شرح درس قضايا عربية معاصرة دراسات السادس الابتدائي الترم الثاني 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح الدرس الثالث من الوحده الاخيره في منهج الدراسات الاجتماعيه للصف السادس الابتدائي الترم الثاني عام 2026 الدرس بعنوان قضايا عربيه معاصره طبعا شغلت عديد من القضايا الوطن العربي كلنا في حاجات كتيره قوي شغلتنا الفتره الاخيره بنسمعها في الاخبار مش عارفين تفاصيلها مشاكل بتحصل للبلاد اللي جنبنا هنا ما ينفعش نتجاهلها والا في يوم من الايام هنبقى احنا مكانهم لا قدر الله. اول نوع من المشاكل هي حاجات سياسيه او قضايا سياسيه خاصه بالقضيه الفلسطينيه اللي هي دوله فلسطين اللي جنبنا على طول واللي بينا وبينهم بس معبر رفح خط رفيع بوابه صغيره تعدينا من مصر لفلسطين. ثاني نوع من القضايا قضايا اجتماعيه ودي قضيه الشباب حاجه كده لازم كلنا نفكر فيها لان الشباب هم مستقبلنا فلازم نساعدهم ان هم يوصلوا لاحلامهم بسهوله. كمان عندنا بعض القضايا البيئيه زي اعاده التدوير والحفاظ على البيئه حاجات لازم برض كلنا نتجه اليها ونساعد بعضنا عشان نوصل لها والاقي البيئه اللي عايشين فيها بقى كلها ملوثه وكلها ضرر يعني بيئه ما فيهاش اي نوع من الاستفاده السؤال بقى ما اكثر القضايا العربيه اهميه في رايك موضحا الاسباب انا رايي القضيه اللي لازم كلنا نقف جنبها لحد ما تنتصر هي القضيه الفلسطينيه لان ما فيش حق في الدنيا احق من الحياه والناس دي لازم تعيش حياه راضيه حياه كلها عداله لازم ياكلوا ويشربوا ويلبسوا ويسكنوا زي ما احنا لابسين وزي ما احنا ساكنين وزي ما احنا عايشين لازم اطفالهم تعيش في امان وسلام ما فيش حاجه اسمها اب يلم جثث واشلاء ولاده في كيسه يعني جسم ولاده متقطعين وحطيتهم في كيسه لا ده ما يرضيش ربنا فدي القضيه الاكثر اهميه اول حاجه نتكلم عليها هي القضيه الفلسطينيه بتعد القضيه الفلسطينيه اكبر القضايا السياسيه اللي بتشغل الدول العربيه كلها وده خلال القرنين الماضيين الماضي والحالي اللي هو من 100 سنه فاتوا وال100 سنه اللي احنا فيهم يبقى من 200 سنه عشان القرن 100 سنه الموقع والاهميه لدوله فلسطين مكانها فين بالظبط بتقع فلسطين في جنوب غرب قاره اسيا يعني موجوده والجزء ده انت مش هتفهمه لما تشوفه على الخريطه طبعا كلنا عارفين ان اللي فوق دي كلها هي قاره اسيا ركز معايا كده في حدود قاره اسيا قاره اسيا بتبدا من هنا كده كل الجزر دي تابعه ليها دي كده دوله الهند برده تبع قاره اسيا حتى شبه الجزيره العربيه تبع قاره اسيا وده الجناح الاسيوي اللي قلنا عليه هقول لك على حاجه كمان سينا تبع قاره اسيا يبقى احنا كده معانا لحد هنا كده كل الجزء ده تابع لقاره اسيا وبما ان اسيا هي القاره دي كلها بما فيهم الجزء اللي فوق فلو جينا نشوف هنلاقي ان دوله فلسطين اللي جنبنا على طول اللي هي هنا فموجوده فعلا في جنوب ها الغربي ده بالنسبه لموقع قاره اسيا الجنوب الغربي لقاره قصدي لدوله فلسطين موجوده في الجنوب الغربي لقاره اسيا بيحدها يعني على حدودها من الشمال دوله اسمها سوريا ولبنان دوله سوريا ودوله لبنان ومن الغرب البحر المتوسط ومن الشرق دوله اسمها الاردن ومن الجنوب مصر وخليج العقبه ركز معايا كده دي دوله فلسطين اهي كل اللي انا حددته باللون الاحمر تمام تعالوا تاني ثاني نشوف جيرانها بقى عندنا هنا دوله لبنان دوله سوريا دوله الاردن تحت على طول خليج العقبه اللي بيبقى في البحر الاحمر ده وهنا برده في الجنوب عندنا دوله مصر اما بالنسبه للغرب فهي في هنا البحر المتوسط ركز معايا على الخريطه الكبيره كده اللي انت شايفه ده هي دوله فلسطين اهي انا عملتها لك باللون الاحمر هنا لبنان هنا سوريا هنا الاردن هنا خليج العقبه بتاع البحر الاحمر وهنا دوله مصر ده طبعا البحر المتوسط اللي موجود في الشمال عندنا كده بقى مصر اللي الدوله بتاعتك اللي هي دي كده