شرح و حل اسئلة الوسيط والمنوال صف خامس رياضيات قناة حياتنا التعليمية

اهلا وسهلا بكم اعزائنا هذه قناه حياهنا اور لايف نرحب بكم جميعا في قناتنا الرسميه التي تقدم شروحات مبسطه من الصف الاول الى الصف العاشر المواد الرئيسيه اهلا وسهلا بكم جميعا اي فيديو انتم بدكم تلاقوه يا متابعينا بتلاقوه على قوائم التشغيل او البلاي ليست بتختاروا منها الصف والوحده المطلوبه كمان اقدم اكيد نماذج الامتحانات وشرح حصري نحن الوحيدين على اليوتيوب يلي بنقدم شروحات لماده الكلوز اب لوك كلياتها بتلاقوها موجوده غير طبعا الاكشن باك الحسري الشرح الحصري بده بس انه ترسلوا ايميلاتكم على جيميل لنا عشان نفعل لكم الفيديوهات لانه ما بتقدروا تشوفوها الا رح يكون الفيديو خاص اعزائنا نبتد مع بعض درس اليوم رح يكون لطلاب الصف الخامس ماده الرياضيات هو هذا الدرس الثاني اهلا وسهلا بكم نبلش مع بعض رح نحكي عن مفهومين يا خامس المفهوم الاول اسمه الوسيط احنا درسنا بالدرس الماضي عن الوسط اليوم رح نحكي عن الوسيط ورح نحكي عن المنوال كشرح سريع بالنسبه للوسط الحسابي نتذكر فيه زي كانه انت عم تحسب معدلاتك يا خامس بتجمع كل الارقام وبتقسمها على عددها خلينا نشوف اذا طلب منا السؤال طلع لي مش وسط طلع لي وسيط او طلع لي المنوال شو يعني منوال وشو يعني وسيط خلينا نشوف هلا هون بقول لنا بالتعريف الميديان او الوسيط هو القيمه التي تتوسط البيانات لما نرتبها تصاعدي او تنازلي اذا كان عدد القيم زوجي فانه توجد قيمتان في الوسط عليه يكون الوسيط هو الوسط الحسابي لهاتين القيمتين خلينا نشوف المقصود شو المقصود بالضبط بهذا الكلام يعني خلينا نجرب السؤال هذا اللي بالاعلى بيحكي لنا استكشف في بحث حول عدد ساعات دراسه طلبه الصف الخامس كانت اجابات كم طالب سبعه بقولوا كانت اجاباتهم كالتالي شيء حكى اثنين شيء بيحكي ثلاث شيء بيحكي واحد اثين اربعه واحد ا اوكي السؤال بيحكي لنا شو عدد الساعات التي ذكرت اكثر هذا رح نخليه شوي كمان شوي لانه هذا هو شرح المنوال خليه شوي يا خامس السؤال هذا نيجي بالنسبه للميديان او الوسيط هون بالسؤال بيحكي لنا اجد الوسيط للقيم الاتيه هي القيم بيجي بيعطيك اياها زي هيك نحن بنعطي اسئله بالامتحانات بنحط هذه الارقام وبنقول لك طلع لي اياه يا وسط يا وسيط يا منوال طيب خلينا نجرب اول شيء الوسيط درس اليوم اذا رح يكون عن الوسيط اهم شغله بالوسيط يا خامس انك انت ترتب سواء تصاعدي او تنازلي مستحيل انت تبلش وتحل هيك ممنوع منعا بات يا خامس بالنسبه للوسيط انك تشتغل على هي الارقام ابدا لازم ترتبها تصاعدي او تنازلي هلا هون الكتاب رتبوا لنا اياها تصاعديا بلشوا من العشره الش العش اقل قيمه فبتبلش من 10 بعدين 11 الى العدد 30 طيب هي اهم شغله ثاني شغله بالنسبه للوسيط بقول لك القيمه الموجوده بالنص خلينا نشوف شو هي القيمه الموجوده بالنص نفس هي الاعداد بدك تشطب واحده من اليمين واشطب واحده بال باليسار عشان نشوف مين اللي بالنص اشطب كمان واحده واشطب كمان واحده اذا هينا هون 