المجلس 11 سلسلة الطريق مصطفى حسني

السلام عليكم ورحمه الله وبركاته بسم الله مكملين مع حضراتكم المجلس ال 11 من سلسله الطريق سلسله تدريس العلم الشرعي بندرس في سلسله الطريق عقيده كتاب العقيده الطحاويه والشمائل المحمديه للامام الترمذي بنتعرف على سيدنا النبي عليه الصلاه والسلام ثم بندرس الفقه على المذاهب الاربعه من الكتاب والسنه كتاب الشيخ محمد بكر اسماعيل رحمه الله العلماء الازهر ثم بندرس بعد كده ايها الولد للامام الكبير حجه الاسلام الامام الغزالي المتوفى 505 هجريه قبل ما اكمل مع حضراتكم بمجلس ال 11 عايز افكر حضراتكم ان وانت بتتعلم دينك في مستويات للعلم انت ممكن تقعد تسمع درس عن حب ربنا عن رحمه ربنا سبحانه وتعالى عن جمال صفات النبي عليه الصلاه والسلام فتحس بسهوله الكلام وجمال المعاني في مستوى ثاني من العلم بتحتاج انك انت تغذي عقلك بمجموعه معتقدات ومفاهيم قد يكون فيها شويه وده اللي احنا ساعات بنواجهه واحنا بنتعلم مع بعض انك انت دايما علشان تنمو لازم تفتح مجالات جديده للمعرفه وللمعلومات وفي معلومات علميه انت بتسمعها ومش عارف هتستدعيها امتى عشان كده العلماء عندهم كلمه جميله قوي يقول لك تعلم العلم فانك لا تدري متى تحتاج اليه انت ممكن تتحط في موقف الموقف ده تحتاج تستدعي فيه عقيده عن ربنا ممكن تسمع نقاش ما بين اتنين بيتخانقوا او مختلفين او كل واحد فيهم بيقول على التاني كلام سلبي فانت تبقى فاهم فين دينك من الاتنين اللي مختلفين دول لما تتعلم دايما العلم نور وبيخليك مستبصر بصير شايف الطريق اللي ورا النبي عليه الصلاه والسلام واحنا هنا بندرس في سلسله الطريق كتب اهل السنه سواء في العقيده او في الكلام عن النبي عليه الصلاه والسلام او في الفقه على المذاهب الاربعه او حتى في التزكيه والاخلاق كتاب ايها الولد فدائما ببقى عايز افكر حضراتكم ان السلسله دي بتحتاج لصبر وبتحتاج لمتابعه ودي جزء من رحلتك مع الله وقل ربي زدني علما طيب احنا نبدا النهارده الكتاب الاولاني كتاب العقيده الطحاويه للامام ابي جعفر الطحاوي المتوفى سنه 321 هجريا ووصلنا لجزئيه مهمه فيها خناقه فتعالى نشرح واحده واحده واحده بيقول الامام بيكمل في المره اللي فاتت لازم تكون سمعت الكلام عن رؤيه ربنا في الجنه اللي بيثبتها اهل السنه وجوههم يومئذ ناضره الى ربها ناظره وبينفيها بعض الناس الفرق الناس اللي خرجت بره اهل السنه منهم المعتزله بينفوا رؤيه ربنا سبحانه وتعالى يقول لك ما ينفعش نشوف ربنا لان لو شفنا ربنا يبقى ربنا جسمه وربنا مش جسم صح ربنا مش جسم بس ربنا سيخلق فينا القدره على رؤيته قلنا الكلام ده المره اللي فاتت ولازم تتابع عشان انا بكمل مساله رؤيه ربنا فيا ريت تكون شفت المجلس اللي فات قال الامام الطحاوي ولا يصح الايمان بالرؤيه لاهل دار السلام لمن اعتبرها منهم بهم او تاولها بفهم اذ كان تاويل الرؤيه وتاويل كل معنى يضاف الى الربوبيه بترك التاويل ولزوم التسليم وعليه دين المسلمين ومن لم يتوقى النفي والتشبيه ذل ولم يصي بالتنزيح فان ربنا جل وعلا موصوف بصفات الوحدانيه منعوت بنعوت الفردانيه ليس في معناه احد من البريه تعالى عن الحدود والغايات والاركان والاعضاء والادوات لا تحويه الجهات الست كسائر المبتدعات صل على النبي اصبر واحده واحده احنا يوم القيامه ربنا سيخلق فينا القدره على رؤيته سبحانه وتعالى لان العلماء بيقولوا ان ربنا موجود سبحانه وتعالى واجب الوجود وكل موجود يجوز عقلا ان يرى بالكيفيه اللي ربنا قال عليها مش عشان ربنا جسمه وليه اول وليه اخر فانا هعرف اشوفه لا عشان ربنا سيخلق فينا القدره على ذلك واثبات ان احنا هنشوف ربنا في الجنه ان شاء الله في الاخره في حاجتين اولا ما فيهوش حرمان للمؤمنين من اعظم نعيم في الاخره احنا هنشوف ربنا وفي ناس عايشه على الامل ده انها تقابل ربنا وتشوف ربنا في الاخره ثانيا ليس فيه انتقاص من من قدر الله ولا تقليل من عظمه صفات ربنا سبحانه وتعالى لان لو في صفه من صفات ربنا ربنا ذكرها في القران اوهمت عندنا تشبيه انه شبه المخلوقات او اوهمه نقص في صفات الله الصفات اللي فيها شيء غريب بيلجا العلماء معاها لحاجه اسمها التاويل والتاويل تاويل الصفات ده وافتح لي قلبك قوي دلوقتي تاويل الصفات ده منهج اهل السنه في فهم الصفات اللي ممكن تشتبه على البني ادم يعني ايه اولا يعني ايه تاويل ربنا مثلا بيقول في القران ان الذين يبايعونك الناس