الصف السابع علوم درس المناطق البيئية ج ٢ السابع مي الزعبي

بسم الله الرحمن الرحيم يعطيكم الف عافيه حبايبي سابع كيفكم يا مس شو اخباركم ان شاء الله كويسين بهذا الفيديو حبايبي راح نكمل مع بعض شرح درس المناطق البيئيه بلشنا بالفيديو السابق بشرح الدرس عرفنا ايش معنى المناطق البيئيه وبلشنا بالمناطق البيئيه على اليابسه اخذنا الصحاري ايش مميزات الصحاري ايش الكائنات الحيه اللي بتعيش فيها تحدثنا ايضا عن المناطق العشبيه قسمناها للسافانا والمناطق العشبيه المعتدله واخذنا الغابات المعتدله والغابات الاستوائيه طبعا حكينا كل منطقه بيئيه منهم ايش خصائصها معدل الامطار فيها كيف المناخ فيها وايش الحيوانات والنباتات اللي بتعيش فيها اليوم راح نكمل مع بعض وراح نبدا بالمناطق البيئيه البارده نفتح الكتاب مع بعض صفحه 119 ونبدا بالشرح يا حبايبي بالنسبه للمناطق البيئيه البارده طبعا هي مناطق بيئيه على اليابسه ولكن اللي بميزها عن بقيه المناطق انها شو مالها انها بارده وزي ما احنا شايفين شو يعني بارده يعني فيها ثلوج تمام فيها تراكم للثلوج راح نقسم المناطق البيئيه البارده ايش لمنطقتين عندي اول منطقه اللي هي التايجر وثاني منطقه اللي هي تعالوا خلينا نشوف ايش اللي بميز التايغه عن التندرا وكل وحده ايش خصائصها اول اشي بحكي لي انه منطقه التايجر هي من اكبر المناطق البيئيه مساحه اذا اول شيء مساحتها كبيره جدا طيب الان برضه بالنسبه لمعدل سقوط الامطار فيها ما بيزيد عن 500 مليمتر بالسنه يعني خلينا نحكي معدل سقوط الامطار فيها متوسط تمام طيب يعني اكثر اشي ممكن توصل له بالسنه اللي هو ايش 500 مليمتر هاد معدل سقوط الامطار تمام كمان ايش بحكي لي بحكي لي كمان اللي بميز هاي المنطقه انه فيها فصل الشتاء طويل مقارنه مع فصل الصيف يعني بده يكون فصل الصيف قصير وفصل الشتاء اطول طيب شو النباتات اللي بتعيش بهاي المنطقه البيئيه اللي بعيش فيها اللي هي نباتات دائمه الخضره اوكي يعني غير متساقطه الاوراق خلينا نحكي اللي هي زي ايش زي الصنوبريات دائما هاي اللي هي النباتات المخروطيه الشكل اللي هي الصنوبريات هاي هي دائما الخضره طيب يعني مستحيل اجي الاقي ولا اوراقها متساقطه تمام اذا الصنوبريات بتعيش بالتايجر طيب بالنسبه للحيوانات اللي بتعيش فيها اللي هي السناجب طيب واحنا طبعا يعني تقريبا في عنا تصور انه السناجب بتعيش به طبعا بتعيش على الاشجار خصوصا على اشجار البلوط والصنوبر طيب شو هي الايايه اليمس هاي هي الايايه تمام اللي هو مفردها مفردها اللي هو الايل طيب اذا هاي هي الايائل اللي بتعيش وين بتعيش في منطقه التايجر المعلومات بسيطه يا حبايبي يعني مش مش محتاجه شرح لانه هي شالحه حالها بحالها بهمنا نحفظ احنا خصائص كل منطقه طيب زي المره الماضيه تعالوا خلينا كل منطقه بنشرحها نلخصها يلا نروح يا حبايبي طبعا منكمل منكمل التلخيص السابق وصلنا عند رقم خمسه اللي هي المناطق البيئيه البارده طيب المناطق البيئيه البارده اللي هي اول اشي خلينا نكتب التايجر طيب الان نبلش اول خاصيه بنحكي لها تعد من اكبر المناطق البيئيه مساحه اذا تعد من اكبر المناطق البيئيه مساحه طيب ثاني نقطه لا يزيد لا يزيد معدل سقوط الامطار فيها عن 500 مليمتر سنويا طيب والنقطه اللي بعدها تتصف بطول مده اذا بطول مده فصل الشتاء مقارنه مع فصل الصيف والنقطه اللي بعدها بنحكي تعيش فيها نباتات دائما الخضره مثل الصنوبريات وتعيش فيها بعض الحيوانات مثل الايائل والسناجب اذا والسناجب ممكن تتساءلوا يا حبايبي ممكن يجيكم طبعا مقارنه بين يعني منطقتين بيئيتين طيب ويسالوك مثلا ايش قارنوا مثلا بين هدول المناطق من حيث النباتات اللي بتعيش فيها او من حيث الحيوانات اللي بتعيش فيها او من حيث معدل سقوط الامطار فيها طيب فاذا بدنا نكون عارفين احنا هاي المعلومات كلها وحافظينها طيب الان تعالوا خلينا نروح نكمل على التندرا طيب نشوف التندرا بايش بتتصف بحكي لي اول شيء هي بتتصل بمناخ بارد وجاف طيب تعالوا بس خليني افهمكم شغله هسه موضوع بارد يعني هذا اشي احنا عارفين لانه اصلا احنا بنحكي على المناطق البيئيه البارده طيب موضوع جاف يا حبايبي طيب شو يعني جاف احنا لما نحكي انه مثلا المناخ جاف او الجو فيه جفاف ديروا بالكم هو مش معناه انه جاف معناته والله انه الجو يعني حار لا مش دائما بيكون حار موضوع الجفاف او انه فيه رطوبه يعني الجو فيه بخار مي لما يكون الجو في بخار ماء كثير بنحكي انه الجو رطب تمام ولكن لما يكون الجو ما في بخار مي بنحكي انه ايش بنحكي انه جاف تمام زي طبعا بفصل بفصل الصيف احنا اكثر اشي بنحس بايش بنحس به الجفاف صح ولا لا طيب هون بحكي لي المناخ بارد طب يا مس ليش جاف لانه يا مس هسا موضوع الجفاف هو مرتبط به اللي هي بسقوط الامطار تمام يا حبايبي اذا كانت الامطار كثيره بيكون دائما في رطوبه بالجو زي فصل الشتاء عنا فصل الشتاء عندنا لما يكون في سقوط للامطار بنحس في رطوبه بالجو تمام ولكن طالما ما في سقوط للامطار او الامطار بتكون قليله اذا هون احنا بنحكي انه الجو جاف والدليل هون انه لما نكمل الان الشرح بحكي لي انه معدل سقوط الامطار بالتندرا لا يزيد عن ايش عن 250 مليمتر سنويا اذا بتتذكروا حكينا بالصحاري كمان الصحاري لا يزيد معدل الامطار في عام 250 مليمتر بالسنه كامله يعني معدل سقوط الامطار منخفض جدا شوفوا تخيلوا