دوله مصر عشان كده قلنا فلسطين جنبنا على طول تبلغ بقى مساحه فلسطين حوالي 27000 كم مربع مساحتها مش كبيره قوي اهميتها الاستراتيجيه هي بالنسبه لنا ليها اهميه قويه جدا لان فلسطين بتحتل موقع استراتيجي جعلها مطمع لكل الدول الكبرى موجوده في مكان حساس مكان مهم جدا خلى كل الدول الكبيره طمعانه فيها وعايزه تاخدها بتربط كمان هي بين قارات العالم القديم اسيا افريقيا واوروبا يعني سهل تطلع منها على اسيا سهل تطلع منها على اوروبا سهل تطلع منها على افريقيا بتمر بيها طرق التجاره العالميه اي طريق رايح اسيا رايح افريقيا لازم يعدي على فلسطين اما بالنسبه لاهميتها الدينيه فهي بتضم مقدسات دينيه متنوعه فيها مقدسات دينيه تخص المسلمين والمسيحيين واليهود عشان كده دايما في نزاع ما بين الثلاث ديانات على دوله فلسطين السؤال هنا فسر اسباب طمع الدول الكبرى في فلسطين هي ليه الدول الكبيره كلها طمعنه في فلسطين هقول طبعا بسبب موقعها الاستراتيجي المهم السؤال اللي بعده اكمل يحد فلسطين من جهه الغرب البحر ايه طبعا البحر المتوسط بما تفسر يعني قول السبب كانه بيسالك ليه او لماذا تتمتع فلسطين باهميه دينيه طبعا الاهميه الدينيه اللي عندها جايه من انها بتضم جوه على ارضها مقدسات دينيه متنوعه منها مثلا المسجد الاقصى وحائط البراق وحاجات ثانيه كتيره قوي كلها مقدسات دينيه طبعا كنيسه القيامه الخاصه باخواتنا المسيحيين فعلى ارضها كل انواع المقدسات لكل الديانات السماويه الثلاثه اسلاميه ومسيحيه ويهوديه بالنسبه للجذور التاريخيه للقضيه الفلسطينيه عشان تبقى فاهم هي مشكلتها ايه بالظبط وانت قاعد تسمع وتشوف هم المعاناه اللي بيمروا بيها عامله ازاي؟ لكن انت مش فاهم هي بدات منين. بتعود طبعا القضيه الفلسطينيه للحرب العالميه الاولى وفي الحرب العالميه الاولى في بعض الدول انتصرت وبعض الدول انهزمت. طبعا احنا هتقول لي احنا مالنا احنا ما كناش طرف في الحرب العالميه الاولى ولا مصر ولا فلسطين. ايه مشكله فلسطين وليه تبدا من الحرب العالميه الاولى؟ كانت فلسطين ولايه تابعه للدوله العثمانيه يعني كانت جزء من دوله كبيره بتحكم دول اصغر منها اسمها الدوله العثمانيه والدوله العثمانيه دي اتهزمت وخسرت في الحرب العالميه الاولى والدول بقى القويه اللي انتصرت في الحرب العالميه الاولى قالت ان الدول الضعيفه اللي اتهزمت اللي زي الدوله العثمانيه لو بتحكم اي دوله ثانيه اصغر منها لازم ناخدها منها لانها مش هتقدر تحميها خلاص فبالتالي ي جت بريطانيا واخدت فلسطين وقالت كده احنا اللي هنخلي بالنا من فلسطين واحنا اللي هنحميها واحنا اللي هنحكمها ثم احتلتها بريطانيا اللي هي الدوله المنتصره في واحده من الدول اللي انتصرت في الحرب العالميه الاولى وده كان سنه 1917 وبعدها طلع وزير خارجيه بريطانيا اللي اسمه بلفور وعمل تصريح او وعد اسمه وعد بلفور هو دلوقتي كده عشان تبقى مركز بريطانيا هي اللي بتحكم فلسطين يعني محتلاها ومسيطره عليها لحد ما طلع بلفور وعمل وعد اسمه وعد بلفور في ذات العام في نفس السنه اللي هي 1917 وتعهد فيه بتاسيس وطن لليهود في فلسطين راح لليهود اللي في العالم في يهود عايشين في مصر وفي يهود كانوا عايشين في فرنسا ويهود عايشين في المانيا ويهود عايشين في كل حته في العالم قال لهم تعالوا يا يهود العالم انا هعمل لكم دوله لكم لوحدكم طب فين الدوله دي يا بي فور قال لهم انا هديكوا فلسطين تعملوا عليها الدوله بتاعتكم طبعا الوعد ده اتواصف بوعد من لا يملك اللي هي بريطانيا هي اصلا فلسطين مش بتاعتك عشان تديها لحد الى من لا يستحق اللي هم اليهود واللي هيبقوا يعملوا دوله اسمها اسرائيل يعني بمعنى اصح حد ياخد شقتك ويروح يديها لحد ثاني ده بالظبط اللي حصل الفلسطين اتاخدت منهم ارضهم بريطانيا اخدتها وراحت اديتها لليهود طبعا بلفور ده وزير خارجيه بريطانيا واتواصف او قام السياسون بوصف الوعد بتاعه بان وعد من لا يملك اللي هم بريطانيا لمن لا يستحق اللي هم اليهود هم ما لهمش في الارض دي يجوا ياخدوها ليه؟ المراحل بقى اللي تطورت فيها القضيه الفلسطينيه سهلت بريطانيا هجره اليهود لفلسطين يعني اي حد عايز يسيب بلده عايز يسيب فرنسا عايز يسيب المانيا عايز يسيب مصر عايز يسيب تونس عايز يسيب من اليهود وعايز يجري على فلسطين بريطانيا سهلت له الموضوع هتدخل فلسطين من غير ما تدفع فلوس من غير ما يكون معاك فيزا من غير ما هيكون معاك تاشيره ده غير ان رفض الشعب الفلسطيني سياسه بريطانيا الفلسطينيين ما كانوش موافقين اصلا على اللي بريطانيا عملته ده ولا عايزين يدوا ارضهم لحد قاموا كمان بعده ثورات ضدهم طلعوا يهتفوا في الشارع مش عايزين حد يجي يقعد في ارضنا دي بتاعتنا منها ثوره اسمها ثوره 1936 لحد ما صدر قرار مجلس الامن مجلس الامن ده بيعانيه كل دول العالم يعني اي دوله عندها مشاكل او حروب هو بيتدخل عشان يحل لهم المشاكل دي فطلع قرار لمجلس الامن سنه 1947 بتقسيم فلسطين قالوا خلاص يا جماعه الناس في فلسطين مش عاجبها الوضع ومش عايزه تقعد معاها اليهود يلا بينا نقسم فلسطين حتتين جزء هيبقى دوله عربيه وجزء هتبقى دوله يهوديه الفلسطينيين فضلوا متضايقين يا جماعه دي ارضنا والله يعني ازاي حد يجي يدخل بيتي وعايز يقعد معايا بالعافيه ولما نشهد حد ثاني يروح قاسم بيتي نصين يدي له هو جزء وانا جزء يا جماعه ده بيتي ما ينفعش لحد ما اعلن اليهود تاسيس دولتهم على الجزء اللي خدوه اللي هو الجزء اللي خدوه من فلسطين بموجب قرار مجلس الامن لحد ما اتفاجئنا في يوم كده الصبح طلعت دوله واعلنت يا جماعه احنا دوله جديده اسمها دوله اسرائيل مكانك فين؟ مكاننا جزء من الاراضي الفلسطينيه لحد ما احنا ما صدقناش واتصدمنا وما رضيناش الظلم ده لدوله اختنا شقيقه ساكنه جنبنا فعملنا حرب اسمها حرب 1948 والحرب دي شارك فيها العرب مش مصر بس مصر وبلاد ثانيه في اللي ساعد بالفلوس واللي ساعد بالاسلحه واللي ساعد بالجنود ضد اسرائيل الدوله المفتريه اللي جت اخدت جزء من الاراضي الفلسطينيه اللي هي الدوله جارتنا والتي انتهت بقيام دوله اسرائيل للاسف اتهزمنا في الحرب دي وبرده فضلوا مصممين واعلنوا قيام دوله اسرائيل طب اتهزمنا ليه في الحرب دي لاننا كانت معانا اسلحه اسلحه فاسده قصدوا يعطوها لنا والاسلحه دي بدل ما تضرب في اللي قدامنا بتضرب فينا يعني الطلقه انا بدل ما اطلعها تموت اللي قدامي بقت تموتني انا لحد بقى ما شنت اسرائيل يعني قامه اسرائيل سنه 67 اللي هي 1967 بعدوان على على الدول العربيه يعني الموضوع ما وقفش عند فلسطين اللي اخدوا منها جزء لا ده كمان بيضربوا في دول عربيه ثانيه غير فلسطين فاحتلت كلا من الضفه الغربيه وقطاع غزه بفلسطين يعني جزء اكبر في فلسطين غير اللي كانت واخداه يعني خدت حاجه زياده كده وضربت هضبه الجولان في سوريا واخدتها واحتلتها وبعدين دخلت على شبه جزيره سيناء في مصر واخدت مننا سينا يبقى الموضوع بقى مش موضوع ان احنا عايزين ناخد حته ارض صغننه دول جايين طمعانين في الوطن العربي كله وعايزين يحتلوا كل البلاد العربيه نجحت مصر في استعاده سيناء في حرب اكتوبر سنه 1973 يعني مصر قدرت انها تاخد منهم ارضها ثاني لما عملنا حرب حرب اكتوبر 73 اديناهم علقه محترمه عرفناهم بيها احنا مين ورجعنا ارضنا لتبدا القضيه الفلسطينيه مرحله المفاوضات ما هو احنا لو ما كناش ضربناهم على افاهم وخدنا منهم ارضنا ما كناش هنقدر نقعد معاهم على ترابيزه واحده نتفاوض معاهم ونحط شروطنا ووقعت خلالها عده اتفاقيات اشهرها اتفاق اسمه اوسلو سنه يعني من ضمن المفاوضات اللي عملناها بعد ما انتصرنا عليهم وهزمناهم في حرب اكتوبر اتفاقيه اوسلو سنه 93 لم تنجح المفاوضات والاتفاقيات في حل القضيه بالرغم من ان احنا عملنا مفاوضات واتفاقيات وقعدنا على ترابيزات كتير نقول شروطنا ويقولوا