الصف السابع علوم درس الأحافير السابع مي الزعبي

بسم الله الرحمن الرحيم يعطيكم الف عافيه حبايبي سابع كيفكم يا مس شو اخباركم ان شاء الله كويسين بعتذر كثير كثير منكم على الاطاله بعرف طولت عليكم كثير وتاخرت عنكم كثير بالماده ولكن للاسف والدتي دخلت المستشفى وانشغلت مع الوالده ويعني شويه ظروف فاعذروني على التاخير ان شاء الله هاليومين بنختم الماده مع بعض باذن الله تعالى بدايه تانيه بس طمنوني كيف كان امتحان الشهر الثاني معكم شو اجاكم اسئله كم جبتوا علامات في حد جاب علامات كامله ولا ايش بتوصلني كتير تعليقات في منها بقدر ارد عليها وفي منها للاسف بس لضيق الوقت ما برد بس ان شاء الله راح ارد على الجميع باذن الله باقرب فرصه اكتبوا لي بالتعليقات كيف كان امتحان الشهر الثاني وشو اجاكم اسئله شو الاشي صعب شو اشي عرفتوا تحلوه واللي ما عرفتوا تحلوه اكتبوا لي يا مس وان شاء الله راح ارد عليكم جميعا خليني ما اطول عليكم ونبدا بشرح الدرس الثالث من وحده السلوك والتكيف ودرس الاحافير درسنا سابقا يا سابق ان العلماء اهتموا بدراسه سلوك الحيوانات وحكينا شو اهميه دراسه سلوك الحيوانات طبعا العلماء اهتموا بدراسه سلوك الحيوانات وخصائصها التركيبيه كيف شكل اجسامها طبعا الشكل الخارجي والشكل الداخلي طبعا اللي هي الحيوانات اللي كانت موجوده امامهم يعني الحيوانات او بشكل عام حتى النباتات الكائنات الحيه بشكل عام اللي موجوده حوالينا اللي موجوده بنفس الزمن وبنفس الوقت اللي احنا عايشين فيه فقدروا انهم يدرسوا خصائصها التركيبيه زي ما حكينا الخارجيه كيف شكل اجسامها ايضا التركيب الجسم الداخلي عن طريق علم التشريح اوكي اللهم صل على سيدنا محمد كمان درسوا الخصائص السلوكيه عند الكائنات الحيه ولكن توقفوا عند نقطه واحده وهي الكائنات الحيه اللي كانت عايشه قبل ملايين السنين طيب هاي الكائنات الحيه انقرضت منذ ملايين السنين طيب كيف العلماء بدهم يدرسوا هاي الخصائص التركيبيه والسلوكيه لهاي الكائنات الحيه فلجاوا انهم يدرسوا او خلينا نحكي يهتموا بدراسه الاحافير الان ايش هي هاي الاحافير هي عباره عن بقايا لاجسام الكائنات الحيه اللي كانت عايشه قبل ملايين السنين يعني ضل مثلا ظل منها الهيكل العظمي ممكن ظل مثلا جمجمه ممكن ظلت انياب تمام ايش هي الاحفوره او الاحافير هي بقايا او اثار محفوظه ممكن تكون مثلا اثار اقدام لكائن حي مثلا كان عايش قبل ملايين السنين تمام فاذا الاحافير هي بقايا او اثار محفوظه في طبقات الارض لكائنات حيه عاشت قديما وماتت قبل ملايين السنين مثل الاسنان او الاصداف اذا يا مس كثير احنا بنشوف على التلفزيون بنشوف هالعلماء بيحفروا بالارض بيلاقوا مثلا هياكل عظميه لديناصورات بيلاقوا اصداف بيلاقوا صخور محفور عليها شكل مثلا صدفه او شكل نبات او شكل كائن حي كان عايش قبل ملايين السنين تمام فمن خلال هاي الاحافير هدول العلماء قدروا انهم يتعرفوا خلينا نحكي يعني نوعا ما على بعض الخصائص التركيبيه والسلوكيه للكائنات الحيه اللي كانت عايشه قبل ملايين السنين وطبعا اخر الدرس