اذا هاي منطقه بارده والصحراء منطقه حاره جدا ولكن مع ذلك هدول الثنتين معدل سقوط الامطار فيهم قليل جدا معناته ايش معناته الجو بده يكون بالجهتين جاف وصلت ولكن هون عندي بالتندره بارد وجاف بالصحراء بيكون حار وجاف ماشي يا حبايبي طيب اللهم صل على سيدنا محمد الان خلينا نكمل كمان شو بحكي لي بحكي لي انه هاي المنطقه البارده بتغطي الثلوج ايش بتغطي تربتها الثلوج طول السنه اذا طول السنه في ايش في ثلوج متغطي تربتها طيب اذا هذا الشيء بيسمح بنمو النباتات مثل الحزازيات وكمان في عندي بعض النباتات الزهريه اللي الها ازهار ولكن النباتات الزهريه برضو اخذنا هاي المعلومه مسبقا انها شو مالها فتره حياتها قصيره فهي يا مس طبعا خلال الصيف بتنوي هاي النباتات الزهريه ولكن بس يجي فصل الشتاء بسبب البروده بتموت هاي النباتات طيب يا مس شلون بترجع بتنمو لعاد هاي اللي هي النباتات الزهريه بتكون خلال فصل الشتاء بذورها تناثرت على الارض ما بيخلص فصل ما بيخلص بفصل الصيف انا اسفه بفصل الصيف طيب طول ما هي عايشه هاي النبته بذورها بتضلها تتناثر على الارض طيب ما بيجي فصل الشتاء بتكون النبته هاي المزهره ماتت بذورها بتكون لساتها بالتربه ما بيخلص فصل الشتاء وبيرجع بيجي فصل الصيف بتكون هاي البذور رجعت ايش نمت وكبرت ورجعت ازهرت عرفتوا كيف اذا مده حياتها هاي نباتات الزهريه قصيره فاذا انا اللي بيعني من هذا الحكي كله انه النباتات اللي بتعيش هي حزازيات ونباتات زهريه طيب بالنسبه للحيوانات اللي بتعيش فيها برضو بتعيش فيها كمان الاائل اذا الايائل اللي بتعيش بالطايقه وبتعيش بالتاندرا وكمان بتعيش فيها الدببه القطبيه وصلت يا حبايب بديش يعني بدي احاول انا ما اطول عليكم واكثر طيب في عندي هون سؤال اتحقق ما وجه الشبه بين الصحاري والتندرا بنحكي كلاهما المناخ فيه جاف هاي شغله اذا كلاهما مناخه جاف رقم اثنين انه لا يزيد معدل سقوط الامطار فيهما على 250 مليمتر سنويا اذا اذا اول اشي بحكي انه بالصحاري والتندرا المناخ جاف ديروا بالكم بس بنكتب انه المناخ جاف بالسنتين وهذا السؤال حلو ممكن يجي بالامتحان ثاني نقطه انه لا يزيد معدل سقوط الامطار فيهما على 250 مليمتر سنويا طيب اكتبهم هدول جواب اتحقق وتعالوا خلينا نلخص مع بعض طيب الان بنروح على باء نحكي ايش الان عندي التندرا التندره طيب اول اشي بنحكي تتصف بمناخ بارد وجاف نقطه الثانيه لا يزيد معدل سقوط الامطار فيها على 250 ميلي متر سنويا النقطه اللي بعدها تغطي الثلوج تغطي الثلوج تربتها او تربتها طوال العام فيها الحزازيات اذا تنمو فيها الحزازيات وبعض النباتات الزهريه اذا وبعض النباتات الزهريه واخر نقطه نحكي تعيش فيها اذا تعيش فيها الايائل والدببه هاي بالنسبه طيب تعالوا مش مشكله خلينا نكتب سؤال اتحقق اللي هو ما وجه الشبه بين الصحاري نحكي كلاهما مناخه جاف واثنين لا يزيد معدل سقوط الامطار فيهما على 250 مليمتر سنويا طيب اذا هاد سؤال اتحقق طيب تعالوا الان خلينا ننتقل على اللي بعده نفتح صفحه 120 الان بصفحه 120 راح ننتقل للمناطق البيئيه المائيه اذا خلصنا المناطق البيئيه على اليابسه والان راح نروح على المناطق البيئيه المائيه اول شغله بدي اعرف انه الماء نسبته 70% من ايش من مساحه سطح الارض هاي اول شغله الشغله الثانيه طبعا احنا بنعرف يعني بس انه المناطق البيئيه مختلفه اللي عنا طيب في عندي مثلا بحيرات في عندي بحار في عندي انهار في عندي برك في عندي محيطات اوكي اذا هاي هي المناطق البيئيه المائيه طبعا تختلف عن بعضها البعض بايش تختلف بحجم هذا النظام البيئي طيب وثاني شغله كمان طبيعه المياه اللي بهذا النظام البيئي او بهاي المنطقه البيئيه تمام يا حبايبي اذا بنيجي على مثلا حجم المحيط يختلف عن حجم البحيره يختلف عن حجم البركه يختلف عن حجم النهر صح ولا لا طيب وطبيعه الماء اللي بالبركه تختلف عن طبيعه الماء اللي بالمحيط تختلف عن طبيعه الماء الليبي البحيره مثلا تمام حبايبي فاذا الانظمه البيئيه المائيه بتختلف عن بعضها بايش بتختلف بالحجم بحجم النظام البيئي وطبيعه الماء بهذا النظام البيئي فالان لو اجينا بدنا نعرف ما هو النظام البيئي المائي النظام البيئي المائي هو عباره عن مجتمعات حيويه اوكي اذا انواع طبعا يعني اللي هي انواع مختلفه من الكائنات الحيه تمام اللي هي بنسميها طبعا مجتمعات حيويه مختلفه وعندي عوامل غير حيه مثل حكينا شو يعني عوامل غير حيه زي الضوء زي الماء زي الاكسجين طبعا اللي بكون ذائب بالماء وفي عندي مثلا التربه والصخور كل هاي عوامل غير حيه طيب اذا النظام البيئي المائي عباره عن مجتمعات حيويه يعني كائنات حيه وعوامل غير حيه زي الماء والاكسجين والتربه والصخور وغيرها طيب الموجوده في البيئه المائيه طبعا زي ما حكينا انه بكون في ايش في علاقات بين المجتمعات الحيويه والعوامل غير الحيه طبعا بيكونوا مرتبطين مع بعض بيحكي لي الان هاي الانظمه البيئيه المائيه بتتاثر بعوامل طيب زي ايش العوامل يا حبايبي طبعا حيه اذا تتاثر وهون ركزوا لي عليها هاي يعني 90% راح يجينا سؤال بالامتحان انه الانظمه البيئيه المائيه بتتاثر بعده عوامل زي ايش اول وحده ضوء الشمس طيب فلو جينا مثلا على على البحر او المحيط ووجدت مثلا المنطقه العلويه من السطح او المحيط اللي بتوصله اشعه الشمس او بيوصل لضوء الشمس فيه مثلا كائنات حيه تمام تختلف عن