لما كانت تيجي تبايع النبي تسلم على النبي النبي بشر يوحى اليه واحنا كمان بني ادمين فاحنا حطينا ايدينا في ايد النبي ان الذين يبايعونك انما يبايعون الله يد الله فوق ايديهم يد الله يعني واحنا بنبايع النبي كده اللي جاي ده اللي انا هعمله ده كله غلط احنا بنبيعه النبي كده ربنا بيحط ايديه فوق ايدينا كده زي ما احنا بنحط كده انا معكم قال لك لا الله سبحانه وتعالى لما يقول يد الله فوق ايديهم مش معناها انك تشبه ايد ربنا بايد المخلوقين وتقوم عامل كده وتكيفها وتشبهها كل دي اخطاء في العقيده امال ايه يا جماعه ما تشرحوا لنا قال لك اه مدام اللفظ ده يد الله فوق ايدي يد الله مع الجماعه مادام اللفظ اوهم شيء من التشبيه مع البشر محتاجين اول الصفه دي التاويل هو صرف الكلام عن معناه الظاهر اذا اوهم تشبيها او نقصا في الاله فانا النهارده لما اقول مثلا ان الذين يبايعونك انما يبايعون الله يد الله فوق ايديهم بعمل اربع حاجات باثبت صفه اليد مش بان فيها اليد يبقى يد ثم بنفي انها جارحه جارحه يعني عضو ربنا محتاج له عشان يمسك الحاجات وين في انها جريئه لان انا النهارده وانا ايدي عايز اشرب كوبايه ميه مفتقر محتاج لايدي تجيب كوبايه الميه فانا لو ما عنديش ايد مش هعرف اجيب كوبايه الميه الله لا يحتاج الى شيء لما ربنا يقول يد الله مش معناها انها جارحه ربنا مفتقر ومحتاجها يبقى بثبت صفه اليد بن في انها جارحه ربنا محتاجها وبعمل حاجتين اما بفوض فبقول يد الله خلاص هذا المعنى كما يريده الله وده جزء من اهل السنه بيقول كده وجزء ثاني من اهل السنه يقول لك لا اول يد الله معناها عون الله مع اثبات ان مع اثبات صفه اليد ونفي انها جارحه يحتاج اليها فوض او اول اثبات صفه اليد نفي انها جارحه يحتاج اليها افوض امرها معناها يعني زي ما ربنا يريد يد الله يبقى خلاص معنى ربنا عارفه انا مش عارفه او اولها يعني عون الله يد الله فوق ايديهم عون الله معهم نفس الكلام مثلا فين ينزل ربنا الى السماء الدنيا حين يكون الثلث الاخير من الليل ينادي على الناس هل من تائب فاتوب عليه انا في الدور الاولاني عايز انزل فقمت سايب الكرسي كرسي انا اكبر مني فانا قاعد فيه فانا جسم قمت سايب الكرسي واتحركت بجسمي ونزلت ربنا مش كده ربنا مش في مكان وبيحويه مكان وهو جسم بينتقل فالعرش بيفضى من ربنا امال يعني ايه ينزل نثبت صفه النزول ننفي ان يكون نزول زي نزول البشر نفوض الامر لربنا في المعنى نزول يليق بالله او ناول نقول نزول رحمته سبحانه وتعالى نفس الكلام مثلا في يا ابن ادم مرضته فلم تعدني قال كيف اعودك وانت رب العالمين قال مارض عبدي فلان اما علمت انك لو عدته لوجدتني عنده وجدتني يعني احنا بنزول صاحبنا المريض فمحمد قاعد واحمد قاعد ووالدته قاعده وربنا قاعد ربنا هيبقى جوه الاوضه في المستشفى قال له لا لو قلت ان ربنا جوه مكان ده اسمه الحلول ان ربنا بيحل في الاشياء ودي من اكبر بدع العقيده امال يعني ايه ربنا عند المريض فقال لك نثبت صفه ربنا ننفي ان العنديه دي ان هو عند المريض زي عين ديه البشر فانا جيت دخلت من باب الاوضه وقعدت فالاوضه اكبر مني ننفي ان يكون مثل البشر نفوض عنده بمعنى يراه الله نفوض الامر ربنا اوله اول عنده برحمته وكرمي وشفائي ومعيتي فاهم الموضوع ده يبقى ده اسمه التاويل وبالمناسبه عشان انا دايما بحب واحنا ماشيين مع بعض كده ما نغرقش يعني بيصنع شوف شوف اوهام التشبيه ازاي يعني بيتصنع على ان ربنا لما ربنا يقول واصبر لحكم ربك فانك باعيننا يعني انا النهارده لما تقول لي ابني عنده مشكله ممكن تحلها له اقول لك ابنك في عيني في عيني يعني احطه جوه عيني قال له لا اصرف ظاهر المعنى ربنا قلبي اعيننا نثبت صفه العين ربنا اثبتها ننفي ان تكون جارحه ربنا محتاج لها عشان يشوف ثم نفوض الامر الى الله كما يريد الله عين عين كما يريد الله احنا مش عارفين معناها كما يريد الله سبحانه وتعالى بنفوض الامر او ناول فانك باعيننا برعايتنا بعناياتنا لغه العرب تستحمل كده واحنا بنتكلم كده مع بعض فدي مساله التاويل اللي بعض الناس بتتخانق عليها واهل السنه بياولوا بمنتهى البساطه خالص فقال لك ايه هنا بقى قال لك مساله رؤيه ربنا لا تحتاج للتاويل ليه لان ما فيهاش تشبيه بين ربنا وبين البشر احنا بنحتاج للتاويل لما نتوهم في الصفه انها زي صفه البشر اما رؤيه الله في الاخره ففي شيء ربنا هيغيره فينا مش هو اللي هيتغير هو لا