راح نتعرف انه ليش هم بيدرسوا يعني خصائص لكائنات حيه كانت عايشه قديمه انه احنا شو بدنا فيها رح نتعرف على هذا الاشي بنهايه الدرس طيب اذا هذا تعريف الاحافير حكيناه الان يا مس خلينا نشوف من الامثله على الاحافير شوفي عندي شو وجدوا العلماء من هاي الاحافير يعني الاشياء اللي ايش اللي بقيت منذ ملايين السنين وحتى يومنا هذا بتخص الكائنات الحيه القديمه على سبيل المثال بحكي لي في عنا مثلا وجدوا احفوره لايش لحيوان اللي هو الماموث الصوفي اللي هو عباره عن فيل ولكن مش فيل يعني زي اللي احنا بنعرفهم حاليا شكله مختلف تماما الان بفرجيكم اياه فوجدوا اذا احفوره لمامت صوفي منقرض مش موجود حاليا تمام يعني عاش قديما ومات زمان طبعا وين وجدوا وجدوه محفوظ في الجليد تمام يعني وجدوا هاد الماموث الصوفي وجدوه محفوظ بالجليد وايش وما تحلل طيب ثواني افرجيكم اياه خليكم معي سابع طيب شوفوا لي الماموس الصوفي كيف شكله طبعا هذا المامو زي ما حكينا هو نوع من انواع الفيله منقرض زمان انقرض كان بعيش بالمناطق البارده جدا فطبعا وجدوه وجدوه محفوظ بالجليد فالجليد يامس بيحفظ الكائن الحي من عوامل التحلل فهو بخليه ما يتحلل يعني بضله جسمه زي ما هو تمام فهاي مثال على احفوره وجدت لمام صوفي كمان وجدوا حفوره لنمر سيفي نوع من انواع النمور ولكن كمان هذا النوع انقرض مش موجود حاليا ابدا وين موجود وجدوه يمس اللي هي الاحفوره تاعته اللي هو جسمه يعني بعد ما مات وجدوا يامس ببركه نفط كمان النفط ماده بتعزل الكائن الحي او بتعزل الجسم عن عوامل التحلل يعني بتخليه ما يتحلل بضلوا جسمه زي ما هو محفوظ يعني لمده طويله خليني برضو افرجيكم كمان شكل النمر السيفي وزي ما حكينا شكل نمر تمام عادي ولكن شوفوا لي انيابه شوفوا لي كيف شكل النمر السيفي شوفوا كيف انيابه كانت طويله شايفين كيف فاذا هذا النوع مش موجود حاليا هذا النوع كان موجود قديما ولكن انقرض تمام فاذا بتلاحظوا انه هاي الصور يا مسيه مش صور حقيقيه ولكن هم يعني بيرسموا بيعملوا رسمه او نموذج هيك توضيحي من خلال الاحفوره اللي هم وجدوها يعني بكونوا وجدوا مثلا هيكل عظمي لهم بكونوا وجدوا جسمه كامل موجود تمام فاذا هم بيعملوا ايش بيعملوا رسومات توضيحيه لشكله كيف كان شكله قديما عشان يصير في عندهم تصور كامل للشكل طيب اذا هاي صار عندي مثالين اول اشي الماموث الصوفي اللي محفوظ بالجليد وعندي النمر السيفي المحفوظ بالنفط كمان شو وجدوا لاحظوا يا مس بالشكل هذا اللي عندي وجدوا حشرات هاي الحشرات محفوظه جوا صمغ هذا الصمغ يا مس بتفرزه مين اللي هي اشجار الصنوبر بهمنا يا مستر تعرفوا هذا الصمغ شو اسمه الكهرمان ممكن يعني مر معنا هيك بالحياه مثلا كلمه الكهرمان او اسم الكهرمان فلازم نكون احنا عارفين انه ايش الكهرمان ممكن يخطر لنا مثلا هل هو هذا حجر كريم ولا ايش هذا لا الكهرمان عباره عن صمغ نباتي بتفرزوا اشجار الصنوبر تمام فاذا فاذا هاي الحشرات المحفوظه جوا الصم هي عباره عن احفوره فكمان اذا الصمغ بيحفظ جسم الكائن الحي من عوامل التحلل تعالوا خلينا نلخص الاشياء