ايش عن اعماق البحار والمحيطات يكون فيها كائنات حيه مختلفه فاذا هون اللي بيفرق بينهم ضوء الشمس مثلا كمان درجه الحراره طيب ثلاث الاكسجين واربعه الاملاح الذائبه فيها كمان لو اجيت انا مثلا على الكائنات الحيه اللي بتعيش بالبحر تختلف عن الكائنات الحيه اللي بتعيش بالنهر تختلف عن الكائنات الحيه اللي بتعيش بالبركه او البحيره مثلا طيب ونسبه الاملاح بي كل واحد منهم من هاي الانظمه البيئيه يختلف عن الاخر وصلت يا حبايبي اذا الانظمه البيئيه بتختلف عن بعض هذه الانظمه البيئيه المائيه بتختلف عن بعضها طيب او خلينا نحكي احنا كاننا بتختلف عن بعضها بالحجم وطبيعه المياه طيب في اشياء بتاثر بهاي الانظمه البيئيه وبتخلي بعض الكائنات الحيه تقدر تعيش به نظام بيئي ونظام بيئي اخر ما بتقدر انها تعيش فيه طيب اعتمادا على ايش اعتمادا على عده عوامل هاي هم حكيناهم ضوء الشمس درجه الحراره الاكسجين والاملاح الذائبه وقبل ما ننتقل لاول نظام بيئي اللي هو او الانظمه البيئيه سر الانظمه المائيه العذبه طيب قبل ما نروح لها خلينا نرخص الفقره هاي اللي حكيناها عشان ما نراكم على حالنا معلومات كثيره للتلخيص اذا خلينا خلينا نكمل طيب الان ايش بنحكي المناطق البيئيه المائيه الرئيسه اول نقطه نحكي تغطي المياه تغطي المياه ما نسبته 70% من مساحه الارض النقطه اللي بعدها تختلف الانظمه البيئيه البيئيه المائيه عن بعضها بالحجم تختلف بالحجم وطبيعه المياه فيها طيب نروح النقطه اللي بعدها الان نحكي النظام البيئي المائي طيب النظام البيئي المائي هو المجتمعات الحيويه والعوامل غير الحيه واضح معنا التلخيص كامل هيك اوكي اذا والعوامل غير الحيه الموجوده في البيئه المائيه طيب نقدر ناخذ لقطه للشاشه لحتى نروح نكمل الصفحه اللي بعدها طيب والان النقطه اللي بعدها بنحكي العوامل اوكي العوامل المؤثره في الانظمه البيئيه المائيه هي هم اربعه اذا اول وحده ضوء الشمس رقم اثنين عندي درجه الحراره رقم ثلاث الاكسجين ورقم اربعه الاملاح الذائبه طيب وبس احكي عن شغله يعني خطرتلي ضوء الشمس احنا حكينا اكيد المي لما تكون يعني المي اللي على السطح خلينا نحكي او اللي هي الطبقه العلويه من الماء بتوصلها بتوصلها ضوء الشمس اكثر من المناطق ايش العميقه طيب درجه الحراره بترجع اللي هو المناخ اللي موجود بالمنطقه المائيه او انه هاي المنطقه المائيه وين موجوده مثلا منطقه كيف كيف مناخها معتدل بارد الحراره عاليه وهكذا اوكي طيب يجعل الاكسجين حسب اذا في بهاد النظام البيئي المائي اذا فيه نباتات كثيره النباتات احنا بنعرف انها بتاخد ثاني اكسيد الكربون وبتعطي اكسجين فاذا اذا كان فيه نباتات معناته ايش معناته في اكسجين اذا النباتات قليله معناته الاكسجين اقل وهكذا اوكي اذا بعتمد برضو على النباتات اللي موجوده طيب في عندي الاملاح الذائبه هاي حكيناها صح حكينا في عندي انظمه بيئيه مائيه فيها املاح كثير ذائبه فيها مثل على سبيل المثال اعطيكم مثال عنا البحر الميت البحر الميت ما هو نظام بيمائي طيب ولكن ايش ولكن نسبه الاملاح فيه كثيره فهذا الشيء باثر على الكائنات الحيه اللي المفروض انها تكون عايشه فيفا لو جينا بحثنا عن اسماك بالبحر الميت ما راح نلاقي اسماك السبب اللي هي نسبه الاملاح العاليه اللي فيها طيب مش راح اطول عليك واكثر من هيك عشان يعني ما نطول الفيديو كثير طيب تعالوا الان نطلع على اول نوع وكامل الانظمه البيئيه المائيه اللي هي الانظمه الانظمه المائيه العده طبعا كلنا بنعرف ما دامها ما دامه ماء عذب اذا نسبه الاملاح اللي فيه قليله جدا طيب اذا الماء العذب احنا ما بنحكي ما في املاح نهائيا لا في املاح طالما المي موجوده بالطبيعه ما بنحكي انها نقيه ميه بالميه لا ولكن نسبه الاملاح اللي فيه قليله جدا طيب ثاني نقطه طيب هاي او هذا الماء العذب كم نسبته من الماء اللي موجود على سطح الكره الارضيه مش احنا حكينا 70% من الكره الارضيه عباره عن ماء طيب من هذول السبعين بالميه كم عندي ما اعدت بس واحد بالميه تخيلوا اذا كل الماء العذب اللي عندي على سطح الكره الارضيه بس واحد بس عباره عن واحد بالميه اوكي هذا ما عذب بس من السبعين بالمئه طيب تعالوا نشوف طيب هاي الانظمه اللي احنا اوكي فهمنا انه الماء العذب هو ماء فيه املاح قليل ونسبته بس واحد بالمئه طب يعني وين بنلاقيه هذه الماء العذب وين بنلاقيه بنلاقيه بالبحيرات اذا البحيرات مياهها عذبه طيب عندي البرك اذا البركه كمان مياهها عذبه الانهار الجداول الجداول يا حبايبي زي الانهار بس شو بس اصغر طيب والاراضي الرطبه وراح ناخذ كل وحده منهم طيب الان معطيني هو يعني شويه مقارنات بينهم بحكي لي بالنسبه للبحيره والبركه طبعا احنا ممكن نتخيل انه طيب البحيره والبركه الثنتين عباره عن ماء وحواليه في يابسه طيب ولكن الفرق بينهم ان البحيره اكبر من البركه طيب وصلت يا حبايبي اذا البحيره والبركه عباره عن ايش عباره عن مسطح مائي اوكي او جسم مائي محاط باليابسه ولكن الفرق بينهم ان البحيره اكبر من البركه طيب شو الكائنات الحيه اللي بتعيش فيه اللي هي الرخويات اوكي واحنا ماخذين يا سابع حبايبي ماخذين شو الرخويات من قبل طيب بس مش تحكوا لي اخطبوط اكيد لا يا عمري اذا الرخويات اخذناها يا مس في الها يعني كثير تصنيفات كثير امثله اذا حابين تتعرفوا على جوجل بس نكتب الرخويات التي تعيش في البحيرات