‪الدرس الاول علوم الصف السادس الابتدائي مفهوم الخلية كنظام ترم اول 2026 مستر محمد ابراهيم منهج جديد

بسم الله الرحمن الرحيم السلام عليكم ورحمه الله وبركاته باشمهندسين ودكاتره سنه ه النهارده هنبدا مع بعض المنهج الجديد ان شاء الله باذن الله هنبدا العلوم واحده واحده مع بعض خلي بالك ان اسئله المقالي لازم نركز عليها قوي والتمارين اللي موجوده في نهايه الحصه اغلبيتها اسئله مقالي والاجمل انها كانت موجوده في التقييمات السنه اللي فاتت وكانت كمان موجوده في امتحانات السنه اللي فاتت واللي قبلها عاوزك تركز معايا في العلوم لان العلوم مليانه شويه وما حدش قال لك انها صعبه والله والنهارده هشوف معايا الورق الجميل اللي انا عامله لك ده مريح للعين شويه الكلام فيه مكتوب بخط كبير والصفحه ما بتحتويش على معلومات كتيره فتقدر تذاكر الورقه في خلال دقيقه او دقيقتين خليك معايا عشان اقول لك على التحابيش الصغيره اللي موجوده ما بين السطور مش عايزين نتاخر اكت من كده بس انا الحقيقه تعبت جدا في اعداد الورق ده محتاج لايك منك على الفيديو ده امانه علشان يوصل الفيديو للناس كلها والمحتوى ينجح هنزل لك الورقه على جروب التليجرام اللي موجود في الوصف تحت وكمان على صفحه الفيسبوك اللي هسيب لك اللينك بتاعها في الوصف تحت يلا بينا نبدا اللهم صل وسلم وبارك على سيدنا محمد عليه الصلاه والسلام طيب الانظمه الانظمه موجوده حوالينا في كل مكان منها الكبير ومنها الصغير زي مثلا النظام البيئي يعني ايه النظام بيئي يا اد افكرك اي قطعه من الارض بيعيش عليها شويه كائنات حيه وعناصر غير حيه وبيتفاعلوا مع بعضهم البعض زي الصحرا مثلا السحره دي تعتبر نظام بيئي كبير جدا بيعيش فيه كائنات حيه فيها روح وعناصر غير حيه زي الميه والهواء والتربه والمهم ان هم الاثنين بيتفاعلوا مع بعض فاحنا عندنا نظام بيئي كبير زي النظام البيئي الصحراوي وعندنا النهارده مثال على الانظمه الصغيره زي مين؟ زي الخليه الحيه تعال بقى نفهم ايه هي الخليه دي يا باشمهندس لو احنا بصينا على جسم اي كائن حي سواء انسان او حيوان او نبات هنلاقي ان جسم الكائن الحي هو عباره عن نظام كامل بيتكون من عده اجهزه تعالى نخص الانسان اجهزه جسم الانسان بيتكون من عديد من الاجهزه زي الجهاز الهضمي والجهاز التنفسي الجهاز العصبي الجهاز الدوري وعندنا الجهاز البولي عندنا اجهزه كتير جدا لو احنا مثلا خدنا الجهاز الهضمي هنلاقي ان الجهاز الهضمي في معده ايه هي المعده دي ده عضو ع من الاعضاء اللي بتكون الجهاز يعني انت عايز تقول لي ان كل جهاز بيتكون من عده اعضاء الله ينور عليك انا عايز اقول لك كده فعلا وكل جهاز كل جهاز يا اد يعتبر نظام لوحده يعني الجهاز هو نظام موجود جوه جهاز اكبر منه اللي هو الجسم فجسم الانسان ده عباره عن نظام كبير جواه عده انظمه صغيره اولهم الاجهزه وكل جهاز لوحده يعتبر نظام هذا النظام بيتكون من عديد من الايه؟ من الاعضاء حلو طيب تعال ناخد كل عضو كده هنلاقي ان كل عضو لوحده كده هو نظام بس نظام صغير شويه وهنلاقيه بيتكون من حاجات اصغر منه اللي هي الانسجه فكل عضو بيتكون من عده انسجه لو احنا مسكنا كل نسيج هنلاقي ان النسيج الصغير خالص ده اللي احنا ممكن ما نشوفوش بعينينا المجرده هو عباره عن نظام صغير والنظام ده بيتكون من عده انظمه اصغر منه اسمها الخلايا فاحنا كده فهمنا ان جسم الانسان او جسم الحيوان او حتى جسم النبات بيتكون من عديد من الاجهزه وكل جهاز بيتكون من مجموعه من الاعضاء وكل عضو بيتكون من مجموعه من الانسجه وكل نسيج بيتكون من مجموعه من الخلايا وصلنا لاصغر تنظيم موجود في جسم الانسان الخلايا اللي مفردها الخليه تعال بقى نتكلم عن الخليه بيقول لك ايه في تعريف الخليه يا باشمهندس اصغر الانظمه الحيه ده نظام وده نظام وده نظام وده نظام بس اصغرهم كلهم هو الخليه والخليه عندنا ليها تعريف مهم جدا يا اد وحده بناء الكائن الحي يعني ايه برض وحده بناء الكائن الحي ولا انت هتحفظني تعريف وخلاص بص يا جميل لو احنا عايزين نعمل جداريه طوب زي اللي قدامك دي هنعمل ايه هنجيب حجر طوب جنب حجر طوب جنب حجر طوب ونبدا نعمل الجداريه الجميله دي فهنا حجر الطوب هو وحده بناء الجدار هنا حجر الطوب هو وحده بناء الجدار يعني ايه برده الجدار يعني لو جبنا حجر طوب حطيناه زي واحد كمان مثله كمان واحد كمان واحد كمان واحد هنبدا نكون الجدار كذلك الخليه لو جبت شويه خلايا متشابهين جنب بعض يعملوا لك نسيج ولو جبت شويه انسجه متشابهين يعملوا لك اعطاء او عضو ولو جبت شويه اعضاء جنب بعض يعملوا لك جهاز ولو جبت شويه اجهزه جنب بعض يعملوا لك جسم الكائن الحي فهتلاقي ان جسم الكائن الحي في الاول وفي الاخر خالص كان في اصله ايه؟ كان في اصله شويه خلايا علشان كده سمينا الخليه وحده البناء والوظيفه كمان يا باشمهندس لو بصيت على التعريف اللي تحت وحده البناء والوظيفه في الكائن الحي طب وحده البناء وعرفناها طب والوظيفه ايه معناها هفهمك كمان شويه هفهمك ليه سمينا الخليه وحده البناء والوظيفه المهم حضرتك دلوقتي اخدت ثلاث تعريفات للخليه اصغر الانظمه الحيه وحده بناء الكائن الحي وحده البناء والوظيفه في الكائن الحي وزي ما انا قلت لك ان الخليه يا باشمهندس بتشبه قالب الطوب في المبنى او في الجداريه اللي قدامك الخليه صغيره جدا يا اد لدرجه ان احنا ما نقدرش نشوفها بعينينا المجرده علشان كده محتاجين جهاز يكبرها لنا علشان نقدر نشوفها الجهاز ده اسمه الميكروسكوب لا يمكن رؤيه معظم الخلايا بالعين المجرده لان احنا عينينا بتشوف في حدود معينه يا اد والخليه اصغر من هذه الحدود فبالتالي احنا بنستعين بجهاز بيكبر الخليه علشان نقدر نشوفها كويس الجهاز ده اسمه الميكروسكوب يا جماعه لا يمكن رؤيه معظم الخلايا ما تخلينا نقف هنا لا يمكن رؤيه معظم الخلايا انت عايز تقول لي ان في خلايا بنشوفها ايوه في عندنا خلايا كبيره نقدر نشوفها زي خليه بيضه الطائر زي ما هنشوف كمان شويه لكن معظم الخلايا عينينا اللي ربنا سبحانه وتعالى خلقها لنا ما نقدرش نشوف الخلايا بيها وبنستعين بحاجه اسمها الميكروسكوب علشان يكبرها لنا ونشوفها على الرغم من ان الخليه صغيره جدا الا ان ربنا سبحانه وتعالى مكن الخليه من انها تقوم بجميع العمليات الحيويه اللازمه لبقاء الكائن الحي يعني ايه؟ الانسان علشان يعيش لازم ينمو ويتكاثر ولازم يعوض الخلايا التالفه ولازم يعمل مجموعه من العمليات الحيويه اللي بتساعده على انه يبقى على قيد الحياه انت متخيل يا راجل يا طيب ان الخليه الواحده بس ممكن تعمل كل العمليات الحيويه اللي جسم الانسان بيعملها طب انا هثبت لك ان الكلام ده صح احنا معانا كائنات حيه عايشه معانا جسمها بيتكون من خليه واحده وعايش عادي عارف ليه؟ لان الخليه الواحده اللي بتكون جسمهم دي قادره انها تقوم بجميع العمليات الحيويه اللازمه لبقاء هذا الكائن الحي فالكائن الحي ده عشان يبقى لازم يعمل عمليات حيويه الخليه الواحده اللي جسمه بيتكون منها بتعملها له انا عاوزك بس تسمع الرقم اللي انا هقوله ده عارف جسم الانسان بيتكون من كام خليه تقريبا ما يقارب اسمع الرقم كده 40 تريليون خليه تخيل بقول لك في كائنات جسمها بيتكون من خليه واحده واحنا كبشر جسمنا بيتكون في ما يقارب من 40 ترليون خليه يا عفو الله عد ارقامك يا باشا عدفرك المهم الخليه تقوم بجميع العمليات الحيويه اللازمه لبقاء الكائن الحي زي مين زي النمو التكاثر وتعويض الخلايا التالفه الخليه صغيره جدا جدا معظم الخلايا لا يمكن رؤيتها بالعين المجرده وبيتطلب رؤيتها ها استخدام جهاز اسمه الميكروسكوب او المجهر الضوئي الخليه خدنا لها تعريف خلاص الراجل بيكرر التعريف وهيكرره كتير للاهميه هي وحده بناء الكائن الحي عارف يعني ايه يعني اي كائن حي فيه روح في روح تلاقي جسمه بيتكون من خليه طب السؤال هنا والسؤال لكل الناس اللي معايا في الحصه هل القلم اللي قدامك ده بيتكون من خلايا تقول لي لا على طول ما تفكرش ليه لان القلم ما فيش في روح مش كائن حيه الخليه يا هندسه يا دكتوره يا اللي بتلعبي في شعرك الخليه بتكون اجسام الكائنات الحيه فقط اما الاشياء غير الحيه بتتكون من ذرات وجزيئات هناخدها ان شاء الله السنه اللي جايه في اولى اعدادي او احنا اصلا يعتبر اتكلمنا عنها في العلوم قبل كده الورقه الجميله اللي قدامك دي بتحمل معلومات ممتازه يا باشمهندس طيب خلينا نشوف السؤال الاولاني في الصفحه دي بيقول لك صح ام خطا تشترك جميع الكائنات الحيه في انها تتكون من خليه واحده او اكثر وانا في الحقيقه مش عايزك تجاوب ما انا مجاوب بدالك انا عايز اسالك سؤال ثاني هو ليه الاجابه هنا صح يا اد ليه فعلا كل الكائنات الحيه بتشترك في انها اما تتكون من خليه واحده او اكثر تقوم حضرتك ترد عليا تقول لي والله يا مستر لان كل الكائنات الحيه اللي موجوده على سطح الارض سواء انسان او حيوان او حتى نبات او الكائنات الحيه الدقيقه