اللي حكيناهم وبعدين نكمل شرح يلا يا حبايب مثل ما احنا متعودين انا طبعا جهزت العنوان وخلينا نبلش بالتلخيص بدايه نحكي اهتم العلماء اهتم العلماء بدراسه الاحافير للكائنات الحيه التي عاشت قديما وماتت قبل ملايين السنين طبعا وانقرضت ليش لتعرف خصائصها وانماط معيشتها طيب الان نروح نعرف شو هي الاحافير الاحافير هي بقايا او اثار محفوظه في طبقات الارض لكائنات حيه عاشت قديما وماتت قبل ملايين السنين مثل الاسنان والاصداف تمام الان نقطه جديده نحكي من الامثله على الاحافير التي تم العثور عليها واحد حفوره لمامس صوفي بين قوسين نحكي نوع منقرض من الفيله محفوظ في الجليد محفوظ في الجليد رقم اثنين احفوره لنمر سيفي محفوظ في بركه نفط ورقم ثلاث احفوره لحشرات محفوظه في صمغ نباتي تفرزه اشجار الصنوبر يسمى الكهرمان طيب خلينا نروح نكمل الان الشرح ننتقل لصفحه 102 مع بعض ونروح على طرائق التحفر الان يا حبايبي التحفر اللي هي العمليه اللي بتادي الى تكون الحفوره تمام اذا شو هو التحفر اللي هي الطريقه او العمليه اللي بتؤدي الى تكون هاي الاحفوره فتعالوا خلينا اذا تعريف التحفر هي العمليه التي تؤدي الى تكون الاحفوره ضمن شروط محدده اذا مش اي كائن حي تتكون له حفوره تمام لازم يكون في عنده شروط اذا تحققت هاي الشروط تتكون الاحفوره تمام تعالوا خلينا نشوف شو هاي الشروط عشان تتكون الاحفوره لازم اول شيء عندي اول شرط دفن الكائن الحي او بقاياه بعد موته مباشره منعا لتعرضه للهواء او المحللات لازم الكائن الحي اول ما يموت على طول يندفن ايش يندفن مثلا تحت التربه على طول مثلا زي ما حكينا على النمر السيفي هو وين لقوا ببركه نفط فاذا اول ما يموت الكائن الحي على طول مثلا مثلا انه يوقع مثلا ببركه نفط على طول مثلا يتجمد انه ينحفظ بالجليد على طول يندفن مثلا تحت تحت الارض تحت طبقات الارض تمام فاذا الفكره انه لازم يندفن اول ما يموت مباشره ليش لانه لو بضل معرض للهواء رح يتحلى الجسمه طب لو اتحلل جسمه كيف بده يضل ليومنا هاد وصلت المعلومه يا سابع فاذا لازم يندفن مباشره بعد ما يموت بعيدا عن الهواء وعوامل التحلل عشان ما يتحلل جسمه ويضلوا موجود ليومنا هاد هاد اول شرط الشرط الثاني كما انا وجود اجزاء صلبه في جسم الكائن الحي يزيد من احتماليه حفظه وجود اجزاء صلبه زي ايش زي انه يكون عنده هيكل عظمي مثلا زي انه يكون له صدفه تمام فاذا او قوقعه مثلا اذا وجود اجزاء صلبه بجسمه بتزيد من احتماليه ايش حفظه طول السنين هاي تخيل يعني لو مثلا كان اخطبوط الاخطبوط ما في ارجاء صلبه بجسمه كل جسمه ايش رخوا طري فبالتالي اذا جسمه راح يتحلل على طول يعني احتماليه انه تتكون حفوره للاخطبوط يعني احتماليه يعني ضئيله جدا جدا تمام فاذا دائما اللي بيبقى لفترات اطول اللي هو اللي هي الاجزاء الصلبه يعني ممكن تتحلل الاجزاء الطريه من جسمه الجلد اي اجزاء طريه بجسمه ولكن الاجزاء الصلبه بتضل يعني لوقت اطول وصلت فاذا عندي شرطين عشان تتكون الاحفوره اول شرط انه لازم الكائن الحي بعد ما يموت يندفن مباشره عشان ما يتحلل