او البرك اوكي وعطول بيعطينا شو الانواع اذا حابين يعني تزيدوا معلوماتكم طيب اذا بتعيش اللي هي البحيرات والبرك بتعيش عندي اللي هي بعض انواع الرخويات بتعيش الطحالب مثل ما احنا شايفين طيب كلنا بنعرف الطحالب هاي الطحالب طيب كمان فيها نباتات وفيها بكتيريا وصلت يا حبايبي اذا اذا ملاحظين انه التنوع الحيوي اللي فيها يعني انواع الكائنات الحيه اللي فيها قليله طيب اذا انواع الكائنات الحيه اللي فيها شو مالها قليله يا حبايبي راح يجي حدا يحكيلي يا مس يعني معقول ما فيش اسماك لا في اسماك يا حبايبي ولكن يعني مش الانواع الكثيره من الاسماك وليست بالاعداد الكثيره طيب هاي بالنسبه لايش للبحيرات والبرك طيب تعالوا نكمل بالمياه العذراء احنا حكينا المياه العذبه بحيرات برك انهار جداول واراضي رطبه حكينا البحيرات والبراك حكينا عنهم طيب نيجي على الانهار والجداول حكيت لكم انا انه النهر والجدول عباره عن مياه جاريه طيب ولاحظوا بهاي الصوره بفرجيني نهر سريع الجريان كلنا بنعرف انه مياه النهر شو مالها مياه جاري وسريعه كمان الجدول كمان مياه جاريه ولكن الفرق بينهم انه النهر اكبر من الجدول طيب اذا النهر كبير الجدول بكون اصغر منه طيب ولكن طبعا مثل ما بيحكيلنا هون انه صحيح الاثنين سريعات ولكن بكون في عندي انهار اسرع من انهار اوكي يعني المياه اللي فيها وطبعا مياه الانهار اسرع من الجداول طيب وهكذا اذا مختلفوا ايضا بالسرعه طيب الان كمان في عندي معلومه انه الانهار والجداول فيهم تنوع حيوي اكثر من البرك والبحيرات طيب وصلتي حبايبي المياه تبعتهم يعني متجدده اوكي فاذا بدي اعرف شغله انه طالما الانهار والجداول هم عباره عن مياه متحركه اذا فيهم انواع من الكائنات الحيه اكثر اذا في متنوعه حيوي اكثر من ايش من البحيرات والبرق هاي بالنسبه للانهار والجداول بنيجي الان على الاراضي الرطبه طلعولي بهاي الصوره ممكن بالبدايه احنا نكون مش عارفين شو يعني اراضي رطبه طيب اول شيء هو تعريفها بحكيلي اياه يابسه تغمرها المياه العذبه في اوقات معينه من العام او تحتوي تربتها على رطوبه عاليه مجرد ما نشوف الصوره اللي امامنا المفروض نكون عارفين او نكون عرفنا شو هي الاراضي الرطبه طيب اذا هاي هي الاراضي الرطبه معلش سوريا سابع هاي الاراضي يا حبايب بحكي لي ببعض الاوقات من السنه بكون ايش طبعا هي عباره عن ارض عادي تمام تربه عاديه ببعض الاوقات من العام بتغطيها المياه طبعا مياه عذبه هاي المياه بتكون مسبب الامطار طيب طيب هاي المياه يا حبايبي شو مواصفاتها او هاي الاراضي الرطبه سوري ايش مواصفاتها ايش اللي بميزها طبعا اول شيء احنا حكينا انه هاي المياه بتكون مياه عذبه طيب اللي بميزها انه هاي اللي هي الاراضي الرطبه بتكون شو مالها بتكون خصبه شو يعني يعني بتكون صالحه للزراعه ولما نحكي يا عمري يا سابع لما نحكي انه التربه هاي خصوبتها عاليه يعني بتكون صالحه للزراعه يعني هي من افضل الاراضي ايش اللي هي زراعه لزراعه المحاصيل تمام يا مس اذا من افضل المناطق الزراعيه فاذا شو بنحكي بنحكي من بين الانظمه المائيه العذبه الاراضي الرطبه هي الاكثر خصوبه اذا ممكن هاي ننسال عنها مين اكثر الانظمه المائيه العذبه خصوبه بنحكي اللي هي الاراضي الرطبه طيب طيب شغله ثاني كمان طيب شو بيعيش فيها هل بيعيش فيها كائنات حيه طبعا يا مس بعيش فيها كائنات حيه بتعيش فيها طبعا اسماك بس طبعا احنا ما بنحكي اسماك كثيره ولكن بعيش فيها اسماك طيب وبعض انواع الاسماك طيب بعيش فيها برمائيات واخذنا احنا مسبقا شو يعني برمائيات يعني زي مثلا البرمائيات اللي هي الضفادع زي السلمندر طيب يا حبايبي اذا هايبر مائيات وكمان عندي بعض اللافقاريات وزي ما حكينا اللي بده يزيد من معرفته بقدر برضو يدخل على جوجل يبحث عن اللافقاريات اللي بتعيش بالاراضي الرطبه والبرمائيات وما الى ذلك طيب اذا اول اشي حكينا الاراضي الرطبه هي الاكثر خصوبه اثنين بتعيش فيها الاسماك والبرمائيات واللافقاريات رقم ثلاث بحكي لي هاي المنطقه هي محطه توقف الطيور المهاجره يعني الطيور يا حبايبي احنا اخدنا انها بتهاجر بفصل الشتاء بتهاجر لوين لمناطق تكون اكثر دفع فخلال ما هي مهاجره ما هي بتعطش فلما بدها تشرب مي مجرد ما وجدت هاي الاراضي الرطبه اوكي اللي هي فيها مياه عضه فهي بتنزل لحتى تشرب مي طيب فاذا هي محطه توقف للطيور المهاجره طيب وايضا كمان بحكي لي انه هي عباره عن منطقه امنه بعض الحيوانات تضع فيها بيوضها طيب ممكن اذا نجد مثلا زي هو بيحكي لي البرمائيات الضفادع ممكن السلمندر اوكي هدول ممكن يا حبايبي بضعوا بيوضهم بهاي المناطق ماشي حبايب فلذلك عشان كل هاي الاسباب بنحكي انه الاراضي الرطبه الها اهميه بيئيه واقتصاديه وسياحيه اذا اهميه بيئيه يا حبايبي ليش لانه زي ما حكينا شوفوا يعني الطيور بتحط فيها بتشرب مي مثلا بتعيش فيها كائنات حيه وكيف هي اذا الها اهميه بيئيه اهميه اقتصاديه وسياحيه شوفوا يا مسلمه هاي الطيور المهاجره لما تحط بهاي المنطقه وتبلش تشرب من هاي المياه اصلا هي بتعطي منظر جمالي للبيئه هاي او للطبيعه هاي تمام فاذا يعني المنظر الجمالي لهاي الطيور اللي جاي تشرب من الماء هذا بخلي ايش بخلي اللي هم السياح او الاشخاص بشكل عام بحبوا هاي المناظر طيب فاذا هاي هي اهميه سياحيه وطبعا دائما طالما في عندي منطقه تجلب السياح فاكيد طبعا راح تكون