتعد عنها بعد ماما لازم نهتم بمنظر الورقه ست يعني شنو مظهر الورقه او منظر الورقه يعني اول شيء الورقه تكون نظيفه يعني ما اكو شغلات بسيطه تشوفوها بس هي كبيره يعني هسه هسه اني كتبت القواعد وكتبت الادب من وصلت للانشاء من وصلت للانشاء راح احشك الانشاء بصفحه واحده واخلي وحده سطر جو سطر واخلي الكتابه ليش يا عيني عليه 20 درجه يا امي ترى ابد مو هنا يمه ماكو داعي او مثلا اناي وصلت للادب والصفحه وصلت للنص وبالنص راح اكتب الانشاء ليش يعني مثلا الدفتر ما كفه لا الدفتر يكفي ونص دفاتركم الوزاريه بها اوراق زياده وحاسبين حسابهم وعود اذا ما ما كف الدفتر مالتك تقدر تطلب دفتر ثاني وهذا الشيء اصلا ماكو داعي له لان الدفتر راح يكفي انت بالقواعد وبالادب من تسوي شلون نقول احنا شكل وتعرف وين تخليهم بالضبط يكفي وزياده وكل الطلاب متاكدين انه الدفاتر تكفي فعيني الانشاات بدون به صفحه جديده والورقه تكون نظيفه راح تقولوا لي الست اجيب المسطره واخطط عوفوا المسطره ممنوع المسطره لا تستخدم في الامتحانات الوزاريه ولا حتى امتحانات نصف السنه ما عليه هو دفتر ليش ب تخططه انت مثلا شنو السبب لا تخطط ليش ست لانه ممكن يعتبرون انه هذا التخطيط ف كعلامه كعلامه فماكو داعي ماكو داعي ما اخطط هي الورقه حلوه ومرتبه وابدا بها اذا الاهتمام بشكل الورقه كلش مهم وايضا يجب ان يكون تعبير مقسم على شكل فقرات تبدا بكل فقره بترك مسافه وتنتهي بنقطه زين هسه رقم اثنين حكيناه اللي هو الاهتمام بمعرفه موضوع الانشاء وبشكل دقيق ثلاثه الكتابه بخط واضح وكبير خلي شويه نركز هنا ماما ست يعني شلون عين انتم قسم من عندكم مللتونه شو تسوون تك تكتبون كل كلمه براتها السطر كله ثلاث كلمات اربعه ليش يابا ست حتى يبين كبير الموضوع والله ليش احنا ما نعرف كبير الموضوع صغير الموضوع من تكتب لي الكلمه الكبراتها مين لك هالسوالف مين لك هالتفكير شنو هالعبقريه ماكو هيك حكي احنا عندنا ك يعني شلون نقول كدراسات نقول انه السطر يكفي من ست كلمات الى ثمان كلمات من سته الى ثمان كلمات من نكتبهن صغار ونمنم فد 10 12 كلمه بالسطر عندك غلطتين صارت الغلطه الاولى المصحح كلهم امر من حالته كلهم كبار بالعمر وكلتنا لابسين نظارات شعب استكان خوش حكي وانت كاتبن هالقدوته ما راح نعطي درجه ما راح نقراها ما نفهم ايش كاتب انت والشغله الثانيه الانشاء كان المفروض مالتك تكتبه اربع صفحات سويته صفحتين ماكو داعي زين واذا كانت الكلمات كبار عيني الكلمات كبار احنا نحس انه بده تضحك علينا فما راح نخلي لك درجه كامله لان انت اصلا كاتب كل كلمه هالكبراتها وسطرين وجايه كلمه هلكبراتها ومجعمره ماكو داعي عيني انتم كتابه حلوه ومرتبه واريدكم ايش تكتبون تكتبون بين سطر وسطر ليش ماما حتى كتابتك تصير حلوه ركز علي راح تقولوا لي ست خطنا مو حلو هاي تقريبا شو اقول لكم 80% من الطلاب عندهم مشكله شنو