الحال وأنواعها ـ الحال الجملة والحال شبه الجملة ـ الصف الأول الإعدادي الفصل الدراسي الثاني

السلام عليكم ورحمه الله وبركاته ابنائي وبناتي طلاب الصف الاول الاعدادي اهلا بكم ومع الدرس الاخير من دروس النحو لهذا العام وهو بعنوان الحال بدون الدخول في ايه تفاصيل بمنتهى البساطه الحال هو كلمه او جمله او شبه جمله تعبر عن حاد صاحبها بمعنى لو انت وجدت اي كلمه في الجمله او جمله او شبه جمله الشبه الجمله او الكلمه او الجمله بتعبر عن حال وهيئه وشكل صاحبها دي هتسمى الحال انا لسه ما دخلتش في تفاصيل طب اديني مثال برده عشان اعرف التعريف البسيط ده بتاعك يا استاذ حاضر لو انا قلت لك حضر الاستاذ مسرورا اين الكلمه التي تعبر عن حال وشكل صاحبها انت هتبص هل كلمه الاستاذ بتعبر مين لا مسرور بتعبر عن صاحبها ايوه اذا كلمه مسروره حال انا لسه ما دخلتش لا في تفاصيل ولا كلاكيع طيب لو انت بصيت للمثال اللي بعده حضر الاستاذ وسروره كبير فين الكلمه او الجمله التي تعبر عن حال صاحبها حتقول لي اه سروره كبير عبرت عن حال الاستاذ حينما جاء تمام التمام لو انا قلت لك حضر الاستاذ في سرور فين الكلمه او الجمله او شبه الجمله التي تعبر عن حال صاحبها هتقول لي يا استاذ في سرور انا وصفت او هيئه الاستاذ حينما حضر كان حاله في سرور طيب لو انت ما فهمتش التعريف البسيط ده خلينا ندخل على التعريف النموذجي للحال اولا قبل ما نبدا كده الحال ثلاث انواع في حال مفرد لو انا عبرت عن الحال بكلمه واحده في حال جمله لو انا عبرت عن الحال بجمله اسميه او فعليه وفي حال شبه جمله لو انا عبرت عن الحال بظرف او جر ومجرور برض لسه ما فهمتش ده طبيعي جدا ركز معايا وندخل في التفاصيل واحده واحده التعريف العام للحال هو اسم نكره منصوب يبين هيئه صاحبه عند حدوث الفعل تاني ايه هو الحال الحال اسم ايه كمان ونكره يعني دائما نكره يعني لا يعرف بال مطلقا ومنصوب دائما الحال منصوب سواء منصوب بالفتحه لو كان مفرد او جمع تكسير منصوب بالكسره لو كان جمع مؤنث سالم منصوب بالياء لو كان مثنى او جمع مذكر سالم يبقى كده عندنا ثلاث حاجات بتعرفني الحال اسم نكره منصوب مش بس كده الاهم يبين هيئه صاحبه عند حدوث الفعل الكلمه الاسم النكره المنصوبه دي بتبين شكل وهيئه وحال صاحبها وهنعرف يعني ايه صاحبها عند حد حدوث الفعل معنى كده ان الحال بياتي في جمله فعليه ما هو بيقول لك عند حدوث الفعل صح طيب مش فاهم عادي يا ابني والله بص لي على المثال اللي انا قلته لك في بدايه الفيديو حضر الاستاذ مسرورا اين الاسم النكره المنصوب الذي يبين هيئه صاحبه عند حدوث الفعل بمنتهى البساطه انت هتقول لي مسرورا يلا نشوف الشروط بتاعه التعريف منطبقه على كلمه مسرورا ام لا مسرورا اسم كويس خالص اسم اهو اسم ده فيه تنوين وينفع احط له الف ولام ماشي واسم نكره كويس نكره ما فيهوش الف ولام ومنصوب ده منصوب بالفتحه طيب حط كده المعنى في دماغك هي كلمه مسرورا معناها ايه ده كلمه مسرورا بينت بينت ووضحت حال الاستاذ عند الحضور اهي دي معنى يبين هيئه صاحبه عند حدوث الفعل يبقى تاني يا ابني عايزك تحفظه لي الحال هو اسم نكره منصوب يبين هيئه صاحبه عند حدوث الفاعل واحد يقول لي يعني ايه صاحبه دي مش فاهم حاضر اسال نفسك هو مين اللي مسرور هتقول لي الاستاذ اهو الاستاذ ده اسمه صاحب الحال بالمناسبه صاحب الحال يعرب حسب موقعه في الجمله يعني انا حضر فعل ماضي مين اللي حضره يلا قول معايا الاستاذ يبقى الاستاذ فاعل مرفوع وعلامه رفعه الضمه اما مسرورا حال منصوب وعلامه نصبه الفتحه لمحه كده على الهامش الحال يذكر ويؤنث يعني ينفع حضرتك تقول لي حال منصوب بالتذكير او حال منصوبه يعني ينفع في التعريف عادي اسم نكره منصوبه او اسم نكره منصوب يبين او تبين على اساس ان الحال دي لفظه ينفع اذكرها وينفع اثها هيئه صاحبه او صاحبها الثنين صح كده عرفت المعلومه اللي على الهامش طيب يبقى اذا كلمه مسرورا اسم نكره منصوب يبين هيئه صاحبه من صاحبه اللي هو صاحب الحال منين صاحب السرور الاستاذ عند حدوث الفعل طيب يلا ندخل في التفاصيل احنا لو انت فهمت الجزء ده كده الباج ان شاء الله سهل جدا ركز يا سيدي عشان تعرف الحال لازم يكون عندك خمس علامات كم علامه يا ريت تكتبهم عندك لو انت يعني السبوره باينه كده قدامك طيب عشان اعرف الح اللي قدامي لازم يكون في خمس علامات اعتبرهم خمس شروط ولازم الخمسه دول ينطبق مع بعض اول شرط يا شباب الحال يكون في جمله فعليه ده اللي عليك احيانا بيكون في جمله اسميه ولكن في كده مسوغ او بيكون في دليل ان في فعل خلاص خلينا احنا مع طالب اولى اعدادي يبقى الحال يكون في جمله فعليه بدليل ان هو بيقول لي ايه يبين هيئه صاحبه عندها حدوث الفعل يعني لازم يكون فيه عامل يكون فيه فعل يعني طيب الحال بيكون فيه جمله فعليه ده الشرط الاول الشرط التاني صاحب الحال لابد ولازم وحتما يكون معرفه سواء المعرفه ده ضمير او اسم اشاره او معرف بالاضافه او معرف بال او علم انت