يتغير يغيروا فينا فنستطيع ان نرى الله فنرجع بقى للنص فبيقول له ولا يصح الايمان بالرؤيه لاهل دار السلام يعني احنا اهل الجنه هنشوف ربنا ما ينفعش تفسر رؤيه ربنا باوهام وتفسيرات غير ان احنا هنشوف ربنا ولا يصح الايمان بالرؤيه لاهل دار السلام لمن اعتبرها منهم بوهم كاننا هنتوهم كده رحمته هنتخيل كده كرم لا احنا هنشوف ربنا باذن الله او تاولها بفهم انا فهمت ان احنا نشوف ربنا يعني هنشوف كرمه لا هنشوف ربنا سبحانه وتعالى اذ كان تاويل الرؤيا وتاويل كله معنى يضاف الى الربوبيه بترك التاويل ولزوم التسليم وعليه دين المسلمين وبعدين ابقى قايل له ايه ولكن خد بالك ومن لم يتوقى النفي والتشبيه زل ولم يصيب التنزيه وهنقف هنا بيقول ايه لما تشوف صفه تشبه صفات البشر ابعد عن حاجتين ابعد انك تنفي الصفه فتقول مثلا ان الذين يبايعون الله ان الذين يبايعون كانما يبايعون الله يد الله اقسم بالله ربنا ما عنده ايد لا استنى انت ما تنفيش الصفه اثبت اليد لكن تنفي انها شبه البشر كانها جارحه فانت بتتوقع بتبعد عن النفي وبتبعد عن التشبيه لا تنفي الصفه اثبت العين ان ربنا قال ولتصنع على عيني اثبت النزول ينزل ربنا تثبت ان ربنا عنده زي ما هو قال يد الله فوق قديم نثبت لنا انفي لكن لا نشبه كانها ايد زي ايد البشر وعين زي عين البشر ونزول زي نزول البشر ومن لم يتوقع اللي مش هيحمي نفسه من النفي والتشبيه زل ولم يصيب التنزيه نقف هنا اشكركم على الصبر على المعاني اللي انت ممكن تتصور ما تحتاجلهاش بس انت هتحتاج لها وهتسمع خناقه وانت في رحلتك العلميه كده عن مساله التاويل دي شرحتهالك كما شرحها اهل السنه وزي ما مشايخنا في الازهر علمونا وربنا سبحانه وتعالى يتقبل من الجميع ونكمل عقيده المره الجايه وصلنا للكتاب التاني في سلسله الطريق في المجلس ال 11 وهو كتاب الشمائل المحمديه للامام ابي عيسى محمد بن ثوره الترمذي متوفى 279 هجريا واتفقنا ان الشمائل هي الصفات الخلقيه خلقه ربنا الشريفه لسيدنا النبي عليه الصلاه والسلام والخلقيه افعال النبي واخلاقه بندرس الكتاب ده مع بعض عشان نتعرف ونتعلق بسيدنا محمد عليه الصلاه والسلام وكل اتباع اصله الحب واصله عظم قدر النبي في قلبك عليه الصلاه والسلام وده بيجي الاول من الشمائل ثم بعد كده السيره وصلنا مع الامام الترمذي لباب ما جاء في قدح رسول الله صلى الله عليه وسلم القدح زي الكوبايه الكبيره زي الكوز كده اللي بيتشرب فيه السوائل قال عن ثابت ثابت ابن اسلم البولاني ده تلميذ سيدنا انس بن مالك سيدنا انس خادم النبي قعد معاه عشر سنين في المدينه قال اخرج الينا انس بن مالك قدحا خشبيا غليظا مضببا بحديد فقال يا ثابت هذا قدحه رسول الله صلى الله عليه وسلم وهم قاعدين كده قام سيدنا انس مطلع كوبايه خشب بس حواليها حته حديده كده لفت كوبايه ليه عشان الخشب لو اتكسر الحديد ماسكه فطلع القدح الخشب ده المضبب يعني ملفوف بحته حديد كده وقال لهم يا ثابت دي كوبايه النبي عليه الصلاه والسلام انت فاهم بيحكي ايه لولا ان ده النبي كانت الكوبايه ما بقاش ليها قيمه يعني تخيل احنا قاعدين كده مره واحد واحنا قاعدين طلع لنا كوبايه ايوه وبعدين لا ده كوبايه النبي يعني في يوم من الايام الكوبايه دي النبي بايديه امسكها الحب كده بالمناسبه مناسبه تحتفظ دلوقتي مع فارق كل النبي عليه الصلاه والسلام في حته والكون في حته نحتفظ بكتب عليها امضاءات حبايبنا تيشرتات اللعيبه عليها امضاء حاجات غاليه عشان بحبه فما بالك بكوبايه النبي في وسطنا كده بصوا يا جماعه ادي النبي كان بيشرب صلى الله عليه وسلم وقال ايضا عن ثابت عن انس لقد سيدنا انس بيقول لهم بقى لقد سقيتوا او سقيت رسول الله صلى الله عليه وسلم بهذا القدح الشراب كله الماء والنبيذ والعسل واللبن سيدنا النبي عليه الصلاه والسلام كان عنده كوبايه بيشرب فيها كل حاجه فهي كبايه الميه بنغسلها حط فيها النبيذ استنى هقول لك يعني ايه نبيذ دلوقتي هي اللي بنغسلها نحط فيها العسل كوبايه عندي كوبايه عليه الصلاه والسلام مبدئيا كده احنا اتعلمنا ان احنا بنقرا العلم على العلماء مش بنقراه من الكتب كان يقولوا لا تاخذ العلم من صحفي ولا القران من مصحفي يعني ايه يعني انا ما ينفعش اقرا كتاب كده واطلع اعلم الناس انا لازم اكون قرات الكتاب ده على الشيخ ليه عشان لو انا بقرا النبي كان بيشرب نبيذ فانا مش متعلم بقى بقرا لوحدي فلما اقرا لوحدي افهم بعقلي مش