اللي جسمها بيتكون من خليه واحده يعني فجسمها اما بيتكون من خليه واحده او اكثر اي كائن حي تروح تبص عليه تلاقي جسمه اما بيتكون من خليه واحده او اكثر في عندنا على سطح الارض كائنات حيه جسمها بيتكون من خليه واحده اه بكتيريا مثلا وفي عندنا طبعا كائنات حيه اجسامها بتتكون من اكثر من خليه زي الانسان والحيوان والنبات فالاجابه اجابه صحيحه وعرفنا التفسير لو سالتك هل شكل الخليه في الانسان زي شكلها في النبات تقول لي لا طبعا شكل الخليه يا اد اولا بيختلف من كائن حي الانسان والحيوان الى كائن حي الاخر اللي هو النبات بدليل بص على الصورتين دول كده دي كده خليه في النبات ودي كده خليه في الحيوان ولا في اي تشابه ما بينهم خالص الا في بعض العضيات اللي موجوده جوه هنا وهنا هتسمع كلام مني انا برميه بس لقدام كلمه عضيات يعني الحاجات الصغيره اللي جوه بيبقى في تشابه ما بينهم في بعض الحاجات اللي جوه لكن بيبقى في اختلاف ما بينهم كتير اول اختلاف ما بينهم في الشكل بص شكل الخليه في النبات عامله ازاي بصوا شكل الخليه في الحيوان عامله ازاي في اختلاف كمان ما بينهم من حيث الحاجات اللي جوه كل واحده فيهم وهندرسهم الاثنين بالتفصيل فما تحطش بالك عليهم دلوقتي كل اللي انا عايزك تعرفه بس ان شكل الخليه في الانسان والحيوان مختلف عن شكلها عن شكل الخليه في النبات طيب الورقه اللي فاتت قلت لك ان معظم الخلايا ما بنقدرش نشوفها بعينينا المجرده وقلنا كمان ان احنا محتاجين ميكروسكوب علشان نقدر نشوفها ويبقى احنا عرفنا ان معظم الخلايا خلايا صغيره جدا ما بنقدرش نشوفها صغيره وصغيره جدا جميل السؤال هنا معظم الخلايا الصغيره متفقين خلاص ولكن هل يوجد خلايا كبيره هل في خلايا كبيره نقدر نشوفها بعيننا المجرده الاجابه ايوه ده الاجابه عليه هتندرج تحت بند اسمه حجم الخلايا احنا دلوقتي هنتكلم عن حجم الخلايا في عندنا خلايا يا اد كبيره جدا وفي عندنا خلايا صغيره وفي عندنا خلايا صغيره جدا والجزء ده بيجي كتير جدا سواء اختيارات او اكمل او ممكن يجيبه لك كسؤال مقالي هو حر المهم لازم اكون عارف ان انا عندي خلايا كبيره جدا زي خليه بيضه الطائر بتحتوي على خليه واحده فقط ويمكن رتها بالعين المجرده لكن في المقابل برده عندنا خلايا صغيره وصغيره جدا والاثنين دول ما بقدرش اشوفهم بعين المجرده اللي ربنا سبحانه وتعالى خلقها لي العين اللي ربنا سبحانه وتعالى خلقها ناد بتشوف نطاق معين من الحاجات اللي بيخرج بره النطاق ده احنا ما بنشوفوش وده من رحمه ربنا بينا على فكره المهم فعندنا خلايا صغيره وعندنا خلايا صغيره جدا لو بنتكلم عن خلايا صغيره بس زي الخليا النباتيه والخلايا الحيوانيه دي كده بالنسبه لنا عندنا في العلوم تصنيفهم خلايا صغيره بيتراوح طولها الشائع يتراوح يعني ما بينهم ما بين خ ملي و1 ملي ما بين خم ملي ودي حاجات صغيره جدا انت بتكلم في ملي عارف الملي اللي هو على المسطره اللي هم اللي هو ما بين الشرطتين الصغنطين ده اسمه الملي لا ده احنا مش هناخد الملي ده كمان ده احنا هناخد 5 من 1000 منه يا نهار ابيض يا عفو الله الرحيم المهم ان احنا عندنا خلايا صغيره يا باشمهندس زي الخلايا الحيوانيه والنباتيه وده بيتراوح طولها الشائع ما بين 0.1 0.1 و5000 ملي اما عندنا بقى طبعا الصوره انا مكبرها لك شويه اوعى تقول ان الخلايا دي اكبر من دي لا ده انا بس وانا بصمم الورق يعني سبت دي مكبره شويه عشان تشوفها دي كده البكتيريا يا اد البكتيريا يا باشمهندسين ده عندنا خلايا صغيره جدا غالبا يا اد ما تكون اصغر حجما من الخلايا النباتيه والحيوانيه يعني الخلايا البكتيريه بتكون اصغر من الخليه النباتيه والحيوانيه غالبا بص غالبا ما تكون اصغر حجما منهم منهم الاثنين فاحنا كده خلاص عرفنا المعلومات المتقره علينا في الورقه دي ونقدر نكمل الحصه طيب حبيت ان انا اكلمك في الورق بتاعي بطريقه تخليك وانت بتذاكر مشدود للورق الورق خط كبير معلومات صغيره في كل ورقه حاجه مريحه للعين وكمان الكلام مكتوب بالطريقه الحلوه الجميله اللي احنا بنحب نتكلم بيها فهتلاقيني بقول لك عارف ليه كلمه عارف ليه دي يعني علل عارف ليه الانسان محتاج ميكروسكوب علشان يشوف الخلايا اللي طولها بيقل عن 0.1 من ملي لان ربنا سبحانه وتعالى خالق عينينا بتشوف في نطاق معين واي حاجه بره هذا النطاق ما بنشوفهاش هو ربنا سبحانه وتعالى خلقنا كده علشان العين البشريه بتاعتنا المجرده يعني ايه مجرده يعني مش لابس