اخدت انواع المعارف طيب ثالث شرط الحال دائما نكره منصوب دايما منصوب ودايما ناكره وما ينفعش يكون معرفه الشرط الرابع الحال ده يكون اجابه عن سؤال بيبدا بكيف رقم خمسه بيكون فضله فضله يعني زياده عن اركان الجمله الرئيسيه طب معلش برض انا مش فاهم يا ريت تطبق لي الخمس شروط دول يا استاذ على المثال اللي انت قلته لنا في بدايه الدرس حاضر لو انا قلت لك حضر الاستاذ مسرورا فين الكلمه اللي انت شاكك بص شاكك انها حال هتقول لي يا استاذ كلمه مسرورا طيب عايز تتاكد انها حال شوف لي الخمس ش اول شرط هل كلمه مسرورا جاءت في جمله فعليه ايوه حضر الاستاذ مسرورا جميل صاحب الحال هل معرفه نعم عشان تعرف صاحب الحال اسال هو مين اللي مسرور انا اقصد مين الاستاذ مش الاستاذ دي معرفه اه ده معرف بال حلو خالص يبقى الشرط الاول والتاني تمام التمام هل الحال بتاعك نكره منصوب ايوه مسرورا كويس الشرط الرابع ده مهم جدا حط لي كيف في بدايه الجمله لو طلع لك الاجابه الكلمه اللي انت شكك انها حال يبقى انت 100 م يلا كيف حضر الاستاذ هتقول لي حضر الاستاذ مسرورا اذا كلمه مسرورا حال الشرط الخامس فضله يعني ايه فضله يعني زياده عن اركان الجمله الرئيسيه يعني عند حذف الحال لا يؤثر على اركان الجمله عشان اركان الجمله الاساسيه عندي فعل وفاعل ومفعول به فانا لو حذفت كلمه مسرورا الجمله جميله خالص مفيده حضر الاستاذ انا ليه كتبت لك كلمه فضله بص لي كده للمثال الرقم انت شايفه اشترى محمد كتابا اهو وانا بشرح كان زمان الدرس ده على سنه خامسه ابتدائي كان زمان من حوالي كده كان زمان ايه يعني من حوالي خمس سنين ايوه المنهج الجديد كان درس الحال على خمسه ابتدائي ففي ولد انا كتبت المثال ده اشترى محمد كتابا قال لي يا استاذ كلمه كتابا حال ليه يا ابني ده انطبقت عليها جميع الشروط طب قلت له هل ينفع اقول لك كيف اشترى محمد تقول لي اشترى كتابا قال لي اه قلت له ماشي هو ما طلعش فاهم طبعا قلت له الحال دايما فضله يعني ايه فضله يعني عند حذف الحال لا يؤثر على اركان الجمله الرئيسيه لو انا شلت خالص كلمه كتابا اللي انت بتقول لي انها حال اشترى محمد هل الجمله مفيده لا طبعا معنى كده ان حذف الكلمه اللي انت شاكك انها حال اثرت في اركان الجمله الرئيسيه يبقى هي ليست حالا ده ده ركن اساسي من اركان الجمله الفعليه ده اتاري اشترى فعل مين اللي اشترى محمد محمد فاعل مرفوع هو محمد اشترى ايه اشترى كتابا يبقى كتابا دي اسمها مفعول به منصوب ليست حالا وغير كده يا حبيب قلبي من جوه هي كلمه كتابا بينت هل حل محمد حين الشراء لا طبعا خلاص يلا بينا نبص على امثله واحده واحده وان شاء الله هتطلع من الفيديو ده حافظ درس الحال شاهدت المصنع مزدحما فين الكلمه اللي انت شاكك انها بينت هيئه صاحبها هتقول لي اه مزدحما يلا نشوف الشروط بتاعتنا هل الجمله بتاعتها فعليه اه شاهدت المصنع مزدحما طيب فين صاحب الحال ثانيه واحده عشان تعرف صاحب الحال اسال هو مين اللي مزدحم ايوه المصنع يبقى المصنع هو صاحب الحال معرفه ايوه معرفه اهو معرف ب طب فين الحال بتاعك مزدحما هل هو نكره منصوب ايوه يا استاذ بين زي الشمس اهو حط لي كيف في بدايه الجمله لو طلع الحال اجابه يبقى انت 100 100 كيف شاهدت المصنع المصنع كان حاله ايه فانا هرد عليك هقول لك شاهدت المصنع مزدحما اذا كلمه مزدحما حال منصوبه او منصوب منصوب وعلامه نصبه الفتحه كده تمام طب فاضل شرطين يا استاذ شرط واحد هل هو فضله ايوه لو انا قلت لك شاهدت المصنع كلمه فضله يعني زياده عند حذفها لا يؤثر على اركان الجمله الا الاساسيه لو انا حذفت كلمه مزدحما ايوه شاهدت المصنع والله الجمله ما عيطت ولا حاجه الجمله زي الفل تمام يلا ندخل على المثال اللي بعده نسيت اقول لك حاجه مهمه الحال يطابق صاحبه في النوع والعدد بمعنى ما ينفعش حضرتك تقول لي شاهدت المصنع مزدحمه لا ده المصنع مذكر يبقى الحال مذكر المصنع مفرد يبقى الحال مفرد كده عرفنا الحال وصاحبه لازم يكونوا زي بعض في ايه مش في الاعراب طبعا لا في النوع تذكير وتانيث والعدد مفرد او مؤنث مفرد او مثنى او جمع نبص على المثال اللي بعده معلش اعذرني انا لسه مصلي الفجر وبشرح يعني لسه الدنيا ما اشتغلتش ينافس محمد زميله متحابين بالله عليك ركز معايا انا عايزك تحط المعنى في دماغك فين الكلمه او الجمله اللي بتبين هيئت وحال صاحبها اه متحبين بيدول على حالهم كانوا بيحبوا بعض اهو انت لسه شاكك خلي بالك طب انا عايزك تتاكد لي لو سمحت يلا هل كلمه متحبين جت في جمله فعليه اه ينافس محمد زميله متحبين حلو الشرط الاول الشرط التاني ده متحبين مثنى مين اللي هم متحبين مين صاحب الحال يبقى صاحب الحال لازم يكونوا اثنين هتقول لي يا استاذ اه الاثنين المتحابين محمد وزميله حلو خالص هل هم الاثنين معرفه هتقول لي لا ده محمد ما فيهاش الف ولام هزعل منك ده محمد علم ومن اشهر المعارف العلم علم يعني اسم شخص يبقى ده معرفه طب يا استاذ كلمه زميله معرفه ايوه يا ابني ده اسم