المشكله مالت الخط مو حلو باعوا حبايبي عندنا عده طرق عده طرق نقدر شلون نقول احنا نتعدى هذه الفقره اللي هي الخط المويه خطاطين يخبلون وخطهم يجنن وياخذون دورات سريعه تقدرون تروحون لهاي الدورات لمده اسبوع او اسبوعين راح يعلمكم على الخط والله هذا الشيء سويته اني باولادي الحمد لله والشكر اولادي الثلاثه كان خطهم ابد مو حلو وتوقع وقعت اني انه الخط ما يتبدل يعني انا مو مدرسه ما على بالي انه الانسان يقدر يحسن من خطه واذا ب الله ينطيه العافيه للخطاط ماما سوى اولاد كتابتهم تجنن وثلاثتهم حصلوا درجات كامله بالعربي وما شاء الله ثلاثتهم طبيه تشوفون لو لا فالخط نقدر نسوي بهذا الشكل قسم راح يقولون ماكو يمنا خطات ولا اكو دورات مال الخط شو نسوي يلا راح اعلمكم الطريقه اول طريقه تشترون قلم يخبل مثل عيونكم الحلوه مو هذا القلم ابو النباله عيني انتم هذا القلم ابو النباله النباله مالته ما ثابته فتحسون بهيك شويه تتلاعب فحتى الكتابه تصير ما ادري شلونها واغلب الاقلام من هاي امهات الضغط ماما تكون كتابتهم فاتحه ماكو داعي حبايبي تاخذون قلم هذا الحلو اللي كتابته طوخ وبحيث ما يوسخ يعني اكو اقلام من تكتب بها بس تخلي ايدك عليها تصير سخام عفو هاي الاقلام يعني لو كل واحد من عندكم يجيب له قلمين زينات حتى لو غاليات من ذن الاقلام الزينه يستخدمها بس بالامتحان افضل وعود انت بالشخابيط وبالقراءه وبالمراجعه استخدم قلم عادي اقلام اثنين زينات حلوات كافي فهذا القلم اول شيء راح يصير طوخ شغله ثانيه مقطوط قطه زين عيني ومن تكتب شرد من عندك شوي ركز وياي الكتابه لا تسويها صغيرونه شويه كبرها اي ومن تكتب طيب ما اريدك تشيل ايديك ما اريدك تشيل ايديك ست ليش؟ لانه انا ولكم يعني مثلا كلمه استقلال كلمه استقلال راح شلون القسم يكتبوها ويخطؤون ويصير كتابه مو حلوه همزه كتب اي كتب السين شال ايديه بعدين كتب التاء شال ايديه ها القاف شال ايديه صارت بالكتابه تقطعت لحد شلون اكتب عين حط ددك على الورقه اكتب استقلال بدون نقاط استقلال وبعدين تعال على النقاط بهيك حاله صارت الكتابه جره واحده جره واحده ها انتبهت لو لا والكتابه قلت لكم شويه بها شويه كبر واذا يعني اخر حروف مثلا اللام الالف المقصوره الراء هذا اخر حرف شويه حلو اقدر اسويه خبل يعني الراء اخليها لها فتلام فتح حركه الكاف اقدر اسوي لها فتره زنعاني وشويه ميزولي ميزولي بالحروف المغلقه يعني مثلا الفاء والقاف ويا من ويا العين والغين قسم من عندكم كلها تنكتب شخ ابيض ما اعرف ليش لا حاولوا القاف والفاء هذ الحروف تصير على شكل دائره كامله زين بينما الغين والعين الوسطانيات لا فد ركزه هيك صغيرونه كبروها خلو فد فرق بيناتهم على مود المصحح يعرف حتى لو خطك مو حلو خطك يكون مفهوم المهم الخط شلون يكون مرتب ومفهوم طيب بعد ماما لازم استخدم علامات الترقيم عيني مهمه جدا علامات الترقيم الكتابه