عليها حاجه مش لابس عليها حاجه ممكن تكبر الصوره او تصغرها لا ترى الاشياء التي يقل طولها عن 0.1 ملي احنا ربنا سبحانه وتعالى خالق عينينا ما بتشوفش الحاجات اللي طولها اقل من 0.1 0.1 ملي فبالتالي لما كان عندنا خليه طولها اقل من 0.1 ملي ما بقيناش قادرين نشوفها ومحتاجين نستعين بجهاز خارجي يدعى الميكروسكوب او المجهر الالكتروني علشان نشوف الخليه خلاص فالسؤال لو جه في الامتحان وقال لك علل يحتاج الانسان الى ميكروسكوب لرؤيه الخلايا التي يقل طولها عن 0.1 من ملي تقول له لان مش علشان بقى لان العين البشريه المجرده لا ترى الاشياء التي يقل طولها عن 0.1 0.1 ملي عارف انت اللي ممكن يميزك عن واحد زميلك ايه؟ اوعى تعتقد ان المعلومات الظاهره في الدرس هي اللي ممكن تميزك عن صاحبك لا هي ممكن تميزك عن واحد ما بيذاكرش انت عارف المعلومه هو مش عارفها لكن لو في اثنين شطار بيكونوا عارفين المعلومات الظاهره اللي في الدرس يعني ايه خليه واسان بيتكون من عديد خلايا ولا خليه واحده الحاجات اللي هي ظاهره للكل لكن اللي يميزك عن واحد صاحبك شاطر زيك التحابيش الصغيره اللي بتبقى ما بين السطور المعلومات المتنتوره كده في السطور وماحدش واخد لها بال زي السؤال اللي جاي ده كده السؤال اللي جاي ده واحد من الاسئله المحترمه جدا اكمل يجي اختياري يجي يجي سما يجي يقول لك علل او عفوا اكمل مثلا تتشابه الكائنات الحيه في ان وحده البناء الاساسيه الخليه اي كائن حي على سطح الارض بيكون جسمه خليه ولكن الجزء الثاني من السؤال هو اللي هيميز بقى ولكن تختلف في ايه تختلف اجسام الكائنات الحيه في ايه بتختلف في عدد الخلايا وشكل الخليه وتركيبها شكل وتركيب الخلايا ودي حته مهمه جدا يا اد طيب وهنتكلم في الجزء ده في الورقتين ثلاثه اللي جايين خلاص طيب تعالى نتكلم عن عدد الخلايا احنا عايزين نعرف الكائنات الحيه بتختلف في عدد الخلايا ازاي بص يا باشمهندس لو انت رحت لاي كائن حي وقلت له سلام عليكم هيرد عليك يقول لك عليكم السلام هتقول له انا جاي بس اشوف جسمك بيتكون من كام خليه فانت هتلاقي حاجه من اثنين لو عديت على كل الكائنات الحيه اللي موجوده على سطح الارض هتلاقي حاجه من اثنين اما الكائن الحي ده جسمه بيتكون من خليه واحده فبسميه كائنات وحيده الخليه او جسمه بيتكون من اكثر من خليه فبنسميه كائنات عديده الخلايا عديده الخلايا يبقى احنا من حيث عدد الخلايا لو احنا كده عايزين نصنف الكائنات الحيه حسب عدد الخلايا اللي بتكون جسمها او اللي بيكون جسمها. فاحنا عندنا كائنات حيه جسمها بيتكون من خليه واحده اسمها الكائنات الحيه وحيده الخليه وعندنا كائنات حيه ثانيه اجسامها بتتكون من اكثر من خليه بنسميها كائنات حيه عديده الخلايا كائنات حيه وحيده الخليه زي البكتيريا وكائنات حيه عديده الخلايا زي الانسان والحيوان والنبات تعال نشوف تعريف الاتنين دول وندي امثله ونتكلم عن الجزء الثاني الا وهو شكل وتركيب الخلايا خلي بالك من المعلومات الله يعزك ويكرمك طيب انا عايزك كمان تكون جاهز لاي صيغه سؤال تجيلك في الامتحان يعني لو جيت لك في الامتحان قلت لك اكمل يمكن تقسيم الكائنات الحيه حسب درجه تعاقيدها الى ايه؟ كلمه حسب درجه تعقيدها يا اد يعني كانه بيقوللك حسب عدد الخلايا احنا عندنا الكائنات الحيه بنصنفها حسب عدد الخلايا الى كائنات حيه واحده الخليه وكائنات حيه عديده الخلايا الكائنات ده بنسميها الكائنات البسيطه خلاص والكائنات دي بنسميها الكائنات المعقده المعقده فعشان كده في عندنا كائنات حيه بسيطه وكائنات حيه معقده من هي الكائنات الحيه البسيطه اللي جسمها بيتكون من خليه واحده طب ما هي الكائنات الحيه المعقده اللي جسمها بيتكون من عديد الخلايا فعشان كده ممكن يجيب لك السؤال بنفس الصيغه ده يقول لك يمكن تقسيم الكائنات الحيه حسب درجه تعقيدها الى كائنات بسيطه واحده الخليه وكائنات معقده عديده الخلايا فالسؤال ده هو بالضبط لو كان بيسالك عن تصنيف الكائنات الحيه حسب عدد الخلايا كائنات حيه وحيده الخليه بسيطه وكائنات حيه عديده الخلايا بنسميها كائنات معقده وعشان عارفك عايزك تاكد على المعلومه وزمانك جريت تكتبها فانا بقول لك استنى ما تكتبهاش المعلومه قدامك اهي قارن في الامتحان سؤال مقالي اهو مقالي يقول لك قارن ممكن يقول لك قارن ممكن يقول لك عرف يجيب لك السؤال زي ما يجيبه وانت جاهز بقى قارن ما بين الكائنات الحيه البسيطه والكائنات الحيه المعقده ده صيغه