بقرا على الشيخ النبي هو النبي ده يا اولاد ده النبيت خمره يعني حاشاه صلى الله عليه وسلم ايه النبيذ ده فيجي الشيخ يشرح لنا النبيذ ده واحد اتنين تلاته ينبث يعني يرمي زمان العرب زي دلوقتي احنا كنا بنعمل بنعمل الخشاف بيجيب الميه حط فيها الزبيب يحط فيها البلح بسيبها شويه صغيرين فلما يسيبها شويه صغيرين الميه تتسكر ويشرب الميه المسكره بتاعه البلح دي اللي النبذ نبذ يعني القى فلما نبذ البلح سمي نبيذا فهو النبيذ ده من النبذ ده مش النبيذ بتاعنا دلوقتي اللي هو الخمر فانا لو بقرا لوحدي او انت بتقرا لوحدي ممكن تقع في غلطات كتيره جدا عشان كده احنا بندرس العلم مع العلماء مش بندرس العلم من الكتب فدي مهمه جدا فكان بيشرب الماء والنبيذ والعسل واللبن في الكبايه الحلوه دي قال باب ما جاء في صفه فاكهه رسول الله صلى الله عليه وسلم قال عن عبد الله بن جعفر قال كان النبي صلى الله عليه وسلم ياكل القثاء بالرطب قثاء حاجه زي الخيار الكبير كذلك زي القته طب بتحب تحط طبق طبق حضرتك يا سيدنا رسول الله المكس اللي فيه ايه بتغمس ايه بايه كان بياكل الخيار او القته دي مع شويه بلح اكله النبي كده عليه الصلاه والسلام ده اللي كان موجود والموجود رضا مدام ده اختيار ربنا سبحانه وتعالى وبالمناسبه لو مره جمعت البلح مع الخيار ولا مع الات تفتكر انك انت بتطبق سنه النبي عليه الصلاه والسلام وعن عائشه رضي الله عنها ان النبي صلى الله عليه وسلم كان ياكل البطيخ بالرطب برضو كان ساعات يبقى في بطيخ وفي جنبه كده ايه رطب بلح كده طري وجميل فكان ياكلهم مع بعض صلى الله عليه واله وسلم وقال عن ابي هريره رضي الله عنه كان الناس اذا راوا اول الثمر جاءوا به الى رسول الله صلى الله عليه وسلم فاذا اخذه رسول الله صلى الله عليه وسلم قال اللهم بارك لنا في ثماننا وبارك لنا في مدينتنا وبارك لنا في صاعنا وفي مدنا الصاع والمد ده مكيال يعني يا رب بارك لنا في الكيلو ويبارك في النص كيلو وبارك في افه كده كانوا بيوزنوا بيها بارك في الصغير والكبير لان الصاع ده مكيال اكبر من المد الفاظ ما بقيناش نستخدمها دلوقتي نستخدم لفظ الكيلو بالجرام اكثر بارك لنا في صاعنا وفي مدنا اللهم انا ابراهيم عبدك وخليلك ونبيك واني عبدك ونبيك وانه دعاك لمكه واني لادعوك الى للمدينه بمثل ما دعاك به لمكه ومثله ضعف ومثله معه قال ثم يدعو اصغر وليد يراه فيعطيه ذلك الثمر يا جمال جمال القصه دي ويا جمال النبي الصحابه كان عندهم شيء كده عاده ان اول ما المحصول يطلع قبل ما يلمسوه يجيبوا منه ثمره للنبي كده عشان يدوق فربنا يطرح البركه في الدنيا ببركه النبي عليه الصلاه والسلام احنا ده اعتقادنا في سيدنا محمد عليه الصلاه والسلام فلما كانوا يجيبوه فكان يمسك النبي الثمره كده ويدعي يا رب بارك لنا في الثمار وبارك لنا في المدينه كلها النبي كان من مكه يا جماعه واتولد في مكه سال المدينه او النبي عليه الصلاه والسلام ونصر النبي فاتسموا الانصار فالنبي بقى يدعي لهم وفاء بعهدهم وحقهم وبارك لنا في مدنا وفي صاعنا وفي مدنا اللهم انا ابراهيم سيدنا ابراهيم قال رب اجعل على مكه مكان الحرم اللي كان عايش فيه سيدنا ابراهيم رب اجعل هذا بلدا امنا رب اجعل هذا البلد امنا وارزق اهله من الثمرات فدعى فاجعل افئده من الناس تهوي اليهم وارزقهم من الثمرات لعلهم يشكرون فبيقول له يا رب ما هو ابراهيم عبدك وخليلك ونبيك وانا كمان وزي ما دعى لمكه انا بدعي للمدينه ومثله ضعف ومثله معه وبعدين ينده اصغر طفل قاعد في وسط الصحابه تعالى يا ابني دوق يا ابني ايا كان بقى البلح حديد واي الثمره يعني طبعا يعني جمال ورحمه وبركه ودعاء وحنيه على العيال الصغيره النبي كل حاجه عليه الصلاه والسلام وقال الله وعن الربيع بنت معوز ابن عفراء قالت اتيت النبي صلى الله عليه وسلم بقناع من رطب واجر زغب فاعطاني ملء كفه حليا او قالت ذهبا ستنا الربيع بنت معوز ابن عفراء جابت لسيدنا النبي صلى الله عليه وسلم طبق كده في شويه رطب وشويه قته شويه خيار شويه خضار كده من اللي بيتاكلوا في السلطه ام سيدنا النبي طب نعمل ايه يا اولاد قام غارف شويه ذهب من اللي كان عنده قال لها اتفضلي لا استنى لحظه واحده مش ملء كفه ملء كفيه احنا عندنا البيوت ببعت لك طماطم تبعتلي خيار ابعت لك قطايف تبعت لي انت جلاش ده ايه ده النبي جات له خيار رجعه دهب ما كل واحد بيعطي على قدره بقى صلى الله عليه وسلم والدهب مش