به ضمير اي اسم به ضمير اعلم انه معرفه يبقى انا عندي الشرط الثاني تمام التمام محمد صاحب الحال وزميله برض صاحب الحال الثنين معرف اني طب هل الحال نكره ومنصوب ايوه متحابين نكره ومنصوب بالياء لانه مثنى حلو حط لي كيف كيف ينافس محمد زميله كان حالهم ايه ينافس محمد زميله متحابين كلام جميل هل هو فضله ايوه ينافس فعل محمد فاعل زميله مفعول به ماثرتش على اركان الجمله الاساسيه يبقى متحبين حال منصوب او منصوبه وعلامه نصبها الياء لانه مثنى انتش ملاحظ اه ملاحظ ان متحبين مذكر ومحمد والزميل مذكر ده مثنى وانا عندي اثنين اهوت مثنى يعني اثنين مش لازم يكون مثنى ممكن يكون الاثنين ممكن فاعل او مفعول به طيب ندخل على المثال اللي بعده ركز المثال اللي بعده انت هتقول لي انت غلطان يا استاذ التلميذه جاءت مسرعه فين الكلمه اللي انت شاكك انها بتبين حال صاحبها اه جت مسرعه اهي مسرعه بينت حال التلميذه كلام جميل يلا نبص على اول شرط هل الجمله فعليه اوه وانا حطت المثال غلط ولا ايه ده جمله اسميه يا استاذ هقول لك لا اقرا الجمله للاخر التلميذه جاءت مسرعه فين اقرب عامل يعني ايه عامل كبير عليك دي فين اقرب كلمه بتؤدي المعنى المفيد لكلمه مسرعه اه قصدك يا استاذ يعني الجمله بدات منين جاءت هي اصلها جاءت هي فانا الجمله بتاعتي بدات من جاءت ليه هي فعلا جمله اسميه ولكن الخبر بتاعها جمله فعليه فجمله كده فيها جملتين فاقرب جمله لكلمه مسرعه هي كلمه جاءت فهمت يبقى تاني لو انت وجدت بعد المبتدا فعل يبقى انت هتعب لي من اول الفعل يبقى فعلا الجمله بتاعتها فعليه عشان بدات من جاءت طب اسال نفسك هي مين اللي جاءت اوعد يقول لي التاء ده التاء تاء التانيث جاءت هي الفاعل هنا ضمير مستتر تقديره هي لان الفاعل لا يتقدم على الفعل طيب يبقى انا عندي الشرط الاول تمام في جمله فعليه فين صاحب الحال اوعى تقول لتلميذه بص صاحب الحال بياتي بعد الفعل هي مين اللي جاءت هي الفاعل ضمير مستتر تقدره هي وهي الصاحب الحال طب الحال نكره منصوب ايوه مسرعه وتطابقت مع صاحبها اجابه عن كيف ايوه كيف جاءت التلميذه هتقول لي جاءت مسرعه فضله ايوه لو انا قلت لك التلميذه جاءت جمله مفيده ما فيهاش اي مشكله يبقى اذا كلمه مسرعه حال منصوبه وعلامه نصبها الفتحه وصاحب الحال ما تنساش ضمير مستتر تقديره هي المثال اللي بعده زيه بالظبط الطبيبات يعالجن المرضى مسرورات فين الكلمه اللي انت شاكك انها بينت حال صاحبها هتقول لي يا استاذ مسرورات يلا نبص على الشروط بتاعتنا جمله فعليه ما اتفقنا ان اصلا الجمله دي اسميه ولكن الخبر بتاعها جمله فعليه فانا هبدا الجمله بتاعتي من عند يعالجن المرضى مسرورات تمام يبقى اول شرط تمام يا ترى صاحب الحال معرفه هو فين اصلا صاحب الحال هم مين اللي مسرورات نون النسوه ولا المرضى لا ثانيه واحده الطبيبات يعالجن المرضى مين اللي بيكون مسرور وهو بيعالج اكيد الطبيبات ايوه يبقى صاحب الحال هو نون النسوه يبقى معنى كده ان صاحب الحال ممكن يكون اس اسم ظاهر ممكن يكون ضمير مستتر ممكن يكون ضمير متصل تمام طيب يبقى صاحب الحال معرفه الضمائر معرفه طب الحال نكره و منصوب ايوه ده مسرورات وخلي بالك ده منصوب وعلامه نصبه الكسره لانه جمع مؤنث سالم يبقى حال منصوب وعلامه نصبه الكسره وخلي بالك الحال يتطابق مع صاحبها في النوع نون النسوه جمع مؤنث مسرورات جمع مؤنث كلام سليم طيب هل لو انا حطيت كيف يا استاذ هتنفع ايوه كيف تعالج الطبيبات المرضى حد يقول لي الطبيبات يعالجن المرضى مسرورات حالهم كانوا مسرورات طيب ندخل على المثال الاخير عاد الجنود منتصرين فين الكلمه اللي انت شاكك انها حال هتقول لي يا استاذ والله الجنود كان حالهم كده الله اعلم منتصرين ماشي انا شاكك يلا اتاكد يلا نتاكد جمله فعليه ايوه عادل جنوده صاحب الحال معرفه هم مين اللي منتصرين ما انا قلت لك صاحب الحال يعني مين مين المنتصر الجنود ايوه معرفه اهي فيها الف ولام الحال نكره ايوه ده نكره ومنصوبه بالياء لانها جمع مذكر سالم كويس حط لي كيف لو سمحت كيف عاد الجنود هتقول لي عاد الجنود منتصرين اذا منتصرين حال منصوبه وعلامه نصبها الياء لانها جمع مذكر سالم فاضل شرط لو انا شلتها خالص عند حذف الحال يبقى او تبقى اركان الجمله مفيده او سليمه عاد الجنود ايوه ده الفعل عاد اصلا فعل لازم الجنود فاعل جمله مفيده يبقى في الحاله دي ااكد مليون في الم انها حال طيب فاضل عندنا شويه ملاحظات وندخل على النوع الثاني من انواع الحال بص يا ابني الحال عند حذفه لا يؤثر على اركان الجمله زي اشترى محمد كتابا اياك ثم اياك تقول لي ان كتابا حال عشان لو انا حذفتها اصلا ده ركن اساسي من اركان الجمله كده عرفنا المعلومه دي طيب في معلومه كمان لو انا قلت لك رايت رجلا مسرورا يلا فين الكلمه اللي انت شاكك انها حال هتقول لي يا استاذ مسرورا كلام جميل خالص ايوه حال الراجل وانا شايفه كان مسرور طب نبص كده على الشروط بتاعتنا جمله فعليه اه رايت رجلا مسرورا حلو صاحب الحال