سؤال قارن ما بين الكائنات الحيه وحيده الخليه وعديده الخلايا هم السؤالين نفس السؤالين بالظبط هم هم نفس الاجابه ما هي الكائنات الحيه البسيطه اللي هي وحده الخليه والمعقده اللي هي عديده الخلايا فهتقارن من حيث التعريف وتدي مثال كائنات بسيطه اللي هي الكائنات الحيه وحيده الخليه الكائنات الحيه وحيده الخليه هي الكائنات البسيطه والتي تتكون من خليه واحده فقط مثل البكتيريا اما الكائنات عديده الخلايا فهي الكائنات المعقده والتي تتكون اجسامها من عديد الخلايا زي الحيوانات والنباتات الانسان والحيوان والنبات كلهم عديد خلايا طيب سؤال جميل برض من ما بين السطور يجي في الامتحان يقول لك اكمل يتوقف عدد الخلايا في الكائن الحي على ايه يعني احنا عارفين يا اد ان عدد الخلايا بيختلف من كائن حي لاخر اخر الحاجات بقى اللي بيتوقف عليها عدد الخلايا في الكائن الحي ايه؟ اول حاجه كده نوع الكائن الحي الكائن الحي وحجمه كمان حاجه نمو الكائن الحي نمو الكائن الحي هفهمك اهو خد بس الاجابه وتعال ما افهمك السؤال بيقول يتوقف عدد الخلايا في الكائن الحي على ايه وايه على نوع الكائن ونمو الكائن تعالى بقى مافهمك واحده واحده يعني ايه نوع الكائن الحي بياثر في عدد الخلايا بتاعته يعني حضرتك لو انا قلت لك عندنا فيل وعندنا نمله الفيل ضخم جدا والفيل والنمله صغيره خالص هل يعقل ان احنا نقول ان عدد الخلايا في الفيل زي عدد الخلايا النمله لا طبعا نوع الكائن الحي اثر في عدد الخلايا اللي موجوده فيه طبيعي جدا هو نوعه فيل وانا نوعي نمله فخلاص في فرق في الحجم والجسم بتاعه ضخم وانا الجسم بتاعي صغير فبالتالي نوعي اثر على عدد الخلايا اللي بتكوني كمثال بسيط زي ما قلت لك عندك فيل وعندك فار دول نوعين مختلفين فبالتالي هتلاقي عدد الخلايا فيهم مختلفه وطبيعي جدا انت عايز تجيب عدد الخلايا في الفيل زي عدد الخلايا في النبله لا يبقى انت مالكش حق خالص بيختلف عدد الخلايا في الحيوانات والنبات من نوع لاخر كل واحد بقى حسب الحجم بتاعه وحسب الضخامه بتاعته مثلا عدد الخلايا بتاعه الفيل اكث من الفر وكده عرفنا فعلا وصدقنا ان نوع الكائن الحي بياثر في عدد الخلايا بتاعته مش محتاجين حتى نشرحها ثاني طيب الجزء الثاني يا اد وهو نمو الكائن الحي كل ما الكائن الحي يا حبيب قلبي بيكبر ويروح لمرحله عمريه اكبر وجسمه بيكبر معاه فده له معنى واحد فقط ولازم تسمعه مني وتركز فيه لما جسم الكائن الحي يكبر فده معناه ان عدد الخلايا في جسمه زاد وليس حجم الخلايا زاد ماتاش فاهم اسمع مني تاني اسمع مني لان الحته دي مهمه وبتيجي في الصح والغلط اكلمك بالبلدي تعالى انا بحبه جدا لما جسم الطفل الصغير يكبر كان عندنا طفل رضيع جسمه كبر عارف ده معناه ايه ده معناه ان عدد الخلايا في جسمه زاد مش معناه حجم الخلايا كبر لا يعني الخليه ما كانش كده بقت كده لا الخلايا كان عندنا مثلا خمسه س بقوا 10 و20 فاللي بيكبر جسم الكائن الحي هو زياده عدد الخلايا وليس زياده حجم الخلايا لا كل ما عدد الخلايا بيكتر كل ما الجسم بيكبر فهمتها مهمه جدا طيب لما اقول لك نمو الكائن الحي بياثر في عدد خلاياه طب ما طبيعي لان جسم الكائن الحي كل ما بيكبر كل ما بينمو عدد خلايا بيتغير بيزيد زيد وصلت والله وصلت صح فمثلا عدد الخلايا في جسم الاب هنا اكبر من عدد الخلايا في جسم ابنه الصغير ليه لان هنا الاب نموه كامل او اكتمل بينما الطفل الصغير لسه في مراحل النمو بتاعته خلاص مهم جدا الجزء ده جدا ان الكائن الحي جسمه بيكبر لما يزيد فيه عدد الخلايا وليس لما يزيد حجم الخليه مهمه جدا وبتيجي في الصح والغلط والله طيب بالله عليكم نولي الورقه اللي قدامنا دي اهتمام زياده شويه ليه ومش ليه لان فيها معلومات كلها محط امتحان كلها ما فيش جمله قدامك في الورقه دي الا ومحط سؤال في الامتحان لا وسؤال محترم وهتشوف بنفسك فاول ملحوظه انا صوتي اتبحي فيها وانا بقولها لك والحمد لله انت اعتقد خلاص عرفتها واللي كانت بتقول ان جسم الكائن الحي بيكبر بينمو لما عدد الخلايا فيه تكتر مش لما حجم الخلايا بتاعته يزيد الناس كانت معتقده ان الولد الصغير كبر لما الخلايا النونو اللي كانت موجوده فيه اتضخمت او كبرت لا الولد الصغير كان عنده مثلا 5 ترليون خليه علشان يكبر علشان يكبر الخمسه ترليون دول بقوا 20 تريليون بس الخلايا حجمها هو بس عدد الخلايا زاد لما يزيد عدد الخلايا هنا بينمو الكائن الحي مش لما حجم الخليه يكبر لازم تركز الملحوظه الاولى بتقول لك يحدث نمو للكائن الحي عند زياده عدد خلاياه وليس عند زياده حجم الخلايا بتاعته الخلايا الجديده يا اد اللي بتيجي ما هو واحد يقول لي هو احنا بنزود عدد الخلايا ازاي يعني الخلايا الجديده دي بتيجي منين سؤال محترم اهو الخلايا الجديده بتيجي من الخلايا الموجوده بالفعل اللي هي القديمه المفروض انت تقول لي جت منها ازاي؟ اقول لك والله يا باشمهندس لما تكبر ان شاء الله هتاخد حاجه اسمها انقسام الخليه والمسؤول عن انقسام الخليه هو النواه ودي معلومه هنذكرها في المنهج بتاعنا فالخليه القديمه الموجوده بالفعل بتنقسم بطريقه الانقسام الميتوزي وده اللي هتاخدها برده لما تكبر وتديني خلايا جديده الخلايا الجديده دي بتزود عدد الخلايا فتعمل على نمو الكائن الحي وتعويض التالف يعني وانت بتلعب كوره كده مثلا جريت جريت فوقعت على ايدك اتعورت اتعورت يبقى في خلايا فقدت باظت طب الخلايا بقى اللي فقدت دي هتتعوض منين؟ من الخلايا الجديده اللي بتيجي من الانقسام تلاقي الخلايا كده بايه تبدا تتجمع جنب بعض تعمل قشره كده مكان التعويره بتاعتك وبعد كده تعمل عادي خالص جلد وترجع تاني لطبيعتك عادي خلاص يبقى تتكون الخلايا القديمه من خلايا او عفوا الخلايا الجديده من خلايا قديمه كانت موجوده بالفعل جسم الانسان بيتكون فيه ما يقارب من 40 جريليون خليه جميل طيب احنا كنا قلنا اوعى تنسى ان احنا عندنا حاجتين الكائنات الحيه بيختلفوا فيها عدد الخلايا وخلاص اتكلمنا عنه ثاني حاجه شكل الخلايا وتركيبها بص يا جميل عارف الانسان نفسه انا كمستر محمد اهو لو رحت جبت خلايا من الكبد بتاعي وخلايا من المخ بتاعي مع ان انا مستر محمد انا هو هلاقي ان الخلايا بتاعه الكبد د مختلفه عن الخلايا بتاعه المخ مع اني انا نفس الكائن الحي فالخليه يا اد او الخلايا بتختلف من مكان لاخر داخل نفس الكائن يعني خلايا الكبد مش زي خلايا المعده مع ان هم الاتنين موجودين في جسمي انا اهو فهمتني عايز اقول لك ان شكل الخليه يختلف من جزء لاخر في نفس الكائن الحي اه خد بالك خلايا المعده كلها تكون زي بعض بس خلايا المعده تكون مختلفه عن خلايا الكبد كل مكان في جسمك له خلايا متشابهه مختلفه عن الخلايا اللي موجوده في اي جزء ثاني حتى لو جنبها حتى لو في حته جنبها يعني خلاص فانا لما اقول لك شكل الخليه بيختلف من جزء لاخر في نفس الكائن الحي فهمتها الاول اه يا مستر فهمت ان الكائن الحي مثلا لو رحنا لحته مثلا معينه من جسمه اللي هي الكبد شفنا الخلايا بتاعه الكبد هنلاقيها مختلفه عن شكل الخلايا بتاعه الايه المخ مثلا بدليل اهو دي شكل الخليه العصبيه ودي شكل الخلايا بتاعه الكبد بص مختلفين جدا مع انهم هم الاثنين موجودين في نفس الجسم حلو جدا لو احنا بصينا على الخلايا هنلاقي ان معظم الاغلبيه يعني بتحتوي على نواه معظم الخلايا بتحتوي على نواه لان النواه هي المسؤوله عن عمليات كتير جدا ومنها الانقسام والانقسام ده هو اللي بيجيب لك خلايا جديده مسؤوله عن نمو الكائن في الحقيقه معظم الخلايا فيها نواه والنواه بتبقى موجوده في مركز مركز الخليه يا اد ولكن ليست كل الخلايا بها نواه في خلايا فيها وده المعظم الكتير الاغلبيه بس في الحقيقه في خلايا ما فيش فيها نواه وهنا كنت انت المفروض تسال نفسك امال الخلايا اللي ما فيش فيها نواه بتنقسم ازاي بيجي منها خلايا جديده ازاي بس ده مش دورنا في سنه المعلومه الاخيره بقول لك تحتوي جميع الكائنات الحيه على او جميع خلايا الكائنات الحيه على غشاء لو رحت لاي كائن حي وبصيت على الخليه بتاعته سواء كان نبات او حيوان هتلاقي عندهم حاجه اسمها غشاء بص الغشاء هنا اهو دي خليه حيوانيه الخليه النباتيه الخليه النباتيه في جوه هنا اهو اللي هو الابيض دههو ده غشاء برده يعني اي خليه لاي كائن حي لازم بيبقى فيها حاجه اسمها غشاء الغشاء ده اسمه غشاء الخليه جميل بس مش كل الخلايا فيها جدار كل الخلايا فيها غشاء بس مش كل الخلايا فيها جدار بينما بعض الخلايا تحتوي على جدار يحيط بالخليه من بره وبيحدد شكلها بيسمى الجدار الخلوي زي اللي قدامك ده يا باشمهندس ده كده الجدار الخلوي الجدار الخلوي موجود في الخلايا النباتيه مش موجود في الخلايا الحيوانيه ناكداني كل الخلايا فيها غشاء اللي هو الغشاء الخلوي بنسميه غشاء بلازمي ده موجود في كل الخلايا بس مش كل الخلايا فيها جدار خلوي لا زي بس مين اللي فيها جدار خلوي؟ الخليه النباتيه الصفحه دي مهمه جدا الحقيقه الصفحه دي يا جماعه ناكد عليها ناكد على المعلومات الموجوده في الصفحه دي ونكمل يلا خلاص قربنا نخلص الدرس الاولاني فعليا ما فيش لا دقيقه ولا دقيقتين ونخش نحل على طول بس في ملحوظه مهمه جدا يا اد واحد يقول لي يا مستر ايه اللي يخلي الخلايا الموجوده في نفس الجسم تختلف من مكان لاخر طب مش احنا في نفس الجسم مكاني كلهم يكونوا شبه بعض وخلاص ارجع اقول لك يا باشمهندس كلمه مشهوره جدا ان اختلاف شكل وتركيب الخليه بيرجع لاختلاف الوظيفه بتاعتها يعني الخليه دي بتعمل ايه وظيفتها ايه بناء على الوظيفه بتاعتها بيختلف شكلها وتركيبها تختلف خصائص وتركيب الخلايا داخل الكائن الحي بسبب اكمل بسبب اختلاف وظيفه الايه الخليه فاختلاف الوظيفه يؤدي لاختلاف الشكل والتركيب بس كده سهله اهي الخليه زي ما قلت لك بتقوم بج جميع العمليات الحيويه واللي بيقوم باي شغل له متطلبات اللي بيعمل شغل بيقول لك لا انا محتاج كذا وكذا وكذا عشان اعمل لك شغلي على اكمل وجه وبما ان الخليه بتعمل شغل وبتعمل كل الشغل على فكره مش بتعمل شغل بس ده بتعمل كل العمليات الحيويه اللازمه لبقاء الكائن الحي على قيد الحياه اذا اكيد لها متطلبات لها احتياجات عشان تبقى على قيد الحياه وبالتالي يبقى الكائن الحي اللي هي بتكونه على قيد الحياه الخليه محتاجه غذاء لا ايوه محتاجه عناصر غذائيه واكسجين وده اول احتياج خلاص ثاني حاجه خلي بالك ان السؤال ده الاجابه بتاعته اما اقول لك علل هي ليه محتاجه الغذاء تقول لي الحصول على الطاقهاني حاجه محتاجه الميه مين فينا ككائن حي بعيدا عن الخليه مش محتاج الميه الميه ضروريه لاي كائن حي للبقاء على قيد الحقيقه ثالث حاجه التخلص من الفضلات الفضلات لو اتركمت جوه الخليه الخليه تموت لازم الخليه تتخلص من الفضلات بتاعتها باستمرار وده هندرسه في منهجنا على فكره اذا متطلبات احتياجات الخليه حتى تظل على قيد الحياه ايه هي اول حاجه تحتاج الخليه للغذاء العناصر الغذائيه والاكسجين علل للحصول على الطاقه طيب محتاجهاني ايه محتاجه الميه ليه ضروريه للحياه ومحتاجه انها تتخلص من الفضلات بعد ان تاخذ العناصر الغذائيه اللازمه بيبقى في عندها بعض الايه الفضلات عايزين نتخلص منها بقى جميل طيب مين يقول لي السؤال ده صح ولا غلط؟ يبقى شاطر صراحه. هل تتشابه احتياجات الخليه مع احتياجات الكائن الحي اللي هي بتكونه؟ نعم وبقوه. نعم وبقوه. الخليه هي وحده بناء الجسم. فاكيد احتياجات الجسم هي نفس احتياجات الخليه لان الخليه هي اللي بتكونهم. انا بكون حاجه يبقى احنا الاثنين واحد. اذا احتياجاتي هي احتياجات الجسم طبعا احتياجات جسمك هي احتياجات الخليه اللي بتكون جسمك فطبعا تتشابه احتياجات الخليه مع احتياجات الكائن الحي ليه؟ لان الخليه تعد وحده بناء جسمه فاحتياجات الحاجه اللي بتكوني هي احتياجاتي خلاص ملحوظه اخيره ونخش نحل على الحصه وشكرا طيب بص يا باشمهندس من شويه قلنا ان جميع الكائنات الحيه لو بصينا على الخلايا بتاعتها هنلاقي فيها غشاء ده كده اسمه غشاء غشاء خلوي او غشاء بلازمي الغشاء ده موجود في كل الخلايا زي ما احنا قلنا وله وظيفه مهمه مهمه مهمه الغشاء ده يا حبايب قلبي بيسمح بدخول وخروج المواد من والى الخليه ومن ضمن الحاجات اللي بتدخل وتخرج الميه فالغشاء ده بيسمح بدخول الماء اهو الماء والماء لما بيدخل بيكون معاه عناصر غذائيه فطبعا الخليه محتاجه عناصر غذائيه ووميه ضمن الاحت الاحتياجات الاساسيه بتاعتها فبتدخل منين؟ بتدخل بعد ما تاخد اذن الغشاء بتقول له انا جايه معايا مصلحه كويسه للخليه فانا عايز ادخل يقوم رايح مشيك عليها تمام الدنيا امان يدخلها طب الميه عماله تدخل تدخل تدخل تدخل مش ده هيخلي الخليه الخليه دي يا هندسه حاجه رقيقه كده مش ده هيخلي الخليه تنتفخ تنتفخ تنتفخ وبوم تقوم تنفجر لو الميه فضلت تدخل بس طب ايه اللي ما بيخليش الخليه تنفجر ان الغشاء البلازمي ده او الغشاء الخلوي ده بيعمل حاجه ممتازه جدا ان الماء الزائد اللي جوه يبدا يخرجه عشان الخليه ما تنتفخش وتنفجر فبيعمل على حفظ توازن الماء على جانبيه جوه وبره يخلي الميه جوه وبره متوازنه عشان الخليه ما تنفجرش فبالتالي غشاء الخليه ودوره في ده في في حاجات كده بتقع مننا في تصميم الكلام بس مش مشكله يعني حاجات مقدور عليها غشاء الخليه ودوره في حفظ توازن الماء على جانبيه او في الخليه غشاء الخليه يا باشمهندس بيساعد في الحفاظ على توازن الماء على جانبيه حيث ينظم