وثاني شرط انه يعني لازم يكون في بجسمه اجزاء صلبه هيك العظمه صدفه قوقعه تمام عشان تزيد من احتماليه حفظه هاي هي شروط التحفر طيب الان يا مس في عندي طرق التحفر كيف ممكن تتكون الاحفوره بعده اشكال ممكن الاحفوره تكون على شكل قالب مثلا كيف يعني قالب الان يا حبايب اللهم صل على سيدنا محمد تخيلوا معاي لو انا مثلا جبت وعاء كاسه وحطيت فيها طين طبعا الطين شو ماله بكون طري صح لو جبت صدفه وحطيت هاي الصدفه على الطين وايش وضغطت عليها ورجعت شلت هاي الصدفه ايش بلاقي بلاقي صار بالطين تكون ايش شكل قالب تمام طيب طبعا راح افرجيكم انا كيف راح احط لكم بالوصف لهذا الفيديو راح احط لكم يا مس رابط لفيديو موجود على اليوتيوب بفرجينا كيف بيتكون القالب للحفوره تمام فالان شو بحكي لي بحكي لي لو كان في عندي كائن حي هاد الكائن الحي مثلا في له صدفه في له قوقعه تخيل تخيلوا انتم كيف السلحفاه كيف القوقعه هاي تبعتها تخيل انها سلحفاه ماتت واندفنت تحت الارض طيب الان يا مس في تحتها بيكون طبقات رسوبيه شو يعني طبقات رسوبيه يعني زي الطين يعني سهل انه ايش انه يعلم فيها شكل القوقعه مثلا طيب الان هاي السلحفاه لو اجت فوقها كمان طبقات رسوبيه ومضغطت الان شكل القوقعه تبعتها من تحت راح يعلم الطبقات الرسوبيه من تحت هيك زي اللي بنحفر يعني ومن فوق كمان نتيجه الضغط كمان زي اللي بينحفر شكل القوقعه اللي بصير كالتالي انه اول اشي حتى وهي تحت التربه ممكن انه هاي الاجزاء الطريه من الجسم طبعا بتتحلل طيب شو بضل بضل الاجزاء الصلبه هاي الاجزاء الصلبه يا مس مع مرور الزمن مع مرور الزمن لما تصير مثلا تشتي الدنيا او يجي مي مثلا فوق التراب طيب بصير المي هذا ينزل لباطن الارض فهذا المياه مس شو بعمل لهاي القوقعه او هاي الصدفه بذوبها لما تذوب خلاص ببطل في كائن حيخلص تحلل جسمه والقوقعه او الصدفه ذابت بالماء شو اللي بضل اللي بضل شكل هاد الكائن الحي شكل القوقعه تبعته محفور من تحت ومحفور من فوق طبعا هاي الطبقات الرسوبيه او الطينيه ما هي بتنشف مع مرور الزمن صح ولا لا احنا قاعدين بنحكي عن مئات والاف السنين وملايين السنين بتنشف فبالتالي يا مس لما احنا نيجي نحفر مثلا بالارض ونطلع الصخور منطلع الصخره فبنلاقي ايش بنلاقي فيه قالب لايش نهايه الكائن الحي ماشي يا حبايب خليكم معي خليكم معي دقيقه واحده يا مس اذا لو اجينا نعرف ما هو القالب احكي القالب هو الطبعه الخارجيه للهيكل الصلب تمام اذا الطبعه الخارجيه للهيكل الصلب داخل الصخر التي تعكس الشكل الخارجي لهيكل الكائن الحي اذا بعد ما احنا نشوف هذا القالب بنعرف كيف كان شكل هيكله الصلب الهيكل الخارجي اللي هي القوقعه او الصدفه طيب خليني افرجيكم مثلا امثله على القوالب لاحظوا يا مس لاحظوا عندي هات قالب يعني كان هذا الكائن الحي كان ايش كان مدفون على هذا الصخر ولكن لما انضغط فيه طلعوا كيف زي انحفر جوا هذا الصخر انحفر اللي هو الهيكل الصلب بتاع الكائن الحي ايضا شوفوا لي هون هات تقريبا عادله ديناصور تمام و بغض النظر شو هو الهيكل العظمي بتاعه اللي هو