كيف تكتسب مهارة تقدير الذات مصطفى حسني

ثلاث حاجات تعملهم واحد يعرف كنزك اثنين ساعد غيرك لاثه حاجه اسمها اشحن هقول لك اشحن دي يعني ايه اعرف كنزك ساعد غيرك واشحن خليني اقول لك كل واحده وانا جاي لي رسائل جميله في الفاصل اللي جاي هرد على اسئله حضراتكم ما فيش حد في الدنيا يا جماعه ما فيش جواه الكنز اللي ربنا اودعه فيه السر الالهي سر نجاحك وقوتك في الدنيا دي اللي على اساسه ربنا هيكلفك بالاعمار والخلافه في الارض والا يرفع عنك القلم لانك انت تحاسب على انت ما عندكش حاجه تقدمها فمن عدل ورحمه ان جواك كنز لكن مش كل الناس تعرف كونزها والكنز ده من حقك على نفسك ومن حق نفسك عليك انك تدور عليه عايزك تتصور معايا كده حاجه علمها لي احمد الاعور قال لي تصور لو احنا في الاستوديو ا وقلت لك في مليون جنيه هتدور ولا مش هتدور هتدور ده انا مش مروح لما الاقي مليون جنيه دي هعمل من المجهود والتفكير والاستعانه بالناس اللي بتفهم وعندها خبرات ان احنا نشيل الحديد اللي تحت الارض ده والخشب ده بس الاقي المليون جنيه انت اللي جواك المليارات اللي في الدنيا والخيارات دي كلها بسبب البشر سبب اسباب النجاح واللي جواك دور على الملايين والمليارات اللي جواك اتعب في كده سيدنا محمد كان بيساعدهم فكان يقول لفلان انت اسد الله فكان يقول له على فكره كنزك في الشجاعه يا حمزه لو واحد عايش في الدنيا عارف انه اسد ربنا اسد الله وانت يا خالد سيف الله انت السيف اللي ربنا مسلطه على كل اللي بيعتدي على البني ادمين يا خالد شايف القوه والشجاعه والاقدام؟ سيدنا محمد كان عنده خادم اسمه سفينه هو ما اسموش كده بس النبي كان مطلق عليه سفينه ليه؟ لان سفينه وخادم النبي عليه الصلاه والسلام كان يبقى ماشي مع النبي في غزوه فالصحابه تعبانين فيشيل شنطه ده ويشيل القربه بتاعه الميه بتاع ده ويشيل مش عارف مثلا حاجه واحد شيلها من الغنائم فيبقى ماشي جسمه مش باين وكله حواليه حاجات شايلها فالنبي قال له انت سفينه زي ما السفينه بتمشي في البحر بتشيل البضاعه انت كمان سفينه فده قواه اكتر ان سر قوته واعماره الارض انه يساعد ويشيل ممكن تلاقيها حاجه بسيطه لكن النبي بيقول له كنز كان انت هتعيش وتموت بتشيل للبشر بس زي الراجل بتاع ناس بيكنس لكنه شايف ان كانسو ده هو سبب في طلوع الناس القمر وسفينه كان بيشيل وانا السبب في انتصار الجيوش انا اللي بشيل لهم حاجتهم سفينه خادم النبي صلى الله عليه واله وسلم ويقول لعبد الرحمن بن عوف لابي عبيده بن الجراح انت امين الامه انت الامان انت امين هذه الامه فيعيش وهو حاسس ان في للامه حق عليه فيبقى اقوى المقاتلين واكثر المعمرين ودايما يبقى مع الصحابه يعرف دواخلهم ويعرف مشاكلهم ويس لانه امين الامه فالنبي دايما يقول له اعرف كنزك انت هنا ده كنزك يا ابا عبيده ويا خالد ويا حمزه ويا سفينه دور على كنزك اذا كنت عايز تكتسب تقدير الذات ما تنامش النهارده الا لما تعرف انت فين قدرتك صلوا على سيد المحبين والمحبوبين نشوفكم بعد الفاصل ان شاء الله اعرف كنزك اللي ربنا خلقه جواك ازاي تقدر نفسك وانت ما تعرفش كنزك اللي جواك اعرف كنزك عشان تعرف تكتسب تقدير الذات مهاره النهارده اثنين ساعد غيرك خليني اقول لك ان الثقه وتقدير الذات عند ناس كتير اتولد يوم ما دخل البسمه والفرحه على انسان حاسس