شروطهم الا ان برده ما فيش ولا مفاوضه نجحت ده لانهم جايين طمعانين في اللي اكبر بكتير من اللي احنا سامحين لهم بيه بمعنى اصح هم عايزين الارض واحنا ما بنفرطش في ولا شبر من ارضنا وده بسبب تعنت اسرائيل وعدم التزامها بهذه الاتفاقيات يبقى احنا حاولنا نعمل معاهم مفاوضات واتفاقيات لكن هم تعنتوا يعني تشددوا وصمموا على ان هم ما يلتزموش باي اتفاقيه عملناها معاهم ده لانهم مش رجاله ومالهمش كلمه ثالث حاجه بقى مصر والقضيه الفلسطينيه مصر قامت بجهود كبيره عشان تحل القضيه الفلسطينيه من اول لحظه من ساعه ما دخلنا حرب 48 ومسانده للشعب الفلسطيني تنوع دور مصر لحل القضيه بتاعتهم يعني احنا مش كلها كانت حرب مثلا اول نوع من المساعده اللي قدمناها لاسرائيل لفلسطين هو الجهود العسكريه. مصر شاركت في اربع حروب عسكريه ضد اسرائيل في اطار دفاعها عن الوجود العربي في ان احنا ندافع عن اراضينا العربيه. مصر لما بتحارب مش بتحارب لنفسها فقط. هي بتوقف عضو خطير اسرائيلي طمعان في كل البلاد العربيه. فلما نوقفه احنا كده بندافع عننا وعن باقي البلاد العربيه. اول حرب دخلناها حرب فلسطين سنه 1948. بعدها دخلنا العدوان الثلاثي اللي كان سنه 1956. وده هم برض اللي بداوا فيه مش احنا يعني في حرب فلسطين هم بداوا ودخلوا واخدوا جزء من ارض فلسطين وفي العدوان الثلاثي هم جم ومعاهم انجلترا وفرنسا يضربونا ثاني عشان ياخدوا مصر بعدها حرب يونيو اللي هي 5 يونيو 67 النكسه واللي بسببها خدت مننا اسرائيل ارض ارض سيناء كلها اسرائيل خدت مننا ارض سيناء بالقوه واللي مش عارف حرب يونيا حصل فيها ايه 67 اللي هي النكسه يتفرج على فيلم الممر بيحكي يحكي القصه دي كلها وبالنسبه لحرب اكتوبر سنه 1973 كانت الضربه القضيه لاسرائيل في مصر لما خرجناهم من ارضنا طبعا هو احنا لما حاربناهم في حرب 73 دخلنا بس عدينا دخلنا جزء وخدنا جزء من سيناء لكن ما قدرناش ناخد سيناء كامله الا بالمفاوضات فضلنا نقعد معاهم ويقعدوا معانا ويقعد معاهم ويقعدوا معانا لحد ما سابوا باقي سيناء وخدناها الا جزء صغنن اسمه طابه فضلت تحت سيطره اسرائيل فتره كبيره لحد ما لجانا نا المحكمه كبيره بتاعه الدول الكبيره اسمها محكمه العدل الدوليه واللي قلنا لهم ان طابه دي بتاعتنا وعايزين نرجعها وهم حكموا ان فعلا طابه بتاعتنا ورجعناها يبقى بعد 63 احنا قعدنا فتره كبيره جدا بنحاول نرجع باقي سيناء الجهود السياسيه ساهمت مصر وساعدت مصر في توقيع اتفاقيه اوسلو سنه يعني اتفاقيه اوسلو دي كانت مجموعه من الدول متجمعه مع بعض علشان الدول اللي عندها مشاكل ومش حاصله على استقلالها يعني مش حر مرت نفسها وفي بلاد ثانيه واخداها محتلاها تحاول تحل مشاكلها فمصر راحت ساهمت في المؤتمر ده عشان تحل مشكله القضيه الفلسطينيه وقف العدوان الاسرائيلي على غزه اكت من مره يعني احنا حاولنا اكث من مره هم كانوا بيفضلوا يضربوا في اهل غزه بصراحه كتير جدا كل مره كنا بنعمل مفاوضات وبنضغط على اسرائيل بكل الطرق عشان توقف ضرب اهالي غزه ده غير عقد مؤتمر شرم الشيخ للسلام ده كان في اكتوبر سنه 2025 اللي اللي هو شهر 10 يعني بمشاركه عدد كبير من قاده العالم يعني مصر شاركت في المؤتمر ده ومعاها بلاد كتير جدا برئاسه الرئيس المصري عبد الفتاح السيسي ومؤتمر شرم الشيخ للسلام ده اتعمل عشان ينهي الحرب الاسرائيليه على غزه لكن كالعاده احنا شفنا ان اسرائيل مهما اتعامل ا معاها سواء من حرب او ضغط او مؤتمرات او كفاح هي متمسكه بارض فلسطين ومش عايزه تسيبها ومش عايزه ترجع الحق لاصحابه ابدا غير كمان ان مؤتمر شرم الشيخ للسلام قام بهدف اطلاق مسار دائم للسلام في الشرق الاوسط كان بينادي ان كل البلاد العربيه تعيش بامان وسلام ليه كل شويه نطلع من حرب ندخل في حرب وجاء هذا المؤتمر تاكيدا على دور مصر المحوري والمهم في انها تحقق الاستقرار الاقليمي وده لان معروف عننا وعن