دخول الماء وخروجه في البدايه بيسمح هذا الغشاء بدخول الماء الى الخليه للقيام بالعمليات الحيويه ها ومن ثم يسمح بخروج الماء الزائد حتى لا تنفجر الخليه او حتى لا تنتفخ الخليه وتنفجر فالغشاء يا باشمهندس بتاع الخليه لدور مهم جدا وهو حفظ توازن الماء على جانبي او على جانبيه حتى لا تنتفخ الخليه وتنفجر كده بنكون خلصنا الدرس الاولاني تعالى يا باشمهندس نبدا نحل على الحصه ونشوف الاسئله المقالي اللي ذكرت في الدرس وخلي بالك لان الاسئله المقالي ممتازه على الدرس الاول طيب بيقول لي صح ام خطا في البدايه بيقول لي يعتبر الجهاز الهضمي نظاما في جسم الانسان صح حته بقى انه يضحك عليك ويقول لك نظام فرعي او نظام مش عارف ايه هو نظام اه نظام فرعي ايه المشكله يعني واحد يقول لك نظام فرعي ازاي مش المفروض نظام اساسي هو هنا يقصد انه نظام يعني في عندنا جسم الانسان ده كده نظام بيتفرع جواه لعده انظمه منهم الجهاز الهضمي وصلت فنظام فرعي يعني بيجي تحت النظام الكبير بعناى اللي هو جسم الانسان يعني تحتوي جميع الخلايا على نواه ليست كل الخلايا تحتوي على نواه يتكون جسم الانسان البالغ من 40 ترليون خليه تقريبا مظبوط يتراوح طول الخليه النباتيه والحيوانيه بين 0.1 من و5000 ملي تقريبا كلام مظبوط يعتبر جسم الانسان نظام اي الخلايا او اي خلايا الكائنات التاليه يعد الاصغر حجما الاسد ولا النبات ولا القطه ولا واحد فيهم البكتيريا لان احنا قلنا ان احنا عندنا خلايا صغيره جدا وهي خلايا بكتيريه عاده ما تكون اصغر من الخلايا الحيوانيه والنباتيه اللي هم الثلاثه دول بيقول لي يتكون كلا مما يلي من خلايا ا ما عدا ما عدا ده ايه الحاجه اللي ما فيهاش روح الهواء كل دول بيتكونوا من خلايا لانهم كائن حي علل بيقول لي يساعد غشاء الخليه على توازن الماء على جانبيه لانه بيسمح بدخول الميه وبيخرج الزياده لانه يسمح بدخول الماء وخروج ما يزيد عن حاجه الخليه خلينا نكمل هنا بيقول ا اذكر العوامل التي يتوقف عليها عدد الخلايا في الكائن الحي مش احنا قلنا باشمهندس ان عدد الخلايا بيتوقف على نوع الكائن الحي اول حاجه زي ما ضربنا مثال بالفيل والفار كده وتاني حاجه المرحله بتاعه النمو نمو الكائن الحي لما ضربنا مثال بولي الامر والولد الصغير وقلنا ان كل كل ما الولد بيكبر او كل ما بيعدي فتره زمنيه على الولد ويروح لمرحله اكبر كده جسمه بيكون زاد في عدد الخلايا فعندنا حاجتين بيتوقف عليهم عدد الخلايا هو نوع الكائن الحي ونمو الكائن الحي ثالث حاجه بيقول لي تتشابه احتياجات الخليه يه مع احتياجات الكائن الحي للقيام بانشطه الحياه المختلفه اذكر تلك الاحتياجات اول حاجه كده الغذاء والاكسجين ثاني حاجه الماء وبعدين التخلص من الفضلات الكلام ده مهم يا جماعه ما الفرق بين الكائنات الحيه وحيده الخليه والكائنات عديده الخليه مع ذكر مثال الكائنات الحيه وحيده الخليه كائنات بسيطه جميل يتكون جسمها من خليه واحده مثل البكتيريا طيب بعد كده كائنات عديده الخليه هي كائنات جسمها بيتكون من اكث من خليه يا باشمهندس كائنات معقده الاول معقده بيتكون جسمها من خلايا عديده مثل مين مثل الحيوانات مثلا او النباتات نباتات جميل طيب عندي سؤال واجب اللي هو سؤال المقارنه ما بين خليه بيض ده الطائر والبكتيريا من حيث الحجم احنا قلنا ان احنا عندنا خلايا كبيره وخلايا صغيره وخلايا صغيره جدا صنف كل واحده بقى طيب بيقول لي عدد خلايا القطه نقط عدد خلايا النمله اكبر طبعا ليه لان القطه جسمها اكبر من من جسم النمله بيقول لي يحيط نقط بمكونات الخليه المكونات بيحيط بها غشاء الجدار ده بره بره يعني بره خالص بيحب الغشاء من بره ينمو جسم الكائن الحي عن طريق زياده عدد خلايا بالاساس وليس طوله وحجم بيقول لي يعتبر العضوي نظام يتكون من مجموعه في اول ورقه خالص العضوي بيتكون من مجموعه من الايه من الانسجه اخر سؤال بيقول لي ما المقصود بالخليه وحده بناء الكائن الحي ممكن تقول له وحده البناء والوظيفه عايزين تعريف واحد اذكر اسم التركيب ا ده كده جدار الخليه جدار الخليه اذكر الوظائف الحيويه التي تقوم بها الخليه من اجل بقاء الكائن الحي احنا قلنا شويه التكاثر والنمو وتعويض الخلايا التالفه هنقول له مثلا لان في حاجات كتير هنقول له التكاثر النمو وتعويض الخلايا التالفه جميل انتهى الدرس الاول بالاسئله بتاعته انزل لك الورق ده زي ما انت عارف في جروب التليجرام علشان تذاكر منه لو انت محتاجه سلام عليكم