قادر النبي ما فيش حاجه في الكون قدر النبي عليه الصلاه والسلام بس شايف الكرم فهو جابت له البلح قال لها طب يا بنتي اتفضلي يا بنتي انت اديتيني من الموجود عندك وانا اديتك من الموجود عندي وانا ما بستغلهاش حاجه في الدنيا عليكم ده انا بدعي لكم بالجنه ابص على الذهب بقول لا ما تستاهليش ده انت تستاهلي دهب الدنيا والاخره انت متخيل ثقتها في نفسها لما هي تاخذ ملئ كف النبي حلي صلى الله عليه وسلم فبيعلمنا عليه الصلاه والسلام انا عايز اقف هنا هقف هنا كده لان ايه المره الجايه نكمل ان شاء الله في باب ما جاء في شراب النبي صلى الله عليه وسلم في كتاب الشمائل المحمديه للامام الترمذي وصلنا في المجلس ال 11 للكتاب الثالث وهو كتاب الفقه الواضح من الكتاب والسنه على المذاهب الاربعه لسيدنا الشيخ الدكتور محمد بكر اسماعيل رحمه الله وهو من كبار علماء الازهر بندرس للفقه على المذاهب الاربعه اولا عشان تتعلم فقه العبادات ازاي تعبد ربنا سبحانه وتعالى ولكن تتعلمها بالطريقه الازهريه والطريقه الازهريه هي الطريقه السنيه اللي اتعلم بها العلماء على مدار التاريخ من اهل السنه وهي انك تعرف اراء العلماء وتعرف الخلاف اللي في المساله فتعرف سعه الدين فتلاقي الاراء اللي تقدر تنتفع بها وتعمل بها فاحوالك المختلفه لان من رحمه ربنا ان جعل بعض الاحكام متفق عليها فكلنا في كل احوالنا نعملها بالطريقه دي فما فيش خلاف ان الضهر اربع ركعات ما فيش خلاف ان المغرب تلات ركعات ما فيش خلاف ان الوضوء فرض للصلاه لكن في خلاف في بعض المسائل وهي مش قليله والخلاف ده عشان يبقى ساعه للاراء فالكل يعرف يعبد ربنا باراء العلماء حسب سعه كل واحد وقدره كل واحد ويبقى الدين يسري علينا كلنا احنا بنقرا دلوقتي في نواقض الوضوء المره اللي فاتت خدنا خمسه من نواقض الوضوء والنهارده ناخد الناقد السادس ونكمل مهم جدا تكون شفت الفيديو اللي قبل كده المجلس العاشر علشان المجلس ال11 هو تكمله لنواقد الوضوء اللي بداناها المره اللي فاتت نقض الوضوء السادس اللي لو حصل محتاج انك انت تتوضا تاني عشان تصلي وده النواقد اللي جاي فيها خلاف بين العلماء قال لمس المراه الاجنبيه الاجنبيه مش يعني من اوروبا اجنبيه يعني ينفع تتجوزها اجنبيه عنك مش من المحارم فانت عندك المحارم اللي ما ينفعش تتجوزهم وعندك المراه الاجنبيه فبيقول لمس المراه الاجنبيه وقد اختلف العلماء في لمس المراه وذكروا في ذلك اقوال كثيره وتاويلات عديده اذكر منها اصحها واشدرها بالقول فيما ارى يرى الشافعيه ركز بقى في الحته دي يرى الشافعيه ان اللمس مطلقا ناقض للوضوء اذا كانت الملموسه اجنبيه كالزوجه وكل ما يحل لك نكاحها هو عايز يقول ان الزوجه كمان من الاجانب ليه من الاجانب لان يجوز انك انت يعني تقرب منها زي اي امراه اخرى ينفع تتجوزها فتقرب منها بعد الجواز غير المحارم اللي ما ينفعش تتجوزهم زي الام زي الاخت زي البنت زي الخاله العامه وهكذا فبيقول ان الشافعي بيقول مجرد لمس البشره على البشره او البشره على البشره كده بس ينقض الوضوء حتى لو كانت الزوجه او اي ست مش محرمه اما المحارم كالام والاخت والبنت فلا ينقض الوضوء بلمسه واحده منهن اتفاق يبقى الشافعيه اللي بيقولوا مجرد لمس قال ويرى المالكيه ان لمس المراه الاجنبيه ناقض للوضوء اذا قصدت اللذه او وجدت من غير قصد اما من لمس المراه الاجنبيه من غير ان يقصد اللذه وفي الوقت نفسه لم يجد لم يجد اللذه مع اللمس فلا ينتقد الوضوء ويرى الاحناف ان اللمس لا ينقض الوضوء مطلقا طيب واحده واحده الاول يا صاحبي ويا اختي الكريمه اول ما اقول لك قال الشافعيه قال الاحناف قال المالكيه قال الحنابله تعرف ان وراء الاقوال ده مجلدات من الادله ومش معنى انك انت ما شفتش الدليل او قريت الدليل ما فهمتوش ان العلماء ما عندهمش ادله لان انا ساعات كتير بشوف اكارم من اصحابنا مش متعلمين يقولوا والاحناف ما عندهمش دليل والمالكيه ليس لهم دليل في المساله ما هو ما ينفعش المالكيه الملكيه دول ولا الاحناف ولا الشافعيه ولا الاحنابله مش بيلعبوا في الشارع يا جماعه ومش ناس ما عندهاش دين ده ناس عشان يقولوا راي موته نفسهم في فهم الادله وتجميع الادله فاحنا في اجيالنا الغلابه اللي زي حالاتنا ما ينفعش اقول لا والاحناف لا يصح قولهم لا يا جماعه مدام مذهب معتبر تقبله العلماء يبقى ده مسائل فيها اختلاف سائغ سائغ يعني اختلاف مقبول فهنا لو خدت بالك من