الجزء الصلب لما مات واندفن تحت الارض شو ماله نتيجه الضغط عليه انحفر شكل جسمه جوا الصخور طيب كمان شوفوا لي هاي الصدفه هاي برضه لكائن حي كمان هاي يمس نتيجه الضغط عليها شوفوا كيف علمت جوا الصخر فهذا قالب هذا كمان شوفوا هاي القوقعه كمان هاي قالب تمام شوفوا حتى النبته هاي كمان ايش مش الها زي ايش زي الفروع والاوراق شوفوا كيف يا مس لما انضغطت بالارض شوف كيف تكون الها قالب جوا الصخره ما هي الصخره كانت عادي كانت صخر رسوبه يعني كانت طريه بس مع مرور الزمن صارت ايش نشفت صارت صخر يعني صلب فاذا علم فيها شكل النبته هاي سمكه على سبيل المثال وكثير في عنا ايش قوالب لكائنات حيه عاشت قديما اظن الفكره وصلت ايش هو القالب فاذا عرفنا القالب هو طبعا خارجيه للهيكل الصلب داخل الصخر التي تعكس الشكل الخارجي الهيكل الكائن الحي الان اي قالب من هاي القوالب انا فرجيتكم اياه مباشره انتم لما تشوفوا مثلا هذا القالب بتعرفوا اذا كيف كان شكل الكائن الحي صح لما شفنا هذه القارب عرفنا كيف كان شكل الكائن الحي من خلال شكل القالب صح طيب في عندي كمان هذا الكائن الحي مجرد ما شفنا القالب بتاعه بنعرف كيف كان شكله شوفوا كيف راسه شوفوا كيف رجليه تمام حتى هاي الكائنات الحيه شوفوا من خلال القالب تاعهم نعرف كيف كان شكلها فاذا هاد هو القالب عباره عن طبعه محفوره بايش جوا الصخر بتمثل الهيكل الخارجي الصلب طبعا الكائن الحي مفرجيني هون بس بهذا الشكل بحكي لي هاي احفوره قالب لايش لحيوان من المفصليات اسمه طبعا هذا الكائن الحي يا حبايبي هاد احنا شايفين الصوره كبيره ولكن هو تقريبا بحجم الصرصور تمام هو بحجم الصرصور طيب يعني خلينا نشوف تقريبا شوفوا لي كيف هذا هو شوفوا لي كيف كان شكله اكيد واضح معانا انه هو كان يعني هم بشبهوه وبحجمه بانه ايش يعني شبيه بالصرصور تقريبا شايفين كيف كان طيب كيف عرفنا احنا شكله ما هو زمان مات قديما كان عايش زمان وانقرض ما ضل منه عرفنا شكله من خلال القالب من خلال الاحفوره هاي وصلت يا سابع اذا هاي معنا او هذا معنى القالب نيجي الان على الطريقه الثانيه للتحفر اذا ما تكون اله قالب اوكي ممكن نجد احنا حفوره اوكي بطريقه مختلفه او بشكل مختلف زي ايش زي البقايا المحفوظه شو يعني حبايب يعني انه احنا ما نلاقي قالب لا نلاقي ايش نلاقي جسم الكائن الحي جسم الحيوان مثلا هو مازال موجود الى يومنا هذا يعني الان بالنسبه للماموث الصوفي هم لقوا جسمه كامل لقوه موجود جوا الجليد محفوظ طيب كيف يامس مو هذا من قبل ملايين السنين عادي يا حبايبي الفكره كالتالي الفكره يا مس انه هو انحفظ جوا الجليد مباشره فما تحلل جسمه طيب ما تحلى جسمه ظله لحتى هذا اليوم فاذا هذا بعتبره بقايا محفوظه ممكن كمان مثلا شايفين هذا الشكل شو بحكي لي بقايا جسم نمر سيفي وجدها في بركه نفط اذا شوفوا ممكن مثلا وجدوا لهذا النمر الصيفي مثلا بس الجمجمه والانياب مثلا يعني ايش يعني هاي بقايا من جسمه اذا من اسمها بقايا محفوظه اذا بقايا من جسمه ممكن انا الاقي له صدفه بس ظلت من جسمه اذا هاي بقايا من جسمه ظلت