معرفه هو مين المسرور رجلا اوبا ده نكره يبقى اياك ثم اياك تقول لي ان دي حال ده دي اسمها نعت ان شاء الله يحيينا ويحييكم ربنا هناخدها في الترم الثاني ليه انا ما قلتش ان كلمه مسرورا حال لان صاحب الحال اللي انت مفكر ان هو صاحب الحال ليس معرفه وشرط اساسي من شروط الحال ان صاحبها لابد ان يكون معرفه يبقى رجلا هنا مفعول به منصوب مسرورا اسمها نعت يعني صفه هناخدها ترم الثاني ان شاء الله طيب اخر ملاحظه يا شباب عندنا بعض الثوابت الاعرابيه لو انت شفتها في الجمله دايما بتعر حال من هذه الكلمات لو انت شايف السبوره جميعا دايما العيال اللي هم كانوا في سنه خامسه كنت بقول لهم الحركه دي لو انت شفت جميعا رافعه ايديها كده يبقى ده حال منصوب لو انت شفتها منزله دراعها كده يبقى دي تعرب حسب موقعها في الجمله مش فاهم وحياتك لا تفهم لو انا قلت لك نجح الطلاب جميعا نجح جميع الطلاب يلا فين الكلمه او فين الحال فيها هاتين الجملتين اتفقنا ان كلمه جميعا اذا جاءت منونه بالنصب عامله كده اهو منونه بالنصب في الحاله دي هتكون حال منصوب وعلامه نصبه الفتحه اما اذا جاءت غير منونه وعامله كده اهو هتعرف حسب موقعها في الجمله يلا اعرب كده نجح فعل ماضي مين ان نجح جميع فاعل مرفوع واي اسم ياتي بعد جميع يعرب مضاف اليه كده عرفت المعلومه دي يبقى لو جالك مثلا في الامتحان وقال لك نجح جميع الطلاب اجعل الفاعل حالا فانت هتقول لي ايه نجح الطلاب جميعا طيب الكلمه الثانيه كلمه معا كلمه معا لو انت شفتها منونه بالنصب وعامله كده اهو برض هتكون حال منصوب لو انا قلت ذهب ابي مع اخي معا يبقى معا حال اما كلمه مع اللي هي عامله كده اهو منزله دراعها لتحت دي تعرب ظرف ظرف مكان او زمان على حسب السياق يبقى مع كده وما بعدها مضاف اليه من الكلمات اللي بترب دايما حال كلمه وحده انا سامع ولد زكي بيقول لي وحده ده مش نكره يا استاذ ده فيها ضمير ايوه ماه دي من الاستثناءات النحويه اللي طلعها العلماء ان كلمه وحد عندما تضاف الى الضمير تعرب حال اكيد بتسمع المنادي كل يوم اما بينع حد مثلا البقاء لله وحده اهي كلمه وحده حال منصوبه بشرط ان يتص صل بها ضمير وحده وحدنا وحدك وحدهن وحدهم تمام وعندنا من الث الثوابت والكلمات اللي بتعر حال بدلا اولا ثانيا خاصه وده هتجد عندك في الكتاب احنا كده اتكلمنا عن الحال واول حال خدناه اسمه الحال المفرد او المفرده يعني ايه الحال المفرد بقى هو ما عبر به عن الحال بكلمه واحده ليست جمله ولا شبه جمله خدها قاعده من الاستاذ رجب الحال المفرد هو اسم منصوب دايما بيكون اسم منصوب وكلمه واحده ما تنفعش لا جمله ولا شبه جمله طب يلا بينا ندخل على النوع الثاني من انواع الحال لو انت زي الشطور كده بصيت معايا حضر الاستاذ وسروره كبير فين الكلمه او الجمله اللي بينت حال الاستاذ هتقول لي وسروره كبير نلاحظ هنا يا شباب اللي انا عبرت عن الحال مش بكلمه واحده زي كلمه مسرورا ما هو الحال المفرد بيكون كلمه واحده منصوبه لكن سروره كبير ده جمله اسميه مفيده سرور مبتدا كبير خبر ولكن الجمله دي على بعضها عبرت عن حال الاستاذ طب لا لا مش فاهم يا استاذ ادخل في التفاصيل على طول واديني مثال كمان حاضر عشان تعرف ان الحال بتاعك جمله لازم يكون برض فيه خمس شروط معلش انا شروط كتير النهارده اول شرط لابد ان يكون صاحب الحال معرفه طيب اديني مثال وطبق عليه حاضر بص لي كده للمثال ده انطلق الشباب عزيمتهم قويه هسالك سؤال انا عايزك تستنبط كده من نفسك فين الكلمه او الجمله اللي بينت حال الشباب وهم منطلقين هتقول لي يا استاذ عزيمتهم قويه بين حال الشباب وهم منطلقين حلو اللي عرفني ان جمله عزيمتهم قويه دي جمله حال خمس شروط يلا بص على الشرط الاول هل صاحب الحال معرفه اول شرط واهم شرط عشان هتاخد ان شاء الله في النعت الجمل بعد المعارف احوال وبعد النكرات صفات لازم صاحب الحال هم مين اللي عزيمتهم قويه ما انا بسال عن صاحب الحال ههم مين هتقول لي الشباب حلو الشباب معرفه يبقى الشرط الاول تمام الشرط التاني هل جاء بعد المعرفه جمله لازم الشرط التاني يجي بعد الاسم المعرفه جمله بها رابط رابط يعني ضمير بيربط الجمله دي بصاحب الحال ثانيه واحده مش فاهم يا استاذ حاضر خليك واحده واحده فين الاسم المعرفه الشباب في جمله مفيده بعدها جمله اسميه او فعليه فيها ضمير ايوه عزيمتهم قويه والرابط اهو الهاء حلو ما هيي الهاء بص عزيمتهم يعني عزيمه الشباب الشرط الثالث الرابط اللي بيربط الحال بصاحبها حاجه من الثلاثه واو اسمها واو الحال وهتفهم بعد شويه او الضمير والضمير ده ممكن يكون خلي بالك ضمير منفصل زي هو او هي او هم او انت او انتم او ضمير متصل زي هاء الغيبه او ضمير مستتر كده عرفنا عشان نبقوا على نور طيب يبقى الرابط ممكن يكون واو الحال او الضمير او هما الاتنين مع بعض ممكن الجمله الواحده فيها اثنين رابط رابطين تمام طيب ده الشرط الثالث اهو الشرط الرابع بيكون دايما الحال اجابه عن سؤال بيبدا بكيف لو انت حطيت