الخلافه لمس المراه الاجنبيه كده او لامسته من النساء هيجي لك الدليل دلوقتي يبقى خلاص عند الشافعيه طب لو واحد لمس مراه اجنبيه على قول المالكيه او الاحناف المالكيه يقول لو لمس بقصد اللذه والاحناف بيقولوا لا اي لمسه لا تنقض الوضوء حتى لو شعر باللذه لما يلمس فالمالكيه بيقولوا لو واحد وهنا مش بنتكلم على حرام ولا حلال السلام احنا المفروض ما نسلمش على بعض بس النهارده لو واحد سلم على بنت راجل سلم على بنت الشافعيه يقولوا له انت كده وضوءك انتقد المالكيه يقولوا له هو انت سلمت بقصد اللذه او لما مسكت ايديها حسيت بلذه لا يبقى موضوعك ما انتقدش لا ده انا لما مسكت ايديها كنت مبسوط ان انا ماسك ايد ست يبقى وضوءك انتقد الاحناف يقولوا لك لا اي لمسه لا تنقض الوضوء يبقى اخدت بالك من التلات اراء دول تمام واستدل الشافعيه بقوله تعالى او لامستم النساء فلم تجدوا ماء فتيمموا صعيدا طيبا ففسروا الملامسه لامستم بمعنى لمستم فسروا او لامستم بمعنى لمسته واما الاحناف فقد فسروا لامستم يعني جامعتم اه وهنا احد اسباب الخلاء احد اسباب الخلافه واما الاحناف فقد فسروا الملامسه بالجماع ومعهم من السنه ما يؤيد قولهم قولهم ومن ذلك حديث عائشه رضي الله عنها ان رسول الله صلى الله عليه وسلم قبلها وهو صائم وقال ان القبله لا تنقض الوضوء ولا تفطر الصائم وحديث عروه بن الزبير رضي الله عنهما ان النبي صلى الله عليه واله رضي الله عنهما ان عائشه رضي الله عنها قالت قبل النبي قبل يعني البوسه قبل النبي صلى الله عليه وسلم بعض نسائه ثم خرج الى الصلاه ولم يتوضا قال عروه قلت لها من هي من هي الا انت حضرتك بتقولي بعض النساء ما قلت حضرتك يا عائشه فضحكت عروه بن الزبير ده عائشه مين بالنسبه له الزبير بن العوام متجوز ستنا اسماء بنت ابي بكر اسماء بنت ابي بكر عائشه دي اختها يبقى السيده عائشه خالد سيدنا عروه اللي امه واسمائه دي اخت امه فبيقول لها يا خالتي مع حضرتك يعني هيقبل مين غير حضرتك فبيتباسط معاه خالتو فضحكت السيده عائشه وعنها عن عائشه رضي الله عنها كنت انام بين يدي النبي صلى الله عليه وسلم يعني قدامه يعني ورجلايه في قبلته فاذا سجد غمز ني فقبضت رجلي واذا قام بسطتها دليل الاحناف ان اللمس لا ينقض الوضوء ان السيده عائشه بتقول ده كان بيقبلني ويروح يصلي فبص الدليل قوي اهو وبعدين بتقول ده انا كنت الاوضه بتاعتنا صغيره والنبي بيصلي قيام ليها نايمه مش قادره ففرده رجليا في قبلته وعايز يسجد فبيقول لي يا عائشه بعد اذنك مش بيقول طبعا بيعمل لها كده فتوسع رجليها فيسجد فلما يقوم تقوم فرده رجليها تاني عشان الاوضه كانت صغيره فهو في لمس اهو للرجل واما المالكيه فقد شرطوا في اللمس قصد اللذه قصد اللذه او وجودها جمعا بين هذه الادله واما الحنابله ده احنا في مذهب رابع اهو جابوا الشيخ قلنا الشافعيه مجرد لمس المالكيه لو في لذه الاحناف لا خالص واما الحنابله فلهم ثلاثه اقوال قول يوافق الشافعيه وقول يوافق الحنفيه وقول يوافق المالكيه اه لما تخش عند مطبخ بقى يعني ايه عارف انت ورا كده الادله لما تخش ورا كده وتشوف بيعملوا ايه تلاقي المذهب الحنبلي عنده اكثر من قول في مسائل كتير قوي فمن ضمنها المساله دي يا جماعه الادله بتقول كده وبتقول كده يبقى دي مساله خلافيه فاختلف العلماء جوه المذهب الحنبدي على التلات اقوال اه من ضمن كمان نواقض الوضوء الشك في الوضوء بس مش اي شك واحده واحده واسمع مني كويس عشان الكلام ده بيحصل معنا كتير قوي يبقى احنا خلصنا مساله اللمس ملهاش علاقه بالسلام حلال ولا حرام حد حصل انه لمس لما لمس ايه حكم الوضوء الكلام على الوضوء مش على السلام الشك في الوضوء اتفقت الائمه ان من شك هل توضا ام لا وجب عليه ان يتوضا دفعا للشك لانه لا يصح ان يدخل الصلاه الا وهو متيقن من طهارته اما الشك في الحدث بعد الوضوء فلا ينقضه خلافا للمالكيه واذا شك في الحدث وهو في الصلاه تمادى فيها لحرمتها حتى يتمها ثم يتوضا ويعيدها والارجح ما ذهب اليه الجمهور واحده واحده عشان اشرح لك الكلام ده اليقين لا يزول بالشك طيب انا متوضي متوضي اه والله اتوضيت فاكر كويس اتوضيت بس مش فاكر انا نقضت وضوئي ولا لا يبقى انا شاكك نقضت ولا لا واليقين انا فاكر دخلت اتوضيت فما ينفعش اليقين ده يزول بالشكل ده يبقى انا متوضي يبقى انا دلوقتي لو انا متوضي ومش فاكر هنا وانا نقضت وضوء يا جماعه ولا لا لان اليقين لا يزول بالشكل