دولتنا ان احنا اقوى جيش في المنطقه العربيه احنا عندنا جيش ما يتقارنش باي جيش ثاني وده لان مصر مستعده طول الوقت للحرب من يوم ما ربنا خلقنا والبلاد طمعانه فينا ومن يوم ما ربنا خلقنا واحنا عمالين ندخل حروب ما لناش اي علاقه بيها فده خلانا مستعدين لاي حرب في اي وقت ده معناه ان جيش مصر مجهز باحدث الاسلحه ومجهز باحدث المعدات ده غير رجالتنا اللي انتم محتاجين طبعا ايه يعني مش محتاجين حد يعرفكم عليهم احنا ما بنخافش من اي شيء في الدنيا وده علشان الامين الايمان والعقيده الاسلاميه اللي مخليانا متاكدين وقيا زياده الجهود الدبلوماسيه نحو حل عادل وشامل للقضيه الفلسطينيه يعني المؤتمر كان هدفه كله ان احنا نعمل كل المجهود الدبلوماسي والدبلوماسي دي عكس الحرب يعني انا بدل ما ادخل حرب واموت ناس و الناس ارواحها تروح ويتموا ولادهم وكده انا ممكن اقعد مع الناس اتفاهم بشكل ودي فده اسمه جهود دبلوماسيه نحو حل عادل وشامل للقضيه الفلسطينيه من غير حرب بتقف طبعا مصر كما عهدها التاريخ دايما زي ما احنا متعودين على مصر من زمان الليز ذاكر التاريخ المصري طبعا ان مصر سد منيع امام محاولات تصفيه القضاء القضيه الفلسطينيه يبقى معنى اصح اي محاوله هتحل القضيه الفلسطينيه فمصر طرف دائم فيها ودايما في صف الفلسطينيين ودي الجمله اللي قالها الرئيس عبد الفتاح السيسي في المؤتمر ده بالنسبه للجهود الانسانيه بقى اللي حاولنا ان احنا نعملها كمساعده لاخواتنا الفلسطينيين مصر قامت باستقبال مصاب الاعتداءات الاسرائيليه بما ان اسرائيل بتضرب في الفلسطينيين ففي ناس مالهاش اي ذنب شباب اطفال ا نساء الناس دي بتموت والناس دي بتتصاب وما فيش مستشفيات لان كمان الاسرائيليين ما عندهمش رحمه ضربوا المستشفيات علشان كده فتحنا لهم المعبر دخلناهم ليتلقوا العلاج في المستشفيات بتاعتنا ده غير طبعا ارسال مساعدات انسانيه للفلسطينيين ممكن المساعدات دي تكون ادويه او ممكن تكون خيام او ممكن تكون غذاء علشان نساعدهم في المحنه اللي هم فيها رفض كمان تهجير اهالي غزه من اراضيهم في فتره كده اسرائيل فضلت تضرب في اهالي غزه ضرب عنيف يقتلوا الاطفال يوقعوا البيوت يدمروا كل حاجه قدامهم علشان اهالي غزه تطفش بيطفشوهم يعني يسيبوا بلدهم ويدخلوا عندنا مصر طب ما هم كده هنبقى عملنا لهم اللي هم عاوزينه هم عاوزين يمشوا اهالي غزه عشان ياخدوا فلسطين كلها ليهم فمصر رفضت ان يتم تهجيرهم من بيوتهم وقالت دي ارضهم ودي حقهم لمنع تصفيه القضيه الفلسطينيه عشان يمنعوا ان القضيه الفلسطينيه تخلص ا بان اسرائيل تاخد اراضي فلسطين منها السؤال هنا بما تفسر تبذل مصر قساره جهدها ايه سبب ان مصر بتعمل كل اللي عليها بالنسبه للفلسطينيين ليه مصر بتعمل كده لتحقيق حلم الشعب الفلسطيني في اقامه دولته عشان يحققوا حلم فلسطين في ان يعمل الدوله اللي هي المفروض من حقه ما هو من حقه يعمل دولته على ارضه اللي قدامك دي فيديوهات للمساعدات اللي قدمتها مصر للشعب الفلسطيني ودول الفلسطينيين وهم بيستلموا المساعدات بتاعتهم لدرجه ان في بره اسرائيل كانت منعه دخول العربيات بالمساعدات دي المصريين راموها بالطيارات على الفلسطينيين عشان يطمنوا انها توصل لهم ودي شكل القافلات اللي كانت رايحه تنقل المساعدات لفلسطين وده اقل حق ليهم عندنا لاخواتنا اللي احنا مش قادرين نقدم مساعدات اكتر من كده وده بسبب العدو الاسرائيلي الغاصب اللي بيجبرنا كلنا على اوضاع احنا مش قابلينها تاني حاجه من الجهود الانسانيه اللي مصر قدمتها لمساعده وحل القضيه الفلسطينيه غير ارسال المساعدات زي ما قلنا رفض تهجير اهالي غزه عشان نمنع تصفيه القضيه الفلسطينيه لصالح اسرائيل يعني عشان نسيب الارض في ايد صحابها اللي هم الفلسطينيين اهالي غزه طب هي مصر دي بتعمل اقصى او قساره جهدها زي ما قلنا بالنسبه للفلسطينيين عشان تحقق حلم الشعب الفلسطيني في اقامه دولته لو هتكتب فقره توضح فيها جهود مصر لحل القضيه الفلسطينيه هتقول ايه؟ ممكن نقول ان بتبذل مصر قساره جهودها بالنسبه للفلسطينيين لتحقيق تحقيق حلم الشعب الفلسطيني في اقامه دولته وتتجلى هذه الجهود الانسانيه في استقبال مصاب الاعتداءات الاسرائيليه تلقوا العلاج بها وارسال مساعدات انسانيه للفلسطينيين يتم ادخالها عبر معبر رفح كما تؤكد مصر دائما على رفض تهجير اهالي غزه من اراضيهم لمنع تصفيه القضيه الفلسطينيه ايمانا بان التضامن العربي ان احنا ايدينا في ايدين بعض يعني دي قوه في مواجهه اي تحديات ممكن تقابلنا ثاني حاجه بقى بت من الحاجات اللي لازم نشوف لها حلول لانها من القضايا اللي بتواجهنا قضيه الشباب في الوطن العربي مين هم الشباب وفق الامم المتحده ودي منظمه منظمه دوليه بتضم عدد من الدول يقصد بهم الاشخاص اللي بتتراوح اعمارهم ما بين سن ال 15 سنه وال 24 سنه هم دول اللي بنقول عليهم الشباب الشباب هم عماد المستقبل هم الاعمده اللي هنتسند عليهم لما نكبر لذلك تعمل الدول الاوروبيه العربيه على رعايه الشباب نراعيهم كويس نوفر لهم احتياجاتهم وت تاهلهم للمستقبل نعلمهم كويس ونربيهم كويس عشان نضمن ان مستقبلنا احنا معاهم بعدين هيبقى كويس اول حاجه حقوق وواجبات الشباب حقه ده الحاجه اللي لازم ياخدها والواجبات هي الحاجه اللي لازم يعملها الشباب في الوطن العربي ليهم حق وواجبات علينا اا ع ليهم مثلا من حقوقهم حريه الراي والتعبير والمشاركه السياسيه يعني لازم يعبروا عن رايهم ما نقعدش نقول لهم لا بس اسكت لا ما لكش كلمه ما ينفعش لازم نسمع رايهم و ونسمع نسمع تعبيرهم وكمان نسيبهم يشاركوا في المشاركه السياسيه يعني ممكن مثلا يدخلوا البرلمان ممكن لو في وزير عادي من الشباب ايه المشكله بحيث ان هو هيبقى بيعبر عن اللي زيه من نفس سنه كمان لازم نوفر لهم فرص عمل مناسبه ما فيش حاجه اسمها شاب قاعد عمره كله بيدور على شغل ومش لاقي لازم يلاقي شغل كمان توفير الرعايه الاجتماعيه والرياضيه رعايه اجتماعيه يعني تعليم يلاقي مستشفى يتعالج فيها يبقى عنده نادي يلعب فيه رياضه فلازم نوفر رعايه اجتماعيه ورياضيه كمان اتاحه الفرص للموهوبين والعباقره لو في مثلا عالم ذكي عبقري اخترع جهاز اخترع روبوت اخترع اله او حد موهوب مثلا في الغنى او في العزف او اي موهبه ثانيه لازم ياخد حقه وياخد فرصته كده الحقوق اللي لازم الشاب ياخدها اما الواجبات اللي عليه ولازم يلتزم بيها برده زي ما بيطلب بحقه لازم يدي الحقوق اللي عليه او الواجبات اللي عليه الدفاع عن الوطن وحمايته لازم يدافع عن بلده ويحميها ويحافظ على هويته يعني شخصيته القوميه والدينيه ما يسيبش حد يغير له شخصيته ولا العادات والتقاليد اللي اتربى عليها ولا يغير له الديانه بتاعته او اي مفهوم ديني عنده ده غير المشاركه في بناء وتنميه المجتمع لازم يشارك في ان مجتمعنا يتطور وان مصر تتقدم زي باقي الدول لو طلب منك تذكر واجباتك نحو الوطن هتقول الواجبات دي تدافع عنه تحافظ على هويتك ودينك وتحافظ على انك تبني وتع تعمر بلدك وتساعدها على التقدم والتطور. اما الجهود بتاعه الدول العربيه عشان تنهض بالشباب بتقوم الدول العربيه بجهود كبيره لاعداد الشباب عشان تجهزهم وتاهلهم. ومنها ان الدول العربيه عملت مؤتمر خاص بالشباب مؤتمر مش مؤتمر واحد ده مؤتمرات كتير زي مؤتمر الشباب الاول سنه 2016 والذي عقد بمدينه شرم الشيخ وده كان برئاسه الرئيس عبد الفتاح السيسي ويعني كان الرئيس بتاع المؤتمر ده هو عبد الفتاح السيسي وكان قاعد المؤتمر كله بيتكلم عن دور الشباب وعن حقوقه اما بالنسبه لثاني جهد قامت به الدول العربيه ان خصصوا خصص الدستور المصري اللي صدر سنه 14 يعني في قانون اتكتب جوه الدستور ده عدد من اعضاء البرلمان للشباب يعني كان كنا متعودين ان اللي احنا بننتخبهم يدخلوا مجلس الشعب او مجلس النواب كلهم كانوا بيبقوا كبار سن لا