كتابة تلخيص قصة تعبير أولى إعدادي الترم الثاني 2026

ماتش الكره 45 دقيقه ومع ذلك احنا مش فاضيين نشوفه وبنروح نجري بسرعه نسال اي حد من زمايلنا اللي شافه امبارح ونقول له ما تلخص لي كده بسرعه ايه اللي حصل تلاقيه قال لك كلمتين ورد غطاهم ده ده فلان جاب جون والفريق ده كسب والفريق ده خسر وخلصت الحكايه على كده والماتش خلص كذا كذا يبقى عندك كتاب انت نفسك تقراه بس انت مكسل او وقتك يا سيدي ما سمحلكش بده فتروح تعمل ايه تدور على ملخص للكتاب او حد بيشرح الكتاب في فيديو ملخص صغير وهكذا كلنا نفضل في دايره الملخصات علشان كده جايلك النهارده باول موضوع تعبير وهو تلخيص قصه ونعرف من خلاله ازاي نلخص عموما وكمان ازاي نلخص قصه عشان نضمن درجته في الامتحان انا مش هطول عليك اكتر من كده ونقول جملتنا المشهوره انزل بالانترو يا مصطفى في البدايه كلنا نسمي الله بسم الله الرحمن الرحيم ونصلي على النبي عليه الصلاه والسلام ونقول دعائنا اللهم لا سهل الا ما جعلته سهلا وانت تجعل الحزن اذا شئت سهلا لا اله الا انت سبحانك اني كنت من الظالمين اول حاجه عايزك تركز معايا هنا الموضوع سهل وبسيط ودرجته مضمونه ان شاء الله وكمان هنربطه بدروس القراءه اللي عندنا في المنهج اهو منها تذاكر دروس القراءه ومنها برده في نفس الوقت انك انت تكون ضمنت التعبير سمي الله وتعالى بص معايا هنا على اول حاجه عندنا وهي تلخيص قصه مبدئيا كده ركز معايا في حاجتين مهمين لازم تفهمهم كويس جدا اللي بيلخص حاجه لازم يكون قراها من اولها لاخرها او شافها من اولها لاخرها بكل تفاصيلها يعني ما ينفعش حضرتك تلخص حاجه انت ما شفتهاش لكن مسموح لك انك تسمع تلخيص لحاجه انت ما شفتهاش او حاجه انت ما قراتهاش انما لو انت اللي هتلخص يبقى لازم تقرا وتركز معايا كده عشان نعرف القواعد الاساسيه للتلخيص سمي الله وبص معايا هنا اول حاجه التعريف هي نوع من انواع التعبير الكتابي اللي احنا بنكتبه بايدينا زي اللي بيجي لنا في الامتحان بس ده بيكون عن طريق انك بتعرض افكار واحداث القصه الاساسيه بطريقه موجزه وحط لي 100 خط هنا يعني ايه موجزه يعني مختصره بس بشرط توفي الاحداث المهمه خلاص كده بغرض فهم جوهرها الجوهر ده اللي هو المضمون اللي عايز يوصل لي من القصه كامله خلاص دون الحاجه لقراءه القصتي باكملها مع الحفاظ على تسلسل الاحداث عشان خاطر مثلا ايه انا دلوقتي لما اجي اقرا الملخص احس ان انا عشت اجواء القصه كامله ما احسش ان انا لا طب انا فايتني حاجه انا مضطر ارجع اجيب القصه من اولها عشان حاسس ان انا ما فهمتش الاحداث قوي او حاسس ان انا ناقصني حاجه يبقى التلخيص ده ناقص حاجه عشان تلخيصنا ما يكونش ناقص حاجه تعالى نشوف القواعد والمكونات مبدئيا اي تلخيص انت لازم تعمل له مقدمه سريعه وبعد كده بتحدد الافكار الاساسيه وبتقفل بخاتمه سريعه بيبقى فيها المخزى كده من القصه او المخزى من الايه من الاحداث اللي هو اللي هو ايه الفايده كده من الاحداث او ايه الحاجه الاخيره اللي انت عايز توصلها لنا طيب اول حاجه بقى خطوات