انه ليه قيمه في الحياه حاسس انه يقدر ان يكون سبب في اسعاد بني ادم وان يجي يوم القيامه يقول له يا رب ده اللي فرحني وفرج كربتي بحاجه بسيطه كان بيقتنيها فرحني بيها ناس كتير بتحكي ان كان اسعد لحظه في حياته يوم ما كوى قميص وراح ادواحد في العيد يوم ما كوت فستان او عبايه ولبسته لوحده في يوم فرحها وهي ما كانتش عندها يوم فرحها حاجه تلبسه وتتزين بيه قدام اهل عريسها واحد بيحكي ان من اجمل ايام حياتي يوم ما اخدت جاكيت كان قديم عندي والحارس بتاع العماره كان دايما يقعد كده وبيحرس العماره واشوفه دايما وانا طالع وانا داخل ولبسته الجاكيت ده وياما دعالي وكان مع كل دعوه بيدعيها لي وانا داخل وانا خارج عليه بحس ان انا ليا قيمه في نفوس الناس ساعد غيرك سيدنا محمد صلى الله عليه وسلم كان بيكلف فقراء الصحابه بمساعده الغير زي سيدنا بلال كان سيدنا محمد لما يحب يساعد حد كان يبعتها له مع بلال عشان سيدنا بلال يحس ان هو واسطه خير ما عندوش حاجه يديها فكان النبي عشان يقول قدر ذاتك حتى لو فقير انت بتعمل حاجه ليها قيمه وبتفرح غيرك فالنبي لما كان حب يدي فلوس لحد كان يبعتها مع بلال فبلال هو اللي يدخل السرور على الناس فيحس بلال انه ليه قيمه سيدنا عبد الله بن ام مكتوم كان كفيف ضرير اعمى كان النبي يسيبه في المدينه وهو طالع الغزوات عشان يخدم الناس شوف عايزين ايه وياذن في المسجد ويصلي بيهم انا بعمل حاجه للخلق هتحس بنفسك وتحس بتقدير ذاتك لما تساعد غيرك اعرف كنزك ساعد غيرك الثالثه عشان تكتسب كيف تكتسب رقم لاه اشحن ايه اشحن دي بص هي دي انسب كلمه بصراحه يعني اللي انا عايز اقوله دلوقتي انا تصورت نفسي دلوقتي راكب عربيه مرسيدس بنص مليون جنيه ربنا يوسع على الناس كلها يعني تصورت انا ما عنديش مرسيس بقول تصورت يعني تصورت نفسي راكب عربيه مرسيدس دلوقتي وماشي وغاليه قوي بس ما فيهاش بنزين اصبحت حته حديده خرده ما فيهاش اي قيمه تصورت نفسي معايا تليفون بالاف بس تليفون ما فيهوش شحن اصبح مالوش اي قيمه نفسك البشريه كده لو مش كل شويه بتشحنها بالوقود ايه الوقود المعلومات العلم يا جماعه على فكره اشحن نفسك خلي عندك قيمه بالعلم علم ايه احضر درس مره في الاسبوع ما تبخلش على نفسك حق نفسك عليك تحضر درس يعرفك على ربنا وعلى النبي عشان تعيش في الدنيا قريب من ربنا ومن سيدنا محمد عليه الصلاه والسلام حقك على نفسك لو في اي مجال تاخد كورس ما تخليش الناس تسبقك حق نفسك عليك كده انك انت دايما يبقى في معلومات في مجالك الدنيا بتتقدم والعلم هو دلوقتي اللي بيسبق حق نفسك عليك كده حق نفسك عليك تتعلم تجويد عشان لما تقرا قران تحس بالقران وانت من خارج الفاظك كويسه حتى لو عندك 80 سنه اتعلم تجويد وتعلمي تجويد حقك على نفسك انك انت يا اخي اقرا الجورنال اقرا الجورنال يوميا اعرف اخبار الدنيا اشحن عشان دايما يبقى عندك جديد لما يبقى عندك جديد يا جماعه العلم مش لل مش للفخر على الناس العلم عشان كل معلومه بتنور حته مضلمه في حياتك وعلى فكره لما يكون عندك معلومات جديده حس بالثقه وانت قاعد بتتكلم مع الناس وانت بص العلم نور فاعرف كنزك ساعد غيرك واشحن ايه اشحن دي معلومات معلومات اسبوعيه ما يعديش عليك الا لما تكون اتعلمت شيء جديد في كورس في درس في كتاب تقراه في تجويد بتتعلمه بس حقك على نفسك انك انت تشحن