10 راحت مع 30 ال 11 راحت مع 27 شطب ما بدنا اياهم ال 13 راحت مع ال 20 شطب وحده من اليمين وواحده من الشمال شو اللي ظل عندي بالنص الرقم 15 فاذا نكتب هون تحتيها هذا هو الوسيط وليس الوسط انتبهوا هذا هو الوسيط طيب ناخذ كمان مثال قال لنا سواء كان العدد تصاعدي او تنازلي اذا كان عندك بالنص مش قيمه واحده طلع معك قيمتين كيف رح نحلها شو بدنا نعمل خلينا نشوف الارقام الموجوده هون عننا هون شوي كبرونا الارقام من ثلاث منازل زل بقول لنا برضه نفس الشيء ما هو الوسيط كيف بدنا نحل بصير نحل هيك مباشره اشطب واحده من هون وواحده من هون وواحده من هون هيك لحد ما يطلع لي شيء بالنص ممنوع منعا بات اهم شغله بالوسيط يا خامس رتبوا لا تنسوا ترتبوه دائما بنرتب يعني هون الكتاب رتب لنا تصاعديا برضه بلش من الصغير اللي هي 270 اصغر قيمه لحديه اعلى قيمه اللي هي ال 430 طيب خلينا نشطب مع بعض 270 شطب شطبناها مع ال 430 290 شطبناها مع ال 400 ال 300 اللي هون شطبناها مع 355 شو صفى عندي عددين هذا العدد الاول هذا الثاني سؤال شو هو الوسيط كيف بدنا نطلع الوسيط قال لنا الوسيط تعريف هو اللي بده يكون القيمه اللي بالنص طب عندي قيمتين انا شو اعمل بهي الحاله بقول لنا السؤال لما يكون عندك حاله زي هيك مباشره طلع لي الوسط الحسابي تبعهم عشان هيك نحن بلشنا بدرس درس الوسط الحسابي قبل الوسيط يعني بدي اجمع هذول القيمتين ونقسمهم على عددهم اللي هو على اثنين اجمع 310 + 320/ 2 رح يطلع معك الجواب 315 ببساطه بتقول لي الوسيط هو الوسط الحسابي لهاتين القيمتين 310 320 وبيكون 315 طيب ناخذ شويه كمان اسئله اتحقق من فهمي على الوسيط السؤال هون بيحكي لك هي الارقام بصير احل مباشر اشطب من هون لهون نو ممنوع بدك تبلش وترتبهم وتقول واحد بعدين اثنين بعدين عندك الثلاث الاربعه مكرره مرتين وبعدين عندك السبعه نشطب واحد بشطب السبعه بنشطب الاثنين نشطب الاربعه بضل عندك ثلاثه واربعه اجمعهم مع بعض بيطلعوا سبعه اقسمهم على اثنين بيطلع 3 طيب نيجي لهون نفس الشيء بدك ترتبهم تصاعديا وتشوف شو القيمه اللي بالنص يعني بدك تحط اول شيء اثنين بعدين الثلاث بعدين التسعه بعدين ال 14 بعدين ال 55 بعدين ال 70 بعدين ال 100 وبدك تبلش تشطب يعني الاثنين بتروح مع ال 100 الثلاثه بدها تروح مع ال 70 التسعه بدها تروح مع ال 55 بصفي عندك ال 14 هي الوسيط طيب اذا هيك نحن خلصنا من اول قسم معنا بدرسنا لليوم اللي هو الوسيط خلينا نشوف شو يعني كلمه منوال منوال بالانجلش معناها مود اذا المنوال لبعدين فيك تاخذ هذه التيرمز او هي المفاهيم رح تشوفها في التحليلات الاحصائيه بكره بس تكبروا يا خامس وصيروا تعملوا دراسات وتكملوا دراساتكم العليا رح تشتغلوا كثير على الاحصاء وعلى القيم الاحصائيه وال كيف تعملوا تحليل تحليلات احصائيه تمام فكثير رح تستخدموا الوسط الوسيط المنوال في دراساتكم فخلينا نشوف شو يعني كلمه منوال او مود المود او المنوال هو القيمه الاكثر تكرارا بين البيانات يمكن ان يكون لمجموعه بيانات منوال واحد