طب انا نقضت وضوء يعني انا متاكد اني دخلت الحمام او نقضت وضيق باي ناقد من النواقل هو انا اتوضيت ولا لا يا جماعه يبقى انت مش متوضي لان يقينك انك نقدت الوضوء بس شاكك اتوضيت ولا لا يبقى اليقين لا يزول بالشكل يبقى هنا امتى يكون الشك في الوضوء ينقض الوضوء لو انا شكيت انا اتوضيت ولا لا مش لو شكيت انا نقضت ولا لا لان اليقين لا يزول بالشك دي خلاصه المساله وقد وردت احاديث نهي كثيره عن الاخذ بالشك منها حديث ابي هريره رضي الله عنه ان النبي صلى الله عليه وسلم قال اذا وجد احدكم في بطنه شيئا فاشكل عليه اخرج منه شيء ام لا فلا يخرجن من المسجد اي من الصلاه حتى يسمع صوتا او يجد ريحا حد حس كده ايه انه خرج منه حاجه هو انا خرج ولا لا مش متاكد قال له ما تطلعش من الصلاه الا انك تسمع صوت هذا الريح او تشم الريحه بتاعته فالشك ما بيتاخدش بيه ودي مساله مهمه جدا في الوسواس القهري وسواس القهري في جزء منه يحتاج علاج نفسي وجزء منه يحتاج دفع الفكره فالنبي بيساعد ان سنته تدفع الفكره دي وحديث عبد الله بن زيد بن عاصم انه شكى الى النبي صلى الله عليه وسلم ان احدنا يخيل اليه انه يجد الشيء في الصلاه خرجت مني كده في الصلاه فقال صلى الله عليه وسلم لا ينصرف حتى يسمع صوتا او يجد ريحا وبعدين تعالوا نقف هنا علشان المره الجايه ناخد مع بعض اشياء لا تنقض الوضوء على المشهور كده احنا خلصنا نواقض الوضوء وفي حاجات الناس فاكراها بتنقض الوضوء بس مش بتنقض الوضوء بس هي مشهوره بين الناس ناخدها المره الجايه واحنا بنتكلم في كتاب الفقه الواضح من الكتاب والسنه على المذاهب الاربعه في المجلس المجلس 12 ان شاء الله وصلنا مع بعض للكتاب الرابع في سلسله الطريق واحنا في المجلس ال 11 كتاب ايها الولد للامام الكبير محمد الغزالي حجه الاسلام المتوفى سنه 505 هجريه قال رحمه الله ونفع الله بعلومه وعلومكم في الدارين امين واعلم بيكلم تلميذه او ابنه واعلم ان اللسان المطلق والقلب المطبق المملوء بالغفله والشهوه علامه الشقاوه حتى لا تقتل النفس بصدق المجاهده لن يحيى قلبك بانوار المعرفه بيقول له ايه هنا بفكرك ان ده كتاب التزكيه وترقيه الاخلاق بيقول له يا ابني اقول لك على علامه الشقاوه كلمه شقي مش يعني بيتشاءى هو بيعمل بيعمل تصرفات وحشه شقيا بعيد عن ربنا وممكن يكون من اهل النار عكسها سعيد قريب من الله وان شاء الله من اهل الجنه رب العالمين يقول فمنهم شقي وسعيد فاما الذين شقوا ففي النار خالدين فيها لهم فيها زفير وشهيق خالدين فيها ما دامت السماوات والارض لاخر الايه وقال واما الذين سعدوا ففي الجنه خالدين فيها ما دامت السماوات والارض فبيقول له يا ابني انا وانت نخاف من موضوع شقي ده فاقول لك العلامه علشان وانت ماشي مع الله تشتغل على العلامات دي ما تبقاش عندك ومن هنا تيجي التزكيه ان البني ادم عنده مؤشرات للاداء زي ايه العدادات بتاعه العربيه هو الموتور سخن ما انت مش هتطلع تجسه انت هتشوف العداد كده ايه كسر التسعين ولا كسر كذا يبقى الموتور سخن هو البنزين فاضي هتشوف عداد البنزين المؤشرات دي قلبي سليم ولا بعيد عننا قلبي قلب الانسان الشقي بتبان في اللسان المطلق والقلب المطبق المملوء بالغفله والشهوه دي علامات الشقاوه اللسان المطلق هو اللسان المطلوق على خلق الله بالشتيمه البذيئه ان الله يبغض الفاحش البذيء بالغيبه والنميمه من الكبائر ذكر الناس في ظهرهم بحاجات ما يحبوهاش او نقل الكلام بغرض الوقيعه بافشاء الاسرار بشهاده الزور بالكلام الجارح اللي يوجع المؤمن هين لين سهل وان من اشر الناس منزله عند الله يوم القيامه من اتقاه الناس لفحشه لسانه سليط ابعد عنه يا عم مش عايز اتكلم معه عشان بيبهدلني وبيمسح بي الارض وبيخلي رقبتي قد السمسمه ايه ده ايه ده بيقول له يا ابني علم ايه اللي ينفع لان بكلم نفسي لان بعضنا ممكن يتعلم ويذاكر ممكن يصلي ويعبد ربنا فيبقى ظاهريا يبدو عليه التدين هو محتاج انه يعرف هو متدين ولا لا من ايه يا مولانا الامام الغزالي من اللسان المطلق لو لساني ده شهد والناس عايشه في رحمه الفاظ هذا اللسان وكرم الفاظ هذا لسان وقل لهما قولا كريما عارف يعني ايه القول الكريم عكس القول الخبيث انا ممكن اقول لك كلمه نقعد نتفنن انا وانت في استخراج المعاني القبيحه اللي فيها وممكن اقول لك كلمه نقدر نتفنن انا وانت في استخراج المعاني الشيك كلمه كريمه كريمه يعني عطاياها كتير اديتك ثقه في نفسك