لي كيف يلا كيف انطلق شباب فانت هترد عل هتقول لي انطلق الشباب عزيمتهم قويه حلو هل هو فضله خلي بالك كلمه فضله دي شرط اساسي في الحال يعني ايه فضله او فضله فضله يعني زياده عن اركان الجمله عند حذفه لا يؤثر على اركان الجمله يلا انطلق الشباب والله جمله مفيده معيطتش انطلق فعل مين اللي انطلق الشباب يبقى في الحاله دي الجمله دي على بعضها اسمها حال جمله اسميه طب يا استاذ انت قلت لي الحال دايما نكره منصوب ما هو النكره المنصوب ده خاص بالحال المفرد امال الحال الجمله اعربها ايه صل على النبي انا لسه جايل لك ايه انطلق فعل ماضي صح مين اللي انطلق هدول للشباب اذا الشباب فاعل مرفوع وعلامه رفعه الضمه بالله عليك ركز في الحته دي انا لسه اجيل لك الحال هنا نوعه ايه انت قلت لي يا استاذ جمله اسميه طب وانت صغير خالص احنا اخدنا الجمله الاسميه بتتكون من ايه هتقول لي بتتكون عادي بتتكون من مبتدا وخبر بس خلاص يبقى كلمه عزيمه دي اسمها مبتدا وكلمه قويه اسمها خبر مبتدا مرفوع وخبر مرفوع انا جبت حاجه من عندي وما جبتش حاجه من عندي اهو ما هو انت اللي حددت بنفسك الجمله دي اسمها جمله ايه جمله اسميه والجمل الاسميه بتتكون من ايه مبتدا مرفوع وخبر مرفوع حلو يبقى عزيمه مبتدا مرفوع قويه خبر مرفوع بس ما تنساش ان الضمير المتصل بالاسم في محل جر مضاف اليه برده استاذ هو فين الحال برافو عليك هقول لك على حاجه هي الجمله دي لو انا شلتها كده وحطيت مكانها كلمه واحده مش هتبقى حال لو انا قلت لك انطلق الشباب اقوياء مش اقوياء حال منصوب حلو انا شلت الحال المنصوب وحطيت مكانه الجمله دي عشان كده الجمله دي اسمها في محل نصب حال اهو والجمله الاسميه الجمله في محل نصب حال بالله عليك ركز يا طالب اولى اعدادي يعني ايه كلمه محل نصب حال يعني الجمله دي مبنيه على مكان المكان ده اساسه مرفوع ولا منصوب ولا مجرور حتقوللي لا ده الحال منصوب يبقى الجمله دي في محل يعني المكان بتاعها منصوب والكلام ده اعتقد انت اخدته في انواع الخبر في سته ابتدائي تمام كده طيب ما فهمتش المثال ده يا حبيب قلبي بص للمثال اللي بعده بص كده شاهد الاب اطفاله وهم فرحون طلعلي كده زي الشطور الجمله او الكلمه اللي بتدل على حال صاحبها هتقول لي فرحون هقول لك عفوا ده الكلمه دي مرفوعه ما تنفعش الحال دايما منصوب اه هتقول لي وهم فرحون حلو خالص يلا نشوف الشروط بتاعتنا صاحب الحال معرفه ماعرفش يا استاذ هو فين صاحب الحال لا انت نسيت اسال هم مين اللي فرحانين الاب ولا الاطفال الاطفال هل الاطفال معرفه هتقوللي اه ده فيها ضمير اهو يبقى الشرط الاول تمام الشرط التاني هل جاء بعد الاسم المعرفه جمله مفيده ايوه هم فرحون الشرط الثالث هل فيها رابط من الثلاث روابط الواو اسمها واو الحال او الضمير سواء ضمير منفصل او متصل بارز او مستتر او هما معا هتقول لي ايوه ده الواو اهي اسمها واو الحال وهم ضمير منفصل وعلى فكره واو الحال معناها لو انا شلتها وحطيت مكانها الحال بص شاهد الاب اطفاله م او اطفاله حالهم فرحون فعشان كده سموها واو الحال طيب كده الشرط الاول والثاني والثالث نبص على الشرط الرابع هل ينفع حضرتك تحط لي كيف كيف شاهد الاب اطفاله فانت على طول هترد عليا والله يا استاذ شهد الا اطفاله وهم فرحون كلام جميل حط لي الشرط الخامس هل الحال هنا الزياده عن اركان الجمله يعني بحيث لو انا حذفته هل الاركان الثانيه هتعيط هتقول انا ناقصه لا طبعا اهو شاهد فعل ماضي الاب فاعل اطفاله هم اللي اتشاف مفعول به لو انا حذفت الحال ما فيش اي مشكله يبقى اذا وانت مغمض الحل هنا نوعه ايه جمله اسميه انت بعضمه لسانك لا بلاش بعضمه اللسان ما فيهوش عضمه بعضله لسانك انت قلت لي ده جمله اسميه هطلب منك اعربه اعربها ايه هتقول لي اه ده احنا خدنا في درس الضمائر ان الضمائر المنفصله بتكون في محل رفع مبتدا كلام جميل فرحون اه ده اهو خبر مرفوع وعلامه رفعه الواو وما تنساش ان الواو اسمها واو الحالي طيب انت لسه ما طلعتش الحال حد يقول لي ايه برافو عليك والجمله الاسميه في محل نصب حال دايما جمله الحال وشبه الجمله سواء اسميه او فعليه دايما هتقول لي في محل نصب يعني ايه في محل نصبي برض يعني الجمله كلها المكان بتاعها كان منصوب فانا شلت المكان بتاعها وحطيتها على المكان المنصوب عشان كده سميتها في محل نصب حال يعني لو انا شلت لو انا شلت الحال ده وحطيت كلمه واحده هيبقى منصوب بالمناسبه هيطلب منك في الامتحان ويقول لك حول الحال الجمله الى حال مفرده بالله عليك ركز في الكلمه اللي هقولها لك لو انت شلت لي لو انت حولت الحال الجمله الاسميه الى حال مفرد هتحط لي مكان الحال الجمله الاسميه كلمه واحده منصوبه اختر كده انا عايز بدل هم فرحون كلمه واحده بتعبر عن الحال بس مفرد يعني كلمه واحده منصوبه فانت هتقول ايه شاهد الابو اطفاله فرحين صح اه والله بس يبقى انا كده حولت الحال من الجمله الى المفرد طب ينفع تقول لي شاهد الاب اطفاله وهم فارحين لا لو انت قلت له