الكتابه مبدئيا انا قلت لك ايه عشان تلخص لازم تكون قريت عشان تلخص لازم تكون شفت بكل التفاصيل فاول خطوه قراءه القصه وتحديد الايه الفكره الاساسيه انت هتقرا القصه كلها تفهمها وتفهم الفكره الاساسيه دي اول خطوه مش الخطوه الوحيده دي اول خطوه لسه في خطوات ثانيه طيب بعد خلاص ما انا قرات فهمت حددت الفكره الاساسيه عندي ايه اللي بعد كده اللي بعد كده حضرتك هتحدد لي العناصر الاساسيه اللي موجوده اللي هي ايه اي شخص موجود في القصه تكتبه عندك تسجله اي مكان ذكر اي تاريخ ذكر اي وقت ذكر الاحداث دي كلها كده تجمعها دي اسمها العناصر الاساسيه اللي هي الاشخاص الامان اماكن والاحداث المهمه وهوريها لك كده في شكل جدول هيسهل عليك الموضوع اكتر بعد كده انت خلاص حددت الاساسيات دي خلاص الاجزاء الاساسيه الرئيسيه خلاص بتصغ الكلام ده كله بطريقه كده معينه تكون موجزه ومترابطه يبقى صياغه التلخيص ده كله انك تكتبه كده بطريقه معينه ملخصه ومترابطه لما اقراها افهم ما هو معنى كلمه مترابطه ايه اما هقراها هفهم مش هاجي اقراها احس ان انا ايه ده منين بيودي على فين وايه اللي جاب دي وايه اللي جاب دي وكلمه من الشرق وكلمه من الغرب لا يبقى الكلام بتاعي متناسق طب التناسق ده هيجي منين؟ لما تحدد الحاجات دي صح الاول ولما اصلا تفهم اللي انت قراته وهنشوف دلوقتي على نموذج عملي بعد ما تخلص بقى كل ده وعكر ان كده خلاص هي جاهزه لا ده لسه فاض لك حاجه مهمه ايه هي حضرتك هتراجع المراجعه والتحرير واستنتاج الحاجه اللي قلت لك بنكتبها في الخاتمه العبره والمخذه من القصه يعني القصه اللي انا لخصتها دي ايه المخزى والعبره اللي انا اتعلمها منها عشان هحطها وهكتبها في الاخر عشان اللي يقرا التلخيص يستفاد كانه قرا القصه كامله لان اي قصه اصلا بتبقى موجوده عندنا بيبقى اساسها ان في منها فايده هو عايز يوصلها لك انت كقارئ فلازم في التلخيص الفايده دي تتكتب طيب ايه الحاجات اللي بنراعيها عموما في مواضيع التعبير وكمان هنعيدها ثاني هنا بالنسبه لتلخيص القصه عشان ما تنقصش درجات اول حاجه انت هتستخدم لغه صحيحه وسليمه بلاش الكلمات اللي بتبقى عاميه او مش مفهومه او معناها مش واضح ترتيب المعلومات وتسلسلها رتب معلوماتك كويس والاحداث بناء على ان اللي يقرا يكون فاهم الترتيب ده ما يحسش ان هو سرح او ما يحسش ان هو في جزء واقع منه استخدام علامات الترقيم طبعا زي الفاصله الفصله المنقوطه علامه التعجب علامه الاستفهام النقطه وما الى ذلك من الحاجات دي نبهنا عليها كتير عدد الكلمات يتراوح في حدود 130 كلمه بما يعادل سبع اسطر تقريبا طيب بص معايا هنا دي العناصر اللي قلت لك عليها حطيتها لك في جدول اللي هي عناصر القصه اي قصه في الدنيا لابد ليها من العناصر دي اللي هي ايه مكان زمان الاحداث الاساسيه بتاعه القصه العقده والحل العقده دي اللي هي ايه الاثاره الحاجه اللي ادت القصه دي اثاره والحل بتاعها اللي هو ايه بقى اخره العقده دي او ايه اخره الاثاره دي رسيت على ايه؟ طيب دلوقتي هو ماشي هنا بسيستم حلو قوي بيعتبر دروس القراءه اللي في المنهج قصص وجايب التلخيص وبيسالك في تلخيصها كمان طب انت عندك كام درس في المنهج كله؟ سته بمعدل كل وحده فيها درسين وهم ثلاث وحدات يدوك ست دروس قراءه خلينا نتكلم بتوع الوحده الاولى اللي هو الجوهره المصريه الشهيد محمد ابو شقره والسد العالي او حسن مصر المائي خلاص كده قصتين قويتين جدا خلينا نمسك الاول قصه محمد ابو شقره رحمه الله عليه لما نيجي نحدد دي العناصر خلي بالك ده مش التلخيص اللي قدامك في الجدول ده ده مش التلخيص لسه ده امال ده ايه بقى ده العناصر اللي بناء عليها هنختار منها كلام نسيغه بطريقه معينه فيدينا التلخيص ركز بقى معايا اول حاجه المكان كان في اماكن كتير ذكرت زي ايه مثلا عندك محافظه الفيوم اللي بعد كده عندك شمال سيناء اللي كان بيشتغل فيها او بعض العمليات اللي كان بيعملها هناك خاصه في جبل الحلال والعريش ومناطق اخرى خلاص الزمان اتذكر تاريخ ميلاده وتاريخ استشهاده دول اثنين حاجتين ذكروا كان تاريخ الميلاد 1983 واستشهد في التاسع من يونيو 2013 في اثناء ادائه مهمه خاصه التاريخين دول لما ذكروا احنا حددناهم كزمان زي الاماكن لما ذكرت المكان اللي اتولد فيه والمكان اللي اشتغل فيه او استشهد فيه ذكرناهم هنا عندنا احنا لسه بنايه بنحصر الحاجات الاول كده كاننا بنفرز القصه قصه وبنجيب كل حاجه على جنب كده وبعد كده بقى هنبدا ننقي الكلام الذي يتناسق ويتسلسل مع بعضه فيديني ملخص قصه جميل طيب اللي بعدها الاحداث عندي هنا اول حاجه نشا محمد ابو شقره في بيته يقدر الشرف والواجب وده كان طبعا حدث مهم جدا لان ده بيبين دور الاسره في التنشئه والتربيه حقق حلمه بالالتحاق بكليه الشرطه ثم تخرج ضابطا شابا يتمتع بالانضباط والشجاعه كان انسانا رحيما كفل الايتام ساعد الاسر المحتاجه كان اخا متواضع مع زملائه وابن حنونا للاطفال انا بقرا بسرعه علشان خاطر الكلام ده احنا اصلا كنا ذكرناه بالتفصيل في الدرس بتاعه خلاص تقدر تشوف الشرح بتاعه لو فاتك خلاص كان يعرف بين زملائه بالشبح وطبعا ده كان لقب مهم جدا وقلنا ان هو لقب بيه ليه علشان كان ليه قدره كبيره على التخفي فكان بينجز المهمات المكلف بيها من غير ما يرصد او يتم اكتشاف امره خلاص كده فدي كلها الاحداث المهمه اللي تقريبا ذكرت مع فكره ان هو في الاخر اشتغل في العمليات التي كانت تكافح الارهاب في شمال سيناء. العقده والحل بقى اللي هم الحدثين الاساسيين بتوع القصه اللي فيهم الاثاره بقى. اول حاجه العقده ان هو اصلا نفسه كان هدف سمين للجماعات الارهابيه عشان هم كانوا بيخافوا منه عايزين يقتلوه. خلاص كده طب ليه اصلا عشان كده احنا اعتبرنا ده الحدث الاساسي او العقده ليه كانوا عايزين يقتلوه لان هو كان مصدر رعب حقيقي ليهم بجد وفعلا في التاسع من يونيو 2013 كان في مهمه خاصه لملاحقه عناصر ارهابيه خطيره في العريش وقع اشتباك عنيف بينه وبينهم هنا بقى تكمن العقده لانه كان ممكن يهرب ويسيب الموضوع ده ويمشي الا انه اختار انه يكمل طريقه لاخر لحظه ويدافع عن وطنه وبلده وارضه ا