لها اهميه كمان اقتصاديه تمام احنا السياح شو مالهم يمس السياح بتجيبوا لنا مصاري صح يا سابع طيب فاذا نيجي ممكن يجينا سؤال مثلا فسر تعد الاراضي الرطبه ذات اهميه بيئيه واقتصاديه وسياحيه الاسباب انها من اكثر الانظمه البيئيه من اكثر الانظمه المائيه العذبه خصوبه اثنين تحتوي على انواع مختلفه من الاسماك والبرمائيات واللافقاريات ثلاث تعد محطه توقف للطيور المهاجره واربعه هي مكان امن لوضع البيض لدى سوري العديد من الحيوانات اذا اذا هاي الاسباب هي اللي بتخلي الاراضي الرطبه تكون ذات اهميه بيئيه واقتصاديه وسياحيه طيب يا حبايبي طيب طبعا عندي هون سؤال اتحقق واقارن بين الانظمه المائيه العذبه من حيث التنوع الكائنات الحيه التي تعيش فيها طبعا حكينا نقدر تكتبوا بتقدروا اللي هي اللي بالبحيرات والبرك شو اللي بعيش فيها اللي هي الرخويات والطالب والنباتات وغيرها والبكتيريا اوكي طيب في عندي اللهم صل على سيدنا محمد طيب في عندي مثلا الانهار والجداول حكينا فيها تنوحي هو مش ذاكرلي بالضبط تشوفيها ولكن بحكي لي انه فيها تنوع حيوي اكبر او اكثر من البحيرات والبرق وبالاراضي الرطبه بدنا نذكر اللي هي الاسماك البرمائيات واللافقاريات تمام يا حبايبي طيب كلهم احنا حكيناهم وقبل ما نروح على اللي بعدها خلينا نتوقف ونلخص اهم الاشياء اللي حكيناهم طيب اول وحده بنحكي الانظمه المائيه العذبه اول نقطه بنحكي تحتوي على نسبه قليله جدا من الاملاح الذائبه النقطه اللي بعدها لا تتجاوز يعني ما بتزيد لا تتجاوز واحد بالميه من حجم المياه التي تغطي سطح الارض والنقطه اللي بعدها نحكي تضم البحيرات والبرك والانهار والجداول والاراضي الرطبه والنقطه اللي بعدها نحكي تعد البحيرات اكبر من البرك وكلاهما محاط باليابسه والنقطه اللي بعدها نحكي تعيش في البحيرات والبرك كائنات حيه مختلفه مثل مثل ايش نحكي الرخويات والطالب والنباتات والبكتيريا ونروح الان على النقطه اللي بعد الان بنحكي تعد الانهار اكبر من الجداول طيب وكلاهما مياه متحركه باتجاه واحد وسرعات مختلفه والنقطه اللي بعدها بنحكي يوجد تنوع حيوي في الانهار والجداول اكبر من التنوع الحيوي في البحيرات والبرك ليش السبب لانه الانهار والجداول مياه متحركه طيب الان ننتقل نحكي الاراضي الرطبه شو تعريفها هون ممكن يجينا التعريف سواء باكمل الفراغ او عرف وعلى الاغلب ممكن يجينا باكمل الفراغ اذا نحكيه هي اليابسه التي تغمرها المياه العذبه في اوقات معينه من العام او تحتوي تربتها على رطوبه عاليه يعني تربتها بيكون فيها هيك كميه الماء اللي فيها كويس بتكون هيك تربطينيه طيب طيب نحكي الان فسر تعد الاراضي الرطبه ذات اهميه بيئيه واقتصاديه وسياحيه السبب واحد بنحكي تتصف الاراضي الرطبه بانها اكثر الانظمه المائيه العذبه خصوبه رقم اثنين تحتوي على انواع مختلفه من الاسماك والبرمائيات واللافقاريات رقم ثلاث تعد محطه لتوقف الطيور المهاجره رقم اربعه تعد مكانا امنا لوضع البيض لدى العديد من الحيوانات فلذلك يكون فيها تنوع حيوي طيب ناخذ لقطه للشاشه ومنروح لحتى نكمل وطبعا بتكون تتحملوني يا سابع نتحمل بعض شوي هو الدرس الطويل واحنا اللي بياخد منا وقت زياده اللي هو التلخيص فبدنا نتحمل انه الفيديو راح يكون طويل طيب الان اخذنا احنا بالانظمه المائيه اخذنا اللي هي الانظمه المائيه العده طيب الان في عندي الانظمه البيئيه البحريه طيب اللي هي طبعا مياهها بتكون شو مالها مالحه كلنا بنعرف هذا الشيء طيب حكينا قبل شوي عن المياه العذبه انها بتضم البحيرات والبراك الانهار والجداول والاراضي الرطبه اما الانظمه البيئيه البحريه اوكي بتضم البحار والمحيطات طيب طيب نسبه الاملاح اللي فيهم ثلاث ونص بالميه تقريبا يعني نسبه الاملاح فيهم عاليه نوعا ما طيب عشان هيك بنوصف اللي هي مياه البحار والمحيطات بنحكي انها مالحه طيب اذا ممكن مثلا يجينا سؤال هيك سؤال بسيط يحكي نفسر توصف مياه البحار والمحيطات بانها مالحه السبب لانها تحتوي على املاح بنسبه 3.5% تقريبا طيب الان في عندي اشي اسمه المصب ايش هو المصب راح نعرفه وافرجيكم اياه بحكي لي هو النظام البيئي المائي الذي تلتقي فيه المياه العذبه لنهر مع المياه المالحه لبحر او محيط وتعيش فيه مجموعه متنوعه من الكائنات الحيه تعالوا خليني افرجيكم اياه بس خليكم معي يا حبايبي طيب بالنسبه للمصب وين الصوره اللي كنت بدي افرجيكم اياها طيب ممكن مثلا هاي الصوره طيب اطلعوا معاي بالله يا هذا بيكون نهر طيب وهذا كمان نهر اخر اشي بيصبوا وين بصبوا بالبحر طيب هسه هاي المنطقه اللي بتلتقي فيها مياه النهر مع مياه البحر بسميها المصب طيب هاي المنطقه اللي بتلتقي فيها مياه النهر مع مياه البحر بسميها المصب طيب فاذا يا حبايبي ايش بحكي لي هو هاي اذا المصب هو النظام البيئي المائي الذي تلتقي فيه المياه العذبه للنهر مع المياه المالحه لبحر تمام او ممكن يكون هذا محيط مش بحر وهاي المنطقه اللي احنا بنسميها المصب بعيش فيها ايش انواع مختلفه من الكائنات الحيه طيب وصلت يا حبايبي شو هو المصب طيب الان تعالوا نشوف شو في عندي مثلا كائنات حيه بتعيش بهاد المصب ممكن يكون في عندي طبعا انواع من النباتات طيب طالما هون الماء ما بيكون يعني عمقه يعني كثير خلينا نحكي طيب تقريبا المياه بتكون بعدها سطحيه فاذا بهاي المناطق بيكون في عندي انواع من النباتات بيكون في عندي