الدستور الجديد سنه 2014 قال ان البرلمان هيبقى فيه اعضاء من الشباب سن صغير اللي هم اقل من 35 سنه وده معناه ان هيعبروا صح عن الفئه بتاعتهم هيعرفوا يعبروا عن باقي الشباب هيعرفوا يقفوا في المؤتمر ويقولوا الشباب شباب محتاج ايه ونبني لهم ايه ونعمل لهم ايه كمان تقديم المنح الدراسيه والدورات التدريبيه لتاهيل الشباب للعمل ودي حاجه فعلا حصلت بقت وزاره الاتصالات و ووزارات ثانيه كتير بتقدم حاجات بالمجان للشباب عشان يتعلموا من غير ما يدفعوا فلوس ما هو انا مش عشان احصل على افضل نوع من التعليم لازم ادفع دم قلبي يعني عملوا منح دراسيه يعني يدخلوا جامعات خاصه من غير فلوس وده بس للمتفوقين الشاطرين اللي طالعين من جامعات حكوميه قصدي من مدارس حكوميه بمجموع عالي جدا كمان عملوا لهم دورات تدريبيه على الانترنت او حتى بيروحوها لتاهيل الشباب للعمل زي كورسات البرمجه براعم مثلا مصر الرقميه زي مثلا المنحموله للشباب واللغات والحاجات اللي زي دي تعيين الشباب في المناصب القياديه بقوا يعينوا الشباب في مناصب تقود باقي الامه يعني ممكن الاقي ا وزير يبقى شاب سنه صغير ممكن الاقي حد يبقى زعيم وشاب صغير في السن برع يعني اتشطر قوي عدد كبير من عظماء التاريخ وهم في سن الشباب الشباب ده مش سن طيش الشباب بس عندهم سنه حماس لازم نوجهها صح وبعد كده هنشوف منهم ابداع حيث قام محمد بن القاسم بفتح بلاد السند اللي هي بنقول عليها الهند دلوقت ونشر فيها الاسلام وهو كان عمره 17 عاما فقط عنده 17 سنه وفتح بلد نشر فيها الاسلام لوحده لو قال لك قدم اقتراح للمسؤولين في مصر عشان يستفيدوا من الشباب في تقدم مصر هتقول ايه؟ هتقول لازم نعمل مؤتمرات نجمع نمع فيها الشباب ونسمع ارائهم لازم نشاركهم معانا في الحكم وفي الاداره وفي القياده ا لازم نهتم بيهم وبتعليمهم وبثقافتهم لازم نسيبهم يعبروا عن طاقاتهم كل دي اقتراحات تقدر تقدمها للمسؤولين اثناء الحرب العالميه الاولى كانت فلسطين ولايه ايه كانت ا تابعه للولايه العثمانيه قام محمد بن القاسم في سن 17 عاما بفتح بلاد اسمها ايه طبعا هي بلاد السند طب ما المقصود بالشباب يعني ايه شباب وفق الامم المتحده هم قالوا الشباب وهم وفق الامم المتحده يقصد بهم الاشخاص الذين تتراوح اعمارهم بين ال 15 وال 24 سنه طيب بما تفسر يعني يقول سبب لماذا عقد مؤتمر شرم الشيخ للسلام 2025 هنقول اجابتنا هي انهاء الحرب الاسرائيليه على غزه واطلاق مسار دائم للسلام في الشرق الاوسط هو ده الهدف من مؤتمر شرم الشيخ للسلام سؤال دلل بقى ا حرست مصر على المشاركه السياسيه للشباب في البرلمان ايه الدليل على ان مصر كانت مصممه ان الشباب يشاركوا في البرلمان يعني يدخلوا مجلس الشباب و اسفه مجلس مجلس الشعب ومجلس الشيوخ والبرلمان عامه هنقول ان الدليل على كده ان خصص الدستور المصري الصادر عام 2014 عدد من اعضاء برلمان اللي هيدخلوا البرلمان يكونوا من الشباب واللي هم اقل من 35 سنه وكده يضمنوا ان الشباب بيشاركوا في البرلمان زي باقي الناس بالظبط ثالث قضيه لازم نهتم بيها كلنا هي قضيه اعاده تدوير المخلفات ودي من القضايا المهمه جدا في الوطن العربي بدل ما احنا بنطلع جبال زباله كل يوم مش عارفين نتصرف فيها نقدر ما نطلعش زباله خالص ازاي يا ميس امال اعمل ايه في الازايز البلاستيك اللي برميها واعمل ايه في العلب واعمل ايه ممكن نعمل اعاده تدوير الحاجات دي يعني مثلا الازايز البلاستيك نقطعها ونزرع فيها مثلا ممكن نعمل منها مقلمه لو في حاجه هنرميها نفكر ازاي نستخدمها ثاني وهو ده مف مفهوم اعاده التدوير بيبلغ حيث يبلغ انتاج المواطن العربي من المخلفات اللي هي الزباله كيلو جرام كل يوم تخيل كده ان انتوا لو عيله ست انفار بتطلعوا 6 كيلو زباله كل يوم كده فهمنا ان اعاده التدوير هي عمليه تحويل النفايات يعني القمامه او الزباله لمنتجات جديده يمكن استخدامها يعني ينفع استخدمها