او اكثر وقد يكون لا منوال لها يعني ممكن ما يكون منوال بالمره لانه ولا قيمه متكرره او ممكن يكون عندك مثلا اذا تكررت الثلاثه مرتين والاربع مرتين بنفس السلسله او بنفس مجموعه الارقام عادي بيطلع معك المنوال رقمين ما في مشكله طيب خلينا نشوف هذا المثال بيقول لنا جد المنوال لكل مجموعه بيانات مما ياتي طلع لنا المنوال لاعمار المشاركين في المسابقه طيب عندك كم واحد كان عمره 10 كان عندك شخص واحد كم واحد كان عمره 11 شخصين كم واحد عمره 12 ثلاثه هون شخص واحد هون اثنين وهون شخص واحد طيب السؤال شو قال لنا ما قال لنا لا وسط ولا وسيط قال لنا طلع لنا المنوال المنوال نرجع مره ثانيه للتعريف القيمه الاكثر تكرارا بين البيانات شو اكثر قيمه تكررت خلينا نتفرج مين اكثر شيء تكرر كان العمر 12 تمام يعني عندك ثلاث اشخاص اعمارهم 12 مباشره بتقول لي اكثر قيمه تكررت هي 12 اذا المنوال هو 12 طيب ناخذ مثال اخر هي البطاقات اللي انتم شايفينها برضه طلع لنا المنوال خلينا نشوف كم واحده خضراء عندك ثلاثه مبين انه انه الاخضر هو اكثر لون طيب الاصفر الاصفر برضه ثلاثه اذا عندي لونين متكررات اذا اكثر البطاقات التي تكررت هي البطاقات الصفراء والخضراء لذا يوجد منوالان هل يوجد مشكله؟ ما في مشكله اذا ممكن يكون عندي منوال واحد ممكن يكون عندي اكثر من منوال ممكن بالمره ولا منوال طيب خلينا نشوف هون عندك السين تكررت مرتين النون تكررت مرتين نفس الشيء بنقول انه ال طيب واللام كمان تكررت مرتين طيب بهي الحاله شو بدنا نعمل يا خامس؟ اذا لاحظنا اللام تكررت مرتين والسين مرتين والنون مرتين يعني كل رقم عننا تكرر مرتين بهذه الحاله شو بدنا نعمل؟ بنقول ما دام كل حرف تكرر مرتين لا يوجد اي حرف تكرر اكثر من غيره فبالتالي بقول لا يوجد منوال لهي البيانات اذا هون اخذنا المنوال على ثلاث اشكال منوال واحد وهون عندي منوالين وهون ولا يوجد ولا اي منوال طيب نيجي لاسئله تتحقق من فهمي صفحه 132 السؤال الاول بيقول لنا علامات مجموعه من الطلبه باختبار الرياضيات زي ما انتم شايفين بالضبط شو هو المنوال؟ المنوال هو القيمه الاكثر تكرارا يعني بنقول 13 شايفينها 13 متكرره ثلاث مرات فهي الاكثر تكرارا السؤال الثاني الرياضه المفضله لدى مجموعه الطلبه القدم السله السباحه قدم طائره قدم تنس طاوله لاحظنا انه القدم هي الاكثر تكرارا فبنكتب عند القدم هي المنوال طيب نيجي لاسئله الدرس نفتح افتح على صفحه 133 يا خامس ونشوف حلول هذه الاسئله. السؤال الاول بيقول لنا اجد الوسيط لهي المجموعات من البيانات اول واحده ارتفاعات بعض المباني بالامتار واعمار المعلمين بالسنوات شو طالب مني السؤال الوسيط نتذكر انه الوسيط لازم نرتب دائما نرتب الاول تصاعدي او تنازلي تمام رتبناهم وشفنا بالضبط مين ال مين الوسيط القيمه اللي بالنص رح يطلع معك الجواب 22 اعمار المعلمين رح يطلع معك جواب 32 طيب السؤال اللي بعديه جد المنوال لكل مجموعه بيانات المنوال لا ممنوع ما في داعي انك انت ترتب المنوال اكثر شيء متكرر اكثر شيء متكرر معنا هو ثلاث هون اكثر شيء متكرر معنا برقم اربعه هو رقمين ال 12 والخمسه لاحظوا ال 12 متكرره اكثر من مره ونفس الشيء الخمسه فاذا هنا يوجد منوالان السؤال اللي بعديه اجد المنوال لكل مجموعه بيانات فيما ياتي الفاكهه المفضله للاطفال بنقرا الفاكهه المفضله بنجد انه عندي اي الموز متكرر مرتين التفاح مرتين والمشمش مرتين فهل يوجد منوال بهذه الحاله؟ لا يوجد تمام اللي بعديه سؤال سته الالوان المفضله لدى الاشخاص احمر ازرق اخضر زهري زهري اخضر احمر ازرق برضه الاحمر متكر مرتين نفس الشيء الازرق ونفس الشيء الاخضر ونفس الشيء الزهري كل واحد منهم تكرر مرتين برضه نفس الشيء بنقول لا يوجد منوال لانه كله متساوي يعني اذا كان منوال للاعداد هي اللي هو 10 شو قيمه هذا المربع؟ اكيد يكون 10 ليه؟ عشان يكون هو الاكثر تكرارا تمام يبين الجدول المجاور كتله او كميه الامطار الهاطله الى اقرب مليلتر في بعض الايام شو الوسط؟ انتبهوا للاسئله بده وسط وبده وسيط وبده منوال الوسط في بعض الايام بده لاقرب مليلتر تمام طيب الوسط بدك تساوي كل البيانات هي بدك تجمعهم وتقسمهم على عددهم رح يطلع معك الجواب 14 و25% الوسيط بس ببساطه بدك ترتب كل هي الارقام بشكل تصاعدي طبعا على ورقه جانبيه عااتر لكم يا خامس وبس ترتبوهم تصاعديا بتشوفوا لي القيمه اللي بالنص اذا ما في قيمه واحده في اثنتين بدك تجمعهم وتقسمهم على عددهم يعني تطلع الوسيط لها الوسط لها رح يطلع معك الجواب 14.5 اخر شيء المنوال اكثر قيمه متكرره بالجدول رح تلاقيها هي ال رقم 15 تمام طيب ننتقل الان الى الاسئله صفحه 134 السؤال التاسع بيقول لنا شو هو الوسط او الوسيط وشو هو المنوال شو الوسيط وشو المنوال الوسيط بدك ترتب الاول رح يطلع معك الجواب 11 المنوال اكثر شيء متكرر هو زي ما انتم شايفين ال 12 سؤال 10 اضيف قيمتين عددت عدديتين الى مجموعه هذه القيم يعني حطينا كمان رقمين بحيث يبقى الوسيط لها كما هو ممكن يكون مثلا هلا المهم انه لازم يكون اقل من خمسه اول واحد يعني ممكن يكون اقل من خمسه الثاني لازم يكون اكثر من خمسه عشان تمشي ال الامور يعني ممكن يكون تحكي ثلاثه وسته ممكن يكون الرقمين مثلا اربعه وسبعه تمام اكثر من اجابه طيب شو هو الخطا اللي وقعت فيه ساره او منار بالنسبه ل اي الوسيط يعني واحده حسبت الوسيط بتقول لك 49 والثانيه بتقول لك 34 طبعا ساره هي الاجابتها صحيحه منار لا لانه ما رتبت الاجابات يعني شوف هون 34 حس حطيتها قبل الثلاث قبل الثلاث يعني مش مرتبين اصلا كاملين فعشان هيك هذه الاجابه غلط 100% السؤال 12 بيقول لنا اجد عدد اقمار بلوتو ونفسر اجابتنا بده عدد الاقمار كاملين فرح نشوف نحن بس نرتب هذه الاقمار رح يطلع معك خمسه عند الترتيب رح يكون بلوتو بالنص تمام طيب ننتقل الان الى اسئله التمارين نفتح على صفحه 35 وبشكل سريع رح نعطيكم الاجابات بس عشان تتاكدوا من اجاباتكم يا خامس لانه شرحنا كل شيء بشكل كامل يعني ممكن باسئله الامتحان زي هيك نجيب لكم جدول زي هيك ونطلب منكم حتى اكثر من