محفوظه لليوم ممكن الاقي له قوقعه ممكن الاقي انيابه ممكن الاقي الجمجمه بتاعته ممكن الاقي الهيكل العظمي بتاعه اذا هي بقايا من جسمه ما زالت محفوظه الى يومنا هذا تمام هاي زي ما حكينا هاي البقايا المحفوظه اللي خلاها ما تتحلل انها ندفنت مباشره بعيدا عن الهواء بعيدا عن عوامل التحلل وزي ما حكينا شوفي اشياء ممكن ينحفظ فيها الحيوان او الكائن الحي بحيث انه ما يتحلل جسمه زي الجليد وزي النفط وزي الصمغ هاي المواد اذا انحفظ فيها الكائن الحي ما بيتحلل وبس احكيلكو شغله قديما ايام الفراعنه كان اللي بيموت كانوا يحنطوه صح فكانوا يستخدموا اللي هو النفط اوكي بتحنيط الجثه بحيث انه ايش بحيث انها ما تتحلل تمام يا حبايب ليش لانهم هم عارفين انه النفط بساعد على ايش على عزل الجثه هاي بحيث انها ما تتحلل ماشي يا حبايب طيب ثالث طريقه والاخيره للتحفر من طرق التحفر عندي الاثار الاحفوري شو يعني اثار احفوري يعني زي اثار الاقدام الهنا الطبعات للاقدام للارجل طبعات للايدي يعني بيجوا هالعلماء بيلاقوا على الارض في طبعات لايدين فبيعرفوا ايش انه هدول عباره عن زي اثار لايش ايدي مثلا هاد الحيوان او بلازما مثلا طبعات للارجل مثل مثلا الديناصورات لانهم كانوا يجدوا العلماء اثار لايش لاقدام الديناصورات كان هو ماشي ارجله مثلا شوفوا شوفوا احنا يعني بمصطلحاتنا بنحكي بيغرزن رجليه صح بالارض فبالتالي تنشف الارض تنشف هاي الطبقه الرسوبيه فبتظلهم ايش اثار اقدامه موجودين فكانوا ايش كانوا اذا يعرفوا مثلا كيف شكل اللهم صل على سيدنا محمد مثلا شكل ارجل هذا الكائن الحي او شكل الايدي او حتى مثلا لو كان هذه الكائن الحي يعمل جحور تحت الارض او ممرات تحت الارض تتركها الكائنات الحيه وبتظلها ليومنا هذا طيب هاي بسميها اثار احفوريه اذا انتو تخيلوا على طول انه الاثار الاحفوريه زي اثار الاقدام مثلا لان عباره عن طبعات للايدي والاقدام وهذا طبعا بمثل لنا هذا الشكل هاي ايش اثار طبعات اقدام كائن حي فاذا هذول هم طرائق التحفر القوارب والبقايا المحفوظه والاثار الاحفوريه تعالوا خلينا نلخصهم وبعد هيك بنروح على اخر اشي اللي هي اهميه الاحافير نكمل تلخيصنا نروح الان اول شيء بدنا نعرف التحفر ما هو التحفر هي العمليه التي تؤدي الى تكون الاحفوره ضمن شروط محدده طيب نروح الان نشوف شروط شروط التحفر رقم واحد دفن الكائن الحي دفن الكائن الحي او بقاياه بعد موته مباشره بعد موته مباشره منعا لتعرضه للهواء او المحللات طيب رقم اثنين وجود اجزاء صلبه في جسم الكائن الحي الجروح نكمل الان ايش بنحكي طرائق التحفر رقم واحد القوالب طيب معلش اسفه يا سابع طيب ايش هي القوالب هي نحكي هي الطبعات الخارجيه للهيكل الصلب داخل الصخر التي تعكس الشكل الخارجي لهيكل الكائن الحي من الامثله عليها محفوره قالب الترايلو بايت وايش هو الترايلو بايت هو حيوان من المفصليه اللي هي اجسامها مقسمه الى اجزاء طيب الان نسال سؤال نحكي كيف تتكون القوالب اول نقطه بنحكي يدفن الكائن الحي بعد موته مباشره في الرسوبيات رقم اثنين تتحلل تتحلل الاجزاء