لحد اخر لحظه علشان كده بنعتبر ده الحدث الاساسي للموضوع كله ثم الحل في الاخر ايه ان هو اصر فعلا خلاص ان هو قال لك انا هكمل ومش هتراجع ولا استسلم ابدا لحد ما ارتقى شهيدا يرفع راسه او مرفوع الراس وده يدل على الشرف والرفعه والعزه ما تزلش خلاص ليصبح مثالا يحتذى به في الانتماء والتضحيه من اجل لوطنها طيب ده كده انت كده ده الجدول ده يثبت انك شخص قري كويس وفاهم لما نيجي بقى نلخص هنعمل ايه صلي على النبي جايب لك نموذج هنحلله مع بعض نبص على الحاجات المهمه عشان نفهم احنا هنكتب ازاي لاننا هنكتب شبهه اول حاجه بص معايا انت هتبدا بانك تمسك الشخصيه الاساسيه الرئيسيه وتتكلم عنها اللي هو بطل القصه او العنصر الاساسي في القصه فهو هنا بدا وقال لك ايه ولد الشهيد محمد ابو شقره في عام 1983 في محافظه الفيوم ادي وظف تاريخ من الزمان ووظف مكان من اللي كانوا موجودين فوق وهو اعتبرهم تواريخ واماكن اساسيه علشان ده تاريخ ميلاد البطل والمكان اللي اتولد فيه فلازم يذكر ده عنصر اساسي في بيت يقدر الشرف والواجب لان ده بيبين التنشئه والتربيه اللي هو اترباها فده عنصر اساسي بعد كده لازم يكلمنا عن تعليم ودراسته التحق بكليه الشرطه ثم تخرج ضابطا شابا يتحلى بالانضباط والشجاعه كان انسانا رحيما هيبدا يكلمني هنا عن صفاته او سماته السمات الشخصيه ليه او الصفات الشخصيه ليه عشان دي هتفرق خلاص فقد اكفل الايتام وساعد الاسر المحتاجه وكان اخا متواضعا مع زملائه وابا حنونا للاطفال بعد كده بدا مسيرته في مكافحه الارهاب والتطرف هيبدا ينقلني واخد بالك انت بالجمله دي بينقلني على الحدث الاساسي او العقده خلاص ان هو بدا يخش في مكافحه الارهاب خاصه في مناطق شمال سيء ادي مكان تاني تم ذكره بس ايه شفت فوق كنا مجمعين الاماكن مع بعض هنا بدا يوظفها حط لي محافظه الفيوم وقت ما اتكلم عن ميلاده وحط لي شمال سيناء وقت ما اتكلم عن المهمات الخاصه اللي كان بيشتغل فيها او بيتكفل بيها طبعا ذكر برده مكان ثاني مثل جبل الحلال والعريش حيث برز بين زملائه بلقب الشبح وده برده كان حاجه مهمه انك تعرف لقبه لان ده بيدل على كفاءته وجودته في الشغل بتاعه خلاص ليه لقدرته حتى دي الجمله دي اصلا جمله تعليليه علاقتها باللي قبلها تعليليه ببين السبب لقدرته الفائقه في التخفي وتنفيذ المهام بسرعه وكفاءه وما كانش حد يقدر يرصده ولا يكشفه بعدها بقى بيقول لي هنا اصبح البطل هدفا للجامعات الارهابيه التي كانت تخشاه وبتخاف منه ليه جمله تحليليه ثانيه اهي بتربط الكلام ببعضه وبتفهمني اكتر وده فايده دراسه البلاغيات عشان يبان استخدامها في كلامي لما اجي اكتب عشان اللي يقرا يفهم اهي جمله تعليليه مش كان بيسالني في العلاقات بين الجمل عشان العلاقات دي كان اساسها وغرضها البلاغي اصلا انها بتخلي الموضوع مترابط اكتر خلاص واكثر فهما وبعد كده بيقول لك وفي يوم التاسع من يونيو 2013 في اثناء لا مهمه خاصه لملاحقه العناصر الارهابيه في العريش وقع اشتباك خلي بالك ان هو قبل ما يتكلم عن الاشتباك ذكر لك مكان مره ثانيه اللي