بدون علامات الترقيم هي والماكو سويه زين ان شنو علامات الترقيم اول شيء نهايه كل جمله اكو نقطه زين مرات الجمله استفهاميه اخلي علامه استفهام الجمله بها تعجب اخلي علامه تعجب اكو عندي و و بالجمل اخلي الفاصله اكو قال تعالى قال النبي اخلي النقاط الراسيه اكو ايه قرانيه حديث نبوي اخلي علامه التنصيص وهكذا بعد ماما استخدم اثناء الكتابه التسلسل للافكار يعني يعني اني اريد يعني اقول له للمصحح ترى اني اعرفه هوايه شغلات فبمكان ما اقول له مثلا واجبنا اتجاه الام انه نحترمها ونحميها زين ونسمع كلامها ونعطف عليها اقول اولا احترامها ثانيا حمايتها ثالثا ايش سويت اني سويت اولا ثانيا ثالثا اول شيء كثرت الكلام مالتي تشوفون هاي الكلمات كثرت بعد وصارت فتسلسل الافكار بحيث اقول له للمراقب مالتي او للمصحح مالتي اقول له شوف ايش قد عندي معلومات ها اولا فقد قال الله تعالى في كتابه ها وقال الرسول ايضا تشوفونه فالترتيب حلو يصير تسلسل بالترتيب حلو جميل ايضا ماما اجعل افكارك مترابطه ومتسلسله يعني لا بكيفك تقمز انا مو هسه علمتك على طريقه كتابه الانشاء على الفقرات عيني انت سويها بشكل متسلسل ليش هذا الشكل المتسلسل اللي اطيتكم اياه هذا الشيء حقيقي يعني اول مره تكلمت واجبنا عن الموضوع وبعدين خليت ايه قرانيه استشهاد يعني انا اخلي الايه القرانيه بالبدايه يلا خلي واجبنا او اذا بيك انت صح كتبت وصح كتبت افكارك بس الافكار ايش بها ماما مخربطه ما يصر فاريد فالتسلسل حلو ومترابط مثل ما علمتكم بعد ماما استخدم التشبيهات تشبيهات جميله جدا امي كالقمر وطني كاله اشوف لو لا حياتي مثلا كالنور نقدر اي نعم نقدر حتى بالاشياء السيئه نقدر اي نعم مثلا بالادمان جعل حياته كالظلمات ها كالقبر تشوفون اقدر اي نعم اقدر اذا هنالك الكثير من التشبيهات اذا استخدمتها المصحح راح يقول الله ويعطينا الدرجه الحلوه هسه عندنا فد اخطاء هاي الاخطاء اريدكم تركزون عليها لازم نتجنبها اول شيء نتجنب المقدمات الجاهزه افتهمناها ست ونتجنب الكتابه بسرعه لان راح تخلينا اخطا نتجنب الشطب والمسح ست شلون هاي ما نقدر عين انتم كل كلمه نكتبها ا اه ا او ونمسحها وشلون مساحه من هاي السودا زين عيني وتلوص ام عيني انتم مو قلنا نستخدم اقلام حلوه ونجيبنا مغطاطه حلوه ونجيبنا مساحه زينه زين ترى بيش المساحه والله مو غاليه بربع بربع مو بربع ب 500 بس المهم الساحه تنظف مو الساحه هي سودا وتلوص الدفتر مالتي وتصير الدفتر مو حلو لانه لازم المصحح ما يشوف هاي القباحات بالدفتر شوف الدفتر حلو شوف الكتابه حلوه مو بس بالانشاء حتى بالادب حتى بالقواعد حتى ببقيه المواد فنتجنب اول مره الشطب والمسح لان نكتب على كيفنا وبروي واذا ردنا نمسح نمسح بمساحه حلوه هسه راح نتجنب الاخطاء الاملائيه وما ادراكما الاخطاء الاملائيه زين ست يعني شنو اجنب الاخطاء الاملائيه باعوا عليه ما مطلوب