الرخوه في بادئ الامر يعني اول اشي بتتحلل الاجزاء الرخوه بعدين رقم ثلاث تعمل المياه المتخلله للصخور على اذابه الهيكل الصلب واربعه اخر اشي تتكون طبعا داخل الرسوبيات او الصخر تعكس الشكل الخارجي للهيكل الصلب هاي بالنسبه للقوالب طيب تعالوا خلينا نشوف نكمل الان رقم اثنين من طرائق التحفر اللي هي البقايا المحفوظه نحكي تتشكل نتيجه تتشكل نتيجه دفن الكائن الحي او اجزاء من بعد موته مباشره في ماده تمنع في ماده تمنع وصول الهواء والمحللات اليه كالنفط او الجليد رقم ثلاث اللي هي الاثار الاحفوريه نحكي مثل طبعات الايدي والاقدام والممرات والجحور التي تتركها بعض انواع الكائنات الحيه لتصف نشاط الكائن الحي وما يدل على وجوده طيب والان يا حبايبي بنروح على اخر شيء اهميه الاحافير طيب بالنسبه لاهميه الاحافير ليش احنا بندرس الاحافير او ليش العلماء بيدرسوا الاحافير اللهم صل على سيدنا محمد طيب شو اهميه دراسه الاحافير اول شيء زي ما احنا حكينا حكينا انه العلماء قدروا يدرسوا الخصائص التركيبيه والسلوكيه للحيوانات والكائنات الحيه بشكل عام اللي عايشه به زماننا الحالي ولكن ما قدروا يعرفوا ايش الخصائص للكائنات الحيه اللي عاشت قديما فلذلك هم استعانوا بهاي الاحافير عشان يدرسوا ايش كانت خصائصها التركيبيه والسلوكيه فاذا اول شغله اللي هي دراسه او التعرف الى الخصائص التركيبيه يعرفوا كيف كان كانت اجسامهم كيف كان شكلهم كيف كان نمط معيشتهم وين كانوا عايشين شو البيئه اللي كانوا عايشين فيها كمان كيف كان سلوكهم تمام رح تحكوا من خلال بس طبعا مثلا وحده او حفوره واحده بدهم يعرفوا كل هاي الاشياء لا يا حبايبي هي مش احفوره وحده هي كثير احافير طبعا وكثير بعملوا دراسات العلماء بيدرسوا هاي الاحافير بيربطوا المعلومات ببعض والدراسات مع بعض كثير بعملوا ابحاث واشياء بالمختبرات يعني الموضوع يعني هو كبير كثير مش مثل ما احنا متخيلين احنا بناخذ المعلومات البسيطه فقط فاذا هاي اول شغله انه نتعرف على خصائص الكائنات الحيه اللي عاشت قديما هاي اول اهميه للاحافير ثاني اهميه للاحافير اللي هي ايش انه احنا نوصف العلاقات اللي كانت بين هاي الكائنات الحيه وشو البيئات اللي عاشت فيها طيب ثالث اهميه يا حبايب انه احنا نتعرف على تنوع النباتات والحيوانات يعني الان لما احنا احنا حاليا مثلا على سبيل المثال احنا في عنا مثلا الفيله احنا بنعرف شو انواع الفيل اللي موجوده عنا ولكن بدون ما نشوف الماب الاحفوره تاعت الماما الصوفي ما كنا بنعرف انه كان في نوع مختلف من الفيله كان عايش زمان فاذا هون احنا بنتعرف انه الكره الارضيه اللي احنا عايشين عليها من لما انخلقت الى يومنا هذا شو الانواع اللي عاشت عليها واحنا ما كنا بنعرفها تمام اذا قبل ما ينوجد الانسان فاذا هون احنا بنتعرف على انواع الحيوانات انواع النباتات التنوع اللي موجود على الكره الارضيه من لما انخلقت يومنا هذا باختلاف الزمان واختلاف المكان طيب كمان شوفي عندي كمان يا حبايب العلماء من خلال هاي الاحافير استدلوا على ايش على انه في عندي جماعات