هم يبقى لازم يكون بعدها خبر مرفوع ما ينفعش تقول لي فرحين عشان فرحين هتبقى خبر والخبر مرفوع ما فهمتش المثال الاول ولا اني بصي على المثال التالت يلا يذاكر التلميذ والاصوات عاليه ايه ده فين الكلمه او الجمله اللي بتعبر عن الحال العام اثناء المذاكره هتقول لي والاصوات عاليه يا استاذ انا كنت بذاكر ومكنه الرا شغاله ومش عارف الكلب كان بيعمل ايه والناس كانت بتعمل ايه فالجو كله الحال ما كانش عاجبني حلو الاصوات عاليه دي كده امسكها لي وشوفلي انطبق عليها الخمس شروط ولا لا هل صاحب الحال معرفه هو مين الحال اللي هو صاحب الحال اللي هو الاساسي خلي بالك الواو هنا اسمها واو الحال بتعبر عن الحال ككل اما اللي مختص بالحال هو التلميذ يبقى التلميذ صاحب الحال وده معرفه حلو هل بعد الاسم المعرفه في جمله اسميه او فعليه مفيده اه الاصوات عاليه كلام جميل لازم الجمله يكون فيها رابط من الثلاثه يا اما الواو او الضمير او هما معا فين الرابط الواو يا استاذ واو الحال يعني الحال كانت الاصوات عاليه يبقى انا عندي الرابط اهو يبقى تمام حط لي كيف كيف يذاكر التلميذ الحال كان عامل ازاي يذاكر والحال كانت الاصوات عاليه يبقى اذا جمله والاصوات عاليه على بعضها كده حال هل هو فضله ايوه يذاكر التلميذ يذاكر فعل التلميذ فاعل وطبعا المفعول به محذوف وده يجوز في الفعل المتعدي طيب عشان نعرب صح يلا يذاكر فعل مضارع مرفوع التلميذ فاعل مرفوع علامه رفعه الضمه الواو دي يا شباب اسمها واو الحال واو الايه الحال طيب انت لسه قاللي ان دي جمله اسميه يبقى الاصوات مبتدا عاليه خبر مرفوع والجمله الاسميه في محل نصب حال ايك تنسى طب نبص على المثال اللي بعده عاد محمد وهو مسرور فين الكلمه او الجمله اللي بتبين حال محمد وهو بيذاكر هتقول لي سهله وهو مسرور هقول لك تمام شوف الشروط فين صاحب الحال هو مين اللي كان مسرور محمد والحمد لله محمد علم يعني معرفه الشرط التاني هل بعد الاسم المعرفه جت جمله مفيده اسميه او فعليه اه هو مسرور هو مبتدا ومسرور خبر حلو فيها رابط ده فيها رابطين يا يا استاذ يا استاذ واو الحال والضمير المنفصل طيب هل ينفع تحط لي كيف كيف عاد محمد عاد محمد وهو مسرور حلو هل الحال بتاعك ده فضل يعني يمكن حذفه ولا يؤثر على اركان الجمله ايوه عاد محمد جمله مفيده يبقى في الحاله دي جمله وهو مسرور على بعضها اياك تنسى في محل نصب حال طب لو حبيت اعرب الكلمات حرفيا يعني الكلمات مفردات الواو اسمها واو الحال هو اياك تنسى ضمير منفصل في محل رفع مبتدا اما مسرور خبر مرفوع علامه رفعه الضمه والجمله الاسميه في محل نصب حال طيب سؤال ليك انت يا طالب اولى اعدادي لو طلب منك وقال لك حول الحال الجمله ده حال جمله اسميه الى حال مفرد ما تنساش لو طلب منك تحول الحال الجمله الاسميه الى حال مفرد اخترعي من الجمله دي كلمه واحده منصوبه تعبر عن صاحب الحال هتقول لي عاد محمد برافو عليك مسرورا اهو تمام كده والعكس بالعكس لو انا طلبت منك مثلا التلميذ جت مسرعه حول الحال المفرده الى حال جمله بمنتهى البساطه هتقول لي التلميذه جاءت ايوه تسرع او جاءت وهي مسرعه انت واد ممتاز يلا نكمل رجع الابو من عمله يبتسم هسالك سؤال فين الكلمه او الجمله اللي بتعبر عن صاحبها حال صاحبها هتقول لي يبتسم اذا يبتسم بس يبتسم فعل خلي بالك وكل فعل لابد له من فاعل مين اللي يبتسم هو ثانيه واحده يلا نشوف الشروط بتاعتنا ممكن يكون فقدنا شرط ولا بتاع هل كلمه يبتسم صاحب الابتسام معرفه هو مين اللي يبتسم عمله ولا الاب الاب ده معرفه يا استاذ يبقى احنا كده تمام بعد الاسم المعرفه هل جاء جمله مفيده بها رابط اوعى تقول لي من عميه يبتسم مالهاش معنى لا هي يبتسم عشان يبتسم فعل والفاعل مستتر ايوه يبتسم اول ما تشوف فعل يبقى هو اصلا جمله مفيده عشان كل فعل له فاعل حتى لو كان مستتر ما كانش باين طيب في رابط ايوه ده الرابط هنا ضمير مستتر يبقى الرابط الضمير واتفقنا الضمير ممكن يكون مستتر او بارز وغالبا بيكون مستتر مع الجمله الفعليه طيب لو انا حطيت لك كده كيف كيف رجع الاب من عمله هتقول لي رجع الاب من عمله يبتسم برافو عليك فضله ايوه رجع الابو من عمله حذفتها لا ماثرتش على اركان الجمله اذا يا شباب الجمله الفعليه في محل نصب حال طب اعربها لي تتسم لوحدها عارفها ايه ده فعل مضارع مرفوع والفاعل ضمير مستتر تقديره هو والجمله في محل نصب حال سؤال لك انت يا حبيبي طالب اولى اعدادي لو طلب منك وقال لك حول حول الحال الجمله الفعليه الى حال مفرده انت هتخت لي من الفعل ده اسم نكره منصوب هتقول لي ايه رجع الابو من عمله برافو عليك يا ولد انا سامعك مبتسما برافو عليك اهو مبتسما في الحاله دي كلمه مبتسما حال منصوب وعلامه نصبه الفتحه وهو حال مفرد لكن لو انا حبيت احوله لجمله اسميه هتقول لي ايه رجع الابو من عمله ها حط واو الحال وضمير يناسب صاحب الحال رجع الابو من عمله وهو مبتسم وهو يبتسم انت واد ممتاز يلا بينا على المثال اللي بعده جلس الطالب