من عندكم الحركات انتم ما مطلوب واللي يكتب الحركه خلف الله عليه بس على شرط حركات صحيحه يعني مو تخلي لي فتحه وضمه بكيفك زين زين عندنا المصحح ينتبه على اخطاء املائيه اثنين نحكيها بصراحه اول خطين املائيات ينتبه عليهم المصحح اثنين اللي هو جمع المذكر السالم ها عيني والمثنى ليش يلا خلينا نسولف لان جمع المذكر السالم في حاله الرفع واو ونون في حاله النصب والجر ياء ونون والمثنى الف ونون في حاله الرفع ياء ونون في حاله النصب والجر فاي اي خطا املائي من عندك ما عرفت قال العراقيون لو قال العراقيين اذا قلت قال العراقيين يبو واحنا اهل العربي شو يخلصكم شو يخلصكم من عندنا قال العراقيين وين نوديكم صفر شو نسوي راح اعلمك طريقه لا تقول لي قاله يعني يعني العراقيون او العراقيين قول بما انه انا اذا عرفته تعرفه اكتب قال العراقيون ها او كرم الله العراقيين اكتبها صح لكن اذا انت ما قدرت تميز بين اكتب عراقيون لو عراقيين سمر وياكم راح اعلمكم طريقه شوفوا الغش راح اعلمكم نسوي كلمه العراقيون جمع تكسير ليش لانه ما به لا واو نون ولا ياء نون فنقول قال شعب العراق قال ابطال العراق ها تشوفون لو لا اذا ايش سوينا بس مجرد بس مجرد حولنا جمع المذكر السالم الى جمع تكسير شعب ابطال ها عيني اناس كيفكم تحولت عندنا هاي الكلمه الى صحيحه بعد ما حد يقدر يحاسبنا زين نسيت هسه افتهمناها والمثنى والمثنى والمثنى انا راح اقول لكم اياه بالمثنى كل ما في الامر كل ما في الامر راح تجون على الكلمه اللي تريدوها مثنى زين مثلا مثلا نقول قال الطالبان مو لو قال الطالبين ما ندري سهله كل ما في الامر اريدك تقول لي كلا للمذكر وكلت للمؤنثات اوكي اي وبعد اقول قال كلا الطالبين سلمت على كلتا الطالبتين خلاص انتهى الموضوع سوينا كلمه كلا وكلت تدل على المثنى المذكر والمثنى المؤنث وخلينا الكلمه المثنى في حاله يعني جر لانه جر بالاضافه وانتهى الموضوع عندنا يعني ما راح اخطا نهائيا لا بجمع المذكر السالم ولا بالمثنى جمع المذكر السالم حولناه الى تكسير والمثنى حولناه الى ياء ونون مضاف اليه مجرور بالياء والنون ماما وخلينا قبله كلمه كلا وكلمه كلت وانتهت السالفه عندنا بعد اكو اخطاء اي نعم اكو اخطاء تعال وياي يعني عندنا اخطاء يعني عيب واحد يخطاها لان هسه تكبار يعني مثلا كلمه لكن عيني انتم تكتب لكن بهذا الشكل مو تكتبوها بهذا الشكل هذا مال الناس ما يعرفون يقرون يكتبون زين ايضا كلمه هؤلاء تكتب بهذا الشكل هؤلاء مو هؤلاء ما يصير ركزوا عليهم كلمه هذه تنكتب بهذه الشكل مو بهذه ما يصير تشوفون ماما ايضا كلمه هذا تكتب بهذا الشكل وليس بهذا الشكل كلمه انت وانت ركزوا عيني انت انت شلون نكتب بالكسره مو انت بهذا الشكل مثل اللي على بالكم عندنا فيس زين كلمه ذلك تكتب بهذا الشكل ولا تكتب بهذا الشكل ايضا هنايا هنا هنا المصيبه شكرا شكرا هيك نكتب شكرا مو هيك