ما الفرق بين المتغير المستقل والمتغير التابع أ د ميراهان فرج كوتش بحث علمي

👁 1 مشاهدة

ما الفرق بين المتغير المستقل والمتغير التابع أ د ميراهان فرج كوتش بحث علمي

كوتش بحث علمي · ⏱ 1:27 · 47.6K مشاهدة · 2 years ago

النص الكامل للفيديو

الفرق بين المتغير المستقل والمتغير التابع في كتير جدا من الباحثين مش عارفين يعني ايه المتغير المستقل والمتغير التابع ولا بيعرفوا ازاي يفرقوا بينهم مع ان اهم حاجه على الاطلاق في البحث انك تميز بين النوعين دول من المتغيرات طب ازاي افرق بينهم المتغير المستقل ببساطه هو اللي بيحدث الاثر والتابع هو اللي بيحصل فيه الاثر ده يعني المتغير المستقل هو الفاعل والتابع هو المفعول به عايز طريقه تميزهم بيه اسهل طريقه تميز بيه المتغيرين دول عن بعض انك تسال نفسك انا عايزه اقيس اثر ايه على ايه انا عايزه اقيس اثر ا على باء يبقى بسهوله شيل الف وحط بدالها المستقل وشيل باء وحط بدلها التابع المتغير المستقل هو اللي بياثر والتابع هو اللي بيتاثر يعني انا عايزه اقيس اثر التدخين على زياده معدل السمنه يبقى معدل التدخين هو المتغير المستقل ومعدل السمنه هو التابع طيب عايزه اعرف ازاي نمو الطماطم بيتاثر بدرجه حراره الجو يبقى مين اللي بياثر على مين هنا كده اللي بياثر هو درجه حراره الجو واللي بيتاثر هو نمو الطماطم نرجع للقاعده السهل اللي بياثر هو المستقل واللي بيتاثر هو التابع يبقى درجه الحراره هي المتغير المستقل ونمو الطماطم هو التابع تابعني على الانستغرام والفيس واليوتيوب مع فيديو جديد كل يوم ومعلومه مهمه بسهوله في كبسوله