طمنتك ان انا بحبك طمنتك ان انا مش هغلط فيك قوتك على تحدي ايه ده ايه ده الكلمه الكريمه دي اللي مليانه عطاء دي عكس الكلمه اللي بتهد وبتسلب الانسان رؤيته باحترام لنفسه بيقول لك وقع اللسان اشد من واقع الحسام حسام يعني السيف فبيقول له هنا عارف من علامات الشقاوه ايه اللسان المطلق على الناس فانت يا صديقي والله العلماء اكرمون قوي لما ادونا العلامه دي لو لسانك حلو مبروك انت بتعر ربنا وحضرتك قريبه من ربنا لو اللسان مؤذي يبقى اعمل حسابك ما عندناش انا وانت حجه على فكره انا شتمته عشان هو يستاهل ادي حج شتمته عشان عايز اعلمه ادي حجه جبت سيرته عشان ببين الحق امام الناس ادي حجه واتكلمت عليه في ظهره علشان احذر الناس ادي حجه ادي حجه ادي حجه لغايه ما ربنا يحكمه بين الناس يوم القيامه في مكانه فيه يختلفون عشان كده قلبك يبقى الاول يعدي عليك كلام وبعدين اللسان ياخد الاذن من القلب السليم لكن اقول الكلام يطلع كده على طول لا لا بدل ما يقيم كده لما اهدى مع نفسي انا ليه قلت كده ازاي اقول كده فالانسان السعيد اللي هو قريب من ربنا من اهل الجنه ما احوج ما من شيء احوج الى طول سجن من هذا الصحابه كان يقولوا كده لو ما عنديش تعليق بناء ايجابي اتحط في ميزان حسناتي او ليصمت يبقى اللسان المطلق قال والقلب المطبق المملوء بالغفله والشهوه دي علامه الشقى مطبق يعني ايه مطبق يعني مقفول بامر من صاحبه خليني اتكلم عن نفسي وانا بتكلم معاك انا مش شايف ان عندك حاجه تقولها لي مفيده مش شايف انك انت اصلا من حقك تفكرني بحاجه انا عارف فانت بتتكلم انا قافل قلبي قافل قلبي من انك تنصحني فانت بتتكلم اصلا انا زهقان لان انا فاهم ان انا فاهم اكتر منك فانت ما عندكش حاجه تقولها لي فانا مطبق قلبي على اللي فيه مع ان ربنا بعتك ليا مستشار وانت بتنصحني تفوقني وتصلح لي معلوماتي وتجدد لي قلبي وتشاور لي على طريق ربنا بس انا القلب المطبق الكوبايه مفتوحه من هنا لو قلبتها كده تنطبق على وشها ما ينفعش تصب ميه فيها من الحته من اعرض كوبايه اللي بالعكس فالقلب المطبق ده لا بينتفع لا بنصيحه ولا بعبره ده انا اللي اقول للناس العبره مطبق فقال له كده قال واعلم ان اللسان المطبق المطلق والقلب المطبق المملوء بايه بالغفله والشهوه مش شرط الشهوه بعض اصدقاءنا يفتكر ان الشهوه الزنا لا يا فندم شهوه الانتقام شهوه حب الظهور انا اللي اقوله انت ما تقولش شهوه تصحيح اخطاء الناس شهوه السيطره والتحكم في الخلق شهوه اظهار مقام العالي عن طريق توطيه مقام اللي قدامي مش عن طريق ان انا باكرم الناس وساعدهم لا لا شهوات شهوات فبيقول له هنا مملوء بالغفله واكثر غفله الانسان ممكن يصاب بها انه يغفل عن حاله فيبقى مشغول من اللي صلى ومين اللي زكى ومين اللي فطر ومين العمل ومين اللي بيقول بنيه كويسه ومن نيته كويسه ومين لبس ومين ما لبسش وناسي حاله فلما يبقى البني ادم اصله متدين وعمل وارى خد بالك ده عالم بيكلم تلميذه العالم ياخد بالك يا ابني لاحسن نكون علماء ومتدينين بننشر سلاطه اللسان والغفله واحنا مش واخدين بالنا فالشيخ تلميذه مدي له المساحه انه يقول له قل يا مولانا عشان ابقى بنشر الرحمه والعلم اتيناه رحمه من عندنا وعلمناه من لدن علما علم من غير رحمه هي نفر الناس من الدين ربنا يقول في القران ودي ايه بيسميها سيدنا الشيخ ايه الايمان والالحاد قال بما رحمه من الله لينت لهم اهي دي ايه الايمان ناس لفت حوالين النبي برحمه النبي عليه الصلاه والسلام سبب رحمه النبي ولو كنت فظا غليظ القلب لنفضوا من حولك كتير من اخواتنا واصحابنا اللي تركوا الدين بسبب صدمته في اخلاق واحد متدين فبيقول له هنا ايه بقى يا سيدي بيقول خد بالك قوي ركز مع نفسك قوي في الفاظك واستماع وافتتاح قلبك لكل الكون يبقى استاذك قال واعلم ان اللسان المطلق والقلب المطبق المملوء بالغفله والشهوه علامه الشقاوه حتى يعني يبني لغايه حتى لا تقتل النفس بصدق المجاهده جاهد نفسك في لسانك وقلبك امسك لسانك الا من الخير لو سمحت وقلبك يسمع للكل لو سمحت جاهد في كده لو ما جاهدتش نفسك حتى لا تقتل النفس بصدق المجاهده لن يحيى قلبك بانوار المعرفه معرفه ربنا ومعرفه الحق ومعرفه النفس النور ده ما يجيش الا بواحد جاهد لسانه وجاهد قلبه دي كانت وصيه النهارده من الامام الغزالي لتلميذه في كتابه الممتع ايها الولد ونكمل ان شاء الله المره الجايه لو عشنا لمجلس ال 12 على خير شكرا