يقرا الدرس هسالك سؤال فين الجمله اللي بتعبر عن حال صاحبها عند حدوث الفعل حد يقول لي اه حال الطالب وهو جالس كان بيقرا الدرس يبقى جمله يقراوا الدرس حلو يلا بصي على الشروط مين اللي بيقرا الدرس فين صاحب الحال الطالب ده معرفه يا استاذ يبقى الشرط الاول تمام التمام هل بعد الاسم المعرفه جاءت جمله مفيده ايوه يقرا الدرس والفاعل هنا مستتر تقديره هو هل الجمله فيها رابط يعود على صاحب الحال ايوه يا استاذ اهو ضمير مستتر حلو ينفع تحط لي كيف اه كيف جلس الطالب جلس الطالب يقرا الدرس حلو فضله يعني لو انا حذفتها الجمله مفيده اه جلس الط طالب الجمله معيطتش في الحاله دي يا شباب الجمله الفعليه في محل نصب حال طب اعربها لي اعراب مفردات يقرا جلس فعل ماضي الطالب فاعل يقرا لوحدها فعل مضارع الفاعل مستتر تقديره هو الدرس مفعول به والجمله الفعليه في محل نصب حال يلا شوف انت شاطر ولا الطلبه بتوعي حول الحال الجمله الفعليه الى حال مفرد هتخت لي كلمه واحده منصوبه من الجمله دي جلست الطالب قارئا الله ينور عليك طب لو قال لك حولها لي لجمله اسميه جلس الطالب حط لي يلا واو ضمير وهو يقرا الدرس ممتاز نبص على المثال اللي بعده المعلم وقف يشرح صعبه لا مش صعبه فين الكلمه او الجمله اللي بينت حال المعلم وهو واقف هتقول لي اشرح برافو عليك طب ثانيه واحده نشوف الشروط صاحب الحال هو مين اللي يشرح ما تقوليش المعلم انا عايز اللي بعد الفعل وقف هو صاحب الحال هنا ضمير مستتر بعد وقف طيب بعد المعرفه الاسم المعرفه في جمله مفيده ايوه يشرح عشان انت لسه جيللي يا استاذ الفعل لابد له من فاعل حتى لو مش ظاهر هيكون مستتر يشرح هو حلو في رابط ايوه اهو رابط ضمير مستتر في كيف لو حطيت كيف كيف وقف المعلم هتقول لي وقف المعلم يشرح كان حاله وهو واقف عمال يشرح زي انا كده طب فضله ايوه المعلم وقف جمله مفيده على فكره ما هي وقف لها فاعل كاني قلت المعلم وقف هو حلو في الحاله دي الجمله الفعليه في محل نصب حال تمام ويشرح لوحدها فعل مضارع مرفوع طب انا لو سالتك وقلت لك حول الحال الجمله الفعليه لحال مفرد هتقول ل ايه المعلم وقف برافو شارحا لازم تكون نكره منصوبه المثال اللي بعده عرفت الصديق يؤدي عمله كيف عرفت الصديق حقول لي يؤدي عمله يبقى الجمله اللي انا شاكك انها حال جمله يؤدي عمله اسال نفسك هل الشروط انطبقت اه مين اللي بيؤدي عمله الصديق وده الحمد لله ده معرفه هل بعد الاسم المعرفه جاءت جمله مفيده ايوه يؤدي هو عمله فيها رابط ايوه ده ضمير مستتر وفي ضمير متصل في عمله كمان اجابه عن كيف كيف عرفت الصديق كان حاله ايه اما عرفته كان يؤدي عمله حلو فضله ايوه عرفت الصديق عرف فعل ال فاعل الصديق مفعول به يبقى اذا يؤدي فعل والفاعل مستتر عمله مفعول به والجمله في محل نصب حال هسالك سؤال برض اجعل يعني حول الجمله الفعليه اللي هو الحال الى حال مفرده هتخت لي كلمه واحده منصوبه هتقول لي عرفت الصديق ها مؤديا عمله برافو عليك اخر مثال عشان ندخل على اخر جزء في الدرس يعيش الناس وهم متحدون يلا فين الحال كيف يعيش الناس اي اهو وهم متحدون طب في طالب قال لي يا استاذ متحدون حال تنفع متحدون لوحدها لا عشان مرفوعه الحال لو كانت كلمه واحده لازم تكون منصوبه اما لو كانت جمله هتتك من مبتدا وخبر وهي في محل نظب لو انا شفت الشروط منطبقه صاحب الحال الناس معرفه بعد المعرفه جمله مفيده ايوه فيها رابط اه ده فيها رابطين واو الحال والضمير هل اجابه عن كيف كيف يعيش الناس وهم متحدون طب فاضله ايوه لو انا حذفتها الجمله مفيده يعيش الناس الناس عايشه عشان عشان يعيش احيانا بيستعمل لازم واحيانا متعدي السؤال هم لوحدها عارها ايه هتقول لي ضمير في محل رفع مبتدا متحدون خبر مرفوع وعلامه رفعه الواو لانه جمع مذكر سالم لو سمحت حول لي الحال الجمله الى حال مفرده انت قلت لي يا استاذ عشان احولها لحال مفرد اخترع ايوه اخترع لي اسم نكره منصوب حد يقول لي يعيش الناس متحدين بالياء انت ولد ممتاز طب دي امتحان من الامتحانات هو اصلا الدرس ده على ثانيه اعدادي وقال له صوب الخطا يعيش الناس وهم متحدين لا طبعا يا استاذه انت قلت لي هم مبتدا واللي بعدها لازم يكون خبر مرفوع انت ولد ممتاز بعد ما عرفنا يا شباب الحال المفرد والحال الجمله سواء اسميه او فعليه وعرفنا الشروط ندخل على الحال شبه الجمله اولا شبه الجمله انت اخدته في خمسه ابتدائي يعني جر ومجرور او ظرف في مكان او زمان طيب لو انا قلت لك حضر الاستاذ في سرور فانا بدل ما قلت لك حضر الاستاذ مسرورا انا عبرت عن حال الاستاذ في الجار والمجرور طب عشان اعرف ان الجر والمجرور او الظرف ده حال عندي اربع شروط الشرط الاول لازم صاحب الحال يكون معرفه خلي بالك صاحب الحال معرفه في كل الاحوال سواء حال مفرد او جمله او شبه جمله طيب بعد الاسم المعرفه لازم يكون في شبه جمله ولازم يكون اجابه لسؤال بيبدا بكيف ولازم يكون ف فضله برض او فضله اكتبها زي ما تكتبها بص كده معايا جلس التلميذ في صمت فين