شغله ممكن نطلب منكم بالبدايه هون الوسط طيب فمثلا هون في عندي الوسيط والمنوال السؤال الاول مستحيل نحن نحسب الوسط الوسيط بدون ترتيب فاذا هذول المرتبات جاهزين مباشره طلع لنا ال الوسيط رح يطلع معك اربعه بالنسبه للمنال شو اكثر شيء متكرر عندك ملاحظ انه الاربعه مكرره اكثر شيء فبنكتب اربعه ننتقل للسؤال اللي بعديه رقم اثنين الوسيط رح يكون 17 نفس الشيء المنوال 17 السؤال الثالث هون الوسيط رح يكون خ بال والمنوال بال القيمه الاكثر تكرارا السؤال الرابع نختار اربع بطاقات اي اعداد في كل مره بنحطها بالجدول بحيث تقابل منوالها هون ممكن يكون اكثر من اجابه عننا المهم انه شو تحط انت من عندك ارقام المهم انه يكون منوالها اربعه يعني حط كرر الاربعه اكثر من مره يا خامس ممكن تكررها مرتين هون تحط مثلا رقم ثاني نحن هون حطينا الاربعه ثلاث مرات فيك عادي ما في مشكله رقم ثمانيه بدنا نحطه برضه بحيث يكون المنوال ثمانيه ممكن تكرر الثمانيه مرتين تحط اي رقم انت بدك اياه ما في مشكله المهم كله من الارقام الموجوده هون عندك. طيب رقم ثلاث برضه هون كررناها ثلاث مرات فيك تكررها مرتين المهم انه ممكن تحط واحد اي رقم ثاني المهم المجموعه الثانيه تكون اي رقم ثاني طيب السؤال اللي بعديه اختار ست بطاقات اعداد من السؤال السابق بحيث في عندي تكون المنوال اربعه ويكون الوسيط سته برضه عننا عده اجابات يعني هون بدنا المنوال اربعه يعني كرر الاربعه قد ما تقدر ممكن اكررها مرتين المهم ما في شيء ثاني يتكرر معها تمام خليكم دقيقين بالموضوع هذا يعني يا بتكررها مرتين يا ثلاثه اللي بدك اياه بس المهم ما حدا ما شيء ثاني تكرره بنفس التكرار يعني اوكي نحن كتبنا اربعه 4 5 7 8 تسعه اللي بدك اياه المهم يكون من الارقام الموجوده هون طيب اذا كان والوسيط طبعا سته لازم تحسب انه يكون عندك الوسيط بنفس الحاله انه يكون سته فرح تطلع هيك الارقام صحيحه فما في مشكله بالنسبه للمنوال هون الحاله الثانيه منوال والوسيط يكون ثمانيه معنى ذلك انه المنوال لازم يكون ثمانيه كرر الثمانيه يا مرتين يا ثلاثه المهم لازم يكون الوسيط فيها ثمانيه يعني تكون القيمه اللي بالمنتصف تكون ثمانيه السؤال السابع اكتب ثلاث اعداد بيكون الوسيط لها هو نفس المنوال كتبنا اربع ثلاث اربعات يعني اربعه اربعه فيك تكتب ثلاث ثلاثات ثلاث اثنينات اللي بدك اياه هو طالب مني ثلاث اعداد يكون نفس الوسيط يعني نفس الوسيط معنى ذلك انه لازم تكون الارقام متشابهه اخر سؤال بيقول لنا اذا اراد تاجر البسه اي سجل الوان مبيعات وبقول هي الوان المبيعات زي ما انتم شايفينها شو المنوال للون المبيعات المنوال هو الماده الاكثر تكرارا اكيد زي ما انتم ملاحظين الاحمر اكثر شيء تكرر فبنكتب اللون الاحمر اذا بهيك نحن خلصنا درسنا الثاني كثير سهل وبسيط ما ننسى دائما ننتبه للاسئله الموجوده شو المطلوب بالضبط وسط ولا وسيط ولا منوال نراكم في الدرس رقم ثلاث يا خامس رح نحكي فيه عن المدى نشكركم جميعا ج والى اللقاء ولا تنسوا تشتركوا في القناه.