هو العريش المكان اللي تقريبا يعتبر برده مكان اساسي بسبب استشهاد البطل فيه وكان م لي وقال لي وقع اشتباك عنيف اصر خلاله البطل محمد على اكمال مهمته دون تراجع او استسلام وختم لي وقال لي فارتقى شهيدا مرفوع الراس لان ده حدث مهم لازم يذكر ان قصته ختم اتمت بالشهاده ولكنه ما قفلش ما جاش هناحط لك القوس وقفل ليه فين بقى العبره من القصه ما انا قلت لك انت في الاخر لازم تقول لي العبره العبره من الموضوع ايه فالعبره هنا ليصبح مثالا يحتذى به في الانتماء والتضحيه يبقى ده السطر ده بيمثل الايه العبره من الايه والموعظه من القصه نفسها كده تاخد ايه درجتك كامله ونقول لك فنان مبروك عليك طيب هل ممكن يجيب لي شكل ثاني من اشكال التلخيص اه ممكن يجيب لك مثلا قصه او حاجه بسيطه في ثلاث سطور ويقول لك لخصها في سطر هتعملها ازاي خد الجمل الاساسيه صغيره بسيطه مع بعض تتركب تديك معنى مفيد واختصر الموضوع على قد ما تقدر كنت زمان انت فاكر ان التعبير لما ترغي كتير كان حلو الا في التلخيص الرغيير ضدك مش معاك كل ما اختصرت واوجزت وكفيت ووفيت الاحداث كل ما كان احسن ليك خلاص كده فبرده وارد هو يجيب لك حدث مثلا من ثلاث سطور ويسالك يقول لك لخصه لي انت في سطر طب نفترض لو كان طالب مني مثلا ان الخص قصه من دماغي انا ممكن اختار مثلا السد العالي طب السد العالي هتركز على ايه ركز على الاساس مصر قبل السد العالي كانت ايه وليه كانت محتاجه السد العالي وبعد السد العالي بقت ايه والعبره من موضوع يعني العبره دي ممكن تلخصها من القيم المتضمنه في الدرس بتاعك فاهم الفكره يعني هو هنا بيتكلم عن الانتماء والتضحيه ما دي قيم متضمنه في درس اصلا محمد ابو شقره فهمت الفكره برده القيم المتضمنه الموجوده في درس السد العالي ممكن تصيغ منها ايه العبره اللي هي اخر سطر بتقفل بيه الايه التلخيص بتاعك اللي هو طب انت حكيت لي القصه الجميله دي ما شاء الله ليه عشان في عبره معينه لازم توصل لك تستفاد منها خلاص لان انت كنا بنتكلم عن السد العالي قد ايه هو كان حافز للمصريين وبيمثل ارادتهم وان احنا شعب قادر انه يقف ضد التحديات وعنده اراده قويه يبني بيها المشاريع يروح شوف الدرس لو ما شفتوش فتقدر ان من خلال القيم المتضمنه تصيغ الجمله اللي فيها العبره طيب بص معايا بقى خليني كده اوريك شويه اسئله هو مش هيجيب لك شبه دي بس دي هتساعدنا شويه ان احنا نتاكد ان احنا فاهمين بص معايا اول حاجه اكمل هو مش هيجيبها لك كده لكن انا جايب لك اكمل دي عشان نفهم الموضوع بشكل اكتر واعمق واتاكد انك فهمت من اهم خطوات التلخيص ايه احنا ايه من اهم الخطوات اللي تعتبر عندي ايه ان انا بحدد الايه فاكر انا بحدد الايه العناصر الاساسيه فتقول له من اهم الخطوات اصلا انك اساسا تحدد العناصر الاساسيه خليني انا مش هكتب بس عشان ايه وقت الفيديو ما يطولش عليك انا عارف ان انت بتزهق بسرعه خلاص طب رقم اثنين يجب حذف نقط اثناء التلخيص اي عناصر غير هامه ورئيسيه يعني اي عنصر مش مهم ومش رئيسي ممكن احذفه فاهم الفكره انا بركز على