بالتنوين كلمه انت بالفتحه مو انت بالهاء له بهذا الشكل مو له ها عيني ركزنا ركزنا شوف كم خطا احنا اخذناه ايضا اذا كتبناه بهذا الشكل يعرف المصحح انه انت فعلا تكتب صح زين ايش بقى عندي بقى عندي الهاء المربوطه والتاء المربوطه يعني موجوده بنهايه الكلمه زين بهالحاله ايش وقت اخلي النقاط وتصير تاء ش وقت اعرفه هي هاء سهله اي كلمه اي اسم بالدنيا بها هاء او تاء اقدر اميز بيناتهم بس اخلي له تنوين فقط من اخلي التنوين ماما راح تعرف انه اذا كانت تاء تلفظ فخلي نقاط اثنين وتلفظ هاء فما اخلي بها نقاط يعني مثلا طه يلا خلوا له تنوين يصير طاه ما يصير طاه ما يصير يعني هذا هاء بينما بينما لو اخذ كلمه مثلا قتيبه اقول قتيبه خلاص قتيبه تشوفون صبيحه زين اذا هذه تاء مربوطه فاقدر اميز بين الهاء والتاء هسه راح ينتهي الموضوع الابطال السباع قسم من عندهم شو يسوون يبدا مكمل كل شيء نهايه الفقره اذا كان ولد عين استاذ اناي اشتغل حمال وابويا ميت وامي ما ادري ايش بها بها مراض وانا الوحيد المعين لاهلي ها عيني والبنيه عيني استاذ اذا ما نجحت راح يزوجوني عين استاذ دخيلك دخيل مادري عيني انتم هذا يصيحوا لهجدي واحد يجدي زين عيني والمدرس من يشوف هاي الفقره بالاخير زين ما راح ترى يعني شلون نقول احنا ياخذ هذا الشيء بمحمل الجد لو راح يقول عليكم هذه اشاره للمدرس حتى يساعدوه لو راح يقول هذا اصلا ما يعرف يكتب واحنا تعلمنا الكتابه فهذا الاستعطاف وانه جدي عفوا هاي السالفه هو انت طالب شغلك شنو ماما تكتب لي انشاء والمدرس مدرس شغله شنو يصح يصحح لك وينطيك على حسب مقدرتك والمدرسين والله يحبوكم كلهم يحبوكم وكلهم يعتبروكم انتم ابنائهم ومن نصحح الدفتر نخلي الله قدام عيننا ماما يعني انتم ماخذين فد نظره مو حلوه انه المصحح يضب ايده لا ما يضب ايده بعده المصحح المصحح اول شيء ايديه ما مضبوبه الشغله الثانيه ما يصير اني الخطا اخلي له صح ما يصير حرام ليش حرام لانه من الممكن انه راح اخلي الكل تساوى هذا الشيء والشاطر اللي تعب روحه وموت نفسه بالدراسه راح يتساوى ويلي ما قرا يصير هذا مو عدل هذا مو انصاف ما يصير يعني ماما المدرس مرات يخلي لك خطا لانه انت خاطئ بس لا تتوقع ثق بالله انه انت ماما صحيحه الاجابه مالتك ويخلي لك المدرس خطا لا هو يخاف يخاف من الله يخاف على اولاده يخاف على عائلته لا تتوقعون هذا الشيء ترى المدرسين يحبوكم وامنيتنا بحياتنا احنا شنو امنيتنا انه نشوفكم انتم احسن ناس فمن ما ممكن مدرس يضب الحبل لا ما يضب يطيك حقك اي وهذا حق الله يعطيك حقك الصح صح والخطا خطا اذا يريد يساعد فيساعد شويه ما يساعد هوايه لكن اللي مطلوب من عندكم انه تخلون توكلكم على رب العالمين ثقتكم بالله تعالى وثقتكم بروحكم انت تعرف تكتب الانشاء وانت بطل وانت بطله وراح تكتبون احلى انشاء وتحصلون الدرجه الكامله وتتذكروا لي وتدعوالي بالخير ان شاء الله