شبه الجمله اللي بيعبر عن حال التلميذ هتقول لي في صمت برافو عليك نشوف الشروط مين اللي جالس في صمت التلميذ صاحب الحال معرفه كلام جميل هل بعد المعرفه شبه جمله ايوه لو انا قلتلك كيف هينفع كيف جلس التلميذ هتقول لي في صمت هل هو زائده فضله ايوه جلس التلميذ طب هسالك سؤال اعرب كده معايا جلس فعل ماضي تلميذه فاعل مرفوع في حرف جر صمت اسم مجرور ايوه كمل وشبه الجمله في محل نصب حال هقول لك تاني يعني ايه في محل نصب حال يعني انا لو شلت شبه الجمله و حطيت كلمه واحده مفرده هتكون منصوبه تمام طب بالمناسبه حول لي الحال شبه الجمله الى حال مفرده اخترع لي من شبه الجمله كلمه واحده منصوبه هتقول لي جلست تلميذ صامتا انت ولد ممتاز نكمل ينصت التلاميذ الى المعلم باهتمام لو انا قلت لك كيف ينصت التلاميذ الى المعلم هتقول لي باهتمام اذا باهتمام الباء حرف جر اهتمام اسم مجرور شبه الجمله عبر عن حل مين هل المعلم اللي كان جالس ويصد باهتمامه ولا التلاميذ لا التلاميذ يبقى التلاميذ هي صاحب الحال تمام الشروط بتاعتنا صاحب الحال معرفه وبعد المعرفه شبه جمله وينفع احط كيف وفضله اذا باهتمام جر ومجرور في محل نصب حال طب هسالك سؤال اجعل الجر والمجرور حالا مفرده هتخت عل لي من كلمه اهتمام كلمه واحده منصوبه هتقول لي ينصت التلاميذ الى المعلم ها مهتمين برافو عليك ليه ما قلتش مهتما عشان صاحب الحال جمع لازم الحال هو كمان يكون جمع نكمل اقمنا الصلاه بخشوع كيف اقمت الصلاه هتقول لي خشوع انا بدل ما قلت لك اقمنا الصلاه خاشعين حال مفرده منصوبه فانا عبرت عن الحال بجر ومجرور يبقى البا حرف جر خشوع اسم مجرور وشبه الجمله في محل نصب حال لو انت بصيت على الشروط الشروط منطبقه هي مين اللي كان مين اللي كنا بخشوع خاشعين النا خلي بالك يا صاحب الحال مش الصلاه وعلى فكره الامانه العلميه يجوز ان صاحب الحال يكون الصلاه عشان الخشوع بيكون صلاه وبيكون اللي صلى ما علينا طيب هل ينفع احط كيف ايوه كيف اقمنا الصلاه بخشوع طيب لو انا قلت لك حول الحال شبه الجمله لحال مفرده قدامك حالين بص لو انت بتقصد الخشوع لنا احنا هتقول لي اقمنا الصلاه خاشعين لو انت بتقصد الصلاه هتقول اقمنا الصلاه خاشعه والله الاثنين ينفعوا تمام نكمل رايت القائد وسط الجنود كيف رايت القائد ايوه وسط يبقى الحال انا عبرت عن الحال هنا بظرف يبقى شبه جمله يبقى رايت فعل فاعل القائد مفعول به وسط ظرف مكان واي اسم ياتي بعد الظرف مضاف اليه وشبه الجمله في محل نصب حال تمام لو انت بصيت على الشروط تمام التمام ركز في المثال اللي بعده خرجت مع ابي ايه ده خرجت مع ابي انا عايز اطلع حالي اه كيف خرجت كان حالك ايه ده انا كنت بصحبه ابي مع اتري مع دي ظرف ما تنساش لو انا بصيت مين اللي كان مع ابي ده انا التاء يبقى صاحب الحال تاء الفاعل وده معرفه وجاء بعده شبه جمله وينفع تحط لي كيف وفضل اذا مع هتقول لي ظرف مكان منصوب وعلامه نصبه الفتحه وهو في محل نصب حال ابي طبعا مضاف اليه احنا كده خلصنا الدرس فاضل ملاحظتين وننهي الحصه جاء ابي ماشيا يتالم يلا طلع لي الحال اه هتقول لي ماشيا واحد تاني اهو جنبك اهو بيقول لي يتالم ايوه انتوا الثنين صح الحال احيانا بيتكرر يعني الجمله الواحده صاحب الحال بيكون ليه كم حال حالين ابوك الله يدي له الصحه يا رب بيدي من الشغل ماشي عشان يوفر المواصلات عشان يصرف عليك وحاله كان ماشي ومش بس كده بيتالم كمان من المشي يبقى كلمه ماشيا حال وصاحب الحال كلمه ابي بس ده حال مفرد اما يتالم حال جمله فعليه طب انا لو سالتك سؤال انا عايزك تحول لي الحال الجمله الفعليه يتالم الى حال مفرد هتقول لي ايه برافو عليك جاء ابي ماشيا متالما طب انا لو قلت لك حول لي الحال الجمله الفعليه لحال جمله اسميه ما تنساش واو الحال وضمير منفصل جاء ابي ماشيا وهو يتالم او هو متالم انت ولد ممتاز نكمل الصديق اخلاقه حسنه فين حال الصديق انا عايز اوجعك هتقول لي اخلاقه حسنه يلا طلع الشروط شروط ما هو ده جمله اسميه اول شرط اخلاقه حسنه جمله بها رابط اه صاحب المعرفه اه هل هو فاضله ايه ده ده انا لو حذفتها يا استاذ الجمله اصلا باظت يبقى اياك اياك تقول لي ان اخلاقه حسن حال عشان اصلا ده الصديق مبتدا وما جتش في جمله فعليه اصلا الصديق مبتدا لكن الجمله دي على بعضها في محل رفع خبر نكمل رايت صديقا اخلاقه حسنه انا شايفك كده اللي انت تصحصح ليه اولا دي ما تنفعش حال ليه لان صاحب الحال هنا نكره لازم صاحب الحال يكون معرفه طب لو قلت لك حول لي اخلاقه حسنه لحال هتقول لي رايت الصديق اخلاقه حسنه امال الجمله الاولى دي يا استاذ ايه حكايه اخلاقه حسنه دي ان شاء الله هناخدها في النع في الترم الثاني عشان القاعده العريضه بتاعتنا بتقول الجمل بعد النكرات صفات وبعد المعارف احوال يا رب ماكونش نسيت اي حاجه في الدرس اشوفكم على خير في حل تدريبات درس الحال ان شاء الله وخلي بالك حل التدريبات هو اللي هيكمل لك كل افكار الدرس السلام عليكم ورحمه الله وبركاته