طحالب طيب ومن الحيوانات يكون في عندي السلطعونات واحنا بنعرف انه السلطعون بعيش بايش بالمناطق المائيه يعني اللي بتكون شو مالها يعني تكون شو مالها تقريبا عند كيف المناطق اللي عند الشط خلينا نحكي اذا بهاي المناطق بعيش السلطعون وفي عندي بيكون في عندي انواع من الاسماك اذا هاي هي الكائنات الحيه اللي بتعيش بالمصب وطبعا سابع برجع بعيد وبكرر مش بس هاي الانواع بيكون في عندي انواع اخرى ولكن يعني احنا بناخد بعض الامثله فقط طيب الان نرجع نتكلم عن النظام البيئي البحري يعني البحر او المحيط الان بيحكي لي كونه المحيط اكبر من البحر طيب الان المحيط يقسم هو المحيط بشكل عمودي المحيط كثير عميق للاسفل طيب فيقسم المحيط بشكل عمودي لمنطقتين في عندي المنطقه العلويه من المحيط بنسميها المنطقه المضاءه ليش لانه هاي المنطقه بيوصلها ضوء الشمس ولكن يا حبايبي لو نزلنا لاعماق المحيط تحت بتكون ايش بكون في عندي ظلام طيب اذا المنطقه بتكون تحت بتكون مظلمه ليش لانه يا حبايبي ضوء الشمس يعني اوكي بيقدر يخترق الطبقات العلويه لحد معين بعدين خلص ضوء الشمس ببطل يقدر يخترق الماء الى الاعماق فاذا اذا يقسم المحيط بشكل عمودي لمنطقتين في عندي المنطقه المضاءه وفي عندي المنطقه المظلمه طيب شو الفرق بينهم اول شغله المنطقه المضاءه بتمتد الى عمق 200 متر فقط طيب اذا من سطح الماء الى عمق 200 متر هاي بسميها المنطقه المضاءه طيب هاي المنطقه ايش بحكي لي يعني توصف بانها ضحله شو يعني ضحله يا حبايبي تعالوا افرجيكم بس المناطق الضحله عشان هيك احنا دائما الاشي اللي بنشوفه بنتذكر مباشره ولا احنا بنكون عارفينه طيب اذا المناطق الضحله طيب شوفوا لي هاي المنطقه شوفوا لي هاي المنطقه ضحله يا حبايبي يعني ايش يعني لو دخلنا فيها بيكون يعني الرمال اللي تحتها بتكون شو مالها مكشوفه يعني تقريبا سطحيه اوكي او المي ايش بتكون فوق منطقه رمليه او خلينا نحكي اللي هي قاع الماء بكون واضح طيب وفيه رمال طيب المنطقه الضحله كمان طيب هاي عندي كمان مياه ضحله لو اطلعتوا والله اذا واضح معكم يا مس بالتصوير شوفوا لجوا جوا جوا بصير الماء عميق لاحظوا المنطقه الضحله اللي هي بدايه البحر او بدايه المحيط شوفوا كيف بكون لون المي بيكون قاع اللي هو قاع الماء خلينا نحكي بالاسفل بيكون مبين معانا الارضيه صح بتكون مبينه معانا ولكن لجوا جوا جوا لما تصير المياه عميقه ببطل انا اشوف قاع البحر او قاع المحيط طيب فاذا المياه اللي موجوده على اللي هي بالامام هاي بنسميها مياه ضحله طيب هاي عندي كمان مياه ضحله اذا صار في عنا تصور يا سابع صار في عنا تصور طيب انا احيانا بحب افرجيكم انه نشوف بعيوننا بيكون افضل افضل طيب هاي المياه اللي بتكون على الشط يعني اوكي هذه بتكون على الشط هاي مياه ضحله تمام هيك المفروض يعني احنا نكون فهمنا كلمه ضحى مش عارفه اعبر لكم بكلمه ثانيه بكون انا فرجيتكم شو يعني ضحله فاذا هاي اللي هي المنطقه هاي زي هيك هاي ما زلنا احنا هون شايفين بالمنطقه المضاءه فاذا هاي بتكون منطقه ضحله طيب بهاي المنطقه زي ما حكينا ليش سميناها منطقه مضاءه لانها ايش لانه بتوصلها الاشعه الضوئيه للشمس اذا بتقدر بتقدر ضوء الشمس انه يخترق هاي المنطقه عادي بتكون الماء عادي احنا قادرين نشوف شو اللي تحتها ليش لانه يعني الضوء مخترقها طيب شو الكائنات الحيه اللي بتعيش بهاي المنطقه العلويه بحكي لي في عندي في عندي كائنات حيه ذاتيه التغذيه يعني بتصنع غذائها بنفسها مثل ايش مثل النباتات والطحالب والعوالق راح تيجوا تحكوا لي يامس طب ليش ما حكوا بتعيش فيها النباتات وخلاص ما هو يا حبايبي اذا بتتذكروا بالفصل الاول لما اخذنا عن اللي هي الكائنات الحيه وانواعها لما اخذنا النباتات كانت مملكه والطحالب كانت من ضمن الطلائعيات اذا بتتذكروا فكانت ايش الطحالب ليست نباتات تمام يا حبايبي طيب بالنسبه للعوالق العوارق يا حبايب هي عباره عن ايش عباره عن كائنات حيه صغيره لا تراب العين المجرده ولكن افرجيكم اياها لاحظوا هاي هيك بالمجهر طيب فاذا العوارق هي عباره عن كائنات حيه صغيره جدا لا تراب العين المجرده بس نقدر نشوفها بالمجهر ولكنها تصنع غذائها بنفسها هاي بتعيش وين بتعيش كمان بالبحر او المحيط ولكن بالمنطقه المضاءه فاذا هدول مثل لانهم بحاجه لضوء الشمس عشان يقدروا يسمعوا اذاهم بانفسهم طيب بالنسبه للحيوانات اللي بتعيش بتعيش الدلافين بتعيش الحيتان بتعيش عندي السلاحف البحريه طيب اللهم صل على سيدنا محمد في عندي كمان انواع من الاسماك وزي ما احنا شايفين شوفوا اسماك القرش لاحظوا وين حاطين ليا حاطين لي اياها بالحد الفاصل يعني اسماك القرش هي بتعيش بالمناطق اوكي اللي هي بالمنطقه المضاءه ولكن ممكن انها تنزل لايش لا يعني اعماق المنطقه المضاعه وصلت يعني عادي بتنزل لعمق و200 متر واذا ملاحظين اذا في عندي انواع مختلفه من اللي هي الكائنات الحيه هاي بالنسبه للمنطقه المضاءه طيب الان اللهم صل على سيدنا محمد نيجي على المنطقه المظلمه المنطقه المظلمه هاي لاحظوا تعالوا خلينا نشوف بالله هون بالشكل المنطقه المظلمه لاحظوا فيها كثير انواع من الكائنات الحيه وعمقها يعني كثير كبير على فكره في بعض المحيطات يا سابع ما قدروا الغواصين انهم ينزلوا لاعماقها يعني ممكن يكون في كائنات حيه عايشه بالمحيطات احنا ما بنعرفها ليش لان هي موجوده بقاع المحيط