فيثاغورس ليس أول من ابتكر نظرية فيثاغورس النيرد العربي

نظرية فيثاغورس واللي هي المعادلة الأشهر بالرياضيات واللي معذبة الطلاب خطيه هي فد علاقة بين أطوال أضلاع المثلثات القائمة الزاوية والعلاقة كلنا نعرفها مربع الوتر يساوي حاصل جمع مربعين الضلعين الاخرين استخدموها القدماء في شغلات كلش هواي وأهمها هي تقسيم الأراضي إلى مستطيلات متساوية ودقيقة وباستخدام أدوات بسيطة جداً ومو معقدة مثل اللي نمتلكها حالياً اتخيلوا وياي هاي الورقة هي عبارة عن حقل يريدون يقسمونه وحتى يحددون جزء المستطيل من عنده لازم طول الأضلاع تكون أرقام صحيحة وتنطبق عليه نظريه فيثاغورس مثل 9 و 12 فراح يمشون 9 وحدات أفقياً وبعدين 12 وحده عمودياً وبعده يحددون الوتر بيناتهم واللي رح يكون طوله 15 لأن 9 تربيع زائد 12 تربيع يساوي 225 واللي هي 15 تربيع وبهذه الطريقة طلع عندنا مثلث قائم الزاوية ومثالي وبنفس الطريقة يرسمون واحد ثاني شبهه ومجاور إله فصار عندنا قطعة أرض مستطيلة تماماً ودقيقة نقدر نستخدمها حتى نقيس ونحدد بقية الأجزاء من خلال مد الأضلاع أفقياً وعمودياً بس المفاجأة أنه نظرية فيثاغورس اللي ذكرتها إلكم كانوا يستخدموها القدماء قبل فيثاغورس نفسه فأنا وياكم علي السالمي وهذه حلقة جديدة من النيرد العربي أريدكم تركزون وياي تشتركوا بالقناة وتفعلون زرالجرس وتابعوا وياي تفاصيل هذا اللغز العلمي والتاريخي نظرية فيثاغورس هي يمكن أكثر نظرية بالرياضيات عليها إثباتات هندسية وجبرية وهذا يراوينا أهميتها بعلوم الهندسة واسمها على اسم الفيلسوف الأغريقي فيثاغورس اللي عاش بالقرن الخامس قبل الميلاد ولكن حالها حال كثير من نظريات بالعلوم اتسمت على غير أصحابها نظرية فيثاغورس إلها آثار من الكثير من الحضارات الإنسانية فالآسيويين و الفراعنة كانوا يستخدموها ببعض الحسابات ولكن أقدم آثر إلها موجود على لوح طيني محفورعليه كتابات مسمارية أقدم من فيثاغورس بألف سنة اللوح هذا اسمه واكتشفوه بالعام 1894 بالعراق بالضفة الشرقية من نهر الفرات في ما يعرف اليوم بمنطقة اليوسفية في بغداد وموجودة حالياً في متحف الآثار في اسطنبول اللوح هذا هو أقدم مثال على الهندسة التطبيقية عبارة عن خريطة لأحد الحقول حتى يقسمونه بعد ما انباع جزء من عنده القياسات بهاي الخريطة كلش دقيقة أدق من المتوقع بالنسبة للأدوات بذاك الوقت واللي هي الحبال والمساطر ولكن بالحقيقة إن الأداة التي انتجت هاي الدقة هي العقول البشرية اللي فهمت جيداً هندسة المستطيلات والمثلثات والعلاقة مابين أطوالهم ومساحتهم الأرقام الفعلية واللي هي الأطوال والمساحات مكتوبة على هذا اللوح باللغة المسمارية وبنظام رقمي يعتمد على العدد 60 لأن الأرقام تصير سهلة بالتقسيم وأصلاً نظام 60 دقيقة والثانية اللي نستخدمه حالياً بقياس الوقت جاي من النظام البابلي للأرقام بس هم البابلية بذاك الوقت شلون جانوا يعرفون الأرقام اللي تنطبق عليه نظرية فيثاغورس أو الأرقام الفيثاغورية مثل ما نسميها حالياً أكو لوح ثاني يعود لنفس الفترة واللي هو عبارة عن جدول للأعداد الفيثاغورية يعني كان أكو أشخاص وظيفتهم أن يبحثون عن هاي الأعداد ويجدولوها حتى يستخدموها بهاي الحالات واللي فك أسرار هذا اللوح هو عالم الآثار الاسترالي دان مانسفيلد من خلال بحث نشره بالعام 2021 وبعد ما قضى عدة سنوات بالبحث عن هاي القطعة الأثرية المميزة هذا البحث عرفنا أكثر على عظمة الحضارة البابلية وتطورها الرهيب بمجال الرياضيات والهندسة كذلك أسلافهم السومريين هم اللي اخترعوا أول نظام كتابة بالعالم بس لحد الآن النظرية تنسب إلى فيثاغورس مع وجود كلام أن هو أصلاً ما اكتشفها وخمطها من غير ناس بس ما نريد نخوض بهذا الجدال!