العناصر اساسيه لكن انا ممكن احذفه اي عنصر غير مهم وغير رئيسي اللي بعدها صح وغلط يجب ان اكتب كل تفاصيل القصه في التلخيص كل التفاصيل امال اسمه تلخيص ليه لا مش كل التفاصيل غلط التلخيص يوضح الفكره العامه فقط يعني التلخيص ده بيديني فكره عامه فقط من غير اي تفاصيل ما هو ولا كده ولا كده يا جماعه هي انت مش هتقول كل التفاصيل اه بس مش هتقول الفكره العامه بس هتقول الفكره العامه مع بعض التفاصيل الهامه اللي تفهمني الموضوع كله كامل متكامل يبقى برض لا مش الفكره العامه فقط فكره عامه مع التفاصيل الهامه من المهم استخدام جمل قصيره واضحه اه طبعا ده علشان انت عايز تختصر صح يبقى لازم جملتك تكون قصيره وواضحه وبتكفي وبتوفي اللي بعدها يجب ان اضيف رايي الشخصي في التلخيص هو احنا بنضيف راي الشخصي ولا العبره انا قلت لك اخر سطر بنقفل بيه قلت لك قول رايك ك الشخصي ولا قول لي العبره المستفاده من القصه العبره المستفاده فانا مش بقول رايي الشخصي انا بقول العبره والعبره دي ناتجه مش عن رايي الشخصي ناتجه عن فهمي للقيم المتضمن في الموضوع التي يتضمنها هذا الموضوع التي يتضمنها هذه القصه خلاص كده طيب برده ممكن يجي لك مثلا بقى اللي هو السؤال اللي بالشكل ده طبعا خلاص قم مثلا باختيار قصه عن حياه احد الشهداء المصريين الذين بذلوا ارواحهم فداء لمصر والخصها مبينا دوره في خدمه الوطن ممكن على فكره ما يكونش شهيد يقول لك احد العلماء ممكن يقول لك مثلا ا مشروع قومي ا او مثلا قصه اعجبتك او حاجه من الحاضر زي الذكاء الاصطناعي كل دي اصلا موضوعات عندك في دروس القراءه بس وهيقول لك بقى طبعا مراعي عناصر القصه مع التركيز على اختيار المفردات والتعبيرات الدقيقه المناسبه تسلسل منطقي املاء وخط سليمين في حدود 130 كلمه اللي هو تقريبا سبع او 8مان تستر طيب في ناس دلوقتي هتقول لي طب الجدول يا مستر اللي انت كنت حاطه فوق ده انا هكتبه له لا ده انت بتبقى محضره في دماغك بعد ما بتقرا القصه بيساعدك انك بتختار منه الاحداث دي وترتبها بشكل معين مختصر فيديك التلخيص فالجدول اللي فوق ده انت عشان تفهم منه لكن انت مش هتكتبه له ده بتعمله امتى بقى في الوقت اللي انت عندك وقت ان انت تقرا القصه اصلا وتذاكرها قبل الامتحانات بتاعتك قبل امتحان الشهر وقبل امتحان ايه نص السنه بتعمله كده في الكشكول بتاعك زي كانه واجب يعني مثلا لو انا طلبت منك دلوقتي انك تعمل تلخيص قصه للسد العالي هتعمل ايه؟ لازم تروح تقرا السد العالي كقصه كامله وتفهمها وتعرف القيم المتضمنه وتفهم العلاقات اللي بين الجمل وتروح عامل الجدول عشان تحدد منه العناصر الاساسيه وبعدها تبدا تكتب التلخيص بكده اتمنى انك تكون فهمت الموضوع بشكل دقيق فبجد لو فهمت ادعي لي دعوه حلوه من قلبك وما تنساش ان شيرك بينفع غيرك محتاجين دعمكم جدا والله وكل ما تزهق افتكر ال اللي على ظهري دي زي ما بصيت عليها كتير في الترم الاول وناس كتير منكم حققتها ده كان بفضل الله سبحانه وتعالى انا بحبكم في الله استنى الفيديوهات اللي جايه بس كده ويلا سلام