لانه يا حبايبي احنا كل ما نزلنا للاسفل لاعماق المحيط كل ما نزلنا بالعمق زاد العمق علينا بيزيد الضغط علينا فبالتالي يا حبايبي ممكن على فكره لو نزلت غواصه مثلا لاعماق يعني اعماق كبيره ممكن من شده الضغط عليها ممكن انها تنفجر طيب فلذلك اذا احنا لحد الان في لسه في اعماق احنا ما وصلنا لها طيب فممكن يكون في عندي بعض الانواع احنا لسه مش مكتشفينها طيب اذا المنطقه المظلمه اللي موجوده بالمحيط بحكي لي هي بمتاز عمقها من 200 متر واكثر طيب لوين اكثر ما بنعرف ما في حد معين طيب اسمها منطقه مظلمه لان ضوء الشمس ما بيوصلها وشوفوا لاحظوا لاحظوا حتى بالصوره هون ضوء الشمس بخترق المنطقه المضاءه بعدين شوي ببلش يقل يقل لقلب يعني بدخل اوكي المنطقه المظلمه ولكن مش كلها يعني ببلش ايش يتلاشى ضوء الشمس شوي شوي شوي لحتى نوصل لاعماق المحيط ما بيوصل ضوء الشمس بالمره طيب فبالتالي طالما ما بيوصل ضوء الشمس اذا ما راح يكون في عندي نباتات ولا راح يكون في عندي طحالب ليش لانه هاي الكائنات الحيه بحاجه لضو الشمس عشان تصنع غذائها بنفسها طب اذا ما في ضوء الشمس كيف بدها تصنع غذائها اذا راح تموت اذا اصلا هو بالمنطقه المظلمه ما في عندي كائنات حيه ذاتيه التغذيه وصلتي حبايب ليش لانه ما في ضوء الشمس عشان تصنع غذائها طيب بالنسبه للحيوانات اللي بتعيش بهاي المناطق مثلا في عندي الجمبري اوكي كنا بنعرفه طيب في عندي كمان ممكن السلطعون كمان ينزل يعيش بهاي المناطق ممكن نلاقي اذا بالاعماق هون كمان سلطعون طبعا اكيد زي ما احنا شايفين في عندي انواع مختلفه من الاسماك طبعا انواع الاسماك كثيره ومتنوعه طيب فاذا بعيش عندي بعض انواع الاسماك زي ما احنا شايفين انواع مختلفه شايفين في عندي هاي راسمين للقنديل البحر شايفين في عندي اللي هو الحبار الاخطبوط اوكي اذا هاي الاشياء بتعيش به اللي هي بالمنطقه المظلمه طيب اللهم صل على سيدنا محمد طيب نيجي بنحكي طيب هاي الاسماك او هاي الكائنات الحيه اللي بتعيش بالمناطق المظلمه ايش بتاكل على ايش بتتغذى في عندها طريقتين اما انه الكائنات الحيه اللي بتعيش بالمنطقه المضاءه ما هي مثلا هاي الاسماك ممكن تكون تاكل نباتات اوكي بتتغدى على ممكن مثلا على الطحالب وما الى ذلك طيب الان يا حبايبي هاي الكائنات الحيه اللي عايشه بالمنطقه المضاءه اذا ماتت بتنزل البقايا تبعتها وين بتغرق تحت بتنزل للمنطقه المظلمه بتيجي هاي الاسماك وهاي الكائنات اللي موجوده بالمنطقه المظلمه بتاكل هاي البقايا فبتتغذى هاي اول طريقه ثاني طريقه انه ممكن تكون هاي الكائنات الحيه اللي عايشه بالمنطقه المظلمه ممكن تصير ايش تفترس بعضها تصير تاكل بعضها طيب اذا الكبير بياكل الصغير وصلت يا حبايب وبالاضافه الى انه بحكي لي في عندي برضه بالمنطقه المظلمه في عندي كائنات حيه مجهريه يعني صغيره مثل ايش مثل البكتيريا والاثريات والاثريات احنا ماخذينها مسبقا حكينا هي كائنات حيه شبيهه بالبكتيريا ولكن بتقدر تعيش بالظروف البيئيه الصعبه اذا بتتذكروا وايضا من انواع الاسماك من انواع الاسماك اللي بتعيش بالمنطق المظلمه تعالوا خلينا نشوف في عندي هاي السمكه اسمها السمكه الضفدع طيب اذا هاي من انواع الاسماك سبحان الله يعني انا عن نفسي اول مره بشوف هذا النوع يعني ما عمري شفت هذا النوع من الاسماك ولا على التلفزيون ولا على النت ولا باي مكان فسبحان الله اذا هاي هذا النوع من الاسماك بعيش بالمنطقه المظلمه طيب تعالوا خلينا نلخص اهم الاشياء اللي حكيناها وبعدين بننتقل لاخر موضوع وبعتذر جدا يا سابع على الاطاله ولكن بقدرش امشي بسرعه بدون ما اشرح واوضح طيب رقم اثنين عندي الانظمه البيئيه البحريه طيب اول نقطه بنحكي تتشكل من مياه البحار والمحيطات طيب توصف المياه فيها بانها مالحه لانها تحتوي على املاح بنسبه ثلاث ونص بالميه تقريبا والنقطه اللي بعدها نيجي نعرف المصب ما هو المصب هو او هياسري المصب هو النظام البيئي المائي الذي تلتقي فيه المياه العذبه لنهر مع المياه المالحه لبحر او محيط وتعيش فيه مجموعه متنوعه من الكائنات الحيه على فكره تعريف المصاب مهم طيب اللهم صل على سيدنا محمد الان نحكي تعيش في المصب بعض انواع النباتات والطحالب والسلطعونات والاسماك طيب الان نحكي تنقسم مياه المحيط عموديه الى منطقتين اعتمادا على اختراق الضوء لها هما واحد المنطقه المضاءه اول نقطه نحكي هي المنطقه العلويه من المحيط رقم اثنين تمتد من سطح المحيط الى عمق يصل الى 200 متر النقطه اللي بعدها تتصف بانها ضحله ما يسمح للضوء باختراقها اللي هي انها سطحيه تقريبا يعني طيب بعدين نحكي تعيش فيها كائنات ذاتيه التغذيه مثل العوالق والطحالب والنباتات واخر نقطه بالمنطقه المضاءه نحكي تعيش فيها بعض الحيوانات كالدرافين والحيتان والسلاحف البحريه وبعض انواع الاسماك طيب تعالوا الان نروح على رقم اثنين اللي هي المنطقه المظلمه اول شغله بنحكي انها ايش اعمق اعمق من 200 متر نقطه اللي بعدها كلما زاد العمق يقل يقل الضوء الذي يصلها الى ان يتلاشى يعني يختفي ما يؤدي الى عدم وجود طحالب او نباتات اذا شو سبب عدم وجود طحالب او نباتات ايش عدم وصول الضوء الى المنطقه المظلمه طيب النقطه اللي بعدها بنحكي يعيش فيها يعيش فيها الجمبري والسلطعون وبعض انواع الاسماك بين قوسين مثل سمكه الضفدع وانواع كثيره من الكائنات المجهريه مثل البكتيريا