حيويه من هاي الكائنات الحيه شو مالها طبعا قدرت انها تتكاثر وانها تضل ببيئتها يعني لي فترات طويله ممكن لا مئات السنين تمام ما هو احنا في عنا كائنات حيه انقرضت وفي كائنات حيه لا قدرت انها تتكاثر وتضلها عايشه ليش لازمنه طويله جدا ماشي يا حبايب ليش لانه ممكن يكون فيه مثلا عندها خصائص تركيبيه ساعدتها على التكاثر والبقاء والاستمراريه طيب طيب هاي كمان اهميه مثل بحكي لي ايش معطيني هو مثال بحكي لي عصافير جزر قلباجوس شو مالها هاي طبعا استطاعت انها تتكاثر وانها تبقى لفترات طويله طبعا شو اللي ساعدها على هذا الشيء وجود شايفين شكل مناقيرها المنقار كيف شكله اذا ساعدها على ايش على البقاء ليش لانه هو يمس شكله شكل المنقار كان ملائم ومناسب لنوع الغذاء اللي كان متوافر بهاي المنطقه تمام طبعا احنا حكينا حكينا النباتات كانت في منها انقرض للحيوانات كذلك الامر الكائنات الحيه بشكل عام كان في منها بينقرض ولكن منقارها منقاره هاي العصافير كان مناسب لنوع الغذاء اللي كان متوافر وصلت يا حبايب فاذا هذا مثال على كائنات حيه في عندها خصائص تركيبيه ساعدتها على التكاثر والبقاء والاستمراريه طيب كمان اخر شغله اللهم صل على سيدنا محمد انهم استطاعوا العلماء من خلال هذه الاحافير انهم يقدروا اعمار الصخور اذا بتتذكروا اخذنا بالفصل الاول اخذنا كيف كنا نعرف اللي هو العمر النسبي للصخور والعمر المطلق كنا ناخذ المضاهره الاحفوريه والمضاعف الصخريه اذا متذكرين تمام فاذا كان اللي هي حكيت لكم اياه اللي هي المضاها الاحفوريه اذا من خلال الاحافير كانوا او بيقدروا العلماء انهم يقدروا كم اعمار الصخور انه هاي الطبقه الصخريه كم عمرها ما تتكونت اوكي وهكذا اذا يعني هاي هي اهميه الاحافير ودراسه الاحافير تعالوا خلينا نلخص اهميه الاحافير مع بعض وننتهي من شرح الدرس طيب اذا نجهز ونحكي اهميه الاحافير رقم واحد تعرف الخصائص التركيبيه والسلوكيه للكائنات الحيه التي عاشت في العصور القديمه طيب رقم اثنين وصف العلاقات وصف العلاقات بين الكائنات الحيه التي عاشت قديما والبيئات المختلفه والبيئات المختلفه التي عاشت فيها رقم ثلاث التعرف الى تنوع التعرف الى تنوع النباتات والحيوانات التي عاشت قديما باختلاف الزمان والمكان رقم اربعه الاستدلال على تمكن جماعات حيويه مختلفه من التكاثر والبقاء نتيجه ملائمه خصائص كل منها للبيئه التي عاشت فيها للبيئه التي عاشت فيها طبعا هون راح نذكر مثال عصافير جزر قلباجوس تمكنت من الاستمرار في حياتها خلال مئات السنين او لمئات السنين نتيجه ملائمه شكل مناقيرها لنوع الغذاء المتوافر وخامس نقطه والاخيره اللي هي التمكن من تقدير التمكن او القدره على تقدير اعمار الصخور بالاعتماد على مبدا تعاقب الاحافير والمظاهرات وهاد هو تلخيصنا يا سابق بهيك حبايبي بنكون انهينا مع بعض شرح درس الاحافير ان شاء الله بالفيديو القادم بنكمل حل اسئله الدرس وبعدها من حل اسئله الوحده وان شاء الله ما بطول عليكم اي حد عنده اي سؤال او استفسار يا ريت تكتبوا لي بالتعليقات ويعطيكم الف عافيه يا رب