ثاني في بقى حقائق تاريخيه لازم تعرفها ان بتعود عمليه اعاده التدوير لعصر الحضاره المصريه القديمه يعني اجدادك الفراعنه كانوا بيعمل يعملوا اعاده التدوير دي ما كانوش بيرموا الزباله حيث اعاد المصريين القدماء استخدام الموارد ثاني والمواد ثاني اي حاجه كانوا بيقدروا يستخدموها مره اخرى بدل ما يعملوا جبال من الزباله تلوث البيئه من امثلتها مثلا ورق البردي الزياده القصاصات اللي بتطلع دي بعد ما بياخدوا مثلا حاجه بمقاس معين وطلعت زياده كانوا بياخدوها ويعجنوها ثاني وبيعملوا منها القناع او الماسك اللي بيحطوه على الموميا وكمان لما كان بيفضل عندهم اواني نحاسيه قديمه بايظه مطبقه متكسره كانوا بيسيحوها ثاني ويعملوا منها ادوات جديده فده مفهوم يعني اعاده التدوير وفعلا كان بيحصل عند اجدادنا يعني بالنسبه لخطوات اعاده التدوير اعمل اعاده التدوير ازاي لازم الاول اجمع الحاجات اللي شبه بعض مع بعض ما هو انا ما ينفعش اسيح نحاس على حديد على ذهب على بلاستيك على مش هينفع فكل حاجه تتفصل احط الكرتون والورق لوحده احط البلاستيك لوحده والمعادن لوحدها وبكده هضمن ان يبقى سهل عليا اعاده التدوير يبقى بيتم في مرحله الجمع والفرز الى جمع النفايات الزباله يعني وفرزها حسب نوعها كمان ثاني مرحله على طول اللي هي المعالجه بقى بيتم فصل المواد الخام عن بعضها البعض يعني فصل الزجاجات عن البلاستيك عن غيره يبقى برده بمسك كل صندوق وافصل مكوناته كمان يعني بمسك صندوق المعادن افصل الذهب لوحده الحديد لوحده النحاس لوحده وهكذا في مرحله التحويل بيتم سهر يعني بنسيح المواد الخام البلاستيك بنسيحه والحديد بنسيحه والدهب بنسيحه لاعادته لحالته الاصليه عشان يرجع خام تاني وبعدها نوديه مصانع وهناك بقى يبتدوا يعملوه اشكال جديده بيعاد استخدام المواد الخام في الصناعه في صناعه منتجات جديده نعمل بيهم بقى ازايز جديده شنط جديده حاجات جديده وفعلا في اماكن دلوقتي بقت حاطه اكت من سله وكل سله عليها النوع اللي المفروض يترمي فيها يعني بنحط كوبا كات مع بعض بنحط الورق مع بعض وبعدها بيبتدوا يجمعوه بالشكل ده يعني مثلا ده ده بلاستيك متجمع مع بعض بعدها بننقله ونوديه للمصانع بعد ما بنوديه المصانع المصانع بتبدا تصنعها المنتجات جديده نظيفه جميله ما فيهاش اي ضرر فوائد اعاده التدوير ليه هنتعب نفسنا في كل الخطوات اللي فاتت دي عشان نحافظ على الموارد الطبيعيه بدل ما تروح تحفر وتطلع معادن من تحت الارض وتدفع فلوس كتيره في انها تطلع وانها تتنقل طب ما انت عندك موجود على سطح ح الارض خدها وصنعها ثاني طيباني حاجه توفير فرص عمل للشباب الشباب هتلاقي شغل عن طريق انها تجمع الحاجات دي وتوديها المصانع والناس اللي في المصانع هتلاقي شغل لان هتلاقي حاجات صنعه كمان تقليل التلوث والحد من الانبعاثات الحراريه مش هيبقى في زباله في الارض ما فيش روايح وحشه ما فيش غازات سامه بتخرج من الزباله وبالتالي ما فيش اي انبعاث حراري يعني ما فيش تلوث من ثاني اكسيد الكربون او غيره ما تنساش تحفظ تعريف الشباب وفق الامم المتحده ان هو يقصد صد بم الاشخاص الذين تتراوح اعمارهم بين 15 لحد 24 سنه واعاده التدوير هي عمليه تحويل النفايات اللي هي القمامه او الزباله لمنتجات جديده نضيفه خالص يمكن استخدامها ثاني وبرده ما تنساش تحفظ ملخص الدرس بيجي من اسئله الامتحان من الدرس ده 90% من الصفحه دي بس وباقي الاسئله اللي هتيجي على الدرس بتيجي من الدرس نفسه اشرحه لنفسك كانك مدرس وما تنساش تستنى المراجعات بتاعتنا حل مذكره المتطور اسئله على المنهج بالكامل واللي هتلاقوا الرابط بتاعها تحت في صندوق الوصف وعشان توصلوا لها اول ما توصل على طول فعلوا زر الجرس واضغطوا على زرار الاشتراك واللايك والشير بيساعدنا برده اننا نستمر كده احنا خلصنا واتمنى تكونوا استفدتوا واترككم في رعايه الله والسلام عليكم ورحمه الله وبركاته У