والاثريات طيب مبدئيا ناخد لقطه للشاشه بنروح عند اخر معلومه نكتبهم هي عباره عن سؤال سؤال ممكن نحكي مثلا ممكن نحكي كيف تتغذى الحيوانات التي تعيش في المنطقه المظلمه طبعا من المحيط ممكن يجيني السؤال بشكل مختلف كيف تتكيف الحيوانات للعيش في المنطقه المظلمه شو بنحكي طبعا الجواب تتغذى على البقايا المتساقطه من الكائنات الحيه التي تعيش في المنطقه المضاءه بالاضافه الى افتراس بعضها لبعض اذا في بعضها يعني ما بيعتمد على البقايا المتساقطه ولكن بصيروا ياكلوا ببعض طيب هاي بالنسبه للمنطقه المظلمه طبعا ايش في عندي هون كمان سؤال اتحقق اقارن بين المنطقتين الضحله اللي هي المضاءه والمظلمه في المحيط من حيث الكائنات الحيه التي تعيش في كل منهما ذكرناهم يمس بالتلخيص اكتبهم انتم اخر شيء عندي بالنسبه للمناطق البيئيه في الاردن اول شيء تعالوا نشوف كيف المناخ عنا بالاردن المناخ عنا بالاردن يا حبايبي يوصف بانه بالصيف حار وجاف نسبيا وبفصل الشتاء ما بنقدر نوصفه بانه بارد ولكن ايش نوصفه انه المناخ معتدل شتاء اذا المناخ في الاردن حار الى جاف اوكي او حار وجاف بالصيف ومعتدل بالشتاء طيب تعالوا نشوف طيب الصحراء اللي موجوده اللهم صل على سيدنا محمد او او خلينا نحكي نقسم الاردن هي المنطقه الشرقيه وهكذا طيب لاحظوا المنطقه الشرقيه بين اصلا على الخريطه انها شو مالها انها صحراء طيب اللي هي تقريبا رويشد هون طيب فاذا بسود بالمنطقه الشرقيه مناخ الصحاري واحنا حكينا كيف مناخ الصحاري طيب حتى المنطقه الجنوبيه الشرقيه هاي المنطقه كمان بسود فيها ايش كمان مناخ الصحاري طيب اذا المنطقه الشرقيه والجنوبيه الشرقيه مناخ الصحاري شو النباتات اللي بتعيش فيها اللي هي نباتات الشيح والقيصوم رح نحكي ايش يمس الشيح والقيصوم طيب اللهم صل على سيدنا محمد بالنسبه لنبات الشيح يا مس ثواني اذا هذا هو نبات الشيح هذا هو نبات الشيح هذا هو نبات الشيح طيب خلينا نكبر شوي طيب هذا هو نبات الشيح يا سابع اكيد اذا عرفنا شو هو نبات الشيح طيب اذا هذا هو موجود يعني اللي بيعيش بالمناطق هاي الصحراويه تعالوا خلينا نشوف القيصوم نبات القيصوم هذا هو طيب هاد هو نبات القيصوم طيب واكيد عرفناه شكله اذا هاد هم هدول هم النباتات اللي بعيشوا بالمناطق هاي اللي بيسود فيها المناخ الصحراوي والمناطق الشرقيه والجنوبيه الشرقيه طيب بالنسبه للمناطق الغربيه والشماليه الغربيه لاحظوا اذا المناطق المناطق الغربيه والشماليه الغربيه بيسود فيها ايش مناخ الغابات المعتدله طيب اذا بيسود فيها مناخ الغابات المعتدله طيب احكي لي انه بتظهر فيها الفصول الاربعه شو يعني بتظهر فيها الفصول الاربعه راح تحكوا لي يا مستر ما هي الفصول الاربعه موجوده بكل مكان اه تمام بس احنا حكينا انه ببعض المناطق بكون مثلا الصيف مثلا بيكون حار الشتاء بيكون ممكن يكون دافي حتى ما بحسوش ببروده الشتاء طيب ممكن تكون الصيف طويل طيب فبحسوا انه يعني الفصول عباره عن صيف مثلا والشتاء مثلا قصير وهكذا طيب فاذا هذا اللي احنا بنحكي عنه يعني اما موضوع انه تظهر فيها الفصول الاربعه يعني الربيع بيكون الجوده في الصيف بيكون حار الا الخليط بيكون بارد شوي الشتاء بيكون ابرد وهكذا طيب هيك يعني انه بتظهر فيها الفصول الاربعه طيب بتعيش فيها اشجار البلوط والصنوبر هدول احنا بنعرفهم طبعا لو رحنا يا حبايبي لو رحنا على عجلون اكثر اشي يعني بنشوف اللي هو موضوع الغابات او منشوف اللي هي اشجار الصنوبر واشجار البلوط بتكون موجوده بكل مكان طيب الان بحكي لي من المناطق اللي موجوده عنا بالاردن وبسود فيها اللي هو المناخ الصحراوي او اللي هي منطقه صحراويه مثل المفرق وعندي من الغابات اللي عندي بالاردن اللي هي غابات عجلون هذا هيك مثال طيب فتعالوا اذا خلينا نلخص اخر شيء معنا وطولت عليكم تحملوني القلم الاحمر ضاع يا مس طيب شكلهم راح نكمل القلم الاسود يلا معلش الشمس يلا ختامها ختامها اسود يلا اذا الان بنكتب المناطق البيئيه في الاردن اول شغله بنحكي يتصف مناخ الاردن بالحراره والجفاف النسبي صيفا والاعتدال شتاء النقطه اللي بعدها طيب شوفوا الان نقطتين مرتبطات ببعض نحكي يسود مناخ الصحاري يسود مناخ الصحاري في المناطق الشرقيه والجنوبيه الشرقيه طيب كمان نقطه لها تنمو فيها اللي هي ايش هي المناطق الشرقيه والجنوبيه الشرقيه تنمو فيها نباتات الشيح نباتات الشيح والقيصوم طيب الان عندي نقطتين كمان طابعات لبعض طيب الان بنحكي يسود مناخ الغابات المعتدله وين في المناطق الغربيه والشماليه الغربيه طيب حكينا وتظهر فيه الفصول الاربعه طيب النقطه اللي تابعه لها بنحكي تعيش فيها اشجار تعيش فيها اشجار البلوط والصنوبر للاشجار المعمره هاي الكبيره طيب واخر شيء بنحكي من الامثله علم المناطق الصحراويه عندي المفرق ومن الامثله على الغابات اللي هي غابات عجلون والله يعطيكم الف عافيه يا سابع بعرف تعبتوا معايا نسبه التلخيص وتعبتو معاي بالفيديو الطويل وهي اجتنا تزورنا بنهايه الفيديو بهيك حبايبي بنكون انهينا مع بعض شرح درس المناطق البيئيه حبايبي بتمنى تكونوا فهمتوا الدرس الدرس بيعتمد على حفظكم يعني ما فيه اشي فهم كثير ولكن هو يعتمد على الحفظ اي حد عنده اي استفسار او سؤال على شرح الدرس يا ريت تكتبوا لي بالتعليقات وان شاء الله بنلتقي بالفيديو القادم بحل اسئله مراجعه الدرس ويعطيكم الف عافيه يا رب